23233	MAT 1:20	Jamaya jjashahuabaquianijo Joseya cahuiba ca poa. Oe Eyacuiñajjija esohuidojojji miminaje onijje. Jama poanaje baꞌa: —Jose, ¡aꞌa Mania cajaa ajji! ¡Oya huanacue! Oja bacua Eyacuiñajjija Edojjoshahua Pameja baꞌe mee.
23274	MAT 3:13	Majoya Jesosa Janinea meshi yobijo ani macua huasijje poꞌoquequinaje Jodana cuei yasijje Huani que. Jesosaa Huani ba majje jama acanaje baꞌa: —Huani, ¡eya besa meecue Eyacuiñajjijo, miyaya!
23275	MAT 3:14	—Chojja, Emeshi Mese —Huani poanaje—. ¡Miyaya eya besa meecue Eyacuiñajjijo, miya quea pame nee neejo! ¿Yajjajje miya e que poeꞌyonaje? Eya ca ca iña quea pame pishana, de.
23365	MAT 6:14	—Eꞌe, ¡jiquio ecua eya jama jjashahuabaquime oe pocue! Pea cuana nijje mimicue jama baꞌa: “Miya enijje mimijajinaje quea tai. Jamatii eya miquea mimishijo queneꞌama” jamaya pocue. Jamaya pea nijje mimianijo Eyacuiñajji miquea mimishijo queneꞌama poajeꞌyo peaꞌai.
23416	MAT 8:2	Oe dejja quea mano nee, batata epoꞌyo poeyanaje Jesosa que. Ecuiꞌoshajjajo nequinaje o bihuiajji. Jama poanaje baꞌa: —Jesosa, ecuea eba miya ona jjajeaqui meeꞌyojji nei nei poani. Jamajjeya miyaya eya jjajeaqui meeꞌyo sa amajje ¡mo che jjajeaqui meeꞌyocue!
23417	MAT 8:3	Jesosaa ma dejja napaꞌajja canaje emeya. Jama miminaje onijje baꞌa: —Eꞌe, eyaya miya jjajeaqui meeꞌyo sa aña. ¡Jjajeaquiꞌyocue miya! Jjajeaquinanaꞌyonaje jjeya nei.
23420	MAT 8:6	Ohuaya Jesosa huohui neinei canaje jama baꞌa: —Jesosa, ecuea epeejji, ¡shajjaꞌajjacue mo che! Ecuea echacojji poani quea mano nee nee ecuea equijo jaa. Jeoꞌyo ajja poanaje. Quea yami nee nee jaa —poanaje.
23421	MAT 8:7	Jesosaa oya sajaꞌa canaje jama baꞌa: —Eꞌe, eya poquije miquea equi yasijje miquea echacojji poani huaquia meeꞌyohua.
23422	MAT 8:8	—Chojja, Jesosa —sohuinano huoojeajji poanaje—. Miya Jodio dejja quea pame nee nee poanijo ¿apiojji ecuea equi yasijje dobiquije? Eya Jodio pojjeama; quea pame pojjeama. Miya jjahuaquiameequiꞌyojji nei nei. Jamajjeya ecuea echacojji quea huesha jaa. ¡Miyaya jiquiojo tii nequiya huohuicue! ¡Huaquia meeꞌyocue!
23446	MAT 8:32	—Eꞌe, ¡poquicue cuichi cuana huasijje! ¡Dobiquicue! —Jesosa poanaje. Jamajjeya dejja cuana jeananaꞌyo majje eshahua cuana cuichi cuana huasijje dobiquinaje, ojjaña. Dobiqui majje cuichi cuana cuajicuaji jaaoquequinananaje. Bae quea sahua doe nee nee yasijje cuichi cuana huiꞌiꞌyonaje, ojjaña.
23450	MAT 9:2	Jomajo pea dejja cuaa quibojjisha quea mano nee jaa ye canaje Jesosa que, equipajaajjijo. Ma ba majje Jesosa jjashahuabaquinaje jama baꞌa: —Eꞌe, jiquio dejja cuana jjashahuabaquiani eya ejjaajaqui meeꞌyojji nei nei. Jamajjeya Jesosaa emanojaa huohui canaje: —Eꞌe ecuea epeejji, ¡quea bihui nee pocue! Eyaya miquea mimishi cuana cuijeaꞌyonaje.
23457	MAT 9:9	Majoya Jesosa poquinaje pea cuiñajji cuana huasijje. Poquijeya Mateo ba canaje equi ejjeshejji jaahuanajjijo ani. Mateo ona sose jjeshejji poani, ebaꞌejji sosejje. Ojjañaja emeshi meseja esohuijo jjeshe mee cani, dejja cuana ebaꞌejji sosejje. Ba majje Jesosaa Mateo iyaa canaje: —Mateo, ¡enijje poꞌyocue! Jamajjeya Mateo nequisohua majje Jesosa nijje poquiꞌyonaje.
23462	MAT 9:14	Majoya Huani, ma ona besameejji poa ejeanobiajea jaa. Ojaya eshajjaꞌajjajji cuana poeyanaje Jesosa que. Jama huohuiꞌajjame acanaje baꞌa: —Ecuana, Paniseo cuana peaꞌai Jodio etiiquianaja esohui jama poanijo bobi ijjiaꞌijjia jjima ani Eyacuiñajjijo jjashahuaba neineiquianijo, onijje mimi neineianijo. Jesosa, ¿apiojji acuae mi mi shajjaꞌajjajji cuana jama po ajja? —oya cuana poanaje beshahua nei quea tecue.
23463	MAT 9:15	Jesosaa oya cuana sajaꞌa canaje: —Chojja, eya ecuea epeejji cuana nijje yanijo caꞌijjia cahua. Ejjahuanaquijjijo yahueja epeejji cuana onijje yanijo caꞌijjiaꞌijjiaquiahua. ¿Aꞌa yahueja epeejji cuana onijje yanijo quea yeno? Chojja. Quea bihui nee. Yahue poquiꞌyajo ca ca oe ojaya epeejji cuana ijjiaꞌijjia sa po ajja poaje, quea yeno jjejojo jjashahuaba neineiquiani. Eya jiquio ecua yahue poquiani jayojjaya jama poaje: Quijje eya poquiꞌyo majje ecuea epeejji cuana Eyacuiñajjijo jjashahuaba neineiquianijo ijjiaꞌijjia ajja poaje.
23470	MAT 9:22	Epona namaꞌyo ba canaje. Jama poanaje onijje baꞌa: —She, ¡quea bihui nee pocue! Miya quea jaꞌa jjashahuabaquinaje ejo jama baꞌa: “Eꞌe jojo nei Jesosaa eya najji popajea mee cajeꞌyo”. Jamajjeya eyaya miya najji popajea meeꞌyonaje. Jamajjeya ma epona najji popajeaꞌyonaje.
23475	MAT 9:27	Quijje pishana Jesosa ma equijo ani cuayaquiꞌyonaje. Ejiojjijje poquianijo beca dejja o quiquishijji poquinaje, cojjamaꞌ cuana. Taaanaje jama baꞌa: —Jesosa, miya emeshi mese Dabija bacua. ¡Ecuanajo jjashahuabaquicue! ¡Cojjajji mo po meeꞌyocue!
23476	MAT 9:28	Jesosa pea equi yasijje dobiquiajo cojjamaꞌ cuana o que poeyanaje. Jesosaa oya cuana huohuiꞌajja canaje: —Miquianaya ejo jjashahuabaquiani jama baꞌa: “Eꞌe, Jesosa ca ca quea cojja jaꞌa jjapo meequiꞌyojji, de”. —Eꞌe, Jesosa, miya quea cojja jaꞌa jjapo meequiꞌyojji —poanaje cojjamaꞌ.
23477	MAT 9:29	Jamajjeya Jesosaa ojaya ecojja napaꞌajja canaje emeya. Huohui canaje jama baꞌa: —Eꞌe, miquianajaya ejjashahuabaquijji ejo quea jaꞌa nee nee. Jamajjeya eyaya cojjajji po meejeꞌyo nequiana.
23478	MAT 9:30	Jjeya nei quea cojja jaꞌa nee nee poꞌyonaje. Jesosaa huohui neinei canaje peaꞌai: —Eꞌe, eyaya miquianaya quea cojja jaꞌa po meeꞌyonaje. Jamatii ¡aꞌa jihuohuijji soꞌo! —acanaje.
23507	MAT 10:21	—Eꞌe, quijje pishana dejja cuana, ponaña peaꞌai quea mase nee poaje ecuea epeejji cuana nijje. Jamajjeya eꞌoꞌi mese oja chahua iña meesahua cajeꞌyo onajaya equecuaꞌyojji. Ejeajji cuaa jamaya acajeꞌyo oja bacua. Ebacua cuana shajjamaꞌ poaje. Dejja mase oja chii, oja enaese pojjaꞌa iña mee cajeꞌyo equecuaꞌyojji.
23531	MAT 11:3	Oya cuana Jesosa huohuiꞌajjaña meequi canaje jama baꞌa: —Jesosa, yahuajo Huaniya huohui canaje jama baꞌa: “Eyacuiñajjiya Emeshi Mese nei ojjaña jaahuanajji huoojea cajeꞌyo ecuana huasijje”. ¿Aꞌa miya ma Emeshi Mese nei? Eꞌe pojjaꞌa ecuaa pea ishoaje. ¡Jamajjeya huohuicue miyaya! ¿Yajja shai ecuaa Huani ajeꞌyo soꞌo? —Huanija eshajjaꞌajjajji cuana poanaje.
23564	MAT 12:6	—Eꞌe, eyaya miya eꞌe jojo nei huohuiaña jama baꞌa: Moisesija esohui Eyacuiñajjija equijo quea jaꞌa pishana yahuajo nei poa. Ecuea esohui ca ca quea jaꞌa nee nee —Jesosaa acanaje—.
23568	MAT 12:10	Jomajo dejja meshahuamaꞌyo epo aninaje. Jamajjeya Jesosa ba majje Paniseo cuana jama jjashahuabaquinaje baꞌa: —Eꞌe pojjaꞌa Jesosaa chaco caje epojja ejomishocajjijo; eꞌe pojjaꞌa emeꞌ jeapisa mee cajeꞌyo epojja ejomishocajjijo. Cabaꞌajja sahua —poanaje Paniseo. Jesosa nijje mimijaji sa poanaje. Jamajjeya oya huohuiꞌajja canaje Paniseo cuaa: —Jesosa, ¿aꞌa dejja quea mano jaa miyaya huaquia meeꞌyome epojja ejomishocajjijo?
23571	MAT 12:13	Ma mimi majje Jesosaa meshahuamaꞌyo epo jama acanaje baꞌa: —Epeejji, ¡miquea emeꞌ jeapisaꞌajjaꞌyo socue! Jamajjeya emeꞌ jeapiihui majje emeꞌ jeapisa caꞌyonaje; pea mijijje jayojjaya poꞌyonaje.
23574	MAT 12:16	Jama poanaje baꞌa: —Eꞌe, eyaya miya huaquia meeꞌyonaje. ¡Jamatii aꞌa jihuohuijji soꞌo!
23582	MAT 12:24	Ma shajjaꞌajja majje Paniseo cuaa Jesosa niñeba canaje. Jama poanaje baꞌa: —Chojja, de. Jesosa aje oe eyamiquecua pojjaꞌa. Ohuaya aje jja oe eshahua cuana huoojeacuayajea canaje Edosiquiana etii nijjeya, Satanasa bajjani, pea bajjani Meesemo nijjeya —poso acanaje Paniseo cuaa.
23618	MAT 13:10	Quijje o shajjaꞌajjajji cuana poeyanaje Jesosa que. Huohuiꞌajja canaje: —Jesosa, ¿apiojji miyaya esohui eba meesahuajji quea quehua huohuiaña jiquio dejja cuana huasijje?
23638	MAT 13:30	Ojee sipone nijje catiiquiahua. Eꞌe, majoya anoso jahuajo eyaya huoojeaje anoso sejjaꞌyojji cuana anoso sejjaa. Sejjajeyo majje anoso chichaje. Ecuea equi yasijje iyanobiaje anoso, ecuea ejaahuanajji. Sipone ca oe caquiyojeaquiꞌyahua pasiꞌyo majje” poanaje eque mese. —Eꞌe, jiquio eque meseya sipone dahuajea cani jama dejja mimishi Eyacuiñajjiya acajeꞌyo. Anoso sejjajeyo majje equijo huana cani jamaya ecuea epeejji ajeꞌyo —Jesosa poanaje.
23644	MAT 13:36	Majoya Jesosaa —Poquia iña —acanaje dejja cuana. Bishejo ani cuayaquiꞌyo majje poquinaje equi yasijje. Dobiqui majje o shajjaꞌajjajji cuana o que poeyanaje. Huohuiꞌajja canaje: —Jesosa, ¡ba meesahuacue ehuohuiꞌyo siponejo! Maya ecuanaja quea quehua.
23645	MAT 13:37	Jamajjeya Jesosaa oya cuana huohui canaje: —Eꞌe, eya ojjañaja Edoe Mese anoso banajji nei nei jama.
23649	MAT 13:41	—Eꞌe, eyaya ojjañaja Edoe Meseya esohuidojojji cuana huoojeaje dejja mimishi cuana iñaa, ona mimishi po meejji poani peaꞌai iñaa.
23659	MAT 13:51	Majoya Jesosaa oya cuana huohuiꞌajja canaje: —¿Aꞌa ecuea esohui quea jaꞌa nee? ¿Aꞌa jjabahuejjaquinaje? —Eꞌe, quea jaꞌa nee.
23674	MAT 14:8	Jamajjeya epona shoꞌi poquinaje ojaya enaese Enodiasi huohuiya. —Eꞌe —oja nae poanaje—, eꞌe ¡Huani sapa jajasejjajea meequicue, she! Epona shoꞌi poe oꞌoyanaje Enode que. Huohui canaje jama baꞌa: —Huani, ma ona besameejji poani ejeanobia jaa. ¡Ojaya esapa jajasejjajeaꞌyo majje piatojo jjequicue jjeyahua nei! Maya eya sa poani.
23681	MAT 14:15	Siniajo Jesosa que poe majje o shajjaꞌajjajji cuaa huohui canaje jama baꞌa: —Jesosa, sinia coma, de. Jiquiojo chamaꞌ equi, chamaꞌ bobi peaꞌai. ¡Dejja cuana huoojeacue cuiñajji sisi cuana huasijje oja bobi jjesheya!
23696	MAT 14:30	Jamatii poqui pishana majje beni tii tii, enashajo quea quemo nee nee ba majje metenaje, de. Mete majje jaadobiꞌajjaquinaje Peno. Taaanaje: —Jesosa, ¡eya huiꞌijeꞌyo! ¡Iñacue mo, oe! —poanaje.
23702	MAT 14:36	Jama huohuiꞌajjame acanaje cuaa baꞌa: —Jesosa, ¡ojjaña emanojaaca cuana che mique daqui iñaꞌajja meecue ehuaquiaꞌyojji! —acanaje. Ojjaña oja daqui cuema iñaꞌajja majje jjaajacuajiquiꞌyonaje, huaquiaꞌyonaje peaꞌai, de.
23714	MAT 15:12	Quijje o shajjaꞌajjajji cuaa Jesosa huohui canaje jama baꞌa: —Jesosa, miquea esohuijo Paniseo cuana quea quene poani minijje —poanaje.
23717	MAT 15:15	Penohua Jesosa huohuiꞌajja canaje: —Jesosa, ecuanajaya ca ca esohui quea quehua miquea. ¡Ba meesahuacue mo!
23725	MAT 15:23	Jamatii Jesosaja oya sajaꞌa jjima. Jamajjeya ojaya eshajjaꞌajjajji cuana Jesosa nijje miminaje: —Jesosa, ¡epona huoojeacue! Joya ese nijje taaajebeje.
23729	MAT 15:27	Epona quea shoe jama jjejojo jama poanaje baꞌa: —Eꞌe, Emeshi Mese. Jamatii o huonejjiya ijjia canijo, iñahuehuaa ehuonejjija ijjiasejja caꞌijjia cahua —poanaje.
23730	MAT 15:28	—Epona, miya ca mi ca oe quea jaꞌa nee, quea pame nee ejo jjashahuabaquiani. Jamajjeya eyaya miquea esohui jayojja jama ajeꞌyo. Jjeya nei miquea ebacua piona jjaajaqui meejeꞌyo —Jesosaa acanaje. Jamajjeya jjeya nei oja bacua piona jjaajaquiꞌyonaje; quea aja nee poꞌyonaje.
23733	MAT 15:31	Ba majje ojjaña cuana quea bihui nee nee poanaje. Eyacuiñajji bihuia neinei canaje: —Eꞌe, e, mimiꞌajja cuana quea jaꞌa mimi mee caꞌyonaje; jiojjijjajja jeo mee caꞌyonaje; quibojjisha jjaquibopiqui mee caꞌyonaje; cojjamaꞌ quea cojja jaꞌa po mee caꞌyonaje, jjabaqui mee caꞌyonaje peaꞌai. Ma ecua ohuaya jjajaꞌaqui jjimahua Isaeni cuana nijje acaninaje, jamaya aje jja oe jjeya acani, Jesosaa —acanaje cuaa.
23742	MAT 16:1	Majoya Paniseo cuana, Sanoseo cuana peaꞌai poeyanaje Jesosa que. Oya cuaa Jesosa Eyacuiñajjija huoojeaꞌyo pojjeama poso acanaje. Jamajjeya jama anisho canaje baꞌa: —Esohui huohuijji Jesosa, ¿aꞌa miya Eyacuiñajjija huoojeaꞌyo nei ojjaña jaahuanajji pojjaꞌa? ¡Ejjabaꞌajjaqui soꞌo! ¡Eyacuiñajjiya jayojja jama acue ecuanaja ebajji! ¡Eyajo oe panacue! —acanaje Paniseo cuaa. Jamatii Paniseo cuaa Jesosa Eyacuiñajjija huoojeaꞌyo pojjeama poso acanaje. Jamajjeya pea Paniseo cuana nijje jama poanaje baꞌa: —Chojja, Jesosa Eyacuiñajjija huoojea pojjeama. Jamajjeya Eyacuiñajjiya jama pojjeama mi pana cajo, capajea caꞌyahua.
23753	MAT 16:12	Jamajjeya o shajjaꞌajjajji cuana jjabahuejjaquinaje Jesosaa huohui cajje: —Eꞌe, Paniseo, Sanoseo peaꞌaija ehuohui taijo se quea tai poaje; pahui shejjee meejjijo pojjeama Jesosaa huohui canaje —poanaje.
23758	MAT 16:17	Jamajjeya Jesosaa oya jama acanaje baꞌa: —Simohui, Jjonaja bacua, ¡quea bihui nee pocue! Ecue Chii eyajo aniya miya ba meesahua cani eya oja huoojeaꞌyo ojjaña jaahuanajji. Dejjaa pojjeama miya ba meesahua cani, de.
23761	MAT 16:20	Majoya Jesosaa o shajjaꞌajjajji cuana huohui neinei canaje jama baꞌa: —Eꞌe, eya Eyacuiñajjija huoojeaꞌyo ojjaña jaahuanajji. Jamatii ¡aꞌa oe jihuohuijji soꞌo! —poanaje.
23763	MAT 16:22	Jamajjeya Peno quea yeno nee poanaje Jesosajo. Oya oe nei iyaa canaje, Penohua. Jama poanaje baꞌa: —Chojja, ecuea Emeshi Mese, miya Eyacuiñajjiya jaahuana cajeꞌyo. Peaa aje oe miya enapajji pojjeama, equecuaꞌyojji pojjeama jja mi, de.
23764	MAT 16:23	Jamajjeya aje jja oe Jesosaa oya Peno cojja ba neinei cani jama tecueame acanaje baꞌa: —Peno, ¡aꞌa jamaya mimijji! Miya e dasiajji nisho epo jayojja mimiani. Miya Edosiquiana Satanasa jama mimiani. Jjashahuabaquiani quea tai, dejja jama; Eyacuiñajjija ejjashahuabaquiꞌyojji jama pojjeama —poanaje.
23779	MAT 17:10	Jamajjeya oya cuaa huohuiꞌajja canaje: —Jesosa, Moisesija etehueꞌyo huohuijji poaniya jama acani baꞌa: “Enia oe ebionei capoeꞌyahua Eyacuiñajjija huoojeaꞌyo ojjaña jaahuanajji poe jjimahuajo”. ¿Yajjajje acuae Moisesija esohui huohuijji cuaa jama acani? —poanaje Peno, Satiaco, Huani peaꞌai.
23787	MAT 17:18	Jjequi canaje Jesosa que. Jesosaa o niñepoquimeejji poani huoojeacuayajea caꞌyonaje: —Eshahua, ¡cuayaquiꞌyocue, eshoꞌi niñepoquimeejji poani! —Jesosa poanaje. Cuayaquiꞌyonaje. Jamajjeya oja bacua ejja niñepoquipajeaꞌyonaje, quea aja nee poꞌyonaje.
23791	MAT 17:22	Majoya Janinea meshijo ojee poquijeya Jesosaa o shajjaꞌajjajji cuana huohui canaje: —Eꞌe, quijje eya iña meesahuaje onaja equecuaꞌyojji. Quecua cajeꞌyo cuaa. Jamatii beca cahuime po majje mo shequi mee cajeꞌyo Eyacuiñajjiya. O shajjaꞌajja majje o shajjaꞌajjajji cuana quea yeno nee nee poanaje. Quea mete peaꞌai poanaje.
23794	MAT 17:25	—Eꞌe de, quia cani —Peno poanaje. Majoya Simohui Peno equi yasijje dobiquiajo, Jesosaa oya huohuiꞌajja canaje: —Simohui, ¿yajjajje acuae mi jjashahuabaquiani? ¿Emeshi mese neiya ajea bejjo sosequia mee cani? ¿Aꞌa quea huesha baꞌeja? ¿Aꞌa oja meshijo baꞌeja pojjaꞌa? —Quea huesha baꞌeya poe majje sosequia cajeꞌyo —poanaje Peno.
23797	MAT 18:1	Majoya ojjaña o shajjaꞌajjajji cuaa Jesosa que poe majje huohuiꞌajja canaje: —Jesosa, quijje miya ojjaña huoojeajji poaje. ¿Aꞌya cuae mi jayojja jama poaje minijje ona huoojeajji? ¿Aꞌa ecuanaya pojjaꞌa?
23818	MAT 18:22	Jesosaa sajaꞌa canaje: —Chojja, Peno, me oejje pea beca, 7 pojjeama. Quea huiso nee nee huohuiꞌyome amajje jjabei neineiqui caꞌyojji, jama tii tii epoꞌyojji —Jesosaa acanaje.
23842	MAT 19:11	—Cho, ojjaña pojjeama shacuimaꞌ nequi cajji —Jesosa poanaje—. Beca cuana Eyacuiñajjiya huoojea cajeꞌyo shacuimaꞌ tii enequijji.
23844	MAT 19:13	Majoya Jesosa que eshoꞌi nei cuana jjequi canaje cuaa. Huohui canaje: —Jesosa, jiquio eshoꞌi nei sapa napaꞌajja majje ¡Eyacuiñajji nijje mimicue ojaya ejaahuanajji! —poanaje. Jesosa shajjaꞌajjajji cuaa oya cuana tecuea canaje: —¡Aꞌa jja oe Jesosa que jjequi majajji eshoꞌiquiana! ¡Esohui oe cahuohui cahua!
23851	MAT 19:20	—Eꞌe, eyaya jamaya aña, eshoꞌyahuaa jama tii tii sohuaqui eya. ¿Pea acuae yajja po cajji eyajo ebaꞌe tiitiiꞌyojji? —jiquio dejjaa Jesosa huohuiꞌajja canaje.
23852	MAT 19:21	—Eꞌe, miya quea pame nee nee Eyacuiñajji jayojjaya po sa po majje ¡poquicue, miquea aquiana cuana quiaquicue ejjeshejji sosejje! ¡Ejjeshejji quiaꞌyocue aemaꞌ cuana huasijje! ¡Majoya poecue, enijje epoꞌyojji! Jamajjeya eyajo Eyacuiñajjiya miya aquiana quea pame nee quea huiso quia cajeꞌyo quijje.
23854	MAT 19:23	Jamajjeya Jesosaa o shajjaꞌajjajji cuana huohui canaje: —Eꞌe, dejjaa quea mimishiya jjejojoya aquiana quea huiso, meshi quea quemo pojjaꞌa nahue canijo beshahua nei e que poqui ajja, eya eyajo ojjaña huoojeaꞌyojji poajeꞌyo.
23855	MAT 19:24	—Eꞌe, eyaya huohuiaña peaꞌai jama baꞌa: Ahuoja quii huejjajje ino jeanobiaña jamaya, ¿aꞌa mapichi jeanobia cajji ahuoja quii huejjajje? Quea camaja coma. Jiquio ecua mapichi ahuoja quii huejjajje jeanobia cajji pome jamaya dejja quea aquiana huiso nee nee nahue cani eyahuasijje edobiquijji pojjeama.
23858	MAT 19:27	Jamajjeya Peno jjashahuabaquinaje ma dejja aquiana quea huiso nee nee jeanaꞌyo sa po ajjajo. Huohuiꞌajja canaje: —Jesosa, ecuaaya ojjaña aquiana jeanaꞌyonaje minijje epoquiꞌyojji. Jamajjeya ¿ae acuae ecuana quiaje soꞌo, de?
23874	MAT 20:13	“Eꞌe epeejji cuana, eyaya miya sosequianaje quea pame nee” poanaje. “Mi poeyajo jama poanaje baꞌa: —Eꞌe, chacoje oe esodojjo quea nahue sosejje —poanaje. ¿Aꞌa eꞌe? Jamajjeya eyaya jamaya miya quia meenaje. Jamajjeya ¡aꞌa quea quene pojji!
23877	MAT 20:16	—Eꞌe, eꞌacuijjajja meseya ojjaña sosequia canaje ojaya ejjashahuabaquiꞌyojji jayojja jama. Jamaya Eyacuiñajjiya acajeꞌyo. Joya quijje nei jjapeequijeꞌyo quea bihui nee baꞌe tiitii mee cajeꞌyo eyajo onijje peaꞌai. Ojjaña ojaya ejjashahuabaquijji jayojjaya jama sosequia cajeꞌyo peaꞌai. Eyacuiñajjiya quea huiso iyaa caje onijje ebaꞌe tiitiiꞌyojji. Jamatii oe pojji babaca cajeꞌyo oja epeejji huoojeaꞌyojji epojji —Jesosa poanaje.
23882	MAT 20:21	—She, ¿ajeo ami poeyanaje? —Jesosa poanaje. —Jesosa, ecuea ebacua ejja cuana mi pejjejo canequiꞌyahua quijje miya ojjaña huoojeaꞌyojji poaje. Oe shani mijijje, pea ebianei mijijje canequiꞌyahua minijje, ona huoojeaꞌyojji. ¡Jamaya oe acue! —poanaje enaese.
23891	MAT 20:30	Becanejjijji peaꞌai cojjamaꞌ ejiojji sahuajo eꞌanioque ani. Jesosa shajjaꞌajja canaje poeje. Taaa neineinaje cuana: —Jesosa, miya emeshi mese Dabija osecua. ¡Ejo jjashahuabaquicue quea yeno! —taaanaje.
23892	MAT 20:31	—¡Aꞌa oe taaa majajji! ¡Esohui oe caꞌacue! —acanaje cuaa. Jamatii taaa neineinaje cojjamaꞌ cuana: —Jesosa, Dabija osecua, ¡ejo jjashahuabaquicue!
23893	MAT 20:32	Jamajjeya o shajjaꞌajja majje Jesosa nequiñaquinaje. Cojjamaꞌ cuana iyaa canaje: —Eꞌe, ¡poecue! ¿Aꞌya soꞌo? —poanaje.
23911	MAT 21:16	—¿Apiojji acuae jiquio eshoꞌiquiana sohuicuaya meeaña mi bihuiajji? ¿Aꞌa shajjaꞌajja jjima? —Eꞌe, shajjaꞌajjaña —Jesosa poanaje—. ¿Aꞌa miquea ba jjima Eyacuiñajjija esohui etehueꞌyo ejo? Jama poani baꞌa: “Joya eshoꞌi aiꞌai, eshoꞌi jjonajjona ai peaꞌai quea pame nee esohui cuaya meeꞌyojji mi bihuiaꞌyojji”. Jamaya Eyacuiñajjija esohui yahuajo nei ejo etehueꞌyo poani —Jesosa poanaje.
23919	MAT 21:24	Jesosaa oya cuana sajaꞌa canaje: —Eꞌe, eyaya miya ebionei huohuiꞌajjaje. ¿Aya Huani huoojea canaje ona besa meeya? ¿Aꞌa Eyacuiñajjiya? ¿Aꞌa dejja cuaa pojjaꞌa? ¡Huohuicue mo! Eyaya majoya huohuije e huoojeaꞌyojji epo.
23922	MAT 21:27	Jamajjeya jjashahuabaqui majje Jesosa huohui canaje Jodio cuaa: —Cuaꞌa, de. Ecuanaja ba jjima —anisho canaje. —Jamajjeya ecuea miya ehuohuijji pojjeama e huoojeaꞌyojji epo —Jesosaa acanaje Jodio esohui huohuijji cuana, etii cuana peaꞌai.
23938	MAT 21:43	—Eꞌe, jiquio esohui eba meesahuajji jayojja jama Eyacuiñajjiya acajeꞌyo —Jesosa poanaje—. Ohuaya yahuajo nei miquianaya babaca caꞌya poa ojo echacoꞌyojji, onijje ebaꞌe tiitiiꞌyojji. Jjeya ca ca Eyacuiñajjiya miquianaya, Jodio cuana, cajaa acajeꞌyo shajjamaꞌ jojoya. Pea cuana babaca cajeꞌyo ojo echacojji, onijje ebaꞌe tiitiiꞌyojji peaꞌai, joya eꞌe jojo nei ojo jjashahuabaquiani.
23955	MAT 22:14	—Eꞌe, ojjaña cuana iyaaꞌajja caje Eyacuiñajjiya. Jamatii oe pojji dobiquijeꞌyo onijje ebaꞌe tiitiiꞌyojji —Jesosaa ojjaña cuana acanaje. (Eꞌe, Eyacuiñajjiya Jodio cuana iyaa coo canaje onijje ebaꞌeꞌyojji quea bihui nee. Jamatii shajjamaꞌ poanaje. Ojaya huoojeaꞌyo quecuajea canaje. Jamajjeya Eyacuiñajjiya Jodio pojjeama iyaa canaje. Quea huiso poeyanaje. Ma dejja daqui jehue jayojja jama beca cuanaja mimishi cuijeaꞌyo jjima. Jamajoya jeacuayajea cajeꞌyo quea nee nee epoꞌyojji.)
23956	MAT 22:15	Jesosa mimije shajjaꞌajja majje Paniseo cuana quea quene poanaje: —Oya Jesosa jjashahuabaquiani eseya epeejji nisho jayojja jama, de —poanaje. Poqui majje ojee mimimiminaje: —Cuaꞌa, Jesosa ejjadasiaquiqui; esohui quea camaja nee ejjahuohuiꞌajjaquiqui, ojaya yajja sajaꞌame yaꞌyojji. Jamajjeya Moisesija etehueꞌyo jayojja jama mi sajaꞌa cajo, cacuiajea meequiꞌyahua.
23978	MAT 22:37	Jesosaa acanaje: —Eꞌe, jamaya quea pame nee acue baꞌa: “¡Eyacuiñajji miquea Emeshi Mese nei quea jea nee nee acue! Miquea huapa pojjeama cuana miquea quea jea; ¡quea jea nee neeya oe acue Eyacuiñajji! Jamajjeya ¡ojo jjashahuaba tiitiiquicue!”
24001	MAT 23:14	—Eꞌe, miquianaya ca ca oe eꞌahuemanoja equi cuana jjesheaña sosemaꞌ. Majoya Eyacuiñajji nijje mimi nishoani quea huiso nee. Jamajoya Eyacuiñajjiya miquianaya cajaa acajeꞌyo. Quea nee nee po mee cajeꞌyo tii tii —Jesosa poanaje.
24003	MAT 23:16	—Eꞌe, miquianajaya ehuohui quea quehuajo cojjamaꞌ jama poani. Cojjamaꞌ cuana pea cojjamaꞌ cuaa me iña majje mepejjejea cani jayojja. Ojjaña poquiquehuajeꞌyo —Jesosa poanaje—. Miquea ehuohui jama baꞌa: “Eyacuiñajjija equi nequianijo, ecuea ehuohui jama eyaya eꞌe jojo nei aje”. Pea cuana jama poani baꞌa: “Chojja, jamaya mimi majje miquea ehuohui jama eꞌajji pojjeama”. Jamaya huohui cani cuaa peaꞌai baꞌa: “Ma mei huoꞌo Eyacuiñajjija equijo anijo, ecuea ehuohuiꞌyo jayojja jama eyaya aje”. “Eꞌe, ¡jamaya mimi majje miquea ehuohui jayojja jama eꞌe jojo nei acue!” pea cuana poani. Jamaya mimi quehuani miquianaya —Jesosa poanaje.
24004	MAT 23:17	Oya cuana tecuea canaje jama peaꞌai baꞌa: —Chojja, de. Miquianaya jjashahuaba quehuaquiani. Mei huoꞌo Eyacuiñajjija equijo quea pame ani; Eyacuiñajjija equi quea pame nee peaꞌai.
24029	MAT 24:3	Quijje Jesosa eyiyo huasijje Onimo acui yiye yasijje jaasohuaquinaje o shajjaꞌajjajji cuana nijje. Anioquenaje. Pea dejja poqui jjima. Jamajjeya o shajjaꞌajjajji cuaa huohuiꞌajja canaje: —Jesosa, ¿ache shono acuae mei cuana cajjajeajea cajeꞌyo cuaa soꞌo? ¿Ae acuae poaje mi epoe oꞌoya cuahuajje? ¿Aꞌya ba majje ecuanaja eba poaje miya poeje oꞌoya, meshi chamaꞌyo tii epojjijo?
24055	MAT 24:29	—Eꞌe, quea camaja nee nee po majje majoya eshequi quea apo poajeꞌyo. Baꞌi jijiꞌyo ajja poajeꞌyo. Majameta cuana jjacajjaquiꞌyo majje jijijijioquejeꞌyo ojjaña peaꞌai. Majameta nequijji cuana huehuahuehuajeꞌyo janobajjima nei peaꞌai.
24058	MAT 24:32	Jesosaa huohui canaje pea esohui jama baꞌa: —Eꞌe, eyaya miquianaya esohui ejjashahuabaqui meejji huohuije iquena acuijo. Esejaya meshijo acui iñaꞌyani ba majje eseya jama poani baꞌa: “Eꞌe nei, nayaja poꞌyonaje. Jjeya eshequiaja po pajeaꞌyonaje”.
24140	MAT 26:17	Jodio cuana quea bihui ojee ijjiaꞌijjianaje yohua shejo baꞌa esohuidojojjija yahuajo nei etiiquianaja bacua cuana cuiaꞌyo jjima ñajjajja naꞌ esecuejo ecuiapepa ba majje shejo. Pahui quea caꞌa eshejjee meejji chamaꞌ ijjia ca poa. Ebionei epojja eꞌijjiaꞌijjiajjijo, Jesosa que poe majje o shajjaꞌajjajji cuaa huohuiꞌajja canaje jama baꞌa: —Jesosa, ¿ache equijo acuae seya pahui caꞌa ijjiaje soꞌo? ¡Ecuana huoojeacue aquiana iyajea, miquiana ishoajji!
24148	MAT 26:25	Majoya Jodasa Jesosa nijje miminaje jama baꞌa: —Emeshi Mese, eya ca ca o jayojja pojjeama. Eyaya miya onaya eꞌiña meesahuajji pojjeama —poanaje. Jesosa onijje miminaje: —Eꞌe, Jodasa, miya jama quea tai poaje, eꞌe jojo nei —Jesosa poanaje.
24158	MAT 26:35	—Chojja, Jesosa —Peno poanaje—. Eꞌe pojjaꞌa eya minijje jjapeequianijo, pea cuaa eya cuiajea cajeꞌyo. Jamatii ¡ecuea ca mi ca epajeaꞌyojji pojjeama! Oya jayojja pea cuaa jama acanaje peaꞌai baꞌa: —Eꞌe Jesosa, ¡ecuanajaya ca mi ca epajeaꞌyojji pojjeama tii!
24187	MAT 26:64	Jamajjeya Jesosaa huohui canaje: —Eꞌe, joya ecua miya mimiani jayojjaya eya. Cuanaya eyaya miya eꞌe nei huohuiaña: Quijje miyaya eya bajeꞌyo ecue Chii nijje ebianeijje ani. Oya quea caꞌa nee nee enequi tii tii. Eya miquianaaya baje peaꞌai poeje oꞌoya; bo biajje poejeꞌyo —Jesosa poanaje.
24188	MAT 26:65	Shajjaꞌajja majje Jodio etii quea quene nee nee poanaje. Quea quene nee nee po majje ojaya daqui, oja huosho baꞌe daqui isajea canaje. Jodio dejjaa jamaya oja daqui isajea cani quea quene po majje. Ojjaña cuana huohui canaje jama baꞌa: —De, ¡pea dejja aꞌa iyaajji Jesosa huohuijji! Jamatii. ¡Oya Jesosa mimiqui Eyacuiñajjija Bacua Ejja miame! ¿Aꞌa acuae miquiaaya shajjaꞌajjanaje oja sohui? Jamajjeya ¿yajja acuae seya aje soꞌo, de, Jesosa?
24195	MAT 26:72	—Chojja, ecuea oya ba jjima nei nei. Eyacuiñajjija eba eya eꞌe jojo nei mimiani —Penohua sajaꞌa canaje.
24198	MAT 26:75	Cachina taaajo Penohua shahuaba caꞌyonaje ma Jesosaa oma mecajje o jama acanaje jama baꞌa: —Peno, cachina yahue taaa jjimahuajo miyaya eya ba jjima nei nei nisho ajeꞌyo, ebeca pee peejjima huohuime ajeꞌyo —jamaya Jesosaa Peno acanaje. Jamajjeya jjashahuabaqui majje Peno quea yeno nee nee poanaje; pa neinei poquiꞌyonaje Jesosa ba jjima nisho epo jjejojo.
24209	MAT 27:11	Jamajjeya Jesosa emeshi mese Pinato huasijje dojo canaje, eme jeyo. Pinatohua ba majje huohuiꞌajja canaje: —¿Aꞌya acuae mi soꞌo? ¿Aꞌa miya Jodioja Emeshi Mese poajeꞌyo? —Eꞌe, joya ecua miyaya huohuiaña jamaya epoꞌyojji eya —Jesosaa sajaꞌa canaje.
24213	MAT 27:15	Jamajjeya Pinatohua niñeba caꞌyonaje jama baꞌa: —Ojjaña eshequiaja eyaya oe Jodio dejja jeacuayaꞌyaña Jodio quea bihui nee poanijo. Eꞌe, ojjaña Jodio cuana jjashahuabaquiani jama baꞌa: Yahuajo Ejito meshijo Jodio etiiquianaja bacua ejja cuiaꞌyo jjima aca poa esohuidojojjiya, enaꞌ ecuiapepa jojoya —Pinato poanaje. Jiquio shejoya Pinatohua oe Jodio dejja ejeanobia nequi huoojeacuayajea mee caꞌyaninaje. Jamajjeya oya Pinato jjashahuabaquinaje: —Eꞌe, eyaya oe Jodio huoojeacuayajea meejeꞌyo jjeyahua nei. Jesosa pojjaꞌa pichojea meejeꞌyo. Pea yani Mashama bajjani, ojjañaja eba nei. Oya ejeanobia nequi quea masejojo. ¿Ache dejja shai Jodio cuaa sa cani soꞌo? Cabaꞌajja sahua —jamaya Pinato jjashahuabaquinaje.
24217	MAT 27:19	Emeshi mese chacochacoañani yasijje Pinato Jesosa nijje mimimiminequianijo, oja huanaseya pea echacojji huoojea canaje Pinato huohuiya. Jama huohuime acanaje baꞌa: —Huee, mecajje eyaya cahuibanaje Jesosa mimishiꞌama nei nei. ¡Aꞌa oya quecua meeꞌyojji! Eya quea mete ani ojo. Eꞌe, jjacahuibaqui majje piopionaje quea mete jjejojo —Pinatoja huanaseya echacojji huohui mee canaje.
24219	MAT 27:21	Jamajjeya Pinatohua: —¿Ache acuae jja oe pichojeajeꞌyo? Jamaya acajje, taaa neinei canaje cuana: —Mashama, ¡Mashama jeacuayajeaꞌyocue! —poanaje cuana.
24223	MAT 27:25	Taaajebenaje ojjaña Jodio etii cuana: —Eꞌe, ¡ecuaaya oya mano meejeꞌyo Jesosa; quea tai coma! ¡Oya mimishiꞌama jojoya, ecuanajaya ebacua, osecua cuana peaꞌai cacuia caꞌyahua, Eyacuiñajjiya! —Jesosa quea mimishi poso acanaje cuaa.
24247	MAT 27:49	—Chojja, ¡ishoa socue! ¡Enia pojjaꞌa poeje o nahueya! ¡Baꞌajja socue! —Jodio cuana poanaje.
24256	MAT 27:58	Jamajjeya poe majje oya Pinato baa poquinaje. Huohui cañaquinaje: —Emeshi mese Pinato, Jesosa manoꞌyonaje. Eyaya oya cadojoꞌyahua ecuea mei jjani yasijje ehuananobiaquiꞌyojji —poanaje. Pinatohua huoojea canaje: —Eꞌe, ¡dojocue! Eyaya sohuinano cuana jamaya huohuime aje —poanaje.
24273	MAT 28:9	Ejiojjijje poquijejo Jesosa jjanequipanaquinaje. Ehui dojojji nequinaje. Huohui canaje: —Jjoꞌi, ¡ejo quea bei pocue! Eya poeyanaje —Jesosa poanaje. O que poe majje o que jjanequichipiquinaje. Ecuiꞌoshajjajo nequinaje; jiojji napa canaje. Quea bihui nee nee yajji epona cuaa oya bihuia canaje.
24293	MRK 1:9	Majoya Huaniya Jodana cuei sahuajo sohuihuohui canijo tii, Jesosa Janinea meshijo baꞌenaje, Nasanena cuiñajjijo. Macua huasijje poꞌoquenaje Huani que. Huani jama acanaje baꞌa: —Huani, ¡eya besa meecue Eyacuiñajjijo, miyaya! Jamajjeya Huaniya Jesosa besa mee canaje Eyacuiñajjijo Jodana enajo.
24308	MRK 1:24	Jesosa ba majje eshahua o niñepoqui meejji poani siasianaje jama baꞌa: —Jesosa, Nasanenajo baꞌe, ¿apiojji miya poeyanaje ecuana que ecuana quea nee nee po meeya? Ecuanaja eba miya Eyacuiñajjija Bacua Ejja quea pame nee. ¡Aꞌa jjeyahua nei ecuana cuaqui yasijje jeajeajji! Eyacuiñajjiya eshahua cuana cuaqui yasijje huoojeajea cajeꞌyo quijje, jjeya nei pojjeama, de —taaame poanaje eshahua.
24309	MRK 1:25	Jamajjeya Jesosaa eshahua, o niñepoqui meejji poani huoojeacuayajea caꞌyonaje: —Eshahua, ¡aꞌa mimijji! ¡Cuayaquiꞌyocue oe, jiquio dejjajo nequi! —Jesosaa acanaje.
24314	MRK 1:30	Simohuija ano quea quiyo nee jaa. Jamajjeya Jesosa huohui canaje jama baꞌa: —Jesosa, ecue ano, ecue huanaseja enaese quea quiyo nee nee jaa, quea mano, de —Simohui Peno poanaje.
24321	MRK 1:37	O ba majje jama poanaje baꞌa: —Jesosa, ojjañaa miya saꞌajja caqui —poanaje.