23242	MAT 2:4	Jamajjeya Enodeya ojjaña Eyacuiñajji nijje emimijji etii cuana, ojjaña Moisesija esohui etehueꞌyo huohuijji cuana peaꞌai iyaa canaje o que. Jama huohuiꞌajjame acanaje baꞌa: —¿Achejo shai cuayaje ebacua Quito? Oya Eyacuiñajjija huoojeaꞌyo ese jaahuanajji poajeꞌyo —acanaje Enodeya.
23285	MAT 4:7	Jesosa onijje miminaje jama baꞌa: —Chojja. Yahuajo jama Eyacuiñajjija esohui etehueꞌyo peaꞌai baꞌa: “Aꞌa jama ajji baꞌa: —¿Aꞌa eꞌe jojo nei Eyacuiñajjiya oja sohui acajeꞌyo pojjaꞌa? ¿Aꞌa eya Eyacuiñajjiya jaahuana nei cajeꞌyo? ¡Cabaꞌajjasahua! —aꞌa pojji”. Jamaya yahuajo nei Moisesiya tehue ca poa —Jesosaa acanaje.
23352	MAT 6:1	Jesosa poanaje peaꞌai: —¿Apiojji miya Eyacuiñajjijo chacochacoani pea cuaa ba canijo? Eꞌe pojjaꞌa jjashahuabaquiani miya bihuia caje cuaa ba majje. Onaja ebajji chacochacoanijo, quijje eyajo miquea echaco ojo Eyacuiñajjiya miya bihuia ajja, esosequiajji pojjeama —Jesosa poanaje.
23379	MAT 6:28	—¿Apiojji miya jjashahuabaquiani quea yeno daquijo? ¡Bacue eshasha ebiojo tiiani! Shasha cuana chaco ajja, oja daqui cuana soco ajja.
23388	MAT 7:3	—¿Apiojji acuae jja oe miquea epeejji tecueaña soꞌo ca mimijajijjiya? ¿Aꞌa miquianaaya mimishi pajeaꞌyonaje pea tecuea jjimahuajo ojaya mimishijo? Chojja, miya ca mi ca oe mimijajipajeaꞌyo jjima peaꞌai. Jamaya miya poani baꞌa: Miyaya baña huenihueni shabo biso nei nei miquea epeejjija ecojjajo nequi. ¿Aꞌa cuae jja oe miyaya miquea ecojja dojjojo nequi huenihueni shabo quea quemo baña soꞌo? ¡Miquea ecojjajo nequi huenihueni shabo quea quemo jja oe huijjeajea meecue!
23440	MAT 8:26	Shequiꞌyo majje Jesosaa oya cuana sajaꞌa canaje: —¿Apiojji acuae nequiana quea mete nee nee poani? ¿Aꞌa mi ejo eꞌe nei pojjeama poani? Jamaya mimi majje Jesosa nequisohuanaje. Beni tecuea canaje: —¡Beni, jamaya, nequioquequicue oe! Majoya bae ena nijje jama poanaje baꞌa: —¡Aꞌa enashajo pojji! ¡Enashajo popajeaꞌyocue! O jama mimime poajo, enashajo popajeaꞌyonaje. Beni popajeaꞌyonaje.
23452	MAT 9:4	Jamajjeya Jesosa ojaya ejjashahuaba taiquijji ba majje jama poanaje: —¿Yajjajje acuae quiana quea quene enijje poani soꞌo?
23459	MAT 9:11	Ba majje Jodio esohui huohuijji Paniseo cuana Jesosa shajjaꞌajjajji cuana nijje mimijajinaje jama baꞌa: —¿Apiojji miquea esohui huohuijji ijjiaꞌijjiani dejja mimishi nijje, ejjeshejji chichajji cuana nijje peaꞌai? ¿Apiojji, de?
23460	MAT 9:12	Jesosaa oya cuana shajjaꞌajja canaje. Huohui canaje: —¿Aꞌa dejja cuana quea mano pojjeama eshicuijjiquiajji sa poani? Quea mano poanijo ca ca eshicuijji quia cajji. Jamaya miquianaya joya mimishiꞌama poso jjabaquiani ecuea esohui shajjaꞌajja sa po ajja. Mimishi cuaa ca ca shajjaꞌajja cani. Jamajjeya eya dejja quea mimishi nijje jjapeequiani quea jaꞌa nee epo meejji.
23561	MAT 12:3	Jesosaa oya cuana sajaꞌa canaje jama baꞌa: —¿Aꞌa miquea ba jjima esohui etehueꞌyo emeshi mese Dabija?
23572	MAT 12:14	Majoya Paniseo cuana esecue yasijje cuayaqui majje ojee miminaje: —¿Yajja amajje Jesosa quecua caꞌyojji soꞌo, de? —jamaya poanaje Paniseo cuana.
23585	MAT 12:27	—¿Aꞌa ya eya Edosiquiana nijjeya niñe, pea eshahua cuana peaꞌai huoojeacuayajeaña poso aña? Jamajjeya miquea epeejji cuanaa ¿ae nijje eshahua huoojeacuayajea cani? Eyacuiñajjiya asahua canijo. Jamajjeya ojaya eba miquianaya ejo siajje poani.
23606	MAT 12:48	Jesosaa sajaꞌa canaje: —¿Ache shai ecuea huapa pojjeama cuana? ¡Bacue! Jiquio ecuea shajjaꞌajjajji cuana ecuea huapa pojjeama cuana, ecuea quea jea nee nee ecuea ecue nae quea jea aña jayojja jama.
23659	MAT 13:51	Majoya Jesosaa oya cuana huohuiꞌajja canaje: —¿Aꞌa ecuea esohui quea jaꞌa nee? ¿Aꞌa jjabahuejjaquinaje? —Eꞌe, quea jaꞌa nee.
23662	MAT 13:54	Jodioja equi ojee ejjachichaquijji yasijje dobiquinaje. Esohui huohui canaje. Ojaya esohui shajjaꞌajja majje Nasanenajo baꞌeca cuana quea tecue poanaje. Oya Jesosa Joseja jea poso acanaje cuaa: —¿Yajjajje shai jiquio dejjaa Jesosaa esohui quea jaꞌa nee nee huohui cani, de? ¿Eyacuiñajji jayojjaya jjaajaqui mee cani emanojaa quea huiso nee, de?
23673	MAT 14:7	Jamajjeya onijje miminaje jama baꞌa: —¿Ae shai sa poani miya? ¡Huohuicue mo! Eyaya miya quiaje. Eꞌe jojo nei nei she, coya miya sañaya aje mi quiaje —acanaje Enodeya.
23683	MAT 14:17	—¿Yajja yajji? Oya cuana quea huiso nee nee aña ebobiajji. Ecuanaja bobi oe pojji yani. Me oejje pahui, beca nahuoo sisi peaꞌai yani —poanaje cuana.
23697	MAT 14:31	Jesosaa meꞌ iñacuaji canaje. Peno jama acanaje baꞌa: —¿Apiojji acuae mi meteani soꞌo? ¿Aꞌa eya quea caꞌa nee nee miquea ba jjima?
23718	MAT 15:16	—¿Aꞌa ecuea esohui miquianajaya ba jjima peaꞌai? —Jesosa poanaje—. ¿Aꞌa miquea eba pojjeama?
23728	MAT 15:26	Ma epona Jodio pojjeamajo huapa jayojja sajaꞌame acanaje Jesosaa: —¿Aꞌa acuae ecue bacuaja bobi jeaje iñahuehua que? ¿Aꞌa cuae jamaya quea pame? —poanaje.
23736	MAT 15:34	—¿Ache huiso pahui miquea yani? —Jesosaa huohuiꞌajja canaje. —Me oejje beca peaꞌai, 7 pahui yani. Nahuoo sisi oe pojji yani peaꞌai —acanaje cuaa.
23749	MAT 16:8	Ojaya ejjashahuabaquiꞌyojji Jesosaja eba poanaje. Jamajjeya oya cuana acanaje: —¿Apiojji acuae jja nequiana ojee mimimimiani pahuijo? ¿Aꞌa jja nequianajaya eya ba jjima quea caꞌa nee nee?
23756	MAT 16:15	Jamajjeya Jesosaa oya cuana huohuiꞌajja canaje: —¿Miya acuae yajja poani ejo? ¿Aꞌya cuae eya?
23788	MAT 17:19	Quijje ojjaña cuana poqui majje Jesosa que poeyanaje o shajjaꞌajjajji cuana. Huohuiꞌajja canaje: —¿Yajjajo acuae ecuaaya eshahua mi huoojeacuayajea meeꞌajjaꞌyonaje?
23793	MAT 17:24	Majoya Capenaoma huasijje poeyajo, bejjo chichajji poani Peno que poeyanaje; huohuiꞌajja canaje jama baꞌa: —¿Aꞌa acuae mi mi sohui huohuijjiya bejjo quia cani, ma Eyacuiñajjija equi iya bameꞌyojji?
23835	MAT 19:4	Sajaꞌa canaje Jesosaa: —¿Aꞌa miquea Moisesija etehueꞌyo ba jjima esohui? Yahuajo nei nei tehue ca poa Moisesiya jama baꞌa: “Yahuajo Eyacuiñajjiya pana coo ca poa yahue, epona peaꞌai.
23848	MAT 19:17	—¿Apiojji miyaya eya huohuiꞌajjaña: “¿Ae quea pame nee epoꞌyojji?” Eyacuiñajji ca oe nei quea pame nee. Jamajjeya onijje baꞌe tiitiiꞌyo sa po majje ca oe ¡oya shajjaꞌajjacue! ¡Ojaya esohui etehueꞌyo jayojja jama oe baꞌecue! —Jesosa poanaje.
23849	MAT 19:18	—¿Ache esohui etehueꞌyo? —huohuiꞌajja canaje.
23905	MAT 21:10	Jamajjeya Jesosa Jenosanena huasijje dobiquianijo, ojjaña cuana jomajo baꞌe cuajicuajijebenaje jjachichaquiya, ojjaña. Huohuiꞌajja canaje: —¿Aꞌya shai poeje? —poanaje.
23911	MAT 21:16	—¿Apiojji acuae jiquio eshoꞌiquiana sohuicuaya meeaña mi bihuiajji? ¿Aꞌa shajjaꞌajja jjima? —Eꞌe, shajjaꞌajjaña —Jesosa poanaje—. ¿Aꞌa miquea ba jjima Eyacuiñajjija esohui etehueꞌyo ejo? Jama poani baꞌa: “Joya eshoꞌi aiꞌai, eshoꞌi jjonajjona ai peaꞌai quea pame nee esohui cuaya meeꞌyojji mi bihuiaꞌyojji”. Jamaya Eyacuiñajjija esohui yahuajo nei ejo etehueꞌyo poani —Jesosa poanaje.
23918	MAT 21:23	Majoya Jesosa Eyacuiñajjija equi yasijje dobiqui oꞌoyanaje. Esohui huohui canijo, Jodio etii cuana, Eyacuiñajji nijje emimijji etii cuana peaꞌai o que poeyanaje. Jesosa ojaya ba jjimajo huohuiꞌajja canaje: —¿Aya acuae mi huoojea canaje? ¿Apiojji acuaeya esohui huohuiaña soꞌo? ¿Apiojji acuaeya aquiana quiajji poani huoojeacuayajeanaje oma mecajje? —acanaje Jodio etii cuaa.
23921	MAT 21:26	Shajjaꞌajja majje Jodio cuana ojee mimimiminaje: —¿Yajja sajaꞌame shai eseya aje soꞌo, de? Quea mete ojjaña dejja cuanajo. Ojjañaa ba cani Huani Eyacuiñajjiya huoojea canaje esohui huohuiya. Jamajjeya: “Dejjaa Huani huoojea canaje” eseya ajje se jajahuejjajea ca chanaꞌ meiya. “Eyacuiñajjiya Huani huoojea canaje” eseya ajje aje se oe jama acaje baꞌa: “Jamajje, ¿apiojji miyaya Huani shajjaꞌajja jjima aña?” Jesosaa acaje.
23961	MAT 22:20	Jjequi canaje cuaa. Esodojjo ba majje huohuiꞌajja canaje Jesosaa: —¿Ae ecajjaꞌyo jiquio? ¿Ae bajjani tehuemeꞌya?
23983	MAT 22:42	—¿Yajja huohuime acuae nequiaa aña Eyacuiñajjija huoojeaꞌyo dejja jaahuanajjijo Quitojo? ¿Ache etiiquianaja osecua oya? —Quito emeshi mese Dabija osecua, ma yahuajo baꞌya poaja —acanaje Paniseo cuaa.
24131	MAT 26:8	Ba majje Jesosa shajjaꞌajjajji cuaa epona tecuea canaje: —¿Apiojji acuae miyaya shiyeshiyeya shaña soꞌo?
24133	MAT 26:10	Jesosaa oya cuana shajjaꞌajja majje huohui canaje: —¿Apiojji acuaeya epona tecueaña soꞌo? Eꞌe, eya ohuaya huojja sha canaje. Jamaya quea pame nee.
24163	MAT 26:40	Majoya oya poqui oꞌoyanaje o shajjaꞌajjajji cuana que. Ba cañaquiꞌyonaje cahuijaa. Tecueꞌama Peno nijje miminaje jama baꞌa: —¿Aꞌa mi cahuijaa? ¿Aꞌa che enijje cahui jjima nequi jjima soꞌo?
24168	MAT 26:45	Mimi oꞌoya majje poe oꞌoyanaje o shajjaꞌajjajji cuana que. Onijje mimi oꞌoyanaje: —¿Aꞌa mi cahuijaa tii? ¿Jomishocajaa pojjaꞌa ca mi ca oe? Jjeyahua nei dejjaa eya onaya iña meesahua cajeꞌyo.
24178	MAT 26:55	Jamajjeya Jesosaa ojjaña dejja ejjachichaquiꞌyo nequi yasijje huohui canaje: —¿Apiojji miya poeyanaje baajji, acuijji, mejejji peaꞌai e iñaa? ¿Aꞌa cuae jja iña siipojji soꞌo? Ojjaña pojjajo eya ojjaña nijje esohui huohuijji po nequinaje Eyacuiñajjija equijo. Jamatii eya miquianajaya iña jjima poanaje. ¿Apiojji miquianaya mecajje poeyanaje e iñaa?
24185	MAT 26:62	Ma shajjaꞌajja majje Eyacuiñajji nijje emimijji etiiya nequisohua majje Jesosa huohuiꞌajja canaje: —¿Aꞌa pa miya jama poanaje? ¿Jesosa, aꞌa acuaeya dejja cuana miyaya sajaꞌajeꞌyo soꞌo? Jamatii Jesosa jjamimisajaꞌaqui ajja poanaje.
24199	MAT 27:1	Mecajjeahua ojjaña Jodio etii cuana, Eyacuiñajji nijje emimijji etii cuana ojee miminaje Jesosajo: —¿Achajja amajje acuae seya Jesosa quecua meejeꞌyo soꞌo? Cuaꞌa, ¡ejjaquecua meequiqui! —poanaje.
24204	MAT 27:6	Jodio cuaa aje oe esodojjo meshijo ani chicha canaje: —¿Yajja acuae jja seya jiquio esodojjo aje soꞌo? Jesosa sosequiaꞌyojji ya ca coma, de. Eyacuiñajjija equi yasijje iya sa po ajja. Jamaya pojjeama eseyaya aña —poanaje.
24209	MAT 27:11	Jamajjeya Jesosa emeshi mese Pinato huasijje dojo canaje, eme jeyo. Pinatohua ba majje huohuiꞌajja canaje: —¿Aꞌya acuae mi soꞌo? ¿Aꞌa miya Jodioja Emeshi Mese poajeꞌyo? —Eꞌe, joya ecua miyaya huohuiaña jamaya epoꞌyojji eya —Jesosaa sajaꞌa canaje.
24211	MAT 27:13	Jamajjeya Pinatohua huohuiꞌajja canaje: —¿Yajjajje acuae mi mi jjasajaꞌaquiani soꞌo? ¿Aꞌa jje shajjaꞌajja jjima?
24212	MAT 27:14	Chojja, Jesosa jjasajaꞌaqui ajja nei nei. Ba majje Pinato jjashahuaba neineiquinaje: —¿Yajjajje shai Jesosa jjasajaꞌaqui ajja, de?
24219	MAT 27:21	Jamajjeya Pinatohua: —¿Ache acuae jja oe pichojeajeꞌyo? Jamaya acajje, taaa neinei canaje cuana: —Mashama, ¡Mashama jeacuayajeaꞌyocue! —poanaje cuana.
24221	MAT 27:23	—¿Yajja acuae jja soꞌo? ¿Yajjajo acuae jjaya quecuaꞌyo sa aña Jesosa? —Pinatohua huohuiꞌajja canaje. Jamatii taaa majamajanaje Jodio cuana: —¡Me cacajeacue oe; me cacajeacue oe Jesosa! —jama taaameya Jodio cuana poanaje.
24238	MAT 27:40	—¿Aꞌa acuae oe miyaya Eyacuiñajjija mei equi iñajeabichajeaꞌyo majje pea equi iyaje oꞌoya soꞌo pea beca peejjima cahuime? ¡Baꞌajja socue! Ache baꞌajja; miya Eyacuiñajjija Bacua Ejja nei jjabaqui majje ca oe ¡acui ecueataꞌapeejo baꞌe nequioqueꞌajjaꞌyo socue emanoꞌyojji pojjeama! —poanaje cuana.
24240	MAT 27:42	—¿Aꞌa Jesosa ojjaña jaahuanajji epoꞌyojji? Oya ona nahuejji pojjeama. Oya ca ca oma nequioqueꞌyo jjima poani, de. ¿Aꞌa acuae jja oe oya Jodioja Emeshi Mese poajeꞌyo? ¡Jjabaꞌajjaqui socue! Jodioja Emeshi Mese nei epoꞌyojji jjabaqui majje ¡acui ecueataꞌapeejo baꞌe jja ca oe canequioqueahua jjeyahua neiya ecuanaja ebajji! Ba majje ecuaaya: “Jesosa eꞌe jojo nei Eyacuiñajjija Bacua Ejja poanaje” ajeꞌyo.
24337	MRK 2:8	Jamajjeya Jesosa Jodio etiija ejjashahuaba taiquijji ba majje jama poanaje baꞌa: —¿Yajjajje acuae nequiana enijje quea quene poani soꞌo?
24345	MRK 2:16	Jesosa ma dejja mimishi cuana nijje ijjiaꞌijjia ani ba majje Jodio esohui huohuijji Paniseo cuana bajjani, Moisesija esohui etehueꞌyo huohuijji cuana peaꞌai quea quene poanaje. Jesosa shajjaꞌajjajji cuana nijje mimijajinaje jama baꞌa: —¿Apiojji miquea esohui huohuijji ijjiaꞌijjiani bejjo jjeshejji cuana nijje, dejja mimishi nijje peaꞌai? ¿Apiojji, de?
24346	MRK 2:17	Jesosaa oya cuana shajjaꞌajja canaje. Huohui canaje jama baꞌa: —¿Aꞌa dejja cuana quea mano pojjeama eshicuijji quia sa poani? Quea mano poanijo ca ca eshicuijji quia cajji. Oya jayojja eya dejja quea mimishi nijje jjapeequiani quea jaꞌa nee epo meeꞌyojji. ¡Bacue! Beca cuana jama poani baꞌa: “Eya ca ca iña quea pame nee, mimishiꞌama nei nei” poso jjabaquiani. Jamajjeya ma dejja cuana ecuea eꞌiyaajji pojjeama enijje ejjapeequiꞌyojji. Chojja, eya poeyanaje dejja quea mimishi iyaaa, mimishi pajea meeꞌyojji.
24354	MRK 2:25	Jesosaa oya cuana acanaje jama baꞌa: —¿Aꞌa miquea ba jjima esohui etehueꞌyo emeshi mese Dabija, ojaya epeejji cuanaja peaꞌai?
24361	MRK 3:4	Majoya oya nequisohuajo, Jesosa esohui jaahuanajji nijje, Paniseo cuana nijje jama poanaje baꞌa: —¿Yajja poani etiiquiana Moisesija esohui etehueꞌyo? ¿Aꞌa epojja ejomishocajjijo pea cuana quea pame acajji pojjaꞌa? ¿Aꞌa quea tai acajji pojjaꞌa? Jamajjeya ¿aꞌa emanojaa huaquia mee caꞌyojji epojja ejomishocajjijo? ¿Aꞌa mano mee cajji pojjaꞌa? —poanaje Jesosa. Jamatii Jesosa Paniseo cuanaja sajaꞌa jjima quea mimishi neija jjejojo.
24363	MRK 3:6	Jjeya nei Paniseo cuana esecue yasijje cuayaqui majje pea Jodio etii cuana nijje miminaje, emeshi mese Enodeja epeejji cuana nijje peaꞌai. Jama poanaje baꞌa: —¿Yajja amajje Jesosa quecua caꞌyojji soꞌo, de? —poanaje Paniseo cuana.
24390	MRK 3:33	Jesosaa ojjaña ejjachichaquiꞌyo bajea majje jama acanaje baꞌa: —¿Ache acuae ecuea huapa pojjeama cuana soꞌo?
24405	MRK 4:13	Majoya Jesosaa oya cuana jama acanaje baꞌa: —¿Aꞌa ma esohui ebameesahuajji miquianajaya quea quehua? ¿Jamajjeya achajja acuae oe miquianajaya eba poaje pea esohui ebameesahuajji? ¡Shajjaꞌajjacue! Eyaya miquianaya ba meesahuaje ecuea ehuohuiꞌyo ebanajjijo:
24432	MRK 4:40	Majoya Jesosaa o shajjaꞌajjajji cuana jama acanaje baꞌa: —¿Apiojji acuae nequiana quea mete nee nee poani? ¿Aꞌa mi ejo eꞌe nei pojjeama poani? Jamajjeya meteani.
24442	MRK 5:9	—¿Ae bajjani miya? —Jesosaa oya acanaje. —Ecuana quea huiso neejo Quea Shahua Huiso bajjani —sajaꞌa canaje niñepoquiya—. Che mo miyaya ecuana dejjajo nequi cuayaqui meeꞌyo majje ¡aꞌa quea huesha nee huoojeajji! —poanaje eshahua cuana.
24447	MRK 5:14	Ba majje cuichi jaahuanajji cuana jjajjasoaquinaje. Cuajicuajipoquinaje cuiñajji yasijje huohui pohua. Ojjaña equi yasijje huohui capoquinaje eshahua cuanajo. Cuichi cuanajo, dejja niñepoquiꞌyo jjima po mee canajejo peaꞌai huohui canaje. Jamajjeya ojjaña cuana ma cuiñajjijo baꞌe poeyanaje Jesosa baa; dejja niñepoquiꞌyo jjima baa peaꞌai: —¿Ae shai poanaje, de? —poanaje cuana.
24463	MRK 5:30	Jesosa epona nahuosa meeꞌyo jeahuajo jjashahuabaquinaje jama baꞌa: —Eꞌe nei, jjeyahua nei Eyacuiñajjiya aꞌya shai huaquia mee caꞌyonaje e daqui napaꞌajja cajo. Jjeyahua nei Jesosa jjabajeaquinaje. Ojjaña cuana ejjachichaqui nequi huohuiꞌajja canaje jama baꞌa: —¿Aya acuae ecuea daqui napaꞌajja canaje soꞌo?
24472	MRK 5:39	Equi yasijje dobiqui majje Jesosa jama poanaje baꞌa: —¿Yajjajje acuae pa neineiani, quea shajjaquijjo nee poani nequiana? Jiquio epona shoꞌi epoquijeyoꞌyo pojjeama. Oya cahuijaa.
24482	MRK 6:6	Jamajjeya Jesosa jjashahuabaquinaje jama baꞌa: —¿Yajjajje shai Nasanenajo baꞌeca cuana quea sapa caꞌa poani? Ejo eꞌe nei jjashahuabaqui ajja —poanaje. Jamajoya Jesosa o shajjaꞌajjajji cuana nijje poquinaje quea huiso cuiñajji sisi cuana huasijje esohui huohuiya.
24498	MRK 6:22	Ojjaña ijjiaꞌijjiaꞌanijo, Enodiasija bacuase peaꞌai oe nei majamaja nequinaje ojjañaja ebajji, quea bihui nee epo meejji. Enode Antipa quea bihui nee nee poa epona shoꞌijo. Jamajje onijje miminaje jama baꞌa: —¿Ae shai sa miya poani? ¡Huohuicue mo! Eyaya joya miya sañaya quiaje eꞌe jojo nei, she —acanaje Enodeya—.
24513	MRK 6:37	—Chojja. Caꞌaniahua cuana. ¡Bobiacue oe miquiaaya! —Jesosaa acanaje. —¿Yajja yajji? Ecuanaa bobi quea huiso nee nee jjeshe ajja. Quea nahue nee nee, de, 200 epojja echacojji sosejje. Eꞌe, quea huiso pojjajo chaco majje sosejje, pahui jjeshe cajji, ca ojjaña bobiajji.
24514	MRK 6:38	Jamajjeya Jesosaa jama acanaje baꞌa: —¿Ache huiso pahui yani esejaya? ¡Pahui baquicue! Ba majje oya cuana jama poanaje baꞌa: —Jesosa, esejaya bobi oe pojji yani. Me oejje pahui, beca nahuoo sisi yani peaꞌai —poanaje o shajjaꞌajjajji cuana.
24550	MRK 7:18	—¿Aꞌa ecuea esohui miquianajaya ba jjima peaꞌai? —Jesosa poanaje—. ¿Aꞌa miquea eba pojjeama? Emeꞌ shacua neinei jjimajo pojjeama miquianaya Eyacuiñajjiya quea mimishi ba cani.
24559	MRK 7:27	Ma enaese Jodio pojjeamajo, huapa jayojja. Jesosaa oya sajaꞌa canaje jama baꞌa: —¿Aꞌa cuae ecue bacuaja bobi jeajeaje iñahuehuaja eꞌijjiajji? ¿Aꞌa cuae jamaya quea pame? —Jesosa poanaje.
24574	MRK 8:5	—¿Ache huiso pahui miquea yani? —Jesosaa huohuiꞌajja canaje. —Me oejje becanejjijji peaꞌai, 7 pahui yani —poanaje.
24586	MRK 8:17	Ojaya esohui Jesosaja eba poanaje. Jamajjeya oya cuana jama acanaje baꞌa: —¿Apiojji acuae jja nequiana ojee mimimimiani bobijo? ¿Aꞌa jja eya miquianajaya ba jjima quea caꞌa nee nee?
24592	MRK 8:23	Jesosaa cojjamaꞌ me iña majje me pejjejea canaje cuiñajji esecue yasijje. Jomajo Jesosaa emeꞌ cuicho majje cojja iñapepa canaje cuichohua. Oya napaꞌajja canaje emeya peaꞌai. Jama poanaje baꞌa: —¿Achajja acuaeya miyaya baña soꞌo, cha? —Jesosa poanaje.
24596	MRK 8:27	Majoya Jesosa o shajjaꞌajjajji cuana nijje Pinipo meshi yasijje poqui canaje. Sesanea huasijje poquijeya o shajjaꞌajjajji huohuiꞌajja canaje Jesosaa: —¿Dejja cuana acuae jja yajja poani ejo? —Jesosaa acanaje.
24598	MRK 8:29	—¿Miya acuae yajja poani ejo? ¿Aꞌya cuae iña? —Jesosa poanaje. —Miya ca ca Eyacuiñajjija huoojeaꞌyo ojjaña jaahuanajji Quito bajjani —Simohuiya Jesosa sajaꞌa canaje.
24617	MRK 9:10	Oya cuanaa Jesosa shajjaꞌajja canaje. Huohui jjima nei nei poanaje. Jamatii ojee mimimiminaje jama baꞌa: —¿Yajjajje shai oya Jesosa jama poanaje baꞌa: “Eya emanoꞌyo jaa shequije oꞌoya”? Maya ecuanaja quea quehua —poanaje o shajjaꞌajjajji cuana.
24623	MRK 9:16	Majoya Jesosaa huohuiꞌajja canaje: —¿Ajeo acuae quiana jjamimicuiajea nobiajeaquiani? ¿Yajja poani soꞌo?
24628	MRK 9:21	Jesosaa ejeajji huohuiꞌajja canaje: —¿Ache shequiaja huisome jama poanaje oya?
24639	MRK 9:32	O shajjaꞌajja majje quea yeno nee nee poanaje. Jamatii oya cuana quea mete poanaje ehuohuiꞌajjajji: —¿Yajjajo shai Jesosa manoꞌyome ca oya Eyacuiñajjija huoojeaꞌyo ojjaña jaahuanajji? —oya cuana poanaje.
24660	MRK 10:3	Sajaꞌa canaje Jesosaa: —¿Yajja acuae Moisesija esohui etehueꞌyo poani soꞌo?
24708	MRK 10:51	Poeyajo Jesosaa oya huohuiꞌajja canaje: —¿Aꞌya soꞌo, Batimeo? ¿Ae sa poani miya? —Esohui huohuijji, ¡miyaya iña jjacojjabapojjaqui meeꞌyocue, ecuea ecojja quea jaꞌa epoꞌyojji! —poanaje Batimeo.
24714	MRK 11:5	Pea cuana jomajo nequi jama poanaje baꞌa: —¿Ae poani miya? ¿Apiojji mapichija bacua pichoaña soꞌo?
24737	MRK 11:28	Jesosa ojaya ba jjimajo huohuiꞌajja canaje: —¿Aya miya huoojea canaje jiquiacua? ¿Apiojji acuaeya esohui huohuiaña soꞌo? ¿Apiojji acuaeya aquiana quiajji poani huoojeacuayajeanaje oma mecajje? —onijje mimijajinaje.
24740	MRK 11:31	Shajjaꞌajja majje Jodio cuana ojee mimimiminaje: —¿Yajja sajaꞌame yajji esejaya? Quea mete ojjaña dejja cuanajo. Ojjañaa ba cani Huani Eyacuiñajjiya huoojea canaje esohui huohuiya. Jamajjeya: “Dejja cuaa Huani huoojea canaje” eseya aje se cuia ca chanaꞌ. “Eyacuiñajjiya Huani huoojea canaje” eseya aje se oe jama acaje baꞌa: “Jamajjeya ¿apiojji miyaya Huani shajjaꞌajja jjima aña?” Jesosaa acaje —jamaya Jodio cuana miminage.
24758	MRK 12:16	Jjequi canaje cuaa. Esodojjo ba majje Jesosaa huohuiꞌajja canaje: —¿Ae ecajjaꞌyo jiquio? ¿Ae bajjani etehueꞌyo? —Emeshi mese ecajjaꞌyo, Sesa —poanaje—. Ojaya bajjani etehueꞌyo yani peaꞌai.
24777	MRK 12:35	Jamajjeya ojjaña cuana ejjachichaqui nequi huohuiꞌajja canaje Jesosaa: —¿Yajja poani miquianaya Eyacuiñajjija huoojeaꞌyo ojjaña jaahuanajji Quitojo? ¿Ache etiiquianaja osecua oya, ajea bacua? ¿Yajjajje acuae Moisesija etehueꞌyo huohuijji cuaa huohui cani? Jama baꞌa: “Quito emeshi mese Dabija osecua, ma yahuajo baꞌya poaja” acani cuaa —Jesosa poanaje—.
24827	MRK 14:4	Ma ba majje beca cuana quea quene poanaje; epona tecuea canaje jama baꞌa: —¿Apiojji acuae miyaya jiquio shiyeshiyeya Jesosa sapa quehua shaña soꞌo?
24829	MRK 14:6	Jesosaa ca ca oya shajjaꞌajja majje jama acanaje baꞌa: —¿Apiojji acuaeya epona tecueaña soꞌo? ¡Aꞌa oya tecueajji! Eꞌe, eya ohuaya huojja sha canaje. Jamaya quea pame nee.
24834	MRK 14:11	Oya cuanaa Jodasa sajaꞌa canaje quea bihui nee jama baꞌa: —Eꞌe, Jesosa iña meesahua sosejje miya sosequiajeꞌyo quea huiso —poanaje Jodio etii. Jamajjeya Jodasa jjashahuaba neineiqui aninaje: —¿Achajja iña meeme aje soꞌo? Cabaꞌajjaquisahua —poanaje.
24860	MRK 14:37	Majoya oya poqui oꞌoyanaje o shajjaꞌajjajji cuana huasijje. Ba cañaquiꞌyonaje ecahuijaa. Tecueꞌama Peno nijje jama poanaje baꞌa: —¿Aꞌa mi cahuijaa? ¿Aꞌa mi enijje cahui jjima che nequi jjima?
24864	MRK 14:41	Jamajjeya oya cuana jea canana oꞌoyanaje, Jesosaa. Cuama pishana poqui oꞌoyanaje. Oja Chii nijje mimi oꞌoyanaje. Mimi oꞌoya majje poe oꞌoyanaje o shajjaꞌajjajji cuana que. Isheꞌacanaje: —¿Aꞌa miquianaya cahuijaa tii? ¿Aꞌa mi jomishocajaa? Apoa aje, de. Jjeyahua nei eya, ojjañaja Edoe Mese, mimishi cua iña meesahua cajeꞌyo cuaa.
24871	MRK 14:48	Jesosaa ojjaña dejja ejjachichaquiꞌyo nequi huohui canaje: —¿Apiojji miya poeyanaje baajji, acuijji, mejejji e iñaa? ¿Aꞌa cuae jja iña siipojji soꞌo?
24883	MRK 14:60	Majoya Eyacuiñajji nijje emimijji etii ojjaña cojja nei nequisohua majje Jesosa huohuiꞌajja canaje: —¿Aꞌa pa miya jama poanaje baꞌa? ¿Jesosa, aꞌa cuae miyaya sajaꞌajeꞌyo soꞌo?
24896	MRK 15:1	Majoya mecajjeahua nei Eyacuiñajji nijje emimijji etii cuana, Jodioja edejja tii cuana, Moisesija etehueꞌyo huohuijji poani, pea Jodio etii ejjachichaqui nequi cuana peaꞌai, 71 huisome jjachichaquinaje. Ojee jjachichaqui majje miminaje Jesosa quecuaꞌyojji: —¿Achajja amajje acuae seya Jesosa quecua meejeꞌyo soꞌo? —acanaje oya cuaa. Jamajjeya Jesosa me jeyo majje dojo canaje Shomano meshi mese Pinato bajjani yasijje.
24897	MRK 15:2	Jesosa ba majje Pinatohua huohuiꞌajja canaje jama baꞌa: —¿Aꞌya cuae mi soꞌo? ¿Aꞌa miya Jodioja Emeshi Mese nei poajeꞌyo? —Eꞌe, joya ecua miyaya aña jamaya epoꞌyojji eya —Jesosaa sajaꞌa canaje.
24899	MRK 15:4	Jamajjeya Pinatohua oya huohuiꞌajja canaje: —¿Yajjajje acuae mi mi jjasajaꞌaquiani soꞌo? ¿Aꞌa jje shajjaꞌajja jjima ojaya esohui mijo? Quea huiso nee miya niñeba cani Jodio etii cuaa.
24900	MRK 15:5	Jesosa mimishiꞌama. Jamajjeya siajjepojji cuana o niñebajji sajaꞌa jjima acanaje. Jjasajaꞌaqui ajja nei nei ba majje Pinatohua niñeba caꞌyonaje: —¿Yajjajje acuae Jesosa mi jjasajaꞌaquiani soꞌo, de? —poanaje Pinato.
24909	MRK 15:14	—¿Yajjajo acuae oya quecuajeꞌyo soꞌo? Oya mimishiꞌama. ¿Apiojji acuaeya jjaya quecuaꞌyo sa aña Jesosa? —Pinatohua huohuiꞌajja canaje. Jamatii taaa majamaja canaje Jodio cuana: —¡Jesosa oe me cacajea meecue oe; acui ecueataꞌapeejo baꞌehuanasohuajea meecue Jesosa, de! —jama taaameya poa Jodio etii cuana.
24924	MRK 15:29	Pea dejja cuana ejiojjijje poquianiya Jesosa ba majje esapa jeacajjacajja canaje, soa huisahuisa nequinaje. Jama mimijajime poanaje baꞌa: —¿Aꞌa cuae oe miyaya Eyacuiñajjija mei equi iñajeabichajeaꞌyo majje pea equi iyaje oꞌoya soꞌo, pea beca peejjima cahuime? ¡Baꞌajja socue!
24926	MRK 15:31	Moisesija etehueꞌyo huohuijji, Eyacuiñajji nijje emimijji etii peaꞌai ojo soa neineinaje. Ojee mimimiminaje jama baꞌa: —¿Aꞌa Jesosa ojjaña jaahuanajji epoꞌyojji? Chojja, ona nahuejji pojjeama. Oya ca ca oma nequioqueꞌyo ajja, de —poanaje.
24927	MRK 15:32	Jesosa niñeba canaje peaꞌai: —¿Aꞌa cuae jja oe miya Jodioja Emeshi Mese nei poajeꞌyo? ¡Jjabaꞌajjaqui socue! Miya Eyacuiñajjija huoojeaꞌyo ojjaña jaahuanajji jjabaqui majje ¡acui ecueataꞌapeejo baꞌe ca oe nequioqueꞌajjaꞌyo socue jjeyahua nei, ecuanaja ebajji! Ba majje ecuaaya: “Miya eꞌe jojo nei Eyacuiñajjija Bacua Ejja poanaje” ajeꞌyo. Siipojji cuaa ma o pejjejo ebaꞌehuanasohuajea baꞌeya peaꞌai Jesosa jamaya niñebame acanaje quea huiso nee.
24939	MRK 15:44	Joseja esohui shajjaꞌajja majje Pinato jama poanaje baꞌa: —¡De! ¿Aꞌa oya Jesosa manocuajiꞌyonaje? Jamajjeya Pinatohua sohuinano huoojeajji poani, ma Jesosa me cacajeajji epo iyaa canaje. O poeyajo huohuiꞌajja canaje jama baꞌa: —¿Aꞌa eꞌe jojo nei Jesosa manocuajiꞌyonaje? —poanaje.