7132	RUT 1:3	Ili gäheo i nabülasi afädë gadoi ami nelo. Ami nea Elimelege baagoi. Baagosebegida Naomi, ïe malö äudä amolali, hilido nelo. Hilido nea efegele äudä amolea Moaba udia amogi nii. Dolïsä äudä amolele ëida Obale Uludile. Ele neala ami salea Gilionole Malonole helegela ami baagoi. Egoa efegele äudä amolali baagoibua Naomi hïdo ami sulo.
7143	RUT 1:14	Amo säi amo nabalahilä elea bu elö dïi. Dïisa nelolahilä Obaea egoame Naomi gaula mimilahilä, mosalo, hawiola sälahilä hï segea obëgëi. Uludia egoame sali gaula nea, neda dofä obëgëmolö mademelëla säi.
7190	RUT 3:16	Obëgëla awäla egoame sali mosöa sebea ami beselagalasebegi, egoame sali amea nabahalea, Nidiwi, gelola abilia hamoila nabi. Amala nabasebegi, Uludia Boasaea säi amoge hamoi amoge hulu sulubadela säla ïaha maadei.
7209	RUT 4:17	Udia ga made sefolalo amolia malö amoïe ëi Obedi negei. Ëi amo negelahilä ilia säla sogosalea sähalea, Naomigali dolö malö afädë sogobala ï gabuwela säi. Hobealada Obediïe malöda Yesi. Yesiïe malöda Debidi.
7210	RUT 4:18	Goweda Felese sosogo awäha nea Debidi beselagalai amo dialea. Feleseïe malöda Hesolono. Hesolonoïe malöda Alama. Alamaïe malöda Aminadaba. Aminadabaïe malöda Nasono. Nasonoïe malöda Salomono. Salomonoïe malöda Boasa. Boasaïe malöda Obedi. Obediïe malöda Yesi. Yesiïe malöda Debidi. Amala fifii misi dialea. Hä amo.
23218	MAT 1:5	Amase, Salomonoïe malöda Boasa. Boasaïe emeda Elehaba. Boasaïe malöda Obedi. Obediïe emeda Uludi. Obediïe malöda Yesi.
23230	MAT 1:17	Ëi amolida Abalahama neloa amila maala Debidi neloa amilada damo silasi nelo. Debidilahilä Isilale udia dolö ili Babilonomu galadigia amilage damo silasi nelo. Oböla Babilono galadigia amila Afädë Memelei e misia amilage damo silasimu nelo.
23287	MAT 4:9	Olesa maadelahilä sähalea, Dia ne mia emo gumu sasagalahilä, nïe ëi gauia adaseda, nelebo sulubadela beasebe egowelida, digali ïaha maademolömelëla säi.
23291	MAT 4:13	Obëgëla awälahilä, e Nasalese gaamu dïgïla, Gabaniama gaamugi namolö asi. Gabaniama gaamuda, oeabo edefade dibe amoïe agesugi Sebulunilele Nafadalilele sege dilo.
23306	MAT 5:3	Odoaea asigigi helësësalea, nïe iso asigi dofea made gabula helësësa nefolalebe amolida, obeägïsa nea. Mida, Hebeni Beaha Maadela Sigi Neebe amoda ilile dialeamelë.
23310	MAT 5:7	Odoa bobasëla ugila negelo nefolalebe amolida, obeägïsa nea. Mida, Godea ili bobasëla ugila negemolömelë.
23363	MAT 6:12	Odoaea nilïma asiala hamosegi fisilo amo gadola, dia nilïa asiala hamoi amolige fisimalo.
23397	MAT 7:12	Odoaea mala sulubadela dilima hamomäiala hamelo amo gadola, amase, diliage odoa ilima amo gadola wäla hamomalo. Mida, Mosese nebegi Ado säla negei amoge, bea sälo nefolalo amolia ado säla negei amoge, amolia säi amoïe iso gäwida gomelëla säla ï.
23419	MAT 8:5	Amila awälahilä, Yesu e Gabaniama beselagalasebegi, Olomo ilile ami hädali afädë beaha aligilo afädë Yesu neebea maalahilä, ema hähäfilïla sähalea,
23431	MAT 8:17	Ea amala hamoi amoda, Godea ïe bea sälo Aisaeama aligila, bea säla negei amo gausiala digai. Nilïle oloi amo hï neala gaui. Olo elö elöla nilïma baai amoli ea neala gaula asila säi amo dëdëla negei dialea.
23433	MAT 8:19	Amala säsebegi, mala dawadigi afädë Yesu neebea maalahilä, ema sähalea, Säla Olelelo, di awäsebe go gadola, ne di bëgëla maahagola säi.
23460	MAT 9:12	Amala säi amo nabalahilä Yesuea sähalea, Udia dolö oloi made nefolalebe amolida alögoda neebea aulo made. Oloi sefolalebe amolimu alögoda neebea aulomelë.
23596	MAT 12:38	Amala säsebegi, mala dawadigi odoa nefolalo amoliage, Felesi dolö odoa nefolalo amoliage Yesuma sähalea, Säla Olelelo, dia dolöea hamomolöi made gadoi afädë nilïa melëdelä hamomola säi.
23616	MAT 13:8	Gägä odoa naga hedabi dibea ami daala negei amo bäulahilä gägä negeimelë. Odoaea hädali afädë negei. Odoaea nabülasi gafeia negei. Amase, odoaea nabülasi ohodoa negeimelë.
23702	MAT 14:36	Sigi maalahilä, ilia ema gelola sähalea, Oloi difolalebe gowelia dïe fagulo bidigimu diigimäiamelëla säi. Amo gadola, Yesuïe fagulogi diigi amoli sulubadela hä, wahisa maadei.
23755	MAT 16:14	Amala nabasebegi, ilia säla obëgësalea, Odoaeada ödägi gelo Yone neala säladigi, odoaeada Elaia neala säladigi, amase, odoaeada Yelemaea galë, bea sälo elö galë neala säladigisa difolaleamelëla säi.
23759	MAT 16:18	Amaimo, na dima sähago. Dïe ëida Fida. Igi amodaia nïe udia dolö Godea wela ifosisi nefolalebe amoli na ulimolömelë. Olasegi, baagomolö amoïe geloi ameada made nufuda salala salolemolömelë.
23843	MAT 19:12	Dolö odoa mi elö elöla diëda, udia made neala aligilomelë. Odoada, emea neegela ägüsolo amo gala udia nimolöi made, neegela ägüi. Odoada, dolöea ili iso neadigi. Amase, odoaeada, Hebeni Beaha Maadela Sigi Neebe amomu asigisalea, udia made neala aligilo. Olelesebe amo nabalahilä, dofea gabula neala gaumolöi galëda, neala gaumalola säi.
23847	MAT 19:16	Segeyo afädëgi, afädëa Yesu neebea maalahilä ema nabahalea, Säla Olelelo, ne namolöi namolö neala gaumolöïe, hamoi hedabi abodo gadola hamomolö dialeadula nabi.
23896	MAT 21:1	Ili Yalusaleme beselagalamolö ga madela, Olibebi neebea ami sege Bedifagi beselagalamolöïe yauabia nea, Yesuea bëgëla aulo äudä dafidi mosalolahilä
23947	MAT 22:6	Odoa made asi amoliada ïe hamoi hamolasilo amoli gaulahilä, nafadela nufudala baagoi.
23957	MAT 22:16	Amala didiälahilä, ilia ilile bëgëla aulo nefolalo amolige, Heledoïe sosogo nefolalo amolige, Yesu neebea mosalosebegi, ilia ema sähalea, Säla Olelelo, nilïa helësësaleada, dia ado dofämu sälo. Amase, dia Godeïe mala säla olelese goda, mogolafalï säla olelesa. Dia dolö odoabalä made bedälo ameada, dia mogoimu olelelola helësësamelë.
23965	MAT 22:24	Ilia nabahalea, Säla Olelelo, Mosesea sähaleada, Dolö baagoi amea malö made sogobala baagoi galëda, baagoi amoïe edooea udia didalo amo bedefala nealahilä, edoo baagoi amoïe malö sogobamolö dialeala säla dëdëla negei dialea.
23977	MAT 22:36	Dolö amea nabahalea, Säla Olelelo, Ado säla negei amogi, nilïa hamomalai dibe edefadeda abododula nabi.
24021	MAT 23:34	Amai gabugi, nabuö. Na bea säloge, dolö asigi falagaseige, amase, mala dawadigi dolöge dilima fisiga gamolömelë. Odoada dilia nufudala baagola, odoada i fügäigi baala negemolömelë. Amase, odoada dilile gedolo mosöa ami fëgälahilä, ili nesila gaamu afädëgila doadigila awäla, gaamu elögi nesila fisiga gamolömelë.
24029	MAT 24:3	Yesu e Olibebidaia sebegi, ïe bëgëla aulo amoli hilidomu maalahilä nabahalea, Dia nilïma säla ïmo. Dia säi amo abola beselagalamolödu. Dafidi nelebo edodale beselagalasegi, nilïa amo bealahilä, di hä, ulufadigimolö amoge, aligila wagamolö amoge, ga made gabula helësëmolöla nabi.
24030	MAT 24:4	Amala nabasebegi, Yesuea ilima säla obëgësalea, Odoaea dili dahila neloea, idihë namialo.
24141	MAT 26:18	Amala nabasebegi, Yesuea sähalea, Gaamugi awälahilä dolö amoma gomalä sämalo. Säla Oleleloea sähalea, Nïe fuda hä, ga made gabugi, nïe bëgëla aulolali, Baagila Asi Segeyo amoïe molö molö amo na dibalä nuduläla säila sämalola säi.
24148	MAT 26:25	Yudasa, e hololöla odoaïe naabogi gausimolö amea nabahalea, Säla Olelelo, nalela nabi. Amala nabasebegi, ea ema sähalea, Dihï säse gomelëla säi.
24153	MAT 26:30	Amala sälahilä, ilia gë afädë udälahilä, Olibebia afiai.
24154	MAT 26:31	Olibebia afiahalea, Yesuea ilima sähalea, Walio gasigi, dili sulubadelaea, nema hamosebe amo beahalea, dilile asigi afädë negeigo digamolömelë. Mida, ado säla dëdëla negei dibe amea sähaleada, Na sugua sibi sigi aligilo nufudasegi, sugua sibida fisäla dusudasila afufumolömelëla säla dëdëla negei dialea.
24172	MAT 26:49	Ili maalahilä, e hä, Yesu neebea fodolofalï maala sähalea, Säla Olelelo, di go gabiola sälahilä, e gaula mimi.
24188	MAT 26:65	Amala säsebegi, gobela ïlo Busa Edefade amea, hïle fagulo gadelaha nea sähalea, Ea Gode gagadela säsebego. Odoama ea hamoi amoïe nalï made nabedelämelë. Hädamade ea Gode gagadela säsebe amo dilia hä, nabi amomelë.
24190	MAT 26:67	Amala sälahilä, ilia Yesu e migalïa gofedela gagalala, e nufudala ïalalei. Odoaeada e naabo gafea nufudalahilä
24330	MRK 2:1	Segeyo odoa ami nelolahilä Yesu e Gabaniama obëgëi. Obëgëla misi nebegi udia dolö nefolalo amolia Yesu mosöa obëgëla misi neala säi amo sulubadelaea nabaha maadei.
24346	MRK 2:17	Amala säi amo nabalahilä Yesuea ilima säla obëgësalea, Udia dolö oloi made nefolalebe amolida alögoda neebea aulo mademelë. Oloi sefolalebe amolimu alögoda neebea aulo. Ne misi amoda udia dolö hedabi neebe amo wemolö misi made, udia dolö nafade hamolo neebe amo wemolö misimelëla säla ï.
24388	MRK 3:31	Segeyo amo gala Yesuïe eme edoolali mafula ifo baagido segea nea. Odoa ilima sähalea, Yesu e nilï neebeawi misialasebela sämola säi.
24400	MRK 4:8	Gägä odoa naga hedabi dibea ami daala negei ameada hedabola bäulahilä gägä negeimelë. Odoaeada gägä nabülasi ohodoa negei. Odoaeada nabülasi gafeia negei. Odoaeada nabülasi emu nabülasi negeimelëla säi.
24427	MRK 4:35	Segeyo amo galamu deadi eso digase gaalu, Yesuea ïe bëgëla aulo amolima sähalea, Oeabo edefademalä go dëgëla nali alogodigogi afiadila säi.
24430	MRK 4:38	Amala hamomolö amo gaalu, Yesu e ödä du bidigi busa fugulo negela adi dilo. Amala dibegi ilia e didiigisalea ema sähalea, Säla Olelelo, di nowemo. Nilï baagodelä hamosebe gowegi di holöfalï fudugila made dialealela nabi.
24449	MRK 5:16	Odoaea melï amolia udia dolö misi neebe amea nabuäia mugabe yafie nesiladigi amoge sugua ödäea mai amoge odoama fädäla säla ï.
24490	MRK 6:14	Udia dolöea Yesuïe ëi säsäi asi ameada beaha aligilo Gini Heledoea nabi. Odoaea sähalea, Ödägi gelo Yone dafidi baagoi amo bu nowelahilä obëgëla misi amea geloi melëlo made gadoi hamosa neamelëla säha nelo.
24491	MRK 6:15	Odoaea sähalea, Eda Elaia neala säi. Odoaea sähalea, Eda bea sälo siiba nelo amo gadoi gabula säi.
24498	MRK 6:22	Segeyo amo gala udia Helodiasa hïle idiwi amo maalahilä sigoi. Ea sigoi amo bealahilä Heledoeage dolö odoaeage hedabola obeägï. Obeägïsa maadesebegi, Heledoea dolïsä amoma sähalea, Sigosegoïe nelebo afädë ïmose amo gadoi ïmolömelëla säi.
24532	MRK 6:56	Mosö afädë afädëla neebea amige mosö yafie dibea amige sagai dibea amige e awäla beselagalasebea amida udia dolö nefolalo amolia oloi difolalo amo gaula mafula magaia gaamugi negesisilo. Gaula mafula negesisebegi, ilia Yesu hamelahilä sähalea, Dïe fagulo bidigimu diigimäiamelëla säi. Oloi amolia amala diigisebegi, wahisa maadei.
24572	MRK 8:3	Sïdëa baagoi amola wäla ili mosöa mosöla säseda, idiafa si dädäbëlela digamolö gabu. Odoada amase, sege wagadi madela mofiai gabula säi.
24612	MRK 9:5	Amo bealahilä Fidaea Yesuma sähalea, Säla Olelelo, nilï wi nefolalebewe hedabi gabu. Nilïa sege mosö ohodoa olahadio. Elöda dïe, elöda Moseseïe, elöda Elaiaïela säi.
24619	MRK 9:12	Ea ilima säla obëgësalea, Dofä Elaia dafidi maala nelebo sulubadela neala hahamogimolömelë. Ado abeahäla säla dëdëla negei dialea, Dolöïe Malö amo së yafie molömelë. Odoaea ema bimolö habobamolömelë.
24624	MRK 9:17	Udia dolö gegedoi amoligi dolö afädëa ema säla obëgësalea, Säla Olelelo, nïe nafegema mugabe fedai amea made adosebegi, di neebea sigi misimelë.
24645	MRK 9:38	Yonea Yesuma sähalea, Säla Olelelo, dolö afädëa dïe ëi säla mugabe fedai nesiladigisebe amo nilïa bealahilä, amamabiola säimelë. Mida, dolö amoda nilïbalä nawelo made amea hamosebegi säimelëla säi.
24674	MRK 10:17	Yesu e moholö awäha nebegi, dolö afädë baluluia maala, ïe emo mia gumusula dia idogolahilä sähalea, Säla Olelelo hedabie, ne namolöi namolö neala gaumolöïe abilia hamomolödula nabi.
24677	MRK 10:20	Amala säsebegi, ea Yesuma säla obëgësalea, Säla Olelelo, ado amolida ne malësägila nea hamosa maadeimelëla säi.
24689	MRK 10:32	Yesula ïe bëgëla aulo amolali Yalusaleme aulo idigi awähalea, Yesu edale dafidi awäha nelo. Amala hamosebegi, ïe bëgëla aulo amolia fudugila aligi hobeala awäha nelo. Odoa hobeafalï awäha nelo amolia bedäla aligi asi. Yesuea giwilasi amolibalä aliga galahilä hobea ema hamomolö amo ado
24692	MRK 10:35	Sebediïe malö Yemese Yonele Yesu neebea maalahilä elea ema sähalea, Säla Olelelo, alïa afädë helësësewe gadoi dia hamomäia helësësamelëla säla ï.
24708	MRK 10:51	Maasebegi, Yesuea ema nabahalea, Na dima edo hamomäia helësësebela nabi. Amala nabasebegi, dolö si golai amea ema säla obëgësalea, Säla Olelelo, na bimolö helësësebela säi.
24710	MRK 11:1	Ili Yalusaleme beselagalamolö ga madela, sege Bedifagige Bedanige Olibebidaia ami nea, Yesuea ïe bëgëla aulo amoligi, äudä dafidila mosalolahilä,
24730	MRK 11:21	Bealahilä Yesuea säi amo helësëlahilä Fidaea ema sähalea, Säla Olelelo, bimo. Dia äfäeoma habobala säi amo bausoi gabuwela säi.
24747	MRK 12:5	Amala hamosebegi, sagai eedo amea ïe hamoi hamolasilo elöma mosalalahilä awäsebegi, ilia dolö amo nufudala baagoi. Amo gadola dolö yafie odoa mosalai amolige amala hamoi. Odoa nufudala ïalaleladigi, odoa baagomäia nufudadigimelë.
24756	MRK 12:14	Amala säsebegi, ili e neebea ami awälahilä ema sähalea, Säla Olelelo, nilïa helësësaleada, dia mala säla ïahalea mogolafalïmu säla, dolö odoabaläge bedäla fudugilo madela helësësamelë. Amala helësëse amoïe mida, odoa neebe amolia di beala säse amogi bedäla helësëla made, Godea helësëi dibe amomu udia dolöma säla olelelo amo mogolafalï olelelomelë. Amalo gabugi, nilïle mala säla negei dibe amo helësëlahilä, Beaha Aligilo Sisa neebe amoma dagisi muni ïmolö dialeale ma, madele.
24761	MRK 12:19	Säla Olelelo, Mosesea mala afädë nilïa hamomäia dëdëla negei dibe amo gowe. Dolö afädëïe edoo malö madela baagoseda, udia didalomu sulolahilä, dolö baagoi amoïe ëigila malö ägümolöïe, edoo elö amohï udia amo nimäiala säla dëdëla negei dialea.
24773	MRK 12:31	Amo baagia elöda gowe. Dihïdi boba hamolo amo gadola, odoa dibalä nefolalebe amoli boba hamomalola säla negei. Mala geloi dafidilo gelola äudä amolemu säla negei dialea. Odoa mademelëla säi.
24774	MRK 12:32	Amala säsebegi, mala dawadigi amea ema säla obëgësalea, Säla Olelelo, dia mogola säi. Gode afädëfalïmu, elö made, emu neala säi amo dia dofä säimelë.
24787	MRK 13:1	Yesu e gobela ïlo mosöa amila awäha nebegi, ïe bëgëla aulo afädëa ema sähalea, Säla Olelelo, igi boboga hedabi hïdo elöia mosö hedabi hïdo elöi olola fedai neebe gowe bimola säi.
24789	MRK 13:3	Yesu e Olibebidaia fedalahilä gobela ïlo mosö sida idogola sebegi, Fida Yemese Yone Ädululali hilidomu nea ema nabahalea,
24791	MRK 13:5	Amala nabasebegi, Yesuea ilima säla obëgësalea, Odoaea dili dahila neloea, idihë nefolamialo.
24808	MRK 13:22	Dolö odoaea wäfalï säsäla sähalea, Afädë Memelei amo ne misi neawela sämolö moholömelë. Odoaea wäfalï säsäla sähalea, Neda Godeïe bea sälo misi neawela sämolö moholömelë. Amala maalahilä, ilia udia dolö Godea memelei nefolalebe amoli dahila neala hamomolöi walebelela bimolöïe, dolöea hamomolöi made gadoige, hïdo elöige hamosa namolömelë.
24837	MRK 14:14	Alia beahamelë, dolö amo mosöa nogila digaseda, mosö eedo amoma gomalä säla ïmalo. Säla Olelelo neebe amea dima nabahalea, Baagila Asi Segeyo amoïe molö nïe bëgëla aulo amolibalä nilï abidi molödula nabimelëla sämalo.
24849	MRK 14:26	Amala sälahilä, ilia gë afädë udälahilä, Olibebia asi.
24868	MRK 14:45	E beselagalala, Yesu neebea fodolofalï maala sähalea, Säla Olelelola sälahilä, Yesu mimila nödöi.
24880	MRK 14:57	Odoaea nowela aligilahilä, ea made hamoi amo babala säla sähalea,
24886	MRK 14:63	Amala säsebegi, gobela ïlo Busa Edefade amea nabalahilä, hïle fagulo nulilahilä ilima sähalea, Odoaea ea hamoi amo nalï made sämalo.
26162	JHN 1:49	Amala säla ïasebegi, Nadanalea säla obëgësalea, Säla Oleleloo, dida Godeïe malö. Dida Isilaleïe Ginimelëla säi.
26191	JHN 3:2	E Yesu neebea gasigi maalahilä, ema sähalea, Säla Oleleloo, nilïa dida säla olelelo Godea fisiga weila helësësamelë. Mida, Gode e dolö afädëbalä made nea, ea dolöea hamomolöi made gadoi dia hamosego gadola hamomolöi mademelëla säi.
26215	JHN 3:26	Amala gëgësa dilolahilä, ili Yone neebea afialahilä ema sähalea, Säla Oleleloo, dolö afädë dibalä Yodona dëgëla alömodi nebegi, dia sähalea, Dolö amoda gowemelëla säi ameada, udia dolö ödägi gesa nea. Amala hamosebegi, udia dolö sulubadela e neebeamu awäha neamelëla säla ï.
26232	JHN 4:7	Amala sebegi, Samelia udia afädë ödä usimolö maaha nebegi, Yesuea ema sähalea, Ne ödä molö gabu. Osala ïmola säi.
26256	JHN 4:31	Udia amo asibua, ïe bëgëla aulo amolia Yesuma sähalea, Säla Oleleloo, di hä molö muöla säi.
26263	JHN 4:38	Dilia dafidi sagaia made ami, na dilima molö nea mosalaimelë. Odoa ilia häuala sagai dibea ami, dilia ilia hamoi amoïe molö niimelëla säi.
26293	JHN 5:14	Hobeala, Yesuea Godeïe mosöa ami beahamelebe, dolö amo neebe bealahilä ema sähalea, Nabuö. Walio di hä, wahi gomelë. Dia nafade bu elö made hamomalo. Oböla, yöi elö dia dafidi gausiai amo baagila awäla dima besela galaloeamelëla säi.
26351	JHN 6:25	Udia dolö amoli afiala ödä dëgëla alömodi Yesu beagolelahilä, ema nabahalea, Säla Olelelo, dida wi abola misila nabi.
26368	JHN 6:42	Ilia sähalea, Goweda Yosebeïe malö Yesu madele. Ïe eme eedoleda nilïa dawadigi amo. Oböla, ea sähalea, Selesaiala digaila säi amoda abeahäladula säla didiäha difolalo.
26409	JHN 7:12	Udia dolö gegedoi amoligi yafiea sëdäwala säla didigaha dilo. Odoaea e hedabimelëla säla digi, amase, odoaea sähaleada, Amala made. Eada udia dolö dahila neaha neala säla digisa dilo.
26431	JHN 7:34	Obëgëseda, dilia ne hogomolö gaso, made beagolemolömelë. Sege ne moholöia amida, dili moholöi made nebegola säi.
26438	JHN 7:41	Amase, odoaea sähaleada, Afädë Memelei amoda emelëla säi. Oböla odoaea sähaleada, Afädë Memelei amoda amai, Galilila made moholö madele.
26441	JHN 7:44	Odoaea e gaudeläla helësëi gaso, iligi afädëa e made gaui.
26442	JHN 7:45	Amasebegi, Godeïe mosö idihë aligilo amoli maala Felesi dolöge, gobela ïlo busage nefolalebea ami bu obëgëi. Obëgësebegi, ilia amolima nabahalea, E sigi made misigoda edoïela nabi.
26451	JHN 8:1	Yesu eda Olibebidaia ami fedai.
26454	JHN 8:4	Yesuma sähalea, Säla Oleleloo, udia egowea, dolö fa neaha nebegi beagoleimelë.
26502	JHN 8:52	Amo nabalahilä, Yu ilia ema sähalea, Di mugabe fedai neebe amoda nilïa hä, dawadigimelë. Abalahamage baagoi, amase, bea sälo amolige hä, baagosa maadei amo. Oböla, dia sähalea, Na ado säsebe amo nabala bëgëla hamosa neebe ameada, baagomolöda dofä made bimolömelëla säsio.
26511	JHN 9:2	Amo bealahilä, ïe bëgëla aulo amolia ema nabahalea, Säla Oleleloo, dolö gowe nowëa nafade hamoia emea neegela ägüsolo amo gala si golai amola wäla neegela ägüidu. Hï nafade hamoialedu ma, eedole emelea nafade hamoialedula nabi.
26518	JHN 9:9	Odoaea sähalea, Amo gabula säi. Amase, odoaeada, Ai. Goda amo gadoi elö gabula säha dibegi, dolö amo hï sähalea, Amoda nemelëla säi.
26595	JHN 11:3	Oloi dibegi, elefi äudä amolea Yesuma säsisalea, Dafidilo Geloie, dolö dia boba hamolo amoda, hä, oloi dialeamelëla säsi.