23226	MAT 1:13	Jorobaabel rimi Abihuda, Abihuda rimi Eliyakim, Eliyakim rimi Ajora,
23227	MAT 1:14	Ajora rimi Sadok, Sadok rimi Akim, Akim rimi Eliyuda,
23228	MAT 1:15	Eliyuda rimi Eliyaajaru, Eliyaajaru rimi Mattan, Mattan rimi Yaakuuba,
23245	MAT 2:7	E ley ɗum, Hirudus noddi jom'en annde ɓee e cuucuukka, lamndii ɓe wakkati mo hoodere ndee ɓanngi oo. Ɓeen pammini mo.
23262	MAT 3:1	E oon jamaanu, Yaayaa mo lootogal batisima ɓanngi. Omo ooynoo ley ladde jeereende Yahuudiya, omo wiya:
23264	MAT 3:3	Oo woni mo annabi Esaaya sappinoo, nde wiinoo: «Neɗɗo ana ooynoo ley ladde jeereende, ana wiya: Moƴƴinee laawol Joomiraaɗo ngol, ndartinee ɗati makko!»
23267	MAT 3:6	Eɓe njaadira luutti maɓɓe, Yaayaa looti ɓe lootogal batisima ley maayo Urdun.
23277	MAT 3:16	Iisaa lootaa tan, ƴeeŋi iwde e ndiyam ɗam. E oon wakkati, kammu oo udditii, o yii Ruuhu Laamɗo ana jippoo no wuugaandu nii, ana wara e makko.
23279	MAT 4:1	E oon wakkati, Ruuhu Ceniiɗo naɓi Iisaa ley ladde jeereende, yalla Ibiliisa ana tewta seytaade mo.
23292	MAT 4:14	yalla ana tabintina haala ka Laamɗo yottiniri annabi Esaaya kaa nde oon wii:
23353	MAT 6:2	Ndennoo, so aɗa itta sadaka, pati waɗu dillere faa yimɓe njiye, hono no naafigi'en ɓee ngaɗata ley cuuɗi baajorɗi, kaɲum e laawi nii. Eɓe ngaɗa non yalla yimɓe ana mana ɓe. Miɗo haalana on goonga, ɓeen keɓii mbarjaari mum'en faa timmi.
23427	MAT 8:13	Caggal ɗum, o wii hooreejo sordaasi'en oo: —Hootu galle maa! Yo laatane no ngoonɗinir-ɗaa nii. E oon wakkati jaati, golloowo hooreejo sordaasi'en oo sellinaa.
23431	MAT 8:17	O waɗi non faa ɗum tabintina haala ka Laamɗo yottiniri annabi Esaaya kaa nde oon wii: «O ittii tampere meeɗen, o sellinii ɲawuuji meeɗen.»
23440	MAT 8:26	O jaabii ɓe, o wii: —Ko hulɓinta on? Onon famɗuɓe hoolaare! E oon wakkati, o immii, o jahii e henndu nduu e ndiyam weendu ɗam. Non fuu wii teen!
23442	MAT 8:28	Nde Iisaa lummbunoo so heetti e leydi Gadaren ndee, worɓe ɗiɗon laddaaɓe njalti ley janaale, kawri e makko. Eɓe ɲanngunoo faa fay gooto suusaano ƴaɓɓoraade laawol ngol.
23451	MAT 9:3	E oon wakkati, dunkee'en Sariya yogaaɓe miili e ko'e mum'en: «Oo gorko ana bonkoo Laamɗo!»
23462	MAT 9:14	E oon wakkati, taalibaaɓe Yaayaa ɓattii Iisaa, lamndii mo ɗum ɗoo: —Ko saabii so minen e Farisa'en ɓee miɗen koora kaa taalibaaɓe maa ɓee koorataa?
23463	MAT 9:15	O jaabii ɓe, o wii: —Tama nootiiɓe kuurtungu ana mbaawi ŋoornaade so jommbaajo gorko ana wondi e mum'en? Kaa ɲalaaɗe ngaran ɗe jommbaajo gorko oo ittetee e hakkunde maɓɓe. E ɗeen ɲalaaɗe, ɓe kooran.
23468	MAT 9:20	Eɓe e laawol, debbo gooto mo tuundi mum taƴataa ko waarata e duuɓi sappo e ɗiɗi, iwri caggal Iisaa, memi kommbol saaya makko.
23477	MAT 9:29	E oon wakkati, o memi gite maɓɓe, o wii: —Yo laatano on no ngoonɗinir-ɗon nii.
23544	MAT 11:16	Koɗum mbaaw-mi nanndinde e yimɓe oo jamaanu? Eɓe nanndi e sukaaɓe jooɗiiɓe e luumooji, ɓee ɗoo ana mbiya ɓee too:
23575	MAT 12:17	Ɗum waɗirii non yalla haala ka Laamɗo yottinirnoo annabi Esaaya kaa ana tabita nde oon wii:
23582	MAT 12:24	Kaa nde Farisa'en ɓee nani ɗum ndee, mbii: —E baawɗe «Beelsebul» hooreejo seyɗaani'en o ribbirta seyɗaani'en ɓee.
23612	MAT 13:4	E ley sankugol ngol, yoga e aawdi ndii saami e laawol, pooli ngari cuɓi ɗum.
23622	MAT 13:14	Nii ko Laamɗo waɗunoo e hunduko annabi Esaaya koo tabitiri e maɓɓe: «On kettinto faa palon noppi, kaa on paamataa. On ƴeewan faa puttinon gite, kaa on njiyataa.
23652	MAT 13:44	—Laamu Laamɗo oo ana wa'i hono no jawdi cuuɗiindi e ley ngesa, gorko goɗɗo hoocci ndiin jawdi, suuɗi ndi kasen. E ley seyo makko ngoo, o soottoyi ko o joginoo fuu, o soodi ngesa ngaa.
23667	MAT 14:1	E oon wakkati, Hirudus hooreejo leydi Galili oo nani haala Iisaa ana haalee.
23683	MAT 14:17	Ɓe njaabii mo, ɓe mbii: —En ngalaa ɗoo so wanaa buuruuje joy e liɗɗi ɗiɗi.
23709	MAT 15:7	Naafigi'en! Annabi Esaaya woofaali fey nde sappinoo e mooɗon so wii:
23714	MAT 15:12	E oon wakkati, taalibaaɓe ɓee ɓattitii mo, mbii mo: —Tama a anndii Farisa'en ɓee mettaama e haalaaji maa ɗii?
23726	MAT 15:24	Iisaa jaabii, wii: —E baali suudu Israa'iila majjuɗi ɗii tan nelaa-mi.
23730	MAT 15:28	Nden, Iisaa jaabii mo, wii: —Debbo, hee goonɗinal maa ana mawni! Yo a waɗane no njiɗir-ɗaa nii. E oon wakkati jaati, ɓiyiiko debbo oo selli.
23763	MAT 16:22	E ley ɗum, Piyeer sawndintini mo hedde ana ɲiŋa mo, wii mo: —Yo Laamɗo dannde Moobbo! Ɗum heɓataa ma!
23777	MAT 17:8	E ley ɗum, ɓe kunci gite, ɓe njiyaali fay gooto so wanaa Iisaa tan.
23778	MAT 17:9	E ley ko ɓe njippotoo waamnde haayre ndee koo, Iisaa daalii ɓe, wii: —Pati kaalanee fay gooto ko njii-ɗon koo faa wakkati nde Ɓii Neɗɗo oo immitii e hakkunde maayɓe fuu.
23828	MAT 18:32	E ley ɗum, kaananke oo noddi golloowo oo, wii ɗum: «Aan a golloowo bonɗo! Nde ɲaagi-ɗaa kam, mi yaafe ko ndewan-maa-mi koo ndee, mi yaafike ma.
23835	MAT 19:4	O jaabii, o wii: —Tama on njanngaali ko Binndi ɗii mbii? E fuɗɗoode Laamɗo tagii ɓe waɗii ɓe gorko e debbo,
23854	MAT 19:23	E ley ɗum, Iisaa wii taalibaaɓe mum ɓee: —Miɗo haalana on goonga: hee naatugol arsukunte e Laamu Laamɗo ana tiiɗi!
23886	MAT 20:25	E oon wakkati, Iisaa noddi ɓe fuu, wii ɓe: —Oɗon anndi laamiiɓe heeferɓe ana kawjorii ɗum'en hawju bonɗo. Mawɓe ɓee duu ana laamorii ɓe laamu boɗeejo.
23941	MAT 21:46	Eɓe tewta no ɓe nanngira mo, kaa ɓe kulii yimɓe ɓee, sabi ɓe fuu eɓe njogorii mo annabaajo.
23954	MAT 22:13	E ley ɗum, kaananke oo wii gollooɓe ɓee: «Kaɓɓee juuɗe makko e koyɗe makko, tippo-ɗon mo e ley nimre sella ndee, ton o wullata o ŋerƴondira ɲiiƴe.»
23964	MAT 22:23	E ley oon ɲalooma jaati, yoga e waaldeSaduki'en ngari e Iisaa. Kamɓe ngoni fennuɓe immital.
23972	MAT 22:31	E haala immital maayɓe, tama on njanngaali ko Laamɗo wii on koo? O wii:
23993	MAT 23:6	Eɓe njiɗi joolle ɓurɗe teddude so ɓe noddaama e yanngeeji, eɓe njiɗi joolle ɓurɗe yiitinkinaade ley cuuɗi baajorɗi.
24049	MAT 24:23	E oon wakkati, so won biiɗo on: «Ƴeewee! Almasiihu annii ɗoo», naa «Omo naa too», pati ngoonɗinee.
24056	MAT 24:30	E oon wakkati, taagumansa Ɓii Neɗɗo oo ɓanngan e mbeeyu, leɲi aduna ɗii fuu ngullan. Ɓe njiyan Ɓii Neɗɗo oo, ana wara e duule, ana warda baawɗe mawɗe e teddeengal.
24064	MAT 24:38	E ley ɗeen ɲalaaɗe fade ilam tuufaanu ɗam warde, yimɓe ana ɲaama, ana njara, ana ndewla, ana ndewlee, faa ɲannde Nuuhu naati laana kaa.
24066	MAT 24:40	E oon wakkati, worɓe ɗiɗon wonɓe e ngesa ngoota, gooto mum'en naɓete, goɗɗo oo yoppee.
24087	MAT 25:10	E ley no ɓe ƴoƴaa ɓee njaari soodoyde bulannga nii, jommbaajo oo yottii. Lanndininooɓe ɓee naatidi e makko e ley dammbordu nduu, damal ngal uddaa.
24114	MAT 25:37	E oon wakkati, fooccitiiɓe ɓee njaabotoo mo, mbiya: «Joomiraaɗo, mande min njii maa aɗa yolbi, min ɲammin maa naa aɗa ɗomɗi, min njarnu maa?
24126	MAT 26:3	E oon wakkati, hooreeɓe yottinooɓe sadaka e mawɓe Yahuudiyankooɓe ɓee kawritoyi galle Jottinoowo Sadaka Mawɗo biyeteeɗo Kayafas.
24132	MAT 26:9	Eɗam waawnoo sootteede kaalisi keewɗo, kaalisi oo hokkee misikiina'en.
24140	MAT 26:17	E ɲalooma arano iidi mo buuru ƴuufinaaka, taalibaaɓe ɓee ngari, lamndii Iisaa, mbii ɗum: —Hoto njiɗ-ɗaa min lanndinoyoo hiraande iidi Paska ndee?
24154	MAT 26:31	E oon wakkati, Iisaa wii ɓe: —E ley oo jemma jaati, on fuu on njoppan kam, sabi ana winndii: «Mi fiyan duroowo oo, mi wara ɗum, sewre baali ndee saakoo.» Iisaa ɓeydi hen, wii:
24161	MAT 26:38	E ley ɗum, o wii ɓe: —Yoomeende ana mawni e am sanne faa ana ndaara warde kam. Keddee ɗoo, njeertodee e am pati ɗaano-ɗon.
24173	MAT 26:50	Iisaa jaabii mo, wii: —Giɗam, waɗu ko waddu maa koo. E oon wakkati, ɓe ɓattitii, ɓe njani e Iisaa, ɓe nanngi ɗum.
24178	MAT 26:55	E oon wakkati, o wii jamaa oo: —Ko ngardu-ɗon e kaafaaje e cabbi faa nanngon kam hono mi janoowo? Ley Suudu Dewal Mawndu nduu ngonannoo-mi ɲannde fuu miɗo janngina, on nanngaali kam.
24188	MAT 26:65	E ley ɗum, Jottinoowo Sadaka Mawɗo oo mettaa faa seeki kaddule mum, wii: —O bonkike Laamɗo! En kaajaaka seedee'en hankasen! On narrii noppi mooɗon ko o bonkii Laamɗo koo.
24197	MAT 26:74	E ley ɗum, Piyeer darii ana hunoo ana huttoo ana wiya: —Mi anndaa oo gorko! Oon wakkati fuu, ndontoori joggini,
24204	MAT 27:6	Hooreeɓe yottinooɓe sadaka ɓee ɓami kaalisi oo, mbii: —E sariya meeɗen daganaaki en wattude oo kaalisi e keesu oo, sabi ɗum diyo.
24214	MAT 27:16	E oon wakkati, ana woodunoo kasunke jom innde biyeteeɗo Iisaa Barabas.
24215	MAT 27:17	E ley no jamaa oo mooɓtorii nii, Pilaatu lamndii ɓe, wii: —Homo njiɗ-ɗon mi yoppitana on: Iisaa Barabas naa, naa Iisaa biyeteeɗo Almasiihu oo?
24224	MAT 27:26	E oon wakkati, Pilaatu yoppitani ɓe Barabas, yamiri Iisaa fiyee dorri, caggal ɗum, o hokkitiri ɗum tontoyee e leggal bardugal.
24235	MAT 27:37	Ɓe mbinndi daliili ko tonti mo, ɓe takki ɗum ɗo tiimde hoore makko ɗoo. Ɗum ɗoo ɓe mbinndi: OO YO IISAA, KAANANKE YAHUUDIYANKOOƁE.
24236	MAT 27:38	E oon wakkati, yanooɓe ɗiɗon tontidaa e makko, gooto ɲaamo makko, goɗɗo oo nano makko.
24244	MAT 27:46	Banngal yamnde tati kiikiiɗe, Iisaa wulli wullaango toowngo, wii: —Eli, Eli, lama sabaktanii? (Ɗum woni: «Laamɗo am, Laamɗo am! Koɗum waɗi so njoppu-ɗaa kam?»)
24256	MAT 27:58	O yehi to Pilaatu, o ndaardi ɗum tew Iisaa. E oon wakkati, Pilaatu duŋanii mo o hokkee ɗum.
24264	MAT 27:66	E oon wakkati, ɓe njehi hiinnoyaade yanaande ndee: ɓe uddi nde faa gasi, ɓe meeli nde, ɓe ndarni ɗon sordaasi'en haybooɓe.
24274	MAT 28:10	E oon wakkati, o wii ɓe: —Pati kulee! Njehee mbiyoyee taalibaaɓe am ɓee njaha Galili. Ton ɓe njiyoyta kam.
24286	MRK 1:2	Nii winndorii e dewtere annabi Esaaya: «Miin Laamɗo, mi ardinante nelaaɗo am moƴƴinanoowo ma laawol.
24314	MRK 1:30	Esii Simon debbo ana lelii yo jontaaɗo. Iisaa yottii tan, haalanaa haala makko,
24347	MRK 2:18	Taalibaaɓe Yaayaa e Farisa'en ana koora. E ley ɗum, yimɓe ngari, lamndii Iisaa: —Ko saabii so taalibaaɓe Yaayaa e taalibaaɓe Farisa'en ana koora, kaa ɓe maa ɓee koorataa?
24349	MRK 2:20	Kaa ɲalaaɗe ngaran ɗe jommbaajo gorko oo ittetee e hakkunde maɓɓe. E ɗeen ɲalaaɗe, ɓe kooran.
24353	MRK 2:24	E ley ɗum, Farisa'en ɓee mbii mo: —Ƴeew, koɗum waɗi so taalibaaɓe maa ɓee ana ngolla ko dagaaki gollude ɲalaande fowteteende?
24361	MRK 3:4	Caggal ɗum, o lamndii ɓe: —E ley ɲalaande fowteteende ana dagoo gollude ko moƴƴi naa gollude ko boni? Danndude neɗɗo naa warde ɗum? Kaa ɓe njaabaaki.
24380	MRK 3:23	E ley ɗum, Iisaa noddi ɓe ɓe ngara e mum, haalaniri ɓe banndol, wii: —Hono Ibiliisa waawirta ribbude Ibiliisa?
24396	MRK 4:4	E ley sankugol ngol, yoga e aawdi ndii saami e laawol: pooli ngari cuɓi ɗum.
24446	MRK 5:13	O duŋanii ɓe ɗum. Seyɗaani'en ɓee njalti, naati e girooji ɗii. Sewre ndee fuu diiri iwi daande waamnde haayre too, naatoyi ley weendu nduu, yoolii. Eɗi poti ujunaaji ɗiɗi.
24480	MRK 6:4	E oon wakkati, o wii ɓe: —Annabaajo ana teddinaa nokku fuu so wanaa e ley ngeenndi mum'en e hakkunde rimdaaɓe mum, kaɲum e ley galle mum'en.
24500	MRK 6:24	E ley ɗum, suka debbo oo yalti, wii inna mum: —Koɗum kaan-mi ɲaagaade? Inniraaɗo oo jaabii mo, wii: —Ɲaaga mo hoore Yaayaa mo lootogal batisima oo!
24514	MRK 6:38	E oon wakkati, o wii ɓe: —Hono foti buuruuje njogi-ɗon? Njehee ƴeewoyee! Nde ɓe njehi ɓe kumpitoyii ndee, ɓe mbii mo: —Buuruuje joy e liɗɗi ɗiɗi min njogii.
24536	MRK 7:4	So ɓe ngartii luumo, ɓe ɲaamataa so ɓe lootaaki. Eɓe njogii neesuuji goɗɗi keewɗi ɗi ɓe njokki, ko wa'i hono lawƴude kore looɗe e potiije e kaaki jakawalle.
24537	MRK 7:5	E oon wakkati, Farisa'en e dunkee'en Sariya lamndii Iisaa, mbii: —Koɗum waɗi so taalibaaɓe maa ɓee ana mbaasa rewde neesuuji njaatiraaɓe meeɗen ɗii, ana ɲaamira juuɗe coɓuɗe?
24538	MRK 7:6	O jaabii ɓe, o wii: —Annabi Esaaya woofaali fey nde sappinoo e mooɗon, onon naafigi'en ɓee, ngol ɗoo konngol: «Ngol leɲol e haala tan teddinirta kam, kaa e ley ɓerɗe maɓɓe eɓe ngoɗɗi kam.
24541	MRK 7:9	Eyyoo! Oɗon mbaawi salaade yamiroore Laamɗo faa loomtinon nde neesu mooɗon!
24557	MRK 7:25	E ley ɗum, debbo gooto mo ɓinngel mum dewel laddaa, nani haala makko ana haalee, heɲanii mo sujidi yeeso makko.
24561	MRK 7:29	E oon wakkati, Iisaa wii mo: —Saabe oo jaabu, hootu, ladde ndee yaltii e ɓiya oo.
24562	MRK 7:30	E ley ɗum, o hooti, o tawi ɓiyiiko oo ana lelii dow leeso, ladde ndee yaltii e mum.
24565	MRK 7:33	E oon wakkati, Iisaa woɗɗintini mo jamaa oo, waɗi peɗeeli mum e noppi makko, sirƴi, memiri cirƴe ɗee ɗemngal makko.
24566	MRK 7:34	Caggal ɗum, o tiggitii kammu, o uumi, o wii paho oo: —Efata! (Ɗum woni: «Sukkita!»)
24570	MRK 8:1	E oon wakkati, jamaa keewɗo hawriti kasen. Nde wonnoo ɓe ngalaa ko ɓe ɲaama, Iisaa noddi taalibaaɓe mum ɓee, wii ɗum'en:
24575	MRK 8:6	E ley ɗum, o yamiri jamaa oo jooɗoo e leydi. O ɓami buuruuje jeɗɗi ɗee, o yetti Laamɗo, o taƴi ɗe, o hokki taalibaaɓe makko ɓee njeɗa jamaa oo. Ɓe ngaɗiri non.
24576	MRK 8:7	Eɓe njoginoo kasen liikoy pamaroy seeɗa. Iisaa yetti Laamɗo dow makkoy, wii taalibaaɓe mum ɓee njeɗa koy, kankoy duu.
24578	MRK 8:9	Eɓe poti ujunaaji nay neɗɗo. Caggal ɗum, Iisaa yoppiti ɓe,
24584	MRK 8:15	E oon wakkati, o yaggini ɓe, o wii: —Kakkilee, ndeentee e ƴuufinirdi Farisa'en ndii e ndi Hirudus ndii.
24599	MRK 8:30	E ley ɗum, o daalii ɓe daaloore sattunde pati ɓe kaalana ɗum fay gooto.
24612	MRK 9:5	E ley ɗum, Piyeer wii mo: —Moobbo, gonal amen ɗoo ana moƴƴi. Ɗal min ndarna ɗoo buguuji tati: aan wooturu, Muusaa wooturu, Iliyaasa wooturu.