23214	MAT 1:1	Dammbe Iisaa Almasiihu, taanii Daawuuda, taanii Ibarahiima, annii:
23215	MAT 1:2	Ibarahiima rimi Isiyaaka, Isiyaaka rimi Yaakuuba, Yaakuuba rimi Yahuuda e miɲiraaɓe mum,
23229	MAT 1:16	Yaakuuba rimi Yuusufu, jom suudu Mariyama, Mariyama woni inna Iisaa noddirteeɗo Almasiihu oo.
23230	MAT 1:17	No dammbe ɗee njokkondirta iwde Ibarahiima faa yottii Daawuuda, jamaanuuji sappo e nay hawrata, iwde Daawuuda faa yottii nde Yahuudiyankooɓe konaa naɓiraa Baabila, jamaanuuji sappo e nay hawrata, iwde nde Yahuudiyankooɓe konaa naɓiraa Baabila faa yottii Almasiihu oo, jamaanuuji sappo e nay hawrata.
23231	MAT 1:18	No Iisaa Almasiihu finiri annii: Mariyama inniiko oo yo cabbaaɗo Yuusufu, kaa fade makko suddeede, Ruuhu Ceniiɗo waɗi mo cowiiɗo.
23234	MAT 1:21	O riman ɓiɗɗo gorko, inndiraa mo Iisaa. Sabi oon hisinan yimɓe mum e luutti mum'en ɗii.
23236	MAT 1:23	«Surba oo ɓaman reedu, rima ɓiɗɗo gorko, oon inndirte Immaanuwel.» Maanaa innde ndee yo: «Laamɗo ana wondi e meeɗen».
23238	MAT 1:25	kaa o reentaali e mum faa ɓeyni ɓiɗɗo gorko. Yuusufu inndiri oon Iisaa.
23239	MAT 2:1	Iisaa fini Baytilaama ley leydi Yahuudiya e jamaanu laamu Hirudus. Jom'en annde iwrii funnaange, ngari Urusaliima.
23244	MAT 2:6	«Aan, Baytilaama, leydi Yahuudiya, taƴoral a wanaa ngeenndi pamardi barke e geelle Yahuuda mawɗe ɗee. Sabi ardotooɗo iwan e maa, garoowo durde Israa'iilankooɓe, yimɓe am.»
23251	MAT 2:13	Nde ɓe mbitti ndee, malaa'ika Joomiraaɗo wari e Yuusufu ley koyɗol, wii ɗum: —Imma, ɓam cukalel ngel e inna mum, dogu njahaa Misira, keddo-ɗaa ton faa nde mbii-maa-mi ngartaa. Sabi Hirudus waran tewtude cukalel ngel faa wara ɗum.
23258	MAT 2:20	wii ɗum: —Imma, wirfintin cukalel ngel e inna mum leydi Israa'iila, sabi yiɗunooɓe warde suka oo ɓee maayii.
23259	MAT 2:21	Yuusufu immii, naɓti cukalel ngel e inna mum leydi Israa'iila.
23270	MAT 3:9	Pati miilee e ɓerɗe mon: «Minen, min taaniraaɓe Ibarahiima.» Sabi miɗo wiya on: Laamɗo ana waawi waylitinde ɗee kaaƴe laatoo ɓiɓɓe Ibarahiima!
23274	MAT 3:13	Oon wakkati fuu, Iisaa iwi Galili, wari maayo Urdun to Yaayaa, yalla Yaayaa ana loota ɗum lootogal batisima.
23276	MAT 3:15	Iisaa jaabii mo, wii: —Walaa baasi, jaɓu ngaɗaa non, sabi hono non kaan-ɗen hiɓɓinirde ko dartii fuu. Nden, o jaɓi.
23277	MAT 3:16	Iisaa lootaa tan, ƴeeŋi iwde e ndiyam ɗam. E oon wakkati, kammu oo udditii, o yii Ruuhu Laamɗo ana jippoo no wuugaandu nii, ana wara e makko.
23279	MAT 4:1	E oon wakkati, Ruuhu Ceniiɗo naɓi Iisaa ley ladde jeereende, yalla Ibiliisa ana tewta seytaade mo.
23280	MAT 4:2	Iisaa ɲaamaali faa waɗi balɗe capanɗe nay jemma e ɲalooma. Caggal ɗum, o yolbi.
23283	MAT 4:5	Caggal ɗum, Ibiliisa naɓi mo Urusaliima ngeenndi ceniindi ndii, darni mo dow leŋŋe-leŋŋe Suudu Dewal Mawndu,
23286	MAT 4:8	Kasen Ibiliisa naɓi mo dow waamnde haayre toownde sanne, holli mo laamuuji aduna ɗii fuu e darja mum'en,
23288	MAT 4:10	Oon wii mo: —Fottanam too, Ibiliisa! Sabi ana winndii: «Laamɗo Joomiraaɗo maa tan kaan-ɗaa sujidande, kanko tan kaan-ɗaa rewde.»
23289	MAT 4:11	Oon wakkati fuu, Ibiliisa seli e makko. Malaa'ika'en ngari e makko, ana ngollana mo.
23290	MAT 4:12	Nde Iisaa nani Yaayaa uddaama ley kasu ndee, o wirfitii Galili.
23295	MAT 4:17	Gila nden, Iisaa fuɗɗi waajaade ana wiya: —Tuubee, sabi Laamu Laamɗo ɓattiima.
23296	MAT 4:18	Iisaa ana yahannoo dow fonngo weendu Galili, o yii worɓe ɗiɗon miɲiraaɗo e mawniraaɗo, Simon noddirteeɗo Piyeer e miɲum Andire ana tippoo bubbi mum'en ley weendu nduu, yo awooɓe.
23297	MAT 4:19	Iisaa wii ɓe: —Njokkee kam, mi waɗa on awooɓe yimɓe.
23301	MAT 4:23	Iisaa yiilii ley leydi Galili fuu omo waajoo e ley cuuɗi baajorɗi maɓɓe, omo ooynoo Kabaaru Lobbo haala Laamu Laamɗo oo, kasen omo sellina sii ɲawuuji e ellaaji fuu.
23304	MAT 5:1	Nde Iisaa yii jamaa oo heewii ndee, o ŋabbi dow waamnde haayre, o jooɗii ton. Taalibaaɓe makko ɓee ngari e makko,
23413	MAT 7:28	Nde Iisaa tilii e ɗiin konngi ndee, jamaa oo satti haayneede e waaju makko oo,
23415	MAT 8:1	Ko Iisaa jippii waamnde haayre ndee koo, jamaa keewɗo jokki e makko.
23417	MAT 8:3	Iisaa foocci junngo mum, memi mo, wii: —Mi jaɓii, sellu! Ɗon e ɗon, ceppu gorko oo selli.
23418	MAT 8:4	Caggal ɗum, Iisaa wii mo: —Hettinda faa moƴƴa! Pati kaalanaa ɗum fay gooto, kaa yaa holloy hoore maa jottinoowo sadaka, ngaɗaa sadaka mo Muusaa yamiri oo, faa anndina ɓe a sellii.
23419	MAT 8:5	Nde Iisaa naatannoo Kafarnahum ndee, hooreejo sordaasi'en ɓattii mo, ndaardi mo mballa, wii:
23421	MAT 8:7	Iisaa wii mo: —Mi yahan mi sellinoya mo.
23424	MAT 8:10	Nde Iisaa hettindii mo ndee, haaynaa e makko sanne, wii jokkuɓe e mum ɓee: —Miɗo haalana on goonga, mi yiyaali hono ngal goonɗinal e sellude fay e Israa'iilanke.
23425	MAT 8:11	Miɗo haalana on, heewɓe iwrata funnaange e hiirnaange, njooɗodoo e Ibarahiima e Isiyaaka e Yaakuuba, ɓe ɲaamda ley Laamu Laamɗo.
23428	MAT 8:14	Iisaa yehi galle Piyeer, tawi esii Piyeer debbo ana lelii yo jontaaɗo.
23429	MAT 8:15	Iisaa memi junngo makko, jontere makko selli, oon immii laatanii mo njaatigi.
23430	MAT 8:16	Nde hiirnoo ndee, Iisaa waddanaa yimɓe heewɓe ɓe ladde woni e mum'en. Konngol makko tan o ribbiri laddeeji gonɗi e maɓɓe ɗii, o sellini ɲawɓe ɓee fuu.
23442	MAT 8:28	Nde Iisaa lummbunoo so heetti e leydi Gadaren ndee, worɓe ɗiɗon laddaaɓe njalti ley janaale, kawri e makko. Eɓe ɲanngunoo faa fay gooto suusaano ƴaɓɓoraade laawol ngol.
23448	MAT 8:34	Oon wakkati, yimɓe ngeenndi ɓee fuu njehi hawritoyde e Iisaa. Nde ɓe njii mo ndee, ɓe ndaardi mo o yalta leydi maɓɓe ndii.
23449	MAT 9:1	Iisaa naati laana, lummbiti, warti ngeenndi mum.
23453	MAT 9:5	Wiide «Luutti maa njaafaama» e wiide «Imma yaa», koɗum hen ɓuri newaade?
23454	MAT 9:6	Kaa, faa mi anndina on Ɓii Neɗɗo ana jogii baawɗe e aduna oo yaafaade luutti… Nden, o wii bonnguujo oo: —Imma, ɓam dengeleewo maa, kootaa suudu maa!
23457	MAT 9:9	Iisaa iwi ɗon, ana e laawol. O yii gorko biyeteeɗo Matta ana jooɗii e duwaaɲeere mum, o wii ɗum: —Jokku e am. Matta immii, jokki e makko.
23462	MAT 9:14	E oon wakkati, taalibaaɓe Yaayaa ɓattii Iisaa, lamndii mo ɗum ɗoo: —Ko saabii so minen e Farisa'en ɓee miɗen koora kaa taalibaaɓe maa ɓee koorataa?
23466	MAT 9:18	Nde Iisaa woni e haalde ɗum ndee, hooreejo suudu waajordu gooto yottii, diccii yeeso mum, wii: —Ɓiyam debbo hedditaaki jooni temmbu. Kaa war faw junngo maa e makko, o wuurtan.
23467	MAT 9:19	Iisaa immii jokki e makko, kaɲum e taalibaaɓe mum.
23468	MAT 9:20	Eɓe e laawol, debbo gooto mo tuundi mum taƴataa ko waarata e duuɓi sappo e ɗiɗi, iwri caggal Iisaa, memi kommbol saaya makko.
23470	MAT 9:22	Iisaa yeeccitii, yii mo, wii: —Banndam debbo, seya! Goonɗinal maa danndii ma. Oon wakkati fuu, debbo oo selli.
23471	MAT 9:23	Iisaa yottii galle hooreejo waajordu oo, non o yii fiyooɓe cereeli wonɓe to maayde too ɓee e yimɓe woyooɓe ɓee,
23472	MAT 9:24	o wii: —Immee ɗoo, sabi suka debbo oo maayaali, o ɗaaniiɗo tan. Ɓe njali mo.
23475	MAT 9:27	Nde Iisaa yahata ndee, wumɓe ɗiɗon njokki e mum ana ngulla ana mbiya: —Taanii Daawuuda, yurma min!
23480	MAT 9:32	Nde wumtinaaɓe ɓee njaltunoo ndee, Iisaa waddanaa kasen gorko mo seyɗaani muumɗini.
23481	MAT 9:33	O ribbi seyɗaani oo tan, muumɗunooɗo oo watti haalde. Jamaa oo fuu haaynaa, ana wiya: —Hono ɗum yiyaaka e Israa'iila abada!
23483	MAT 9:35	Iisaa ana yiiloo e geelle e gure fuu, ana waajoo e ley cuuɗi baajorɗi, ana ooynoo Kabaaru Lobbo haala Laamu Laamɗo oo, omo sellina ɲawuuji e ellaaji fuu.
23487	MAT 10:1	Iisaa noddi taalibaaɓe mum sappo e ɗiɗon ɓee, o hokki ɓe baawɗe ribbugol seyɗaani'en e sellingol sii ɲawuuji e ellaaji fuu.
23488	MAT 10:2	Inɗe nelaaɓe sappo e ɗiɗon ɓee annii: arano e maɓɓe yo Simon noddirteeɗo Piyeer e Andire miɲum, Yaakuuba ɓii Jebede e Yuhanna miɲum,
23490	MAT 10:4	Simon kiranoowo suudu baaba e Yahuuda Isikariyota jammbotooɗo mo oo.
23491	MAT 10:5	Iisaa neli ɓeen sappo e ɗiɗon, o wii ɓe: —Pati njehee e leyɗe ɗe Yahuudiyankooɓe ngalaa e mum ɗee, kasen duu pati naatee e geelle Samariya.
23492	MAT 10:6	To baali suudu Israa'iila majjuɗi ɗii kaan-ɗon yaade.
23509	MAT 10:23	So on torraama e ngeenndi ngootiri, ndoganee ngonndi. Miɗo haalana on goonga: on piltidataako geelle Israa'iila ɗee fuu tawa Ɓii Neɗɗo wartaali.
23529	MAT 11:1	Nde Iisaa tilii yamirde taalibaaɓe mum sappo e ɗiɗon ɓee ndee, iwi ɗon, yehi jannginoyde e waajoyaade ley geelle piliiɗe ɗee.
23531	MAT 11:3	faa lamndoo Iisaa: —Aan woni kaanɗo warde oo, naa min ndooman goɗɗo?
23532	MAT 11:4	Iisaa jaabii ɓe, wii: —Njehee, njantanoyee Yaayaa ko nan-ɗon e ko njii-ɗon fuu:
23535	MAT 11:7	Nde nelaaɓe Yaayaa ɓee njahata ndee, Iisaa fuɗɗi haalande jamaa oo haala Yaayaa, o wii: —Koɗum ƴeewoyno-ɗon to ladde jeereende too? Kuɗol dimmbotoongol e henndu naa?
23542	MAT 11:14	So oɗon njaɓa haala maɓɓe, Yaayaa woni annabi Iliyaasa mo garol mum sappaa oo.
23548	MAT 11:20	Caggal ɗum, Iisaa fuɗɗi felde geelle ɗe o ɓuri waɗude e mum kaayɗe ɗee, sabi hoɗuɓe e ɗeen geelle ɓee tuubaali. O wii:
23553	MAT 11:25	Oon wakkati fuu, Iisaa wii: —Baabiraaɗo jom kammu e leydi, mi yettii ma, sabi a suuɗii ɗee kulle hakkilanteeɓe, kaɲum e annduɓe, ɓannginan-ɗaa ɗum cukaloy.
23559	MAT 12:1	Oon wakkati, Iisaa e taalibaaɓe mum ana ceeka gese ley ɲalaande fowteteende. Taalibaaɓe makko njolbi, ana kelta butaali ana ƴakka.
23567	MAT 12:9	Iisaa iwi ɗon naatoyi suudu maɓɓe waajordu.
23568	MAT 12:10	Gorko mo junngo mum waati ana wonnoo ɗon. Wonnooɓe ɗon ɓee tuufani Iisaa yalla ana keɓa no kappira ɗum. Saabe ɗum, ɓe lamndii mo ɗum ɗoo: —Sariya meeɗen oo hokkii en sellinde neɗɗo ɲalaande fowteteende naa?
23572	MAT 12:14	Farisa'en ɓee njalti, njooɗoyii faa ndawrida no mbarda Iisaa.
23573	MAT 12:15	Nde Iisaa nani ɗum ndee, iwi e oon nokku, yimɓe heewɓe njokki e makko. O sellini ɲawɓe ɓee fuu,
23580	MAT 12:22	Nden, Iisaa waddanaa gorko bumɗo muumo, sabi oon yo laddaaɗo. O sellini ɗum faa watti haalde e yiide.
23583	MAT 12:25	Nde wonnoo Iisaa anndii miilooji maɓɓe, o wii ɓe: —Laamu fuu pecciiɗo ana haɓa e hoore mum, bonan. Ngeenndi naa galle fuu pecciiɗo ana haɓa e hoore mum, heddataako.
23584	MAT 12:26	So Ibiliisa ribbii seyɗaani'en mum, feccii hoore mum. Ndennoo, hono laamu mum heddortoo?
23587	MAT 12:29	Iisaa ɓeydi hen, wii: —Fay gooto waawaa naatude e galle gorko jom semmbe teeta jawdi mum tawee haɓɓaali joomum tafon. Kaa so haɓɓii joomum faa teeŋii, ana waawi naɓude ko woni e galle mum fuu.
23596	MAT 12:38	Caggal ɗum, yoga e dunkee'en Sariya, kaɲum e Farisa'en mbii Iisaa: —Moobbo, miɗen njiɗi kollaa min taagumansa Laamɗo nel maa.
23604	MAT 12:46	Nde Iisaa haaldannoo e jamaa oo ndee, inna makko e miɲiraaɓe makko worɓe njottii. Ɓe ndarii sella, eɓe njiɗi yiide mo.
23605	MAT 12:47	Won biiɗo mo: —Inna maa e miɲiraaɓe maa ana ndarii sella ana njiɗi yiide ma.
23607	MAT 12:49	O sappii taalibaaɓe makko ɓee, o wii: —Innam e miɲiraaɓe am annii.
23609	MAT 13:1	Ley oon ɲalooma, Iisaa yalti cuuɗi, jooɗoyii daande weendu.
23618	MAT 13:10	Oon wakkati, taalibaaɓe ɓee ɓattii Iisaa lamndii mo, mbii: —Koɗum waɗi so aɗa haaldira e maɓɓe banndi?
23632	MAT 13:24	Iisaa haalani ɓe banndol gonngol, wii: —Hono nii Laamu Laamɗo oo wa'i: gorko aawi e ngesa mum aawdi lobbiri.
23639	MAT 13:31	Iisaa haalani ɓe banndol gonngol, wii: —Laamu Laamɗo oo ana nanndi e ngeeƴu buyaage mo neɗɗo ɓami, so aawi e ngesa mum.
23642	MAT 13:34	Ɗum fuu, Iisaa haalaniri yimɓe ɓee e banndi. O haaldataa e maɓɓe so wanaa e banndi,
23644	MAT 13:36	Caggal ɗum, Iisaa yoppiti yimɓe ɓee, naati ley suudu. Taalibaaɓe makko ɓee ɓattii mo, mbii mo: —Firritan min banndol huɗo bonko ngol.
23647	MAT 13:39	Gaɲo aawɗo huɗo bonko oo yo Ibiliisa, kettal ngal yo timmooɗe aduna, hettooɓe ɓee yo malaa'ika'en.
23659	MAT 13:51	Iisaa lamndii ɓe, o wii: —On paamii ɗum fuu naa? Ɓe njaabii, ɓe mbii: —Min paamii.
23661	MAT 13:53	Nde Iisaa tilinoo e ɗiin banndi ndee, o iwi ton,
23666	MAT 13:58	Iisaa waɗaali ɗon kaayɗe keewɗe saabe waasude maɓɓe goonɗinde mo.
23667	MAT 14:1	E oon wakkati, Hirudus hooreejo leydi Galili oo nani haala Iisaa ana haalee.