23246	MAT 2:8	Caggal mum, o neli ɓe Baytilaama, o wii ɓe: —Njehee, kumpitoyo-ɗon kabaaru cukalel ngel faa taƴoron. So on njii ngel, kumpitee kam yalla miɗo yaha miin duu, mi sujidanoya ngel.
23251	MAT 2:13	Nde ɓe mbitti ndee, malaa'ika Joomiraaɗo wari e Yuusufu ley koyɗol, wii ɗum: —Imma, ɓam cukalel ngel e inna mum, dogu njahaa Misira, keddo-ɗaa ton faa nde mbii-maa-mi ngartaa. Sabi Hirudus waran tewtude cukalel ngel faa wara ɗum.
23258	MAT 2:20	wii ɗum: —Imma, wirfintin cukalel ngel e inna mum leydi Israa'iila, sabi yiɗunooɓe warde suka oo ɓee maayii.
23263	MAT 3:2	—Tuubee, sabi Laamu Laamɗo ɓattiima.
23295	MAT 4:17	Gila nden, Iisaa fuɗɗi waajaade ana wiya: —Tuubee, sabi Laamu Laamɗo ɓattiima.
23392	MAT 7:7	—Ɲaagee, on keɓan, tewtee, on njiitan, calminee gila oɗon damal galle, on udditante.
23409	MAT 7:24	—Ndennoo, neɗɗo fuu kettindiiɗo haalaaji am ɗii so jokki ɗi, nanndan e hakkilante mahuɗo suudu mum e dow haayre.
23416	MAT 8:2	Oon wakkati, gorko ceppaaɗo wari diccii yeeso makko, wii mo: —Moobbo, so tawii a jaɓii aɗa waawi sellinde kam.
23420	MAT 8:6	—Moobbo, golloowo am ana lelii cuuɗi, sellaa faa junngo yahataa koyngal warataa, ana naawa sanne!
23422	MAT 8:8	Kaa hooreejo sordaasi'en oo jaabii, wii: —Moobbo, miin, mi wanaa fay huunde, fotaa ko ngaraa galle am. Ndennoo daɲa ko kaal-ɗaa tan, golloowo am oo sellan.
23433	MAT 8:19	Dunkee Sariya gooto ɓattii, wii mo: —Moobbo, mi jokkete ɗo njahataa fuu.
23435	MAT 8:21	Goɗɗo jeyaaɗo e taalibaaɓe ɓee wii mo: —Moobbo, accu mi iroya baabam tafon.
23436	MAT 8:22	O jaabii oon, o wii: —Jokkam, ɗal maayɓe ira maayɓe mum'en.
23439	MAT 8:25	Taalibaaɓe ɓee ɓattii mo, pinndini mo, mbii mo: —Moobbo, danndu min! Miɗen nii kalkoo!
23450	MAT 9:2	O waddanaa bonnguujo ana lelnaa e dengeleewo. Nde o yii goonɗinal yimɓe ɓee ndee, o wii bonnguujo oo: —Giɗam, seya! Luutti maa njaafaama!
23454	MAT 9:6	Kaa, faa mi anndina on Ɓii Neɗɗo ana jogii baawɗe e aduna oo yaafaade luutti… Nden, o wii bonnguujo oo: —Imma, ɓam dengeleewo maa, kootaa suudu maa!
23476	MAT 9:28	Nde o yottii cuuɗi ndee, wumɓe ɓee ɓattii mo, o lamndii ɗum'en, o wii: —Oɗon ngoonɗini miɗo waawi wallude on? Ɓe njaabii mo, ɓe mbii: —Moobbo, miɗen ngoonɗini.
23512	MAT 10:26	—Ndennoo, pati kulee yimɓe. Walaa fuu ko suuɗii ko ɓanngintaake, walaa sirri mo saakataake.
23532	MAT 11:4	Iisaa jaabii ɓe, wii: —Njehee, njantanoyee Yaayaa ko nan-ɗon e ko njii-ɗon fuu:
23560	MAT 12:2	Nde Farisa'en ɓee njii ɗum ndee, ndarii ana mbiya mo: —Ƴeew, taalibaaɓe maa ɓee ana ngolla ko dagaaki gollude ɲalaande fowteteende!
23596	MAT 12:38	Caggal ɗum, yoga e dunkee'en Sariya, kaɲum e Farisa'en mbii Iisaa: —Moobbo, miɗen njiɗi kollaa min taagumansa Laamɗo nel maa.
23619	MAT 13:11	O jaabii ɓe, o wii: —Onon, on ndokkaama faamude goonga tedduɗo haala Laamu Laamɗo oo, kaa kamɓe, ɓe ndokkaaka ɗum.
23626	MAT 13:18	—Ndennoo, kettinee maanaa banndol aawoowo ngol.
23694	MAT 14:28	Piyeer jaabii mo, wii: —Moobbo, so ɗum aan jaati woni ɗoo, yamir mi yaha dow ndiyam ɗam mi wara to maa.
23696	MAT 14:30	Kaa nde mo yiinoo henndu nduu sattii ndee, o huli, o fuɗɗi yorkitaade, o wulli, o wii: —Moobbo, nootam!
23712	MAT 15:10	Oon wakkati, Iisaa noddi jamaa oo, wii ɗum: —Kettinee, paamee:
23724	MAT 15:22	Debbo jeyaaɗo Kanaana koɗuɗo e ndiin leydi wari e makko, wulli, wii: —Moobbo, taanii Daawuuda, yurmam! Ɓiyam debbo ladde ana e mum, ana torra ɗum sanne!
23727	MAT 15:25	Nii debbo oo saami yeeso makko, sujidi, wii: —Moobbo, wallam!
23729	MAT 15:27	Debbo oo wii: —Goonga, Moobbo, kaa fay dawaaɗi ana ɲaama ɲaamdu joomum'en iwooru e la'al so saama nduu.
23730	MAT 15:28	Nden, Iisaa jaabii mo, wii: —Debbo, hee goonɗinal maa ana mawni! Yo a waɗane no njiɗir-ɗaa nii. E oon wakkati jaati, ɓiyiiko debbo oo selli.
23736	MAT 15:34	O lamndii ɓe, o wii: —Hono foti buuruuje njogi-ɗon? Ɓe njaabii mo, ɓe mbii: —Jeɗɗi, kaɲum e liikoy seeɗa min njogii.
23747	MAT 16:6	Iisaa wii ɓe: —Kakkilee, ndeentee e ƴuufinirdi Farisa'en e Saduki'en ndii.
23773	MAT 17:4	Piyeer wii Iisaa: —Moobbo, gonal amen ɗoo ana moƴƴi. Ɗal mi darna ɗoo buguuji tati: aan wooturu, Muusaa wooturu, Iliyaasa wooturu.
23776	MAT 17:7	Iisaa ɓattitii ɓe, memi ɓe, wii: —Immee, pati kulee.
23780	MAT 17:11	O jaabii ɓe, o wii: —Goonga, Iliyaasa adotoo warde moƴƴintina kulle ɗee fuu.
23784	MAT 17:15	wii: —Moobbo, yurma ɓiyam gorko! O kirikiraaɗo omo tampi sanne, wakkatiiji omo saama e yiite naa e ndiyam.
23794	MAT 17:25	Piyeer jaabii, wii: —Omo yoɓa. Ko Piyeer naati galle oo koo, fade mum heɓude haala, Iisaa wii: —Simon, koɗum woni miilo maa e ɗum? Kaanankooɓe aduna ɓee, homo ɓe nduuɲata? Homo ɓe njoɓinta lampo? Dugule'en naa honaaɓe?
23795	MAT 17:26	Piyeer jaabii, wii: —Honaaɓe ɓee. Iisaa wii mo: —Ndennoo, dugule'en ɓee kaanaa yoɓude.
23817	MAT 18:21	Oon wakkati, Piyeer ɓattitii mo, lamndii mo, wii: —Moobbo, cili hono foti kaan-mi yaafaade sakiike am mo ŋoottaali tooɲude kam? Cili jeɗɗi naa?
23847	MAT 19:16	Gorko gooto ɓattitii Iisaa, lamndii mo, wii: —Moobbo, honde huunde moƴƴunde kaan-mi waɗude faa mi heɓa nguurndam nduumiiɗam?
23856	MAT 19:25	Haaynii taalibaaɓe ɓee sanne nde nani ɗiin haalaaji ndee, ɓe mbii: —Ndennoo, homo woni kisoowo?
23858	MAT 19:27	Piyeer ɓami haala, wii mo: —Minen, min njoppii fuu, min njokkii e maa. Koɗum min keɓoyta?
23879	MAT 20:18	—Kettinee, eɗen nii ŋabbita Urusaliima. Ɗon Ɓii Neɗɗo oo waɗetee e juuɗe hooreeɓe yottinooɓe sadaka e dunkee'en Sariya. Ɓe caran mo waree,
23892	MAT 20:31	Jamaa oo darii ana jahoo e maɓɓe ana wiya ɓe ndeƴƴinoo, kaa ɓe ɓeydii wullude eɓe mbiya: —Moobbo, taanii Daawuuda, yurma min!
23894	MAT 20:33	Ɓe njaabii mo, ɓe mbii: —Moobbo, min mbumta.
23957	MAT 22:16	Ɓe neli yoga e taalibaaɓe maɓɓe, kaɲum e howruuɓe Hirudus mbiya mo: —Moobbo, miɗen anndi a goongirante: aɗa jannginira laawol Laamɗo ngol goonga, a hulataa fay gooto, sabi a ɓurdintaa yimɓe.
23962	MAT 22:21	Ɓe njaabii mo, ɓe mbii: —Kaananke Roma. O wii ɓe: —Ndennoo, ndokkee kaananke Roma oo ko jey, ndokkee Laamɗo duu ko jey.
23965	MAT 22:24	Ɓe lamndii mo, ɓe mbii: —Moobbo, Muusaa wii: «So neɗɗo maayii heɓaali ɓiɗɗo, miɲum naa mawnum ɓamta debbo ɗalaaɗo oo, yalla ana heɓana ɗum ɓeyngu.»
23977	MAT 22:36	—Moobbo, honde woni yamiroore ɓurnde fuu teentilaade e ley Tawreeta?
23984	MAT 22:43	O wii ɓe: —Ndennoo, hono Daawuuda noddirta mo Joomiraaɗo? Ruuhu Laamɗo anndini mo ɗum, saabe majjum o wii:
24071	MAT 24:45	—Ndennoo, homo woni golloowo koolniiɗo, hakkilante? Oon woni mo kalfaaɗo mum halfini ɗum koreeji mum faa hokka ɗum'en nguure mum'en e wakkati jiɗaaɗo.
24090	MAT 25:13	Iisaa sakitii wiide: —Njeertee, sabi on anndaa ɲalaande naa e wakkati mo Ɓii Neɗɗo warata e mum.
24145	MAT 26:22	Ɓe cuŋli sanne, hedde eɓe lamndoroo mo gooto gooto, gooto fuu ana wiya: —Moobbo, kori wanaa miin?
24148	MAT 26:25	Yahuuda garoowo jammbaade mo oo ɓami haala, lamndii mo, wii: —Moobbo, kori wanaa miin? O jaabii ɗum, o wii: —Aan haaldi hunduko maa.
24149	MAT 26:26	Nde ɓe ɲaamata ndee, Iisaa ɓami buuru, yetti Laamɗo, helti, hokki taalibaaɓe mum ɓee, wii: —Nanngee, ɲaamee, ɗum yo terɗe am.
24162	MAT 26:39	O woɗɗitii seeɗa, o hippii e leydi, omo duwoo, omo wiya: —Baabiraaɗo, so tawii ana laatoo, woɗɗinam ndee horde bone. Kaa pati laatoroo no njiɗir-mi, yo laatoro no njiɗir-ɗaa aan.
24165	MAT 26:42	O yehi kasen, o duwii, o wii: —Baabiraaɗo, so tawii nden horde bone waawaa woɗɗineede so wanaa mi yara ɗum, yo sago maa waɗu!
24173	MAT 26:50	Iisaa jaabii mo, wii: —Giɗam, waɗu ko waddu maa koo. E oon wakkati, ɓe ɓattitii, ɓe njani e Iisaa, ɓe nanngi ɗum.
24192	MAT 26:69	Piyeer jooɗii sella e daalaare galle oo. Gooto e horɓe ɓee ɓattitii mo, wii: —Aan, aɗa wondunoo e Iisaa Galilinke oo.
24196	MAT 26:73	Faa ɓooyi seeɗa, wonɓe ɗon ɓee ɓattii Piyeer, mbii ɗum: —Taƴoral, e maɓɓe njeye-ɗaa, sabi ɗemngal maa ngal hollii to iw-ɗaa.
24220	MAT 27:22	Pilaatu lamndii ɓe, wii: —Ndennoo, hono ngaɗan-mi Iisaa biyeteeɗo Almasiihu oo? Ɓe fuu ɓe njaabii, ɓe mbii: —Tontu mo e leggal bardugal!
24227	MAT 27:29	Caggal ɗum, ɓe caɲi tenngaade gi'e, ɓe kippi e hoore makko. Ɓe ngaɗi kasen kalacal e junngo makko ɲaamo, ɓe ndiccii yeeso makko, hedde eɓe njaayra mo eɓe mbiya: —Saɗi, kaananke Yahuudiyankooɓe!
24244	MAT 27:46	Banngal yamnde tati kiikiiɗe, Iisaa wulli wullaango toowngo, wii: —Eli, Eli, lama sabaktanii? (Ɗum woni: «Laamɗo am, Laamɗo am! Koɗum waɗi so njoppu-ɗaa kam?»)
24261	MAT 27:63	mbii ɗum: —Kaananke, min miccitike ƴoɲɲoowo yimɓe oo wiino nde wuuri ndee, wuurtan balɗe tati caggal maayde mum.
24334	MRK 2:5	Nde Iisaa yiinoo goonɗinal maɓɓe ndee, wii bonnguujo oo: —Giɗam, luutti maa njaafaama.
24353	MRK 2:24	E ley ɗum, Farisa'en ɓee mbii mo: —Ƴeew, koɗum waɗi so taalibaaɓe maa ɓee ana ngolla ko dagaaki gollude ɲalaande fowteteende?
24360	MRK 3:3	Iisaa wii mo junngo mum waati oo: —Imma, dara hakkunde maɓɓe!
24403	MRK 4:11	O wii ɓe: —Onon, on ndokkaama faamde goonga tedduɗo haala Laamu Laamɗo oo. Kaa wonɓe sella ɓee, huunde fuu e banndol kaalaniran-mi ɓe.
24427	MRK 4:35	Kiikiiɗe oon ɲalooma, Iisaa wii taalibaaɓe mum ɓee: —Lummben, keedoyen ootoo bannge.
24430	MRK 4:38	Kanko, omo ɗaanii to laaci laana too, omo wawlii mbawlu. Ɓe pinndini mo, ɓe mbii mo: —Moobbo, tama ko min kalkotoo koo wemmbaali ma?
24441	MRK 5:8	Walaa ko o wiiri non sinaa Iisaa wii mo: —Seyɗaani, yaltu e makko.
24560	MRK 7:28	Debbo oo jaabii, wii mo: —Goonga, Moobbo, kaa fay dawaaɗi minotooɗi ɗii ana ɲaama ɲaamdu sukaaɓe iwooru e la'al so saama nduu.
24584	MRK 8:15	E oon wakkati, o yaggini ɓe, o wii: —Kakkilee, ndeentee e ƴuufinirdi Farisa'en ndii e ndi Hirudus ndii.
24595	MRK 8:26	Iisaa wii mo: —Hootu, kaa pati mbirfito-ɗaa ley ngeenndi ndii.
24612	MRK 9:5	E ley ɗum, Piyeer wii mo: —Moobbo, gonal amen ɗoo ana moƴƴi. Ɗal min ndarna ɗoo buguuji tati: aan wooturu, Muusaa wooturu, Iliyaasa wooturu.
24619	MRK 9:12	O jaabii ɓe: —Goonga, Iliyaasa adotoo warde tafon moƴƴintinde kulle ɗee fuu. Ndennoo ko saabii so Binndi ɗii mbii ana tilsi Ɓii Neɗɗo torree torraaji keewɗi, hoynee?
24624	MRK 9:17	Gorko gooto jaabii mo e jamaa oo, wii: —Moobbo, mi gaddanɗo ma ɓiyam gorko mo ladde muumɗini.
24645	MRK 9:38	Yuhanna wii mo: —Moobbo, min njii gorko gooto ana ribbira seyɗaani'en innde maa. Min kaɗii mo, sabi o jokkaali e meeɗen.
24677	MRK 10:20	Gorko oo jaabii mo, wii: —Moobbo, miɗo haybi ɗum fuu gila e cukaaku am.
24683	MRK 10:26	Taalibaaɓe ɓee ɓeydii mugeede, hedde ana lamndondira e ko'e mum'en ana mbiya: —Ndennoo, homo woni kisoowo?
24685	MRK 10:28	Nden, Piyeer darii ana wiya mo: —Minen, min njoppii fuu min njokkii e maa!
24690	MRK 10:33	O wii ɓe: —Kettinee, eɗen nii ŋabbita Urusaliima, ɗon Ɓii Neɗɗo oo waɗetee e juuɗe hooreeɓe yottinooɓe sadaka e dunkee'en Sariya. Ɓe caran mo waree, ɓe ngaɗa mo e juuɗe heeferɓe.
24692	MRK 10:35	Caggal ɗum, Yaakuuba e Yuhanna ɓiɓɓe Jebede ɓee ngari e Iisaa, mbii ɗum: —Moobbo, won ko min njiɗi ɲaagaade ma, miɗen njiɗi ngaɗanaa min ɗum.
24704	MRK 10:47	Nde o nani Iisaa Nasaraatunke oo ɓettotoo ɗon ndee, o darii omo wulla omo wiya: —Iisaa, taanii Daawuuda, yurmam!
24706	MRK 10:49	Iisaa darii, wii: —Noddee mo. Nden, ɓe noddi bumɗo oo, ɓe mbii ɗum: —Seya, imma, o noddii ma.
24708	MRK 10:51	Iisaa lamndii mo, wii: —Koɗum njiɗ-ɗaa mi waɗane? Bumɗo oo jaabii mo, wii: —Moobbo, mi hewta gite am.
24709	MRK 10:52	Iisaa wii mo: —Yaa, goonɗinal maa danndii ma. Ɗon e ɗon o wumti, o yaadi e Iisaa jahaangal muuɗum ngal.
24730	MRK 11:21	Piyeer miccitii, wii mo: —Moobbo, ƴeew! Ibbi ki kuɗuno-ɗaa kii yoorii.
24756	MRK 12:14	Ɓe ngari, ɓe mbii mo: —Moobbo, miɗen anndi a goongirante: a hulataa fay gooto, sabi a ɓurdintaa yimɓe, aɗa jannginira laawol Laamɗo ngol goonga. Ana dagoo min ndokka kaananke Roma mawɗo oo lampo naa dagaaki? Min ndokka mo naa pati min ndokka mo?
24761	MRK 12:19	—Moobbo, Muusaa yamirii en so neɗɗo maayii heɓaali ɓiɗɗo, miɲum naa mawnum ɓamta debbo ɗalaaɗo oo yalla ana heɓana ɗum ɓeyngu.
24787	MRK 13:1	Nde o yalti Suudu Dewal Mawndu nduu ndee, taalibbo makko gooto wii mo: —Moobbo, ƴeew! Woy kaaƴe mawɗe mahiraaɗe maadi lobbiri!
24791	MRK 13:5	Nii Iisaa darii ana wiya ɓe: —Ndeentee, pati fay gooto ƴoɲɲa on.
24845	MRK 14:22	Nde ɓe ɲaamata ndee, Iisaa ɓami buuru, yetti Laamɗo, helti, hokki ɓe, wii: —Nanngee, ɗum yo terɗe am.
24860	MRK 14:37	O warti, o tawi eɓe ɗaanii. O wii Piyeer: —Simon, a ɗaaniiɗo naa? A waawaa jeertaade tawee a ɗaanaaki fay wakkati gooto naa?
24890	MRK 14:67	Nde o yiinoo Piyeer ana ƴuwloo ndee, o taykitii ɗum, o wii: —Aan, aɗa wondunoo e Iisaa Nasaraatunke oo.
24893	MRK 14:70	Piyeer yeddi kasen. Ɗon e ɗon darinooɓe ɗon ɓee mbii Piyeer: —Taƴoral, a gooto e maɓɓe, sabi a Galilinke.
24907	MRK 15:12	Pilaatu jaabii kasen, wii ɓe: —Ndennoo, koɗum njiɗ-ɗon mi waɗa mo mbiyaton kaananke Yahuudiyankooɓe oo?
24913	MRK 15:18	Ɓe keddii eɓe calmina mo, eɓe mbiya: —Saɗi, kaananke Yahuudiyankooɓe.
24929	MRK 15:34	E ley yamnde tati kiikiiɗe ndee, Iisaa wulli wullaango toowngo, wii: —Eloyi, eloyi, lama sabaktanii? (Ɗum woni: «Laamɗo am, Laamɗo am! Koɗum waɗi so njoppu-ɗaa kam?»)
24930	MRK 15:35	Yoga e darinooɓe ton ɓee nde nanunoo ɗum ndee, mbii: —Kettinee, omo nii nodda annabi Iliyaasa!