13947	PSA 1:4	Iesen ira ut na sakena diet pai hokaiken. Diet hoing ira pala wit ing di te paas parok sukun ira patine, ma no baiangin i puuh se.
13950	PSA 2:1	Wara bih kaik ira kantri diet gi tut na kamahar? Hohe bia ira matanaiabar diet te harpingit? Diet pai haruat ma tiga linge.
13951	PSA 2:2	Ira king tano ula hanuo diet te tur taguro ma ira lualua ta ira pise na hala. Diet te hanuat hurlungen wara hinarubu ma no Watong ma nong mah no Watong gate gilamis ie.
13952	PSA 2:3	Diet tange, “Dahat gi rapat se ira udir winwisaan, ma dahat na lapus ise ira udir kuun, dahat naga langalanga.”
14003	PSA 6:11	Ira nugu ebar bakut, diet na hirhir ma diet na manga tapunuk. Diet na tahurus tapukus gasien ma ra hirhir.
14006	PSA 7:3	Diet kabi diris iau hoing tiga laion i la hardiris huo, ma diet na sapak hasiksik iau, ma taie tikai bia na harahut iau.
14042	PSA 9:11	Diet ing diet nunure no hinsaam, diet na nurnur taam, kanong warah, Watong, pau la lumluban diet ing diet silsilihe ugu.
14043	PSA 9:12	Inge na pirlat tupas no Watong nong i la kiskis aram Saion. Da harpir nalamin ta ira kantri ta ira linge gate gil,
14048	PSA 9:17	Di nunure no Watong tano uno takodasiana harkurai. Ira ut na sakena diet taaba baling ta ira pinapalim na lima diet.
14062	PSA 10:10	I la halhaliare ira ana hiruo ma diet puko suur. Diet puko menapu ta ira uno dadas.
14072	PSA 11:2	Kanong warah, ira ut na sakena diet te taguro taar wara laplapot. Diet te bul tagure ira udiet rumus taar tano hinau na laplapot wara laplapot mekaia ra kankado diet ing ira kaati diet i gamgamatien.
14079	PSA 12:2	Harahut, Watong, kanong taie um tikai ta diet ing diet tar tutun ira udiet nilon taam. Diet ing diet mur timaan God, diet te panim laah um.
14080	PSA 12:3	Diet bakut diet la habato ira udiet harwis. Ira palabulu diet la harhau ma ra harabota.
14095	PSA 14:3	Diet bakut diet te siel wiis laah. Diet tika bakut, diet te hanuat sakena. Taie tikai pai gil no tahut, taie tunat tikai.
14096	PSA 14:4	Hohe, pai tale bia ira ut na gil nironga diet na nunure tiga linge? Diet ing diet harsirikane ira nugu matanaiabar hoing tikai i ien beret, ma diet pai la sasaring tupas no Watong.
14097	PSA 14:5	Diet ke, nora ramramin i manga ubal diet, kanong God i kis tika ma ira ut na takodas.
14126	PSA 17:11	Diet te mur ira pinpaas na kakigu ma diet tur luhutane iau. Diet mate dit iau ma diet taguro wara isise iau ures napu tano pise.
14127	PSA 17:12	Diet hoing tiga laion i taburungan pane no rana hiruo, hoing tiga tamat na laion i riirih haan.
14129	PSA 17:14	Watong, ma no limaam nu halon iau sukun kaiken ra mangana tunotuno. Nu halon iau talur ira tunotuno ta iakan ra ula hanuo ing ira udiet kunkulaan ta ira udiet nilon kaiken tano ula hanuo. Diet ing u manga kalak diet, nu tabar hahos diet, ma na kisi mah ira nati diet. Ma diet na bul hulungan ra bunbulaan uta ira tubu diet.
14138	PSA 18:8	No ula hanuo ga dedar, gaam kunakunar, ma ira burena ira uladih ga gunagune. Diet ga dedar kanong warah God ga ngalngaluan.
14149	PSA 18:19	Diet ga tur mamate iau tano bunguno no nugu halhaliarai iesen no Watong ga palim hatatol iau.
14169	PSA 18:39	Iau ga gisiane diet, kaik diet pa ga haruat be diet na tut hut. Diet ga puko napu ta ira kakigu.
14172	PSA 18:42	Diet ga suah wara harharahut, iesen ga taie tikai wara halhalon diet. Diet ga suah uram hono Watong, iesen pa ga babalu.
14176	PSA 18:46	Diet bakut, i puko ira udiet nurnuruan, ma diet hanuat ma ra dedarine diet mekaia ta ira udiet dadas na subaan diet barahit kaia.
14177	PSA 18:47	No Watong i lon! A pirharlat tupas no nugu Haatkis! Da hatamat God no nugu Ut na Harhalon.
14181	PSA 18:51	I te tar tano uno king no dadas wara papaas hasur ira ebar. I haminas ra harmarsai nong pai la patpataam taar ta nong ga gilamis ie. I haminas ie taar tane Devit ma ira uno bulumur, ma pana le pataam.
14190	PSA 19:9	Ira harkurai tano Watong i takodas. Diet la tartar gungunuama tano kaati nari. Ira hartula tano Watong i pilpilakas. Diet la tartar madaraas ta ira mata nari.
14192	PSA 19:11	No matana kaike ra harkurai i lua tano kunkulaan ta ira gol, ma i manga tamat mah ta ira tutun na gol. Diet manga namnamien ta ira tiri na imara, ma ta ira tiri na imara makaia ra posi diet.
14193	PSA 19:12	Diet la haakatom no num tultulai. Bia tikai na taram, na palim kawase ra tamat na harkul.
14205	PSA 20:9	Di sal hatudu diet ma diet puko, iesen dahat, dahat na tut hut ma dahat na tur dikdikit.
14225	PSA 22:5	Ira hintubu mehet diet ga so nurnuruan taam. Diet ga nurnur ma u ga halangalanga ise diet.
14226	PSA 22:6	Diet ga suah tupas ugu ma diet ga kap harhalon. Narako taam diet ga so nurnur ma diet pa ga tapunuk, kanong u ga harahut.
14228	PSA 22:8	Diet ing diet nesnes iau diet kukutur tagu. Ing diet hamalahuan iau, diet lawa ul ma diet tange,
14239	PSA 22:19	Diet harpalau ma ira nugu sigasigam ma diet mamagu ma ra satu utano nugu maal.
14247	PSA 22:27	Ira maris diet iaan ma diet na hahos. Diet ing diet silsilihe no Watong diet na pirlat ie. I tahut bia muat na lon hathatika!
14251	PSA 22:31	Ira nati diet ing diet na lon namur, diet na taram ie. Diet na hinawase ira udiet bulumur tano Watong.
14252	PSA 22:32	Diet na hinawas palai ta ira matanaiabar ing baak pa di kaha diet ta ira uno taktakodasiana magingin, kanong warah, God i la harharahut ira uno matanaiabar.
14264	PSA 24:6	Ira mangana matanaiabar hokaiken, kaike ra tunotuno ing diet silsilihe mur ie. Diet la silsilihe no num matmataan, God ta Iakop.
14268	PSA 24:10	Ma sige ie, iakano King nong i tamat no minarine? No Watong Nong i Dadas Harsakit. Aie no King nong i tamat no minarine.
14321	PSA 28:5	Diet pai nes kilam ira pinapalim tano Watong ma asa ing ira limana i te gil. Io kaik, aie na dure hasur diet ma pa na hatur haut pukus habaling diet.
14362	PSA 31:13	Diet te luban iau hoing bia iau gate maat. Iau haruat hoing tiga gingop na taah i te tamaparok taar,
14363	PSA 31:14	kanong iau hadade bia a halengin diet tangtange hagahe iau. A ramramin i luhutane iau. Diet wor tika wara hinelar tagu, ma diet iangianga tika wara kapkap se no nugu lon.
14387	PSA 33:2	Da pirlat no Watong ma no gita. Da ting no haap ma da inge tupas ie.
14405	PSA 33:20	Dahat kis nanaho ma ra nurnuruan utano Watong. Aie no udahat harharahut ma no udahat bahbahit.
14410	PSA 34:3	No nugu nilon bakut na latlaat uta ira linge no Watong i te gil. Diet ira maris diet na hadade ma diet na guama.
14429	PSA 34:22	No sakana magingin at na bu bing ira ut na sakena. Diet ing diet sukuane ira ut na takodas, diet na kap ra harpidanau.
14437	PSA 35:7	Diet te se bat iau ma ira nudiet uben, ma taie ta burena. Ma taie ta burena, iesen diet ga kil tar tiga naan wara utagu.
14441	PSA 35:11	Ira ut na hinhinawas ing diet tange mon bia diet nunure no tutun, diet tur harapuasa wara nianga, iesen diet wara hagahe bia iau. Diet tung iau ta ira linge a kapatona iau ine.
14442	PSA 35:12	Diet balu ira nugu bilbilai ma ra sakena, ma iau gom manga marmaris.
14445	PSA 35:15	Ma sen ing iau ga laleka, diet ga hanuat hurlungen ma ra gungunuama. Iau ga kis kabong taar ma diet gaam hung luhutane iau wara hinarubu ma iau. Diet pai la sasangeh wara timtibe hapenpen iau.
14446	PSA 35:16	Hoing ira tunotuno diet tur talur God, diet hasakit sakasaka taar tagu. Diet hatagiris na ngise taar tagu.
14449	PSA 35:19	Diet ing diet sukuane iau ma taie ta burena, waak u bale diet bia diet na guama ta ira nugu tinirih. Huo mah, diet ing diet malentakuane iau ma taie ta burena, waak u bale diet bia diet na pit mata wara hakilang no pakana bung wara hanghagahe iau.
14450	PSA 35:20	Diet pai la iangianga ma ra bala malum, iesen diet pingit nianga na harabota taar ta diet ing diet lon matien narako tano taman.
14451	PSA 35:21	Diet kukutur tagu ma diet tange, “Het te nes tupas um ing u gilgil ma ira mata het.”
14455	PSA 35:25	Waak u bale bia diet na lik, “Bilai! Ing at mon dahat sipsip!” Waak u bale bia diet na tange, “Dahat te kanam bakut leh ie!”
14457	PSA 35:27	Sige diet kanakana ing i hanuat puasa bia iau pai gil ta nironga, bale diet bia diet na kup ma ra gungunuama ma ra larlaro. I tahut bia diet na tange hatikane bia, “Da hatamat no Watong, nong i la kankanakana tano bilai na kinkinis tano uno tultulai.”
14471	PSA 36:13	Nes ira ut na gil nironga ing diet te puko taar huo. Di te se hasur diet, ma diet pai haruat bia diet na taman tut!
14491	PSA 37:20	Iesen ira ut na sakena diet na pataam. Ira ebar tano Watong diet na ngan hoing ra bilai na purpur na pitoka, diet na panim. Diet na panim laah hoing ra mis.
14497	PSA 37:26	Diet la manga hartabar bia, ma diet la hatatol mah ira mes. A haraidaan na kis ta ira nati diet.
14524	PSA 38:13	Diet ing diet silsiliha ngaas wara hapataam no nugu nilon, diet tagure ira udiet kuun, ma diet ing diet wara hanghagahe iau, diet iangianga bia diet na haliare iau. Tano kidilona bung bakut diet harpingit wara habato iau.
14531	PSA 38:20	A haleng ira nugu ebar, ma diet bakut adiet mon tabi bolbol. Diet manga haleng saakit ing diet malentakuane bia mon iau.
14532	PSA 38:21	Diet ing diet balu pukus ira nugu bilbilai ma ra saksakena, diet tange hagahe iau kanong iau wara murmur asa i tahut.
14556	PSA 40:8	Io, ma iau ga tange bia, “Iau um ken. Iau te hanuat. Di ga pakat hokaiken utagu narako tano num pakpakat.
14561	PSA 40:13	Kanong warah, a saksakena ing i kalkalala bia da was, i luhutane iau. Ira nugu magingin sakena i te burung iau ma pai tale iau bia ni nanaas. Diet manga haleng saakit ta ira higu tano ulugu. Ma no kaatigu i te rurungo aram narako tagu.
14565	PSA 40:17	Iesen diet bakut ing diet silsilihe ugu, i tahut bia diet na guama ma diet na laro taam. Diet ing diet kalak no num harhalon, i tahut bia diet na tangtange hatikane bia, “Da bul haut no Watong.”
14574	PSA 41:8	Ira nugu ebar diet harmurungo tika wara utagu. Diet liklik tar ira tinirih ing na haan tupas iau ma diet tangtange,
14591	PSA 42:11	Ira surugu i kilingane ra tamat na ngunngutaan saakit ing diet ing diet malentakuane iau, diet tangtange haliare iau. Diet tangtange tagu tano kudulena bung bakut bia, “Ie he um no num God?
14601	PSA 44:4	Diet pai ga kap taman ma ira udiet wise na hinarabu, ma diet pai ga petlaar mah no hinarubu ma ra nudiet dadas at. Iesen no kata na limaam, no num baso mah, ma no num madaraas nong ga sakate diet, kanong u ga sip diet.
14611	PSA 44:14	U te gil diet ing diet lon tika ma het bia diet na kukutur ta het. Diet ing diet kis luhutane tar het, diet pa na urur ta het ma diet na malentakuane het.
14620	PSA 44:23	Iesen tano kidilona bung bakut di wara bubu bing het wara gaem. Di nes kilam het hoing ira sipsip di wara kutkut bing.
14623	PSA 44:26	Di ga bul hasur tar het napu ra kaabus. Ira palatamai het i patep taar tano pise.
14638	PSA 45:14	I melmel harsakit no nat na hahine no king kenam narako tano uno hala. Di hi tikane no uno sigasigam ma ra gol.
14639	PSA 45:15	Di dungut matatarine ira kiniasine, io, di lamus tar ie tano king. Ira uno lala na bulahin na harsakata, diet mur ie, ma di lamus tar diet bakut taam.
14640	PSA 45:16	Di lamus halaka diet ma ra gungunuama ma ra larlaro. Diet haan laka tano ngasiana no king.
14650	PSA 46:8	No Watong Nong i Dadas Harsakit, i la kis tika taar ma dahat. No God ta Iakop aie no udahat subaan na munmun.
14653	PSA 46:11	“Kis matien ma nu nunure bia iau God. Da hatamat iau nalamin ta ira kantri. Da hatamat iau kai tano ula hanuo.”
14654	PSA 46:12	No Watong Nong i Dadas Harsakit, i la kis tika taar ma dahat. No God ta Iakop aie no udahat subaan na munmun.
14664	PSA 47:10	Ira lualua ta ira kantri diet kis hulungai hoing bia diet ira matanaiabar tano God ta Abaram. Ira king tano ula hanuo diet gar ta God. Di manga raun haut ie.
14673	PSA 48:9	Het te hadade ma het te nes mah asa ing God ga pakile narako tano pise na hala tano Watong Nong i Dadas Harsakit, no nudahat God, ma i hoken: God na balaure hadadas hatikanei.
14690	PSA 49:11	Dahat bakut i tale bia dahat na nes ira ut na mintota diet na maat. Ira ba ma ira ngulo diet hiruo tiga mangaan mon ma diet waak kapis tar ira udiet minsik taar ta ira mes.
14694	PSA 49:15	Diet haruat hoing ra sipsip di te tagure tar wara ures ra midi, ma no minaat na iaiaan ta diet. Ira ut na takodas diet na kure kaike ra tunotuno ra malaan, ing ira palatamai diet na marsang ares ra midi tapaka ta ira udiet melmel na hala.
14752	PSA 52:8	Ira ut na takodas diet na nes ma diet na ramramin. Diet na kurus no ut na sakena ma diet na tange bia,
14759	PSA 53:4	Diet bakut diet te siel wiis laah. Diet tika bakut, diet te hanuat sakena. Taie tikai pai gil no tahut, taie tunat tikai.
14760	PSA 53:5	Hohe, pai tale bia ira ut na gil nironga diet na nunure tiga linge? Diet ing diet harsirikane ira nugu matanaiabar hoing tikai i ien beret, ma diet pai la sasaring uram ho God.
14761	PSA 53:6	Diet ke, nora ramramin i manga ubal diet, ing ga taie ta linge bia da burte menalua. God ga bul harbasiane ira suru diet, ing diet ga harubu ma muat. Muat ga gil hahirhir diet, kanong God ga malentakuane diet.
14801	PSA 56:6	Tano kudulena bung diet ruru halilie ira nugu nianga. Diet la pingpingit wara hagahe iau.
14802	PSA 56:7	Diet wawor kumaan tika, ma diet munmunuane iau. Huo diet nesnes mur timaan ira nugu hinahaan. I tut ira bala diet wara hapataam se no nugu lon.
14816	PSA 57:7	Diet se bat iau ma tiga uben. Ira tinirih ga ubal iau. Diet ga kil tiga lulur tano nugu ngaas, iesen diet baling at, diet te puko suur taar tana.
14832	PSA 58:11	Ira ut na takodas diet na laro ing nu babalu wara gae diet. Diet na papaas suguh ta ira de diet ira ut na sakena.
14837	PSA 59:4	Nes baak! Diet mun kawase tar iau. Ira ngangarina tunotuno diet ianga kumaan tika wara hanghagahe bia mon iau, ma iau pai lake tiga harkurai ma taie mah nugu ta sakana magingin, Watong.
14839	PSA 59:6	Watong God Nong u Dadas Harsakit, no God ta ira Israel, nu taman tut ma nu hapidanau ira kantri ing diet pai Iudeia. Waak u marse ira sakana tunotuno ing diet ianga timaan ma iau iesen diet wara hagahe balik iau.
14840	PSA 59:7	Diet ngangar ho ira paap ing diet tapukus ra matarahien ruruk, ma diet la hanahaan kumaan hurbit tano pise na hala.
14846	PSA 59:13	Bul diet bia no udiet latlaat na hakuni diet, kanong ta ira saksakena ta ira ha diet ma ta ira nianga ta ira palabulu diet. Diet la harabota ma diet la iangianga na harhuli,
14848	PSA 59:15	Diet ngangar ho ira paap ing diet tapukus ra matarahien ruruk, ma diet la hanahaan kumaan hurbit tano pise na hala.
14849	PSA 59:16	Diet goota hurbit wara adiet ta nian, ma ing bia diet pai hahos diet la kup na sunuah.
14865	PSA 60:14	Dahat na bul hasur ira adahat suk ma no harharahut ta God. Aie at na papasuane hasur diet.
14879	PSA 62:5	Diet manga sip tun taar bia diet na sun hapuko se ie mekarama naliu ra uno tamat na kinkinis. Diet guama pane ra harabota. Diet haraidaan ma ira ha diet, iesen meram narako ta ira bala diet, diet se ira nianga na halhaliarai.