13950	PSA 2:1	Wara bih kaik ira kantri diet gi tut na kamahar? Hohe bia ira matanaiabar diet te harpingit? Diet pai haruat ma tiga linge.
13961	PSA 2:12	Hanapu augu tano Natine, kabi ngalngaluan ma na gil haliare ugu tano num hinahaan, kanong warah no uno bala mamahien i tale bia na tut hut kaik at mon. A haraidaan na kis ta diet ing diet barahit taar menapu ta God.
13963	PSA 3:2	Watong, haleng saakit um diet malentakuane iau! Haleng mah diet tut hut wara hinarubu ma iau!
13964	PSA 3:3	Haleng diet tangtange utagu hoken, “God pa na halon ie.”
13969	PSA 3:8	Watong, taman tut! Halangalanga iau, nugu God! Pasar ira iase diet ira nugu ebar. Warat ira ngise diet ira ut na sakena.
13972	PSA 4:2	Taram iau ing bia iau tataau tupas ugu, no nugu takodasiana God. Hasangeh iau sukun ira nugu tinirih. Nu bala malum tagu ma nu taram ira nugu sinasaring.
13977	PSA 4:7	Haleng diet tirtiri bia, “Sige i tale bia na hamines ta bilbilai ta dahat?” Waak tar no murarang tano num matmataan na bulo sare het, Watong.
13981	PSA 5:2	Hadade ira nugu nianga, Watong, ma nu lik leh mah ira nugu tamat na tinirih ing pai tale bia ni hapupuo ma ra nianga.
13982	PSA 5:3	Hatarame ira nugu tintaau wara harharahut, nugu King ma nugu God, kanong iau sasaring tupas ugu.
13988	PSA 5:9	Watong, lamus iau taar tano num taktakodas, kanong iau liklik ira nugu ebar. Hatakodasne no num ngaas menalua tagu.
13991	PSA 5:12	Iesen bale diet ing diet barahit narakoman taam bia diet na laro. Waak diet na inge hatikai ma ra gungunuama. Hakukuh diet ma no num harbalaurai, waing diet ing diet sip no hinsaam, diet naga pirlat ugu.
13997	PSA 6:5	Talingaan, Watong, ma nu hasangeh iau. Halon iau murmur no num harmarsai nong pa na pataam.
14005	PSA 7:2	Watong, nugu God, iau barahit taam. Harahut iau ma nu lamus iau sukun diet ing diet hagahe iau.
14011	PSA 7:8	Waak no kis hurlungai na matanaiabar diet na haan luhutane ugu. Hasur no num harkurai meram naliu taar ta diet.
14012	PSA 7:9	Waak tar no Watong na kure ira matanaiabar. Watong, kure iau haruat ma ira nugu taktakodas. Augu Nong u Naliu Harsakit, kure iau haruat ma ira bilbilai ken i kis taar tano balagu.
14014	PSA 7:11	No nugu bahbahit, ne God Nong i Naliu Harsakit, nong i la halhalon diet ing ira kaati diet i gamgamatien.
14021	PSA 7:18	Iau ni tanga tahut tano Watong uta ira uno taktakodas. Ma iau ni inge na pirharlat tano hinsana no Watong Nong i Naliu Harsakit.
14034	PSA 9:3	Iau ni kanakana ma ni guama taam. Iau ni inge na pirharlat tupas ugu, augu Nong U Naliu Harsakit.
14052	PSA 9:21	Watong, haramramin diet. Hapalaine ira matanaiabar ta ira kantri bia a tunotuno mon diet.
14071	PSA 11:1	Aram narakoman tano Watong iau kis barahit taar. Hobibih balik bia i tale ugu bia nu tange tagu bia, “Pupungo laah hoing tiga maan uram tano num uladih.”
14079	PSA 12:2	Harahut, Watong, kanong taie um tikai ta diet ing diet tar tutun ira udiet nilon taam. Diet ing diet mur timaan God, diet te panim laah um.
14088	PSA 13:2	Nu luban hatikane um iau? Hunanges nu lik leh iau, nora Watong? Na haruat hunanges ing nu suhe no matmataan taam talur iau?
14096	PSA 14:4	Hohe, pai tale bia ira ut na gil nironga diet na nunure tiga linge? Diet ing diet harsirikane ira nugu matanaiabar hoing tikai i ien beret, ma diet pai la sasaring tupas no Watong.
14111	PSA 16:7	Iau ni pirlat no Watong, aie nong i la harharahut iau ma no uno minminonas na nianga. Huo mah ra bung no kaatigu i la pirpir iau.
14116	PSA 17:1	Watong, sa talingaam tano nugu takodasiana tintaau. Hadade no nugu sunuah. Taram no nugu sinasaring, nong i hansur mekatiga ta ira palabulugu ing pai harabota.
14119	PSA 17:4	Iau pai la murmur ira gingilaan ta ira tunotuno mon. Taie. Iesen iau te mur no nianga ta ira palabulum. Huo, iau te haan paas laah tano subaan ta ira ut na haragawai.
14122	PSA 17:7	Haminas no num tamat na harmarsai bia daga ngalabo tano bilbilai tana. Augu nong u la halhalon ma no dadas na kata na limaam diet ing diet la kis barahit taam talur ira adiet suk.
14128	PSA 17:13	Taman tut, Watong! Tur bat diet ma nu me bul hasur diet. Halon iau ma no num wise sukun ira ut na sakena.
14133	PSA 18:3	No Watong aie no nugu haatkis, no nugu subaan na munmun ma no nugu Ut na Harhalon. No nugu God aie no nugu haatkis, aie nong iau barahit tana. Aie no nugu bahbahit ma no dadas tano nugu harhalon, no nugu dadas na balo.
14144	PSA 18:14	No Watong ga ianga parpar meram ra mawe. No ingana Nong i Naliu Harsakit ga kakel hoing ra taram karot.
14162	PSA 18:32	Kanong warah, no Watong sen mon aie no God. Taie tiga mes. Ma sige mah um no Haatkis? Taie tiga mes. No udahat God sen mon.
14177	PSA 18:47	No Watong i lon! A pirharlat tupas no nugu Haatkis! Da hatamat God no nugu Ut na Harhalon.
14196	PSA 19:15	Iau sip bia ira nianga mekai ra hagu ma ira lilik aram tano balagu na nasnas maririsuan tano num matmataan, Watong, no nugu Haatkis, ma no nugu Ut na Kul Halangalangai.
14202	PSA 20:6	Het na kup ma ra gungunuama ing nu paas hasur ira num ebar, ma het na tatik haut ira nuhet hakilang na gungunuama tano hinsana no udahat God. Iau sip bia no Watong na pakile haruatne bakut ira linge u saring.
14214	PSA 21:8	Kanong warah, no king i so tar no uno nurnuruan tano Watong. Pa na gunagune kanong no harmarsai ta Nong i Naliu Harsakit pa na pataam.
14220	PSA 21:14	Watong, da raun haut ugu uram naliu saakit kanong augu, u dadas. Het na inge ma het na pirlat no num baso.
14233	PSA 22:13	Haleng tumatena bulumakau diet tur bat iau. Ira dadasina tumatena bulumakau me Basaan diet tur luhutane iau.
14234	PSA 22:14	Hoing ira ngangarina laion diet sapsapak ira adiet hiruo, diet papos hatamat ira ha diet wara ienien iau.
14240	PSA 22:20	Iesen augu, Watong, waak bia u tapaka tagu. Nugu Ut na Harhalon, hanuat gasien wara harharahut iau.
14241	PSA 22:21	Halon iau sukun no wise na hinarubu bingibing, ma no nugu melmel na nilon mekaia ta ira paap.
14242	PSA 22:22	Halon iau mekaia ra ha diet ira laion. Harahut iau mekaia ra lako diet ira rakaia na bulumakau.
14263	PSA 24:5	Na kap no haraidaan meram tano Watong, ma God, no uno Ut na Harhalon, na haminas bia a takodasiana ie.
14268	PSA 24:10	Ma sige ie, iakano King nong i tamat no minarine? No Watong Nong i Dadas Harsakit. Aie no King nong i tamat no minarine.
14272	PSA 25:4	Tuko haminas iau ta ira num ngaas, Watong. Hausur iau ta ira num tintalen.
14273	PSA 25:5	Lue iau narako ta ira num tutun ma nu hausur iau, kanong augu, God, no nugu Ut na Harhalon, ma iau kis nanahai taam ta ira bungbung bakut.
14275	PSA 25:7	Waak u liklik leh ira nugu sakana magingin tano nugu pakana bung na marawaan ma ira nugu magingin na patnau. Haruat ma no num harmarsai, lik leh iau, kanong a bilai ugu, Watong.
14285	PSA 25:17	Ira ngunngutaan tano nugu nilon i te tamtamat hakakari. Halangalanga iau ta ira nugu tapunuk.
14311	PSA 27:9	Waak u suhe no num matmataan tagu. Waak bia nu tule se no num tultulai ma ra ngalngaluan. U te harahut haitne iau. Waak u malentakuane iau ma bia nu waak kapis iau, God, nugu Ut na Harhalon.
14317	PSA 28:1	Iau tataau uram ho ugu, Watong, no nugu Haatkis. Waak bia u talingaro taar tagu, kanong ing bia nu kis kunkun, iau ni ngan hoing diet ing diet ga hansur ures tano lulur na minaat.
14318	PSA 28:2	Hadade no nugu sunuah na sinasaring wara gaiena harmarsai ing iau tataau tupas ugu wara harharahut, ing mah iau tatik ira limagu uram hono num halhaliana subaan harsakit.
14325	PSA 28:9	Halon ira num matanaiabar ma nu haidane diet ing diet ira pinlawem ta ira matanaiabar bakut. Nu hanuat hoing ra ut na balaura sipsip ma nu kap hani diet hathatika.
14331	PSA 29:6	I la gilgil ira uladih aram Lebanon be na karuas haruat ma tiga nat na bulumakau. No uladih Hermon na karuas haruat ma tiga sigar rakaia na bulumakau.
14347	PSA 30:11	Hadade, Watong, ma nu marse iau. Watong, harahut iau.”
14351	PSA 31:2	Watong, iau te barahit taam. Waak u bale bia da hahirhir iau. Halangalanga leh iau haruat ma no num magingin takodas.
14352	PSA 31:3	Sa talingaam ukai ho iau. Hanuat gasien wara halhalon iau. Nu hanuat hoing no nugu haatkis wara barbarahit, ma no dadas na hala na munmun wara halhalon iau.
14354	PSA 31:5	Halangalanga iau sukun no kuun nong di te tagure tar ie utagu, kanong augu no nugu barbarahit.
14366	PSA 31:17	I bilai bia no matmataan taam na murarang naliu tano num tultulai. Halon iau ma no num harmarsai nong pana le pataam.
14368	PSA 31:19	Hamarur ira palabulu diet ira ut na harabota kanong diet sa butbut ma diet lik hanapu ira mes, kaik diet la bulbul hasur ira ut na takodas ma ira udiet latlaat.
14431	PSA 35:1	Watong, nu harngangaar ma sige diet ing diet harngangaar ma iau. Harubu ma sige diet ing diet harubu ma iau.
14434	PSA 35:4	Hamalahuan ma nu hahirhir diet ing diet wara bubu bing iau. Tule pukus diet ma nu hamarisne diet ing diet pingpingit sakena utagu.
14446	PSA 35:16	Hoing ira tunotuno diet tur talur God, diet hasakit sakasaka taar tagu. Diet hatagiris na ngise taar tagu.
14447	PSA 35:17	Watong, na haruat hunanges ing nu ngok taar? Halangalanga iau sukun ira udiet halhaliarai. Harahut no nugu nilon sukun at kaiken ra laion.
14449	PSA 35:19	Diet ing diet sukuane iau ma taie ta burena, waak u bale diet bia diet na guama ta ira nugu tinirih. Huo mah, diet ing diet malentakuane iau ma taie ta burena, waak u bale diet bia diet na pit mata wara hakilang no pakana bung wara hanghagahe iau.
14451	PSA 35:21	Diet kukutur tagu ma diet tange, “Het te nes tupas um ing u gilgil ma ira mata het.”
14453	PSA 35:23	Tangahun, ma taman tut ukai wara gaiegu! Hargor wara gaiegu, augu no nugu God ma no nugu Watong.
14454	PSA 35:24	Haruat ma no num taktakodas, hamines bia iau pai gil ta nironga, Watong, nugu God. Waak u bale bia diet na hasakit sakasaka tagu.
14473	PSA 37:2	kanong hutet um ma diet na mahiawa hoing ira huro. Hutet diet na maat laah hoing ra nuhnuhuan na pitoka.
14534	PSA 38:23	Hanuat gasien wara harharahut iau, Watong, no nugu Ut na Harhalon.
14539	PSA 39:5	“Watong, hamines no hauhawatine no nugu nilon tagu, ma aise ira nugu bung na nilon. Hapuasne tagu bia a kumkumine mon no nugu nilon.
14543	PSA 39:9	Halon leh iau sukun ira nugu nironga bakut. Waak u gil iau bia ira ulba diet na hasakit tagu.
14547	PSA 39:13	“Watong, taram no nugu sinasaring. Hadade no nugu tintaau wara harharahut. Waak bia u hadade kapis ira nugu sunsunuah, kanong iau lon tika ma ugu hoing tiga se taman. Iau hoing tiga wasire taam hoing ira hintubugu bakut diet ga ngan huo.
14552	PSA 40:4	I ga bul tiga sigar ninge narako tano hagu, a ninge na pirharlat ie tupas no udahat God. Haleng diet na nes ma diet na burut, ma diet na so ira udiet nurnuruan tano Watong.
14566	PSA 40:18	Iesen kana iat iau tiga maris ma ra nugu mon sunupi. Io kaik, na bilai bia no Watong na lik leh iau. Augu no nugu harharahut ma no nugu Ut na Harhalon. Nugu God, waak u halis.
14571	PSA 41:5	Iau ga tange, “Watong, nu marse iau. Halangalanga iau, kanong iau ga gil ra sakena taar taam.”
14582	PSA 42:2	Hoing ra dia i taaba ra karamena pane ra taah saal, huo mah, iau manga masingan pane ugu, God.
14583	PSA 42:3	Iau maruk pane God, pane no lilona God. Hunanges um iau ni haan ma ni harso mane God?
14586	PSA 42:6	Iau haianga habaling iau, “Wara bih no balagu i hung ma ra tapunuk? Wara bih no nugu lilik pai sangeh? Kis nanahai ta God, kanong iau ni pirlat at baak ie, no nugu Ut na Harhalon ma no
14587	PSA 42:7	nugu God.” No balagu i tapunuk, io kaik, iau nigi lik leh ugu, merau Ioridaan, meram hono uluno no uladih Hermon ma mekaia hono uladih Misar.
14590	PSA 42:10	Iau tange ta God no nugu Haatkis, “Warah u gom luban iau? Warah kaik iau nigi tur na sunuah ta ira ngunngutaan diet ing diet malok tagu diet ga ubal iau me?”
14592	PSA 42:12	Iau haianga habaling iau, “Wara bih no balagu i hung ma ra tapunuk? Wara bih no nugu lilik pai sangeh? Kis nanahai ta God, kanong iau ni pirlat at baak ie, no nugu Ut na Harhalon ma no nugu God.”
14593	PSA 43:1	God, hinawas palai utagu bia iau pai gil ta nironga, ma tur harahut iau wara nianga taar ta ira haleng matanaiabar ing diet pai mur ugu. Halon iau sukun ira ut na harabota ma ira ut na sakena.
14597	PSA 43:5	Iau haianga habaling iau, “Wara bih no balagu i hung ma ra tapunuk? Wara bih no nugu lilik pai sangeh? Kis nanahai ta God tano uno bilai na harharahut, kanong iau ni pirlat at baak ie, no nugu Ut na Harhalon ma no nugu God.”
14624	PSA 44:27	Tut hut ma nu harahut het. Halon het kanong tano num harmarsai nong pai la patpataam.
14646	PSA 46:4	Huo mah ing bia no tes na wawaang ma na busbusain, ma ira uladih na ninir ing no tes i tut diet.
14647	PSA 46:5	Tiga taah kana, ing ira auno katen taah na haguama no tamat na pise na hala ta God, no halhaliana taman ing aie Nong i Naliu Harsakit i la lalon kaia.
14650	PSA 46:8	No Watong Nong i Dadas Harsakit, i la kis tika taar ma dahat. No God ta Iakop aie no udahat subaan na munmun.
14654	PSA 46:12	No Watong Nong i Dadas Harsakit, i la kis tika taar ma dahat. No God ta Iakop aie no udahat subaan na munmun.
14657	PSA 47:3	No Watong Nong i Naliu Harsakit i haruat bia da rui, aie no tamat na King tano ula hanuo bakut!
14667	PSA 48:3	No uladih Saion i manga tamat ma i nanaas timaan, ma no ula hanuo bakut i guama tana. Hoing no uluno no tamat na uladih Zapon, huo mah no uladih Saion, no pise na hala tano Tamat na King.
14673	PSA 48:9	Het te hadade ma het te nes mah asa ing God ga pakile narako tano pise na hala tano Watong Nong i Dadas Harsakit, no nudahat God, ma i hoken: God na balaure hadadas hatikanei.
14681	PSA 49:2	Hadade ken, muat ira tunotuno. Taram, muat ing muat lon ta iakan ra ula hanuo,
14714	PSA 50:14	Tar ra hartabar na tanga tahut uram ho God. Gil haruatne ira num kunubus uram ta Nong i Naliu Harsakit.
14720	PSA 50:20	Hait at mon u la iangianga wara hagahe no tasim, ma u tange ira linge pai tutun tano natine no pawasim tutun.
14736	PSA 51:13	Waak u se hasur iau mekaia tano matmataan taam bia nu kap se no num Halhaliana Tanuo mekai ho iau.