13953	PSA 2:4	Nong i la harkurai taar meram ra mawe i kurus. No Watong i hunane diet.
13956	PSA 2:7	No King i hinawas tano dadas na nianga tano Watong. Ga tange tagu, “Augu no Natigu. Katin iau te hanuat no raam Sus.
13958	PSA 2:9	Nu kure diet ma tiga dadas na kinkinis na harkurai, nu parok gisiane diet hoing ra gingop di gil ma ra dadas na pikaia.”
13961	PSA 2:12	Hanapu augu tano Natine, kabi ngalngaluan ma na gil haliare ugu tano num hinahaan, kanong warah no uno bala mamahien i tale bia na tut hut kaik at mon. A haraidaan na kis ta diet ing diet barahit taar menapu ta God.
13972	PSA 4:2	Taram iau ing bia iau tataau tupas ugu, no nugu takodasiana God. Hasangeh iau sukun ira nugu tinirih. Nu bala malum tagu ma nu taram ira nugu sinasaring.
13973	PSA 4:3	Na haruat hunanges ing muat ira matanaiabar muat na tange haliare no bilai na hinsagu? Na haruat hunanges ing muat na kalak ira linge bia, ma muat na silsilihe ira ina bis?
13974	PSA 4:4	I tahut bia muat na palai bia no Watong i te bul hasisingen wara uno iat diet ing diet te tar tutun ira udiet nilon tana. No Watong na taram ing iau ni tataau uram ho ie.
13995	PSA 6:3	Nu marse iau, Watong, kanong iau pai dadas haruat. Watong, halangalanga iau, kanong ira surugu i manga makmakis.
13996	PSA 6:4	No nugu nilon i mon tamat na ngunngutaan. Na haruat um hunanges, Watong, na haruat um hunanges?
14002	PSA 6:10	No Watong i te taram no nugu tintaau wara gaiena harmarsai. No Watong i te haut leh no nugu sinasaring.
14010	PSA 7:7	Watong, taman tut ma no num ngalngaluan. Tut hut wara hinarubu ma no nginangar ta ira agu suk. Nugu God, tangahun, ma nu bul harkurai wara harharahut iau.
14012	PSA 7:9	Waak tar no Watong na kure ira matanaiabar. Watong, kure iau haruat ma ira nugu taktakodas. Augu Nong u Naliu Harsakit, kure iau haruat ma ira bilbilai ken i kis taar tano balagu.
14013	PSA 7:10	No takodasiana God, nong i la nesnes salok ira liklik ma ira kaati nari, hapataam ira magingin na haragahai ta ira ut na sakena, ma nu balaure bat timaan ira ut na takodas.
14014	PSA 7:11	No nugu bahbahit, ne God Nong i Naliu Harsakit, nong i la halhalon diet ing ira kaati diet i gamgamatien.
14018	PSA 7:15	Nes baak! Tiga nong i tianane ra saksakena. I balaan ma ra purpuruan ma i kaha hapuasne ra bisbis.
14020	PSA 7:17	No purpuruan i haburen tar ie, na wis habaling ie. Ira uno nginangar na soot habaling no uluno at.
14021	PSA 7:18	Iau ni tanga tahut tano Watong uta ira uno taktakodas. Ma iau ni inge na pirharlat tano hinsana no Watong Nong i Naliu Harsakit.
14034	PSA 9:3	Iau ni kanakana ma ni guama taam. Iau ni inge na pirharlat tupas ugu, augu Nong U Naliu Harsakit.
14039	PSA 9:8	No Watong i harkurai hatika. I te hatur hadadas no uno kinkinis na harkurai wara tar harkurai.
14041	PSA 9:10	No Watong aie no barbarahit wara audiet ing di hagahe diet. I la balbalaure hadadas diet ta ira pakana bung na tinirih.
14050	PSA 9:19	Iesen ira malahahin, God pa na luban hatikane diet. No harharahut nong ira maris diet nuruan ie, pa na pataam hatika.
14051	PSA 9:20	Nora Watong, taman tut! Waak u bale leh tiga tunotuno mon bia na petlaar ugu. Bale ira kantri ing diet pai Iudeia bia diet na tur ra matmataan taam, ma nu kure diet.
14054	PSA 10:2	No ut na sakena i la palpalim kawase ma ra minok diet ing taie ta harharahut ta diet. Bale diet bia ira udiet harpingit na hakuni habaling diet.
14056	PSA 10:4	No ut na sakena pa na silihei narako ta ira uno minok. Narako tano uno lilik bakut taie ta subaan ta God.
14059	PSA 10:7	No hana i hung ma ra nianga sakasaka. A hinarabota ma ra harburut, a haragahai ma ra sakena i la sursuur tano hana.
14066	PSA 10:14	Iesen augu, God, u la nesnes ira haragahai ma ira tapunuk. U la liklik kaike ra magingin wara balbalu pukus ma no limaam. Nong taie ta harharahut tana, i la tartar ise tar ie ukaia ho ugu. Augu no ut na harharahut ta ira tintana.
14068	PSA 10:16	No Watong aie no tamat na lualua hathatikai. Ira sakana kantri diet na panim sukun no uno pise.
14069	PSA 10:17	Watong, u te hadade ira sinisip ta ira maris. Nu haragat diet ma nu hadade ira udiet tintaau.
14070	PSA 10:18	Nu harahut ira tintana ma diet ing di hagahe diet, waing ira tunotuno mekai ra ula hanuo, diet pa na haburut habaling ira mes.
14074	PSA 11:4	No Watong ie kenam narakoman tano uno halhaliana hala. No Watong i kis taar kenam tano uno kinkinis na harkurai aram ra mawe. I nes tar ira tunotuno tano ula hanuo. Ira matana i walar diet.
14075	PSA 11:5	No Watong i walar ira ut na takodas, ma i malentakuane ira ut na sakena ma diet ing diet sip ira dadas na magingin na halhaliarai.
14076	PSA 11:6	Na burange ira lakit na iaah ma ra solam ing i kalkalangaruan taar ta ira ut na sakena. Tiga mamahiana dadaip diet na kap bia udiet kunkulaan.
14081	PSA 12:4	Na bilai bia no Watong na hapataam ise ira harhau ta ira palabulu diet ma ira karame diet bakut ing diet la butbut me
14083	PSA 12:6	No Watong i tange hoken, “I taar burena ta ira magingin na haragahai taar ta ing taie ta harharahut ta diet ma ira sunuah na marmaris ta ira maris, iau ni taman tut um kaiken. Iau ni balaure bat diet sukun sige diet ing diet tange hagahe diet.”
14088	PSA 13:2	Nu luban hatikane um iau? Hunanges nu lik leh iau, nora Watong? Na haruat hunanges ing nu suhe no matmataan taam talur iau?
14089	PSA 13:3	Na haruat hunanges bia iau ni haruburubu ma no nugu lilik, ma ta ira kaba bungbung no kaatigu na tapunuk? Na haruat hunanges ira nugu ebar diet na petlaar iau?
14090	PSA 13:4	Nes iau ma nu taram iau, nora Watong, nugu God. Bul pukus no gungunuama ta ira matagu. Bia taie, iau ni kubaba na minaat.
14091	PSA 13:5	No nugu ebar na tange, “Iau te petlaar ie,” ma ing diet malentakuane iau diet na guama bia iau puko.
14092	PSA 13:6	Iesen iau nurnur tus tano num mangana harmarsai nong pa na haan talur iau. No kaatigu i kanakana tano num harhalon. Iau ni inge tupas no Watong, kanong gate gil ra bilai tagu.
14093	PSA 14:1	No ulba i tange narako tano kaatine, “Taie ta God.” Ira udiet nilon i mapus sakasaka ma da miliguruane ira udiet tintalen. Taie tikai i gil no tahut.
14094	PSA 14:2	No Watong i nanaas suur meram ra mawe ta diet ing a tunotuno mon diet wara nesnes ing bia tikai i palai ma bia tikai i sisilih uta God.
14100	PSA 15:1	Nora Watong, sige i tale bia na kis narako tano num halhaliana subaan? Sige i tale bia na lon aram tano num halhaliana uladih?
14117	PSA 17:2	Iau sasaring bia nu hamines hapalaine bia iau pai gil ta sakena. Na tahut bia ira mataam at na nas asa ing i takodas.
14129	PSA 17:14	Watong, ma no limaam nu halon iau sukun kaiken ra mangana tunotuno. Nu halon iau talur ira tunotuno ta iakan ra ula hanuo ing ira udiet kunkulaan ta ira udiet nilon kaiken tano ula hanuo. Diet ing u manga kalak diet, nu tabar hahos diet, ma na kisi mah ira nati diet. Ma diet na bul hulungan ra bunbulaan uta ira tubu diet.
14133	PSA 18:3	No Watong aie no nugu haatkis, no nugu subaan na munmun ma no nugu Ut na Harhalon. No nugu God aie no nugu haatkis, aie nong iau barahit tana. Aie no nugu bahbahit ma no dadas tano nugu harhalon, no nugu dadas na balo.
14135	PSA 18:5	Iau te wiwis taar um tano winwisaan na minaat. No dadas na tektek na halhaliarai i te kap iau.
14136	PSA 18:6	No winwisaan tano midi ga wiwisane iau. No kuun na minaat ga tur mamate iau.
14137	PSA 18:7	Tano nugu tapunuk iau ga tataau uram tano Watong. Iau ga suah uram hono nugu God wara harharahut. Meram tano uno hala na lotu ga hadade no ingagu. No nugu sunuah ga haan tupas ie ma ga hadade.
14138	PSA 18:8	No ula hanuo ga dedar, gaam kunakunar, ma ira burena ira uladih ga gunagune. Diet ga dedar kanong warah God ga ngalngaluan.
14139	PSA 18:9	A mis ga tubuala suur ta ira matana ngarngarona. No iaah nong i la tuntun haliare ira linge ga hansur tano hana. Ma no kalangaruana iaah ga lulungo suur tano hana mah.
14144	PSA 18:14	No Watong ga ianga parpar meram ra mawe. No ingana Nong i Naliu Harsakit ga kakel hoing ra taram karot.
14151	PSA 18:21	No Watong i te balu iau haruat ma ira nugu takodasiana magingin. I te kul iau haruat ma ira limagu ing pai bilinge.
14155	PSA 18:25	No Watong te balu iau haruat ma ira nugu takodasiana magingin. I te kul iau haruat ma ira limagu ing pai bilinge ra matmataan tana.
14159	PSA 18:29	Watong, u la halulungo tar at no nugu laam. Nugu God, u la pukpukusane no nugu kankado wara madaraas.
14161	PSA 18:31	Iesen ing ta God, ira uno ngaas i bilai harsakit. No nianga tano Watong i tutun, taie ta bis tana. Aie tiga bahbahit ta diet ing diet na barahit tana.
14162	PSA 18:32	Kanong warah, no Watong sen mon aie no God. Taie tiga mes. Ma sige mah um no Haatkis? Taie tiga mes. No udahat God sen mon.
14163	PSA 18:33	Ne God at nong i la tartar dadas tagu, ma i la hatakodasne timaan no nugu ngaas.
14177	PSA 18:47	No Watong i lon! A pirharlat tupas no nugu Haatkis! Da hatamat God no nugu Ut na Harhalon.
14183	PSA 19:2	No mawe na hapuasne no minamarine God. No mauho na hapalaine ira pinapalim ta ira iruo limana.
14186	PSA 19:5	No ingana no mawe i la hanahaan harbasia tano ula hanuo bakut. Ira katona nianga i haan taar ta ira hauhawatine no ula hanuo. Aram ra mawe God i te hatur tiga palpalih wara utano kasakes,
14188	PSA 19:7	No kasakes i tut hut ma tiga ngusuno no mawe ma i hilau luhutanei ukatiga tiga mes na palpal. Taie tiga linge pai mun tano uno mamahien.
14189	PSA 19:8	No harkurai tano Watong i takodas harsakit. I hasigarine ira lon. Ira hartula tano Watong, i tale bia da nurnur ine. I tar minminonas ta diet ira bawine.
14191	PSA 19:10	No bunurut utano Watong i gamgamatien, ma na tur hathatika. Ira bul harkurai tano Watong i tutun ma a takodasiana harsakit.
14192	PSA 19:11	No matana kaike ra harkurai i lua tano kunkulaan ta ira gol, ma i manga tamat mah ta ira tutun na gol. Diet manga namnamien ta ira tiri na imara, ma ta ira tiri na imara makaia ra posi diet.
14194	PSA 19:13	Sige i tale be na nes kilam leh ira uno nironga? Nu lik luban ira nugu saksakena ing i kis susuhai taar.
14212	PSA 21:6	No minamarine no king i manga tamat kanong u la harharahut ie wara bulbul hasur ira uno ebar. U te hatamat no hinsana ma u te hasigam ie ma no melmel na minarine.
14214	PSA 21:8	Kanong warah, no king i so tar no uno nurnuruan tano Watong. Pa na gunagune kanong no harmarsai ta Nong i Naliu Harsakit pa na pataam.
14215	PSA 21:9	No limaam na palim kawase ira num ebar bakut. No dadas na kata na limaam na palim kawase ira am suk.
14217	PSA 21:11	Nu gil haliare ira udiet bulumur sukun no ula hanuo, ma na taie ta nati diet nalamin ta ira tunotuno.
14222	PSA 22:2	Nugu God, nugu God, wara biha u te malok se iau? Wara biha u manga tapaka wara halhalon iau? U manga tapaka mah wara tartaram ira nugu sunuah na ngunngutaan?
14223	PSA 22:3	Nugu God, iau tataau ra malaan tuk ra matarahien, iesen pau babalu. No bung i hanuat ma iau pai kis kunkun.
14226	PSA 22:6	Diet ga suah tupas ugu ma diet ga kap harhalon. Narako taam diet ga so nurnur ma diet pa ga tapunuk, kanong u ga harahut.
14235	PSA 22:15	No nugu nilon i hureng hoing ra taah di hurange se, ma ira surugu pai harpasum baal um. No nugu lon i te maalum hoing ira wax i pola.
14240	PSA 22:20	Iesen augu, Watong, waak bia u tapaka tagu. Nugu Ut na Harhalon, hanuat gasien wara harharahut iau.
14253	PSA 23:1	No Watong aie no nugu ut na harbalaurai. Iau pa ni supi baal um tiga linge.
14256	PSA 23:4	Ing mah bia iau haan narako tano kankado na salil na minaat, iau pa ni burte tiga saksakena. Kanong warah, u sakate iau. No num kapsil ma no num buko na harharahut, dir habalaraan tar iau.
14257	PSA 23:5	U tagure tiga suuh na nian menalua tagu, ra matmataan ta ira nugu ebar. U puk no ulugu ma ra wel. No nugu gingop i manga hung, gi bureng.
14259	PSA 24:1	Tano Watong no pise ma ira linge bakut tana. No ula hanuo mah ma diet ing diet la lon aram naliu tana auno.
14263	PSA 24:5	Na kap no haraidaan meram tano Watong, ma God, no uno Ut na Harhalon, na haminas bia a takodasiana ie.
14266	PSA 24:8	Sige iakan ra King nong i tamat no minarine? No Watong nong a dadasinei ma ana tamat na baso, no Watong nong ana mon tamat na dadas wara hinarubu.
14268	PSA 24:10	Ma sige ie, iakano King nong i tamat no minarine? No Watong Nong i Dadas Harsakit. Aie no King nong i tamat no minarine.
14270	PSA 25:2	Nugu God, iau so no nugu nurnuruan taam. Waak u balbale se tar iau bia da bul iau ra hirhir ma bia ira nugu ebar mah diet pa na paas hasur iau.
14280	PSA 25:12	Sige um no tunotuno nong i burte no Watong? No Watong na tuko hamines no ngaas gate gilamis tar ie wara uta iakano tunotuno.
14281	PSA 25:13	No uno kidilona nilon na kis narako ra bilbilai, ma ira uno bulumur diet na tinane no pise.
14282	PSA 25:14	No Watong i la hinhinawase ira tunotuno ing diet ru ie utano uno lilik susuhai. I la hapalaine no uno kunubus ta diet.