13969	PSA 3:8	Watong, taman tut! Halangalanga iau, nugu God! Pasar ira iase diet ira nugu ebar. Warat ira ngise diet ira ut na sakena.
13984	PSA 5:5	Augu pai tiga mangana God nong i guama ta ira saksakena. Pai haruat bia ira ut na sakena diet na kis tika ma ugu.
13989	PSA 5:10	Pai tale bia da nurnur ta ira nianga ing i suur ta ira ha diet. Ira kaati diet i hung ma ra harhagawai. Ira ha diet i mapus hoing no hurhuraan meram ta tiga midi di rarik tar ie. Ma diet tange ra bis ma ira karame diet.
14065	PSA 10:13	Wara biha ira ut na sakena diet gi tange hagahe God? Wara biha gi tange tana iaat, “Pana le tataau iau bia ni tur ra harkurai”?
14071	PSA 11:1	Aram narakoman tano Watong iau kis barahit taar. Hobibih balik bia i tale ugu bia nu tange tagu bia, “Pupungo laah hoing tiga maan uram tano num uladih.”
14125	PSA 17:10	Pataie ta harmarsai ta ira udiet nilon. Ma ira ha diet i iangianga ma ra minok.
14214	PSA 21:8	Kanong warah, no king i so tar no uno nurnuruan tano Watong. Pa na gunagune kanong no harmarsai ta Nong i Naliu Harsakit pa na pataam.
14244	PSA 22:24	Pirlat ie, muat ing muat burte no Watong. Muat bakut ira bulumur ta Iakop muat na urur tana. Muat na nes hatamat ie, muat bakut ira bulumur ta Israel!
14245	PSA 22:25	Kanong warah, pai malentak ma pai tar tihine ta ira ngunngutaan ta diet ing diet kaha tinirih. Pai suhe no matmataan tana ta diet iesen i taram diet ing diet tataau wara harharahut.
14327	PSA 29:2	Pirlat no Watong tano minamarine nong i haruat ma no hinsana. Muat na lotu tupas no Watong ra matmataan tano uno halhaliana kinkinis nong i manga melmel harsakit.
14340	PSA 30:4	Watong, u ga kap haut leh iau makaia ra midi. Pau ga bale leh iau be ni hansur tano lulur.
14341	PSA 30:5	Inge uram tano Watong, muat ing muat te tar tutun ira numuat nilon tana. Pirlat no halhaliana hinsana.
14358	PSA 31:9	Pau tar se iau tar ta ira lima diet ira ebar. Iesen u te hatur ira kakigu tano bilai na sibaan na harbalaurai.
14435	PSA 35:5	Puh se diet haruat ma ra pala wit tano dadaip, ma no angelo tano Watong na batbat se diet.
14462	PSA 36:4	Ira inga na hana a sakena ma i hung ma ra harabota. Pai mintot baling um wara gilgil ira bilbilai.
14555	PSA 40:7	Pau le sip bia da tun ira mangana hartabar tupas ugu. Iesen u te papos ira talingagu. Ira hartabar ing di tun no kidilona wawaguai bakut, ma ira hartabar wara kapkap se ira magingin sakena, pau le supi.
14575	PSA 41:9	“Tiga sakana minaset i te kap tar ie. Pa na taman tut laah tano sibaan i noh taar kaia.”
14610	PSA 44:13	U ga suhurane hasiksik ira num matanaiabar. Pau ga palim mataan diet.
14794	PSA 55:23	Tar se ira num tinirih tano Watong ma aie na hadadas ugu. Pa na waak se ira ut na takodas bia diet na puko.
14804	PSA 56:9	Pakat kawase ira nugu tapunuk. Pintare leh ira luur na matagu tano num gingop. Tutun saakit, u te was bakut leh.
14861	PSA 60:10	Moab aie no nugu tultulai wara gisgis ira kakigu. Iau te se tar ira nugu pala lamaas na pinpaas ta Edom wara hamines bia iau te hahirhir ie. Iau te barangang ing iau petlaar Pilistia.”
14927	PSA 66:3	Tange ta God, “Pai a malmaliana ira num gingilaan! I manga tamat no num dadas, kaik ira num ebar diet rurungo pas ugu.
14979	PSA 68:27	Pirlat God narako tano tamat na kis hurlungai. Pirlat no Watong, muat ira bulumur ta Iakop.
14983	PSA 68:31	Boor ira matanaiabar ta ira hunhuntunaan ta ira mes na hanuo, diet hoing ira rakaia na wawaguai nalamin ta ira putuputu ma ira huna luhur na tumatena bulumakau tika ma ira nati diet. I bilai bia diet na hanapu diet ma diet na hartabar ma ra siliwa. Pasak harbasiane ira kantri ing diet kanakana wara hinarubu.
15112	PSA 74:9	Pau hamines ta dadas na hakilang ta mehet, taie mah um ta tangesoot, ma taie tikai ta het i nunure tar bia iakan ra tinirih na haruat hunanges.
15114	PSA 74:11	Wara biha gu ras pukus leh no kata na limaam? Palas leh ie mekaia ta ira kiniasim ma haliare diet.
15145	PSA 76:8	Augu sen mon nong da burte ugu. Pai tale bia tikai na tur menalua taam ing u ngalngaluan.
15158	PSA 77:8	“Hohe, no Watong na malok se hatikane iau? Pa na hamines ta bilbilai baling at um?
15309	PSA 83:8	ira Gebal, ira Ammon, ma ira Amalek, no huntunaan ta Pilistia, ma ira matanaiabar me Taia.
15362	PSA 86:15	Iesen augu, Watong, a God nong i tar bia mon no uno harmarsai. Pau la ngalngaluan gasien, u manga sip mehet ma u hung ma ra tutun na magingin.
15368	PSA 87:4	God i tange, “Iau ni was halaka Isip ma Babilon nalamin ta diet ing diet nunure iau. Ma uta ira matanaiabar meras Pilistia ma Taia ma Itiopia mah, iau ni tange bia, ‘I hoing bia diet ira so taman me Ierusalem.’”
15426	PSA 89:36	Tiga pakaan sen mon iau te sasalim ma no halhaliana hinsagu, ma no nugu kunubus na kis hatika taar. Pa ni habato ne Devit.
15465	PSA 91:5	Pa nu burte tiga linge na ramramin ing na hanuat ra bung, ma bia tiga rumus di lapotanei tano kasakes,
15511	PSA 94:14	Kanong warah, no Watong pana le harus ise ira uno matanaiabar. Pai tale tunat bia na tar tihine ta ira uno tus.
15541	PSA 96:10	I tahut bia muat na hinawas nalamin ta ira kantri bia, “No Watong i kap taman taar.” No ula hanuo i kis dikdikit taar. Pai tale bia na gunagune. No Watong na kure ira matanaiabar bakut ma ra takodasiana harkurai.
15561	PSA 98:5	Ting no haap uram hono Watong. Pirlat ie ma no haap ma ra kinkel na ninge.
15625	PSA 103:9	Pai tale bia na hartutung hait, ma pai tale bia na lik hatikane tar no uno ngalngaluan.
15626	PSA 103:10	Pai la hapidanau het haruat ma ira nuhet magingin sakena ma pai balu pukus het haruat ma ira numehet sakana tintalen.
15643	PSA 104:5	Ga hakisi no ula hanuo tano burena iat. Pai tale tunat bia da riu ie.
15673	PSA 104:35	Iesen i bilai bia ira ut na sakena diet na panim laah tano ula hanuo, ma na taie baling ta ut na gil nironga. I tahut bia iau ni pirlat no Watong ma no nugu kidilona nilon. Pirlat no Watong.
15718	PSA 105:45	waing diet naga taram ira uno hartula ma diet naga mur ira uno harkurai. Pirlat no Watong.
15719	PSA 106:1	Pirlat no Watong Tanga tahut tano Watong, kanong a bilai ie. No uno harmarsai i kis hathatika.
15746	PSA 106:28	Diet ga mur ira mes wara lalotu tupas Baal nong me Peor ma diet ga ien ira hartabar di ga tus tar ta ira minaat na god.
15748	PSA 106:30	Iesen Pinias ga tur naliu ma ga tur bat no udiet sakana magingin, ma no hinangul ga marur.
15749	PSA 106:31	Ma God ga was leh iakano linge nong Pinias ga gil ie hoing i haruat bia Pinias i takodas ra matmataan tana, gaam tange bia iakan ra nesnes kilam na kis hathatika taar wara gaiena ira uno bulumur namur.
15766	PSA 106:48	A pirhakasing tupas no Watong, no God ta Israel, mekatiga laah menalua tano hamhaburen tano ula hanuo tuk taar tano hauhawatine ma pana le pataam. I bilai bia ira matanaiabar bakut diet na tange, “Amen!” Pirlat no Watong.
15819	PSA 108:10	Moab aie no nugu tultulai wara gisgis ira kakigu. Iau te se tar ira nugu pala lamaas na pinpaas ta Edom wara hamines bia iau te hahirhir ie. Iau te barangang ing iau petlaar Pilistia.”
15829	PSA 109:6	Pilak tiga sakana tunotuno wara tangtange haliare no nugu ebar. Bale tiga ut na hartutung bia na tur kaia tano kata na limana wara tungtung ie.
15840	PSA 109:17	Git sip bia na huli ira tunotuno. Io, i tahut bia no hunena ira uno nianga na harhuli na hanuat taar tana. Pa ga guama bia na tar ta haraidaan. Io, i tahut bia ira haraidaan na tapaka um tana.
15862	PSA 111:1	Pirlat no Watong. Iau ni pirhakasing no Watong ma no nugu nilon bakut aram tano tamat na kis hulungai ta ira ut na takodas.
15872	PSA 112:1	Pirlat no Watong. A haraidaan na kis tano tunotuno nong i burte no Watong, aie nong i manga kanakana mah ta ira uno hartula.
15877	PSA 112:6	Pai tale tunat bia da gunei. Da lik kawase hathatikane no ut na takodas.
15878	PSA 112:7	Pa na burut bia na seer ta sakana hinhinawas. I tur dadas taar kanong i so tar no uno nurnuruan tano Watong.
15882	PSA 113:1	Pirlat no Watong. Muat ira tultulai tano Watong, muat na pirlat ie. Pirlat no hinsana no Watong.
15890	PSA 113:9	I haguama no hinkaho ing na kapis bulu, ma na hakisi timaan ie huo narako tano ngasiana. Pirlat no Watong.
15905	PSA 115:7	A mon lima diet, iesen diet pai haruat bia diet na hamaan ta linge. A mon kaki diet, iesen diet pa na haan. Pai tale bia tiga kinakel na hansur ta ira adiet kabalakor.
15916	PSA 115:18	Iesen dahat kaik, dahat na pirhakasing no Watong, kaiken ma namur ma pa na pataam. Pirlat no Watong.
15935	PSA 116:19	aram narako tano ngasiana no Watong aram Ierusalem. Pirlat no Watong.
15936	PSA 117:1	Pirlat no Watong, muat ira kantri bakut. Muat ira matanaiabar bakut, muat na pirhakasing ie,
15937	PSA 117:2	kanong a tamat saakit no uno harmarsai tupas dahat, ma no uno magingin wara hatutun ing i tange na kis hathatika. Pirlat no Watong.
15956	PSA 118:19	Papos tar tagu no matanangaas uta ira ut na takodas. Iau ni haan laka ma ni tanga tahut tano Watong.
15984	PSA 119:18	Papos ira matagu waing iau nigi nes ira bilai na linge saakit kenam narakoman ta ira num harkurai.
16090	PSA 119:124	Papalim narako tagu, no num tultulai, haruat ma no num harmarsai, ma hausur iau ta ira num dadas na harkurai.
16152	PSA 121:3	Pa na bale ira kakim bia na malmalagir wara punuko. Aie nong i nes mur tar ugu pa na sumsumela.
16194	PSA 127:5	A haraidaan na kis tano tunotuno i halengin ira uno rumus huo. Pa da hahirhir diet ing diet na hargau ma ira uno ebar tano subaan na harkurai.
16207	PSA 129:7	Pa taie tikai i tale bia na hahungi no limana ma tari, ma bia na ru tikane ma na pise tiga pok.
16398	PSA 145:8	No Watong a ut na harmarsai ie ma i la marmarse ira tunotuno bakut. Pai la ngalngaluan habir ma i hung ma ra harmarsai nong pana le pataam.
16426	PSA 147:5	A tamat saakit no udahat Watong ma no uno dadas i manga tamat. Pai tale bia da was no uno minmintot kanong i tamat saakit.
16441	PSA 147:20	Pai gil baak huo ta ira mes na hunhuntunaan. Diet pai nunure ira uno harkurai. Da pirlat no Watong.
23216	MAT 1:3	Ma ne Iuda no susine Peres ma ne Sira, no pawasi dir ne Tamar, Peres no susine Hesron, ma ne Hesron no susine Ram.
23268	MAT 3:7	Ma bia Jon ga nes a haleng na Parisi ma Sadiusi diet ga hanhanuat ukaia ho ie wara kap baptais, ga tange ta diet, “A sakana ut na harabota muat! Sige ga hakatom muat bia muat na hilau sukun no harpidanau nong God i hutet bia na tar ie?
23270	MAT 3:9	Io, muat tange bia a bulumur tane Abraham muat, kaik muat haruat bia muat na hilau sukun nora harpidanau tane God. Iesen waak muat lik huo. Pa na tutun. Pai tamat na linge bia muat ira bulumur tane Abraham. Iau hinawase muat bia God i petlaar bia na hatahuat ta bulumur ta Abraham ta kaiken ra haat mon.
23291	MAT 4:13	Pa ga kis Nasaret, iesen ga hanut uram tano pise na hala Kapeneam i hutet tano tamat na taah kom Galili, narakoman tano hanuo Sebulon ma Napitali.
23296	MAT 4:18	Bia ing Jisas ga hanahaan ra gagena no tamat na taah kom Galili ga nas leh airuo ut na kap kirip, dir tasin, ne Simon nong di kilam ie bia Pita, ma no tasine Andru, dir ga sase tiga uben.
23316	MAT 5:13	“Muat hoing ira sol uta ira tunotuno. Sen bia ing i pataam ira dadas wara harahut tano sol, no uno dadas na hanuat balin hohe? Pai tale. I te linge bia um. I tale bia da sei ma da papasuane um ie.
23320	MAT 5:17	“Pai tahut bia muat na lik bia iau te hanuat wara kapkap se ira harkurai tane Moses ma ira harausur ta ira tangesot. Iau pai hanuat bia ni kap se, sen bia iau te hanuat bia ni hatutun diet.
23323	MAT 5:20	Ma muat lik bia ira tena harausur ta ira harkurai tane Moses ma ira Parisi diet manga takodas. Iesen iau tange ta muat bia muat pa na petlaar bia muat na sola tano kinkinis na harkurai ma ra harbalaurai ta God ing bia ira numuat magingin takodas pa na lua ta ira udiet.
23329	MAT 5:26	Io, hadade baak! Pa da hasur ugu ra hala na harpidanau tuk taar bia nu tar bakut ira num kunkulaan.
23381	MAT 6:30	Kaik, God i gil hamaririsuan ira pitoka nong i lon mon katin ma marakan da halo iaah mei. Bia i tutun ing God i gil huo tano pitoka, i tutun sakit bia na hasigam muat mah ma ira kiniasi muat. Maris! Pai patpatuan ira numuat nurnuruan!
23389	MAT 7:4	Waak bia nu tange tano tasim bia, ‘Ni kap se no nat na pet na daha tano mataam.’ Pa nu gil huo kanong augu baak mah, a mon pokona daha i kis taar tano mataam.
23428	MAT 8:14	Ma namur Jisas ga haan laka tano ngasiane Pita. Ga nas no numune Pita ga noh taar ra ula suuh ma no malahau.
23440	MAT 8:26	Ma Jisas ga balu diet, gaam tange bia, “Waak muat ra bunurut! Pai patpatuan ira numuat nurnur!” Io, Jisas ga taman tut, ga tigal hadadas no dadaip ma ira pakananoh, io, gaam manga malile harsakit.
23443	MAT 8:29	Ma dir ga kakongane, “Nati God, waak u kis na gil mir! Pai no pakana bung baak bia nu gil hangungut mir!”
23459	MAT 9:11	Ma bia ira Parisi diet ga nas hokaike, diet ga tange ta ira uno bulu na harausur bia, “Pai bilai bia Jisas i iaiaan tika ma kaike ira ut na kap takis ma ira mes na sakana tunotuno mah.”
23462	MAT 9:14	Namur um, ira bulu na harausur tane Jon no ut na baptais ga hanuat ma ga tiri Jisas hoken: “Wara bih kaik mehet ma ira Parisi, het la hahal tupas God, iesen ira num bulu na harausur, pataie?”
23482	MAT 9:34	Iesen ira Parisi diet ga tange, “I tule hasur se ira sakana tanuo ma no dadas tano lualua audiet ira sakana tanuo.”
23488	MAT 10:2	Ira hinsa diet ira sangahul ma iruo apostolo ken. No luena, ne Saimon (nong di la kilkilam ie bia Pita) ma no tasine ne Andru; ne Jemes no nati Sebedi, ma no tasine ne Jon;
23489	MAT 10:3	Pilip ma Batalomiu; Tomaas ma Matiu no ut na kap takis; Jemes no natine Alpias, ma Tadius;
23523	MAT 10:37	“Bia sige tikai, no uno sinisip ta tiga mes i tamat ta ing i sip iau, io, pai haruat bia na mur iau. Pai tahut bia no uno sinisip tagu i hansik ta ing i sip no ana sus, no pawasine, no uno bulu na tunaan, no nat na hahine, bia sige mah. Pai haruat wara murmur iau.
23560	MAT 12:2	Bia ira Parisi diet ga nes huo, diet ga tange tane Jisas, “Nas baak! Ira num bulu na harausur diet lake no harkurai utano Bung na Sinangeh.”
23565	MAT 12:7	No nianga tane God i tange bia, ‘Iau sip bia muat na marse ira tunotuno. Ma ing bia muat pai gil huo, iau pai manga sip bia muat na hartabar uram ho iau.’ Bia muat ira Parisi naga palai tano kukuraina ta iakan ra nianga, muat pa gor tibe pinpin diet ing diet pai ronga.
23572	MAT 12:14	Iesen ira Parisi diet ga suur laah tano hala na lotu audiet ira Iudeia, diet gaam wawor tika bia diet na bu bing Jisas hohe.
23573	MAT 12:15	Bia Jisas ga palai ta ira lilik ta diet ira Parisi, ga haan talur iakano taman. Ma a halengin diet ga mur ie, gaam halangalanga ira udiet ina minaset.
23577	MAT 12:19	Pa na hargor ma tiga nong. Pa na kakonga haan. Pa na iangianga naliu ta ira matanaiabar ta ira ngaas.
23581	MAT 12:23	Ma ira tunotuno diet ga karup ma diet ga tange bia, “Pai no tubu Dawit dak iakan?”
23582	MAT 12:24	Iesen bia ira Parisi diet ga hadade huo, diet ga tange, “Jisas i haruat mon wara tultule hasur se ira sakana tanuo kanong Belsebul no watong audiet ira sakana tanuo i te tar ra dadas tana kaik gi gilgil huo.”
23583	MAT 12:25	Io, Jisas ga nunure ira udiet lilik, gaam tange ta diet ira Parisi hoken: “Bia tiga huntunaan pai tur tika, ari a mes diet na hamau no taman. Ma bia tiga taman bia tiga hatatamaan, bia diet pai tur tika, diet pa na tur dadas.