13983	PSA 5:4	Watong, u hadade no ingagu ra malaan. Ra malaan iau bul hawaat ira nugu sinasaring tar taam ma iau kis nanaho pane ma ra nurnuruan.
14064	PSA 10:12	Watong, taman tut! Raun no limaam, God. Waak u lumluban diet ing taie ta harharahut ta diet.
14589	PSA 42:9	Ra kasakes no Watong i la tultule no uno harmarsai. Ra bung iau ni inge auno tiga ninge, a sinasaring uram hono God tano nugu nilon.
14782	PSA 55:11	Ra kasakes ma ra bung diet haan kumaan hurbit ta ira lar tano pise na hala. A sakana tintalen ma ra purpuruan kenam narako tana.
14789	PSA 55:18	Ra matarahien, ra malaan ma ra pokona kasakes iau suah puasa ma ra ngunngutaan ma i hadade no ingagu.
14850	PSA 59:17	Iesen iau ni inge utano num dadas. Ra malaan iau ni inge utano num harmarsai kanong augu no nugu subaan na munmun ma no nugu barbarahit tano pakana bung na purpuruan.
15153	PSA 77:3	Ing iau te kilingane ra tinirih iau la silsilihe no Watong. Ra bung iau sasangaha taar, ma ira limagu pai maat, ma iau malok bia da hamaram iau.
15385	PSA 88:14	Iesen iau suah ukatiga ho ugu wara harharahut, Watong. Ra malaan no nugu sinasaring i hanuat taar taam.
15401	PSA 89:11	U ga pas rigis Rahap hoing tikai di kato bing ie. U ga pasak harbasiane ira ebar ma no dadas na limaam.
23216	MAT 1:3	Ma ne Iuda no susine Peres ma ne Sira, no pawasi dir ne Tamar, Peres no susine Hesron, ma ne Hesron no susine Ram.
23217	MAT 1:4	Ma ne Ram no susine Aminadap, Aminadap no susine Nason, ma ne Nason no susine Salmon.
23218	MAT 1:5	Ma ne Salmon no susine Buas, ma ne Rahap no pawasine. Ma ne Buas no susine Obet, ma ne Rut no pawasine. Ma ne Obet no susine Iesi.
23220	MAT 1:7	Ma ne Solomon no susine Rihobuam, Rihobuam no susine Abaisa, ma ne Abaisa no susine Asa.
23256	MAT 2:18	“Dahat te hadade a ingana tiga nong aram Rama hutet Betlehem. A sunuah ma a tamat na tapunuk. Ira hatatnaan na Israel diet susuah pane ira nati diet, ma i malok bia da haiau ie, kanong diet te maat bakut.”
23706	MAT 15:4	Iau te tange huo ta muat kanong God ga tange bia, ‘Ru no am sus ma no pawasim,’ ma, ‘Sige i ianga hagahe no ana sus bia no pawasine, muat na bu bing ie.’
24083	MAT 25:6	“Ra tingena bung um, tikai ga kakongane bia, ‘Ie ken tuai um nong i wara tinolen. Muat hanuat wara harsomanei!’
24200	MAT 27:2	Ma diet ga kubus ira limana, diet gaam lam tar ie tane Pailat, no tamat na ul kukuha me Rom.
24209	MAT 27:11	Io, Jisas ga tur tano matmataan tano tamat na ul kukuha me Rom, ma no tamat na ul kukuha ga tiri ie bia, “Augu, augu no tamat na lualua na gil harkurai audiet ira Iudeia?” Jisas ga balui, “A num nianga at!”
24213	MAT 27:15	Audiet magingin ira Iudeia bia ta ira kaba Nian na Hinahaan Sakit bakut, no tamat na ul kukuha me Rom git hashasur uta diet ira matanaiabar tiga tunotuno mekaia ra hala na harpidanau. Aie mon nong ira matanaiabar diet ga sip ie.
24219	MAT 27:21	Ma no tamat na ul kukuha me Rom ga tiri diet bia, “Sige ta dir kaiken, muat sip bia ni hasur tar ie ta muat?” Diet ga balui, “Barabas!”
24225	MAT 27:27	Io, ira umri tano tamat na ul kukuha me Rom, diet ga lam leh Jisas ukaia tiga katon tano but na ngasiane Pailat, diet gom tau hulungan no kidilona matana ubane bakut.
24277	MAT 28:13	Ma diet ga tange tar um ta diet ira umri hoken: “Muat na hinawas hokaiken: ‘Ra bung bia mehet kubaba taar, ira uno bulu na harausur diet me kinau leh ie.’
24278	MAT 28:14	Ma bia iakan ra hinhinawas na haan tupas no tamat me Rom, mehet na hau ie, kaik muat pa naga ngarngarau uta tiga linge.”
24319	MRK 1:35	Ra mala bungbung bia i ga kankado dahin baak, Jisas ga haan laah ukaia ra malubil gaam saasaring.
24478	MRK 6:2	Ra Bung na Sinangeh Jisas ga hatahun no uno pinapalim na tena harausur aram tano hala na lotu audiet ira Iudeia. A haleng diet ga hadadei ma diet ga manga karup. Diet ga tange hoken: “Ga kap kaiken ra uno harausur meh? Dahat pai palai tun at ta dahin! Sige i tar no uno mintot tana? Dahat na tange hohe ta ira uno dadas na gingilaan na kinarup ing ga pakile ma ira limana tus?
24542	MRK 7:10	Kaike iau te tange tar i haruat tutun ma ken Moses ga tange, ‘Ru no am sus ma no pawasim,’ ma, ‘Sige i ianga hagahe no ana sus bia no pawasine, muat na bu bing ie.’
24729	MRK 11:20	Ra malaan bia diet ga hanahaan tano ngaas, diet ga nas no ina papus ma gate maranga bakut.
24916	MRK 15:21	Tiga tunaan me Sairin no hinsana ne Saimon, a susine Aleksanda ma ne Rupas ie. Saimon ga hanan sakit mon kaia merau tiga mes na balehan ma diet ga sunang tar ie bia na kap leh balik no kabai tane Jisas.
24943	MRK 16:1	Ra bung taguro ra matarahien ruruk bia no Bung na Sinangeh gate pataam, Maria me Magadalen, Salome, ma ne Maria no pawasine Jemes dal ga kul leh ari waiwai ing i la huhur tahut waing dal na sapur no tamaine Jisas.
24944	MRK 16:2	Ra Sade ra malaan, bia no kasakes gate sigar pupuruk taar mon, dal ga haan laah ukaia tano midi.
25043	LUK 2:1	Ta iakano ra pakana bung, Augastus, no tamat sakit ta ira lualua na gil harkurai, ga tar tiga harkurai bia da was ira matanaiabar ta ira hanuo bakut ing Rom ga balaure tar.
25121	LUK 3:27	Ioda no natine Ionan. Ionan no natine Resa. Resa no natine Serubabel. Serubabel no natine Siatiel. Siatiel no natine Neri.
25129	LUK 3:35	Nahor no natine Seruk. Seruk no natine Reu. Reu no natine Pelek. Pelek no natine Eber. Eber no natine Sela.
25868	LUK 20:20	Io, diet ira lualua diet ga nes murmur Jisas. Ma diet ga tule ari ut na munmunua. Ma diet ga harabota bia diet ira ut na takodas waing diet naga hakuni ie ta ira uno nianga ma bia diet naga tar se tar ie tano limana no tamat na ut na gil harkurai me Rom.
26061	LUK 24:1	Ra Sade ra malabungbung dal no kaba hahin dal ga kap hawaat ira waiwai ing dal gate tagure. Ma dal ga haan ukaia tano midi.
26151	JHN 1:38	Jisas ga talingane dir ma kana dir ga murmur hanii, io ga tiri dir, “Mur sip sa?” Dir ga balui, dir gaam tange, “Rabai, u kiskis he?” (Ma no kukuraina ta Rabai bia ‘tena harausur.’)
26640	JHN 11:48	Bia ing dahat na hok tar at mon ie huo, ira matanaiabar bakut diet na nurnur tana. Ma ira Rom diet na hanuat ma diet na haliare no udahat hala na lotu tamat ma no udahat huntunaan.”
26857	JHN 18:3	Io kaik, Iudas gaam hanuat kaia ma ga lulue hani ari umri ing diet la balaure tar no hala na lotu tamat ing ira tamat na ut na pakila lotu ma ira Parisi diet ga tule diet. Ma diet ga hananhaan tika mah ma ari a umri me Rom. Ma diet ga hananhaan ma ra laam ma ra pok daka diet ga halulungo tar ma ra linge wara hinarubu me.
26866	JHN 18:12	Io, ira umri me Rom tika ma no udiet tamat na umri ma ira umri gar na Iudeia diet ga palim kawase Jisas. Ma diet ga wis kawasei diet gaam huna lamus tar ie tane Anas, tiga tamat na ut na pakila lotu menalua. Ma aie no numune Kepas nong ga tamat taar ta ira ut na pakila lotu ta iakano ra pakana bung.
26882	JHN 18:28	Io, ra rurua malaan ira Iudeia diet ga lam leh Jisas meram tane Kepas uras tiga katon tano but na ngasiana no tamat me Rom. Iesen ira Iudeia diet pa ga haan laka kaia kanong diet ga sip bia diet na iaan tano Nian na Hinahaan Sakit ma bia diet na laka kaia diet na sakena hoing ira udiet harkurai i tange.
26885	JHN 18:31	Pailat ga tange bia, “Muat at, muat lamus leh ie ma muat a gil harkurai tana haruat ma ira numuat harkurai.” Io, ira Iudeia diet ga babalu bia, “Taie, mehet pai tale. Muat ira Rom, muat pai bale mehet bia mehet na bu bing tikai.”
26906	JHN 19:12	Tur leh um makaia katiga Pailat ga walwalar bia na halangalanga ise Jisas. Iesen ira Iudeia diet ga kaakongane hoken: “Bia ing nu halangalanga ise iakan ra tunotuno pau tiga harwis tano numuat tamat na lualua sakit ira Rom. Sige tikai i kilam habaling at ie bia aie tiga tamat na lualua, io, aie no suk nana tano numuat kapawena tamat na lualua sakit ira Rom.”
26909	JHN 19:15	Iesen diet ga kakongane bia, “Lamus isei! Lamus isei! Tange bia da tut tar ie ra ula kabai!” Io, Pailat ga tiri, “Muat sip bia ni tut tar no numuat tamat na lualua na gil harkurai ra ula kabai?” Ma ira tamat na ut na pakila lotu diet ga babalu hoken: “No numehet tamat na lualua na gil harkurai sen at mon iakano numuat kapawena tamat na lualua sakit kenau Rom!”
26914	JHN 19:20	Di ga pakat iakan ra katona nianga tano nianga gar na Iudeia, tano nianga gar na Rom, ma tano nianga gar na Grik mah. Ma ra haleng ira Iudeia diet ga was ie kanong di ga tut tar Jisas tano ula kabai tiga katon hutet tano pise na hala Ierusalem.
26917	JHN 19:23	Ing ira umri me Rom diet ga tut tar Jisas tano ula kabai diet ga kap leh ira kiniasine, diet gaam bul harbasiane tar ra ihat na tinibe. Ma tiga tinibe wara gar tikai ta diet. Ma diet ga kap leh mah no kiniasine nong me narako nong di ga gil ie ma tiga katona maal mon ma pataie ta dudungut tana.
26925	JHN 19:31	Ra Bung Liman kaike no bung na tinaguro utano bung manamur no Bung na Sinangeh. Ma iakano Bung na Sinangeh gor tiga tamat na bung ie. Ira Iudeia diet pa ga sip bia ira palatamai dal no kaba minaat bia dal na tabataba taar aram ta ira ula kabai tano Bung na Sinangeh, kaik diet gaam saring Pailat bia da warat ira kaki dal ma daga kap hasur se ira palatamai dal.
26937	JHN 20:1	Ra mala bungbung ra Sade ing baak ga kankado taar Maria nong me Magadalen ga haan ukaia tano midi gaam a nes bia di gate kap se tar no haat tano matanangas tano midi.
26952	JHN 20:16	Jisas ga tange tana, “Maria.” Maria ga talinganei ma gaam tange tana hoken: “Rabonai!” (a kukuraina bia ‘tena harausur’ tano nianga gar na Iudeia.)
26971	JHN 21:4	Ra mala bungbung Jisas ga tur taar aram na manse iesen ira bulu na harausur diet pa ga nes kilam ie bia Jisas mon.
27027	ACT 2:9	Dahat me Partia, Midia, ma Ilam; ma dahat me Mesopotemia, Iudeia, ma Kapadosia, Pontas, Esia, Pirigia, Pampilia, Isip ma ira kaba katon Libia hutet Sairin; ma a wasire mah meras Rom, ira Iudeia ma diet ing diet gate laka tano lotu gar na Iudeia; ma ari ta dahat me Krit ma Arebia. Ma dahat hadade kilam ira udahat nianga tus ing dahat hadade diet ma diet iangianga uta ira dadas na pinapalim ta God!”
27165	ACT 5:37	Io, namur tana, Iudas me Galili ga tur huat tano pakana bung ing di ga waswas ira matanaiabar. Ma ga halawen leh tiga kaba matanaiabar wara murmur ie bia diet naga kap se diet me Rom ing diet kure dahat. Aie mah ga hiruo ma diet ing diet ga murmur ie diet ga hilau harbasia mah.
27228	ACT 7:43	Muat ga kapkap hani no hala di ga gil ie ma ra maal tano tadaar Molok tika ma no tiding tano numuat tadaar Repan, dir ira iruo palimpuo muat ga gil wara lalotu tupas. Io kaik, iau ni tule ise muat urau ta ira hanuo manamur ta Babilon.’
27309	ACT 9:24	Ma sen bia Sol ga ser leh iakan ra udiet harpingit. Ra bung ma ra kasakes diet ga tur na ninaas ta ira matanangas huat tano pise na hala wara bubu bing ie.
27404	ACT 11:28	Ma tikai ta diet, hinsana ne Agabas, ga tut ma ga ianga na tangesot ma no dadas tano Tanuo, gaam hapuasne bia tiga but na sam taburungan na hanuat taar ta ira hanuo ing Rom ga kure. (Iakan ga hanuat ing ne Kolodias ga harkurai taar.)
27419	ACT 12:13	Pita ga pipidil tano matanangas mekaia nata ma tiga hinasik na tultule, hinsana ne Roda, ga haan laah wara pinapos.
27424	ACT 12:18	Ra malaan tano mes na bung, a but na nguanguo sakit ga haan tupas ira umri. Diet ga hartiritiri bia, “Pita iakana he?”
27564	ACT 16:12	Io, metal ga haan mekaia uram Pilipai, tiga tamat na pise na hala tano hanuo Masedonia. Ma ra halengin Rom diet gabe kis at kaia. Io, metal ga kis kaia ra bar bung.
27572	ACT 16:20	Diet ga lam hawaat dir ukaia menalua ta ira ut na harkurai me Rom, diet gaam tange, “A Iudeia kaiken ra iruo tunaan ma dir hathatarahi purpuruan kai ra udahat pise na hala. Dir harharpir uta ira magingin ing pai haruat ma ira udahat harkurai. Dahat a so taman dahat me Rom ma dahat pai tale bia dahat na bale leh kaiken ra magingin ma bia dahat na mur.”
27577	ACT 16:25	Ra tingena bung Pol ma Sailas dir ga saasaring ma dir ga pirpirlat God ma ira garena. Ma ira mes ing di ga wis kawase narako tano hala na harpidanau, diet ga hanhadade dir.
27587	ACT 16:35	Ra malaan um ira ut na harkurai diet ga tule ira udiet tultulai uras tano ut na harbalaurai tano hala na harpidanau ma ken ra nianga: “Halangalanga ise kaike ra iruo tunaan.”
27589	ACT 16:37	Ma sen bia Pol ga tange ta ira tultulai bia, “Diet pa ga tiri murmur mir ta dahin bia mir gil ra sakena bia taie. Mir te kap no kinilam bia airuo Rom mir iesen diet ga hadakdak bia balik mir ra matmataan na haleng. Io, diet ga se halaka mir tano hala na harpidanau. Ma kaiken diet wara tultule hamatian se mir? Taie tun! Kaike ra ut na harkurai at me Rom diet na hanuat ukai ma diet na me hasur se mir.”
27590	ACT 16:38	Io, ira tultulai diet ga hinawase ira ut na harkurai ta kaiken ra nianga ma ing diet ga hadade bia Pol ma Sailas dir gate kap no kinilam bia a Rom dir, diet ga sam kahe ira kati diet.
27599	ACT 17:7	Ma ne Ieson i te me bale halaka leh dir tano ngasiana. Ma kaiken ra tunotuno bakut diet laklake ira harkurai tano tamat na lualua na gil harkurai sakit me Rom ma diet tangtange bia a mon tiga mes na tamat na lualua na gil harkurai kana, no hinsana ne Jisas.”
27628	ACT 18:2	Ma ga harsomane tiga Iudeia hinsana ne Akuila kaia. A so taman ie me Pontas, ma ga sigara hanuat taar mon me Itali tika ma no uno hahin ne Pirisila kanong warah ne Kolodias, no tamat na lualua na gil harkurai sakit gar Rom, ga tule se tar ira Iudeia ing diet ga kiskis aras Rom. Ma Pol ga haan wara nesnes dir.
27639	ACT 18:13	Io, diet ga tange, “Iakan ra tunaan i halhalawen ira matanaiabar wara lalotu tupas God ta ira mangana ngaas ing i lake ira harkurai me Rom.”
27675	ACT 19:21	Namur ta ing kaiken ra linge gate hanuat taar, no Tanuo ga halilik Pol bia na haan tano hanuo Masedonia ma no hanuo Akaia ma naga hanuat Ierusalem. Ma Pol ga tange, “Bia iau ni a huat laah kaia, iau ni kol at mah Rom.”
27733	ACT 21:1	Io, ma ing het gate haan talur tar um diet, mehet ga kawaas tiga mon, mehet gaam haan takodas u Kos. Tano mes na bung mehet ga haan u Rodes ma mekaia het ga hanuat Patara.
27763	ACT 21:31	Bia ing diet ga wara bubu bing ie, no nianga ga haan tupas no lualua ta ira umri me Rom bia ira matanaiabar tano pise na hala Ierusalem kana diet ga gilgil tiga tamat na purpuruan.
27770	ACT 21:38	Io kaik, pai augu tok no Isip nong ga hatahuat no hinarubu nalamin ta ira matanaiabar ma Rom a bar tinahon nalua ing ga lamus ra ihat na arip na ut na harbing uram tano hanuo bia.”
27797	ACT 22:25	Bia ing diet gate sal hatakodasne ira iruo limana ma diet gate kubus ie wara hadangat ie, Pol ga tange tano tamat na umri nong ga tur taar kaia bia, “Hohe, i takodas tano numuat harkurai bia nu hadangat tiga Rom ma nong baak mah pa di gil tiga ula harkurai utana bia i te gil ra sakena?”
27798	ACT 22:26	Bia ing no tamat na umri ga hadade hokaiken, ga haan uram tano lualua ma ga tiri ie, “Ai! Asa ing u wara gilgil? Iakanan ra tunotuno aie tiga Rom!”
27799	ACT 22:27	Io, no lualua ga haan uram ho Pol ma ga tiri, “Ai! A Rom ugu bia taie?” Ma Pol ga balui, “A tutun.”
27800	ACT 22:28	Io, no lualua ga tange, “Iau ga kukul ma ra but na kinewa sakit bia iau ni kap no kinilam bia iau tiga Rom.” Pol ga balui, “Iesen iau taie. No agu sus aie ga kap no kinilam bia aie tiga Rom. Kaik di ga kaha mah iau huo.”
27801	ACT 22:29	Io kaik, diet ing diet ga tur taar wara tirtiri mur ie, diet ga hesuo laah kaik at. Ma no lualua ga sam kahe no katine ing ga nunure leh bia gate wis tar Pol ma ra dadas na hidihidi sakit ma aie tiga Rom.
27813	ACT 23:11	Io, ra bung um, no Watong ga tur harue Pol ma ga tange bia, “Nu balamasa! Nu hinawas at mah utagu ares Rom hoing u te hinawas taar tagu kai Ierusalem.”
27829	ACT 23:27	Ira Iudeia diet ga palim kawase iakan ra tunotuno ma diet ga wara bubu bing ie iesen bia iau ga hanuat ma ira nugu matana ubane ma iau ga halon ie kanong bia iau gate nunure leh bia aie tiga Rom.
27872	ACT 25:8	Io, Pol ga tar um no uno nianga na turtur bat ie ta ira hartutung hoken: “Iau pa ga gil tiga ronga taar ta ira Iudeia, bia tano tamat na hala na lotu, ma bia ukatiga mah hono tamat na lualua na gil harkurai sakit gar na Rom.”
27874	ACT 25:10	Ma Pol ga balui, “Iau tur taar kaiken tano gil harkurai gar na Rom. Io, i takodas taar bia iau ni tur harkurai kai. Iau pa ga pakile ta ronga taar ta ira Iudeia ma augu iaat u nunure timaan tar huo.
27875	ACT 25:11	Iesen bia ing iau gate gil tun tiga ronga i haruat bia ni hiruo panei, io, diet na bu bing iau, taie ta linge. Ma sen bia ing taie ta tutun ta ira nudiet hartutung taar tagu, io, pai takodas bia tikai na tar iau ukatiga ira lima diet. Iau kikilam haruat ma ira harkurai bia no tamat na lualua na gil harkurai sakit gar na Rom na hadade iau!”
27876	ACT 25:12	Namur bia Pestus gate ianga tika taar ma ira uno kaunsil, ga balu Pol hoken: “U te kikilam bia no tamat na lualua na gil harkurai sakit gar na Rom na hadade ugu. Io, iau ni tule ugu uras hono tamat na lualua na gil harkurai sakit at!”
27880	ACT 25:16	Ma sen bia iau ga hinawase diet bia pai a numehet magingin ira Rom bia het na tar se bia mon tiga tunotuno wara hapidanau ie. Taie. Na luena tur harmamata baak ma diet ing diet tung ie. Ma da tar mah ra mauho tana bia na tur bat ie ta ira udiet hartutung.
27885	ACT 25:21	Ma iesen bia Pol ga kikilam bia da waak tar ie ma no tamat na lualua na gil harkurai sakit gar na Rom at na gil no ula harkurai utana. Io, iau ga tar ra dadas na nianga bia da mano bat ie tuk taar bia iau nigi tulei ures hono tamat na lualua na gil harkurai sakit gar na Rom.”
27889	ACT 25:25	Iau pa ga nes leh tiga linge bia gate gil ie kaik naga hiruo panei. Iesen ga kikilam bia no tamat na lualua na gil harkurai sakit kanas Rom bia na hadadei, kaik iau gaam kure bia ni tulei u Rom.
27890	ACT 25:26	Sen bia iau pai palai bia ni tange tun hohe uta iakan ra tunaan ing ni pakat se tiga paas ures Rom tano tamat na lualua na gil harkurai sakit. Io kaik, iau te lamus tar ie tano num matmataan tus Agripa, tamat na lualua na gil harkurai augu, ma ta muat ira mes mah, waing nigi mon ta nianga wara pakpakat namur bia dahat te tiri murmur tar ie.
27923	ACT 26:32	Ma Agripa ga tange ta Pestus, “Iakan ra tunotuno gaar be langalanga mon bia pa naga kikilam bia no tamat na lualua na gil harkurai sakit gar na Rom na hadadei.”
27924	ACT 27:1	Bia ing di ga bul um no ula nianga bia mehet na haan u Itali, di ga tar Pol ma ira mes meram narako ra hala na harpidanau ukatiga tano lumana tiga tamat na umri hinsana Iulius. Ma tiga tamat na umri ie tano matana ubane di kilam ie bia, “A Matana Ubane tano tamat na lualua na gil harkurai sakit gar na Rom.”
27946	ACT 27:23	Nabung ra bung tiga angelo gar tano God nong auno iau ma nong iau lalotu tupas ie, i me tur harue iau ma i tange, ‘Waak ra bunurut, Pol. Nu tur at ra harkurai ra matmataan tano tamat na lualua na gil harkurai sakit kenas Rom. Ma God i te idane ugu bia diet bakut kaiken u hanahaan tika ma diet, diet pa na hiruo.’
27980	ACT 28:13	Io, mehet ga haan mekaia ma mehet ga hanuat Regium. Ma tano mes na bung no dadaip merau ra matailum ga hanuat, kaik mehet gaam hanuat Putioli tano bung menamur tana.
27981	ACT 28:14	Ma ing mehet ga nes leh ari harahinsakaan narako ta Krais kaia diet ga bale leh mehet bia mehet na kisi ta liman ma iruo na bung ma diet. Io, hokaiken kaik mehet gaam haan um uram Rom.
27983	ACT 28:16	Ma ing mehet ga hanuat Rom di ga haut leh Pol bia na kis sen at tika ma tiga umri wara manmano bat ie.
27984	ACT 28:17	Io, ma bia ing aitul a bung gate sakit, Pol ga tau hulungan ira lualua ta ira Iudeia. Ing diet ga hanuat hurlungen, Pol ga tange ta diet hoken: “Kaba tasigu, iau pa gale gil tiga sakena taar ta ira udahat matanaiabar na Israel bia ukatiga mah ta ira magingin ta ira hintubu dahat, iesen di ga wis kawase balik iau aram Ierusalem ma di ga tar iau ukatiga ta ira lima diet ira Rom.
27986	ACT 28:19	Ma sen bia ing ira Iudeia diet ga malok bia da halangalanga ise iau, io, iakan ra linge ga sunang iau kaik iau gaam kikilam utano tamat na lualua na gil harkurai sakit gar na Rom bia na hadade iau. Ma iau ga gil huo sen bia ga taie nugu ta hartutung taar ta ira nugu matanaiabar na Israel.
28005	ROM 1:7	Io, ma iau pakpakat tupas muat ira matanaiabar kenas Rom, muat ing God i manga sip muat ma i te tatau leh muat bia muat ira uno gamgamatien na matanaiabar tus. A harmarsai ma ra malum tupas muat meram ho God no adahat Sus ma no Watong Jisas Krais.
28013	ROM 1:15	Ma iakano no burena bia iau manga kanan bia ni harpir ma no tahut na hinhinawas taar mah ta muat kaia Rom.
28233	ROM 9:10	Ma pai iakanong sen mon. Rebeka ga kaha airuo kasang mekaia tiga tunaan sen mon, ma aie ne Aisak no hintubu diet ira Israel tutun.
28234	ROM 9:11	Pa di ga kaha baak dir ma dir pa ga gil baak ta linge i tahut bia i sakena. Iesen God ga tange ta Rebeka bia, “No luena bulu na kap ra kinkinis na tultulai balik ra hena tano bulu nong di kahai namur.” God gate bul tar no uno lilik bia na gilamis tikai huo, kaik gaam tange huo waing no uno lilik na hanuat tutun. Iesen pa ga sip bia no uno lilik na hanuat tutun ta ira udir gingilaan. Taie. God ga sip bia no uno lilik na hanuat tutun mekaia ho ie at nong i tatau huo.
28417	ROM 16:13	Muat na haatne leh Rupus nong no Watong i te gilamis ie. Muat na gil huo mah tano pawasine nong ga ngan bia a pawasigu mah ie.
29355	EPH 4:16	Ra hena ira uno harharahut ira singarena bakut tano palatamaine, diet harpasum tika. Ma ira lalos na harpasum diet palim dit tikane huo no palatamaine bia pa na talapus. Ma bia ira sumsubaan bakut tano palatamaine diet gil ira udiet pinapalim tus tikatikai, io, no kidilona palatamaine na tahuat dadas tano tintalen na harmarsai.
29406	EPH 6:2	“Ru no am sus ma no pawasim.” Iakano hartula ta ira harkurai ta Moses, aie no luena hartula ing God ga bul tiga kunubus taar tana bia nu kap ta bilai ing bia nu mur iakano hartula.