13965	PSA 3:4	Iesen, Watong, augu tiga bahbahit luhutane iau. U la sukal tar iau ma iau balaraan baling um.
13966	PSA 3:5	Uram hono Watong iau manga suah, ma i taram iau meram ra auno halhaliana uladih.
13978	PSA 4:8	U te hahungi no kaatigu ma ra gungunuama i tamat saakit ta ira udiet gungunuama pane ira udiet wit ma ira sigar wain ing i tamtamat hanahaan.
13985	PSA 5:6	Ira ut na minok diet pa na tur ra matmataan taam. U miliguruane diet ing diet gil nironga.
13986	PSA 5:7	U haliare diet ing diet la harabota. Ira ngangarina tunotuno ma ira ut na harababo, no Watong i manga malentakuane diet.
13992	PSA 5:13	Tutun saakit, Watong, u la haidane ira ut na takodas. U beh luhutane diet ma no num harmarsai hoing tiga bahbahit.
14023	PSA 8:2	Watong, numehet Watong, no hinsaam i manga lua harsakit tano ula hanuo bakut! U te haminas no minamarim aram naliu tano mawe.
14027	PSA 8:6	U te bul hanapu dahin mehet ira tunotuno menapu taam, ma u te hakilang mehet ma ira minamar ma ra tamat na urur.
14028	PSA 8:7	U te bul mehet bia het na kure ira pinapalim na lumaam. U te bul ira linge bakut napu ta ira kaki mehet hokaiken:
14034	PSA 9:3	Iau ni kanakana ma ni guama taam. Iau ni inge na pirharlat tupas ugu, augu Nong U Naliu Harsakit.
14036	PSA 9:5	Kanong warah, u te tur tano nugu palpal ma ira num gil harkurai. U te kis aram tano num kinkinis na harkurai, ma u harkurai ma ra taktakodas.
14037	PSA 9:6	U te boor ira kantri ing diet pai Iudeia, ma u te gil haliare ira ut na sakena. U te suge hatikane se um ira hinsa diet.
14038	PSA 9:7	A halhaliarai ing pana le pataam i te haan tupas ira adahat suk. U te dure ira udiet pise na hala, ma di te luban hatikane um diet.
14066	PSA 10:14	Iesen augu, God, u la nesnes ira haragahai ma ira tapunuk. U la liklik kaike ra magingin wara balbalu pukus ma no limaam. Nong taie ta harharahut tana, i la tartar ise tar ie ukaia ho ugu. Augu no ut na harharahut ta ira tintana.
14110	PSA 16:6	U te igah tar no nugu umaan kai ra bilai na katon. Tutun saakit, iau te hatur kawase ra melmel na pinlawegu.
14115	PSA 16:11	U te hapalaine iau ta ira ngaas na nilon. Kaia ra matmataan taam, nu hahungi iau ma ra gungunuama, ma katiga hono kata na limaam, nu hahungi iau ma ra kanakana nong pana le pataam.
14133	PSA 18:3	No Watong aie no nugu haatkis, no nugu subaan na munmun ma no nugu Ut na Harhalon. No nugu God aie no nugu haatkis, aie nong iau barahit tana. Aie no nugu bahbahit ma no dadas tano nugu harhalon, no nugu dadas na balo.
14158	PSA 18:28	U la halhalon diet ira ut na kis matien, iesen u la bulbul hasur diet ing ira mata diet i latlaat.
14166	PSA 18:36	U tar tagu no num bahbahit na papaas hasur ira ebar. Ma no kata na limaam i la hadadas iau. U la tudu suur wara hatamat iau.
14167	PSA 18:37	U la gilgil hatapegas no ngaas napu tagu, waing ira kakigu pa na surmalagir.
14170	PSA 18:40	U ga hapapalim iau ma ra dadas wara hinarubu. U ga gil ira nugu ebar bia diet na singa bukunkek ra matmataan tagu.
14171	PSA 18:41	U ga gil ira nugu ebar bia diet na tar tihi diet tagu, ma diet naga hilau, ma iau te haliare diet ing diet ga malentakuane iau.
14174	PSA 18:44	U te halangalanga iau sukun ira halhaliarai ta ira matanaiabar. U te gil iau no lualua ta ira hunhuntunaan ta ira mes na hanuo. Ira matanaiabar iau pa ga nunure diet, diet kis napu tagu.
14177	PSA 18:47	No Watong i lon! A pirharlat tupas no nugu Haatkis! Da hatamat God no nugu Ut na Harhalon.
14179	PSA 18:49	ma nong mah i la halhalon leh iau mekaia ta ira nugu ebar. U ga hatamat iau naliu ta ira sukagu. Mekaia ta ira ut na ngalngaluan u ga halangalanga ise iau.
14196	PSA 19:15	Iau sip bia ira nianga mekai ra hagu ma ira lilik aram tano balagu na nasnas maririsuan tano num matmataan, Watong, no nugu Haatkis, ma no nugu Ut na Kul Halangalangai.
14209	PSA 21:3	U te bale tar tana no masmasingan tano kaatine, ma pau mus bat no sinasaring ta ira palabuluno.
14210	PSA 21:4	U te haatne leh ie ma ra haraidaan na bilai na linge, ma u te bul tiga balaparik na lualua di gil ma ra gol tano uluno.
14212	PSA 21:6	No minamarine no king i manga tamat kanong u la harharahut ie wara bulbul hasur ira uno ebar. U te hatamat no hinsana ma u te hasigam ie ma no melmel na minarine.
14222	PSA 22:2	Nugu God, nugu God, wara biha u te malok se iau? Wara biha u manga tapaka wara halhalon iau? U manga tapaka mah wara tartaram ira nugu sunuah na ngunngutaan?
14230	PSA 22:10	Iesen u ga kap hasur iau mekatiga tano lienat. U ga pakile bia iau ni so nurnur taam, ing mah iau ga susus baak tano pawasigu.
14236	PSA 22:16	Ira nugu dadas i te mamasa hoing ra pikaia no kasakes i te rang ma i daakes, ma no karamegu i te patep naliu narako tano hagu. U te waak tar iau bia ni maat kai ra kaabus.
14240	PSA 22:20	Iesen augu, Watong, waak bia u tapaka tagu. Nugu Ut na Harhalon, hanuat gasien wara harharahut iau.
14257	PSA 23:5	U tagure tiga suuh na nian menalua tagu, ra matmataan ta ira nugu ebar. U puk no ulugu ma ra wel. No nugu gingop i manga hung, gi bureng.
14263	PSA 24:5	Na kap no haraidaan meram tano Watong, ma God, no uno Ut na Harhalon, na haminas bia a takodasiana ie.
14273	PSA 25:5	Lue iau narako ta ira num tutun ma nu hausur iau, kanong augu, God, no nugu Ut na Harhalon, ma iau kis nanahai taam ta ira bungbung bakut.
14311	PSA 27:9	Waak u suhe no num matmataan tagu. Waak bia nu tule se no num tultulai ma ra ngalngaluan. U te harahut haitne iau. Waak u malentakuane iau ma bia nu waak kapis iau, God, nugu Ut na Harhalon.
14348	PSA 30:12	U te pukusane no nugu sunuah i hanuat minangata. U te kap se ira nugu sigasigam na tapunuk ma u hasigam iau ma ra gungunuama,
14370	PSA 31:21	U kap leh diet talur ira ut na harpingit bia diet naga barbarahit ra matmataan taam. U bul timaan diet tano subaan u lon tana sukun ira karame diet ing diet wara tungtung diet.
14440	PSA 35:10	No nugu kidilona nilon na tange, “Watong, sige i haruat ma ugu? U la harharahut leh ira maris sukun diet ing diet manga dadas. U la kapkap pukus ira maris ma ira malahahin sukun diet ira ut na kikinau.”
14467	PSA 36:9	U tabar diet ma ra nian ing kana i hung taar tano num hala, ma u hamamo diet ma ra taah tano num taah na gungunuama.
14534	PSA 38:23	Hanuat gasien wara harharahut iau, Watong, no nugu Ut na Harhalon.
14540	PSA 39:6	U te gil hakumkum ira nugu bung na nilon. Ira punpuo ta ira nugu tinahon i haruat bia a linge bia mon ra matmataan taam. No laulawas ta ira nilon ta ira tunotuno tikatikai i ngan hoing tiga pakana manmanasung mon.
14546	PSA 39:12	U la baboor ma u la hatakodasne ira tunotuno ta ira udiet magingin sakena. U la ienien ira udiet bilai na minsik hoing ra epas. No laulawas ta ira nilon ta ira tunotuno tikatikai i ngan hoing tiga pakana manmanasung mon.
14566	PSA 40:18	Iesen kana iat iau tiga maris ma ra nugu mon sunupi. Io kaik, na bilai bia no Watong na lik leh iau. Augu no nugu harharahut ma no nugu Ut na Harhalon. Nugu God, waak u halis.
14579	PSA 41:13	U hatur hadadas iau kanong ta ira bilbilai ken i kis taar tano balagu, ma u hakisi iau tano num matmataan hathatika.
14586	PSA 42:6	Iau haianga habaling iau, “Wara bih no balagu i hung ma ra tapunuk? Wara bih no nugu lilik pai sangeh? Kis nanahai ta God, kanong iau ni pirlat at baak ie, no nugu Ut na Harhalon ma no
14592	PSA 42:12	Iau haianga habaling iau, “Wara bih no balagu i hung ma ra tapunuk? Wara bih no nugu lilik pai sangeh? Kis nanahai ta God, kanong iau ni pirlat at baak ie, no nugu Ut na Harhalon ma no nugu God.”
14597	PSA 43:5	Iau haianga habaling iau, “Wara bih no balagu i hung ma ra tapunuk? Wara bih no nugu lilik pai sangeh? Kis nanahai ta God tano uno bilai na harharahut, kanong iau ni pirlat at baak ie, no nugu Ut na Harhalon ma no nugu God.”
14600	PSA 44:3	Ma no num dadas at, u ga pasak hasur se ira mes na hunhuntunaan, ma u ga hakisi ira hintubu het tano udiet pise. U ga haliare ira mes na matanaiabar, ma u ga manga hakisi timaan ira hintubu het.
14605	PSA 44:8	Iesen u la harharahut mehet, kaik het gila petlaar wara hinarubu ma ira nuhet ebar. U la hahirhir diet ing diet malentakuane het.
14608	PSA 44:11	U ga gil mehet bia het na hesuo tapukus menalua ra matmataan ta diet ing diet harubu tika ma het, ma diet ga kap leh ira numehet minsik wara nudiet mon.
14609	PSA 44:12	U ga waak se tar het bia da kanam hakidilon het hoing ira sipsip, ma u ga bul harbasiane het nalamin ta ira mes na hunhuntunaan.
14610	PSA 44:13	U ga suhurane hasiksik ira num matanaiabar. Pau ga palim mataan diet.
14611	PSA 44:14	U te gil diet ing diet lon tika ma het bia diet na kukutur ta het. Diet ing diet kis luhutane tar het, diet pa na urur ta het ma diet na malentakuane het.
14612	PSA 44:15	U te gil het bia da hasakit ta het nalamin ta ira hunhuntunaan ta ira mes na hanuo. Ira matanaiabar diet lawa ul tar ta het.
14632	PSA 45:8	U sip no taktakodas ma u malentakuane no saksakena. Io kaik, God, aie no num God, i te hakisi haut ugu naliu ta ira num harsakata ing i gilamis ugu ma no wel na gungunuama.
14672	PSA 48:8	U ga haliare diet hoing ira tamat na mon me Tasis. Tiga dadaip meres hono kasakes i la tutut hut mekaia ga puuh sale diet.
14717	PSA 50:17	U malentakuane ira nugu dadas na nianga, ma u se ira nugu nianga menamur taam.
14721	PSA 50:21	Kaiken ra linge u te pakile, ma iau kis kunkun taar. U lik bia iau at mon hoing augu. Iesen iau ni boor ugu ma ni tung ugu ra matmataan taam.
14749	PSA 52:5	U kalak no saksakena ma u malok se no bilbilai. U sip bia nu harabota ma pau manga tanga asa ing i takodas.
14750	PSA 52:6	U sip ira kaba nianga na harangunngutaan, augu nong a ut na harabota augu!
14854	PSA 60:3	God, u te malok se het ma u te bul hasur het. U gate ngalngaluan. Kaiken um, kap pukus habaling leh mehet ukatiga ho ugu!
14855	PSA 60:4	U te gune no pise ma u te habanga ie. Hatakodas pukus ing i banga, kanong kana baak i gungunagune.
14856	PSA 60:5	U te ubal ira num matanaiabar ma ira dadas na pakana bung. U te hamamo het ma ra wain ing i gil het gi haan lakaleka.
14916	PSA 65:6	U tutun wara balbalu mehet ma ra tamat na pinapalim na harharahut, God, no numehet Ut na Harhalon, augu nong ira katon bakut tano ula hanuo tuk ta ira ngus na tes bakut diet so nurnuruan taam.
14920	PSA 65:10	U balaure tar no pise ma u kapal ie. U tabar no pise ma ra haleng nian saakit. Ira salsalin taah ta God i hung ma ra taah wara tar nian ta ira tunotuno, kanong u gate kure tar huo.
14921	PSA 65:11	U la manga kapkapal ira lalong, ma u la ruprupusane ira kanaap. U la hamhamalusne no pise ma ra minmis na bata, ma u la haidane ira uno sinaso.
14934	PSA 66:10	Augu God, u te walar het. U te hagamgamatien het hoing di la hagamgamatien ra siliwa.
14935	PSA 66:11	U ga lam hawaat tar mehet narako tano katon na harpidanau, ma u ga hapupusak tar mehet ma ra tinirih.
14936	PSA 66:12	U ga waak tar ira tunotuno bia diet na papaas kora ta ira ulu mehet. Het ga haan kutus ra iaah ma ra taah, iesen u ga lamus hawaat het taar tano taman ing het na lon timaan kaia.
14962	PSA 68:10	God, u ga tar ra tamat na bata. U ga hanunuhuan no dakesuana katon na pise nong a num tus ie.
14972	PSA 68:20	A pirharlat tupas no Watong, aie God, no nudahat Ut na Harhalon, nong i la puspusak ira udahat tinirih ta ira bungbung bakut.
15008	PSA 69:20	U nunure tar ing di kukutur sakasaka tagu huo, ma bia di hamalahuan iau ma di hahirhir iau mah. Diet bakut ira nugu ebar diet tur taar ra matmataan taam.
15031	PSA 70:6	Iesen kana iat iau tiga maris ma ra nugu mon sunupi. God, hanuat habir ukai ho iau. Augu no nugu harharahut ma no nugu Ut na Harhalon. Watong, waak u halis.
15037	PSA 71:6	Mekaia laah di ga kap iau, iau ga soh lilik taar taam. U ga kap hawaat iau mekatiga ra balana no nugu makai. Iau ni pirlat ugu hathatikai.
15051	PSA 71:20	U te gil iau bia ni kilingane ra haleng na tinirih ma ra ngunngutaan, iesen nu ru timaan habaling no nugu lon. Mekatiga ra balana no pise, nu raun haut habaling iau.
15093	PSA 73:18	A tutun saakit bia u bul tar diet tiga malmalagiruana katon. U se hasur diet wara halhaliare diet.
15098	PSA 73:23	Iesen iau la tur tika taar at ma augu. U palim tar no kata na limagu.
15099	PSA 73:24	U lue iau narakoman ta ira num sinisip, ma namur um nu kap leh iau ma nu hatamat no hinsagu.
15102	PSA 73:27	Diet ing diet te haan tapaka taam, diet na hiruo. U haliare bakut diet ing diet pai mur habaling um ugu.
15115	PSA 74:12	Iesen, augu God, no nugu King menalua at. U kap hawaat ra harhalon tano ula hanuo.
15117	PSA 74:14	U ga pas parok no uluno no tamat na tadaar, ma u ga tar no pala tamaine ho ira nian adiet ira wawaguai tano mamasina hanuo.
15118	PSA 74:15	U ga papos ira puat ma ira katen taah, ma u ga hamamasa ira taah tamat.
15119	PSA 74:16	U la kurkure no kankado ma no madaraas mah. U ga hakisi no kasakes ma no teka.
15120	PSA 74:17	U ga igah ira linge bakut tano ula hanuo. U gil no pakana bung na kasakes ma no pakana bung na labur mah.
15129	PSA 75:3	U tange bia, “Iau puo ira pakana bung ing ira linge na hanuat. Iau at nong iau la kurkure ira matanaiabar ma ra taktakodas.
15165	PSA 77:15	Augu no God nong ga pakile ira dadas na gingilaan na kinarup. U ga hamines ira num dadas nalamin ta ira matanaiabar.
15166	PSA 77:16	U ga kul pukus ira num matanaiabar ma no dadas na limaam, diet kaike ira hintubu ne Iakop ma Iosep.
15170	PSA 77:20	U ga haan nalamin tano tes, ma ira num ngaas nalamin ta ira tamat na pakananoh, ma sen ira pinpaas na kakim pa di ga nes.
15171	PSA 77:21	U ga lue ira num matanaiabar hoing tiga ut na balaura sipsip ta ira limane Moses ma Aaron.
15248	PSA 79:5	Watong, na haruat um hunanges? U lik bia nu be ngalngaluan hatika taar at um? Na haruat hunanges no num bala mamahien nong i iaiaan hoing ra iaah?
15252	PSA 79:9	God, a numehet Ut na Harhalon, harahut mehet, waing daga urur taam. Kap leh mehet sukun diet ing diet haliare mehet, ma lik luban se ira numehet magingin sakena, wara utano hinsaam.
15258	PSA 80:2	Hadade mehet, augu no Ut na Harbalaurai ta Israel. Augu ing u lue Iosep hoing ra kaba sipsip. Augu ing u kis tano num kinkinis na king nalamin ta ira iruo kerubim, het saring ugu bia nu rarang
15262	PSA 80:6	U te tabar diet, ma diet iaan tika ma ra polo na mata diet. U te hamamo diet ma ra tamat na polo na maata.
15263	PSA 80:7	U te gil bia ira tunotuno diet kis hutet ta mehet, diet na harubu pane ira numehet pise, ma ira numehet ebar, diet kukutur ta mehet.
15265	PSA 80:9	U ga rau tiga ina wain ma Isip. U ga pasak hasur ira huntunaan bakut ta ira nudiet pise ma u gaam so ie.
15266	PSA 80:10	U ga sasare no pise utana, ma i ga mon boline ma i ga burung no pise.