23218	MAT 1:5	Ma Salmon no tata tane Buas, ma Rahap no pawasina. Ma Buas no tata tane Obet, ma Rut no pawasina. Ma Obet no tata tane Jesi.
23896	MAT 21:1	Io, diet ga hanuat taar kaia Betpasi huteta Ierusalem tano uladih Olip. Io, Iesu ga tulei airua ta ira nuna bulu na hausur ma ga tangai ta dir bia, “Mamur na haan taar tano taman manaluai ta mamur. Io, kaikek at mamur na nas lah tiga donki di ta kubus kahai tar ia, ma tiga natina mah kana tikai ma ia. Mamur na palas dir, io, mamur na sal hahuat dir ukai tagu.
24029	MAT 24:3	Ma bia Iesu ga kis taar tano uladih Olip, ira nuna bulu na hausur sena mon diet ga hanuat taar tana, diet gaam tiri ia bia, “U na hasasei mehet bia, hunangesa kaiken ra linga ing u hasasei mehet tanai na hanuat. Ma a mangana hakilang sa mehet na nas ing na haminis no num hinanuat ma no hauhawatnei ta iakanin ra lon?”
24153	MAT 26:30	Ma bia diet gata ru tar tiga nirudu diet ga hansur makaia uram ra uladih Olip.
24710	MRK 11:1	Diet ga hanuat taar ta Betpasi ma Betani kaia huteta Ierusalem tano uladih Olip. Io, Iesu ga tulei airua ta ira nuna bulu na hausur ma ga tangai ta dir bia, “Mamur na haan taar tano taman manaluai ta mamur ma ing mamur na haan laka taar tano taman, kaikek at mamur na nas lah tiga sigara donki di ta kubus kahai tar ia. Taia baa tikai i kisi ia. Mamur na palas lah ia, io, mamur na sal hahuat ia ukai tagu.
24789	MRK 13:3	Ma diet ga hanuat taar tano uladih Olip, tano mes na palpal tano tamat na hala na lotu. Ma ing Iesu ga kis taar kaia, Pita, Jemes, Ioanes, ma ne Endru dal ga tiri kinawanei ia hoken:
24849	MRK 14:26	Ma bia diet gata ru tar tiga nirudu, diet ga hansur makaia uram ra uladih Olip.
25126	LUK 3:32	Dewit no nati ne Jesi, Jesi no nati ne Obet, Obet no nati ne Buas, Buas no nati ne Salmon, Salmon no nati ne Nason,
25829	LUK 19:29	Ma ga hanuat huteta ta Betapage ma Betani kaia ra uladih di ga kilam bia Olip. Ma ga tulei airua ta ira nuna bulu na hausur ma kan ra nianga:
25837	LUK 19:37	Ga hanuat huteta tano sibaan bia no ngaas i hansur maram ra uladih Olip. Ma kaiken ira mataniabar na bulu na hausur diet ga tur lah wara pirpirlat Kalou ma ra gungunuama kanong diet gata nas haleng na dadas na gingilaan na kinarup.
25932	LUK 21:37	Io, ta ira bungbung bakut Iesu git hauhausur um kaia ra tamat na hala na lotu. Ma ira kaba matarahien bakut git hanahaan wara ninahon laah kaia ra uladih di ga kilam ia bia no uladih Olip.
25972	LUK 22:39	Io, Iesu ga hansur tano pisa na hala ma ga haan uram tano uladih Olip hoing git gilgil hua. Ma ira nuna bulu na hausur diet ga mur ia.
26451	JHN 8:1	Senbia Iesu ga hanhut uram tano uladih Olip.
27004	ACT 1:12	Io, diet ga tapukus balin uram Ierusalem makaia tano uladih di la kilkilam ia bia no uladih Olip. Ma no uladih ga helik haruat ma tiga kilomita maram tano pisa na hala Ierusalem.
28419	ROM 16:15	Muat na karo lah mah Pilologus ma ne Julia ma ne Nereus ma no hininina ma ne Olimpas ma ira mataniabar bakut ta Kalou ing diet kis tikai ma diet.
29618	COL 4:9	Dir na tikai huat ma ne Onesimus no bilai na tasi dahat. A tutun na tunatuna ia ma ia iat tikai ta muat makaia. Dir na hasasei muat ta ira mangana linga bakut i hanuat ta mehet kai.
29892	2TI 1:16	Iau sasaring bia no Watong na marsei no haratnaan ta Onesiporus kanong ga haguama haitnei iau ma pa ga hirhir uta ira agu dadas na hinihis di ga his iau manei.
29956	2TI 4:19	U na karo lah Pirisila ma ne Akuila ma no haratnaan tane Onesiporus.
30015	PHM 1:10	Iau saring uga wara gaiane Onesimus, no natigu narako ta Karisito ia nong i ta kap ra kinkinis hoken bia a natigu ia narako tano nugu kinkinis na hinhisaan.
31162	REV 22:13	Iau Alpa ma Omega, no Luena ma no Mutuaina, no Hathatahun ma no Haphapataam.