23244	MAT 2:6	‘Betilem, tano pisa Iudeia, pau manga hansik ta ira bilai na taman ta Iudeia, kanong makatika taam tiga lualua na hanuat nong na luai ira nugu mataniabar Israel.’”
23264	MAT 3:3	Ma Ioanes no tunatuna nong no poropet Aisaia ga iangianga utana hoken, “Maram ra hanua bia a ingana tikai i taatau, ‘Tagurei no ngaas tano Watong, Gil hatakodasnei ia wara nuna hinanuat.’”
23282	MAT 4:4	Ma Iesu ga balu ia bia, “Tiga warkurai ta Kalou di ga pakat ia uta mehet ra mataniabar i tangai hoken, ‘Ira tunatuna pa diet na lon tano nian sena mon. Diet na lon ta ira nianga i hanhan suur tano ha Kalou.’”
23284	MAT 4:6	Satan ga tangai tana bia, “Ing bia a Nati Kalou uga, u na karuas suur, kanong ira nianga ta Kalou ing di ga pakat i tangai hoken, ‘Kalou na tulei ira nuna angelo wara utaam, diet na palim hatur uga ma ira lima diet, waing pau naga tubak ira kakim tiga haat.’”
23285	MAT 4:7	Iesu ga balu ia bia, “Tiga warkurai gar Kalou di ga pakat ia uta mehet ira mataniabar i tangai bia, ‘Waak muat walar no Watong, no numuat God.’”
23288	MAT 4:10	Iesu ga tangai tana, “Satan, haan laah! Tiga warkurai gar Kalou di ga pakat ia uta mehet ira mataniabar i tangai mah hoken, ‘Muat na lotu tupas no Watong no numuat God, ma ia sena mon muat na hanapu muat tana.’”
23461	MAT 9:13	Muat na haan ma muat na silhei tupas no kukuraina iakan ra nianga ta Kalou nong di ga pakat ia hoken: ‘Iau nem bia muat na marsei ira tunatuna. Ma ing bia pa muat gil hua, pa iau manga nem bia muat na hartabar tupas iau.’” Ma Iesu ga tangai balin bia, “Pa iau ga hanuat bia iau na tatau muat ing muat lik bia a tena takodas muat, senbia diet sen mon ing diet palai bia a tena sakena diet.”
23547	MAT 11:19	Ma bia Nong a Tunatuna Ia ga hanuat, ga ianiaan ma ga mama wain. Ma diet ga tangai utana bia, ‘A kas nian ma a tena minminom ia. Ma a hinsaka diet ira tena kap takis ma ira mes na sakana tunatuna.’” Io, Iesu ga tangai balin bia, “Diet tangai hua senbia iau tangai bia ira magingin ta ira tena mintota diet na haminis bia no mintota ta Kalou i takodas.”
23711	MAT 15:9	Diet la latlotu bia haan mon tagu, kanong ira warkurai ta Moses ira tunatuna mon i bul, diet hausur balik tanai hoing bia ta Kalou.’”
23850	MAT 19:19	U na ruu naam sus ma no pawasim. Ma u na marsei tikai hoing u marsei habal at uga.’”
23900	MAT 21:5	“Tangai ta diet aram Ierusalem tano uladih Saion hoken: ‘Nas baa! No numuat King kek i hananhuat ukatika ta muat. A matmatien ia, ma i kiskisi hani tiga donki, a nat na donki ia.’”
23911	MAT 21:16	Diet ga tangai tana bia, “U hadadei tar a mon ing kaiken ra nat na bulu diet tangtangai! I biha bia pau tigal diet?” Ma Iesu ga tangai ta diet bia, “Masa! Iau hadadei diet. Hoing a mon muat gata was tar ta ira nianga ta Kalou, i tangai hoken: ‘U ta tagurei tar ira nat na bulu ma diet mah ing diet la susus baa, bia diet na pirlat uga.’”
23954	MAT 22:13	“Io, no king ga tangai ta diet ing diet nas mur no gil nian bia, ‘Muat na his tikanei ira irua limana ma ira irua kakina, ma muat na sei hasur ia uras nataman tano kankado, naga susuah ma na hagirit na ngisa kaia.’”
24089	MAT 25:12	“Iasen no tunatuna ga tangai ta diet bia, ‘Taia tutun at! Pa iau nunurei bia siga muat.’”
24107	MAT 25:30	Ma muat sei iakanong ra maluriana tultulai ukatika nataman tano kankado. Ma na susuah ma na hagirit na ngisa kaia.’”
24141	MAT 26:18	Ga balu diet bia, “Mamur kaikek, mamur na haan laka tano pisa na hala, mamur na nas no tunatuna mamur palai taar tana. Mamur na tangai tana bia, ‘No tena hausur i tangai bia no nuna pakana bung i ta hanuat. Ia ma mehet ira nuna bulu na hausur, mehet na ien no Nian na Hinahaan Sakit kaia ra num hala.’”
24154	MAT 26:31	Ma Iesu ga tangai ta diet bia, “Katin ra bung bia muat na nas bia di gilgil hoeh tagu, ma muat bakut, muat na hilau talur iau hoing no poropet gata pakat tar ta ira nianga ta Kalou. Ma Kalou ga tangai bia, ‘Iau na bu bing no tena balaura sipsip, ma no nuna kaba sipsip diet na hilau harbasiai.’”
24184	MAT 26:61	Ma dir ga tangai bia, “Iakan ra tunatuna ga tangai hoken: ‘Iau tale bia iau na durei no tamat na hala na lotu ta Kalou, ma iau na hatur habal mon ia ta aitul a bung.’”
24287	MRK 1:3	Maram ra hanua bia a ingana tikai i taatau, ‘Tagurei no ngaas tano Watong, Gil hatakodasnei ia wara nuna hinanuat.’”
24404	MRK 4:12	Io hua, ‘diet na nas ma pa diet na nas kilam, diet na hadadei ma pa diet na hadadei kilam; kaba diet lilik pukus, ma Kalou na lik luban sei ira nudiet magingin sakena.’”
24676	MRK 10:19	U nunurei ira warkurai ta Moses: ‘Waak u harubu bingbing bia. Waak u sua tikai ma tikai pai a num ia. Waak u kikinau. Waak u gil bisbis na nianga wara taktakun tikai. Waak u bis lah tiga linga gar na mes. Ma u na ruu naam sus ma no pawasim.’”
24712	MRK 11:3	Bia taring diet na tiri mamur bia, ‘Mamur gil hua warah?’, mamur na hasasei diet bia, ‘No Watong i nem ia ma namur dahina na tulei hahuat habalin ia.’”
24753	MRK 12:11	No Watong at ga gil hoken, ma i manga bilai sakit bia dahat na nas ia.’”
24850	MRK 14:27	Iesu ga tangai ta diet, “Muat bakut muat na hilau talur iau hoing no poropet gata pakat tar ta ira nianga ta Kalou. Ma Kalou ga tangai bia, ‘Iau na bu bing no tena balaura sipsip, ma ira sipsip diet na hilau harbasiai.’”
24881	MRK 14:58	“Mehet ga hadadei ia ga tangai hoken: ‘Iau ni durei iakan ra hala na lotu nong ira tunatuna mon diet ga gil ia, ma ta aitul a bung iau na gil habalin tikai. Iakanin, a tunatuna pa na gil ia.’”
24949	MRK 16:7	Mutal na haan ma mutal na hasasei ira nuna bulu na hausur, ma ne Pita mah, bia ‘Iesu na luai ta muat uras Galili ma muat na ra nas um ia kaia hoing at gata hasasei tar muat hua.’”
25100	LUK 3:6	Ma ira tunatuna bakut diet na nas no harhalon ta Kalou.’”
25136	LUK 4:4	Iesu ga balu ia bia, “Tiga warkurai ta Kalou di ga pakat ia uta mehet ra mataniabar i tangai hoken, ‘Ira tunatuna pa diet na lon tano nian sena mon.’”
25141	LUK 4:9	Io, Satan ga lam habal Iesu uram Ierusalem, gaam hatur Iesu aram naliu sakit tano ula hala tano tamat na hala na lotu. Ga tangai tana bia, “Ing bia a nati Kalou uga, u na karuas suur makai, kanong ira nianga ta Kalou ing di ga pakat i tangai hoken, ‘Kalou na tulei ira nuna angelo wara utaam wara balbalaurei uga. Diet na palim hatur uga ma ira lima diet, waing pau naga tubak ira kakim tiga haat.’”
25144	LUK 4:12	Iesu ga balu ia, gaam tangai bia, “Tiga mes na warkurai ta Kalou wara uta mehet i tangai bia, ‘Waak muat walar no Watong, no numuat God.’”
25155	LUK 4:23	Ma Iesu ga tangai ta diet hoken: “Iau nunurei tar bia muat na tangai tar kan ra nianga harharuat tagu bia, ‘Tena ulai, halangalanga habal at uga! Gil baa ta linga kai tano num taman tutun at ing mehet ga ser bia u ga gil na Kapeneam.’”
25215	LUK 5:39	Ma taia tikai na mamai ira tuarena wain ma na sip habal no sigarina, kanong na tangai bia, ‘No tuarena at i bilai.’”
25298	LUK 7:34	Ma bia Nong a Tunatuna Ia ga hanuat, ga ianiaan ma ga mama wain. Ma diet ga tangai tana bia, ‘A kas nian ma a tena minminom ia. Ma a hinsaka diet ira tena kap takis ma ira mes na sakana tunatuna.’”
25459	LUK 10:27	Ga balu ia bia, “‘U na sip no Watong no num God ma no katim bakut, no num nilon bakut, no num dadas bakut, ma no num lilik bakut.’ Ma ‘u na marsei no hinsakaam hoing u marsei habal at uga.’”
25596	LUK 13:9	Ma ing bia na huai tano tinahon namur, io, i bilai. Iasen ing bia taia, io, u na buruh hasur ia.’”
25620	LUK 13:33	Iau na papalim hua senbia i tahut mah bia ena hanahaan katin, marakan, ma tano bung namur mah, kanong i tutuna sakit bia ira poropet pa diet la hirhirua nataman. Aram sen narako Ierusalem.’”
25646	LUK 14:24	Iau tangai taam, taia tikai ta diet ing iau ga luena lam diet na namianei tiga linga kai tano nugu gil nian.’”
25689	LUK 15:32	Senbia i takodas bia dahat na guama ma dahat na gil no lukara kanong iakan ra tasim ga maat ma i ta lon balin, ga rara ma dahat ta nas lah ia.’”
25720	LUK 16:31	“Ma Abraham ga tangai tana, ‘Ing bia pa diet na taram ira warkurai ta Moses ma ira pakpakat ta ira poropet, io, pai tale bia tikai nong i tut hut talur ra minaat na haragat diet ing diet naga lilik pukus.’”
25730	LUK 17:10	Hua mah ta muat. Bia muat ta gil ira linga bakut ing no numuat Watong i tangai ta muat, io, muat na tangai hoken: ‘A tultulai mon mehet. Mehet ta gil mon ira linga ing i tahut bia mehet na gil.’”
25762	LUK 18:5	Senbia iakanong ra makosa i la hamalmalaas iau. Hua, iau ni kurei hatakodasnei ira linga wara harharahut ia bia kaba i manga hamalmalunga iau.’”
25777	LUK 18:20	U nunurei ira warkurai ta Moses: ‘Waak u sua tikai ma tikai pai a num ia. Waak u harubu bingbing bia. Waak u kikinau. Waak u gil bisbis na nianga wara taktakun tikai. Ma u na ruu naam sus ma no pawasim.’”
25827	LUK 19:27	Senbia muat na lam diet ukai ing diet bala mamahien tagu, ma muat na bu bing diet ra matmataan tagu kanong pa diet ga sip bia ena kurei diet.’”
25831	LUK 19:31	Bia taring diet na tiri mamur bia, ‘Mur gil hua wara biha?’, mur na hasasei diet, ‘No Watong i nem ia.’”
26067	LUK 24:7	‘Da tar sei Nong a Tunatuna Ia ta ira lima diet ira tena sakena. Da tut ia tano ula kabai ma tano aitul a bung na tut hut balin.’”
26128	JHN 1:15	Io, Ioanes ga hasahesa palai utana ma ra dadas hoken: “Iakan nong iau ga hasasei muat utana. Iau ga tangtangai bia, ‘A tutuna bia i hanuat manamur tagu, senbia i tamat at tagu kanong pa di ga kaha baa iau, ma iakana tuai iat.’”
26136	JHN 1:23	Ioanes ga balu diet ma ira nianga tano poropet Aisaia hoken: “Iau no ingana tikai i taatau maram ra hanua bia, ‘Gil hatakodasnei no ngaas tano Watong wara nuna hinanuat.’”
26146	JHN 1:33	Ma pa iau ga nas kilam baa bia ia a mon iakanong na hanuat. Senbia Kalou, nong ga tulei iau wara bapitaiso ma ra taah, gata tangai tar tagu hoken: ‘U na nas no Tanua na hansur ma na kis um tiga tunatuna. Io, iakanong a mon nong na bapitaiso ma no Halhaliana Tanua.’”
26357	JHN 6:31	Diet ga ien ra mana aram ra hanua bia. Ma no nianga tane Kalou di ga pakat ia i tangai mah hua. I tangai hoken: ‘Ga tabar diet ma ra beret maram ra mawai wara ienien.’”
26812	JHN 16:17	Aring ta ira nuna bulu na hausur diet ga hartiritiri ta diet bia, “Asa no kukuraina iakan ra sibaan i tangai ia bia dahina um ma pa dahat na nas ia, senbia namur dahina dahat na nas ia? Ma hoeh no kukuraina mah iakan ra sibaan ga tangai ia? Ga tangai hoken: ‘Kanong iau na haan uram ta Mama.’”
27472	ACT 13:41	‘Muat hadadei, muat ira tena harhus. Muat na ngala ma muat na hirua, kanong iau na gil tiga linga tano numuat pakana bung na nilon, ma ing bia da hasasei muat utana pa muat na nurnur at.’”
27478	ACT 13:47	Ma mamir gil hua kanong kaiken ira nianga ing Kalou ga tangai ta mamir: ‘Iau ta bul uga bia uga tiga lulunga uta diet ing pai Iudeia diet, bia u na hatahuat tar no harhalon gar ta Kalou ta ira sibaan bakut tano ula hanua.’”
27529	ACT 15:18	No Watong i tangai hua, ia nong ga hapalainei kaiken naluai sakit.’”
27729	ACT 20:35	Ta ira kaba linga iau ga gil, iau ga haminis ta muat bia dahat na harahut at ira maris ma ira mangana dadas na pinapalim hoken. Ma iau ga haminis mah ta muat bia dahat na lik lah ira nianga tano Watong Iesu at ing ga tangai hoken: ‘Nong i la harhartabar i manga daan baa ta nong di tabar ia ma ta linga.’”
27793	ACT 22:21	“Io, no Watong ga tangai tagu, ‘Haan, iau na tulei uga u helik, taar ta diet ing pai Iudeia diet.’”
27807	ACT 23:5	Io, Pol ga babalu bia, “Kaba tasigu, pa iau palai bia ia no tamat ta ira pris. Ing bia iau naga palai taar bia siga ia, pa iau gaar ianga hua kanong ira nianga ta Kalou di ga pakat i tangai bia, ‘Waak muat tangtangai hagawai no lualua ta ira numuat mataniabar.’”
27858	ACT 24:21	Diet tale bia diet na tangai sena mon kanin ra linga ing iau ga kakonganei ing iau ga tur taar ra matmataan ta diet. Iau ga tangai bia, ‘Iau ta tur taar ra warkurai ra matmataan ta muat katin kanong iau nurnur tano tamtaman tut balin ta ira minaat.’”
30073	HEB 3:11	Iau ga ngalngaluan hua iau gaam hasasalim bia, ‘Pa diet na sola tutun at tano nugu sinangeh.’”
30084	HEB 4:3	Ma sen dahat ing dahat ta nurnur, dahat ta sola ta iakano sinangeh hoing Kalou gata tangai tar hoken: “Iau ga ngalngaluan hua iau gaam hasasalim bia, ‘Pa diet na sola tutun at tano nugu sinangeh.’” Ga tangai hua senbia ira nuna pinapalim gata pataam um makaia tano hakhakisi tano ula hanua.
30207	HEB 10:7	Io, ma iau ga tangai bia, ‘Nugu God, iau um ken, wara gilgil haruatanei no num sinisip. Di ga pakat hokaiken utagu kaia ta ira num pakpakat.’”
31082	REV 18:20	Muat aram ra mawai, muat na guama uta kaikek i haan tupas ia. Muat ira gamgamatien na mataniabar tus ta Kalou ma muat ira apostolo ma muat ira poropet muat na guama. Kalou i ta kurei ia haruat ma ira nuna sakana pinapalim ga gil ta muat.’”
31095	REV 19:9	Io, ma no angelo ga tangai tagu bia, “U na pakat hoken: ‘Diet daan ing di siga diet wara hinanuat tano nian na pokomau tano Nat na Sipsip.’” Ma ga tangai mah bia, “Kaiken a tutun na nianga ta Kalou.”