23328	MAT 5:25	“ኔና ሞቲዳ ኔ ሞርኬይ ኔ ቦላ ፒርዲሶንታ ማላ፥ ፒርዲዛ ዳናይ ቃቺዛይሳስ ኔና ኣꬂ ኢሞንታ ማላ፥ ቃሾ ኬꬃን ኔ ዎꬎንታ ማላ ቡሮ ኦጌ ቦላ ዳሼ ኔ ሞርኬራ ኤሌላ ጊጋይቻ።
23348	MAT 5:45	ኢንቴ ሄሳꬆ ኦꬂኮ ኢንቴ ሳሎ ኣዋስ ናይታ ጊዳና። ኢዚ ኣዋ ኣርሼ ኢታታሲኔ ሎዖታስ ኢሲ ቦላ ጋꬂ ኢሜስ። ኢራካ ፂሎታሲኔ ናጋራንቻታስ ኢሲ ቦላ ቡኪሴስ።
23370	MAT 6:19	“ቢላይ ሚዛሶን ቡቂዲኔ ሺይዲ ሞሬቲዛሶን ካይሶይ ቦኪዲ ካይሳናስ ዳንዳዪዛሶን፥ ሃ ቢታ ቦላ ኢንቴስ ሚሼ ሺሾፍቴ።
23371	MAT 6:20	ጊዶ ኣቲን ቢላይ ማናስ፥ ቡቂዲ ዎይኮ ሺይዲ ሞሬቶንታሶን፥ ካይሶይ ቦኪ ኤካና ዳንዳዮንታሶን ሄን ሳሎን ኢንቴስ ሚሺ ሺሺቴ።
23379	MAT 6:28	“ቃሴ ማይዖ ጊሽ ኣዛስ ሂርጌቲ? ኣኔ ጮ ዴንባን ዲዛ ጪሻታ ፄሊቴ፤ ዳቡሬቴና ዎይኮ ሱቄቴና።
23388	MAT 7:3	ኔ ኣይፌን ዲዛ ጊታ ሚꬃ ቤዮንታ ዳሼ ኔ ኢሻ ኣይፌን ዲዛ ቄሪ ቡራ ኣዛስ ፄላይ?
23389	MAT 7:4	ኔ ኣይፌን ጊታ ሚꬂ ዲሺን ኔ ኢሻ ‘ኣኔ ታ ኔ ኣይፌፔ ቄሪ ቡራዮ ኬሳይስ’ ጋናስ ዋና ዳንዳያይ?
23390	MAT 7:5	ኔኖ ቆꬌፔ ቆሞን ሃኒዛይሶ ካሴታዳ ኔ ኣይፌን ዲዛ ጊታ ሚꬃ ኬሳይቻ። ሄሳፌ ካላዳ ኔ ኢሻ ኣይፌን ዲዛ ቡራ ኬሳናስ ሎዔꬃ ፄላንዳሳ።
23410	MAT 7:25	ዴፆ ኢራይ ቡኪን፤ ሃሮይካ ሃሮቲዴስ፤ ጫርኮይካ ጫርኪዴስ፤ ኬꬃካ ሱጊዴስ ሺን ዛላ ቦላ ኬፄቲዳ ጊሽ ኩንዲቤና።
23412	MAT 7:27	ዴፆ ኢራይ ቡኪን ሃሮይካ ሃሮቲዴስ፤ ጫርኮይካ ጫርኪዴስ፤ ሄ ኬꬃካ ሱጊዴስ፤ ኬꬃይካ ኢታ ኩንዴꬅ ኩንዲዴስ” ጊዴስ።
23428	MAT 8:14	ዬሱሲካ ቡሮ ጴፅሮሳ ኬꬄ ጌልሺን ጴፅሮሳ ቦሎቴያ ሚሾ ሃርጌ ሳኬታዳ ኢቺዳሮ ቤዪዴስ።
23511	MAT 10:25	ታማሬይ ባና ታማርሲዛይሳ ማላ ዎይኮ ኣሽካራይ ጎዳ ማላ ጊዲኮ ሄሲ ኢዛስ ጊዳና። ኬꬃ ኣዋ ‘ቢዔሊዜቡላ’ ጊኮ ሶ ኣሳ ኣይሲ ሄሳፌ ኢታ ጌቴኔ!
23541	MAT 11:13	ናቤቲካ ሙሴ ዎጋይካ ዉሪ ዮሃኒሳ ዎዴ ጋካናስ ቡሮፔ ሃናናይሳ ዮቲዳ።
23556	MAT 11:28	“ቶሆይ ዴፂዳይቶ፥ ዳቡሪዳይቶ ኢንቴ ዉሪካ ታኮ ሃ ዪቴ፤ ታካ ኢንቴስ ሼምፖ ኢማና።
23582	MAT 12:24	ጊዶ ኣቲን ፋርሳዌቲ ሄሳ ሲዪዳ ዎዴ “ሃይሲ ኣዴዚ ዳይዳንꬅ ኬሲዛይ ዳይዳንꬃ ሃላቃ ቢዔሊዜቡላ ዎልቃን ፃላ ጊዳናስ ቤሴስ” ጊዳ።
23585	MAT 12:27	ታኒ ቢዔሊዜቡላ ዎልቃን ኬሲዛ ጊዲኮ ኢንቴ ናይቲ ኣዛ ዎልቃን ኬሳኔ? ሄሳ ጊሽ ኢንቴ ናይቲ ኢንቴ ቦላ ፒርዳና።
23590	MAT 12:32	ኣይ ኣሲካ ኣሳ ና ቦላ ሃሳዪዛ ኢታ ቃላ ጊሽ ማሬታና ሺን፥ ፂሎ ኣያና ቦላ ሃሳዪዛ ኢታ ቃላይ ጊዲኮ ሃይሳ ሃ ዎዴን ጊዲን ዎይኮ ቡሮ ያና ዎዴን ጊዲን ማሮይ ዴና።
23601	MAT 12:43	“ቱና ኣያናይ ኣሳፔ ኬዚዲ ሼምፖ ዴማናስ ሃꬂ ባይንዳ ሜላ ቢታን ዳቡሬስ። ጊዶ ኣቲን ባ ኮዪዛ ሼምፖ ዴሜና።
23647	MAT 13:39	ሌሾዛ ዜሪዲ ቢዳ ሞርኬይ ዳቡሎሳ። ማፃ ዎዴይ ኣላሜ ዉርሴꬂ ጊዲሺን ማፂዛይቲ ፆሳ ኪታንቻታ።
23728	MAT 15:26	ኢዚካ ኢዚስ ዛሪዲ “ናይታ ካꬅ ኤኪዲ ካና ቡቱላታስ ዬጋናስ ቤሴና” ጊዴስ።
23729	MAT 15:27	ኢዛካ “ኤ ጎዶ፤ ቡታላቲካ ባ ጎዳ ማዳፔ ጋዴን ዎꬊዳ ካꬅ ማፂ ሜቴስ” ጋዱስ።
23734	MAT 15:32	ዬሱሲ ባና ካሊዛይታ ፄይጊዲ “ኣሳይ ታናራ ሄꬑ ጋላስ ጋምዒዳ ጊሺኔ ማና ካꬂ ባይንዳ ጊሽ ኣሳይ ታና ሚቼስ። ኦጌ ቦላን ጋፋን ዳቡሪዲ ኩንዶንታ ማላ ሜላ ኡሎራ ዬዳናስ ኮዪኬ” ጊዴስ።
23744	MAT 16:3	ዎንታ ቦላ ‘ሳሎይ ዴፂኮ ዴፂዴስ፤ ሃቺ ኢራይ ቡካና’ ጌታ፤ ሳሎ ሜꬋ ፄሊዲ ሻኪ ኤሬታ ሺን ታ ያና ዎዴ ማላታ ሻኪ ኤራናስ ዳንዳዬኬታ።
23753	MAT 16:12	ሃዒ ኢዚ ኢስታ ቆፊሲዛይ ቡኬሶ ዴንꬃናስ ጉጂዛ ኢርሾ ጊሽ ጊዶንታ ፋርሳዌታኔ ሳዱቃዌታ ቲሚርቴፌ ናጌታና ማላ ጊዲዳይሲ ኢስታስ ጌሊዴስ።
23774	MAT 17:5	ኢዚ ቡሮ ሃሳያን ዲሺን ፖዒዛ ሻራይ ኢስታ ካሚዴስ፤ ሻራ ጋꬃራ “ታኒ ኢዛን ኡፋዬቲዛ ታ ዶሲዛ ታ ናይ ሃይሳ፤ ኢዚ ጊዛዝ ሲዪቴ” ጊዛ ቃላ ጊሪስ ሲዬቲዴስ።
23859	MAT 19:28	ዬሱሲካ ኢስታስ “ታ ኢንቴስ ቱሙ ጋይስ፤ ኣሳ ናይ ቡሮ ያና ኦራꬃ ኣላሜን ባ ቦንቾ ኣልጋ ቦላ ኡቲዛ ዎዴ ኢንቴ ታና ካሊዳይቲ ታማኔ ናምዑ ኣልጋ ቦላ ኡቲዲ ታማኔ ናምዑ ኢስራዔሌ ናይታ ቦላ ፒርዳና።
24002	MAT 23:15	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ቃሴካ ፋርሳዌቶ! ኢሲ ኣስ ኣይሁዳ ኣማኖን ጌልꬃናስ ኣባ ቦላራኔ ቢታ ቦላራ ዩዪ ዳቡርዲኔ ኣማንꬂዳ ኣሳ ኢንቴፌ ናምዑ ኩሼ ኣꬂዲ ጋናሜ ና ኢንቴ ኬሲዛ ጊሽ ኢንቴና ኣዬ-ኣና!
24031	MAT 24:5	ቡሮ ዳሮቲ ‘ታ ኪርስቶሳ’ ጊሼ ታ ሱንꬃን ያና፤ ዳሮታካ ባሌꬃና።
24032	MAT 24:6	ኦላኔ ኦላ ጊሽ ሃሳዬቲዛ ዎሬ ኢንቴ ሲያና። ሃ ዮዖቲ ዉሪካ ዎልቃራ ፖሌታና ሺን ዉርሴꬂ ቡሮ ጊዲዳ ጊሽ ኢንቴ ሃይሳን ዳጋሞንታ ማላ ናጌቲቴ።
24050	MAT 24:24	ዎርዶ ኪርስቶሳኔ ዎርዶ ናቤቲ ቡሮ ዴንዲዲ ኢስታስ ዳንዳዬቲኮ ዶሬቲዳይታ ባሌꬃናስ ጊዲ ዎልቃማ ማላታታኔ ካሴ ኦሴቲ ኤሮንታ ሚሽ ኦꬃና።
24087	MAT 25:10	ኢስቲ ላምባ ሻማና ቢ ኪቺን ሚሺራዚ ጋኪ ዎꬊዴስ። ካሴ ጊጌቲ ኡቲዳ ጌላዖቲ ቡላቻሶ ኢዛራ ጌሊዳ፤ ካሬይካ ጎርዴቲዴስ።
24118	MAT 25:41	“ቃሴካ ሃዲርሳ ባጋራ ዲዛይታስ፤ ‘ኢንቴኖ ቃንጌቲዳይቶ! ታፔ ሻኬቲዲ ዳቡሎሳሲኔ ኢዛ ኪታንቻታስ ጊጌቲዳ ሜርና ታማን ቢቴ ጋና።
24164	MAT 26:41	ፓጬን ኢንቴ ጌሎንታ ማላ ሚኒዲ ዎሲቴ፤ ኣያናይ ጊጌቲዴስ ሺን ኣሾይ ጊዲኮ ዳቡራንቻ” ጊዴስ።
24222	MAT 27:24	ጲላፆሲ ሃኒዛይሲ ዉሪካ ኣሳይ ባ ጊዶን ቡልዓኬቴꬃፌ ኣቲን ሃራ ኣይ ጎዓይ ባይንዳይሳ ዩሺ ፄሊዲ “ሃይሳ ኣዴዛ ሱꬃ ጎሜፔ ታ ጌሻ፤ ሃይሳፌ ጉዬ ኢንቴ ሼኔ” ጊዲ ሃꬂ ኤሂሲዲ ዴሬዛ ሲንꬃን ባ ኩሼ ሜጬቲዴስ።
24265	MAT 28:1	ሳምባታይ ኣꬊዳፔ ጉዬ ሳሚንታፔ ኮይሮ ጋላስ ቡሮ ሳሎይ ዞዒሺን ማግዳሌ ማራማኔ ሃራ ማራማ ዱፎዛ ቤያና ቢዳ።
24275	MAT 28:11	ማጫሳቲ ቡሮ ኦጌ ቦላ ዲሺን ናጊዛይታፔ ጉꬃ ባጋቲ ካታማ ቢዲ ሃኒዳይሳ ዉርሲ ቄሴታ ሃላቃታስ ዮቲዳ።
24379	MRK 3:22	ዬሩሳላሜፔ ዪዳ ፃፌቲካ “ቢዔሊዜቡላ ጌቴቲዛ ዳይዳንꬃታ ሃላቃይ ኢዛ ቦላ ዴስ። ኢዚ ዳይዳንꬃታ ኬሲዛይ ዳይዳንꬃታ ሃላቃ ዎልቃንኮ!” ጊዳ።
24459	MRK 5:26	ኢዛ ባሲ ዲዛ ሚሽ ዉርሳ ኦንጋና ጋካናስ ኣኪሜፔ ኣኪሜ ላሞን ዳሮ ዳቡራዱስ። ጊዶ ኣቲን ሳኮይ ኢዚስ ጌዴ ዳሪዴስ ኣቲን ኣይኮካ ሎዒቤና።
24468	MRK 5:35	ዬሱሲ ቡሮ ሃሳያን ዲሺን ኣይሁዳታ ዎሳ ኬꬄ ሃላቃ ኢያዒሮሳ ሶፔ ዪዲ ኢያዒሮሳስ “ኔ ናያ ሃይቃዱስ፥ ጎዳ ሜላ ኣዛስ ዳቡሪሳይ?” ጊዳ።
24532	MRK 6:56	ኢዚ ጋኪዳ ጉታን ዎይኮ ካታማ ጊዶን ዎይኮ ዴሬ ጊዶን ጊዲን ሃርጋንቻቲ ኢዚ ኣꬊሺን ኢዛ ዎሲዲኔ ኢዛ ማይዖ ቦቺዲ ፓፃና ማላ ሺሺ ሺሺ ዱቡሻይ ዲዛሶን ዎꬂዳ። ኢዚ ኣꬊ ቢሺን ኢዛ ማይዖ ቦቺዳይቲ ዉሪ ፓፂዳ።
24572	MRK 8:3	ኢስታፌ ኢሲ ኢሲ ኣሳቲ ሃሆፔ ዪዳ ጊሽ ሃይሳ ጋፋራ ታ ኢስታ ሶ ዬዲኮ ዳቡሪዲ ኦጌ ቦላ ኩንዳና” ጊዴስ።
24632	MRK 9:25	ኣሳይ ዎጫሚሼ ቡሬቲ ኤኪዲ ኢዛኮ ዪዛይሳ ዬሱሲ ቤዪዲ “ሃይሶ ቱሌኔ ዱዴ ኣያናዞ! ሃይሳ ናዛፔ ኬዛ፥ ኔ ቃሴ ሲማዳ ጌሎንታ ማላ ታ ኔና ኣዛዛይስ” ጊዲ ቱና ኣያና ሴሪዴስ።
24656	MRK 9:49	“ቡሮ ኣሲ ዉሪ ታማን ፓጬታና።
24674	MRK 10:17	ሄፔ ቡሮ ኦጌ ኬዚሺን ኢሳዴይ ዎፂሼ ኢዛኮ ጋኪዲኔ ኢዛ ሲንꬃን ጉልባቲዲ “ኪያ ኣስታማሬንቶ! ታኒ ሜርና ዴዖ ዴማና ማላ ኣይ ኦꬃና ታስ ቤሲዜ?” ጊ ኦይቺዴስ።
24687	MRK 10:30	ሃይሳ ሃ ዎዴዛን ሃዒ ጎዴቴꬃራ ኬꬃታ፥ ኢሻታ፥ ሚቼታ፥ ኣዬታ፥ ናይታኔ ጋዴካ ፄቱ ኩሼ ኣꬂ ኤኮንታይኔ ቡሮ ያና ኣላሜዛንካ ሜርና ዴዖ ላቶንታዴይ ዴና።
24689	MRK 10:32	ኢስቲ ዬሩሳላሜ ኤፊዛ ኦጌ ቦላ ዲሺን ዬሱሲ ኢስታፌ ሲንꬄ ሲንꬄ ቤስ። ኢዛ ካሊዛይቲ ኢዛ ቡሳን ማላሌቲዳ። ሃንኮ ኢዛ ጌዶን ዲዛ ኣሳይ ቃስ ኢዛስ ባቢዴስ። ቃሴካ ታማኔ ናምዓታ ዴሬዛፔ ዱማ ሻኪዲ ባ ቦላ ኣዚ ጋካናኮኔ ኢስታስ ሂዝጊ ዮቲዴስ፤
24792	MRK 13:6	ቡሮ ዳሮቲ ‘ታ ኪርስቶሳ’ ጊሼ ታ ሱንꬃን ያና፤ ዳሮታካ ባሌꬃና።
24793	MRK 13:7	ኢንቴ ኦላኔ ኦላ ዎሬ ሲዪዛ ዎዴ ዳጋሞፍቴ። ሄሲ ሃናናይሲ ኣቴና። ዉርሴꬂ ጊዲኮ ቡሮና።
24795	MRK 13:9	“ኢንቴ ኢንቴስ ናጌቲቴ። ቡሮ ኢንቴና ዴሬ ዱላታን ኣꬂ ኢማና። ኢስቲ ኢንቴና ኣይሁዳታ ዎሳ ኬꬃን ጋራፋና። ኢንቴ ታ ማርካታ ጊዳና ማላ ታ ጊሽ ዴሬ ዳናታ ሲንꬃኒኔ ካዎታ ሲንꬃን ኤቃና።
24808	MRK 13:22	ዎርዶ ኪርስቶሳቲኔ ዎርዶ ናቤቲ ቡሮ ዴንዲዲ ማላታታኔ ካሴ ሃኒ ኤሮንታ ፓላ ሚሽ ኦꬃና። ኢስታስ ዳንዳዬቲኮ ሃራይ ኣቶ ሺን ዶሬቲዳይታካ ባሌꬃና።
24861	MRK 14:38	ኢንቴ ፓጬን ጌሎንታ ማላ ቤጊዲ ዎሲቴኔ ሚኒቴ። ኣያናይ ጊጌቲ ኡቲዴስ ሺን ኣሾይ ጊዲኮ ዳቡራንቻ” ጊዴስ።
24866	MRK 14:43	ዬሱሲ ቡሮ ሃሳያን ዲሺን ታማኔ ናምዓታፔ ኢሶይ ዩሁዳይ ዪዴስ። ኢዛራ ኢሲፌ ቄሴ ሃላቃታፔኔ ሙሴ ዎጋ ታማርሲዛይታፔ ኪቴቲዳ ዳሮ ኣሳይ ጊꬃ ማሻኔ ዱርቃ ኦይኪዲ ዪዴስ።
24944	MRK 16:2	ሳሚንታፌ ኮይሮ ጋላስ ማላዶ ዎንታራ ቡሮ ኣዋ ኣርሼይ ኬዚዳ ማላ ዬሱሳ ዱፎኮ ቡሮ ቢሺን፥
24977	LUK 1:15	ጎዳ ሲንꬃን ኢዚ ጊታ ጊዳና። ዎይኔፔ ኦሴቲዳ ጫጄ ጊዲንካ ሃራ ማꬆሲዛ ኡሻ ጊዲንካ ኢዚ ኡዬና፤ ኢዚ ቡሮ ባ ኣዬይ ቃንꬃን ዲሼ ፂሎ ኣያናን ኩማና።
25099	LUK 3:5	ሾባ ቢታይ ዉሪ ኩማና፤ ዙማቲኔ ዙምቡላቲ ዉሪ ዚቂ ጋና፤ ጌላ ኦጌይ ሲቲ ጋና፤ ሞሬቲዳ ኦጌይ ሎዖ ጊዳና።
25181	LUK 5:5	ሲሞናይ ዬሱሳስ ዛሪዲ “ጎዶ! ቃማ ኩሜꬅ ዳቡሪ ኣቂዲ ኢሲኖካ ኦይኪቦኮ፤ ጊዶ ኣቲን ኔ ቃላን ጊቴዛ ዬጋና” ጊዴስ።
25256	LUK 6:41	“ኔ ኣይፌ ጊዶን ዲዛ ቱሳ ፄሎንታ ዳሼ ኔ ኢሻ ኣይፌ ጊዶን ዲዛ ቡራ ኣይስ ፄላይ?
25257	LUK 6:42	ኔ ኣይፌን ዲዛ ቱሳ ቤዮንታ ኔ ኢሻ ‘ታኒ ኔ ኣይፌን ዲዛ ቡራ ኣኔ ኬሳይስ ጋናስ ዎስታ ዳንዳያይ?’ ኔኖ ቆꬌፔ ቆሞን ሃንዛይሶ ኮይሮታዳ ኔ ኣይፌን ዲዛ ቱሳ ኬሳ፤ ሄሳፌ ጉዬ ኔ ኢሻ ኣይፌን ዲዛ ቡራ ኬሳናስ ሎዔꬃ ፄላንዳሳ።
25270	LUK 7:6	ዬሱሲካ ኢስታራ ቢዴስ። ዬሱሲ ኣዴዛ ኬꬃኮ ማቲዛ ዎዴ ኣዴዚ ባ ላጌታ ዬሱሳኮ ዬዲዲ “ጎዶ! ኔ ታ ኬꬄ ጌላናስ ቤሴና፤ ታካ ኔና ታ ኬꬄ ጌልꬃናስ ቤሲዛ ኣሲ ጊዶንታ ጊሽ ሃ ያሼ ዳቡሮፓ።
25356	LUK 8:42	ኢዚ ሄሳꬆ ኦይቺዳይ ኢዛስ ታማኔ ናምዑ ላይꬅ ኩሚዳ ኢሲ ማጫ ናይ ሳኬታዳ ሼምፖ ቦላ ዲዛ ጊሻሳ። ኢዚ ሄ ቡሳን ዲሺን ዴሬይ ዳሪዲ ባ ጊዶን ሱጌቲዲ ኢዛ ኬሂ ኡንዒሲዴስ።
25363	LUK 8:49	ዬሱሲ ቡሮ ማጫሳይስ ሃሳያ ቦላ ዲሺን ኣይሁዳ ዎሳ ኬꬄ ሃላቃ ኢያዒሮሳ ኬꬃፌ ኢሲ ኣሲ ኢያዒሮሳስ “ኔ ናያ ሃይቃዱስ፤ ሄሳ ጊሽ ሃይሳፌ ጉዬ ኣስታማሬዛ ሜላ ዳቡርሶፋ!” ጊዴስ።
25442	LUK 10:10	ጊዶ ኣቲን ኢንቴ ቢዲ ኢሲ ካታማ ጌሊሺን ሄ ካታማ ኣሳይ ኢንቴና ሞኪ ኤኮንታ ኢፂኮ ሄ ካታማ ኣሳይ ሺቂዛ ዱቡሻ ኬዚዲ፤
25472	LUK 10:40	ጊዶ ኣቲን ማርታይ ኦሶ ዳሮፔ ዴንዲዳይሳን ዳቡራዳ ዬሱሳኮ ሺቃዳ “ጎዶ! ታ ሚቺያ ኦሶ ዉርሳ ታ ቦላ ኣጋዳ ኡቲሺን ኔኒ ጮዑ ጋይ? ኢዛ ታና ማዳና ማላ ኢዚስ ዮታ ኣቲን” ጋዱስ።
25489	LUK 11:15	ጊዶ ኣቲን ኢሲ ኢሲ ኣሳቲ “ቢዔሊዜቡላ ጌቴቲዛ ዳይዳንꬃታ ሃላቃን ዳይዳንꬃታ ኬሴስ” ጊዳ።
25492	LUK 11:18	ኢንቴ ታና ‘ቢዔሊዜቡላን ዳይዳንꬃታ ኬሴስ’ ጊዲ ሃሳዬታ ሺን ፃላዔይካ ባ ጊዶን ኢሶይ ኢሳፌ ሻኬቲኮ ኢዛ ካዎቴꬂ ዋኒ ሚናኔ?
25493	LUK 11:19	ሂስቲኮ ታኒ ዳይዳንꬃታ ቢዔሊዜቡላ ኬሲኮ ኢንቴ ናይቲ ኦናን ኬሳንዴቶ? ሄሳ ጊሽ ኢንቴ ናይቲ ኢንቴ ቦላ ፒርዲዛይታ ጊዳና።
25564	LUK 12:36	ኢስታ ጎዳይ ቡላቻ ዲጊሳፔ ሲሚዲ ያናሼ ናጌቲዛይታኔ ኢዚ ዪዲ ፔንጌ ቆፂሺን ኤሌ ዶያናስ ጊጊ ኡቲዳ ኣሳታ ሚሳቲቴ።
25573	LUK 12:45	ጊዶ ኣቲን ‘ኢዛዴይ ታ ጎዳይ ኤሌ ዬና ጋምዓና’ ጊዲ ቆፒዲ ኣዴ ኣሽካራታኔ ማጫ ኣሽካራታ ቡኪኮ፥ ቃሴካ ኮይዳ ማላ ሚዲኔ ኡዪዲ ማꬆቲኮ፥
25586	LUK 12:58	“ኔ ሞርኬራ ዳና ሲንꬃን ኤቃና ቢሺን ቡሮ ኦጌ ቦላን ዳሼ ኢዛራ ጊጋና ኦጌ ኮያ፤ ኔ ሂስቶንታ ኣጊኮ ኢዚ ኔና ጎቺዲ ዳና ሲንꬅ ኤፋና፤ ዳናይካ ኔና ኣꬂዲ ሃላቃስ ኢማና፤ ሃላቃይካ ኔና ዎይኔን ዬጋና።
25613	LUK 13:26	“ኢንቴኒካ ኢዛስ ዛሪዲ ‘ኑኒ ኔናራ ኢሲፌ ሚዶሲኔ ኢሲፌ ኡዪዶስ፤ ኑ ዱቡሻን ኑና ኔ ታማርሳዳሳ’ ጋና።
25619	LUK 13:32	ዬሱሲ ኢስታስ “ታኒ ቡሮ ‘ሃቺኔ ዎንቶ ዳይዳንꬃታ ኣሳፔ ኬሳና፤ ሃርጊዛይታካ ፓꬃና፤ ሄꬓንꬆ ጋላስ ታ ቆፋሶ ታ ጋꬃና’ ጊዴስ ጊዲ ሄ ዎርካናስ ዮቲቴ።
25620	LUK 13:33	ጊዶ ኣቲን ናቤይ ዬሩሳላሜፔ ካሬን ሃይቃናስ ቤሶንታ ጊሽ ሃቺኔ ዎንቶ ዎንቶፔይንካ ታ ሲንꬄ ቡስ ጉጃና።
25642	LUK 14:20	“ቃሴ ሃራ ኢሳዴይካ ‘ታኒ ቡሮ ሚሺራቴꬃን ዳይስ፤ ባናስ ዳንዳይኬ’ ጊዴስ።
25654	LUK 14:32	ኦላ ዛራናስ ዳንዳዬቶንታ ሚሳቲዲ ቤቲኮ ቡሮ ሃሆን ዲሺን ማቃይናናስ ጋና ዬዴስ።
25677	LUK 15:20	ሄሳ ጊሽ ዴንዲዲ ባ ኣዋኮ ቢዴስ። ጊዶ ኣቲን ቡሮ ኢዚ ሃሆራ ዪሺን ኣዋይ ቤዪዲ ሚሼቲዲኔ ኢዛኮ ዎፂ ቢዲ ኢዲሚ ኦይኪዲ ዬሪዴስ።
25701	LUK 16:12	ኣሳ ሚሻን ኢንቴ ኣማኔቶንታ ኢፂኮ ኢንቴስ ቡዞ ጊዳና ሚሽ ኦኒ ኢማኔ?
25734	LUK 17:14	ኢዚካ ኢስታ ቤዪዲ “ቢቴ! ኢንቴና ቄሴታስ ቤሲቴ” ጊዴስ። ኢስቲካ ቡሮ ቢሼ ኦጌ ቦላ ፓፂዳ።
25749	LUK 17:29	ጊዶ ኣቲን ሎፄይ ሶዶሜፔ ኬዚዳ ጋላስ ሹቺኔ ሚꬅ ቆሮንታ ዲኔ ታማይ ሳሎፔ ቡኪዲ ዉርሲ ꬋይሲዴስ።
25762	LUK 18:5	ሃና ኣምዔ ማጫሳያ ታና ዋይሲዛ ጊሽ ታ ኢዚስ ፒርዳና’ ሄሳ ሂስቶንታ ኣጊኮ ኡባ ዎዴ ሲሜሬታዳ ኢዛ ታና ዳቡርሳና” ጊዴስ።
25883	LUK 20:35	ቡሮ ያና ኣላሜን ሃይቂዳይታ ዴንꬃ ዴማናስ ቤሲዛይቲ ጊዲኮ ጌሌቴናኔ ኤኬቴና።
25921	LUK 21:26	ሳሎ ዎልቃማቲ ቃፂዛ ጊሽ ኣሳይ ቢታ ቦላ ኣዜ ሃናኔሻ ጉሳኒኔ ናጎን ፃላ ዳቡራና።
25929	LUK 21:34	“ሂስቲኮ ዎጋይ ባይንዳ ዱሳን፥ ዳሮ ኡሻኒኔ ዱሳስ ሂርጋን ኢንቴ ዎዝናይ ዳቡሮፖ፤ ሄሳ ኦꬆንታ ኢፂኮ ሄ ጋላሳይ ኢንቴ ቆፖንታ ናርፃ ማላ ኢንቴ ቦላ ጋኮንታ ማላ ናጌቲቴ።
25931	LUK 21:36	ሄሳ ጊሽ ቡሮ ያናይሳፌ ኢንቴ ኬሲ ኤካና ማላኔ ኣሳ ና ሲንꬃን ኤቃናስ ዳንዳያና ማላ ኡባ ጋላስ ሚኒዲ ዎሲቴ” ጊዴስ።
25980	LUK 22:47	ኢዚ ቡሮ ሃሳያን ዲሺን ዬሱሳ ካሊዛይታፔ ኢሶይ ዩሁዳ ጌቴቲዛይሲ ባናራ ዳሮ ኣሳ ካሌꬂ ኤኪ ዪዲ ዬሱሳ ዬራናስ ኢዛኮ ሺቂዴስ።
25982	LUK 22:49	ዬሱሳ ዩዪ ኣꬊ ዲዛ ኣሳይ ሃኖዛ ሎዔꬂ ፄሊዲ “ጎዶ! ሃይታንታ ማሻራ ቡꬂኖ?” ጊዳ።
26101	LUK 24:41	ኢስቲካ ኡፋይሳ ዳሮፔኔ ማላሌቴꬃፌ ዴንዲዳይሳን ቡሮ ኣማኖንታ ዲሺን ዬሱሲ ‘ሄሳን ኣይኮ ሚዛዚ ዲዜ?” ጊዲ ኢስታ ኦይቺዴስ።
26138	JHN 1:25	ሄሳ ጊሽ “ኔ ፆሲ ኪቲዳዴ ዎይኮ ቡሮ ያና ጌቴቲዳ ናቤይ ኔና ጊዶንታ ጊዲኮ ሂስቲን ኣዛስ ኑና ፃማቃይ?” ጊዲ ኢዛ ኦይቺዳ።
26158	JHN 1:45	ፒሊጶሲ ናቲናዔሌ ዴሚዲ “ሙሴይ ዎጋ ማፃፋን ቃሴ ናቤቲካ ቡሮፔ ሃናናይሳ ዮቲዛ ባ ማፃፋታን ኢዛ ጊሽ ፃፊዳ ኣዴዛ ኑ ዴሚዶስ። ኢዚካ ዮሴፌ ና ናዚሬቴ ዬሱሳኮ!” ጊዴስ።
26163	JHN 1:50	ዬሱሲካ ኢዛስ “ኔ ኣማኒዳይ፤ ታ ኔና ‘ባላሴ ሚꬃ ጋርሳን ቤያዲስ’ ጊዳ ጊሼ? ኔ ቡሮ ሄሳፌ ኣꬊዛ ዳሮ ሚሽ ቤያና።
26164	JHN 1:51	ጉጂዲካ ታ ኢንቴስ ቱሙ ጋይስ፤ ቡሮ ሳሎይ ዶዬቲን ፆሳ ኪታንቻቲ ኣሳ ና ቦላ ዎꬊሺኒኔ ኬዚሺን ኢንቴ ቤያና” ጊዴስ።
26213	JHN 3:24	ሄሳ ዎዴ ዮሃኒሲ ቡሮ ቃሾ ኬꬄ ጌሊቤና።
26231	JHN 4:6	ሄንካ ያቆቤ ሃꬃ ኦላይ ዴስ። ዬሱሲ ኦጌ ሃሙቲ ዳቡሪዳ ጊሽ ሄ ኦላይ ኣቻን ኡቲዴስ። ዎዴይካ ጋላሳፌ ኡሱፑን ሳቴ ማላ።
26248	JHN 4:23	ጊዶ ኣቲን ቱሙ ጎይኒዛይቲ ፆሳ ኣዋስ ኣያናኒኔ ቱማን ጎይኒዛ ዎዴይ ቡሮ ያና። ሃራይ ኣቶሺን ሃዒካ ዪዴስ። ፆሳ ኣዋይካ ኮዪዛይ ሄሳ ማላ ጎይኒዛይታ።
26260	JHN 4:35	ኢንቴ ቃስ ‘ካꬃ ማፃይ ጋካናስ ቡሮ ኦይዱ ኣጊናይ ኣቲዴስ’ ጌታ ጊዴኬቲ? ቃስ ታ ጊዲኮ ኢንቴና ‘ꬎቁ ጊዲ ካꬃይ ማፃ ጋኪዳይሳ ፄሊቴ’ ጋይስ።
26263	JHN 4:38	ታ ኢንቴና ኢንቴ ዳቡሮንታይሳ ማፃና ማላ ዬዳዲስ። ሃራቲ ኦሶን ዳቡሪዳ። ጊዶ ኣቲን ኢንቴ ኢስታ ዳቡርሳን ጎዔቲዴታ” ጊዴስ።
26286	JHN 5:7	ሃርጋንቻዚካ ዛሪዲ “ጎዶ! ሃꬃይ ቃፄቲዛ ዎዴ ታና ሃꬃን ጌልꬂዛ ኣሲ ዴና፤ ታ ቡሮ ባና ጊሺን ሃራይ ታፔ ካሴቲ ሃꬃን ጌሌስ” ጊዴስ