23215	MAT 1:2	ኣብራሃሜይ ዪሳቃ ዬሊዴስ፤ ዪሳቂ ያቆቤ ዬሊዴስ፤ ያቆቤይ ዩሁዳኔ ኢዛ ኢሻታ ዬሊዴስ፤
23217	MAT 1:4	ኣራሜይ ኣሚናዳቤ ዬሊዴስ፤ ኣሚናዳቤይ ኔዓሶኔ ዬሊዴስ፤ ኔዓሶኔይ ሳሎሞኔ ዬሊዴስ፤
23218	MAT 1:5	ሳሎሞንካ ቦዔዜ ኤራዓቢፔ ዬሊዴስ፤ ቦዔዜይ ኡሩቲፔ ኢዮቤዴ ዬሊዴስ፤ ኢዮቤዴይ ኢሴዬ ዬሊዴስ፤
23225	MAT 1:12	ባቢሎኔ ዲዖፔ ጉዬ ኢኮኛኔይ ሳላቲያሌ ዬሊዴስ፤ ሳላቲያሌይካ ዜሩባቤሌ ዬሊዴስ፤
23226	MAT 1:13	ዜሩባቤሌይ ኣቢዮዴ ዬሊዴስ፤ ኣቢዮዴይ ኤሊያቄሜ ዬሊዴስ፤ ኤሊያቄሜይ ኣዛሬ ዬሊዴስ፤
23228	MAT 1:15	ኤሊዮዴይ ኣላዛሬ ዬሊዴስ፤ ኣላዛሬይ ማታኔ ዬሊዴስ፤ ማታኔይ ያቆቤ ዬሊዴስ፤
23229	MAT 1:16	ያቆቤይካ ኪርስቶሳ ጌቴቲዳይሳ ዬሱሳ ዬሊዳ ማራሞ ኤካና ጊጊሲዳ ዮሴፌ ዬሊዴስ።
23231	MAT 1:18	ዬሱስ ኪርስቶሳ ዬሌቴꬃ ታሪኬይ ሃይሳፌ ካሊ ዲዛይሳ፤ ኢዛ ኣያ ማራማ ዮሴፌስ ጊጌታ ዲሺን ኢዚ ኢዚራ ጋይቶንታ ፂሎ ኣያናን ቃንꬃታዳ ቤታዱስ።
23235	MAT 1:22	ጎዳይ ናቤ ኢሳያሳ ዱናን “ሄኮ! ጌላዖይ ቃንꬃታና፤ ኣቱማ ናካ ዬላና፤ ናዛ ሱንꬃይካ ኣማኑዔላ ጌቴታና፤ ሄሳ ቢርሼꬂካ ‘ፆሲ ኑናራ ዴስ’ ጌቴቲዲ ፃፌቲዳይሲ ፖሌታና ማላ ሃይሲ ዉሪካ ሃኒዴስ” ጊዴስ።
23237	MAT 1:24	ዮሴፌይካ ꬊስኮፌ ቤጊዲ ጎዳ ኪታንቻይ ኢዛ ኣዛዚዳ ማላ ማራሞ ባሶ ኤፊዴስ።
23238	MAT 1:25	ጊዶ ኣቲን ባዳ ኢዛ ኮይሮ ናዛ ዬላና ጋካናስ ኢዞ ኤኪቤና። ዬሌቲዳ ጉꬃ ናዛ ሱንꬃ “ዬሱሳ” ጊዴስ።
23239	MAT 2:1	ካዎ ሄርዶሳ ዎዴ ዬሱሲ ቤቴሌሜ ዩሁዳን ዬሌቲዳፔ ጉዬ ኣዋ ኣርሼይ ሞኪዛ ባጋፌ ኤራንቻቲ ዬሩሳላሜ ዪዲ
23240	MAT 2:2	“ዬሌቲዳ ኣይሁዳ ካዎይ ኣዋን ዲዜ? ኣዋ ኣርሼይ ሞኪዛ ባጋራ ኢዛ ፆሊንቴዛ ቤዪዲ ኢዛስ ጎይናና ዪዶስ” ጊዲ ኦይቺዳ።
23243	MAT 2:5	ኢስቲካ ኢዛስ “ናቤይ ‘ዩሁዳ ቢታን ዲዛሬ ሃኔ ቤቴሌሜ! ታ ዴሬ ኢስራዔሌ ናጊዛዴይ ኔፔ ኬዛና ጊሽ ሃንኮ ዩሁዳ ሃሪዛይታፔ ኣዛንካ ጉፃካ’ ጊዲ ፃፊዳ ጊሽ ኢዚ ቤቴሌሜ ዩሁዳን ዬሌታና” ጊዲ ዮቲዳ።
23245	MAT 2:7	ሄሳፌ ጉዬ ሄርዶሲ ሄ ኤራንቻታ ጌማራ ፄይጊሲዲኔ ኢስታ ሃሳይሲዲ ፆሊንቴዚ ኢስታስ ቤቲዳ ዎዴዮ ሻኪ ኤሪዴስ።
23246	MAT 2:8	ኤራንቻታ ቤቴሌሜ ዬዲዲ “ቢዲ ጉꬃ ናዛ ኮዪቴ፥ ታካ ባዳ ኢዛስ ጎይናና ማላ ዴሚዳ ማላ ሃ ታኮ ሲሚዲ ኢዚ ኣዋን ዲዛኮን ታስ ዮቲቴ” ጊዴስ።
23247	MAT 2:9	ኤራንቻቲካ ካዎይ ኢስታስ ጊዳይሳ ሲዪዳፔ ጉዬ ሲሚ ቢዳ፤ ኣዋ ኣርሼይ ሞኪዛ ባጋራ ኢስታስ ቤቲዳ ፆሊንቴይ ኢስታ ካሌꬂዲ ጉꬃ ናዚ ዲዛሶ ጋꬂዴስ።
23248	MAT 2:10	ኢስቲ ፆሊንቴዛ ቤዪዳ ዎዴ ዳሮ ኡፋዬቲዳ።
23249	MAT 2:11	ኬꬄ ጌሊዲ ጉꬃ ናዛ ኢዛ ኣዮ ማራሚራ ዴሚዲኔ ጉልባቲዲ ኢዛስ ጎይኒዳ፤ ባ ሳፂኔ ሳፂኔ ዶይዲ ዎርቃ፥ ኤፃኔኔ ካርቤ ጊዛ ሚሽ ኢዛስ ኢሚዳ።
23251	MAT 2:13	ኤራንቻቲ ቢዳፔ ጉዬ ጎዳ ኪታንቻይ ዮሴፌስ ኣጉሞራ ቤቲዲ “ሄርዶሲ ጉꬃ ናዛ ዎꬋና ኮዪዛ ጊሽ ኔ ሲማና ዎዴ ታ ኔና ኤሪሳና ጋካናስ ዴንዳዳ ጉꬃ ናዛ ኣዬይራ ኤካዳ ዱጌ ጊብፄ ቢታ ባቃታዳ ሄን ዳሻ” ጊዴስ።
23253	MAT 2:15	ሄርዶሲ ሃይቃና ጋካናስ ሄን ዴዒዴስ። ሄሳንካ “ታ ናዛ ታ ጊብፄ ቢታፌ ፄይጋዲስ” ጊዲ ጎዳይ ካሴ ናቤ ዱናን ሃሳዪዳይሲ ፖሌቲዴስ።
23254	MAT 2:16	ኤራንቻቲ ኢዛ ባሌꬂዳይሳ ኤሪዳ ዎዴ ሄርዶሲ ኬሂ ሃንቄቲዴስ። ኤራንቻቲ ኢዛስ ካሴ ዮቲዳ ማላ ባ ኣስ ኪቲዲ ናምዑ ላይꬃኔ ናምዑ ላይꬅ ኩሞንታይታ ቤቴሌሜኒኔ ቤታሌሜ ዩሾን ዲዛ ጉꬃ ኣቱማ ናይታ ኡባ ዎꬊሲዴስ።
23255	MAT 2:17	ሄሳን “ዬሆይኔ ጊታ ዋሶ ጊሪሳይ ኤራማን ሲዬቲዴስ፤ ኢራዔላ ባ ናይታስ ዬካዱስ፤ ናይቲ ዉሪ ዉሪዳ ጊሽ ሚናናስ ዳንዳዮንታ ኢፃዱስ” ጌቴቲዲ ናቤ ኤርማሳን ዮቴቲዳይስ ፖሌቲዴስ።
23257	MAT 2:19	ሄርዶሲ ሃይቂዳፔ ጉዬ ጎዳ ኪታንቻይ ኣጉሞራ ዮሴፌስ ጊብፄ ቢታን ቤቲዲ፥
23261	MAT 2:23	ናዚሬቴ ጌቴቲዛ ካታማዮ ቢዲ ሄን ዱስ ኦይኪዴስ። ሄሳንካ ካሴ ናቤታን “ናዚሬቴ ኣስ ጌቴታና” ጌቴቲዲ ካሴቲዲ ሲንꬃፌስ ሃሳዬቲዳይሲ ኩሚዴስ።
23264	MAT 3:3	“ጎዳ ኦጌ ኦꬂቴ፥ ዎጋ ኦጌዛካ ሎዔꬂቴ ጊሼ ባዞ ቢታን ዋሲዛ ቃላ” ጌቴቲዲ ካሴ ናቤ ኢሳያሳን ዮቴቲዳይሲ ዮሃኒሳ ጊሻሳ።
23268	MAT 3:7	ዳሮ ፋርሳዌቲኔ ሳዱቃዌቲ ኢዚ ፃማቂዛሶ ዪሺን ቤዪዲ ዮሃኒሲ “ኢንቴኖ ሾሻቶ! ኢንቴ ሲንꬃራ ዲዛ ሃንቆፌ ኣታና ማላ ኢንቴና ኦኒ ቤሲዴ?
23269	MAT 3:8	ኢንቴ ኢንቴ ናጋራፔ ሲሚዳይሳ ቤሲዛ ኦሶ ኦꬂቴ።
23272	MAT 3:11	ታኒ ማሮቴꬃስ ሃꬃን ፃማቃይስ፤ ሃራይ ኣቶ ሺን ታ ኢዛ ጫማ ቶካናስ ቤሶንታዴይ ታፔ ኣꬊዛ ሚኖይ ጉዬራ ያና፤ ኢዚካ ፂሎ ኣያናኒኔ ታማን ኢንቴና ፃማቃና።
23275	MAT 3:14	ጊዶ ኣቲን ዮሃኒሲ “ሃይሲ ሃኔና፤ ታኒ ኔናን ፃማቄታና ቤሲሺን ኔኒ ዋናዳ ታኮ ያይ?” ጊዲ ኢዛራ ማርሼቲዴስ።
23276	MAT 3:15	ዬሱሲካ “ኣይኮይ ባዋ፥ ኤሮ ጋርኪ? ሃይሳ ኦꬂዲ ኑኒ ፂሎቴꬅ ኡባ ፖላናስ ኑስ ቤሴስ” ጊዴስ። ዮሃንሲካ ኢዛ ቆፋ ኤሮ ጊ ኤኪዴስ።
23277	MAT 3:16	ዬሱሲ ፃማቄቲዲ ሃꬃፌ ኬዚዳ ማላ ሄራካ ሳሎይ ዶዬቲን ፆሳ ኣያናይ ሃራጴ ካፎ ሚሳቲዲ ኢዛ ቦላ ዎꬊሺን ቤዪዴስ።
23286	MAT 4:8	ቃሴካ ፃላዔይ ዬሱሳ ኬሂ ꬎቃ ዙማ ቦላ ኬሲዲ ሳሎ ጉፓንꬆን ዲዛ ካዎቴꬃ ቦንቾዛራ ኡባ ኤሂ ቤሲዲ፥
23292	MAT 4:14	“ሄሳን ዛቢሎኔኒኔ ኒፍታሌሜ ቢታን፥ ዮርዳኖሴፔ ሄ ፒንꬃን ኣባ ላንቄራ ኤፊዛ ኦጌ ማታን ዲዛ ኣይዛቤ ጊዲዳ ጋሊላ ዴሬ ኣሳይ፥ ꬉማን ዲዛ ዴሬይ ዎልቃማ ፖዖ ቤዪዴስ። ሃይቆ ኩዋ ጊዶን ዲዛ ዴሬስ ፖዖይ ፖዒዴስ” ጌቴቲዲ ናቤ ኢሳያሳ ዱናን ካሴቲዲ ሃሳዬቲዳይሲ ፖሌቲዴስ።
23296	MAT 4:18	ዬሱሲ ጋሊላ ኣባ ላንቄራ ኣꬊሼ ናምዑ ኢሻንታ፤ ሄይቲካ ጴፅሮሳ ጌቴቲዛ ሲሞናኔ ኢዛ ኢሻ ኢንዲራሳ ቤዪዴስ። ኢስቲካ ሞሌ ኦይኪዛይታ ጊዲዳ ጊሽ ሞሌ ኦይኪዛ ጊቴ ኣባን ዬጊሼ ዴቴስ።
23299	MAT 4:21	ጉꬅ ሲንꬄ ቢሼ ሃራ ናምዑ ኢሻንታ ዛቢዶሳ ና ናምዓታ ያቆቤኔ ዮሃኒሳ ቤዪዴስ፤ ኢስቲካ ባ ኣዋ ዛቢዶሳራ ዎጎሎ ጊዶን ሞሌ ጊቴ ሎዔꬄቴስ። ዬሱሲካ ኢስታ ፄይጊን፤
23304	MAT 5:1	ዳሮ ዴሬይ ሺቂዳይሳ ቤዪዲ ዬሱሲ ፑዴ ዙማ ቦላ ኬዚ ኡቲዴስ፤ ኢዛ ካሊዛይቲካ ኢዛኮ ዪዳ።
23311	MAT 5:8	ዎዚና ፂሎቲ ኣንጄቲዳይታ፤ ኣይሲ ጊኮ ኢስቲ ፆሳ ቤያና።
23315	MAT 5:12	ኢንቴ ሳሎን ዴማና ዋጋይ ኬሂ ጊታ ጊዲዳ ጊሽ ኡፋይሳን ጉፒቴ። ኢንቴፌ ሲንꬃን ዲዛ ናቤታካ ሄሳꬆ ጎዲዳ።
23319	MAT 5:16	ሄሳꬆካ ኣሳይ ኢንቴ ሎዖ ኦሶ ቤዪዲ ሳሎን ዲዛ ኢንቴ ኣዋ ቦንቻና ማላ ኢንቴ ፖዖይ ኣሳ ሲንꬃን ፖዖ።
23320	MAT 5:17	“ታኒ ሙሴ ዎጋኔ ናቤታ ቃላ ሻራና ዪዳ ኢንቴስ ሚሳቶፖ፤ ፖላናስ ያዲስ ኣቲን ሻራናስ ያቤኬ።
23334	MAT 5:31	“ ‘ማቾ ኣንጂ ዬዲዛዴይ ፒርማ ዋራቃታ ኢዚስ ኢማና ቤሴስ’ ጌቴቲዴስ።
23335	MAT 5:32	ታኒ ቃሴ ኢንቴና ሂዝጋይስ፥ ሃራ ኣሳራ ላይማቲሺን ቤዮንታ ዲሼ ባ ማቾ ኣንጂዛዴይ ዉሪ ኢዛ ላይማታና ማላ ኦꬄስ። ሄሳꬆካ ኣንጄቲዳሮ ኤኪዛዴይካ ላይማቲዳ ማላ ቆዴቴስ።
23342	MAT 5:39	ታ ቃሴ ኢንቴስ ጊዛይ ኢታ ኦꬂዳዴራ ኤቄቶፒቴ፤ ጊዶ ኣቲን ኔስ ኡሻቻ ሻጋላ ባቂዛዴስ ሃንኮይሳካ ዩሻ ቤሳ።
23352	MAT 6:1	“ኣሲ ኢንቴና ቤያና ማላ ኣሳ ሲንꬃን ሎዖ ኦꬆንታ ማላ ናጌቲቴ፤ ሄሳꬆ ኦꬂኮ ኢንቴ ሳሎ ኣዋፔ ጎዓ ዴሜኬታ።
23353	MAT 6:2	ኢንቴ ማንቆታስ ማዶ ኢሚዛ ዎዴ ኣሲ ታና ቤዮ ጊዲ ኣሳ ሲንꬃን ቦንቼታናስ ኦጌኒኔ ኣይሁዳ ዎሳ ኬꬃን ፁሩምባ ፑኒሲዛ ቆꬌፔ ቆሞን ሃኒዛይታꬆ ኦꬆፍቴ። ታ ኢንቴስ ቱሙ ጋይስ፤ ኢስቲ ባ ዋጋ ኡባ ሃን ኤኪቺዳ።
23355	MAT 6:4	ኢንቴ ኢሞይ ጌማን ጊዶ፤ ቆታን ኦሴቲዳይሳ ቤዪዛ ኢንቴ ኣዋይካ ኢንቴ ዋጋ ኢንቴስ ኢማና።
23356	MAT 6:5	“ኢንቴ ዎሲሼ ቆꬌፔ ቆሞን ሃኒዛይታ ማላ ሃኖፒቴ፤ ኢስቲ ኣሲ ቤያና ማላ ኣይሁዳ ዎሳ ኬꬃታኒኔ ኦይዱ ኦጌ ቦላ ኤቂዲ ዎሳናስ ዶሴቴስ። ታ ኢንቴስ ቱሙ ጋይስ፤ ኢስቲ ኩሜꬃ ዋጋ ኤኪቺዳ።
23357	MAT 6:6	ኔ ዎሳና ጌሊዛ ኔ ኪፊሌ ጌላ፤ ካሬካ ኔ ቦላ ጎርዳዳ ጌማን ዲዛ ኔ ኣዋኮ ዎሳ። ጌማን ኦሴቲዳይሳ ቤዪዛ ኔ ኣዋይ ኔ ኦሶ ማላ ኔስ ኢማና።
23369	MAT 6:18	ሄሳꬆ ኔ ፆሚኮ ጌማን ዲዛ ኔ ኣዋይ ፃላላ ኤሪዛዚኔ ኣሲ ኦኒካ ኤሮንታ ቆታን ጊዳና። ቆታን ኦሴቲዳይሳ ቤዪዛ ኔ ኣዋይካ ኔ ዋጋ ኔስ ኢማና።
23380	MAT 6:29	ሄሳ ጊሽ ታ ኢንቴና ጊዛይ ሃራይ ኣቶ ሺን ካዎ ሶሎሞኒካ ባ ቦንቾራ ሃ ጪሻታፔ ኢሲኔይ ማላ ሎዖ ማይዒቤና።
23381	MAT 6:30	ኢንቴኖ ፓጬ ኣማኖይ ዲዛይቶ! ሃቺ ኣሳ ኣይፌን ቤቲዲ ዎንቶ ታማን ዎꬋና ማታ ሃይሳꬆ ማይዚዛ ፆሲ ኢንቴና ሄሳፌ ሎዔꬂ ኣꬂ ማይዛናስ ዳንዳዬኔ?
23388	MAT 7:3	ኔ ኣይፌን ዲዛ ጊታ ሚꬃ ቤዮንታ ዳሼ ኔ ኢሻ ኣይፌን ዲዛ ቄሪ ቡራ ኣዛስ ፄላይ?
23397	MAT 7:12	ሄሳ ጊሽ ሃራ ኣሲ ኢንቴስ ኦꬃና ማላ ኢንቴ ኮዪዛይሳ፥ ኢንቴካ ሃራታስ ኦꬂቴ። ሙሴ ዎጋይኔ ናቤቲ ሃይሳን ኩዬቴስ።
23400	MAT 7:15	“ኢስታስ ጊዶ ባጋይ ካና ሱይቴ ማላ ጊዲ ኡቲዲኔ ዶርሳ ኢቴ ማይዒዲ ኢንቴ ጊዶ ጌሊዲ ጊዶራ ኦꬂዛ ዎርዶ ናቤታፔ ናጌቲቴ።
23407	MAT 7:22	ሄ ጋላስ ዳሮቲ ‘ጎዶ! ጎዶ! ኑኒ ኔ ሱንꬃን ቲንቢቴ ዮቲቤኮኒ? ኔ ሱንꬃን ዳይዳንꬂ ኬሲቤኮኒ? ኔ ሱንꬃን ዳሮ ማላታ ኦꬂቤኮኒ?’ ጋና።
23410	MAT 7:25	ዴፆ ኢራይ ቡኪን፤ ሃሮይካ ሃሮቲዴስ፤ ጫርኮይካ ጫርኪዴስ፤ ኬꬃካ ሱጊዴስ ሺን ዛላ ቦላ ኬፄቲዳ ጊሽ ኩንዲቤና።
23418	MAT 8:4	ቃሴካ ዬሱሲ ኣዴዛ “ኔ ፓፂዳይሳ ኦናስካ ዮቶፓ፤ ጊዶ ኣቲን ባዳ ኔና ቄሴስ ቤሳ። ኢስቲ ኣዛዚዳ ያርሾዛ ጋꬃ፤ ሄሲካ ኢስታስ ማርካ ጊዳና” ጊዴስ።
23422	MAT 8:8	ማቶ ሃላቃይ ኢዛስ ዛሪዲ “ታ ኔና ታ ኬꬄ ጌልꬃናስ ቤሲዛዴ ጊዲኬ፤ ጊዶ ኣቲን ኔ ሃን ዳዳ ኢሲ ቃላ ፃላ ጊኮ ታ ኣሽካራይ ፓፃና።
23423	MAT 8:9	ታስካ ታና ኣዛዚዛ ሃላቃቲ ታፔ ቦላራ ዴቴስ፤ ቃሴካ ታስ ኣዛዜቲዛ ዎታዳራቲ ታፔ ጋርሳራ ዴቴስ፤ ኢስታፌ ኢሳ ‘ባ!’ ጊኮ ቤስ፤ ቃሴ ኢሳ ‘ሃያ!’ ጊኮ ዬስ፤ ታ ኣሽካራ ‘ሄሳ ኦꬃ!’ ጊኮ ኦꬄስ” ጊዴስ።
23424	MAT 8:10	ዬሱሲ ኢዛ ዛሮዛን ማላሌቲዲ ባና ካሊዛይታስ “ታ ኢንቴስ ቱሙ ጋይስ፤ ሃራይ ኣቶሺን ኢስራዔሌታ ጊዶን ሃይሳ ማላ ኣማኖይ ዲዛዴ ኢሳዴካ ዴማቤኬ።
23425	MAT 8:11	ታ ኢንቴስ ዮታይስ፤ ዳሮቲ ኣዋ ኣርሼይ ሞኪዛ ባጋፌኔ ዉሊዛ ባጋፌ ያና። ሳሎ ካዎቴꬃ ማዳን ኣብራሃሜንታራ ዪሳቃንታራኔ ያቆቤንታራ ኢሲፌ ኡታና።
23426	MAT 8:12	ሳሎ ካዎቴꬂ ኢስታስ ጊዳና ቤሲዛ ኣሳቲ ሄን ካሬ ꬉማን ዬጌታና። ሄንካ ዬሆይኔ ኣቻ ጋርጬች ጊዳና” ጊዴስ።
23428	MAT 8:14	ዬሱሲካ ቡሮ ጴፅሮሳ ኬꬄ ጌልሺን ጴፅሮሳ ቦሎቴያ ሚሾ ሃርጌ ሳኬታዳ ኢቺዳሮ ቤዪዴስ።
23439	MAT 8:25	ኢዛ ካሊዛይቲ ኢዛ ቤጎꬂዲ “ጎዶ! ኑ ꬋዮስ፤ ኑና ኣሻ!” ጊዳ።
23440	MAT 8:26	ዬሱሲካ ኢስታ “ኢንቴኖ ኣማኖይ ፓጪዳይቶ! ኣዛስ ሃይሳ ማላ ባቤቲ?” ጊዴስ። ሄሳፌ ዴንዲዲ ጫርኮዛኔ ኣባ ዳምባላ ኢዚ ሃንቂን ሄራካ ሲርጵ ጊዴስ።
23448	MAT 8:34	ካታማ ኣሳይ ዉሪ ዬሱሳራ ጋጋናስ ኬዚዴስ። ዬሱሳ ቤዪዲኔ ኢስታ ዴሬ ዬዲ ባና ማላ ኢዛ ዎሲዳ።
23450	MAT 9:2	ሄን ኢሲ ጉንዳ ኣዴዛ፥ ኣሳይ ሃላራ ቶኪዲ ዬሱሳኮ ኤሂዴስ። ዬሱሲካ ኢስታ ኣማኖ ቤዪዲ ጉንዳ ኣዴዛ “ኣይኮይ ባ፤ ሃይሶ ናዞ! ኔ ናጋራይ ኣቶ ጌቴቲዴስ” ጊዴስ።
23456	MAT 9:8	ዴሬይካ ሄሳ ቤዪዲ ማላሌቴꬃኒኔ ባቦን ኩሚዲ ሃይሳ ሲሬ ጎዳቴꬂ ኣሳስ ኢሚዳ ፆሳ ጋላቲዴስ።
23457	MAT 9:9	ዬሱሲ ሄፔ ዴንዲዲ ቢሼ ኢሲ ማቶሳ ጌቴቲዛዴይ ቃራፃ ቃንፂሲዛሶን ኡቲዳይሳ ቤዪዲ “ታና ካላ!” ጊን፥ ዴንዲዲ ኢዛ ካሊዴስ።
23461	MAT 9:13	ሄሳ ጊሽ ‘ኢንቴ ቢዲ ያርሾ ጊዶንታ ማሮቴꬅ ዶሳይስ’ ጊዛ ቃላ ቢርሼꬅ ታማሪቴ። ናጋራንቻታ ፄይጋና ያዲስ ኣቲን ፂሎታ ፄይጋናስ ያቤኬ” ጊዴስ።
23463	MAT 9:15	ዬሱሲ ኢስታስ “ሚሺራ ላጌቲ ሚሺራዚ ኢስታራ ዲሺን ሙዞታና ቤሲዜ? ሚሺራይ ኢስታፌ ኤኬታና ዎዴይ ያና፤ ኢስቲ ሄ ዎዴ ፆማና።
23471	MAT 9:23	ዬሱሲካ ሹሜዛ ሶ ማታ ጋኪሺን ዴሬይ ዛዬራኔ ዲንኬራ ዋሲሼ ዬኪዛይሳ ቤዒዲ፥
23472	MAT 9:24	“ኪቺቴ! ናያ ꬊስካዱስ ኣቲን ሃይቃቤኩ” ጊን ኢስቲ ኢዛ ቦላ ሚጪዳ።
23481	MAT 9:33	ዳይዳንꬃዚ ኬዚዳፔ ጉዬ ሄ ዱና ዱዴ ኣዴዚ ሃሳያ ኦይኪዴስ፤ ዴሬዚካ ማላሌቲዲ “ሃይሳ ማላ ሃኖይ ኢስራዔሌ ቢታን ሃኒን ኑ ቤዪ ኤሮኮ” ጊዳ።
23484	MAT 9:36	ኣሳይ ዉሪ ሄሚዛዴይ ባይንዳ ዶርሳ ማላ ኬሂ ሜቶቴቲዲ ፄሊዛይ ባይንዳዴ ጊዲዳይሳ ቤዪዳ ዎዴ ኢስታስ ዳሮ ሚሼቲዴስ።
23488	MAT 10:2	ታማኔ ናምዑ ሃዋሬታ ሱንꬃይ ሃይሳፌ ካሊዛይሳ፤ ኮይሮ ጴፅሮሳ ጌቴቲዛ ሲሞና፥ ኢዛ ኢሻ ኢንዲራሳ፥ ዛቢዶሳ ና ያቆቤኔ ኢዛ ኢሻ ዮሃኒሳ፥
23489	MAT 10:3	ፒሊጶሳኔ ባርቴሌሞሳ፥ ቶማሳኔ ቃራፃ ሺሺዛ ማቶሳ፥ ኢልፊዮሳ ና ያቆቤኔ ታዶሳ፥
23491	MAT 10:5	ሃይታ ታማኔ ናምዓታ ኡባ “ጌዴ ኣይዛቤታ ጋꬅ ቦፒቴ፤ ሳማሪያ ኣሳ ካታማ ጌሎፒቴ።
23499	MAT 10:13	ሄ ኬꬃይ ሳሮታይ ቤሲዛ ኬꬄ ጊዲኮ ኢንቴ ሳሮታይ ሄ ኬꬃስ ጊዶ፤ ሶሮታይ ቤሶንታ ኬꬄ ጊዲኮ ኢንቴ ሳሮታይ ኣጊዲ ኢንቴስ ሲሞ።
23520	MAT 10:34	“ታ ቢታ ቦላ ሳሮቴꬅ ኤሃናስ ዪዳ ኢንቴስ ሚሳቶፖ፤ ማሻ ኤሃናስ ኣቲን ሳሮቴꬅ ኤሃናስ ያቤኬ።
23523	MAT 10:37	“ታፔ ኣꬂዲ ባ ኣዋ ዎይኮ ባ ኣዮ ሲቂዛዴይ ታስ ጊዳናስ ቤሴና። ታፔ ኣꬂዲ ባ ኣቱማ ና ዎይኮ፥ ማጫ ና ሲቂዛዴይ ታስ ጊዳናስ ቤሴና።
23524	MAT 10:38	ባ ማስቃሌ ቶኪዲ ታና ካሎንታ ኣሲ ታስ ጊዳናስ ቤሴና።
23527	MAT 10:41	ኢሲ ናቤ ናቤቴꬃን ሞኪ ኤኪዛዴይ ሄ ናቤዛ ዋጋ ዴማና። ፂሎ ኣስ ኢዛ ፂሎቴꬃ ጊሽ ሞኪ ኤኪኮ ሄ ፂሎዛ ዋጋ ኤካና።
23532	MAT 11:4	ዬሱሲካ ዛሪዲ “ቢዲ ኢንቴ ሲዳይሳኔ ኢንቴ ቤዪዳይሳ ዮሃኒሳስ ዮቲቴ።