23234	MAT 1:21	ኢዛ ኣቱማ ና ዬላና፤ ኢዚ ኣሳ ናጋራፔ ኣሻናዴ ጊዲዳ ጊሽ ኢዛ ሱንꬅ ኔ ‘ዬሱሳ’ ጋ ሱንꬃና” ጊዴስ።
23235	MAT 1:22	ጎዳይ ናቤ ኢሳያሳ ዱናን “ሄኮ! ጌላዖይ ቃንꬃታና፤ ኣቱማ ናካ ዬላና፤ ናዛ ሱንꬃይካ ኣማኑዔላ ጌቴታና፤ ሄሳ ቢርሼꬂካ ‘ፆሲ ኑናራ ዴስ’ ጌቴቲዲ ፃፌቲዳይሲ ፖሌታና ማላ ሃይሲ ዉሪካ ሃኒዴስ” ጊዴስ።
23254	MAT 2:16	ኤራንቻቲ ኢዛ ባሌꬂዳይሳ ኤሪዳ ዎዴ ሄርዶሲ ኬሂ ሃንቄቲዴስ። ኤራንቻቲ ኢዛስ ካሴ ዮቲዳ ማላ ባ ኣስ ኪቲዲ ናምዑ ላይꬃኔ ናምዑ ላይꬅ ኩሞንታይታ ቤቴሌሜኒኔ ቤታሌሜ ዩሾን ዲዛ ጉꬃ ኣቱማ ናይታ ኡባ ዎꬊሲዴስ።
23321	MAT 5:18	ታ ኢንቴስ ቱሙ ጋይስ፤ ሳሎይኔ ሳዓይ ኣꬋና ጋካናስ ሙሴ ዎጋይ ዉሪ ፖሌታና ኣቲን ዎጋፔ ኢሲ ፒዳሌይካ ዎይኮ ቄሪኛካ ሻሬቱኩ።
23329	MAT 5:26	ታ ኔስ ቱሙ ጋይስ፤ ኢዚ ፒርዲሲ ዉርሲዳ ጊዲኮ ዉርሴꬃ ሳንቲዮ ቃንፃና ጋካናስ ቃሾፔ ቢርሼታካ።
23353	MAT 6:2	ኢንቴ ማንቆታስ ማዶ ኢሚዛ ዎዴ ኣሲ ታና ቤዮ ጊዲ ኣሳ ሲንꬃን ቦንቼታናስ ኦጌኒኔ ኣይሁዳ ዎሳ ኬꬃን ፁሩምባ ፑኒሲዛ ቆꬌፔ ቆሞን ሃኒዛይታꬆ ኦꬆፍቴ። ታ ኢንቴስ ቱሙ ጋይስ፤ ኢስቲ ባ ዋጋ ኡባ ሃን ኤኪቺዳ።
23356	MAT 6:5	“ኢንቴ ዎሲሼ ቆꬌፔ ቆሞን ሃኒዛይታ ማላ ሃኖፒቴ፤ ኢስቲ ኣሲ ቤያና ማላ ኣይሁዳ ዎሳ ኬꬃታኒኔ ኦይዱ ኦጌ ቦላ ኤቂዲ ዎሳናስ ዶሴቴስ። ታ ኢንቴስ ቱሙ ጋይስ፤ ኢስቲ ኩሜꬃ ዋጋ ኤኪቺዳ።
23367	MAT 6:16	“ኢንቴ ፆማ ፆሚሼ ቆꬌፔ ቆሞራ ፆሚዛይታꬆ ሹሎፍቴ። ኢስቲ ባ ፆሚዛይሳ ኣሲ ኤራና ማላ ባ ኣይፌሶ ኢሴቴስ። ታ ቱሙ ጋይስ፤ ሄሳꬆ ኦꬂዛይቲ ባ ዋጋ ኩሜꬅ ኤኪቺዳ።
23424	MAT 8:10	ዬሱሲ ኢዛ ዛሮዛን ማላሌቲዲ ባና ካሊዛይታስ “ታ ኢንቴስ ቱሙ ጋይስ፤ ሃራይ ኣቶሺን ኢስራዔሌታ ጊዶን ሃይሳ ማላ ኣማኖይ ዲዛዴ ኢሳዴካ ዴማቤኬ።
23430	MAT 8:16	ሄ ጋላሳ ኦማሪስ ዳይዳንꬂ ኦይኪዳ ዳሮ ኣሳታ ዬሱሳኮ ኤሂዳ። ኢዚካ ቱና ኣያናታ ባ ቃላራ ኢስታፌ ኬሲዴስ፤ ሃርጋንቻታካ ኡባ ፓꬂዴስ።
23487	MAT 10:1	ዬሱሲ ባና ካሊዛ ታማኔ ናምዓታ ባኮ ፄይጊዲ፥ ኢስቲ ቱና ኣያናታ ኬሳና ማላ ቃሴካ ሳኮፔኔ ሃርጌፌ ፓꬃና ማላ ኢስታስ ጎዳቴꬅ ኢሚዴስ።
23501	MAT 10:15	ታ ኢንቴስ ቱሙ ጋይስ፤ ፒርዳ ጋላስ ሄ ካታማይ ቦላ ጋካና ፒርዳይ ሶዶሜ ቦላን ጋሞራ ቦላ ጋኪዳ ፒርዳፌ ዴፆ ጊዳና።
23509	MAT 10:23	ኣሳይ ኢንቴና ኢንቴ ዲዛ ሄራፔ ጎዲኮ ሃራሶ ኪቺቴ! ታ ኢንቴስ ቱሙ ጋይስ፤ ኢንቴ ኢስራዔሌ ካታማ ኡባ ጋኮንታ ዲሺን ታ ኣሳ ናይ ያና።
23515	MAT 10:29	ኢሲ ሳንቴን ባይዜቲዛ ናምዑ ሲኔ ካፎታፔ ኢሲኒያካ ኢንቴ ሳሎ ኣዋ ሼኔይ ባይንዳ ጮ ኩንዳ ኣቱኩ።
23523	MAT 10:37	“ታፔ ኣꬂዲ ባ ኣዋ ዎይኮ ባ ኣዮ ሲቂዛዴይ ታስ ጊዳናስ ቤሴና። ታፔ ኣꬂዲ ባ ኣቱማ ና ዎይኮ፥ ማጫ ና ሲቂዛዴይ ታስ ጊዳናስ ቤሴና።
23528	MAT 10:42	ሄሳ ጊሽ ታ ኢንቴስ ቱሙ ጋይስ፤ ኦኒካ ሃይታ ጉꬃታፔ ታና ካሊዛዴ ጊዲዳ ጊሽ ኢሲ ፁዓ ኢርፃ ሃꬅ ኡሺኮ ሂኒስካ ዋጋይ ꬋዬና” ጊዴስ።
23533	MAT 11:5	ቆቄቲ ፄሌቴስ፤ ዎቤቲ ሃሙቴቴስ፤ ኢንችራቻ ሃርጊዛይቲ ፓፄቴስ፤ ቱሌቲ ሲዬቴስ፤ ሃይቂዳይቲ ሃይቆፔ ፓፂ ዴንዴቴስ፤ ማንቆታስ ሚሺራቾ ቃላይ ዮቴቴስ።
23539	MAT 11:11	ታ ኢንቴስ ቱሙ ጋይስ፤ ማጫሳፔ ዬሌቲዳ ኣሳፔ ፃማቂዛ ዮሃኒሳ ሚሳቲዛ ኣሲ ቢታ ቦላ ዴንዲቤና። ጊዲኮካ ፆሳ ካዎቴꬃን ኣስ ኡባፌ ላፋ ኣሲ ዮሃኒሳፔ ኣꬋና።
23575	MAT 12:17	ሄሲካ ሃኒዳይ ናቤ ኢሳያሳን “ታ ዶሪዳይኔ ታ ኢዛን ኡፋዬቲዛ ታ ናይ ሃይሳኮ! ታ ኣያናፔ ታ ኢዛ ቦላ ዎꬃና፤ ኢዚካ ኣማኖንታ ዴሬታስ ቱሙ ፒርዳ ኣዋጃና፤ ማርሼቴና፤ ዎይኮ ዋሴና። ኢዛስ ቃላይካ ካሬን ሲዬቴና፤ ቱማ ፒርዳ ፆኖስ ጋꬃና ጋካናስ ዲንጬቲ ኡቲዳ ሾምቦቆካ ሜንꬄናኔ ጩዋቲዛ ሙቃዳካ ቶይሴና፤ ኣይዛቤቲ ኢዛ ኡፋይሳን ናጋና” ጌቴቲ ዮቴቲዳ ቲንቢቴ ቃላይ ፖሌታና።
23589	MAT 12:31	ሄሳ ጊሽ ታ ኢንቴስ ቱሙ ጋይስ፤ ናጋራ ኦሶይኔ ጫሺ ዉሪ ኣሳስ ኣቶ ጌቴታና ሺን ፂሎ ኣያና ጫዪዳዴይ ማሬቴና።
23601	MAT 12:43	“ቱና ኣያናይ ኣሳፔ ኬዚዲ ሼምፖ ዴማናስ ሃꬂ ባይንዳ ሜላ ቢታን ዳቡሬስ። ጊዶ ኣቲን ባ ኮዪዛ ሼምፖ ዴሜና።
23616	MAT 13:8	ሃራ ዜሬꬂካ ሎዖ ኦርዴ ቢታን ዎꬊዲ ኣይፌካ ኣይፊዴስ፤ ኢሶይ ፄቱ፥ ኢሶይ ኡሱፑን ታሙ ኢሶይ ሄꬑ ታሙ ኣይፌ ኢሚዴስ።
23625	MAT 13:17	ታ ኢንቴስ ቱሙ ጋይስ፤ ዳሮ ናቤቲኔ ዳሮ ፂሎ ኣሳቲ ሃዒ ኢንቴ ቤዪዛይሳ ቤያናሲኔ ሃዒ ኢንቴ ሲዪዛይሳ ሲያናስ ኣሞቲዳ ሺን ኢስታስ ሃኒቤና።
23631	MAT 13:23	ሎዖ ቢታን ዜሬቲዳ ዜሬꬃይ ቃሴ ቃላ ሲይዲ ዩሺ ቆፒዛዴ ሚሳቴስ፤ ቱሙ ኣይፌ ኣይፌስ፤ ኢሶይ ፄቱ፥ ኢሶይ ኡሱፑን ታሙ፥ ኢሶይ ሄꬑ ታሙ ኣይፌ ኢሚዴስ” ጊዴስ።
23687	MAT 14:21	ሚዳ ኣሳይ ማጫሳቲኔ ጉꬃ ናይቲ ጉጄቶንታ ኣቱማሳይ ፃላላ ኢቻሹ ሺ ጊዳና።
23699	MAT 14:33	ሄሳፌ ጉዬ ዎጎሎን ዲዛይቲ “ኔኒ ቱሙ ፆሳ ና!” ጊዲ ኢዛስ ጎይኒዳ።
23709	MAT 15:7	ኢንቴኖ፥ ቆꬌፔ ቆሞን ሃኒዛይቶ! ኢሳያሲ ኢንቴ ጊሽ ዮቲሼ ‘ሃይሲ ዴሬይ ታና ዱናን ፃላላ ቦንቼስ፤ ዎዝናይ ጊዲኮ ታፔ ሃኪዴስ፤ ሜላ ሃዳ ታና ጎይኔስ፤ ኢስታ ቲሚርቴይካ ኣሲ ዎꬂዳ ዎጋ’ ጊዲዲ ሲንꬃፌ ሃናናይሳ ዮቲዳይሲ ቱማኮ” ጊዴስ።
23713	MAT 15:11	ኣስ ቱኒሲዛይ ኢዛዴ ዱናራ ሃ ኬዚዛይሳፌ ኣቲን ዱናራ ዱጌ ጌሊዛይ ቱኒሴና” ጊዴስ።
23720	MAT 15:18	ዱናራ ኬዚዛይ ጊዲኮ ዎዝናፔ ፑልቴስ። ኣስ ቱኒሲዛይ ሄሳ።
23722	MAT 15:20	ኣስ ቱኒሲዛይ ሃይታንታፌ ኣቲን ኩሼ ሜጬቶንታ ሙሲ ኣስ ቱኒሴና” ጊዴስ።
23724	MAT 15:22	ኢሲ ካናኔ ማጫሲ ዲዛራ ሄ ሄራፔ ኬዛዳ ዬሱሳኮ ያዳ “ጎዶ፥ ዳዉቴ ናዉ! ታስ ሚሼታ! ታ ናያ ቱና ኣያናይ ኦይኪን ኬሃ ዋያዉስ” ጋዳ ዋሳዱስ።
23728	MAT 15:26	ኢዚካ ኢዚስ ዛሪዲ “ናይታ ካꬅ ኤኪዲ ካና ቡቱላታስ ዬጋናስ ቤሴና” ጊዴስ።
23769	MAT 16:28	ታ ኢንቴስ ቱሙ ጋይስ፤ ሃይሳን ኤቂዳ ኣሳታ ጊዶፌ ኣሳ ናይ ባ ካዎቴꬃራ ዪሺን ቤያና ጋካናስ ሃይቆይ ኢስታ ቦቾንታ ኣሳቲ ዴቴስ” ጊዴስ።
23780	MAT 17:11	ኢዚካ ኢስታስ “ቱማኮ፤ ኤላሲ ዪዲ ዉርሲካ ጊጊሳና ጊዲ ዛሪዴስ።
23789	MAT 17:20	ኢዚካ ኢስታስ “ኢንቴስ ኣማኖይ ፓጬ ጊዲዳ ጊሽ ዳንዳይቤኬታ፤ ታ ኢንቴስ ቱሙ ጋይስ፤ ቄሪ ጋሼ ኣይፌ ማላ ኣማኖይ ኢንቴ ቦላ ዲዛኮ ሃይሳ ዙማ ‘ሃይሳፌ ዴንዳዳ ጌዴ ባ!’ ኢንቴ ጊዳኮ ኢዚ ኢንቴስ ባና። ኢንቴና ፆናናይ ዴና።
23798	MAT 18:2	ዬሱሲ ኢሲ ና ፄይጊ ኤሂዲ ኢስታ ጊዶን ኤሲዲ “ታ ኢንቴስ ቱሙ ጋይስ፤ ኢንቴ ሲሞንታ ኢፂኮኔ ጉꬃ ናይታ ማላ ሃኖንታ ኢፂኮ ሙሌካ ሳሎ ካዎቴꬅ ጌሌኬታ።
23806	MAT 18:10	“ሃይታ ጉꬃታ ጊዶፌ ኢሲኒዮካ ኢንቴ ካꬎንታ ማላ ናጌቲቴ! ታ ኢንቴስ ቱሙ ጋይስ፤ ሳሎን ዲዛ ኢስታ ኪታንቻቲ ሳሎን ታ ኣዋ ኣይፌሶ ኡባ ጋላስ ፄሌቴስ።
23808	MAT 18:12	“ኣኔ ታስ ዮቲቴ ኢሳዴስ ፄቱ ዶርሲ ዲኮ ቃሴ ኢስታፌ ኢሲና ꬋይኮ፥ ሃንኮ ኡዱፉን ታማኔ ኡዱፉናታ ዙማ ቦላ ዬጊዲ ꬋዪዳሮ ኮያና ቢ ኤሬኔ?
23809	MAT 18:13	ታ ኢንቴስ ቱሙ ጋይስ፤ ሃንኮ ꬋዮንታ ኣቲዳ ኡዱፉን ታማኔ ኡዱፉን ዶርሳታፔ ኣꬂዲ ቤቲዳ ዶርሳይን ኡፋዬቴስ።
23814	MAT 18:18	“ታ ኢንቴስ ቱሙ ጋይስ፤ ኢንቴ ቢታ ቦላ ቃቺዳይ ዉሪካ ሳሎኒካ ቃሼቲዳ ጊዳና፤ ኢንቴ ቢታ ቦላ ቢርሺዳዚ ሳሎኒካ ቢርሼቲዳይሳ ጊዳና።
23815	MAT 18:19	ቃሴካ ታ ኢንቴስ ቱሙ ጋይስ፤ ኢንቴ ቢታ ቦላ ናምዑ ጊዲዲ ኣይ ሚሺካ ኤሮ ኤሮ ጊዲ ኢንቴ ኦይቺኮ ሳሎን ዲዛ ታ ኣዋይ ኢንቴስ ኢማና።
23840	MAT 19:9	“ታ ኢንቴስ ቱሙ ጋይስ፤ ባ ኣዚናፔ ሃራራ ላይማቶንታ ዲሺን ባ ማቾ ኣንጂዲ ሃራ ማቾ ኤኪዛዴይ ዉሪ ላይማቴስ። ኣንጄቲዳሮካ ኤኪዛዴይ ኢዚራ ላይማቴስ” ጊዴስ።
23854	MAT 19:23	ዬሱሲ ባና ካሊዛይታ “ታ ኢንቴስ ቱሙ ጋይስ፤ ዱሬቲ ሳሎ ካዎቴꬅ ጌላናይሲ ዳሮ ሜቶ።
23859	MAT 19:28	ዬሱሲካ ኢስታስ “ታ ኢንቴስ ቱሙ ጋይስ፤ ኣሳ ናይ ቡሮ ያና ኦራꬃ ኣላሜን ባ ቦንቾ ኣልጋ ቦላ ኡቲዛ ዎዴ ኢንቴ ታና ካሊዳይቲ ታማኔ ናምዑ ኣልጋ ቦላ ኡቲዲ ታማኔ ናምዑ ኢስራዔሌ ናይታ ቦላ ፒርዳና።
23860	MAT 19:29	ታ ሱንꬃ ጊሽ ጊዲ ባ ኬꬄ፥ ባ ኢሻታ፥ ባ ሚቼታ፥ ባ ኣዋ፥ ባ ኣዮኔ ባ ናይታ፥ ዎይኮ ባ ቢታ ኣጊዛ ኣሲ ዉሪ ፄቱ ኩሼ ዳኮ ኤካና፤ ሜꬊና ዴዖካ ላታና።
23884	MAT 20:23	ኢዚካ “ታ ፁዓፔ ቱሙ ኢንቴ ኡያናሺን ታ ኡሻቻኒኔ ታ ሃዲርሳን ኡቴꬂ ታ ኣዋይ ጊጊሲዳዴንታስ ኣቲን ታኒ ኢሚዛዝ ዴና” ጊዴስ።
23916	MAT 21:21	ዬሱሲካ ኢስታ “ታ ኢንቴስ ቱሙ ጋይስ፤ ኢንቴስ ኣማኖይ ዲኮኔ ኢንቴ ሲꬎንታ ኣጊኮ ባላሴ ሚꬃይ ቦላ ሃኒዳይሳ ማላ ፃላላ ጊዶንታ ሃይሳ ዙማ ‘ሃይሳፌ ꬎቃሌታዳ ዱጌ ኣባን ጌላ’ ኢንቴ ጊዳኮካ ኢዚ ጌላና” ጊዴስ።
23923	MAT 21:28	ዬሱሲ ኢስታ “ኢንቴስ ኣይ ሚሳቲዜ? ናምዑ ኣቱማ ናይ ዲዛ ኢሳዴይ ዴስ፤ ኢዚካ ኮይሮ ናዛኮ ቢዲ ‘ታ ናዞ! ሃቺ ጌዴ ዎይኔ ሚꬃሶ ባዳ ኦꬃ’ ጊዴስ።
23926	MAT 21:31	ሃይታ ናምዓታፔ ኣዋ ሼኔ ፖሊዳይ ኣዋይሴ?” ጊዲ ኦይቺዳ። ኢስቲካ “ኮይሮ ናዛ!” ጊዳ። ዬሱሲካ ኢስታስ፥ “ታ ኢንቴስ ቱሙ ጋይስ፤ ቃራፃ ቃንፂሲዛይቲኔ ላይማቲዛይቲ ሳሎ ካዎቴꬂ ኢንቴፌ ሲንꬃን ጌላና።
23957	MAT 22:16	ባና ካሊዛይታ ሄርዶሳ ኣሳታራ ኢዛኮ ኪቲዲ “ኣስታማሬ! ኔኒ ቱማንቻኔ ፆሳ ኦጌ ቱማፔ ታማርሲዛዴ ጊዲዳይሳኔ ኦናስካ ዱማ ማዶ ኦꬆንታ ዉርሳካ ኢሲ ማላ ኔ ፄሊዛይሳ ኑ ኤሮስ።
24010	MAT 23:23	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ፋርሳዌቶ! ኢንቴና ኣዬ ኣና! ኣሱታፔ፥ ኣኑጋፔኔ ካትካልዓፌ ታማፌ ኢሲኖ ኢሜታ ሺን ዎጋታፔ ዋናቲዛይታ ሄይቲካ ቱማ ፒርዳ፥ ማሮቴꬂኔ ኣማኔቴꬅ ጊዲኮ ካꬊዴታ። ሄይታ ኣጎንታ ዲሼ ሃይታንታ ኢንቴ ኦꬃናስ ኢንቴስ ቤሴስ ሺን ኣጊዴታ።
24014	MAT 23:27	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ቃሴ ፋርሳዌቶ! ቦላ ባጋይ ኖራራ ሜሼቲዲ ሎዒዛይቲ ጊዶይ ጊዲኮ ሃይቂዳይታ ሜቄꬂኔ ዳሮ ቱናኔቴꬃን ኩሚዳ ዱፎታ ሚሳቲዛ ጊሽ ኢንቴና ኣዬ-ኣና!
24023	MAT 23:36	ታ ኢንቴስ ቱሙ ጋይስ፤ ካሴ ኣꬊዳ ዮዖ ኡባስ ሃይሲ ሃ ዬሌታይ ኦይሼታና።
24026	MAT 23:39	ታ ኢንቴስ ቱሙ ጋይስ፤ ኢንቴ ጎዳ ሱንꬃን ዪዛዴይ ኣንጄቲዳዴ ጋና ዎዴይ ጋካናስ ናምዓንꬆ ታና ቤዬኬታ” ጊዴስ።
24028	MAT 24:2	ኢዚካ ኢስታስ “ሃይሳ ዉርሲ ፄሌቲ? ታ ኢንቴስ ቱሙ ጋይስ፤ ሃይሲ ኢንቴ ቤዪዛ ኢሶይ ኢሳ ቦላ ዲዛ ሹቻይ ላሌቶንታ ኢሲ ሹቺካ ሃይሳꬆ ዴና” ጊዴስ።
24041	MAT 24:15	“ሄሳ ጊሽ ናቤ ዳኔላን ዮቴቲዳይሳ ማላ ‘ሃራሲዛ ቱናቴꬂ’ ኣንጄቲዳሶን ኤቂዳይሳ ኢንቴ ቤዪዛ ዎዴ ናባቢዛዴይ ዎዝናን ዎꬆ።
24060	MAT 24:34	ታ ቱሙ ጋይስ፤ ሃይሲ ዉሪ ፖሌታና ጋካናስ ሃ ዬሌታይ ኣꬌና።
24073	MAT 24:47	ታ ኢንቴስ ቱሙ ጋይስ፤ ጎዳይ ኢዛ ባ ሃሪዳ ኡባ ቦላ ሹሜስ።
24089	MAT 25:12	ኢዚካ ዛሪዲ ‘ታ ኢንቴስ ቱሙ ጋይስ፤ ታ ኢንቴና ኤሪኬ!’ ጊዴስ።
24117	MAT 25:40	ካዎይካ ዛሪዲ ‘ታ ኢንቴስ ቱሙ ጋይስ፤ ሃይታ ላፋ ጊዲዳ ታ ኢሻታፔ ኢሳዴስ ኦꬂዳይሲ ኢንቴ ታስ ኦꬂዳ ማላ’ ጋና።
24122	MAT 25:45	“ሄ ዎዴ ኢዚካ ኢስታስ ዛሪዲ ‘ታ ኢንቴስ ቱሙ ጋይስ፤ ሃንታ ላፋ ታ ኢሻታፔ ኢሳዴስ ኢንቴ ኦꬆንታ ኣጊዳይሲ ታስ ኢንቴ ኦꬆንታ ኣጊዳ ማላ’ ጋና።
24136	MAT 26:13	ታ ኢንቴስ ቱሙ ጋይስ፤ ሃይሲ ሚሺራቾ ቃላይ ሳባኬቲዛ ኣላሜ ዩሾን ኣዋንካ ኢዛ ኦꬂዳይሲ ኢዞ ቆፊሲዛዝ ጊዲዲ ሃሳዬታና” ጊዴስ።
24144	MAT 26:21	ኢስቲ ሙሳን ዲሺን ኢዚ ኢስታስ “ታ ቱሙ ጋይስ፤ ኢንቴፌ ኢሶይ ኣꬂ ኢማና” ጊዴስ።
24157	MAT 26:34	ዬሱሲካ ኢዛስ ዛሪዲ “ቱሙ ጋይስ፤ ሃቺ ቃማ ኩቶይ ዋሶንታ ካሴታዳ ሄꬑቶ ኔ ታና ካዳና” ጊዴስ።
24196	MAT 26:73	ጉꬅ ጋምዒሺን ሄን ኤቂዳ ኣሳቲ ሺቂዲ ጴፅሮሳ “ኔ ሃሳያይ ኔ ሃይታራ ዲዛይሳ ቆንጪሴስ፤ ቱማፔ ኔ ኢስታ ባጋ ኣሳ” ጊዳ።
24252	MAT 27:54	ማቶ ሃላቃይኔ ኢዛራ ኢሲፌ ዬሱሳ ናጊዛይቲ ቢታ ቃꬃኔ ሃኒዳይሳ ዉርሲ ቤዪዲ ዳሮ ባቢዳ። ቃሴ “ሃይሲ ቱማፔ ፆሳ ናኮ!” ጊዳ።
24261	MAT 27:63	“ጎዶ! ሄ ዎርዶይ ካሴ ፓፃ ዲሼ ‘ሄꬑ ጋላሳፌ ጉዬ ታ ዴንዳና’ ጊዳ ቃላይ ኑ ዎዝናን ቱርቹ ጊዴስ።
24307	MRK 1:23	ሄ ዎዴ ኣይሁዳታ ዎሳ ኬꬃን ዲዛ ቱና ኣያናይ ኢዛ ቦላ ዲዛ ኢሲ ኣዴይ
24309	MRK 1:25	ዬሱኣሲካ ቱና ኣያናዛ “ጮዑ ጋዳ ኢዛፔ ኬዛ!” ጊዲ ሃንቂዴስ።
24310	MRK 1:26	ቱና ኣያናይ ኣዴዛ ጌንዴርሲዲ ኢዚ ቃኬቲሺን ኢዛፔ ዋሲሼ ኬዚዴስ።
24311	MRK 1:27	ዴሬይ ዉሪ “ኣሶ ሃይሲ ኣዛ ፓላ? ሃይሲ ጎዳቴꬃራ ዲዛ ኦራꬃ ቲሚርቴ፤ ቱና ኣያናታካ ኣዛዜስ፤ ኢስቲካ ኢዛስ ኣዛዜቴቴስ” ጊ ማላሌቲሼ ኣሳይ ባ ጊዶን ኢሶይ ኢሳ ኦይሼቾ ኦይኪዴስ።
24368	MRK 3:11	ቱና ኣያናቲካ ዬሱሳ ቤዪዳ ማላ ኢዛ ሲንꬃን ኩንዲዲ “ኔኒ ፆሳ ና” ጊዲ ዋሲዳ።
24369	MRK 3:12	ጊዶ ኣቲን ኢዚ ኦናኮኔ ቱና ኣያናቲ ቆንጪሶንታ ማላ ኬሂፔ ሃንቂዴስ።
24385	MRK 3:28	“ታ ኢንቴስ ቱሙ ጋይስ፤ ኣሳ ናይታስ ናጋራይኔ ጫሺ ዉሪ ማሬታና።
24387	MRK 3:30	ሄሳ ኢዚ ጊዳይ ኢስቲ ኢዛ “ኔ ቦላ ቱና ኣያናይ ዴስ” ጊዳ ጊሻሳ።
24400	MRK 4:8	ሃራ ዜሬꬂ ቃሴ ሎዖ ኦርዴ ቢታ ቦላ ዎꬊዳ ጊሽ ጫሪዲ ዲጪዴስ፤ ኣይፌካ ኣይፊዴስ፤ ኢሶይ ሄꬑ ታሙ፥ ኢሶይ ቃሴ ኡሱፑን ታሙ፥ ኢሶይ ቃሴ ፄቱ ኣይፊዴስ።”
24412	MRK 4:20	ሃንኮይቲ ሎዖ ቢታን ዜሬቲዳ ዜሬꬃ ሚሳቴቴስ፤ ሄይቲካ ቃላ ሲይዲ ኤኪዛዴኔ ሄꬑ ታሙ ኣይፌ፥ ኡሱፑን ታሙ ኣይፌኔ ፄቱ ኣይፌ ኣይፊዛይታ” ጊዴስ።
24435	MRK 5:2	ዬሱሲ ዎጎሎዪፔ ዎꬊዳ ማላ ቱና ኣያናይ ኢዛ ቦላ ዲዛዴይ ዱፎፔ ኬዚዲ ዬሱሳራ ጋጋና ኢዛኮ ዪዴስ።
24441	MRK 5:8	ኢዚ ሄሳ ጊዳይ ዬሱሲ ካሴ “ኔኒ ቱና ኣያናይ ሃይሳፌ ኬዛ” ጊዳ ጊሻሳ።
24445	MRK 5:12	ቱና ኣያናቲ “ኑ ጉዱንꬃታን ጌላና ማላ ኑስ ኤሮ ጋርኪ?” ጊዲ ዬሱሳ ዎሲዳ።
24446	MRK 5:13	ኢዚካ ኢስታስ “ኤሮ” ጊዴስ። ቱና ኣያናቲካ ኣዴዛፔ ኬዚዲ ጉዱንꬃታን ጌሊዳ። ናምዑ ሺ ጊዲዳ ጉዱንꬃይ ዉሪ ኣፎዛራ ዱጌꬃ ጌንዴሬቲ ዎꬊዲ ኣባን ሚቴቲዳ።
24466	MRK 5:33	ማጫሳያካ ባስ ኣዚ ዋኒዳኮኔ ኤራዳ ባባሼኔ ኮኮራሼ ያዳ ዬሱሳ ሲንꬃን ጉፋናዳ ሃኒዳ ቱማ ዉርሳ ኢዛስ ዮታዱስ።
24483	MRK 6:7	ታማኔ ናምዓታ ባኮ ፄይጊዲ ናምዑ ናምዑ ሂስቲ ኪቲሼ ቱና ኣያናታ ቦላ ኢስታስ ጎዳቴꬂ ኢሚዴስ።
24513	MRK 6:37	ኢዚ ኢስታስ ዛሪዲ “ኣሳስ ሚዛ ሚሽ ኢንቴ ኢሚቴ” ጊዴስ። ኢስቲካ ማላሌቲዲ “ኑኒ ቢዲ ናምዑ ፄቱ ዲናሬራ ካꬅ ሻሚዲ ሃይሳ ኣሳስ ኢሚዛኮ ጊዳንዴ?” ጊዳ።
24516	MRK 6:40	ኣሳይካ ፄቱ ፄቱኔ ኢቻሹ ታሙ ኢቻሹ ታሙ ጊዲዲ ኦይዳን ኡቲዴስ።
24520	MRK 6:44	ካꬅ ሚዳ ኣሳፔ ኣቱማሳይ ፃላ ኢቻሹ ሺ።
24539	MRK 7:7	ታስ ሜላ ሃዳ ጎይኔቴስ፤ ኢስታ ቲሚርቴይካ ኣሲ ዎꬂዳ ዎጋ ፃላ’ ጊዲ ዮቲዳይስ ቱማ” ጊዴስ።
24547	MRK 7:15	ካሬፔ ኡሎ ጊዶ ጌሊዲ ኣስ ቱኒሲዛ ኢሲ ሚሺካ ዴና። ሃራፔካ ኣሴ ቱኒሲዛይ ኬꬃ ኣዋፔ ጌዴ ካሬ ኬዚዛ ሚሻ።
24550	MRK 7:18	ኢዚካ ኢስታ “ኢንቴስካ ዮዖይ ጌሌኔ? ካሬፔ ጌሊዲ ኣሴ ቱኒሲዛ ሚሺ ኣዚካ ዴና።
24552	MRK 7:20	ካሌꬂዲካ “ኣሳፔ ኬዚዛዚ ኣሴ ቱኒሴስ።
24555	MRK 7:23	ሃይቲ ኢታ ሃኖቲ ዉሪ ኣሳፔ ኬዜቴሲኔ ኣሴ ቱኒሴቴስ” ጊዴስ።
24557	MRK 7:25	ሄራካ ኢሲ ቱና ኣያናይ ኦይኪዳ ጉꬃ ና ዲዛሪ ኣያ ዬሱሲ ሄን ዲዛይሳ ሲያዳ ኢዛኮ ያዳ ኢዛ ቶሆ ቦላ ኩንዳዱስ።