23233	MAT 1:20	ሃይሳ ኢዚ ቆፒሺን ፆሳ ኪታንቻይ ኣጉሞራ ኢዛስ ቆንጪዲ “ዳዉቴ ና ዮሴፌ! ኔ ጊጊሲዳ ማራማ ቃንꬃቲዳይ ፂሎ ኣያናን ጊዲዳ ጊሽ ኢዞ ኔሶ ኤፋናስ ባቦፋ።
23237	MAT 1:24	ዮሴፌይካ ꬊስኮፌ ቤጊዲ ጎዳ ኪታንቻይ ኢዛ ኣዛዚዳ ማላ ማራሞ ባሶ ኤፊዴስ።
23239	MAT 2:1	ካዎ ሄርዶሳ ዎዴ ዬሱሲ ቤቴሌሜ ዩሁዳን ዬሌቲዳፔ ጉዬ ኣዋ ኣርሼይ ሞኪዛ ባጋፌ ኤራንቻቲ ዬሩሳላሜ ዪዲ
23245	MAT 2:7	ሄሳፌ ጉዬ ሄርዶሲ ሄ ኤራንቻታ ጌማራ ፄይጊሲዲኔ ኢስታ ሃሳይሲዲ ፆሊንቴዚ ኢስታስ ቤቲዳ ዎዴዮ ሻኪ ኤሪዴስ።
23246	MAT 2:8	ኤራንቻታ ቤቴሌሜ ዬዲዲ “ቢዲ ጉꬃ ናዛ ኮዪቴ፥ ታካ ባዳ ኢዛስ ጎይናና ማላ ዴሚዳ ማላ ሃ ታኮ ሲሚዲ ኢዚ ኣዋን ዲዛኮን ታስ ዮቲቴ” ጊዴስ።
23247	MAT 2:9	ኤራንቻቲካ ካዎይ ኢስታስ ጊዳይሳ ሲዪዳፔ ጉዬ ሲሚ ቢዳ፤ ኣዋ ኣርሼይ ሞኪዛ ባጋራ ኢስታስ ቤቲዳ ፆሊንቴይ ኢስታ ካሌꬂዲ ጉꬃ ናዚ ዲዛሶ ጋꬂዴስ።
23251	MAT 2:13	ኤራንቻቲ ቢዳፔ ጉዬ ጎዳ ኪታንቻይ ዮሴፌስ ኣጉሞራ ቤቲዲ “ሄርዶሲ ጉꬃ ናዛ ዎꬋና ኮዪዛ ጊሽ ኔ ሲማና ዎዴ ታ ኔና ኤሪሳና ጋካናስ ዴንዳዳ ጉꬃ ናዛ ኣዬይራ ኤካዳ ዱጌ ጊብፄ ቢታ ባቃታዳ ሄን ዳሻ” ጊዴስ።
23254	MAT 2:16	ኤራንቻቲ ኢዛ ባሌꬂዳይሳ ኤሪዳ ዎዴ ሄርዶሲ ኬሂ ሃንቄቲዴስ። ኤራንቻቲ ኢዛስ ካሴ ዮቲዳ ማላ ባ ኣስ ኪቲዲ ናምዑ ላይꬃኔ ናምዑ ላይꬅ ኩሞንታይታ ቤቴሌሜኒኔ ቤታሌሜ ዩሾን ዲዛ ጉꬃ ኣቱማ ናይታ ኡባ ዎꬊሲዴስ።
23257	MAT 2:19	ሄርዶሲ ሃይቂዳፔ ጉዬ ጎዳ ኪታንቻይ ኣጉሞራ ዮሴፌስ ጊብፄ ቢታን ቤቲዲ፥
23270	MAT 3:9	‘ኑ ኣዋይ ኣብራሃሜይ ኑስ ዴስ’ ጊዛይሳን ኢንቴርካ ኢንቴና ባሌꬆፍቴ፤ ታ ኢንቴስ ፆሲ ሃይታ ሹቻታፔ ኣብራሃሜስ ና ኦꬂ ዴንꬃናስ ዳንዳዬስ ጋይስ።
23281	MAT 4:3	ፓጪዛይሲ ዬሱሳኮ ሺቂዲ “ኔ ፆሳ ና ጊዲኮ ኣኔ ሃይታ ሹቻታ ኡኬꬅ ጊዳና ማላ ኣዛዛ” ጊዴስ።
23284	MAT 4:6	“ኔ ፆሳ ና ጊዲኮ ኣኔ ሃይሳፌ ዱጌ ጉፓ፤ ኣይሲ ጊኮ ‘ኔ ቶሆይ ሹቻን ꬉጴቶንታ ማላ ኪታንቻቲ ባ ኩሼራ ኔና ኦይኪ ዴንꬃና ማላ ኔ ጊሽ ፆሲ ባ ኪታንቻ ኪታና’ ጌቴቲ ፃፌቲዴስ” ጊዴስ።
23289	MAT 4:11	ሄሳፌ ፃላዔይ ኢዛ ኣጊዲ ቢዴስ፤ ኪታንቻቲካ ዪዲ ኢዛ ማዲዳ።
23319	MAT 5:16	ሄሳꬆካ ኣሳይ ኢንቴ ሎዖ ኦሶ ቤዪዲ ሳሎን ዲዛ ኢንቴ ኣዋ ቦንቻና ማላ ኢንቴ ፖዖይ ኣሳ ሲንꬃን ፖዖ።
23328	MAT 5:25	“ኔና ሞቲዳ ኔ ሞርኬይ ኔ ቦላ ፒርዲሶንታ ማላ፥ ፒርዲዛ ዳናይ ቃቺዛይሳስ ኔና ኣꬂ ኢሞንታ ማላ፥ ቃሾ ኬꬃን ኔ ዎꬎንታ ማላ ቡሮ ኦጌ ቦላ ዳሼ ኔ ሞርኬራ ኤሌላ ጊጋይቻ።
23332	MAT 5:29	ናጋራ ኦꬃናስ ኔ ኡሻቻ ኣይፌይ ኔስ ጋሶ ጊዲኮ ኔፔ ኬሳ ዎራ ዬጋ፤ ኔ ኣሳቴꬃይ ኩሜꬅ ጌዴ ጋናሜ ታማን ዬጌታናፔ ኔ ኣሳቴꬃፌ ኢሲና ፓጪኮ ሎዖ።
23333	MAT 5:30	ኔ ኡሻቻ ኩሼይ ናጋራ ኦሶስ ጋሶ ጊዲኮ ኔፔ ቃንፃ ዲጋ፤ ኔ ኣሳቴꬃይ ኩሜꬅ ጋናሜን ዬጌታናይሳፌ ኔ ኣሳቴꬃፌ ኢሲ ቢሊቴይ ኔስ ፓጬ ጊዲኮ ሎዖ።
23341	MAT 5:38	“ ‘ኣይፌ ጊሻስ ኣይፌ ኣቻ ጊሻስ ኣቻ’ ጌቴቲዳይሳ ኢንቴ ሲዪዴታ።
23342	MAT 5:39	ታ ቃሴ ኢንቴስ ጊዛይ ኢታ ኦꬂዳዴራ ኤቄቶፒቴ፤ ጊዶ ኣቲን ኔስ ኡሻቻ ሻጋላ ባቂዛዴስ ሃንኮይሳካ ዩሻ ቤሳ።
23348	MAT 5:45	ኢንቴ ሄሳꬆ ኦꬂኮ ኢንቴ ሳሎ ኣዋስ ናይታ ጊዳና። ኢዚ ኣዋ ኣርሼ ኢታታሲኔ ሎዖታስ ኢሲ ቦላ ጋꬂ ኢሜስ። ኢራካ ፂሎታሲኔ ናጋራንቻታስ ኢሲ ቦላ ቡኪሴስ።
23354	MAT 6:3	ኢንቴ ማንቆታስ ኢሚሺን ኡሻቻ ኩሼይ ኦꬂዛ ሃዲሪሳ ኩሼይ ኤሮፖ።
23374	MAT 6:23	ኔ ኣይፌይ ሃርጋንቻ ጊዲኮ፥ ኔ ኩሜꬃ ኣሳቴꬃይካ ꬉማ ፃላ ጊዳና። ሂስቲኮ ኔናን ዲዛ ፖዖይ ꬉማ ጊዲኮ፥ ቃሴ ꬉማይ ዋኒዳ ጊርድ ጊዳ ꬉማ ጊዳንዴ?
23390	MAT 7:5	ኔኖ ቆꬌፔ ቆሞን ሃኒዛይሶ ካሴታዳ ኔ ኣይፌን ዲዛ ጊታ ሚꬃ ኬሳይቻ። ሄሳፌ ካላዳ ኔ ኢሻ ኣይፌን ዲዛ ቡራ ኬሳናስ ሎዔꬃ ፄላንዳሳ።
23416	MAT 8:2	ኢሲ ኢንቺራቻ ሃርጌይ ዲዛዴይ ዬሱሳኮ ሺቂዲ ኢዛ ሲንꬃን ጉልባቲዲ “ጎዶ! ኔ ኮይኮ ታና ፓꬃናስ ዳንዳያሳ” ጊዴስ
23426	MAT 8:12	ሳሎ ካዎቴꬂ ኢስታስ ጊዳና ቤሲዛ ኣሳቲ ሄን ካሬ ꬉማን ዬጌታና። ሄንካ ዬሆይኔ ኣቻ ጋርጬች ጊዳና” ጊዴስ።
23430	MAT 8:16	ሄ ጋላሳ ኦማሪስ ዳይዳንꬂ ኦይኪዳ ዳሮ ኣሳታ ዬሱሳኮ ኤሂዳ። ኢዚካ ቱና ኣያናታ ባ ቃላራ ኢስታፌ ኬሲዴስ፤ ሃርጋንቻታካ ኡባ ፓꬂዴስ።
23446	MAT 8:32	ዬሱሲካ ኢስታ “ቢቴ!” ጊዴስ። ዳይዳንꬃቲካ ኢስታፌ ኬዚዲ ጉዱንꬃታን ጌሊዳ። ጉዱንꬃቲ ዉሪካ ባ ዲዛሶ ኣፎራ ቢቻርሼ ኣባን ጌሊዲ ሃꬃን ሚቴቲዲ ሃይቂዳ።
23458	MAT 9:10	ዬሱሲ ማቶሳሶን ማዳ ቦላ ዲሺን ዳሮ ቃራፃ ቃራፂዝይቲኔ ናጋራንቻቲ ኢዛኮ ዪዲ ኢዛራኔ ኢዛ ካሊዛይታራ ኢሲፌ ማናስ ኡቲዳ።
23459	MAT 9:11	ፋርሳዌቲ ሄሳ ቢዪዲ ዬሱሳ ካሊዛይታ “ኢንቴና ታማርሲዛይሲ ቃራፃ ቃንፂሲዛይታራኔ ናጋራንቻታራ ዎስቲ ኢስታራ ኢሲፌ ካꬅ ሚዜ?” ጊ ኦይቺዳ።
23461	MAT 9:13	ሄሳ ጊሽ ‘ኢንቴ ቢዲ ያርሾ ጊዶንታ ማሮቴꬅ ዶሳይስ’ ጊዛ ቃላ ቢርሼꬅ ታማሪቴ። ናጋራንቻታ ፄይጋና ያዲስ ኣቲን ፂሎታ ፄይጋናስ ያቤኬ” ጊዴስ።
23468	MAT 9:20	ታማኔ ናምዑ ላይꬅ ኩሜꬅ ኢዚፔ ሱꬂ ጉኪዛ ኢሲ ማጫሲ ዬሱሳፔ ጉዬራ ያዳ ኢዛ ኣፋላ ማጫራ ቦቻዱስ።
23469	MAT 9:21	ኢዛ ሄሳ ኦꬂዳይ “ታ ኢዛስ ኣፋላ ማጫራ ቦቺዳኮ ፓፃና” ጊዛ ኣማኖይ ኢዚ ዎዝናን ዲዛ ጊሽ ቦቻዱስ።
23486	MAT 9:38	ሄሳ ጊሽ ካꬃ ጎዳይ ካꬃኮ ኦሳንቻታ ዬዳና ማላ ዎሲቴ!” ጊዴስ።
23494	MAT 10:8	ሃርጋንቻታ ፓꬂቴ፥ ሃይቂዳይታ ሃይቆፔ ዴንꬂቴ፥ ኢንቺራቻ ሃርጊዛይታ ጌሺቴ፤ ዳይዳንꬃታ ኬሲቴ፤ ኢንቴ ሜላ ኤኪዳይሳ ሜላ ኢሚቴ፤
23496	MAT 10:10	ኦሳንቻስ ሃቺስ ሃቺስ ጊዲዛዚ ኮሺዛ ጊሽ ኢንቴ ኦጌስ ጊዲ ሺንቄ፥ ኮሾንታ ማይዖ፥ ጫማ ዎይኮ ጉፌ ኤኪ ቦፒቴ።
23533	MAT 11:5	ቆቄቲ ፄሌቴስ፤ ዎቤቲ ሃሙቴቴስ፤ ኢንችራቻ ሃርጊዛይቲ ፓፄቴስ፤ ቱሌቲ ሲዬቴስ፤ ሃይቂዳይቲ ሃይቆፔ ፓፂ ዴንዴቴስ፤ ማንቆታስ ሚሺራቾ ቃላይ ዮቴቴስ።
23547	MAT 11:19	ታ ኣሳ ናይ ማሼኔ ኡያሼ ዪን ‘ሃይሲ ሚዲ ካሎንታ ኣሳ፥ ኡሻንቻ፥ ቃራፃ ሺሺዛይታሲኔ ናጋራንቻታስ ላጌኮ!’ ጊዳ። ጊዶ ኣቲን ፆሳ ኤራቴꬂ ባ ኦሶን ፂላዱስ” ጊዴስ።
23553	MAT 11:25	ሄ ዎዴ ዬሱሲ “ሳሎኔ ሳዓ ጎዶ! ታ ኣዋዉ! ሃይሳ ዳሮ ኤራንቻታፔኔ ጪንጫታፔ ቆታዳ ቄሪ ናይታስ ኔ ቆንጪሲዳ ጊሽ ታ ኔና ጋላታይስ።
23562	MAT 12:4	ፆሳ ኬꬄ ጌሊዲ ቄሴታፔ ኣቲን ዳዉቴይኔ ኢዛራ ዲዛይቲ ቦቻናስ ቤሶንታ ዱማቲዳ ኡኬꬅ ሚዴስ።
23573	MAT 12:15	ዬሱሲ ኢስታ ቆፋ ኤሪዲ ሄፔ ሃራሶ ሼርዒ ጊዴስ። ዳሮ ዴሬይ ኢዛ ካሊዴስ፤ ሃርጋንቻታካ ኡባ ፓꬂዴስ።
23604	MAT 12:46	ዬሱሲ ኣሳስ ዮቲሺን ኢዛ ኣዬያኔ ኢሻቲ ኢዛ ዮቻና ኮይዲ ካሬን ኤቂዳ።
23611	MAT 13:3	ዳሮ ዮዖ ሌሚሶራ “ኢሲ ጎሻንቻይ ዜሬꬅ ዜራናስ ኬዚዴስ።
23613	MAT 13:5	ኢሲ ኢሲ ዜሬꬂ ሜላኔ ሹቻቲዛ ቢታ ቦላ ዎꬊን ቢታይ ሜላ ቢታ ጊዲዳ ጊሽ ኤሌ ጫሪዴስ።
23615	MAT 13:7	ኢሲ ኢሲ ዜሬꬃይ ኣጉንꬃ ጊዶን ዎꬊዴስ፤ ኣጉንꬃይካ ዲጪዲ ጫሬቻ ጩሊዴስ።
23620	MAT 13:12	ዲዛዴስ ዲዛይሳ ቦላ ጉጄታናኔ ዳራና ሺን ባይንዳዴፌ ሂና ዲዛራካ ኤኬታይቻና።
23627	MAT 13:19	ካዎቴꬃ ቃላ ሲይዲ ዩሺ ቆፖንታ ኣይ ኣሳ ዎዝናፔካ ፃላዔይ ዪዲ ዜሬቲዳ ዜሬꬃ ኤሶን ማፂቻና። ሄሲካ ኦጌ ቦላ ዎꬊዳ ዜሬꬃ።
23628	MAT 13:20	ሹቻ ቦላ ዜሬቲዳይሲ ቃላ ሲዪዳ ማላ ኡፋይሳን ሲይዲ ሄራካ ኡፋይሳን ኤኪዛዴ ሚሳቴስ።
23647	MAT 13:39	ሌሾዛ ዜሪዲ ቢዳ ሞርኬይ ዳቡሎሳ። ማፃ ዎዴይ ኣላሜ ዉርሴꬂ ጊዲሺን ማፂዛይቲ ፆሳ ኪታንቻታ።
23649	MAT 13:41	ኣሳ ናይ ባ ኪታንቻታ ኪታና፤ ኢስቲካ ናጋራስ ጋሶ ጊዲዳይታኔ ኢታ ኦꬂዛይታ ኢዛ ካዎቴꬃ ጊዶፌ ኡባ ቆሪ ኬሳና።
23653	MAT 13:45	“ሄሳꬆካ ሳሎ ካዎቴꬂ ኣልዖ ዎርቃ ኮዪዛ ዛልዓንቻ ሚሳቴስ።
23654	MAT 13:46	ዳሮ ኣልዖ ጊዲዳ ኢንቆ ጊዛ ሹቻ ዴሚዳ ማላ ቢዲ ባስ ዲዛዚ ኡባ ባይዚዲ ሻሚዴስ።
23657	MAT 13:49	ኣላሜ ዉርሴꬃን ሄሳꬆ ሃናና። ኪታንቻቲ ዪዲ ናጋራንቻታ ፂሎታፔ ሻኪዲ ዬኪዛሶኔ ኣች ጋርጪዛሶ ጌዴ ቶዖንታ ታማን ዬጋና።
23683	MAT 14:17	ኢስቲካ ኢዛስ ዛሪዲ “ሃይሳን ኑስ ኢቻሹ ኡኬꬂኔ ናምዑ ሞሌፔ ኣቲን ሃራይ ባዋ” ጊዳ።
23685	MAT 14:19	ቃሴካ ኣሳይ ማታ ቦላ ኡታና ማላ ኣዛዚዴስ። ኢቻሹ ኡኬꬃኔ ናምዑ ሞሌታ ባ ኩሼን ኦይኪዲ ባ ኣይፌ ፑዴ ሳሎ ꬎቁ ሂስቲ ጋላቲዲ፥ ኡኬꬃ ሜንꬂ ባና ካሊዛይታስ ኢሚዴስ። ኢስቲካ ኣሳስ ኢሚዳ።
23687	MAT 14:21	ሚዳ ኣሳይ ማጫሳቲኔ ጉꬃ ናይቲ ጉጄቶንታ ኣቱማሳይ ፃላላ ኢቻሹ ሺ ጊዳና።
23701	MAT 14:35	ሄን ዲዛይቲ ዬሱሳ ጊዲዳይሳ ኤሪዲ፥ ሄ ሄራን ዩዪ ኣꬋናስ ዲዛ ኣሳስ ኪታ ዬዲዳ። ኣሳይካ ሃርጋንቻታ ኡባ ዬሱሳኮ ኤሂዴስ።
23702	MAT 14:36	ሃርጋንቻቲ ኢዛ ኣፋላ ፄራ ፃላላ ቦቻና ማላ ዬሱሳ ዎሲዳ። ቦቺዳይቲ ዉሪካ ፓፂዳ።
23706	MAT 15:4	ፆሲ ‘ኔ ኣዪዮኔ ኔ ኣዋ ቦንቻ፤ ባ ኣዋ ቦላ ዎይኮ ባ ኣዪ ቦላ ኢታ ቃላ ሃሳዪዳዴይ ሃይቆ!’ ጊ ኣዛዚዴስ።
23732	MAT 15:30	ቆዳን ዳሮ ዴሬይ ዎቤታ፥ ቆቄታ፥ ሲላታ፥ ሃሳዮንታ ዱዴታ ሃራታካ ዳሮ ሃርጋንቻታ ኤሂዲ ኢዛ ሲንꬃን ዎꬂዴስ፤ ኢዚካ ኢስታ ፓꬂዴስ።
23750	MAT 16:9	ኢቻሹ ኡኬꬂ ኢቻሹ ሺ ኣሳስ ጊዲዲ ኣፑን ሌማቴይ ቲርፒን ኢንቴ ዴንꬂዳኮኔ ዩሺ ቆፔኬቲ?
23764	MAT 16:23	ዬሱሲ ጴፅሮሳኮ ሺቂዲ “ሃይሶ ፃላዔ! ሃይሳፌ ኪቻ! ኔኒ ኣሳዛፔ ኣቲን ፆሳ ዮዖይ ኔ ዎዝና ጊዶን ባይንዳ ጊሽ ኔ ታስ ꬉጴ ጊዳዳሳ” ጊዴስ።
23768	MAT 16:27	ኣሳ ናይ ባ ኣዋ ቦንቾራኔ ሳሎ ኪታንቻታራ ያና፤ ኢሳስ ኢሳስ ኢዛ ኦሶ ማላ ኢዛዴ ዋጋ ኢማና።
23806	MAT 18:10	“ሃይታ ጉꬃታ ጊዶፌ ኢሲኒዮካ ኢንቴ ካꬎንታ ማላ ናጌቲቴ! ታ ኢንቴስ ቱሙ ጋይስ፤ ሳሎን ዲዛ ኢስታ ኪታንቻቲ ሳሎን ታ ኣዋ ኣይፌሶ ኡባ ጋላስ ፄሌቴስ።
23824	MAT 18:28	“ሄ ኣሽካራይካ ባ ጎዳ ኣቻፌ ኬዚዳ ማላ ጉꬃ ኣጮይ ኢዛ ቦላ ዲዛ ባ ላጌ ዴሚዲኔ ‘ኔ ቦላ ዲዛ ታ ሚሻዮ ሃዒ ሃኒን ቃንፃ’ ጊዲ ጩሊ ኦይኪዴስ።
23830	MAT 18:34	ጊዲ ኢዛ ቦላ ዲዛ ኣጮዛ ኢዚ ዉርሲ ቃንፃና ጋካናስ ቃቻና ማላ ቃቺዛይታስ ኣꬂ ኢሚዴስ።
23833	MAT 19:2	ዳሮ ዴሬይ ኢዛ ሄን ካሊን ኢዚካ ሃርጋንቻታ ፓꬂዴስ።
23848	MAT 19:17	ዬሱሲካ “ታና ኣዛስ ሎዖ ጊሽ ኦይቻይ? ሎዖይ ኢሲ ፆሳ ፃላላ፤ ጌዴ ዴዖይ ዲዛሶ ኔ ጌላና ኮይኮ ኣዛዞታ ናጋ” ጊዴስ።
23849	MAT 19:18	ኣዴዚ “ኣዛዞቲ ኣዋይቴ?” ጊዲ ኦይቺዴስ። ዬሱሲካ ዛሪዲ “ኣስ ዎꬎፓ፤ ላይማቶፓ፤ ካይሶቶፓ፤ ዎርዶ ማርካቶፋ፤ ኔ ኣዋኔ ኔ ኣዮ ቦንቻ፤ ኔ ሾሮ ኔ ማላ ሲቃ” ጊዴስ።
23857	MAT 19:26	ዬሱሲካ ኢስታ ፄሊዲ “ሃይሲ ኣሳ ኣቻን ዳንዳዬቴና፤ ፆሳ ኣቻን ጊዲኮ ዉሪካ ዳንዳዬቴስ” ጊዴስ።
23862	MAT 20:1	“ሳሎ ካዎቴꬂ ባ ዎይኔ ኣታኪልቴ ጊዶን ኦꬂዛ ኦሳንቻታ ቃፃራናስ ማላዶራ ኬዚዳ ኢሲ ኣታኪልቴይ ዲዛ ጋዳዴ ሚሳታዉስ።
23863	MAT 20:2	ኢሲ ጋላሳ ዳሞዛ ጊዲዛዝ ሃሳዬቲዲ ጊጊዳፔ ጉዬ ኦሳንቻታ ዎይኔ ኣታኪልቴ ኦሶ ኦይꬂዴስ።
23866	MAT 20:5	ኢስቲካ ቢዳ። ቃሴካ ጋላሳፌ ኡሱፑን ሳቴኒኔ ኡዱፉን ሳቴ ቦላ ኬዚዲ ሃራ ኦሳንቻታ ኦሶን ጌልꬂዴስ።
23869	MAT 20:8	“ጋዴይ ቃሚሺን ዎይኔ ኣታኪልቴዛ ጎዳይ ኦሳንቻታ ኣላፌዛስ ‘ጉዬፔ ዪዳይታፔ ኦይካዳ ኮይሮ ዪዳይታ ጋካናስ ዲዛ ኦሳንቻታ ዉርሲ ፄይጋዳ ኢስታ ኦሶ ዋጋ ቃንፃ’ ጊዴስ።
23882	MAT 20:21	ኢዚካ ኢዞ “ኣይ ኮያይ?” ጊዴስ፤ ኢዛካ “ሃይቲ ታ ና ናምዓቲ ኔ ካዎቴꬃን ኢሶይ ኔ ኡሻቻራ፥ ኢሶይ ኔ ሃዲርሳራ ኡታና ማላ ኦꬃርኪ!” ጋዱስ።
23884	MAT 20:23	ኢዚካ “ታ ፁዓፔ ቱሙ ኢንቴ ኡያናሺን ታ ኡሻቻኒኔ ታ ሃዲርሳን ኡቴꬂ ታ ኣዋይ ጊጊሲዳዴንታስ ኣቲን ታኒ ኢሚዛዝ ዴና” ጊዴስ።
23919	MAT 21:24	ዬሱሲካ ኢስታስ ዛሪዲ “ታካ ኢንቴና ኢሲኖ ኦይቻይስ፤ ኢንቴ ታስ ዛሪኮ ታካ ሃይታ ኦꬂዛይታ ኦና ሼኔን ኦꬂዛኮኔ ኢንቴስ ዮታና።
23930	MAT 21:35	ጋዴዛ ጎይዛይቲ ኣሽካራታ ኦይኪዲ ኢሳ ዎꬊዳ፤ ኢሳ ቃሴ ሹቻን ጫዲዳ።
23932	MAT 21:37	ዉርሴꬃን ኦኒ ኤሪዜ ‘ኢስቲ ኢዛ ቦንቻናኮኔ’ ጊዲ ባ ና ኣꬂ ዬዲዴስ።
23937	MAT 21:42	ዬሱሲካ ኢስታስ “ጌሻ ማፃፋን ‘ጊምቤ ኬፂዛይቲ ኢታ ጊዲ ዎራ ዬጊዳ ሹቻይ ኬꬃስ ማዛኔ ቦላ ዎꬊዛ ሹች ጊዲዴስ፤ ፆሲ ሃይሳ ኦꬂዴስ፤ ኢዛ ኦሶይካ ኑ ኣይፌስ ማላሊሲዛዝ’ ጌቴቲ ፃፌቲዳይሳ ናባቢቤኬቲ?
23939	MAT 21:44	ሃይሳ ሹቻ ቦላ ኩንዲዛይ ሜቃና፤ ሹቻይ ኢዛ ቦላ ዎꬊዛዴይካ ሊቃና” ጊዴስ።
23954	MAT 22:13	ካዎይካ ባ ኣሽካራታ ‘ሃይሳ ኣዴዛ ቶሆኔ ኩሼ ሺሺ ቃቺዲ ሄን ካሬን ዲዛ ꬉማን ኬሲ ኦሊቴ፤ ሄን ዬሆኔ ኣቻ ጋርጬች ጊዳና።’
23957	MAT 22:16	ባና ካሊዛይታ ሄርዶሳ ኣሳታራ ኢዛኮ ኪቲዲ “ኣስታማሬ! ኔኒ ቱማንቻኔ ፆሳ ኦጌ ቱማፔ ታማርሲዛዴ ጊዲዳይሳኔ ኦናስካ ዱማ ማዶ ኦꬆንታ ዉርሳካ ኢሲ ማላ ኔ ፄሊዛይሳ ኑ ኤሮስ።
23966	MAT 22:25	ኑ ኣቻን ላፑን ኢሻቲ ዴቴስ ሺን ኮይሮ ኢሻይ ማቾ ኤኪዲ ና ዬሎንታ ሃይቂዳ ጊሽ ካሎ ኢሻይ ኢዛ ማቼዮ ኤኪዴስ።
23971	MAT 22:30	ሃይቆፔ ዴንዲዳፔ ጉዬ ኣሳይ ሳሎ ኪታንቻታ ማላ ጊዳና ኣቲን ኤኬቴቴናኔ ጌሌቴና።
23984	MAT 22:43	ኢዚካ ኢስታስ “ሂስቲን ዳዉቴይ ፂሎ ኣያና ዎልቃን ‘ፆሳይ ታ ጎዳ’ ጊዲ ዋኒ ፄይጊዴ? ‘ታ ኔ ሞርኬታ ኔ ቶሆ ጊዶን ጉልባቲሳና ጋካናስ ኔ ታ ኡሻቻን ኡታ!’ ጊዴስ።
23987	MAT 22:46	ኢዛስ ኢሲ ቃላ ዛራና ዳንዳዪዳ ኣሲ ዎይኮ ሄ ጋላሳፌ ሲሚን ኢዛ ኦይሾ ኦይቻና ፃሊዳ ኣሲ ኦኒካ ቤቲቤና።
24021	MAT 23:34	ሄሳ ጊሽ ናቤታኔ ኤራንቻታ ኣስታማሬታካ ታ ኢንቴስ ዬዳና። ኢንቴ ኢስታ ጊዶፌ ኢሲ ኢሲ ኣሳታ ዎꬋና። ባጋይታ ኢንቴ ካቃና፤ ባጋይታ ኢንቴ ኣይሁዳ ዎሳ ኬꬃን ጋራፋናኔ ሃ ካታማፔ ሃራ ኢንቴ ጎዳና።
24024	MAT 23:37	“ሃኔ ዬሩሳላሜ! ናቤታ ዎꬊዛሬ! ኔኮ ኪቴቲዳይታ ሹቻራ ጫዲዛሬ! ሃኔ ዬሩሳሌሜ ኩቶ ኣያ ባ ጪዬታ ባ ቄፌ ጊዶ ሺሺዛ ማላ ታ ኔ ናይታ ሺሻናስ ኣፑን ዎዴ ኮያዲናሺን ኔ ጊዲኮ ኮያባካ።
24027	MAT 24:1	ዬሱሲ ፆሳ ኬꬃፌ ኬዚ ቢሺን ኢዛ ካሊዛይቲ ፆሳ ኬꬃዚ ሹቻን ኬፄቲዳይሳ ቤሳና ኮይዲ ዬሱሳኮ ሺቂዳ።
24028	MAT 24:2	ኢዚካ ኢስታስ “ሃይሳ ዉርሲ ፄሌቲ? ታ ኢንቴስ ቱሙ ጋይስ፤ ሃይሲ ኢንቴ ቤዪዛ ኢሶይ ኢሳ ቦላ ዲዛ ሹቻይ ላሌቶንታ ኢሲ ሹቺካ ሃይሳꬆ ዴና” ጊዴስ።
24057	MAT 24:31	ኪታንቻታካ ዳሮ ዎልቃማ ፁሩምባ ጊሪሳራ ዬዳና። ኢስቲካ ዶሬቲዳይታ ኦይዱ ማዒዜኔፔ ሳሎስ ሃ ባጋ ጋፃፔ ሄ ጋፃ ባጋ ጋፃ ጋካናስ ዉርሲ ኢሲ ሶ ሺሻና።
24062	MAT 24:36	“ሄ ጋላሳዮኔ ሄ ሳቴዮ ኣዋፔ ኣቲን ሳሎ ኪታንቻታ ጊዲንካ ናዛ ጊዲንካ ኦኒካ ኤሬና።