23266	MAT 3:5	ዬሩሳላሜፔ፥ ኩሜꬃ ዩሁዳፔኔ ዮርዳኖሴ ሻፋ ማታን ዲዛ ዴሬ ኣሳይ ዉሪ ዮሃኒሳኮ ዎꬊዲ፥
23267	MAT 3:6	ባ ናጋራካ ኢዛስ ፓፂሼ ዮርዳኖሴ ሻፋን ኢዛ ኩሼን ፃማቄቲዴስ።
23268	MAT 3:7	ዳሮ ፋርሳዌቲኔ ሳዱቃዌቲ ኢዚ ፃማቂዛሶ ዪሺን ቤዪዲ ዮሃኒሲ “ኢንቴኖ ሾሻቶ! ኢንቴ ሲንꬃራ ዲዛ ሃንቆፌ ኣታና ማላ ኢንቴና ኦኒ ቤሲዴ?
23272	MAT 3:11	ታኒ ማሮቴꬃስ ሃꬃን ፃማቃይስ፤ ሃራይ ኣቶ ሺን ታ ኢዛ ጫማ ቶካናስ ቤሶንታዴይ ታፔ ኣꬊዛ ሚኖይ ጉዬራ ያና፤ ኢዚካ ፂሎ ኣያናኒኔ ታማን ኢንቴና ፃማቃና።
23274	MAT 3:13	ሄ ዎዴ ዬሱሲ ዮሃኒሳን ፃማቄታናስ ጋሊላፔ ዮርዳኖሴ ሻፋ ቢዴስ።
23292	MAT 4:14	“ሄሳን ዛቢሎኔኒኔ ኒፍታሌሜ ቢታን፥ ዮርዳኖሴፔ ሄ ፒንꬃን ኣባ ላንቄራ ኤፊዛ ኦጌ ማታን ዲዛ ኣይዛቤ ጊዲዳ ጋሊላ ዴሬ ኣሳይ፥ ꬉማን ዲዛ ዴሬይ ዎልቃማ ፖዖ ቤዪዴስ። ሃይቆ ኩዋ ጊዶን ዲዛ ዴሬስ ፖዖይ ፖዒዴስ” ጌቴቲዲ ናቤ ኢሳያሳ ዱናን ካሴቲዲ ሃሳዬቲዳይሲ ፖሌቲዴስ።
23303	MAT 4:25	ሄሳፌ ዴንዲዳይሳን ጋሊላፔ፥ ታሙ ካታማታፔ፥ ዬሩሳላሜፔኔ ዩሁዳፔ፥ ዮርዳኖሴ ሻፋ ፒንꬃፌ ዪዳ ዳሮ ኣሳይ ኢዛ ካሊዴስ።
23350	MAT 5:47	ኢንቴ ኢሻታ ፃላ ኢንቴ ሳሮቲኮ ሃንኮይታፔ ኣዛን ሎዔቲ? ኣማኖንታይቲካ ሄሳꬆ ኦꬄቴስ።
23356	MAT 6:5	“ኢንቴ ዎሲሼ ቆꬌፔ ቆሞን ሃኒዛይታ ማላ ሃኖፒቴ፤ ኢስቲ ኣሲ ቤያና ማላ ኣይሁዳ ዎሳ ኬꬃታኒኔ ኦይዱ ኦጌ ቦላ ኤቂዲ ዎሳናስ ዶሴቴስ። ታ ኢንቴስ ቱሙ ጋይስ፤ ኢስቲ ኩሜꬃ ዋጋ ኤኪቺዳ።
23358	MAT 6:7	“ኣማኖንታ ኣሳይ ኢሲ ቃላ ዛሪ ዛሪ ዎሲኮ ኢስታስ ሲዬቲዛ ሚሳቲን ኢስቲ ዛሪ ዛሪ ጊዛይሳꬆ ኢንቴካ ዎሲሼ ኢሲ ቃላ ዛሪ ዛሪ ጎፒቴ።
23361	MAT 6:10	ኔ ካዎቴꬂ ሃዮ፤ ኔ ሼኔይ ሳሎን ጊዲዳ ማላ ሳዓንካ ሃኖ።
23376	MAT 6:25	“ሄሳ ጊሽ ታ ኢንቴና ኢንቴ ዱሳ ጊሽ ኣይ ሚኖ? ኣይ ኡዪኖ? ኣይ ማይዒኖ? ጊዲ ሂርጎፍቴ ጋይስ። ሼምፖይ ቁማፔ፥ ኣሾይ ማይዖፔ ኣꬌኔ?
23381	MAT 6:30	ኢንቴኖ ፓጬ ኣማኖይ ዲዛይቶ! ሃቺ ኣሳ ኣይፌን ቤቲዲ ዎንቶ ታማን ዎꬋና ማታ ሃይሳꬆ ማይዚዛ ፆሲ ኢንቴና ሄሳፌ ሎዔꬂ ኣꬂ ማይዛናስ ዳንዳዬኔ?
23383	MAT 6:32	ሃንኮ ኣማኖንታ ኣሳይ ሃይሳ ዴማናስ ዳሮ ቆፔስ። ሃይሲ ዉሪ ኢንቴስ ኮሺዛይሳ ኢንቴ ሳሎ ኣዋይ ኤሬስ።
23390	MAT 7:5	ኔኖ ቆꬌፔ ቆሞን ሃኒዛይሶ ካሴታዳ ኔ ኣይፌን ዲዛ ጊታ ሚꬃ ኬሳይቻ። ሄሳፌ ካላዳ ኔ ኢሻ ኣይፌን ዲዛ ቡራ ኬሳናስ ሎዔꬃ ፄላንዳሳ።
23424	MAT 8:10	ዬሱሲ ኢዛ ዛሮዛን ማላሌቲዲ ባና ካሊዛይታስ “ታ ኢንቴስ ቱሙ ጋይስ፤ ሃራይ ኣቶሺን ኢስራዔሌታ ጊዶን ሃይሳ ማላ ኣማኖይ ዲዛዴ ኢሳዴካ ዴማቤኬ።
23427	MAT 8:13	ዬሱሲካ ማቶ ሃላቃስ “ኔ ባ ኔ ኣማኖ ማላ ኔስ ሃኖ” ጊዴስ፤ ኣሽካራዚ ሄራካ ፓፂዴስ።
23433	MAT 8:19	ሄሳ ዎዴ ኢሲ ኣይሁዳ ኣማኖ ታማርሲዛዴይ ኢዛኮ ሺቂዲ “ኣስታማሬ! ኔ ቢዛሶ ኣዋካ ታ ኔና ካላና” ጊዴስ።
23440	MAT 8:26	ዬሱሲካ ኢስታ “ኢንቴኖ ኣማኖይ ፓጪዳይቶ! ኣዛስ ሃይሳ ማላ ባቤቲ?” ጊዴስ። ሄሳፌ ዴንዲዲ ጫርኮዛኔ ኣባ ዳምባላ ኢዚ ሃንቂን ሄራካ ሲርጵ ጊዴስ።
23442	MAT 8:28	ኢዚ ኣባ ፒኒዲ ጌርጌሴኖኔ ጌቴቲዛ ዴሬ ጋኪዳ ማላ ዳይዳንꬂ ኦይኪዳ ናምዑ ኣስ ዳይቲ ባ ዲዛ ዱፎፔ ኬዚዲ ኢዛራ ጋጊዳ። ኣሲ ሄ ኦጌዛራ ኣꬋናስ ዳንዳዬቶንታ ማላ ኣሳስ ዳሮ ኬሂ ሜቶ ጊዲ ዴቴስ።
23447	MAT 8:33	ጉዱንꬃ ሄሚዛይቲ ኤሌሊዲ ካታማይ ዲዛሶ ቢዲ ጉዱንꬃይ ሃኖይሳኔ ዳይዳንꬂ ኢስታ ኦይኪዳ ኣሳታ ቦላ ሃኒዳይሳ ኡባ ኣሳስ ዮቲዳ።
23450	MAT 9:2	ሄን ኢሲ ጉንዳ ኣዴዛ፥ ኣሳይ ሃላራ ቶኪዲ ዬሱሳኮ ኤሂዴስ። ዬሱሲካ ኢስታ ኣማኖ ቤዪዲ ጉንዳ ኣዴዛ “ኣይኮይ ባ፤ ሃይሶ ናዞ! ኔ ናጋራይ ኣቶ ጌቴቲዴስ” ጊዴስ።
23469	MAT 9:21	ኢዛ ሄሳ ኦꬂዳይ “ታ ኢዛስ ኣፋላ ማጫራ ቦቺዳኮ ፓፃና” ጊዛ ኣማኖይ ኢዚ ዎዝናን ዲዛ ጊሽ ቦቻዱስ።
23470	MAT 9:22	ዬሱሲካ ጉዬ ሲሚ ፄሊዲ ማጫሳዮ “ኣይኮይ ባ፥ ታ ናዬ፤ ኔና ኔ ኣማኖይ ፓꬂዴስ” ጊን ማጫሳያ ሄራካ ፓፃጋዱስ።
23477	MAT 9:29	ሄሳፌ ጉዬ ዬሱሲ ኢስታ ኣይፌ ቦቺዲ “ኢንቴ ኣማኖ ማላ ኢንቴስ ሃኖ!” ጊዴስ።
23481	MAT 9:33	ዳይዳንꬃዚ ኬዚዳፔ ጉዬ ሄ ዱና ዱዴ ኣዴዚ ሃሳያ ኦይኪዴስ፤ ዴሬዚካ ማላሌቲዲ “ሃይሳ ማላ ሃኖይ ኢስራዔሌ ቢታን ሃኒን ኑ ቤዪ ኤሮኮ” ጊዳ።
23504	MAT 10:18	ታ ጌዶን ዴሬ ሃሪዛይታኮኔ ካዎታኮ ኢንቴና ኤፋና፤ ኢስታ ሲንꬄኒኔ ኣማኖንታ ኣሳታ ሲንꬃን ኢንቴ ማርካ ጊዳና።
23505	MAT 10:19	ኢንቴና ኢስቲ ኦይኪዛ ዎዴ ‘ኑ ኣይ ጊ ሃሳዪኖ? ዎዝጊ ዛሮ ኢሚኖ?’ ጊ ሂርጎፍቴ። ሄ ዎዴ ኢንቴ ጋናዚ ኢንቴስ ኢሜታና።
23530	MAT 11:2	ዮሃኒሲ ቃሾ ኬꬃን ዲሼ ኪርስቶሳስ ኦꬂዛ ሃኖታ ሲይዲ ባና ካሊዛይታ ኢዛኮ ዬዲዲ “ኣሲ ኣሺዛዴይ ያና ጌቴቲዳይ ኔኔዬ? ሃራ ናጊኖ?” ጊዲ ኦይቺዴስ።
23540	MAT 11:12	“ፃማቂዛ ዮሃኒሳ ዎዴፔ ሃ ሲሚን ሃዒ ጋካናስ ሳሎ ካዎቴꬃያ ዳሮ ባፄታ ቦላ ዳዉስ። ሚኖ ኣሳቲ ፃላ ኢዞ ዴማና።
23575	MAT 12:17	ሄሲካ ሃኒዳይ ናቤ ኢሳያሳን “ታ ዶሪዳይኔ ታ ኢዛን ኡፋዬቲዛ ታ ናይ ሃይሳኮ! ታ ኣያናፔ ታ ኢዛ ቦላ ዎꬃና፤ ኢዚካ ኣማኖንታ ዴሬታስ ቱሙ ፒርዳ ኣዋጃና፤ ማርሼቴና፤ ዎይኮ ዋሴና። ኢዛስ ቃላይካ ካሬን ሲዬቴና፤ ቱማ ፒርዳ ፆኖስ ጋꬃና ጋካናስ ዲንጬቲ ኡቲዳ ሾምቦቆካ ሜንꬄናኔ ጩዋቲዛ ሙቃዳካ ቶይሴና፤ ኣይዛቤቲ ኢዛ ኡፋይሳን ናጋና” ጌቴቲ ዮቴቲዳ ቲንቢቴ ቃላይ ፖሌታና።
23592	MAT 12:34	ኢንቴኖ ማርꬔራ ዲዛ ሾሻቶ! ኢንቴ ኢታታ ጊዲ ኡቲዲ ዎስቲ ሎዖ ሃሳያናስ ዳንዳዬቲ? ኡሎ ጊዶን ኩሚዳዚ ዱናራ ሃሳዬቴስ።
23642	MAT 13:34	ዬሱሲ ሃይሳ ኡባ ኣሳስ ሌሚሶራ ዮቲዴስ። ሌሚሶይ ባይንዳ ኢሲኖካ ዮቲቤና።
23666	MAT 13:58	ኢስቲ ኣማኖንታ ኣጊዳ ጊሽ ዳሮ ማላታታ ሄን ኦꬂቤና።
23697	MAT 14:31	ዬሱሲ ሄራካ ባ ኩሼ ዬዲ ኦይኪዲ “ኔኖ፥ ኣማኖይ ፓጪዳይሶ! ኣዛስ ሲꬋዲ?” ጊዴስ።
23709	MAT 15:7	ኢንቴኖ፥ ቆꬌፔ ቆሞን ሃኒዛይቶ! ኢሳያሲ ኢንቴ ጊሽ ዮቲሼ ‘ሃይሲ ዴሬይ ታና ዱናን ፃላላ ቦንቼስ፤ ዎዝናይ ጊዲኮ ታፔ ሃኪዴስ፤ ሜላ ሃዳ ታና ጎይኔስ፤ ኢስታ ቲሚርቴይካ ኣሲ ዎꬂዳ ዎጋ’ ጊዲዲ ሲንꬃፌ ሃናናይሳ ዮቲዳይሲ ቱማኮ” ጊዴስ።
23730	MAT 15:28	ሂዝጊን ዬሱሲካ ማጫሳዮ “ሃኔ ማጫሳዬ፥ ኔ ኣማኖይ ጊታ! ኔ ኮይዳ ማላ ኔስ ሃኖ” ጊዴስ። ማጫሳይ ናያካ ሄራካ ፓፃዱስ።
23749	MAT 16:8	ዬሱሲካ ኢስታ ቆፋ ኤሪዲ “ኢንቴኖ ኣማኖይ ፓጪዳይቶ! ካꬅ ኦይኮንታ ጊሽ ኣዛስ ኢሶይ ኢሳራ ሃሳዬቴቲ?
23760	MAT 16:19	ሳሎ ካዎቴꬃ ቁልፔታ ታ ኔስ ኢማና፤ ኔኒ ቢታ ቦላ ሃኖ ጊዛይ ዉሪ ሳሎኒካ ሃናና። ቢታ ቦላ ኔ ሃኖፖ ጊዳይሲ ዉሪካ ሳሎኒካ ሃኔና” ጊዴስ።
23786	MAT 17:17	ዬሱሲ “ኔኖ ኣማኖንታ ጌላ ዬሌታዞ! ኣይዴ ጋካናስ ታ ኢንቴናራ ዳኔ? ቃሴ ኣይዴ ጋካናስ ታ ኢንቴና ዳንዳያኔ? ኣኔ ናዛ ሃ ታኮ ኤሂቴ” ጊዴስ።
23789	MAT 17:20	ኢዚካ ኢስታስ “ኢንቴስ ኣማኖይ ፓጬ ጊዲዳ ጊሽ ዳንዳይቤኬታ፤ ታ ኢንቴስ ቱሙ ጋይስ፤ ቄሪ ጋሼ ኣይፌ ማላ ኣማኖይ ኢንቴ ቦላ ዲዛኮ ሃይሳ ዙማ ‘ሃይሳፌ ዴንዳዳ ጌዴ ባ!’ ኢንቴ ጊዳኮ ኢዚ ኢንቴስ ባና። ኢንቴና ፆናናይ ዴና።
23798	MAT 18:2	ዬሱሲ ኢሲ ና ፄይጊ ኤሂዲ ኢስታ ጊዶን ኤሲዲ “ታ ኢንቴስ ቱሙ ጋይስ፤ ኢንቴ ሲሞንታ ኢፂኮኔ ጉꬃ ናይታ ማላ ሃኖንታ ኢፂኮ ሙሌካ ሳሎ ካዎቴꬅ ጌሌኬታ።
23813	MAT 18:17	ኢዚ ኢስታካ ሲዮንታ ኢፂኮ ዎሳ ኬꬃስ ዮታ፤ ዎሳ ኬꬃዮካ ሲዮንታ ኢፂኮ ኢዛዴ ኔ ኣማኖንታዴ ማላኔ ዮቲን ሲሞንታ ኢታ ኣሳ ማላ ቆዳ።
23828	MAT 18:32	“ሄ ዎዴ ጎዳዚ ሄ ኣሽካራ ፄይጊሲ ኤሂዲ፥ ሃይሶ ኔኖ! ኢታዞ፥ ኔ ታና ዎሲን ኔ ቦላ ዲዛ ኣጮዛ ታ ኔስ ኣጋዲሲሺን ታ ኔና ማሪዳ ማላ ኔካ ኔ ላጌዛ ማራናስ ቤሴኔ?
23832	MAT 19:1	ዬሱሲ ዮቲ ዉርሲዳፔ ጉዬ ጋሊላ ኣጊዲ ዮርዳኖሴ ፒንꬃን ዲዛ ዩሁዳ ኣዉራጃ ቢዴስ።
23897	MAT 21:2	“ሃኖ ኢንቴ ማታን ዲዛ ጉታዮ ቢዲ ኢንቴ ሄ ጋኪዳ ማላ ኢሲ ሃሬ ዲዛራ ባ ጉቴይራ ቃሼታ ዲሺን ኢንቴ ዴማና። ቢርሺዲ ሃ ታኮ ኤኪ ዪቴ።
23916	MAT 21:21	ዬሱሲካ ኢስታ “ታ ኢንቴስ ቱሙ ጋይስ፤ ኢንቴስ ኣማኖይ ዲኮኔ ኢንቴ ሲꬎንታ ኣጊኮ ባላሴ ሚꬃይ ቦላ ሃኒዳይሳ ማላ ፃላላ ጊዶንታ ሃይሳ ዙማ ‘ሃይሳፌ ꬎቃሌታዳ ዱጌ ኣባን ጌላ’ ኢንቴ ጊዳኮካ ኢዚ ጌላና” ጊዴስ።
23917	MAT 21:22	ኢንቴስ ኣማኖይ ዲኮ ኢንቴ ዎሳን ኦይቺዳ ሚሽ ዉርሲካ ኤካና።
23919	MAT 21:24	ዬሱሲካ ኢስታስ ዛሪዲ “ታካ ኢንቴና ኢሲኖ ኦይቻይስ፤ ኢንቴ ታስ ዛሪኮ ታካ ሃይታ ኦꬂዛይታ ኦና ሼኔን ኦꬂዛኮኔ ኢንቴስ ዮታና።
23956	MAT 22:15	ሄሳፌ ጉዬ ፋርሳዌቲ ኬዚ ቢሼ “ኢዛ ዱናፔ ባላ ቃላ ዎስቲ ዴሚ ኦይኪኖ?” ጊዲ ዞሬቲዳ።
23959	MAT 22:18	ዬሱሲካ ኢስታ ጌኔ ቆፋ ኤሪዲ “ኢንቴኖ ቆꬌፔ ቆሞን ሃኒዛይቶ ታና ዮዖን ባሌꬂ ኦይካናስ ኣዛስ ኮዬቲ?
24000	MAT 23:13	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ኢንቴኖ ፋርሳዌቶ! ኣሳይ ፆሳ ካዎቴꬅ ጌሎንታ ማላ ኣሳ ቦላ ኢንቴ ፔንጌ ጎርዲዛ ጊሽ ኢንቴና ኣዬ-ኣና! ኢንቴ ኢንቴስ ጌሌኬታኔ ጌላናስ ኮዪዛይታካ ጌልꬄኬታ።
24001	MAT 23:14	ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ቃሴካ ፋርሳዌቶ! ኢንቴስ ኣዬ-ኣና! ኣዚናይ ባይንዳ ማጫሳታ ኬꬃ ካሎሲሼ ኣሳ ኣይፌ ሲንꬃን ኣዱሳ ዎሳ ኢንቴ ዎሲዛ ጊሽ ኢንቴ ኢታ ፒርዳ ፒርዴታና።
24002	MAT 23:15	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ቃሴካ ፋርሳዌቶ! ኢሲ ኣስ ኣይሁዳ ኣማኖን ጌልꬃናስ ኣባ ቦላራኔ ቢታ ቦላራ ዩዪ ዳቡርዲኔ ኣማንꬂዳ ኣሳ ኢንቴፌ ናምዑ ኩሼ ኣꬂዲ ጋናሜ ና ኢንቴ ኬሲዛ ጊሽ ኢንቴና ኣዬ-ኣና!
24003	MAT 23:16	“ኢንቴኖ! ኢንቴስ ቆቂ ኡቲዲ ሃራታ ካሌꬂዛይቶ! ኢንቴስ ኣዬ-ኣና! ‘ኦኒካ ፆሳ ኬꬃን ጫቂኮ ኣይኮይ ባ’ ጊዶ ኣቲን ‘ፆሳ ኬꬃ ጊዶን ዲዛ ዎርቃን ጫቂኮ ጫቆ ጎሜይ ጋካና’ ጌታ።
24004	MAT 23:17	ኢንቴኖ ቆቂዳይቶ! ባሌቲዳይቶ፥ ዎርቃፌኔ ዎርቃ ዱማሲዳ ፆሳ ኬꬃፌ ኣዋይሲ ኣꬊዜ?
24006	MAT 23:19	ኢንቴኖ ቆቄቶ! ያርሾፔኔ ያርሾ ሺሺዛሶፔ ኣዋይሴ ኣꬊዛይ?
24010	MAT 23:23	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ፋርሳዌቶ! ኢንቴና ኣዬ ኣና! ኣሱታፔ፥ ኣኑጋፔኔ ካትካልዓፌ ታማፌ ኢሲኖ ኢሜታ ሺን ዎጋታፔ ዋናቲዛይታ ሄይቲካ ቱማ ፒርዳ፥ ማሮቴꬂኔ ኣማኔቴꬅ ጊዲኮ ካꬊዴታ። ሄይታ ኣጎንታ ዲሼ ሃይታንታ ኢንቴ ኦꬃናስ ኢንቴስ ቤሴስ ሺን ኣጊዴታ።
24011	MAT 23:24	ኢንቴኖ ቆቂ ኡቲዲ ካሌꬂዛይቶ! ኡዔ ጋጪዲ ኡዬታ ሺን ጋሜላ ሙሜ ሚቴታ!
24012	MAT 23:25	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶኔ ፋርሳዌቶ! ኢንቴስ ኣዬ-ኣና! ፁዓሲኔ ኬሬስ ቦላ ባጋ ቁጬታ ሺን ኢዛ ጊዶን ዲዛይሳ ኢንቴ ቦንቃኒኔ ኡዜቴꬃን ሺሺዴታ።
24013	MAT 23:26	ኔኖ ቆቄ ፋርሳዌዞ! ኮይሮታዳ ፁዓሲኔ ኬሬስ ጊዶ ባጋ ጌሻ! ሄሳፌ ጉዬ ካሬ ባጋይ ጌሽ ጊዳና።
24014	MAT 23:27	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ቃሴ ፋርሳዌቶ! ቦላ ባጋይ ኖራራ ሜሼቲዲ ሎዒዛይቲ ጊዶይ ጊዲኮ ሃይቂዳይታ ሜቄꬂኔ ዳሮ ቱናኔቴꬃን ኩሚዳ ዱፎታ ሚሳቲዛ ጊሽ ኢንቴና ኣዬ-ኣና!
24016	MAT 23:29	“ኢንቴኖ ዱናን ጪሚዛይቶ! ሙሴ ዎጋ ኣስታማሬቶ፥ ቃሴካ ፋርሳዌቶ! ኢንቴስ ኣዬ-ኣና! ናቤታ ዱፎ ሎዔꬂዛይቶ፥ ፂሎ ኣሳታ ዱፎ ሃዉልቴራ ጊጊሲዛይቶ!
24020	MAT 23:33	“ኢንቴኖ ዱኪዛ ኢታ ሾሻ ናይቶ! ጋናሜ ታማ ፒርዳፌ ኢንቴ ዋኒ ኣታኔ?
24049	MAT 24:23	“ሄ ዎዴ ኦኒካ ‘ሄኮ ኪርስቶሲ ሃይሳን ዴስ!’ ዎይኮ ‘ሄሳን ዴስ’ ጊዛዴ ኣማኖፒቴ።
24052	MAT 24:26	ሄሳ ጊሽ ‘ሄኮ ሂርኪ ባዞን ዴስ’ ጊዲ ኢንቴስ ዮቲኮ ሄ ኬዞፒቴ፤ ‘ሄኮ ኢልፒኔን ዴስ’ ጊኮ ኣማኖፒቴ።
24063	MAT 24:37	ኖሄ ዎዴ ሃኒዳይሳ ማላ ኣሳ ና ዩሲ ሄሳ ማላ ጊዳና።
24064	MAT 24:38	ꬋይሲዛ ሃꬃፌ ካሴ ኖሄይ ማርካቤን ጌሊዛ ጋላስ ጋካናስ ኣሳይ ሚሼኔ ኡዪሼ፥ ኤኪሼኔ ጌሊሼ ጋምዒዴስ።
24098	MAT 25:21	ኢዛ ጎዳይካ ‘ሎዖ ኦꬃዳሳ፤ ኔኖ ሎዖ ኣማኔቲዳ ኣሽካራዞ! ኔ ጉꬃ ሚሻን ኣማኔቲዳ ኣስ ጊዲዳ ጊሽ ታ ኔና ዳሮ ሚሻ ቦላ ሹማና፤ ጌዴ ኔ ጎዳ ኡፋይሳሶ ጌላ’ ጊዴስ።
24111	MAT 25:34	ሄ ዎዴ ካዎይ ኡሻቻ ባጋራ ዲዛይታ ‘ኢንቴኖ! ታ ኣዋይ ኢንቴና ኣንጂዳይቲ ሃ ዪቴ! ኣላሜይ ሜꬌቶሳፔ ኢንቴስ ጊጌቲዳ ካዎቴꬃ ላቲቴ! ጋና።
24118	MAT 25:41	“ቃሴካ ሃዲርሳ ባጋራ ዲዛይታስ፤ ‘ኢንቴኖ ቃንጌቲዳይቶ! ታፔ ሻኬቲዲ ዳቡሎሳሲኔ ኢዛ ኪታንቻታስ ጊጌቲዳ ሜርና ታማን ቢቴ ጋና።
24133	MAT 26:10	ዬሱሲ ሄሳ ኤሪዲ “ሃኖ ማጫሳዮ ኣዛስ ዋይሴቲ? ኢዛ ታስ ሎዖ ኦꬃዱስ።
24162	MAT 26:39	ኢስታፌ ጉꬅ ጌዴ ሃኪ ቢ ጉፓንዲ “ታ ኣዋዉ! ኔስ ዳንዳዬቲኮ ሃይሲ ሜቶይ ታፔ ኣꬎ፤ ጊዶ ኣቲን ታኒ ኮይዳ ማላ ጊዶንታ ኔኒ ኮይዳ ማላ ሃኖ” ጊ ዎሲዴስ።
24289	MRK 1:5	ዩሁዳ ዴሬይ ኩሜꬅ ዬሩሳላሜ ኣሳይ ዉሪ ዮሃኒሳኮ ቢ ቢዲ ባ ናጋራ ናጋራ ፓፂ ፓፂ ዮርዳኖሴ ሻፋን ዮሃኒሳ ኩሼን ፃማቄቲዴስ።
24293	MRK 1:9	ሄ ዎዴ ዬሱሲ ጋሊላ ጊዶን ዲዛ ናዚሬቴ ጌቴቲዛ ካታማይፔ ዮርዳኖሴ ሻፋ ዪዲ ዮሃኒሳ ኩሼን ፃማቄቲዴስ።
24334	MRK 2:5	ዬሱሲ ኣሳታ ኣማኖ ቤዪዲ ቶሆይ ሲሊዳ ኣዴዛ “ታ ናዞ! ኔ ናጋራይ ኣቶ ጌቴቲዴስ” ጊዴስ።
24341	MRK 2:12	ኢዚካ ዴንዲዲ ኣሳይ ዉሪ ቤዪሺን ሃላ ቶኪዲ ቢዴስ። ሄን ጋዳን ዲዛ ኣሳይ ዉሪ ሃኖዛን ማላሌቲዲ “ካሴ ሃይሳ ማላይ ሃኒን ቤይቦኮ” ጊዲ ፆሴ ጋላቲዴስ።
24365	MRK 3:8	ኢዚ ኦꬂዛይሳ ሲይዲ ኣሳይ ዩሁዳፔ፥ ዬሩሳላሜፔ፥ ኤዶሜፔ፥ ዮርዳኖሴ ፒንꬃን ዲዛ ዴሬታፔ ቃሴ ፂሮሴፔኔ ሲዶና ሄራፔ ኢዛኮ ዪዴስ።
24378	MRK 3:21	ኢዛ ሃኖታ ሲዪዳ ኢዛ ዳቦቲ “ጎዮንታ ኣጌና” ጊዲ ባናራ ኤኪ ባናስ ኢዚ ዲዛሶ ጋኪዳ።
24427	MRK 4:35	ሄ ጋላስ ጋዴይ ቃሚሺን ባና ካሊዛይታ “ኣኔ ጌዴ ሄ ፒንꬅ ፒኖስ” ጊዴስ።
24432	MRK 4:40	ባና ካሊዛይታካ “ሃይሳꬆ ኣዛስ ባቢዴቲ? ሃይሳ ጋካናስ ኢንቴስ ኣማኖይ ባዌ?” ጊዴስ።
24434	MRK 5:1	ኣባ ፒኒዲ ጌዴ ጌርጌሴኖኔ ጌቴቲዛሶ ቢዳ።
24449	MRK 5:16	ሃይሳ ቤዪዳ ኣሳይ ዳይዳንꬂ ኢዛ ቦላ ዲዛ ኣዴዛ ጊሺኔ ጉዱንꬃቲ ሃኖይሳ ዴሬዛስ ዮቲዳ።