23253	MAT 2:15	ሄርዶሲ ሃይቃና ጋካናስ ሄን ዴዒዴስ። ሄሳንካ “ታ ናዛ ታ ጊብፄ ቢታፌ ፄይጋዲስ” ጊዲ ጎዳይ ካሴ ናቤ ዱናን ሃሳዪዳይሲ ፖሌቲዴስ።
23292	MAT 4:14	“ሄሳን ዛቢሎኔኒኔ ኒፍታሌሜ ቢታን፥ ዮርዳኖሴፔ ሄ ፒንꬃን ኣባ ላንቄራ ኤፊዛ ኦጌ ማታን ዲዛ ኣይዛቤ ጊዲዳ ጋሊላ ዴሬ ኣሳይ፥ ꬉማን ዲዛ ዴሬይ ዎልቃማ ፖዖ ቤዪዴስ። ሃይቆ ኩዋ ጊዶን ዲዛ ዴሬስ ፖዖይ ፖዒዴስ” ጌቴቲዲ ናቤ ኢሳያሳ ዱናን ካሴቲዲ ሃሳዬቲዳይሲ ፖሌቲዴስ።
23343	MAT 5:40	ኢሲ ኣሲ ኔ ጊዶራ ማይዒዳይሳ ኔፔ ኤካናስ ኔና ሞቲኮ ቦላራ ማይዒዳይሳካ ጉጃዳ ኢዛስ ኢማ።
23376	MAT 6:25	“ሄሳ ጊሽ ታ ኢንቴና ኢንቴ ዱሳ ጊሽ ኣይ ሚኖ? ኣይ ኡዪኖ? ኣይ ማይዒኖ? ጊዲ ሂርጎፍቴ ጋይስ። ሼምፖይ ቁማፔ፥ ኣሾይ ማይዖፔ ኣꬌኔ?
23380	MAT 6:29	ሄሳ ጊሽ ታ ኢንቴና ጊዛይ ሃራይ ኣቶ ሺን ካዎ ሶሎሞኒካ ባ ቦንቾራ ሃ ጪሻታፔ ኢሲኔይ ማላ ሎዖ ማይዒቤና።
23400	MAT 7:15	“ኢስታስ ጊዶ ባጋይ ካና ሱይቴ ማላ ጊዲ ኡቲዲኔ ዶርሳ ኢቴ ማይዒዲ ኢንቴ ጊዶ ጌሊዲ ጊዶራ ኦꬂዛ ዎርዶ ናቤታፔ ናጌቲቴ።
23471	MAT 9:23	ዬሱሲካ ሹሜዛ ሶ ማታ ጋኪሺን ዴሬይ ዛዬራኔ ዲንኬራ ዋሲሼ ዬኪዛይሳ ቤዒዲ፥
23476	MAT 9:28	ቆቄቲካ ዬሱሲ ጌሊዳ ኬꬃ ኢዛ ካሊዲ ጌሊዳ። ዬሱሲካ ኢስታ “ታ ኢንቴ ኣይፌ ፓꬃና ዳንዳዒዛይሳ ኣማኔቲ?” ጊዲ ኦይቺዴስ። ኢስቲካ “ኤ፥ ጎዶ!” ጊዳ።
23536	MAT 11:8	ዎይኮ ኣይ ቤያናስ ኬዚዴቲ? ሎዖ ማይዖ ማይዒዲ ሎዒ ኡቲዳዴ ቤያና ዪዴቲ? ሎዖ ማይዖ ማይዒዲ ሎዒዛይቲ ካዎታ ኬꬃን ዴቴስ።
23540	MAT 11:12	“ፃማቂዛ ዮሃኒሳ ዎዴፔ ሃ ሲሚን ሃዒ ጋካናስ ሳሎ ካዎቴꬃያ ዳሮ ባፄታ ቦላ ዳዉስ። ሚኖ ኣሳቲ ፃላ ኢዞ ዴማና።
23548	MAT 11:20	ሄሳፌ ጉዬ ዬሱሲ ኢዚ ማላታታ ኦꬂዳ ካታማ ኣሳይ ማሮቴꬃን ጌሎንታ ኣጊዳ ጊሽ “ኩራዚኔኔ ቤቴሳይዳ! ኢንቴና ኣዬ ኣና! ኢንቴ ቦላ ኦሴቲዳ ማላታይ ፂሮሴ ቦላኔ ሲዶና ቦላ ኦሴቲዳኮ ኢስቲ ማቃ ማይዒዲኔ ቢዲንꬃን ኡቲዲ ቤኒ ቤኒ ማሮቴꬃን ጌላናኮሺን።
23573	MAT 12:15	ዬሱሲ ኢስታ ቆፋ ኤሪዲ ሄፔ ሃራሶ ሼርዒ ጊዴስ። ዳሮ ዴሬይ ኢዛ ካሊዴስ፤ ሃርጋንቻታካ ኡባ ፓꬂዴስ።
23598	MAT 12:40	ዮናሲ ጊታ ሞሌ ኡሎ ጊዶን ሄꬑ ቃማኔ ሄꬑ ጋላስ ጋምዒዳ ማላ ኣሳ ናይካ ሄꬑ ጋላሲኔ ሄꬑ ቃማ ቢታ ጋርሳን ጋምዓና።
23622	MAT 13:14	“ኢሳያሲ ‘ኢንቴ ሲሳ ሲያናሺን ዩሺ ቆፔኬታ፤ ፄሎ ፄላና ሺን ዎዝናን ዎꬄኬታ፤ ዴሬዛ ዎዝናይ ሙሚዴስ፤ ኢስታ ሃይꬃይካ ሲዬና፤ ፄሎንታ ማላ ባ ኣይፌ ቂልምዒዳ፤ ሄሲ ባይንዳኮ ኢስቲ ባ ኣይፌራ ቤዪዲኔ ባ ሃይꬃራ ሲይዲ ባ ዎዝናን ዩሺ ቆፒዲ ታኮ ሃ ሲሚን ታ ኢስታ ፓꬃና ሺን’ ጊዳ ቲንቢቴ ቃላይ ኢስታን ፖሌቲዴስ።
23625	MAT 13:17	ታ ኢንቴስ ቱሙ ጋይስ፤ ዳሮ ናቤቲኔ ዳሮ ፂሎ ኣሳቲ ሃዒ ኢንቴ ቤዪዛይሳ ቤያናሲኔ ሃዒ ኢንቴ ሲዪዛይሳ ሲያናስ ኣሞቲዳ ሺን ኢስታስ ሃኒቤና።
23626	MAT 13:18	“ሂስቲኮ ሃዒ ዜሬꬃ ሌሚሶዛ ቢርሼꬅ ሲዪቴ፡
23641	MAT 13:33	ሃዒካ ሃራ ሌሚሶ ኢስታስ “ሳሎ ካዎቴꬂ ማጫሲ ሊፄይ ዴንዳና ማላ ሊፄ ጊዶን ጉጂዳ ጉꬃ ኢርሾ ሚሳታዉስ” ጊዴስ።
23674	MAT 14:8	ናያካ ኣዬይ ዞሬን “ፃማቂዛ ዮሃኒሳ ሁዔ ኬሬን ዎꬃዳ ሃዒ ሃኒን ታስ ኢማ” ጋዱስ።
23718	MAT 15:16	ኢዚካ “ኢንቴ ሃዒ ጋካናስካ ኤሪቤኬታ ጉሴ?
23734	MAT 15:32	ዬሱሲ ባና ካሊዛይታ ፄይጊዲ “ኣሳይ ታናራ ሄꬑ ጋላስ ጋምዒዳ ጊሺኔ ማና ካꬂ ባይንዳ ጊሽ ኣሳይ ታና ሚቼስ። ኦጌ ቦላን ጋፋን ዳቡሪዲ ኩንዶንታ ማላ ሜላ ኡሎራ ዬዳናስ ኮዪኬ” ጊዴስ።
23743	MAT 16:2	ኢዚካ ኢስታስ “ኦማርሳ ዎዴ ሳሎይ ዞዒኮ ‘ጋዴይ ኣዋታና’ ጌታ።
23752	MAT 16:11	ሂስቲን ታ ኢንቴስ ዮቲዳይ ካꬃ ጊሽ ጊዶንታይሳ ዋንዲ ዩሺ ቆፔኬቲ? ሃዒካ ፋርሳዌታ ኢርሾፌኔ ሳዱቃዌታ ኢርሾፌ ናጌቲቴ” ጊዴስ።
23753	MAT 16:12	ሃዒ ኢዚ ኢስታ ቆፊሲዛይ ቡኬሶ ዴንꬃናስ ጉጂዛ ኢርሾ ጊሽ ጊዶንታ ፋርሳዌታኔ ሳዱቃዌታ ቲሚርቴፌ ናጌታና ማላ ጊዲዳይሲ ኢስታስ ጌሊዴስ።
23771	MAT 17:2	ኢስቲ ሄን ዲሺን ዬሱሳ ሜꬋይ ላሜቲዴስ፤ ኢዛ ኣይፌሶይ ኣዋ ኣርሼ ማላ ፖዒዴስ፤ ኢዛ ማይዖይካ ፖዖ ማላ ፆልቂዴስ።
23774	MAT 17:5	ኢዚ ቡሮ ሃሳያን ዲሺን ፖዒዛ ሻራይ ኢስታ ካሚዴስ፤ ሻራ ጋꬃራ “ታኒ ኢዛን ኡፋዬቲዛ ታ ዶሲዛ ታ ናይ ሃይሳ፤ ኢዚ ጊዛዝ ሲዪቴ” ጊዛ ቃላ ጊሪስ ሲዬቲዴስ።
23777	MAT 17:8	ኢስቲ ꬎቁ ጊ ፄሊሺን ዬሱሳፔ ኣቲን ኢዛራ ሃራ ኣስ ኦናካ ቤዒቤቴና።
23824	MAT 18:28	“ሄ ኣሽካራይካ ባ ጎዳ ኣቻፌ ኬዚዳ ማላ ጉꬃ ኣጮይ ኢዛ ቦላ ዲዛ ባ ላጌ ዴሚዲኔ ‘ኔ ቦላ ዲዛ ታ ሚሻዮ ሃዒ ሃኒን ቃንፃ’ ጊዲ ጩሊ ኦይኪዴስ።
23858	MAT 19:27	ጴፅሮሲ ኢዛስ ዛሪዲ “ኑ ዉርሲካ ኣጊዲ ኔና ካሊዶስ፤ ሂስቲን ሃዒ ኑ ኣይ ዴማኔሻ?” ጊዴስ።
23872	MAT 20:11	ሚሻ ኤኪሼ ቃንፂዛዴ ቦላ ‘ሃይቲ ዉርሴꬃን ኦሶን ጌሊዲ ኢሲ ሳቴ ፃላላ ኦꬂዳይቲ ኩሜꬃ ጋላስ ኦሶን ዱሪዲኔ ኣዋን ፁጌቲዲ ፔዒዳ ኑሳራ ዎስታ ኢስታስ ኢሲ ጊና ቃንፃይ?’ ጊዳ።
23874	MAT 20:13	“ኢዚካ ኢስታፌ ኢሳዴስ ‘ታ ጃላዉ! ኔና ቆሃቤኬ፤ ኢሲ ጋላሳስ ጊዲዛ ዳሞዛን ኦꬃናስ ታናራ ጊጋቤይኪ? ሃዒ ሄሂ ኔ ጊሻ ኤካዳ ባ፤ ኔስ ኢሚዳይሳ ማላ ዉርሴꬃን ዪዳይሳስካ ታ ኢማና ኮያይስ።
23876	MAT 20:15	ሂስቲን ታ ሚሻን ታ ዶሲዳዚ ኦꬃናስ ዳንዳዒኪና? ዎይኮ ታ ኪያ ጊዲዳይሲ ኔና ቃናቲሲዜ?’
23931	MAT 21:36	ጋዳ ጎዳይ ካሴይታፔ ኣꬊዛ ሃራ ኣሽካራታ ዬዲዴስ። ጎይዛይቲ ሃዒካ ካሴይታ ቦላ ኦꬂዳይሳ ማላካ ኢስታ ቦላካ ፖሊዳ።
24014	MAT 23:27	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ቃሴ ፋርሳዌቶ! ቦላ ባጋይ ኖራራ ሜሼቲዲ ሎዒዛይቲ ጊዶይ ጊዲኮ ሃይቂዳይታ ሜቄꬂኔ ዳሮ ቱናኔቴꬃን ኩሚዳ ዱፎታ ሚሳቲዛ ጊሽ ኢንቴና ኣዬ-ኣና!
24048	MAT 24:22	ሄ ጋላሳቲ ቃሞንታኮ ኣሾ ማይዒዳ ኣሲ ዉሪ ኣቴና ሺን ዶሬቲዳይታ ጊሽ ሄ ጋላሳቲ ቃማና።
24053	MAT 24:27	ዎልቃንꬂ ኣዋ ኣርሼይ ሞኪዛሶራ ዎልቃሚዲ ኣዋ ኣርሼይ ዉሊዛሶ ጋካናስ ፖዒዛይሳ ማላ ኣሳ ና ዩሳይካ ሄሳꬆ ሃናና።
24057	MAT 24:31	ኪታንቻታካ ዳሮ ዎልቃማ ፁሩምባ ጊሪሳራ ዬዳና። ኢስቲካ ዶሬቲዳይታ ኦይዱ ማዒዜኔፔ ሳሎስ ሃ ባጋ ጋፃፔ ሄ ጋፃ ባጋ ጋፃ ጋካናስ ዉርሲ ኢሲ ሶ ሺሻና።
24064	MAT 24:38	ꬋይሲዛ ሃꬃፌ ካሴ ኖሄይ ማርካቤን ጌሊዛ ጋላስ ጋካናስ ኣሳይ ሚሼኔ ኡዪሼ፥ ኤኪሼኔ ጌሊሼ ጋምዒዴስ።
24074	MAT 24:48	ጊዶ ኣቲን ሄ ኦሳንቻይ ኢታ ጊዲዲ ‘ታ ጎዳይ ጋምዒዲ ያና’ ጊ ቆፒዲ፥
24082	MAT 25:5	ማቺዮ ኤካና ሚሺራይ ዮንታ ጋምዒን ꬊስኮይ ዴፂን ኣሳይ ዉሪካ ꬊስኪዴስ።
24088	MAT 25:11	“ጉꬅ ጋምዒሼ ሃንኮ ጌላዖቲ ዪዲ ‘ጎዶ! ጎዶ! ካሬ ኑስ ዶያ!’ ጊዳ።
24096	MAT 25:19	“ኣሽካራታ ጎዳይ ባ ቢዳሶን ዳሮ ዎዴ ጋምዒ ሲሚዲ ሚሻ ኢስታራ ሳላዔቲዴስ።
24104	MAT 25:27	ሂስቲን ታ ሲማ ዪዛ ዎዴ ታ ሚሻ ዬሎራ ታ ኤካና ማላ ቲርፒሲ ዛልዒዛ ኣሳስ ኔ ኢማናስ ቤሴሴሺን’ ጊዴስ።
24105	MAT 25:28	“ ‘ኣኔ ሃዒ ኢዛፔ ሺ ቢራ ኤኪዲ ታሙ ሺ ቢራይ ዲዛዴስ ኢሚቴ።
24139	MAT 26:16	ሄ ጋላሳፌ ሲሚዲ ዩሁዳይ ዬሱሳ ኢስታስ ኣꬂ ኢማናስ ኢንጄ ዎዴ ናጊሼ ጋምዒዴስ።
24168	MAT 26:45	ሄሳፌ ባና ካሊዛይታኮ ሲሚዲ “ሃዒካ ሼምፒዲ ꬊስኪዴቲ? ሄኮ ሃዒ ሳቴይ ማቲዴስ፤ ኣሳ ናይ ናጋራንቻታ ኩሼን ኣꬊ ኢሜታና።
24196	MAT 26:73	ጉꬅ ጋምዒሺን ሄን ኤቂዳ ኣሳቲ ሺቂዲ ጴፅሮሳ “ኔ ሃሳያይ ኔ ሃይታራ ዲዛይሳ ቆንጪሴስ፤ ቱማፔ ኔ ኢስታ ባጋ ኣሳ” ጊዳ።
24229	MAT 27:31	ኢዛ ቦላ ቂꬊ ካዒዳይሳፌ ጉዬ ቃሴካ ዞዖ ማይዖዛ ቃሪ ኤኪዲኔ ካሴ ኢዛ ማይዖዛ ዛሪ ማይዚዲ ካቃናሶ ኤኪ ቢዳ።
24240	MAT 27:42	“ሃራ ኣሳ ኣሺዴስ ሺን ባና ኣሻናስ ዳንዳይቤና፤ ኢዚ ኢስራዔሌ ካዎ ጊዲኮ ኣኔ ሃዒ ማስቃሌ ቦላፌ ዎꬎ፤ ኑካ ኢዛ ኣማናና።
24241	MAT 27:43	ፆሳን ኣማኔቲዴስ፤ ባና ፆሳ ና ጊዳ ማላ ፆሲ ኢዛ ዶሲዛ ጊዲኮ ኣኔ ሃዒ ኢዛ ኣሾ” ጊዳ።
24249	MAT 27:51	ሄ ዎዴ ፆሳ ኬꬃ ማጋላሻይ ቦላ ሁዔራ ዱጌ ሲሚ ዳኬቲዲ ናምዑ ኬዚዴስ፤ ቢታይ ቃፂዴስ፤ ዛላቲ ዛዒዳ።
24265	MAT 28:1	ሳምባታይ ኣꬊዳፔ ጉዬ ሳሚንታፔ ኮይሮ ጋላስ ቡሮ ሳሎይ ዞዒሺን ማግዳሌ ማራማኔ ሃራ ማራማ ዱፎዛ ቤያና ቢዳ።
24269	MAT 28:5	ኪታናቻይ ማጫሳታ “ባቦፍቴ፤ ኢንቴ ካቄቲዳ ዬሱሳ ኮዪዛይሳ ታ ኤራይስ፤ ኢዚ ሃዒ ሃን ባዋ፤ ኢዚ ካሴ ዮቲዳ ማላ ሃይቆፔ ዴንዲዴስ፤ ሃ ዪዲ ኢዚ ኢቺዳሶ ቤይቴ።
24271	MAT 28:7	ሃዒካ ኤሌሊ ቢዲ ኢዛ ካሊዛይታስ ‘ሃይቆፔ ዴንዲዴስ። ኢንቴፌ ካሴቲዲ ጋሊላ ቤስ፤ ኢንቴ ኢዛ ሄን ዴማና’ ጊዲ ዮቲቴ። ሂዓ ታ ኢንቴስ ዮታዲስ” ጊዴስ።
24290	MRK 1:6	ሄ ዎዴ ዮሃኒሲ ማይዒዛይ ጋሜላ ኢሲኬፔ ኦሴቲዳ ማይዖ፤ ቃሴ ባ ፄሳን ዳፎ ጊፄስ። ኢዚ ሚዛ ቁማይ ቦሌኔ ዴጌራ ኤሳ።
24297	MRK 1:13	ሄን ባዞንካ ኦይዱ ታሙ ጋላስ ጋካናስ ፃላዔራ ፓጬቲሼ ጋምዒዴስ። ዶዓታራ ኢሲፌ ዴዒዴስ። ኪታንቻቲካ ኢዛ ማዲዳ።
24409	MRK 4:17	ጊዶ ኣቲን ኢስቲ ፃጶ ዬዶንታ ጊሽ ጉꬃ ዎዴ ጋምዒሺን ቃላ ጌዶን ሜቶይ ዎይኮ ጎዴታይ ኣሳታ ቦላ ዪዛ ዎዴ ሄራካ ꬉጴቴቴስ።
24448	MRK 5:15	ዬሱሳኮ ዪዲ ዳሮ ዳይዳንꬂ ኢዛ ቦላ ዲዛ ኣዴዛ ዎዝናይ ኢዛስ ሲሚን ማይዖ ማይዒዲኔ ዎጋራ ኡቲዳይሳ ዪዳ ኣሳይ ቤዪዲ ባቢዴስ።
24455	MRK 5:22	ኣይሁዳታ ዎሳ ኬꬃ ሃላቃታፔ ኢሶይ ኢያዒሮሳ ጌቴቲዛይሲ ኢዚ ዲዛሶ ቢዲ ዬሱሳ ዴሚዳ ማላ ኢዛ ቶሆ ቦላ ኩንዲዲ
24459	MRK 5:26	ኢዛ ባሲ ዲዛ ሚሽ ዉርሳ ኦንጋና ጋካናስ ኣኪሜፔ ኣኪሜ ላሞን ዳሮ ዳቡራዱስ። ጊዶ ኣቲን ሳኮይ ኢዚስ ጌዴ ዳሪዴስ ኣቲን ኣይኮካ ሎዒቤና።
24468	MRK 5:35	ዬሱሲ ቡሮ ሃሳያን ዲሺን ኣይሁዳታ ዎሳ ኬꬄ ሃላቃ ኢያዒሮሳ ሶፔ ዪዲ ኢያዒሮሳስ “ኔ ናያ ሃይቃዱስ፥ ጎዳ ሜላ ኣዛስ ዳቡሪሳይ?” ጊዳ።
24560	MRK 7:28	ኢዛካ ዛራዳ “ኤ ጎዶ! ካናቲካ ማዳ ማታን ዴዒዲ ናይታ ኩሼፔ ጋዴን ዎꬊዳይሳ ሜቴሲኮ” ጋዱስ።
24571	MRK 8:2	“ሃይቲ ኣሳቲ ታናራ ሄꬑ ጋላስ ጋካናስ ጋምዒዳ ጊሺኔ ቃሴካ ኢስታስ ሚዛ ካꬂ ባይንዳ ጊሽ ታና ሚቼቴስ።
24586	MRK 8:17	ቃሴ ዬሱሲ ኢስታ ቆፋ ኤሪዲ “ኑስ ካꬂ ባይንዳ ጊሽ ጋሳ ጊዲ ኢንቴ ጊዶን ኣዛስ ሃሳዬቴቲ? ሃዒካ ዩሺ ቆፔኬቲ? ዎዝናንካ ዎꬄኬቲ? ዎይኮ ኢንቴ ዎዝናይ ሹቻቲዴ?
24590	MRK 8:21	ኢዚካ ኢስታ “ሂስቲን ሃዒ ጋካናስ ዩሺ ቆፒቤኬታካ!” ጊዴስ።
24592	MRK 8:23	ኢዚካ ሄ ቆቄዛ ኩሼ ኦይኪ ጎቺዲ ኣሲ ዲዛሶፔ ጌዴ ካሬ ኬሲ ኣዴዛ ኣይፌን ጩቲዲኔ ባ ኩሼ ኢዛ ቦላ ዎꬂዲ “ሃዒ ኔስ ኣዚ ቤቲዜ?” ጊ ኦይቺዴስ።
24610	MRK 9:3	ኢዚ ማይዒዳ ማይዖይ ቢታ ቦላ ኦኒካ ማይዖ ሜጪዲ ሄሳ ማላ ቦꬃናስ ዳንዳዮንታ ቦꬅ ቦቲዴስ።
24678	MRK 10:21	ዬሱሲ ኢዛ ፄሊዲኔ ዶሲዲ “ሂስቲኮ ሃዒ ኔስ ኢሲ ሚሺ ፓጬስ። ባዳኔ ኔስ ዲዛ ዉርሳ ባይዛ፥ ሚሻ ማንቆታስ ኢማ፤ ኔኒ ሳሎን ሺቂዳ ሚሽ ዴማንዳሳ፤ ሂስታዳኔ ሃያ ታና ካላ” ጊዴስ።
24687	MRK 10:30	ሃይሳ ሃ ዎዴዛን ሃዒ ጎዴቴꬃራ ኬꬃታ፥ ኢሻታ፥ ሚቼታ፥ ኣዬታ፥ ናይታኔ ጋዴካ ፄቱ ኩሼ ኣꬂ ኤኮንታይኔ ቡሮ ያና ኣላሜዛንካ ሜርና ዴዖ ላቶንታዴይ ዴና።
24746	MRK 12:4	ናምዓንꬆካ ሃራ ኣሽካራ ዬዲዴስ። ጎሻንቻቲ ሃዒካ ኣሽካራ ኦይኪዲ ኢዛስ ሁዔታራ ቆዒዲኔ ካዉሺዲ ዛሪ ዬዲዳ።
24747	MRK 12:5	ሃዒካ ዛሪዲ ሃራ ኣሽካራ ዬዲዴስ። ሄ ዬዶይሳካ ዎꬊዳ፤ ሃራ ዳሮታ ጊዶፌ ኢሲ ኢሲ ኣሳታ ቆፂዳ፤ ባጋይታ ዎꬊዳ።
24748	MRK 12:6	“ሃዒካ ኪቶንታ ኣቲዛ ሃራይ ዴስ፤ ኢዚካ ኣዋይ ዶሲዛ ኢዛ ናዛ። ‘ታ ናዛ ኢስቲ ቦሳና’ ጊ ቆፒዲ ዉርሴꬃን ባ ናዛ ዬዲዴስ።
24763	MRK 12:21	ካሎዚ ሄ ማጫሳዮ ኤኪዲ ሃዒካ ና ዬሎንታ ሃይቂዴስ፤ ሄꬓንꬆይካ ዬሎንታ ሃይቂዴስ።
24780	MRK 12:38	ኢዚ ታማርሲሼ “ሙሴ ዎጋ ታማርሲዛይታፔ ናጌቲቴ፥ ጋዴራ ጎሼቲዛ ኣዱሳ ማይዖ ማይዒዲ ዩሽ ዩያና ዶሴቴስ፤ ኣዋንካ ኣꬊ ኣꬊ ኣሲ ኢስታስ ቦንቾ ሳሮታ ኢማና ማላ ኮዬቴስ።
24787	MRK 13:1	ኢዚ ፆሳ ኬꬃፌ ኬዚሺን ኢዛ ካሊዛይታፔ ኢሶይ “ኣስታማሬ! ሃይሲ ኬꬃይኔ ኬꬃይ ኬፄቲዳ ሹቻይ ኣይ ማላ ሎዒዛኮኔ ሃይሳ ቤያይ?” ጊዴስ።
24805	MRK 13:19	ኮይሮ ፆሲ ሜꬌቴꬃ ዉርሲ ሜꬎሶፔ ሃዒ ጋካናስ ዎይኮ ሃይሳፌ ጉዬ ኢዛ ሚሳቲዛይ ባይንዳ ጊታ ሜቶይ ሃናና።
24821	MRK 13:35	“ሂስቲኮ ኬꬃ ኣዋይ ኣይዴ ያናኮኔ ዎይኮ ቃማ ሌላ ጊዶꬅ ያናኮኔ ዎይኮ ኮይሮ ኩቶይ ባቂሺን ያናኮኔ ዎይኮ ዎንታ ቦላ ባዞይ ዞዒሺን ያናኮ ኢንቴ ኤሮንታ ጊሽ ቤጊዲ ናጊቴ።
24832	MRK 14:9	ታ ኢንቴስ ቱሙ ጋይስ፤ ሃይሲ ሚሺራቾ ቃላይ ኣላሜ ኩሜꬃን ሳባኬቲዛሶን ኣዋንካ ኢዛ ኦꬂዳይሲ ኢዞ ሃሳዒሲዛዝ ጊዲዲ ሃሳዬታና” ጊዴስ።
24834	MRK 14:11	ኢስቲካ ሄሳ ሲይዲ ኡፋዬቲዳ፤ ኢዛስ ሚሼ ኢማናስ ኢዛራ ጊጊዳ። ሄሳ ጊሽ ዬሱሳ ኣꬂ ኢማናስ ኢንጄ ዎዴ ናጊሼ ጋምዒዴስ።
24855	MRK 14:32	ሄሳፌ ጉዬ ጌቴሴማኔ ጌቴቲዛሶ ቢዳ ዬሱሲካ ባና ካሊዛይታ “ታኒ ዎሲሺን ኢንቴ ሃይሳን ጋምዒሺቴ” ጊዴስ።
24864	MRK 14:41	ሄꬓንꬆ ዪዲ “ሃዒካ ኢንቴ ኢቺዲ ሼምፔቲ? ሃዒ ጊዳና፥ ሳቴያካ ጋካዱስ፤ ሄኮ ኣሳ ናይ ናጋራንቻታ ኩሼን ኣꬊ ኢሜታና።
24877	MRK 14:54	ጴፅሮሲካ ዬሱሳ ሃሆራ ካሊሼ ቄሴታ ሃላቃ ጊቤ ጋካናስ ቢዴስ። ኢዚ ሄን ኡቲዲ ሃራ ኣሳታራ ታማ ሆዒሺን፥
24887	MRK 14:64	ኢዚ ጫሻ ቃላ ፆሳ ቦላ ሃሳይሺን ኢንቴ ሲዪዴታ፤ ሃዒች ኢንቴስ ኣይ ሚሳቲዜ?” ጊዴስ። ኢስቲካ “ኢዛስ ሃይቆይ ቤሴስ” ጊዲ ዉሪካ ኢሲ ቃላን ፒርዲዳ።
24890	MRK 14:67	ጴፅሮሲ ታማ ሆዒሺን ቲሺ ሂስታ ፄላዳ “ኔኒ ናዚሬቴ ዬሱሳራ ዳሳ ጊዲኪ?” ጋዱስ።
24893	MRK 14:70	ኢዚ ቃሴካ ካዲዴስ። ጉꬃ ዎዴ ጋምዒሺን ሄን ኤቂዳ ኣሳቲ ጴፅሮሳ “ኔኒ ጋሊላ ኣሳ፥ ሄሳ ጊሽ ቱማፔ ኔ ኢስታፌ ኢሳዴ” ጊዳ።
24900	MRK 15:5	ጊዶ ኣቲን ዬሱሲ ሃዒካ ኢዛስ ኣይኮካ ዛሮ ኢሞንታ ጊሽ ጲላፆሲካ ማላሌቲዴስ።
24915	MRK 15:20	ኢዛ ቦላ ቂꬊ ካዒዳፔ ጉዬ ካሴ ማይዚዳ ዞዖ ማይዖዛ ቃሪ ኤኪዲ ካሴ ኢዛ ማይዖዛ ዛሪ ማይዚዲ ካቃናሶ ኤኪ ቢዳ።
24925	MRK 15:30	“ኣኔ ሃዒ ማስቃሌ ቦላፌ ዎꬋዳ ኔና ኣሻ” ጊዳ።
24927	MRK 15:32	“ኑ ኢዛ ቤዪዲ ኣማናና ማላ ኣኔ ሃይሲ ኪርስቶሲ ኢስራዔሌታ ካዎይ ሃዒ ማስቃሌፔ ዎꬎ” ጊዳ። ኢዛራ ካቄቲዳይቲካ ኢዛ ቦላ ጫሼ ኮሪዳ።
24936	MRK 15:41	ሄይቲ ማጫሳቲ ጋሊላን ዬሱሳ ካሊሼኔ ኢዛስ ኦꬂሼ ጋምዒዳይታ። ኢስታራካ ኢሲፌ ሃራ ዳሮ ማጫሳቲ ዬሩሳላሜ ቢዳ።
24939	MRK 15:44	ጲላፆሲካ ኢዚ ሂኒ ዎዴ ኤሌራ ሃይቂዳይሳ ሲይዲ ማላሌቲዴስ። ማቶ ሃላቃ ፄይጊስዲ “ኢዚ ሃይቂ ጋምዒዴ?” ጊዲ ኦይቺዴስ።
24947	MRK 16:5	ጌዴ ዱፎዛ ጊዶ ጌሊዳ ማላ ኢሲ ቦꬃ ማይዖ ማይዒዳ ፓንꬂ ኡሻቻ ባጋራ ኡቲዳይሳ ቤዪዲ ዳጋሚዳ።
24983	LUK 1:21	ሄ ዎዴ ዴሬይ ዛካራሲ “ፆሳ ኬꬃፌ ኬዞንታ ኣዛስ ጋምዒዳኮ” ጊዲ ሞꬌቲሼ ናጊዴስ።