23218	MAT 1:5	ሳሎሞንካ ቦዔዜ ኤራዓቢፔ ዬሊዴስ፤ ቦዔዜይ ኡሩቲፔ ኢዮቤዴ ዬሊዴስ፤ ኢዮቤዴይ ኢሴዬ ዬሊዴስ፤
23222	MAT 1:9	ኦዚያኔይ ኢዮዓታሜ ዬሊዴስ፤ ኢዮዓታሜይ ኣካዜ ዬሊዴስ፤ ኣካዜይ ሂዚቃሴ ዬሊዴስ፤
23225	MAT 1:12	ባቢሎኔ ዲዖፔ ጉዬ ኢኮኛኔይ ሳላቲያሌ ዬሊዴስ፤ ሳላቲያሌይካ ዜሩባቤሌ ዬሊዴስ፤
23226	MAT 1:13	ዜሩባቤሌይ ኣቢዮዴ ዬሊዴስ፤ ኣቢዮዴይ ኤሊያቄሜ ዬሊዴስ፤ ኤሊያቄሜይ ኣዛሬ ዬሊዴስ፤
23240	MAT 2:2	“ዬሌቲዳ ኣይሁዳ ካዎይ ኣዋን ዲዜ? ኣዋ ኣርሼይ ሞኪዛ ባጋራ ኢዛ ፆሊንቴዛ ቤዪዲ ኢዛስ ጎይናና ዪዶስ” ጊዲ ኦይቺዳ።
23288	MAT 4:10	ዬሱሲ “ሃይሶ ፃላዔ! ታ ሲንꬃፌ ሃካ! ‘ኔኒ ኔ ጎዳስ ፆሳስ ጎይና፤ ኢዛስ ፃላላ ኣዛዜታ’ ጌቴቲ ጌሻ ማፃፋን ፃፌቲዴስ” ጊዴስ።
23316	MAT 5:13	“ኢንቴ ሃ ቢታ ኣሳስ ማፂኔ ማላ። ማፂኔይ ባ ማልዖቴꬃ ዬዲዛ ጊዲኮ ጌዴ ካሬ ዬጌቲዲ ዬꬌቴꬃፌ ኣቲን፥ ዛሪዲ ዴማናስ ዳንዳዪዜ?
23349	MAT 5:46	ኢንቴና ዶሲዛይታ ፃላላ ኢንቴ ዶሲኮ ኢንቴስ ኣዛ ጎዓይ ዲዜ? ቃራፃ ቃንፂሲዝይቲ ሄሳꬆ ኦꬄቴኔ?
23377	MAT 6:26	ኣኔ ሳሎ ካፎታ ፄሊቴ! ዜሬቴና፥ ማፄቴና፥ ዲዔን ቆሌቴና ሺን ኢንቴ ሳሎ ኣዋይ ኢስታ ሚዜስ። ኢንቴ ኢስታፌ ኬሂ ኣꬌኬቲ?
23378	MAT 6:27	ኣኔ ኢንቴፌ ዳሮ ዋዬቲዲ ባስ ኢሜቲዳ ላይꬃ ቦላ ሃራ ኢሲ ጋላስ ጉጃና ዳንዳዪዛ ኣሲ ዲዜ?
23401	MAT 7:16	ኢንቴ ኢስታ፥ ኢስታ ኦሶን ኤራንዴታ። ኣጉንꬃ ዎራፔ ዎይኔይ፥ ኪንዲቾ ኣጉንꬃፌ ባላሴ ኣይፌይ ማፄቲዜ?
23423	MAT 8:9	ታስካ ታና ኣዛዚዛ ሃላቃቲ ታፔ ቦላራ ዴቴስ፤ ቃሴካ ታስ ኣዛዜቲዛ ዎታዳራቲ ታፔ ጋርሳራ ዴቴስ፤ ኢስታፌ ኢሳ ‘ባ!’ ጊኮ ቤስ፤ ቃሴ ኢሳ ‘ሃያ!’ ጊኮ ዬስ፤ ታ ኣሽካራ ‘ሄሳ ኦꬃ!’ ጊኮ ኦꬄስ” ጊዴስ።
23441	MAT 8:27	ኢስቲካ “ሃይሲ ኣባይኔ ጫርኮይካ ኢዛስ ኣዛዜቲዛዴይ ኢዚ ዋኒዳዴ?” ጊዲ ማላሌቲዳ።
23443	MAT 8:29	ኢስቲካ “ፆሳ ናዉ! ኔስ ኑናራ ኣዛ ኢሲፌቴꬅ ዲዜ? ኑ ዎዴይ ጋኮንታ ዲሺን ኑና ፁጋና ያዲ?” ጊዲ ዋሲዳ።
23459	MAT 9:11	ፋርሳዌቲ ሄሳ ቢዪዲ ዬሱሳ ካሊዛይታ “ኢንቴና ታማርሲዛይሲ ቃራፃ ቃንፂሲዛይታራኔ ናጋራንቻታራ ዎስቲ ኢስታራ ኢሲፌ ካꬅ ሚዜ?” ጊ ኦይቺዳ።
23463	MAT 9:15	ዬሱሲ ኢስታስ “ሚሺራ ላጌቲ ሚሺራዚ ኢስታራ ዲሺን ሙዞታና ቤሲዜ? ሚሺራይ ኢስታፌ ኤኬታና ዎዴይ ያና፤ ኢስቲ ሄ ዎዴ ፆማና።
23511	MAT 10:25	ታማሬይ ባና ታማርሲዛይሳ ማላ ዎይኮ ኣሽካራይ ጎዳ ማላ ጊዲኮ ሄሲ ኢዛስ ጊዳና። ኬꬃ ኣዋ ‘ቢዔሊዜቡላ’ ጊኮ ሶ ኣሳ ኣይሲ ሄሳፌ ኢታ ጌቴኔ!
23515	MAT 10:29	ኢሲ ሳንቴን ባይዜቲዛ ናምዑ ሲኔ ካፎታፔ ኢሲኒያካ ኢንቴ ሳሎ ኣዋ ሼኔይ ባይንዳ ጮ ኩንዳ ኣቱኩ።
23568	MAT 12:10	ሄንካ ኢሲ ኩሼ ሲሊዳዴይ ዴስ። ዬሱሳ ሞታናስ ጋሶ ኮይዲ “ሳምባታ ጋላስ ፓꬃናስ ቤሲዜ?” ጊዲ ኢዛ ኦይቺዴስ።
23582	MAT 12:24	ጊዶ ኣቲን ፋርሳዌቲ ሄሳ ሲዪዳ ዎዴ “ሃይሲ ኣዴዚ ዳይዳንꬅ ኬሲዛይ ዳይዳንꬃ ሃላቃ ቢዔሊዜቡላ ዎልቃን ፃላ ጊዳናስ ቤሴስ” ጊዳ።
23584	MAT 12:26	ፃላዔይ ፃላዔ ኬሲዛ ጊዲኮ ፃላዔይ ባ ጊዶን ሻኬቲዴስ ጉሳ። ሄሳꬆ ሃኒኮ ኢዛ ካዎቴꬂ ዋኒ ሚናና ዳንዳዪዜ?
23585	MAT 12:27	ታኒ ቢዔሊዜቡላ ዎልቃን ኬሲዛ ጊዲኮ ኢንቴ ናይቲ ኣዛ ዎልቃን ኬሳኔ? ሄሳ ጊሽ ኢንቴ ናይቲ ኢንቴ ቦላ ፒርዳና።
23611	MAT 13:3	ዳሮ ዮዖ ሌሚሶራ “ኢሲ ጎሻንቻይ ዜሬꬅ ዜራናስ ኬዚዴስ።
23612	MAT 13:4	ኢዚ ዜሪሺን ኢሲ ኢሲ ዜሬꬂ ኦጌ ዱናን ዎꬊን ካፎቲ ዪዲ ማፂ ሚዳ።
23613	MAT 13:5	ኢሲ ኢሲ ዜሬꬂ ሜላኔ ሹቻቲዛ ቢታ ቦላ ዎꬊን ቢታይ ሜላ ቢታ ጊዲዳ ጊሽ ኤሌ ጫሪዴስ።
23615	MAT 13:7	ኢሲ ኢሲ ዜሬꬃይ ኣጉንꬃ ጊዶን ዎꬊዴስ፤ ኣጉንꬃይካ ዲጪዲ ጫሬቻ ጩሊዴስ።
23616	MAT 13:8	ሃራ ዜሬꬂካ ሎዖ ኦርዴ ቢታን ዎꬊዲ ኣይፌካ ኣይፊዴስ፤ ኢሶይ ፄቱ፥ ኢሶይ ኡሱፑን ታሙ ኢሶይ ሄꬑ ታሙ ኣይፌ ኢሚዴስ።
23626	MAT 13:18	“ሂስቲኮ ሃዒ ዜሬꬃ ሌሚሶዛ ቢርሼꬅ ሲዪቴ፡
23627	MAT 13:19	ካዎቴꬃ ቃላ ሲይዲ ዩሺ ቆፖንታ ኣይ ኣሳ ዎዝናፔካ ፃላዔይ ዪዲ ዜሬቲዳ ዜሬꬃ ኤሶን ማፂቻና። ሄሲካ ኦጌ ቦላ ዎꬊዳ ዜሬꬃ።
23628	MAT 13:20	ሹቻ ቦላ ዜሬቲዳይሲ ቃላ ሲዪዳ ማላ ኡፋይሳን ሲይዲ ሄራካ ኡፋይሳን ኤኪዛዴ ሚሳቴስ።
23630	MAT 13:22	ኣጉንꬃ ጊዶን ዜሬቲዳ ዜሬꬃይ ቃላ ሲይዲ ሃይሳ ሃ ኣላሜዛስ ዳሮ ሜቶቴꬃኔ ዱሬቴꬃ ቆፋን ባሌቲዲኔ ጩሌቲዲ ኣይፌ ኢሞንታ ኣሳ ማላ።
23631	MAT 13:23	ሎዖ ቢታን ዜሬቲዳ ዜሬꬃይ ቃሴ ቃላ ሲይዲ ዩሺ ቆፒዛዴ ሚሳቴስ፤ ቱሙ ኣይፌ ኣይፌስ፤ ኢሶይ ፄቱ፥ ኢሶይ ኡሱፑን ታሙ፥ ኢሶይ ሄꬑ ታሙ ኣይፌ ኢሚዴስ” ጊዴስ።
23632	MAT 13:24	ዬሱሲ ቃሴካ ሃራ ሌሚሶ ኢስታስ “ሳሎ ካዎቴꬂ ባ ጎሻ ጋዴን ሎዖ ዜሬꬅ ዜሪዳዴ ሚሳቴስ።
23633	MAT 13:25	ጊዶ ኣቲን ኣሲ ዉሪ ኢቺዳ ዎዴ ሞርኬይ ዪዲ ጊስቴዛ ጊዶን ሌሾ ዜሪዲ ቢዴስ።
23635	MAT 13:27	“ካꬃ ጎዳ ኣሽካራቲ ጎዳዛኮ ሺቂዲ ‘ጎዶ! ኔኒ ኔ ጎሻን ሎዖ ዜሬꬅ ዜራቤኪ? ሃይሲ ሌሾይ ኣዋፔ ዪዴ?’ ጊዳ።
23639	MAT 13:31	ሃራ ሌሚሶ ኢስታስ “ሳሎ ካዎቴꬂ ኢሲ ኣሲ ባ ጋዴ ጊዶን ዜሪዳ ባርዛፌ ሚꬃ ኣይፌ ማላ።
23645	MAT 13:37	ኢዚካ ኢስታስ ዛሪዲ “ሎዖ ዜሬꬅ ዜሪዳይ ኣሳ ና።
23646	MAT 13:38	ጎሻይ ሃይሳ ኣላሜዛ፤ ሎዖ ዜሬꬃይ ካዎቴꬃ ናይታ ጊዲዳይሳ ቤሴስ፤ ሌሾይ ቃሴ ፃላዔ ናይታ።
23647	MAT 13:39	ሌሾዛ ዜሪዲ ቢዳ ሞርኬይ ዳቡሎሳ። ማፃ ዎዴይ ኣላሜ ዉርሴꬂ ጊዲሺን ማፂዛይቲ ፆሳ ኪታንቻታ።
23736	MAT 15:34	ዬሱሲ ኢስታ “ኢንቴስ ኣፑን ኡኬꬂ ዲዜ?” ጊ ኦይቺን ኢስቲካ “ላፑን ኡኬꬂኔ ቂ ጉꬃ ሞሌቲ ዴቴስ” ጊዳ።
23754	MAT 16:13	ዬሱሲ ቂሳሪያ ፒሊጲሲዮሴ ጌቴቲዛ ቢታ ጋኪዳ ዎዴ ባና ካሊዛይታ “ኣሳይ ታና ኣሳ ና ኦና ጊዜ?” ጊዲ ኦይቺዴስ።
23767	MAT 16:26	ኣሲ ኣላሜን ዲዛዝ ኩሜꬅ ሃሪድ ባ ሼምፖ ꬋይሲኮ ኢዛ ኣይ ማዳኔ? ዎይኮ ኣሲ ባ ሼምፖ ጊሽ ቃንፃና ዳንዳዪዛዚ ኣዜ?
23790	MAT 17:21	ሃይሳ ማላይ ጊዲኮ ፆማኒኔ ዎሳን ኣቲን ሃራን ኬዜና” ጊዴስ።
23794	MAT 17:25	ኢዚካ ኢስታስ “ቃንፄስ” ጊዴስ። ጴፅሮሲ ሶ ጌሊዳ ማላ ዬሱሲ ካሴቲዲ “ሲሞና ዴሬ ካዎቲ ጊራ ጊዲን ዎይኮ ቃራፃ ጊዲን ባ ናይታፔ ኤኪዞዬ? ሃራታፔ ኤኪዛ ሚሳቲዜ?” ጊዴስ።
23821	MAT 18:25	ኣሽካራይካ ኢዛ ቦላ ዲዛ ኣጮዛ ቃንፆይ ፆንዳ ጊሽ ኢዚካ ኢዛ ማቺያካ ኢዛ ናይቲኔ ኢዛስ ዲዛዚ ዉሪ ባይዜቲዲ ሚሻይ ቃንፄታና ማላ ኢዛ ጎዳይ ኣዛዚዴስ።
23834	MAT 19:3	ፋርሳዌቲ ኢዛ ፓጫናስ ኢዛኮ ሺቂዲ ኣይ ጋሶንካ “ኣሲ ባ ማቾ ኣንጂ ዬዳና ቤሲዜ?” ጊዲ ኦይቺዳ።
23856	MAT 19:25	ሄሳ ሲዪዳ ኢዛ ካሊዛይቲ ዳሮ ቆፒዲ “ሂስቲን ኦኒ ኣታናስ ዳንዳዪዜ?” ጊዲ ዬሱሳ ኦይቺዳ።
23876	MAT 20:15	ሂስቲን ታ ሚሻን ታ ዶሲዳዚ ኦꬃናስ ዳንዳዒኪና? ዎይኮ ታ ኪያ ጊዲዳይሲ ኔና ቃናቲሲዜ?’
23910	MAT 21:15	ጊዶ ኣቲን ቄሴታ ሃላቃቲኔ ሙሴ ዎጋ ታማርሲዛይቲ ኢዚ ኦꬂዳ ማላታታ ቤዪዳይሳኒኔ ጉꬃ ናይቲ “ዎዜ ካዎ፥ ጋላታይ ዳዉቴ ናስ ጊዶ!” ጊዲ ዋሲዛይሳ ሲዪዳ ጊሽ ዳሮ ሃንቄቲዳ።
23923	MAT 21:28	ዬሱሲ ኢስታ “ኢንቴስ ኣይ ሚሳቲዜ? ናምዑ ኣቱማ ናይ ዲዛ ኢሳዴይ ዴስ፤ ኢዚካ ኮይሮ ናዛኮ ቢዲ ‘ታ ናዞ! ሃቺ ጌዴ ዎይኔ ሚꬃሶ ባዳ ኦꬃ’ ጊዴስ።
23932	MAT 21:37	ዉርሴꬃን ኦኒ ኤሪዜ ‘ኢስቲ ኢዛ ቦንቻናኮኔ’ ጊዲ ባ ና ኣꬂ ዬዲዴስ።
23935	MAT 21:40	“ኤሮ! ዎይኔዛ ጎዳይ ዪዛ ዎዴ ሄ ጋዳ ጎዪዛ ኣሳታ ዎስታና ኢንቴስ ሚሳቲዜ?” ጊዴስ።
23958	MAT 22:17	ኔስ ኣይ ሚሳቲዛኮኔ ኣኔ ኑስ ዮታ? ቄሳሬስ ጊራ ቃንፃናስ ቤሲዜ? ቤሴኔ?” ጊዳ።
23986	MAT 22:45	ሄሳ ጊሽ ዳዉቴይ ኢዛ ‘ታ ጎዳ’ ጊዲ ፄይጊኮ ዋኒዲ ኢዛስ ና ጊዳና ዳንዳዪዜ?” ጊዴስ።
24004	MAT 23:17	ኢንቴኖ ቆቂዳይቶ! ባሌቲዳይቶ፥ ዎርቃፌኔ ዎርቃ ዱማሲዳ ፆሳ ኬꬃፌ ኣዋይሲ ኣꬊዜ?
24012	MAT 23:25	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶኔ ፋርሳዌቶ! ኢንቴስ ኣዬ-ኣና! ፁዓሲኔ ኬሬስ ቦላ ባጋ ቁጬታ ሺን ኢዛ ጊዶን ዲዛይሳ ኢንቴ ቦንቃኒኔ ኡዜቴꬃን ሺሺዴታ።
24029	MAT 24:3	ኢዚ ዳብራዛይቴ ጌቴቲዛ ዙማ ቦላ ኡቲ ዲሺን ኢዛ ካሊዛይቲ ፃላላ ኢዛኮ ሺቂዲ “ኣኔ ኑስ ዮታ፤ ሃይሲ ኔ ጊዛይሲ ኣይዴ ሃናኔ? ኔ ዩሳሲኔ ዎዴ ዉርሴꬃስ ማላታይ ኣዜ?” ጊ ኦይቺዳ።
24057	MAT 24:31	ኪታንቻታካ ዳሮ ዎልቃማ ፁሩምባ ጊሪሳራ ዬዳና። ኢስቲካ ዶሬቲዳይታ ኦይዱ ማዒዜኔፔ ሳሎስ ሃ ባጋ ጋፃፔ ሄ ጋፃ ባጋ ጋፃ ጋካናስ ዉርሲ ኢሲ ሶ ሺሻና።
24080	MAT 25:3	ኤያቲ ኩራዜ ፆምፔ ኦይኪዳ ሺን ዉሪኮ ጉጃና ሃራ ናጌ ላምባ ኦይኪቤቴና።
24081	MAT 25:4	ጪንጫቲ ጊዲኮ ባ ኩራዜዛራ ዉሪኮ ጉጃና ላምባ ሃራ ፃርሙሴን ኦይኪዳ።
24101	MAT 25:24	“ኢሲ ሺ ቢራ ኤኪዳ ኣሽካራይ ሺቂዲ ‘ጎዶ! ኔኒ ዜሮንታሶፔ ማፂዛዴኔ ላሎንታሶፔ ሺሺዛ ሜንፄ ኢታ ኣስ ጊዲዳይሳ ታ ኤራይስ።
24103	MAT 25:26	“ኢዛ ጎዳይ ዛሪዲ ‘ሃይሶ ኢታ ኣዛላ ኣሽካራዞ! ታኒ ዜሮንታሶፔ ማፂዛዴ ላሎንታሶፔ ሺሺዛዴ ጊዲዳይሳ ኔ ኤራይ?
24131	MAT 26:8	ኢዛ ካሊዛይቲ “ሄሳ ቤዪዲ ሃይሲ ኣዛስ ሜላ ሞሬቲዜ?
24132	MAT 26:9	ሺቶዚ ዳሮ ዋጋስ ባይዜቲዲ ሚሻይ ማንቆታስ ኢሜቲዛኮቺ?” ጊዳ።
24176	MAT 26:53	ኮሺኮ ታኒ ታ ኣዋ ኦይቺዛኮ ዳሮ ሺዬን ቆዴቲዛ ኦሊዛ ኪታንቻ ታስ ዬዶንታ ኣጋና ሚሳቲዜ?
24188	MAT 26:65	ሄ ዎዴ ቄሴታ ሃላቃይ ባ ማይዖ ዳኪዲ “ፆሳ ቦላ ጫሻ ቃላ ሃሳዪዴስ፤ ኑስ ሃይሳፌ ኣꬊዛ ሃራ ኣዛ ማርካ ኮሺዜ! ፆሳ ቦላ ጫሻ ቃላ ኢዚ ሃሳዪሺን ኢንቴ ኢንቴ ሃይꬃራ ሲዪዴታ።
24189	MAT 26:66	ኢንቴስ ኣይ ሚሳቲዜ?” ጊዴስ። ኢስቲካ ዛሪዲ ኢዛስ “ሃይቆይ ቤሴስ” ጊዳ።
24311	MRK 1:27	ዴሬይ ዉሪ “ኣሶ ሃይሲ ኣዛ ፓላ? ሃይሲ ጎዳቴꬃራ ዲዛ ኦራꬃ ቲሚርቴ፤ ቱና ኣያናታካ ኣዛዜስ፤ ኢስቲካ ኢዛስ ኣዛዜቴቴስ” ጊ ማላሌቲሼ ኣሳይ ባ ጊዶን ኢሶይ ኢሳ ኦይሼቾ ኦይኪዴስ።
24335	MRK 2:6	ሄን ጋዳን ኡቲዳ ኢሲ ኢሲ ሙሴ ዎጋ ፃፌቲ ባ ዎዝናራ ሃይሲ ኣዴዚ ዎስቲ ሃይሳꬆ ጊዜ? “ፆሳ ቦላ ጫሻ ቃላ ሃሳዬስ። ኢሲ ፆሳፌ ኣቲን ናጋራ ማራና ዳንዳዪዛይ ኦኔ?” ጊዲ ቆፒዳ።
24338	MRK 2:9	ቶሆይ ሲሊዳ ኣዴዛ፥ ‘ኔ ናጋራይ ኣቶ ጌቴቲዴስ’ ጉሳፌኔ ‘ዴንዳዳ ኔ ሃላ ቶካዳ ባ ጉሳፌ ኣዋይሲ ማቲዜ?’
24345	MRK 2:16	ፋርሳዌታ ባጋፌ ጊዲዳ ሙሴ ዎጋ ታማርሲዛይቲ ዬሱሲ ናጋራንቻታራኔ ቃራፃ ሺሺዛይታራ ሚሺን ቤዪዲ ኢዛ ካሊዛይታ “ቃራፃ ቃንፂሲዛይታራኔ ናጋራንቻታራ ኣዛስ ሚዜ?” ጊዲ ኦይቺዳ።
24379	MRK 3:22	ዬሩሳላሜፔ ዪዳ ፃፌቲካ “ቢዔሊዜቡላ ጌቴቲዛ ዳይዳንꬃታ ሃላቃይ ኢዛ ቦላ ዴስ። ኢዚ ዳይዳንꬃታ ኬሲዛይ ዳይዳንꬃታ ሃላቃ ዎልቃንኮ!” ጊዳ።
24395	MRK 4:3	“ሲዪቴ! ኢሳዴይ ዜሬꬅ ዜራናስ ኬዚዴስ።
24396	MRK 4:4	ኢዚ ዜሪሺን ኢሲ ኢሲ ዜሬꬂ ኦጌ ቦላ ዎꬊዴስ። ኦጌ ቦላ ዎꬊዳ ዜሬꬃ ካፎቲ ማፂ ሚዳ።
24399	MRK 4:7	ቃሴ ኢሲ ዜሬꬂ ኣጉንꬃ ጊዶን ዎꬊዴስ፤ ኣጉንꬃይካ ዲጪዲ ጩሊዳ ጊሽ ኣይፊቤና።
24400	MRK 4:8	ሃራ ዜሬꬂ ቃሴ ሎዖ ኦርዴ ቢታ ቦላ ዎꬊዳ ጊሽ ጫሪዲ ዲጪዴስ፤ ኣይፌካ ኣይፊዴስ፤ ኢሶይ ሄꬑ ታሙ፥ ኢሶይ ቃሴ ኡሱፑን ታሙ፥ ኢሶይ ቃሴ ፄቱ ኣይፊዴስ።”
24406	MRK 4:14	ዜሪዛዴይ ቃላ ዜሬስ።
24407	MRK 4:15	ኢሲ ኢሲ ኣሳቲ ኦጌ ቦላ ዎꬊዳ ዜሬꬃ ሚሳቴቴስ፤ ኢስቲ ቃላ ሲዪዛ ዎዴ ፃላዔይ ዪዲ ሄራካ ኢስቲ ሲዪዳ ቃላ ኢስታ ዎዝናፔ ኤኪቼስ።
24408	MRK 4:16	ሄሳꬆካ ሃራቲ ሜላ ቢታ ቦላ ዎꬊዳ ዜሬꬃ ሚሳቴቴስ። ኢስቲ ቃላ ሲይዲ ኡፋይሳን ኤኬቴስ።
24410	MRK 4:18	ሃራቲ ቃሴ ኣጉንꬃ ጊዶን ዎꬊዳ ዜሬꬃ ሚሳቴቴስ፤ ኢስቲ ቃላ ሲሲ ሲዬቴስ።
24412	MRK 4:20	ሃንኮይቲ ሎዖ ቢታን ዜሬቲዳ ዜሬꬃ ሚሳቴቴስ፤ ሄይቲካ ቃላ ሲይዲ ኤኪዛዴኔ ሄꬑ ታሙ ኣይፌ፥ ኡሱፑን ታሙ ኣይፌኔ ፄቱ ኣይፌ ኣይፊዛይታ” ጊዴስ።
24418	MRK 4:26	ቃሴካ ዬሱሲ “ፆሳ ካዎቴꬂ ዜሬꬅ ዜሪዛ ኢሲ ኣስ ሚሳታዉስ።