23233	MAT 1:20	ሃይሳ ኢዚ ቆፒሺን ፆሳ ኪታንቻይ ኣጉሞራ ኢዛስ ቆንጪዲ “ዳዉቴ ና ዮሴፌ! ኔ ጊጊሲዳ ማራማ ቃንꬃቲዳይ ፂሎ ኣያናን ጊዲዳ ጊሽ ኢዞ ኔሶ ኤፋናስ ባቦፋ።
23243	MAT 2:5	ኢስቲካ ኢዛስ “ናቤይ ‘ዩሁዳ ቢታን ዲዛሬ ሃኔ ቤቴሌሜ! ታ ዴሬ ኢስራዔሌ ናጊዛዴይ ኔፔ ኬዛና ጊሽ ሃንኮ ዩሁዳ ሃሪዛይታፔ ኣዛንካ ጉፃካ’ ጊዲ ፃፊዳ ጊሽ ኢዚ ቤቴሌሜ ዩሁዳን ዬሌታና” ጊዲ ዮቲዳ።
23268	MAT 3:7	ዳሮ ፋርሳዌቲኔ ሳዱቃዌቲ ኢዚ ፃማቂዛሶ ዪሺን ቤዪዲ ዮሃኒሲ “ኢንቴኖ ሾሻቶ! ኢንቴ ሲንꬃራ ዲዛ ሃንቆፌ ኣታና ማላ ኢንቴና ኦኒ ቤሲዴ?
23288	MAT 4:10	ዬሱሲ “ሃይሶ ፃላዔ! ታ ሲንꬃፌ ሃካ! ‘ኔኒ ኔ ጎዳስ ፆሳስ ጎይና፤ ኢዛስ ፃላላ ኣዛዜታ’ ጌቴቲ ጌሻ ማፃፋን ፃፌቲዴስ” ጊዴስ።
23297	MAT 4:19	ዬሱሲ ኢስታ “ሃ ዪቴ! ታና ካሊቴ! ታ ኢንቴና ኣስ ኦይኪዛ ኣስ ኬሳና” ጊዴስ።
23360	MAT 6:9	ኢንቴ ዎሲሼ ‘ሳሎን ዲዛ ኑ ኣዋዉ! ኔ ሱንꬂ ኣንጄቶ።
23377	MAT 6:26	ኣኔ ሳሎ ካፎታ ፄሊቴ! ዜሬቴና፥ ማፄቴና፥ ዲዔን ቆሌቴና ሺን ኢንቴ ሳሎ ኣዋይ ኢስታ ሚዜስ። ኢንቴ ኢስታፌ ኬሂ ኣꬌኬቲ?
23381	MAT 6:30	ኢንቴኖ ፓጬ ኣማኖይ ዲዛይቶ! ሃቺ ኣሳ ኣይፌን ቤቲዲ ዎንቶ ታማን ዎꬋና ማታ ሃይሳꬆ ማይዚዛ ፆሲ ኢንቴና ሄሳፌ ሎዔꬂ ኣꬂ ማይዛናስ ዳንዳዬኔ?
23407	MAT 7:22	ሄ ጋላስ ዳሮቲ ‘ጎዶ! ጎዶ! ኑኒ ኔ ሱንꬃን ቲንቢቴ ዮቲቤኮኒ? ኔ ሱንꬃን ዳይዳንꬂ ኬሲቤኮኒ? ኔ ሱንꬃን ዳሮ ማላታ ኦꬂቤኮኒ?’ ጋና።
23408	MAT 7:23	ሄ ዎዴ ታ ኢስታስ ‘ታ ኢንቴና ሙሌካ ኤሪኬ! ኢንቴ ኢታቲ ታፔ ሃኪቴ’ ጋዳ ቆንጬራ ታ ኢስታስ ዮታና።
23440	MAT 8:26	ዬሱሲካ ኢስታ “ኢንቴኖ ኣማኖይ ፓጪዳይቶ! ኣዛስ ሃይሳ ማላ ባቤቲ?” ጊዴስ። ሄሳፌ ዴንዲዲ ጫርኮዛኔ ኣባ ዳምባላ ኢዚ ሃንቂን ሄራካ ሲርጵ ጊዴስ።
23443	MAT 8:29	ኢስቲካ “ፆሳ ናዉ! ኔስ ኑናራ ኣዛ ኢሲፌቴꬅ ዲዜ? ኑ ዎዴይ ጋኮንታ ዲሺን ኑና ፁጋና ያዲ?” ጊዲ ዋሲዳ።
23450	MAT 9:2	ሄን ኢሲ ጉንዳ ኣዴዛ፥ ኣሳይ ሃላራ ቶኪዲ ዬሱሳኮ ኤሂዴስ። ዬሱሲካ ኢስታ ኣማኖ ቤዪዲ ጉንዳ ኣዴዛ “ኣይኮይ ባ፤ ሃይሶ ናዞ! ኔ ናጋራይ ኣቶ ጌቴቲዴስ” ጊዴስ።
23475	MAT 9:27	ዬሱሲካ ሄፔ ቢሺን ናምዑ ቆቄቲ “ዳዉቴ ናዉ! ኑና ማራሪኪ!” ጊዲ ዋሲሼ ኢዛ ጌዶ ካሊዳ።
23509	MAT 10:23	ኣሳይ ኢንቴና ኢንቴ ዲዛ ሄራፔ ጎዲኮ ሃራሶ ኪቺቴ! ታ ኢንቴስ ቱሙ ጋይስ፤ ኢንቴ ኢስራዔሌ ካታማ ኡባ ጋኮንታ ዲሺን ታ ኣሳ ናይ ያና።
23511	MAT 10:25	ታማሬይ ባና ታማርሲዛይሳ ማላ ዎይኮ ኣሽካራይ ጎዳ ማላ ጊዲኮ ሄሲ ኢዛስ ጊዳና። ኬꬃ ኣዋ ‘ቢዔሊዜቡላ’ ጊኮ ሶ ኣሳ ኣይሲ ሄሳፌ ኢታ ጌቴኔ!
23542	MAT 11:14	ሂስቲኮ ኢንቴ ኤካና ኮይኮ ኢዚ ያና ጌቴቲዳ ኤላሲ ኢዛኮ!
23543	MAT 11:15	ሲዪዛ ሃይꬂ ዲዛ ኣስ ሲዮ!
23544	MAT 11:16	“ሃይሳ ሃ ዎዴ ኣሳ ኣዛን ሌሚሶ? ጊያን ኡቲዲ ባ ላጌታ ‘ኑ ኢንቴስ ዲꬂ ዲፂን ኢንቴ ዱርቤኬታ! ዬሆ ዚላልꬅ ዚላሊን ዬኪቤኬታ!’ ጊዛ ናይታ ሚሳቴቴስ።
23548	MAT 11:20	ሄሳፌ ጉዬ ዬሱሲ ኢዚ ማላታታ ኦꬂዳ ካታማ ኣሳይ ማሮቴꬃን ጌሎንታ ኣጊዳ ጊሽ “ኩራዚኔኔ ቤቴሳይዳ! ኢንቴና ኣዬ ኣና! ኢንቴ ቦላ ኦሴቲዳ ማላታይ ፂሮሴ ቦላኔ ሲዶና ቦላ ኦሴቲዳኮ ኢስቲ ማቃ ማይዒዲኔ ቢዲንꬃን ኡቲዲ ቤኒ ቤኒ ማሮቴꬃን ጌላናኮሺን።
23553	MAT 11:25	ሄ ዎዴ ዬሱሲ “ሳሎኔ ሳዓ ጎዶ! ታ ኣዋዉ! ሃይሳ ዳሮ ኤራንቻታፔኔ ጪንጫታፔ ቆታዳ ቄሪ ናይታስ ኔ ቆንጪሲዳ ጊሽ ታ ኔና ጋላታይስ።
23554	MAT 11:26	ታ ኣዋዉ! ኤ ሃይሲ ኔ ሲንꬃን ሎዖ ኔ ሼኔ ጊዲዲ ቤቲዴስ።
23575	MAT 12:17	ሄሲካ ሃኒዳይ ናቤ ኢሳያሳን “ታ ዶሪዳይኔ ታ ኢዛን ኡፋዬቲዛ ታ ናይ ሃይሳኮ! ታ ኣያናፔ ታ ኢዛ ቦላ ዎꬃና፤ ኢዚካ ኣማኖንታ ዴሬታስ ቱሙ ፒርዳ ኣዋጃና፤ ማርሼቴና፤ ዎይኮ ዋሴና። ኢዛስ ቃላይካ ካሬን ሲዬቴና፤ ቱማ ፒርዳ ፆኖስ ጋꬃና ጋካናስ ዲንጬቲ ኡቲዳ ሾምቦቆካ ሜንꬄናኔ ጩዋቲዛ ሙቃዳካ ቶይሴና፤ ኣይዛቤቲ ኢዛ ኡፋይሳን ናጋና” ጌቴቲ ዮቴቲዳ ቲንቢቴ ቃላይ ፖሌታና።
23592	MAT 12:34	ኢንቴኖ ማርꬔራ ዲዛ ሾሻቶ! ኢንቴ ኢታታ ጊዲ ኡቲዲ ዎስቲ ሎዖ ሃሳያናስ ዳንዳዬቲ? ኡሎ ጊዶን ኩሚዳዚ ዱናራ ሃሳዬቴስ።
23638	MAT 13:30	ኣጊቴ! ማፃ ዎዴይ ጋካናስ ኢሲፌ ዲጮ፤ ሄ ዎዴ ማፂዛይቲ ሌሾዛ ካሴቲዲ ቆሪ ማፂዲ ታማን ፁጋናስ ሚርቄን ሚርቄን ቃቺቴ፤ ጊስቴዛ ቃሴ ሺሺዲ ጎታራን ጌልꬂቴ’ ጋዳ ታ ኢንቴስ ዮታና” ጊ ዮቲዴስ።
23651	MAT 13:43	ሄሳ ዎዴ ፂሎቲ ባ ኣዋ ካዎቴꬃን ኣዋ ኣርሼ ማላ ፖዓና። ሲዪዛ ሃይꬂ ዲዛዴይ ሲዮ!
23668	MAT 14:2	ሄርዶሲ ባ ኣሽካራታስ “ሄሳ ጊዲኮ፥ ፃማቂዛ ዮሃኒሲ ሃይቆፔ ዴንዲዲ ዪዴስ ጉሳካ! ሃይሲ ዉሪ ጊታ ማላታይ ኢዛ ኩሼን ኦሴቲዛይ ሄሳሳ” ጊዴስ።
23693	MAT 14:27	ዬሱሲ ሄራካ “ኣይኮይ ባ! ታናኮ፤ ባቦፍቴ!” ጊዴስ።
23697	MAT 14:31	ዬሱሲ ሄራካ ባ ኩሼ ዬዲ ኦይኪዲ “ኔኖ፥ ኣማኖይ ፓጪዳይሶ! ኣዛስ ሲꬋዲ?” ጊዴስ።
23709	MAT 15:7	ኢንቴኖ፥ ቆꬌፔ ቆሞን ሃኒዛይቶ! ኢሳያሲ ኢንቴ ጊሽ ዮቲሼ ‘ሃይሲ ዴሬይ ታና ዱናን ፃላላ ቦንቼስ፤ ዎዝናይ ጊዲኮ ታፔ ሃኪዴስ፤ ሜላ ሃዳ ታና ጎይኔስ፤ ኢስታ ቲሚርቴይካ ኣሲ ዎꬂዳ ዎጋ’ ጊዲዲ ሲንꬃፌ ሃናናይሳ ዮቲዳይሲ ቱማኮ” ጊዴስ።
23724	MAT 15:22	ኢሲ ካናኔ ማጫሲ ዲዛራ ሄ ሄራፔ ኬዛዳ ዬሱሳኮ ያዳ “ጎዶ፥ ዳዉቴ ናዉ! ታስ ሚሼታ! ታ ናያ ቱና ኣያናይ ኦይኪን ኬሃ ዋያዉስ” ጋዳ ዋሳዱስ።
23730	MAT 15:28	ሂዝጊን ዬሱሲካ ማጫሳዮ “ሃኔ ማጫሳዬ፥ ኔ ኣማኖይ ጊታ! ኔ ኮይዳ ማላ ኔስ ሃኖ” ጊዴስ። ማጫሳይ ናያካ ሄራካ ፓፃዱስ።
23749	MAT 16:8	ዬሱሲካ ኢስታ ቆፋ ኤሪዲ “ኢንቴኖ ኣማኖይ ፓጪዳይቶ! ካꬅ ኦይኮንታ ጊሽ ኣዛስ ኢሶይ ኢሳራ ሃሳዬቴቲ?
23758	MAT 16:17	ዬሱሲ “ዮና ና ሲሞና ኔኒ ኣንጄቲዳዴ! ኔስ ሃይሳ ቆንጪሲዳይ ሳሎን ዲዛ ታ ኣዋፔ ኣቲን ኣሾኔ ሱꬂ ጊዴና።
23764	MAT 16:23	ዬሱሲ ጴፅሮሳኮ ሺቂዲ “ሃይሶ ፃላዔ! ሃይሳፌ ኪቻ! ኔኒ ኣሳዛፔ ኣቲን ፆሳ ዮዖይ ኔ ዎዝና ጊዶን ባይንዳ ጊሽ ኔ ታስ ꬉጴ ጊዳዳሳ” ጊዴስ።
23773	MAT 17:4	ጴፅሮሲ ዬሱሳ “ጎዶ! ኑ ሃኒን ዲዛኮ ኑስ ሎዖኮ! ኔ ሼኔ ጊዲኮ ኢሲ ዳሴ ኔስ፥ ኢሲ ዳሴ ሙሴስ፥ ኢሲ ዳሴ ኤላሳስ ሄꬑ ዳሴ ኦꬆ?” ጊዴስ።
23783	MAT 17:14	ዬሱሲኔ ኢዛ ካሊዛይቲ ኣሳኮ ሲሚዳ ማላ ኢሲ ኣሲ ዬሱሳኮ ሺቂዲ ኢዛ ሲንꬃን ጉልባቲዲ “ጎዶ! ታ ና ዳይሳ ቦላፌ ዬጊዛ ሃርጌይ ዳሮ ዋይሲዛ ጊሽ ታስ ማራሪኪ! ዳሮ ዎዴ ታማን ኩንዴስ፤ ሃꬃንካ ጌሌስ።
23786	MAT 17:17	ዬሱሲ “ኔኖ ኣማኖንታ ጌላ ዬሌታዞ! ኣይዴ ጋካናስ ታ ኢንቴናራ ዳኔ? ቃሴ ኣይዴ ጋካናስ ታ ኢንቴና ዳንዳያኔ? ኣኔ ናዛ ሃ ታኮ ኤሂቴ” ጊዴስ።
23795	MAT 17:26	ጴፅሮሲካ “ሃራታፔ ኤኬቴስ” ጊዴስ። ዬሱሲ “ሂስቲኮ ናይታ ቦላ ኣጮይ ባ ጉሳካ!
23804	MAT 18:8	ኔ ኩሼይ ዎይኮ ኔ ቶሆይ ኔና ꬉጳናስ ጋሶ ጊዲኮ ኔፔ ቃንፃ ዲጋ! ኔ ናምዑ ኩሼራ ዎይኮ ናምዑ ቶሆራ ጌዴ ሜርና ታማን ዬጌታናፔ ዎቤ ዎይኮ ቶሆ ሲላ ጊዳዳ ሄ ጌዴ ዴዖይ ዲዛሶ ጌሎይ ኔስ ሎዓና።
23805	MAT 18:9	ሄሳꬆካ ኔ ኣይፌይ ኔስ ꬉጴ ጊዲኮ ኔፔ ኬሳ ዬጋ! ናምዑ ኣይፌራ ጌዴ ጋናሜ ታማን ኔ ዬጌታናፔ ኢሲ ኣይፌራ ዴዖይ ዲዛሶ ኔ ጌሊዛይሲ ኔስ ሎዖ።
23806	MAT 18:10	“ሃይታ ጉꬃታ ጊዶፌ ኢሲኒዮካ ኢንቴ ካꬎንታ ማላ ናጌቲቴ! ታ ኢንቴስ ቱሙ ጋይስ፤ ሳሎን ዲዛ ኢስታ ኪታንቻቲ ሳሎን ታ ኣዋ ኣይፌሶ ኡባ ጋላስ ፄሌቴስ።
23825	MAT 18:29	ሄ ኢዛ ላጌ ኣሽካራይ ‘ታስ ጉꬃ ዎዴ ኢማርኪ! ታ ኔስ ቃንፃና’ ጊዲ ኢዛ ቶሆ ቦላ ኩንዲዲ ዎሲዴስ።
23828	MAT 18:32	“ሄ ዎዴ ጎዳዚ ሄ ኣሽካራ ፄይጊሲ ኤሂዲ፥ ሃይሶ ኔኖ! ኢታዞ፥ ኔ ታና ዎሲን ኔ ቦላ ዲዛ ኣጮዛ ታ ኔስ ኣጋዲሲሺን ታ ኔና ማሪዳ ማላ ኔካ ኔ ላጌዛ ማራናስ ቤሴኔ?
23874	MAT 20:13	“ኢዚካ ኢስታፌ ኢሳዴስ ‘ታ ጃላዉ! ኔና ቆሃቤኬ፤ ኢሲ ጋላሳስ ጊዲዛ ዳሞዛን ኦꬃናስ ታናራ ጊጋቤይኪ? ሃዒ ሄሂ ኔ ጊሻ ኤካዳ ባ፤ ኔስ ኢሚዳይሳ ማላ ዉርሴꬃን ዪዳይሳስካ ታ ኢማና ኮያይስ።
23904	MAT 21:9	ኢዛፔ ሲንꬃራ ቢዛ ዴሬይኔ ጉዬራ ካሊዛ ዴሬይካ ባ ቃላ ꬎቁ ሂስቲዲ “ሆሳና! ዳዉቴ ናይ ጋላቴቶ! ጎዳ ሱንꬃን ዪዳይ ኣንጄቲዳዴ! ፆሲ ጋላቴቶ!” ጊዳ።
23923	MAT 21:28	ዬሱሲ ኢስታ “ኢንቴስ ኣይ ሚሳቲዜ? ናምዑ ኣቱማ ናይ ዲዛ ኢሳዴይ ዴስ፤ ኢዚካ ኮይሮ ናዛኮ ቢዲ ‘ታ ናዞ! ሃቺ ጌዴ ዎይኔ ሚꬃሶ ባዳ ኦꬃ’ ጊዴስ።
23933	MAT 21:38	ጊዶ ኣቲን ጋዳ ጎይዛይቲ ናዛ ቤዪዳ ማላ ‘ሃይሲ ኢዛ ላታናይሳኮ! ኣኔ ሃ ዪቴ፥ ኢዛ ዎꬊዲ ጋዳ ላቶስ’ ጊዳ።
24000	MAT 23:13	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ኢንቴኖ ፋርሳዌቶ! ኣሳይ ፆሳ ካዎቴꬅ ጌሎንታ ማላ ኣሳ ቦላ ኢንቴ ፔንጌ ጎርዲዛ ጊሽ ኢንቴና ኣዬ-ኣና! ኢንቴ ኢንቴስ ጌሌኬታኔ ጌላናስ ኮዪዛይታካ ጌልꬄኬታ።
24001	MAT 23:14	ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ቃሴካ ፋርሳዌቶ! ኢንቴስ ኣዬ-ኣና! ኣዚናይ ባይንዳ ማጫሳታ ኬꬃ ካሎሲሼ ኣሳ ኣይፌ ሲንꬃን ኣዱሳ ዎሳ ኢንቴ ዎሲዛ ጊሽ ኢንቴ ኢታ ፒርዳ ፒርዴታና።
24002	MAT 23:15	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ቃሴካ ፋርሳዌቶ! ኢሲ ኣስ ኣይሁዳ ኣማኖን ጌልꬃናስ ኣባ ቦላራኔ ቢታ ቦላራ ዩዪ ዳቡርዲኔ ኣማንꬂዳ ኣሳ ኢንቴፌ ናምዑ ኩሼ ኣꬂዲ ጋናሜ ና ኢንቴ ኬሲዛ ጊሽ ኢንቴና ኣዬ-ኣና!
24003	MAT 23:16	“ኢንቴኖ! ኢንቴስ ቆቂ ኡቲዲ ሃራታ ካሌꬂዛይቶ! ኢንቴስ ኣዬ-ኣና! ‘ኦኒካ ፆሳ ኬꬃን ጫቂኮ ኣይኮይ ባ’ ጊዶ ኣቲን ‘ፆሳ ኬꬃ ጊዶን ዲዛ ዎርቃን ጫቂኮ ጫቆ ጎሜይ ጋካና’ ጌታ።
24004	MAT 23:17	ኢንቴኖ ቆቂዳይቶ! ባሌቲዳይቶ፥ ዎርቃፌኔ ዎርቃ ዱማሲዳ ፆሳ ኬꬃፌ ኣዋይሲ ኣꬊዜ?
24006	MAT 23:19	ኢንቴኖ ቆቄቶ! ያርሾፔኔ ያርሾ ሺሺዛሶፔ ኣዋይሴ ኣꬊዛይ?
24010	MAT 23:23	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ፋርሳዌቶ! ኢንቴና ኣዬ ኣና! ኣሱታፔ፥ ኣኑጋፔኔ ካትካልዓፌ ታማፌ ኢሲኖ ኢሜታ ሺን ዎጋታፔ ዋናቲዛይታ ሄይቲካ ቱማ ፒርዳ፥ ማሮቴꬂኔ ኣማኔቴꬅ ጊዲኮ ካꬊዴታ። ሄይታ ኣጎንታ ዲሼ ሃይታንታ ኢንቴ ኦꬃናስ ኢንቴስ ቤሴስ ሺን ኣጊዴታ።
24011	MAT 23:24	ኢንቴኖ ቆቂ ኡቲዲ ካሌꬂዛይቶ! ኡዔ ጋጪዲ ኡዬታ ሺን ጋሜላ ሙሜ ሚቴታ!
24012	MAT 23:25	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶኔ ፋርሳዌቶ! ኢንቴስ ኣዬ-ኣና! ፁዓሲኔ ኬሬስ ቦላ ባጋ ቁጬታ ሺን ኢዛ ጊዶን ዲዛይሳ ኢንቴ ቦንቃኒኔ ኡዜቴꬃን ሺሺዴታ።
24013	MAT 23:26	ኔኖ ቆቄ ፋርሳዌዞ! ኮይሮታዳ ፁዓሲኔ ኬሬስ ጊዶ ባጋ ጌሻ! ሄሳፌ ጉዬ ካሬ ባጋይ ጌሽ ጊዳና።
24014	MAT 23:27	“ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ቃሴ ፋርሳዌቶ! ቦላ ባጋይ ኖራራ ሜሼቲዲ ሎዒዛይቲ ጊዶይ ጊዲኮ ሃይቂዳይታ ሜቄꬂኔ ዳሮ ቱናኔቴꬃን ኩሚዳ ዱፎታ ሚሳቲዛ ጊሽ ኢንቴና ኣዬ-ኣና!
24016	MAT 23:29	“ኢንቴኖ ዱናን ጪሚዛይቶ! ሙሴ ዎጋ ኣስታማሬቶ፥ ቃሴካ ፋርሳዌቶ! ኢንቴስ ኣዬ-ኣና! ናቤታ ዱፎ ሎዔꬂዛይቶ፥ ፂሎ ኣሳታ ዱፎ ሃዉልቴራ ጊጊሲዛይቶ!
24020	MAT 23:33	“ኢንቴኖ ዱኪዛ ኢታ ሾሻ ናይቶ! ጋናሜ ታማ ፒርዳፌ ኢንቴ ዋኒ ኣታኔ?
24024	MAT 23:37	“ሃኔ ዬሩሳላሜ! ናቤታ ዎꬊዛሬ! ኔኮ ኪቴቲዳይታ ሹቻራ ጫዲዛሬ! ሃኔ ዬሩሳሌሜ ኩቶ ኣያ ባ ጪዬታ ባ ቄፌ ጊዶ ሺሺዛ ማላ ታ ኔ ናይታ ሺሻናስ ኣፑን ዎዴ ኮያዲናሺን ኔ ጊዲኮ ኮያባካ።
24083	MAT 25:6	“ሌላ ጊዶꬅ ጊዲሺን ‘ሚሺራዚ ዬስ! ኬዚዲ ሞኪ ኤኪቴ!’ ጊዛ ፄይሳ ቃላይ ሲዬቲዴስ።
24088	MAT 25:11	“ጉꬅ ጋምዒሼ ሃንኮ ጌላዖቲ ዪዲ ‘ጎዶ! ጎዶ! ካሬ ኑስ ዶያ!’ ጊዳ።
24098	MAT 25:21	ኢዛ ጎዳይካ ‘ሎዖ ኦꬃዳሳ፤ ኔኖ ሎዖ ኣማኔቲዳ ኣሽካራዞ! ኔ ጉꬃ ሚሻን ኣማኔቲዳ ኣስ ጊዲዳ ጊሽ ታ ኔና ዳሮ ሚሻ ቦላ ሹማና፤ ጌዴ ኔ ጎዳ ኡፋይሳሶ ጌላ’ ጊዴስ።
24100	MAT 25:23	ጎዳዚካ ‘ሎዔꬃዳሳ፤ ሃይሶ ሎዖኔ ታስ ኣማኔቲዳ ኣሽካራዞ! ኔኒ ጉꬃን ኣማኔቲዳዴ ጊዲዳ ጊሽ ታ ኔና ዳሮ ሚሻ ቦላ ሹማይስ፤ ጌዴ ኔ ጎዳ ኡፋይሳሶ ጌላ’ ጊዴስ።
24103	MAT 25:26	“ኢዛ ጎዳይ ዛሪዲ ‘ሃይሶ ኢታ ኣዛላ ኣሽካራዞ! ታኒ ዜሮንታሶፔ ማፂዛዴ ላሎንታሶፔ ሺሺዛዴ ጊዲዳይሳ ኔ ኤራይ?
24111	MAT 25:34	ሄ ዎዴ ካዎይ ኡሻቻ ባጋራ ዲዛይታ ‘ኢንቴኖ! ታ ኣዋይ ኢንቴና ኣንጂዳይቲ ሃ ዪቴ! ኣላሜይ ሜꬌቶሳፔ ኢንቴስ ጊጌቲዳ ካዎቴꬃ ላቲቴ! ጋና።
24118	MAT 25:41	“ቃሴካ ሃዲርሳ ባጋራ ዲዛይታስ፤ ‘ኢንቴኖ ቃንጌቲዳይቶ! ታፔ ሻኬቲዲ ዳቡሎሳሲኔ ኢዛ ኪታንቻታስ ጊጌቲዳ ሜርና ታማን ቢቴ ጋና።
24162	MAT 26:39	ኢስታፌ ጉꬅ ጌዴ ሃኪ ቢ ጉፓንዲ “ታ ኣዋዉ! ኔስ ዳንዳዬቲኮ ሃይሲ ሜቶይ ታፔ ኣꬎ፤ ጊዶ ኣቲን ታኒ ኮይዳ ማላ ጊዶንታ ኔኒ ኮይዳ ማላ ሃኖ” ጊ ዎሲዴስ።
24163	MAT 26:40	ሄሳፌ ሲሚዲ ባና ካሊዛይታኮ ዪዲ ኢስቲ ꬊስኪሺን ዴሚዴስ። ጴፅሮሳካ “ሃይቶ ኣሳቶ! ኢንቴ ታናራ ኢሲ ሳቴኮኔ ሚናናስ ፆኒዴ?
24165	MAT 26:42	ቃሴካ ናምዓንꬆ ቢዲ “ታ ኣዋዉ! ሃይሳ ኡያናሲ ታስ ኣቶንታ ሚሽ ጊዲኮ ኔ ሼኔይ ፖሌቶ” ጊዲ ዎሲዴስ።
24169	MAT 26:46	ዴንዲቴ ኣኔ ቦስ! ታና ኣꬂ ኢሚዛዴይ ዩሳ ቦላ ዴስ” ጊዴስ።
24173	MAT 26:50	ዬሱሲካ “ታ ላጌ! ኔ ዪዳ ቆፋ ፖላ” ጊዴስ። ሄራካ ኣሳይ ሺቄቲዲ ዬሱሳ ኦይኪዲ ቃቺዴስ።
24186	MAT 26:63	ዬሱሲካ ጮዑ ጊዴስ። ቄሴታ ሃላቃይ “ታ ኔና ዴዖ ፆሳ ሱንꬃን ኦይቻይስ! ኔኒ ኪርስቶሳ፥ ፆሳ ና ጊዲኮ ታስ ዮታ!” ጊዴስ።
24188	MAT 26:65	ሄ ዎዴ ቄሴታ ሃላቃይ ባ ማይዖ ዳኪዲ “ፆሳ ቦላ ጫሻ ቃላ ሃሳዪዴስ፤ ኑስ ሃይሳፌ ኣꬊዛ ሃራ ኣዛ ማርካ ኮሺዜ! ፆሳ ቦላ ጫሻ ቃላ ኢዚ ሃሳዪሺን ኢንቴ ኢንቴ ሃይꬃራ ሲዪዴታ።
24201	MAT 27:3	ኢዛ ኣꬂ ኢሚዳ ዩሁዳይካ ዬሱሳ ቦላ ፒርዴቲዳይሳ ቤዪዲ “ኣꬃ ኢሞንታ ኣጋርኪና” ጊዲ ባ ኤኪዳ ሄꬑ ታሙ ቢራ ቄሴታ ሃላቃታሲኔ ዴሬ ጪማታስ ዛሪ ኢሚዲ “ፂሎ ኣስ ኣꬃ ኢሚዳ ጊሽ ታ ሞራዲስ” ጊዴስ። ኢስቲካ “ሂስቲን ኑስ ኣይ ሜቶ! ኔ ኤራ ኤካ!” ጊዳ።
24227	MAT 27:29	ኣጉንꬃ ኣክሊሌ ፃፂዲ ጊጊሲዳ፤ ኢዛ ሁዔ ቦላ ዎꬂዳ፤ ሾምቦቆ ጉፌ ኡሻቻ ኩሼን ኦይꬂዲኔ ኢዛ ሲንꬃን ጉልባቲዲ “ኣይሁዳ ካዎ! ኢንቴስ ቶ!” ጊዲ ኢዛ ቂꬊዳ።
24237	MAT 27:39	ኦጌራ ኣꬊ ቢዛ ኣሳይ ጫዪሼኔ ሁዔ ቃꬂሼ “ፆሳ ኬꬃ ላላዳ ሄꬑ ጋላሳን ሃራ ኬፃና ጊዛይሶ! ኣኔ ኔና ኣሻ፥ ኔ ፆሳ ና ጊዲኮ ኣኔ ማስቃሌ ቦላፌ ዎꬋ” ጊዳ።
24244	MAT 27:46	ኡዱፉን ሳቴ ጊዲሺን ዬሱሲ ቃላ ꬎቁ ሂስቲዲ “ኤሎሄ! ኤሎሄ! ላማ ሳባቂታን” ጊዲ ዋሲዴስ። ሄሳ ጉሳስ ቢርሼꬃይ “ታ ፆሶ! ታ ፆሶ! ታና ኣይሲ ኣጋዲ?” ጉሳ።
24301	MRK 1:17	ዬሱሲ ኢስታ “ሃ ዪቴ! ታና ካሊቴ፤ ኢንቴ ሞሌ ኦይኪ ሺሺዛ ማላ ታ ኢንቴና ኣስ ኦይኪዛይታ ኦꬃና” ጊዴስ።
24334	MRK 2:5	ዬሱሲ ኣሳታ ኣማኖ ቤዪዲ ቶሆይ ሲሊዳ ኣዴዛ “ታ ናዞ! ኔ ናጋራይ ኣቶ ጌቴቲዴስ” ጊዴስ።
24391	MRK 3:34	ኢዛ ዩዪ ኡቲዳ ኣሳኮ ፄሊዲ “ታ ኣዬያኔ ታ ኢሻቲ ሃይታንታኮ!
24467	MRK 5:34	ኢዚካ “ታ ናዬ! ኔ ኣማኖይ ኔና ኣሺዴስ። ሳሮን ባ! ኔ ዋዬፔ ፓፃ!” ጊዴስ።
24560	MRK 7:28	ኢዛካ ዛራዳ “ኤ ጎዶ! ካናቲካ ማዳ ማታን ዴዒዲ ናይታ ኩሼፔ ጋዴን ዎꬊዳይሳ ሜቴሲኮ” ጋዱስ።
24561	MRK 7:29	ኢዚካ “ሂስቲኮ ኔኒ ሄሳ ጊዳ ጊሽ ባ! ዳይዳንꬃይ ኔ ናይፔ ኬዚዴስ” ጊዴስ።
24602	MRK 8:33	ዬሱሲ ቃሴ ባና ካሊዛይታ ዩሺ ፄሊሼ ጴፅሮሳ “ሃይሶ ፃላዔ ኔ ታፔ ጌዴ ጉዬ ባ! ኔኒ ኣሳዛፔ ኣቲን ፆሳዝ ቆፓካ!” ጊዲ ሃንቂዴስ።
24614	MRK 9:7	ሄራካ ሻራይ ኢስታ ካሚን ሻራ ጊዶራ “ሃይሲ ታ ዶሲዛ ታ ናዛኮ! ኢዚ ጊዛ ሲዪቴ” ጊዛ ቃላ ጊሪሲ ዪዴስ።
24632	MRK 9:25	ኣሳይ ዎጫሚሼ ቡሬቲ ኤኪዲ ኢዛኮ ዪዛይሳ ዬሱሲ ቤዪዲ “ሃይሶ ቱሌኔ ዱዴ ኣያናዞ! ሃይሳ ናዛፔ ኬዛ፥ ኔ ቃሴ ሲማዳ ጌሎንታ ማላ ታ ኔና ኣዛዛይስ” ጊዲ ቱና ኣያና ሴሪዴስ።
24674	MRK 10:17	ሄፔ ቡሮ ኦጌ ኬዚሺን ኢሳዴይ ዎፂሼ ኢዛኮ ጋኪዲኔ ኢዛ ሲንꬃን ጉልባቲዲ “ኪያ ኣስታማሬንቶ! ታኒ ሜርና ዴዖ ዴማና ማላ ኣይ ኦꬃና ታስ ቤሲዜ?” ጊ ኦይቺዴስ።
24681	MRK 10:24	ኢዛ ካሊዛይቲካ ኢዛ ሃሳያን ማላሌቲዳ። ዬሱሲ ቃሴ ዛሪዲ “ናይቶ! ፆሳ ካዎቴꬅ ጌሎይ ኣይ ማላ ዴፆ ሚሼ!
24719	MRK 11:10	ሃና ዪዛራ ኑ ኣዋ ዳዉቴ ካዎቴꬃያ ኣንጄቲዳሮ፤ ሆሳና! ቦላ ሳሎን ፆሲ ቦንቼቶ” ጊሼ ዋሲዴስ።
24771	MRK 12:29	ዬሱሲ ኢዛስ ሂዝጊዴስ “ኡባፌ ኣꬊዛይ ሃይሳ ‘ኢስራዔሌ ሲያ! ጎዳ ፆሲ ኢሲ ጎዳ፥
24823	MRK 13:37	“ታ ኢንቴስ ዮቲዛይሳ ኣሳ ኡባስ ዮታይስ፤ ሚኒዲ ናጊቴ! ጋይስ” ጊዴስ።
24859	MRK 14:36	“ታ ኣዋዉ! ኔስ ዉሪ ዳንዳዬቴስ፤ ሃይሳ ዋዬ ፁዓ ታፔ ሃሳ። ጊዲኮካ ኔ ሼኔፔ ኣቲን ታ ሼኔይ ሃኖፖ” ጊዴስ።
24885	MRK 14:62	ዬሱሲካ ዛሪዲ “ኤ፤ ታናኮ! ኣሳ ናይ ዎልቃማ ፆሳ ኡሻቻን ኡቲሺኒኔ ሳሎ ሻራራ ዪሺን ኢንቴ ኢዛ ቤያና” ጊዴስ።
24924	MRK 15:29	ኦጌራ ኣꬊ ቢዛይቲካ ባ ሁዔ ቃꬂሼ “ኦይ! ኦይ! ፆሳ ኬꬃ ላላዳ ሄꬑ ጋላሳን ኬፃናይ ኔኔ?” ጊዲ ኢታ ጫሼ ጫዪሼ፤
24929	MRK 15:34	ኡዱፉን ሳቴ ቦላ ዬሱሲ “ኤሎሄ! ኤሎሄ! ላማ ሳባቂታኔ” ጊዲ ቃላ ꬎቁ ሂስቲዲ ዋሲዴስ። ሄሳስ ቢርሼꬃይ “ታ ፆሶ! ታ ፆሶ! ኔ ታና ኣዛስ ኣጋዲ?” ጉሳ።
24992	LUK 1:30	ኪታንቻይካ ማራሞ “ፆሲ ኔናን ኡፋዬቲዛ ጊሽ ባቦፋ!
25101	LUK 3:7	ዮሃኒሲካ ኢዛ ኩሼን ፃማቄታና ዪዛ ኣሳስ “ኢንቴኖ ሃ ሾሻ ናይቶ! ያና ዲዛ ፆሳ ሃንቆፌ ሃካና ማላ ኦኒ ኢንቴና ዞሪዴ?