23240	MAT 2:2	“ዬሌቲዳ ኣይሁዳ ካዎይ ኣዋን ዲዜ? ኣዋ ኣርሼይ ሞኪዛ ባጋራ ኢዛ ፆሊንቴዛ ቤዪዲ ኢዛስ ጎይናና ዪዶስ” ጊዲ ኦይቺዳ።
23268	MAT 3:7	ዳሮ ፋርሳዌቲኔ ሳዱቃዌቲ ኢዚ ፃማቂዛሶ ዪሺን ቤዪዲ ዮሃኒሲ “ኢንቴኖ ሾሻቶ! ኢንቴ ሲንꬃራ ዲዛ ሃንቆፌ ኣታና ማላ ኢንቴና ኦኒ ቤሲዴ?
23276	MAT 3:15	ዬሱሲካ “ኣይኮይ ባዋ፥ ኤሮ ጋርኪ? ሃይሳ ኦꬂዲ ኑኒ ፂሎቴꬅ ኡባ ፖላናስ ኑስ ቤሴስ” ጊዴስ። ዮሃንሲካ ኢዛ ቆፋ ኤሮ ጊ ኤኪዴስ።
23316	MAT 5:13	“ኢንቴ ሃ ቢታ ኣሳስ ማፂኔ ማላ። ማፂኔይ ባ ማልዖቴꬃ ዬዲዛ ጊዲኮ ጌዴ ካሬ ዬጌቲዲ ዬꬌቴꬃፌ ኣቲን፥ ዛሪዲ ዴማናስ ዳንዳዪዜ?
23349	MAT 5:46	ኢንቴና ዶሲዛይታ ፃላላ ኢንቴ ዶሲኮ ኢንቴስ ኣዛ ጎዓይ ዲዜ? ቃራፃ ቃንፂሲዝይቲ ሄሳꬆ ኦꬄቴኔ?
23350	MAT 5:47	ኢንቴ ኢሻታ ፃላ ኢንቴ ሳሮቲኮ ሃንኮይታፔ ኣዛን ሎዔቲ? ኣማኖንታይቲካ ሄሳꬆ ኦꬄቴስ።
23374	MAT 6:23	ኔ ኣይፌይ ሃርጋንቻ ጊዲኮ፥ ኔ ኩሜꬃ ኣሳቴꬃይካ ꬉማ ፃላ ጊዳና። ሂስቲኮ ኔናን ዲዛ ፖዖይ ꬉማ ጊዲኮ፥ ቃሴ ꬉማይ ዋኒዳ ጊርድ ጊዳ ꬉማ ጊዳንዴ?
23376	MAT 6:25	“ሄሳ ጊሽ ታ ኢንቴና ኢንቴ ዱሳ ጊሽ ኣይ ሚኖ? ኣይ ኡዪኖ? ኣይ ማይዒኖ? ጊዲ ሂርጎፍቴ ጋይስ። ሼምፖይ ቁማፔ፥ ኣሾይ ማይዖፔ ኣꬌኔ?
23377	MAT 6:26	ኣኔ ሳሎ ካፎታ ፄሊቴ! ዜሬቴና፥ ማፄቴና፥ ዲዔን ቆሌቴና ሺን ኢንቴ ሳሎ ኣዋይ ኢስታ ሚዜስ። ኢንቴ ኢስታፌ ኬሂ ኣꬌኬቲ?
23378	MAT 6:27	ኣኔ ኢንቴፌ ዳሮ ዋዬቲዲ ባስ ኢሜቲዳ ላይꬃ ቦላ ሃራ ኢሲ ጋላስ ጉጃና ዳንዳዪዛ ኣሲ ዲዜ?
23379	MAT 6:28	“ቃሴ ማይዖ ጊሽ ኣዛስ ሂርጌቲ? ኣኔ ጮ ዴንባን ዲዛ ጪሻታ ፄሊቴ፤ ዳቡሬቴና ዎይኮ ሱቄቴና።
23381	MAT 6:30	ኢንቴኖ ፓጬ ኣማኖይ ዲዛይቶ! ሃቺ ኣሳ ኣይፌን ቤቲዲ ዎንቶ ታማን ዎꬋና ማታ ሃይሳꬆ ማይዚዛ ፆሲ ኢንቴና ሄሳፌ ሎዔꬂ ኣꬂ ማይዛናስ ዳንዳዬኔ?
23382	MAT 6:31	ሄሳ ጊሽ ኑ ኣይ ማኔ? ኣይ ኡያኔ? ኣይ ማይዓኔ? ጊዲ ሂርጎፍቴ።
23388	MAT 7:3	ኔ ኣይፌን ዲዛ ጊታ ሚꬃ ቤዮንታ ዳሼ ኔ ኢሻ ኣይፌን ዲዛ ቄሪ ቡራ ኣዛስ ፄላይ?
23389	MAT 7:4	ኔ ኣይፌን ጊታ ሚꬂ ዲሺን ኔ ኢሻ ‘ኣኔ ታ ኔ ኣይፌፔ ቄሪ ቡራዮ ኬሳይስ’ ጋናስ ዋና ዳንዳያይ?
23394	MAT 7:9	ኢንቴ ጊዶፌ ኢሳዴስ ናይ ኡኬꬅ ዎሲኮ ሹች ኢሚዛ ኣዋይ ዳንዴ?
23395	MAT 7:10	ዎይኮ ሞሌ ዎሲኮ ሾሽ ኢሚዛዴይ ዳንዴ?
23396	MAT 7:11	ሂስቲን ኢንቴ ኢታታ ጊዲ ኡቲዲ ኢንቴ ናይታስ ሎዖ ሚሽ ኢሞ ኤሪዛይታ ጊዲኮ ኢንቴ ሳሎ ኣዋይ ኢዛ ዎሲዛይታስ ዋኒዲ ኣꬊዛ ሎዖ ሚሽ ኢሜኔ?
23401	MAT 7:16	ኢንቴ ኢስታ፥ ኢስታ ኦሶን ኤራንዴታ። ኣጉንꬃ ዎራፔ ዎይኔይ፥ ኪንዲቾ ኣጉንꬃፌ ባላሴ ኣይፌይ ማፄቲዜ?
23407	MAT 7:22	ሄ ጋላስ ዳሮቲ ‘ጎዶ! ጎዶ! ኑኒ ኔ ሱንꬃን ቲንቢቴ ዮቲቤኮኒ? ኔ ሱንꬃን ዳይዳንꬂ ኬሲቤኮኒ? ኔ ሱንꬃን ዳሮ ማላታ ኦꬂቤኮኒ?’ ጋና።
23443	MAT 8:29	ኢስቲካ “ፆሳ ናዉ! ኔስ ኑናራ ኣዛ ኢሲፌቴꬅ ዲዜ? ኑ ዎዴይ ጋኮንታ ዲሺን ኑና ፁጋና ያዲ?” ጊዲ ዋሲዳ።
23452	MAT 9:4	ዬሱሲ ኢስታ ቆፋ ኤሪዲ “ኢንቴ ዎዝናን ኢታ ዮዖ ኣዛስ ቆፔቲ?
23453	MAT 9:5	‘ኔ ናጋራይ ኣቶ ጌቴቲዴስ’ ጉሳፌኔ ‘ዴንዳዳ ባ!’ ጉሳፌ ኣዋይሲ ካዉሼ?
23463	MAT 9:15	ዬሱሲ ኢስታስ “ሚሺራ ላጌቲ ሚሺራዚ ኢስታራ ዲሺን ሙዞታና ቤሲዜ? ሚሺራይ ኢስታፌ ኤኬታና ዎዴይ ያና፤ ኢስቲ ሄ ዎዴ ፆማና።
23505	MAT 10:19	ኢንቴና ኢስቲ ኦይኪዛ ዎዴ ‘ኑ ኣይ ጊ ሃሳዪኖ? ዎዝጊ ዛሮ ኢሚኖ?’ ጊ ሂርጎፍቴ። ሄ ዎዴ ኢንቴ ጋናዚ ኢንቴስ ኢሜታና።
23530	MAT 11:2	ዮሃኒሲ ቃሾ ኬꬃን ዲሼ ኪርስቶሳስ ኦꬂዛ ሃኖታ ሲይዲ ባና ካሊዛይታ ኢዛኮ ዬዲዲ “ኣሲ ኣሺዛዴይ ያና ጌቴቲዳይ ኔኔዬ? ሃራ ናጊኖ?” ጊዲ ኦይቺዴስ።
23535	MAT 11:7	ዮሃኒሳ ካሊዛይቲ ቢዳፔ ጉዬ ዬሱሲካ ኣሳስ ዮሃኒሳ ጊሽ “ኣይ ቤያናስ ዱጌ ባዞ ቢዴቲ? ጫርኮይ ቃꬂዛ ሾምቦቆ ቤያናስ ዪዴቲ?
23536	MAT 11:8	ዎይኮ ኣይ ቤያናስ ኬዚዴቲ? ሎዖ ማይዖ ማይዒዲ ሎዒ ኡቲዳዴ ቤያና ዪዴቲ? ሎዖ ማይዖ ማይዒዲ ሎዒዛይቲ ካዎታ ኬꬃን ዴቴስ።
23537	MAT 11:9	ሂስቲን ኣይ ቤያና ኬዚዴቲ? ናቤ ቤያና ኬዚዴቲ? ኤ፥ ታ ኢንቴስ ጋይስ ናቤፔ ኣꬊዛይሳ ቤያናሳ።
23544	MAT 11:16	“ሃይሳ ሃ ዎዴ ኣሳ ኣዛን ሌሚሶ? ጊያን ኡቲዲ ባ ላጌታ ‘ኑ ኢንቴስ ዲꬂ ዲፂን ኢንቴ ዱርቤኬታ! ዬሆ ዚላልꬅ ዚላሊን ዬኪቤኬታ!’ ጊዛ ናይታ ሚሳቴቴስ።
23551	MAT 11:23	“ሃኔ ቂፊርናሆሜ ፑዴ ሳሎ ꬎቁ ꬎቁ ጋናስ ኮያዲ? ጊዶ ኣቲን ኔኒ ዱጌ ሲዖሌ ዎꬋንዳሳ፤ ኔ ቦላ ኦሴቲዳ ማላታይ ሶዶሜን ኦሴቲዳኮ ሶዶሜይ ሃቺ ጋካናስ ዳናኮሺን።
23561	MAT 12:3	ኢዚካ ኢስታስ ዛሪዲ “ዳዉቴይኔ ኢዛራ ዲዛ ኣሳቲ ጋፊዳ ዎዴ ኢዚ ኣይ ኦꬂዳኮኔ ናባቢቤኬቲ?
23563	MAT 12:5	ቃሴ ቄሴቲ ሳምባታ ሻሪዲ ፆሳ ኬꬃ ጊዶን ኦሶ ኦꬂኮ ሞሮ ጊዶንታይሳ ሙሴ ዎጋፔ ናባቢቤኬቲ?
23569	MAT 12:11	ኢዚካ ኢስታ “ኢንቴፌ ኢሳዴ ዶርሲ ሳምባታ ጋላስ ኦላን ጌሊኮ ባ ዶርሳ ኢዚ ጌሊዲ ኦላፌ ጎቺ ኬሲ ኤሬኔ?
23570	MAT 12:12	ሂስቲኮ ኣሲ ዶርሳፌ ኬሂ ኣꬌኔ? ሄሳ ጊሽ ሳምባታ ጋላስ ሎዖ ኦሶይ ዲጌቴና” ጊዴስ።
23584	MAT 12:26	ፃላዔይ ፃላዔ ኬሲዛ ጊዲኮ ፃላዔይ ባ ጊዶን ሻኬቲዴስ ጉሳ። ሄሳꬆ ሃኒኮ ኢዛ ካዎቴꬂ ዋኒ ሚናና ዳንዳዪዜ?
23585	MAT 12:27	ታኒ ቢዔሊዜቡላ ዎልቃን ኬሲዛ ጊዲኮ ኢንቴ ናይቲ ኣዛ ዎልቃን ኬሳኔ? ሄሳ ጊሽ ኢንቴ ናይቲ ኢንቴ ቦላ ፒርዳና።
23587	MAT 12:29	“ዎይኮ ኢሲ ኣስ ዎልቃራ ዲዛዴ ኬꬄ ጌሊዲ ሚሼ ቦንቃና ኮይኮ ካሴቲዲ ሄ ዎልቃራ ዲዛ ኣዴዛ ኦይኪ ቃቾንታ ዎስቲ ቦንቃኔ? ቃቺዳፔ ጉዬ ቦንቃና ዳንዳዬስ።
23592	MAT 12:34	ኢንቴኖ ማርꬔራ ዲዛ ሾሻቶ! ኢንቴ ኢታታ ጊዲ ኡቲዲ ዎስቲ ሎዖ ሃሳያናስ ዳንዳዬቲ? ኡሎ ጊዶን ኩሚዳዚ ዱናራ ሃሳዬቴስ።
23606	MAT 12:48	ዬሱሲካ “ታ ኣያ ኦኔ? ታ ኢሻቲች፥ ኢስቲ ኦናንቴ?” ጊዴስ።
23635	MAT 13:27	“ካꬃ ጎዳ ኣሽካራቲ ጎዳዛኮ ሺቂዲ ‘ጎዶ! ኔኒ ኔ ጎሻን ሎዖ ዜሬꬅ ዜራቤኪ? ሃይሲ ሌሾይ ኣዋፔ ዪዴ?’ ጊዳ።
23662	MAT 13:54	ጌዴ ባ ዴሬ ቢዲ ኣይሁዳታ ዎሳ ኬꬃን ኣሳ ታማርሶ ኦይኪዴስ። ኢስቲካ ማላሌቲዲ “ሃይሲ ኣዴዚ ሃይሳ ኤራቴꬃኔ ሃይታ ማላታታ ኦꬃና ዎልቃ ኣዋፔ ዴሚዴ?
23663	MAT 13:55	ሃይሲ ኣናፄዛ ና ዴኔ? ኢዛ ኣዬይ ሱንꬂ ማራሞ ጊዴኔ? ኢዛ ኢሻቲ ያቆቤ፥ ዮሴፌ፥ ሲሞናኔ ዩሁዳ ጊዴቴኔ?
23664	MAT 13:56	ሚቼቲ ኑናራ ዲዛይታ ጊዴቴኔ? ሂስቲን ሃይሲ ኣዴዚ ሃይሳ ኡባ ኣዋፔ ኤኪዴ?” ጊዳ።
23704	MAT 15:2	“ኔና ካሊዛይቲ ካሴ ኑ ኣዋታ ዎጋ ኣዛስ ꬋይሲዞ? ቁማ ማናስ ኩሼ ሜጬቴቴና” ጊዳ።
23705	MAT 15:3	ዬሱሲካ ኢስታስ “ኢንቴ ኢንቴ ዎጋስ ጊዲ ፆሳ ኣዛዞ ኣይስ ሻሬቲ?
23718	MAT 15:16	ኢዚካ “ኢንቴ ሃዒ ጋካናስካ ኤሪቤኬታ ጉሴ?
23719	MAT 15:17	ዱናራ ጌሊዛይ ዉሪ ዱጌ ቃንꬄ ካንꬂዲ ጌዴ ካሬ ኬዚዛይሳ ኤሬኬቲ?
23749	MAT 16:8	ዬሱሲካ ኢስታ ቆፋ ኤሪዲ “ኢንቴኖ ኣማኖይ ፓጪዳይቶ! ካꬅ ኦይኮንታ ጊሽ ኣዛስ ኢሶይ ኢሳራ ሃሳዬቴቲ?
23750	MAT 16:9	ኢቻሹ ኡኬꬂ ኢቻሹ ሺ ኣሳስ ጊዲዲ ኣፑን ሌማቴይ ቲርፒን ኢንቴ ዴንꬂዳኮኔ ዩሺ ቆፔኬቲ?
23751	MAT 16:10	ሄሳꬆካ ላፑን ኡኬꬂ ኦይዱ ሺ ኣሳስ ጊዲዲ ኣፑን ሌማቴይ ቲርፒን ኢንቴ ዴንꬂዳኮኔ ዎዝናን ዎꬂቤኬታ ጉሴ?
23752	MAT 16:11	ሂስቲን ታ ኢንቴስ ዮቲዳይ ካꬃ ጊሽ ጊዶንታይሳ ዋንዲ ዩሺ ቆፔኬቲ? ሃዒካ ፋርሳዌታ ኢርሾፌኔ ሳዱቃዌታ ኢርሾፌ ናጌቲቴ” ጊዴስ።
23767	MAT 16:26	ኣሲ ኣላሜን ዲዛዝ ኩሜꬅ ሃሪድ ባ ሼምፖ ꬋይሲኮ ኢዛ ኣይ ማዳኔ? ዎይኮ ኣሲ ባ ሼምፖ ጊሽ ቃንፃና ዳንዳዪዛዚ ኣዜ?
23786	MAT 17:17	ዬሱሲ “ኔኖ ኣማኖንታ ጌላ ዬሌታዞ! ኣይዴ ጋካናስ ታ ኢንቴናራ ዳኔ? ቃሴ ኣይዴ ጋካናስ ታ ኢንቴና ዳንዳያኔ? ኣኔ ናዛ ሃ ታኮ ኤሂቴ” ጊዴስ።
23794	MAT 17:25	ኢዚካ ኢስታስ “ቃንፄስ” ጊዴስ። ጴፅሮሲ ሶ ጌሊዳ ማላ ዬሱሲ ካሴቲዲ “ሲሞና ዴሬ ካዎቲ ጊራ ጊዲን ዎይኮ ቃራፃ ጊዲን ባ ናይታፔ ኤኪዞዬ? ሃራታፔ ኤኪዛ ሚሳቲዜ?” ጊዴስ።
23808	MAT 18:12	“ኣኔ ታስ ዮቲቴ ኢሳዴስ ፄቱ ዶርሲ ዲኮ ቃሴ ኢስታፌ ኢሲና ꬋይኮ፥ ሃንኮ ኡዱፉን ታማኔ ኡዱፉናታ ዙማ ቦላ ዬጊዲ ꬋዪዳሮ ኮያና ቢ ኤሬኔ?
23817	MAT 18:21	ሄሳ ዎዴ ጴፅሮሲ ዬሱሳኮ ሺቂዲ “ጎዶ! ታ ኢሻይ ታና ቆሂኮ ታ ኢዛስ ኣፑንቶ ኣቶ ጎ? ላፑንቶ ኣቶ ጎ?” ጊዴስ።
23828	MAT 18:32	“ሄ ዎዴ ጎዳዚ ሄ ኣሽካራ ፄይጊሲ ኤሂዲ፥ ሃይሶ ኔኖ! ኢታዞ፥ ኔ ታና ዎሲን ኔ ቦላ ዲዛ ኣጮዛ ታ ኔስ ኣጋዲሲሺን ታ ኔና ማሪዳ ማላ ኔካ ኔ ላጌዛ ማራናስ ቤሴኔ?
23835	MAT 19:4	ኢዚካ ኢስታስ “ፆሲ ኮይሮፔ ማጫኔ ኣዴ ሜꬊዳይሳ ናባቢቤይኬቲ? ጊዴስ።
23836	MAT 19:5	ቃሴካ ‘ኣሲ ኣዋኔ ኣዮ ኣጊዲ ባ ማቺራ ኢሲፌ ጊዴስ። ናምዓይካ ኢሲ ኣሾ ጊዴቴስ’ ጌቴቲዳይሲ ሃይሳ ጌዶን ጊዴኔ? ጊዴስ።
23848	MAT 19:17	ዬሱሲካ “ታና ኣዛስ ሎዖ ጊሽ ኦይቻይ? ሎዖይ ኢሲ ፆሳ ፃላላ፤ ጌዴ ዴዖይ ዲዛሶ ኔ ጌላና ኮይኮ ኣዛዞታ ናጋ” ጊዴስ።
23874	MAT 20:13	“ኢዚካ ኢስታፌ ኢሳዴስ ‘ታ ጃላዉ! ኔና ቆሃቤኬ፤ ኢሲ ጋላሳስ ጊዲዛ ዳሞዛን ኦꬃናስ ታናራ ጊጋቤይኪ? ሃዒ ሄሂ ኔ ጊሻ ኤካዳ ባ፤ ኔስ ኢሚዳይሳ ማላ ዉርሴꬃን ዪዳይሳስካ ታ ኢማና ኮያይስ።
23876	MAT 20:15	ሂስቲን ታ ሚሻን ታ ዶሲዳዚ ኦꬃናስ ዳንዳዒኪና? ዎይኮ ታ ኪያ ጊዲዳይሲ ኔና ቃናቲሲዜ?’
23918	MAT 21:23	ዬሱሲ ፆሳ ኬꬄ ጌሊዲ ታማርሲሺን ቄሴታ ሃላቃቲኔ ዴሬ ጪማቲ ኢዛኮ ሺቂዲ “ሃይሳ ዉርሳ ኦና ሼኔን ኦꬃይ? ሃይሳ ኦꬃናስ ሼኔ ኔስ ኦኒ ኢሚዴ?” ጊዲ ኢዛ ኦይቺዳ።
23920	MAT 21:25	ዮሃኒሳ ፂንቃቴይ ኣዋፔ ዪዴ? ሳሎፔ ዪዴዬ? ኣሳፔ?” ጊዴስ። ኢስቲካ “ኑ ‘ሳሎፔ ዪዴስ’ ጊኮ ‘ሂስቲን ኣዛስ ኣማኒቤኬቲ?’ ጋና ጊዲ ባ ጊዶን ኢሶይ ኢሶይ ኢሳራ ዞሬቲዳ።
23923	MAT 21:28	ዬሱሲ ኢስታ “ኢንቴስ ኣይ ሚሳቲዜ? ናምዑ ኣቱማ ናይ ዲዛ ኢሳዴይ ዴስ፤ ኢዚካ ኮይሮ ናዛኮ ቢዲ ‘ታ ናዞ! ሃቺ ጌዴ ዎይኔ ሚꬃሶ ባዳ ኦꬃ’ ጊዴስ።
23937	MAT 21:42	ዬሱሲካ ኢስታስ “ጌሻ ማፃፋን ‘ጊምቤ ኬፂዛይቲ ኢታ ጊዲ ዎራ ዬጊዳ ሹቻይ ኬꬃስ ማዛኔ ቦላ ዎꬊዛ ሹች ጊዲዴስ፤ ፆሲ ሃይሳ ኦꬂዴስ፤ ኢዛ ኦሶይካ ኑ ኣይፌስ ማላሊሲዛዝ’ ጌቴቲ ፃፌቲዳይሳ ናባቢቤኬቲ?
23958	MAT 22:17	ኔስ ኣይ ሚሳቲዛኮኔ ኣኔ ኑስ ዮታ? ቄሳሬስ ጊራ ቃንፃናስ ቤሲዜ? ቤሴኔ?” ጊዳ።
23959	MAT 22:18	ዬሱሲካ ኢስታ ጌኔ ቆፋ ኤሪዲ “ኢንቴኖ ቆꬌፔ ቆሞን ሃኒዛይቶ ታና ዮዖን ባሌꬂ ኦይካናስ ኣዛስ ኮዬቲ?
23972	MAT 22:31	ሃይቂዳይታ ዴንꬃ ጊሽ ጊዲኮ ፆሲ ‘ታኒ ኣብራሃሜ ፆሳ፥ ዪሳቃ ፆሳ፥ ያቆቤ ፆሳ’ ጊዲ ኢንቴስ ዮቶይሳ ናባቢቤኬቲ? ፆሲ ፓፃታ ፆሳ ኣቲን ሃይቄꬃታ ፆሴ ጊዴና” ጊዴስ።
23983	MAT 22:42	“ኪርስቶሳ ጊሽ ኢንቴ ኣይ ጌቲ? ኢዚ ኦና ና?” ጊ ኦይቺዴስ፤ ኢስቲካ ኢዛስ ዛሪዲ “ኢዚ ዳዉቴ ና” ጊዳ።
23984	MAT 22:43	ኢዚካ ኢስታስ “ሂስቲን ዳዉቴይ ፂሎ ኣያና ዎልቃን ‘ፆሳይ ታ ጎዳ’ ጊዲ ዋኒ ፄይጊዴ? ‘ታ ኔ ሞርኬታ ኔ ቶሆ ጊዶን ጉልባቲሳና ጋካናስ ኔ ታ ኡሻቻን ኡታ!’ ጊዴስ።
24004	MAT 23:17	ኢንቴኖ ቆቂዳይቶ! ባሌቲዳይቶ፥ ዎርቃፌኔ ዎርቃ ዱማሲዳ ፆሳ ኬꬃፌ ኣዋይሲ ኣꬊዜ?
24006	MAT 23:19	ኢንቴኖ ቆቄቶ! ያርሾፔኔ ያርሾ ሺሺዛሶፔ ኣዋይሴ ኣꬊዛይ?
24020	MAT 23:33	“ኢንቴኖ ዱኪዛ ኢታ ሾሻ ናይቶ! ጋናሜ ታማ ፒርዳፌ ኢንቴ ዋኒ ኣታኔ?
24028	MAT 24:2	ኢዚካ ኢስታስ “ሃይሳ ዉርሲ ፄሌቲ? ታ ኢንቴስ ቱሙ ጋይስ፤ ሃይሲ ኢንቴ ቤዪዛ ኢሶይ ኢሳ ቦላ ዲዛ ሹቻይ ላሌቶንታ ኢሲ ሹቺካ ሃይሳꬆ ዴና” ጊዴስ።
24029	MAT 24:3	ኢዚ ዳብራዛይቴ ጌቴቲዛ ዙማ ቦላ ኡቲ ዲሺን ኢዛ ካሊዛይቲ ፃላላ ኢዛኮ ሺቂዲ “ኣኔ ኑስ ዮታ፤ ሃይሲ ኔ ጊዛይሲ ኣይዴ ሃናኔ? ኔ ዩሳሲኔ ዎዴ ዉርሴꬃስ ማላታይ ኣዜ?” ጊ ኦይቺዳ።
24071	MAT 24:45	“ዎዴራ ሶ ኣሳ ቁማ ሚዛና ማላ ጎዳይ ባ ኬꬃ ኣሳ ቦላ ሹሚዳ ኣማኔቲዛ ጪንጫ ኦሳንቻይ ኦኔ?
24103	MAT 25:26	“ኢዛ ጎዳይ ዛሪዲ ‘ሃይሶ ኢታ ኣዛላ ኣሽካራዞ! ታኒ ዜሮንታሶፔ ማፂዛዴ ላሎንታሶፔ ሺሺዛዴ ጊዲዳይሳ ኔ ኤራይ?
24114	MAT 25:37	“ፂሎቲካ ዛሪዲ ‘ጎዶ! ኔ ጋፊን ኑ ኔና ኣይዴ ሚዚዶኒ? ዎይኮ ኔ ሳሞቲን ኣይዴ ቤዪዲ ኑ ኔና ኡሺዶኒ?
24115	MAT 25:38	ኑ ኣይዴ ኔና ቤዪዲ ኢማꬃቴꬅ ሞኪዶኒ? ዎይኮ ኣይዴ ኔ ካሎቲን ቤዪዲ ኔና ማይዚዶኒ?
24124	MAT 26:1	ዬሱሲ ሄሳ ሃሳዪ ዉርሲዳፔ ጉዬ ባና ካሊዛይታስ “ናምዑ ጋላሳፌ ጉዬ ፓዚጋ ጊዲዳይሳ ኤሬቲ? ኣሳ ናይ ካቄታናስ ኣꬊ ኢሜታና” ጊዴስ።
24131	MAT 26:8	ኢዛ ካሊዛይቲ “ሄሳ ቤዪዲ ሃይሲ ኣዛስ ሜላ ሞሬቲዜ?
24133	MAT 26:10	ዬሱሲ ሄሳ ኤሪዲ “ሃኖ ማጫሳዮ ኣዛስ ዋይሴቲ? ኢዛ ታስ ሎዖ ኦꬃዱስ።
24163	MAT 26:40	ሄሳፌ ሲሚዲ ባና ካሊዛይታኮ ዪዲ ኢስቲ ꬊስኪሺን ዴሚዴስ። ጴፅሮሳካ “ሃይቶ ኣሳቶ! ኢንቴ ታናራ ኢሲ ሳቴኮኔ ሚናናስ ፆኒዴ?
24168	MAT 26:45	ሄሳፌ ባና ካሊዛይታኮ ሲሚዲ “ሃዒካ ሼምፒዲ ꬊስኪዴቲ? ሄኮ ሃዒ ሳቴይ ማቲዴስ፤ ኣሳ ናይ ናጋራንቻታ ኩሼን ኣꬊ ኢሜታና።
24176	MAT 26:53	ኮሺኮ ታኒ ታ ኣዋ ኦይቺዛኮ ዳሮ ሺዬን ቆዴቲዛ ኦሊዛ ኪታንቻ ታስ ዬዶንታ ኣጋና ሚሳቲዜ?
24178	MAT 26:55	ሄ ዎዴ ዬሱሲ ኣሳ “ፓንጋ ኦይኪዛ ኣሳꬆ ማሻኔ ዱርቃ ኤኪዲ ታና ኦይካና ዪዴቲ? ዎንቲን ዎንቲን ፆሳ ኬꬃን ኡታዳ ታ ታማርሲሺን ካሴ ኦይኪቤኬታ ሺን።
24221	MAT 27:23	ጲላፆሲካ ኣይሲ? “ኣይ ኢታ ኦꬂዴ?” ጊዲ ኢስታ ኦይቺዴስ። ኢስቲካ ቃሴ ኬሂ ዋሲዲ “ካቄቶ!” ጊዳ።
24308	MRK 1:24	“ናዚሬቴ ዬሱሳ ኔ ኑፔ ኣዚ ኮያይ? ኑና ꬋይሳና ያዲ? ኔ ኦናኮኔ ታ ኔና ኤራይስ፤ ኔኒ ፆሳ ጌሻዛ” ጊዲ ዋሲዴስ።
24311	MRK 1:27	ዴሬይ ዉሪ “ኣሶ ሃይሲ ኣዛ ፓላ? ሃይሲ ጎዳቴꬃራ ዲዛ ኦራꬃ ቲሚርቴ፤ ቱና ኣያናታካ ኣዛዜስ፤ ኢስቲካ ኢዛስ ኣዛዜቴቴስ” ጊ ማላሌቲሼ ኣሳይ ባ ጊዶን ኢሶይ ኢሳ ኦይሼቾ ኦይኪዴስ።
24335	MRK 2:6	ሄን ጋዳን ኡቲዳ ኢሲ ኢሲ ሙሴ ዎጋ ፃፌቲ ባ ዎዝናራ ሃይሲ ኣዴዚ ዎስቲ ሃይሳꬆ ጊዜ? “ፆሳ ቦላ ጫሻ ቃላ ሃሳዬስ። ኢሲ ፆሳፌ ኣቲን ናጋራ ማራና ዳንዳዪዛይ ኦኔ?” ጊዲ ቆፒዳ።
24337	MRK 2:8	ዬሱሲ ሄራካ ኢስቲ ባ ዎዝናን ቆፒዳይሳ ባ ኣያናን ኤሪዲ “ኢንቴ ዎስቲ ሃይሳꬆ ቆፔቲ?
24348	MRK 2:19	ዬሱሲካ ኢስታስ “ሚሺራይ ኢስታራ ዲሺን ሚሺራ ላጌቲ ፆሚ ኤሪዞ? ሚሺራይ ኢስታራ ዲሺን ፆሚ ኤሬቴና።
24354	MRK 2:25	ኢዚካ ኢስታስ “ዳዉቴይ ጋፊዲ ሚዛ ሚሽ ኮይዳ ዎዴ ኢዛራ ኢሲፌ ዲዛይታራ ኢዚ ኦꬂዳይሳ ናቤቢቤኬቲ?
24361	MRK 3:4	ሄሳፌ ጉዬ ዬሱሲ ኣሳ “ሳምባታ ጋላስ ቤሲዛይ ሎዖ ኦሶዬ? ኢታ ኦሶ? ኣሳ ሼምፖ ኣሾዬ? ዎይኮ ሼምፖ ዎꬎ?” ጊዲ ኦይቺዴስ። ኢስቲካ ጮዑ ጊዳ።
24380	MRK 3:23	ኢዚካ ኢስታ ፄይጊዲ ሌሚሶራ “ፃላዔይ ኣሳፔ ፃላዔ ዎስቲ ኬሳኔ?
24390	MRK 3:33	ኢዚካ ዛሪዲ “ታ ኣያ ኦኔ? ታ ኢሻቲ ኦናንቴ?” ጊዴስ።
24405	MRK 4:13	ቃሴካ ዬሱሲ “ሃይሲ ሌሚሶይ ኢንቴስ ጌሊቤኔ? ሂስቲን ሃራ ሌሚሶ ኢንቴ ዎስቲ ኤራኔ?
24413	MRK 4:21	ቃሴካ ዬሱሲ “ፆምፔ ኦይꬂዲ ጌማሶን ዎይኮ ኣርሳ ጊዶን ዎꬂ ኤሬቲ? ፖዓና ማላ ቆንጬሶን ዎꬄታ ጊዴኔ?