23233	MAT 1:20	Hayssa izi qoppishin Xoossa kiitanchay agumora izas qoncidi “Dawute naa Yoosefe! Ne giigissida Maarama qanthatiday Xillo Ayanan gidida gish izo neso efanaas babbofa.
23234	MAT 1:21	Iza attuma naa yelana; izi asa nagarappe ashshanadde gidida gish iza sunth ne ‘Yesusa’ ga sunthana” gides.
23235	MAT 1:22	Goday nabe Isayaasa duunan “Hekko! Gela7oy qanthatana; attuma naakka yelana; naaza sunthayka Amanu7eela geetettana; hessa birsheththika ‘Xoossi nunara dees’ geetettidi xaafettidayssi polettana mala hayssi wurikka hanides” gides.
23238	MAT 1:25	Gido attin baada iza koyro naaza yelana gakkanaas izo ekibenna. Yeletida guutha naaza suntha “Yesusa” gides.
23240	MAT 2:2	“Yeletida Ayhuda kawoy awan dizee? Awa arshey mokkiza baggara iza xoolinteza beyidi izas goynnana yidos” giidi oychida.
23242	MAT 2:4	Izikka Qeeseta halaqatanne woga tamarsizayta ubba shiishshidi “Kirstoosi awan yelettanee?” giidi oychides.
23243	MAT 2:5	Istika izas “Nabey ‘Yuhuda biittan dizaare hanne Beeteleme! Ta dere Isra7eele naagizadey neeppe kezana gish hanko Yuhuda haarizaytappe aazanka guuxakka’ giidi xaafida gish izi Beeteleme Yuhudan yelettana” giidi yootida.
23246	MAT 2:8	Eranchata Beeteleme yeddidi “Biidi guutha naaza koyite, takka baada izas goynnana mala demmida mala ha taakko simmidi izi awan dizaakkon taas yootite” gides.
23251	MAT 2:13	Eranchati bidappe guye Goda kiitanchay Yoosefes agumora beettidi “Herdoosi guutha naaza wodhana koyiza gish ne simmana wode ta nena erissana gakkanaas dendada guutha naaza aayeyra ekkada duge Gibxe biitta baqatada heen daashsha” gides.
23253	MAT 2:15	Herdoosi hayqqana gakkanaas heen de7ides. Hessanka “Ta naaza ta Gibxe biittafe xeeygadis” giidi Goday kase nabe duunan haasayidayssi polettides.
23255	MAT 2:17	Hessan “Yeehoynne gita waaso giirisay Eraaman siyettides; Ira7eela ba naytas yeekkadus; nayti wuri wurida gish minnanas dandayonta ixadus” geetettidi nabe Ermaasan yootettidays polettides.
23258	MAT 2:20	“Dendada guutha Naazanne iza aayiyo ekkada Isra7eele biitta simma; Naaza wodhana koyizayti hayqqida” gides.
23261	MAT 2:23	Naazirete geetettiza katamayo biidi heen duus oykkides. Hessanka kase nabetan “Naazirete as geetettana” geetettidi kasetidi sinthafes hasayettidayssi kumides.
23262	MAT 3:1	He wode xammaqiza Yohannisi asaas “Salo kawotethi matida gish inte nagarappe simmite” gi sabakishe Yuhuda bazzora yides.
23264	MAT 3:3	“Goda oge ooththite, wogga ogezakka lo7ethite gishe bazzo biittan waassiza qaala” geetettidi kase nabe Isayaasan yootetidayssi Yohannisa gishassa.
23268	MAT 3:7	Daro Farsaaweetinne Saduqaaweti izi xammaqizaso yishin beyidi Yohannisi “Inteno shooshato! Inte sinthara diza hanqofe attana mala intena ooni bessidee?
23270	MAT 3:9	‘Nu aaway Abrahaamey nuus dees’ gizayssan interka intena baleththofte; ta intes Xoossi hayta shuchchatappe Abrahaames naa ooththi denthanas dandayees gays.
23273	MAT 3:12	Kath suragiza pithay iza kushen dees; izikka ba kaththa baleza pitti geeshshana; ba gistezakka kaththa di7en qolana; happa gidikko to7onta taman xuugana” gides.
23275	MAT 3:14	Gido attin Yohannisi “Hayssi hanenna; tani nenan xammaqettana bessishin neni waanada taakko yay?” giidi izara marshettides.
23276	MAT 3:15	Yesusikka “Aykkoy baawa, ero garkii? Hayssa ooththidi nuni xilloteth ubba polanas nuus bessees” gides. Yohansikka iza qofa ero gi ekides.
23278	MAT 3:17	Saloppekka “Tani izan ufayetiza Naazinne ta siiqiza ta Naazi hayssa” giza qaalay siyettides.
23281	MAT 4:3	Paacizayssi Yesusakko shiiqidi “Ne Xoossa Naa gidikko ane hayta shuchchata uketh gidana mala azaza” gides.
23282	MAT 4:4	Yesusikka “ ‘Asi Xoossa duunappe keziza qaalanpe attin kaththan xalla deenna’ geetetti xaafettides” giidi izas zaarides.
23284	MAT 4:6	“Ne Xoossa Naa gidikko ane hayssafe duge guppa; ayssi giikko ‘Ne tohoy shuchchan dhuphetonta mala kiitanchati ba kushera nena oykki denthana mala ne gish Xoossi ba kiitancha kiittana’ geetetti xaafettides” gides.
23285	MAT 4:7	Yesusikka “Geeshsha Maxaafan ‘Ne Goda Xoossa paacofa’ geetetti xaafettides” giidi zaarides.
23287	MAT 4:9	“Ne kundada taas goynnikko hayssa ubba ta nees immana” gides.
23288	MAT 4:10	Yesusi “Haysso Xala7e! Ta sinthafe haakka! ‘Neni ne Godas Xoossas goynna; izas xalala azazeta’ geetetti Geeshsha maxaafan xaafettides” gides.
23292	MAT 4:14	“Hessan Zaabilooneninne Niftaaleme biittan, Yordanooseppe he pinthan abba lanqera efiza oge matan diza Ayzaabe gidida Galila dere asay, dhuman diza derey wolqama poo7o beyides. Hayqo kuwa giddon diza deres poo7oy poo7ides” geetettidi nabe Isayaasa duunan kasetidi hasayettidayssi polettides.
23295	MAT 4:17	Yesusi he wodeppe ha simmin “Salo kawotethi matides, maarota gelite” giidi sabbako oykkides.
23297	MAT 4:19	Yesusi ista “Haa yiite! Tana kaallite! Ta intena as oykkiza as kessana” gides.
23306	MAT 5:3	“Ayanan bana kawushshizayti anjettidayta; ayssi giikko Salo Kawoteth istassa.
23314	MAT 5:11	“Ta geedon asay intena cayikko, goodikkonne iita yo7o wordora inte bolla haasayikko inte anjettidayta.
23316	MAT 5:13	“Inte ha biitta asas maxine mala. Maxiney ba mal7otetha yeddiza gidikko gede kare yegettidi yedhetethafe attin, zaaridi demmanas dandayizee?
23320	MAT 5:17	“Tani Muse woganne nabeta qaala shaarana yida intes misatoppo; polanas yadis attin shaaranas yabeekke.
23324	MAT 5:21	“Kase asatas ‘Wodhoppa; wodhidade bolla pirdettana’ geetettidayssa inte siyideta.
23325	MAT 5:22	Ta qasse intes gizay ba isha bolla ogey baynda hanqettizade bolla pirdettana; oonikka ba isha ‘Nappay’ gizaddey duulata sinthan oyshettana. ‘Eeyay’ gizade Gaanname tama pirday naages.
23328	MAT 5:25	“Nena mootida ne morkey ne bolla pirdisonta mala, pirdiza daannay qachizayssas nena aaththi immonta mala, qasho keeththan ne wodhdhonta mala buro oge bolla dashe ne morkera elela giigaycha.
23330	MAT 5:27	“ ‘Laymatoppa’ gizayssa inte siyideta.
23334	MAT 5:31	“ ‘Macho anji yeddizadey pirma waraqata izis immana bessees’ geetettides.
23336	MAT 5:33	“Kase asatas ‘Wordo caaqofa; Xoossa sinthan ne caaqidayssa naaga’ geetettidayssa inte siyideta.
23340	MAT 5:37	Hessa gish inte inte giddon haasayettishin inte haasayay “Ee” gaanaz gidikko “Ee” giite “Akay” gaanaz gidikko “Akay” giite; hessafe kare gididay wuri iita asappe yizaza.
23341	MAT 5:38	“ ‘Ayfe gishas ayfe achcha gishas achcha’ geetettidayssa inte siyideta.
23346	MAT 5:43	“ ‘Ne lagge siiqa; ne morke ixxa’ geetettidayssa siyideta.
23352	MAT 6:1	“Asi intena beyana mala asa sinthan lo7o ooththonta mala naagettite; hessatho ooththikko inte salo Aawappe go7a demmeketa.
23356	MAT 6:5	“Inte woossishe qoodheppe qommon hanizayta mala hanoppite; isti asi beyana mala Ayhuda woosa keeththataninne oyddu oge bolla eqqidi woossanas dossettes. Ta intes tumu gays; isti kumeththa waaga ekichida.
23358	MAT 6:7	“Ammanonta asay issi qaala zaari zaari woossikko istas siyetiza misatin isti zaari zaari gizayssatho inteka woossishe issi qaala zaari zaari gooppite.
23360	MAT 6:9	Inte woossishe ‘Salon diza nu Aawawu! Ne sunthi anjeto.
23364	MAT 6:13	Iitappe nuna ashsha attin nuna paacen gelthofa; bonchoy merpe merna gakkanaas neyssa. Amiin’ gi woossite.
23365	MAT 6:14	“Inte intena qohidaytas atto giikko inte salo Aaway intes atto gaana.
23367	MAT 6:16	“Inte xooma xoomishe qoodheppe qommora xoomizaytatho shullofte. Isti ba xoomizayssa asi erana mala ba ayfeso iissetes. Ta tumu gays; hessatho ooththizayti ba waaga kumeth ekkichida.
23370	MAT 6:19	“Bilay mizason buuqidinne shiydi mooretizason kaysoy bookkidi kaysanas dandayizason, ha biitta bolla intes miishe shiishofte.
23373	MAT 6:22	“Ayfey asatethas poo7o; hessa gish ne ayfey paxa gidikko, ne kumeththa asatethayka poo7o gidana.
23375	MAT 6:24	“Issi asi nam7u godas ooththana dandayenna. Issa ixidi nam7anthoza dosana; woykko issa bonchidi nam7antha leqqana; Xoossassinne miishas nam7atas gaththi ooththanas dandayettenna.
23376	MAT 6:25	“Hessa gish ta intena inte duussa gish ay miinoo? Ay uyinoo? Ay may7inoo? giidi hirgofte gays. Shempoy qumappe, ashoy may7oppe aadhdhenee?
23379	MAT 6:28	“Qasse may7o gish aazas hirgetii? Ane coo denban diza ciishshata xeellite; daaburetenna woykko suqetenna.
23386	MAT 7:1	“Inte bolla pirdetonta mala hara asa bolla pirdofte.
23389	MAT 7:4	Ne ayfen gita mithi dishin ne isha ‘Ane ta ne ayfeppe qeeri buurayo kessays’ gaanas waana dandayay?
23392	MAT 7:7	“Woossite intes imettana; koyite inte demmana; kare qoxite intes doyettana.
23398	MAT 7:13	“Xuuntha pengera gelite; dhayoso efiza ogey gita; pengeykka aaho; daro asay he pengezara gelees.
23400	MAT 7:15	“Istas giddo baggay Kana suyte mala gidi uttidinne dorsa ite may7idi inte giddo gelidi giddora ooththiza wordo nabetappe naagettite.
23406	MAT 7:21	“Salon diza ta Aawa shene polonta dishe tana ‘Godo! Godo!’ gizay wuri Salo Kawoteth gelenna.
23407	MAT 7:22	He gallas daroti ‘Godo! Godo! Nuni ne sunthan tinbite yootibekonii? Ne sunthan daydanthi kessibekonii? Ne sunthan daro malata ooththibekonii?’ gaana.
23408	MAT 7:23	He wode ta istas ‘Ta intena mulekka erikke! Inte iitati taappe haakkite’ gaada qoncera ta istas yootana.
23409	MAT 7:24	“Histikko hayssa ta qaala siydi ooson peyshizadey ba keeththe zaalla bolla keexizade misatees.
23411	MAT 7:26	“Hayssa ta qaala siydi ooththontadey gidikko ba keeththe ace bolla keexida eeya asa mala.
23412	MAT 7:27	Deexo iray bukkin haroyka harottides; carkoyka carkides; he keeththaka sugides; keeththayka iita kundeth kundides” gides.
23416	MAT 8:2	Issi inchiracha hargey dizaddey Yesusakko shiiqidi iza sinthan gulbatidi “Godo! Ne koykko tana pathanas dandayassa” gides
23417	MAT 8:3	Yesusi ba kushe yeddidi “Ta dosadis; paxa!” giin addezi he hargezappe heerakka paxides.
23418	MAT 8:4	Qasseka Yesusi addeza “Ne paxidayssa oonaska yootoppa; gido attin baada nena Qeeses bessa. Isti azazida yarshoza gaththa; hessika istas marka gidana” gides.
23420	MAT 8:6	“Godo! Ta ashkaray keehi sakettidi keeththan ichchidi dees” gides.
23421	MAT 8:7	Yesusikka izas “Ta baada pathana” gides.
23422	MAT 8:8	Mato halaqay izas zaaridi “Ta nena ta keeththe gelthanas bessizadde gidikke; gido attin ne haan daada issi qaala xalla giikko ta ashkaray paxana.
23423	MAT 8:9	Taaska tana azaziza halaqati taappe bollara deettes; qasseka taas azazettiza wotadarati taappe garsara deettes; istafe issa ‘Ba!’ giikko bees; qasse issa ‘Haaya!’ giikko yees; ta ashkara ‘Hessa ooththa!’ giikko ooththes” gides.
23424	MAT 8:10	Yesusi iza zaarozan malaletidi bana kaallizaytas “Ta intes tumu gays; haray attoshin Isra7eeleta giddon hayssa mala ammanoy dizadde issadeka demmabekke.
23426	MAT 8:12	Salo Kawotethi istas gidana bessiza asati heen kare dhuman yegettana. Heenka yeehoynne achcha garcech gidana” gides.
23427	MAT 8:13	Yesusikka mato halaqas “Ne ba ne ammano mala nees hano” gides; ashkarazi heerakka paxides.
23431	MAT 8:17	Isayaasi “Izi nu harge ekkides; nu sakokka tookkides” gida qaalay hayssan polettides.
23433	MAT 8:19	Hessa wode issi Ayhuda ammano tamarsizadey izakko shiiqidi “Astamaare! Ne bizaso awakka ta nena kaallana” gides.
23434	MAT 8:20	Yesusikka izas zaaridi “Workanatas ollay dees; salo kafotas keeththi dees; taas Asa Naas gidikko hu7e gelthizasoy baawa” gides.
23435	MAT 8:21	Iza kaalliza issi hara asi qasse “Godo! Koyro baada ta aawa moogoo?” gides.
23436	MAT 8:22	Izi qasse “Hayqidayti ba hayqeth moogeto; neni gidikko tana kaalla” gides.
23439	MAT 8:25	Iza kaallizayti iza beegoththidi “Godo! Nu dhayoos; nuna ashsha!” gida.
23440	MAT 8:26	Yesusikka ista “Inteno ammanoy paccidayto! Aazas hayssa mala babbetii?” gides. Hessafe dendidi carkozanne abba dambala izi hanqin heerakka sirph gides.
23441	MAT 8:27	Istika “Hayssi abbaynne carkoyka izas azazettizaddey izi waanidadee?” giidi malaletida.
23443	MAT 8:29	Istika “Xoossa Nawu! Nees nunara aaza issifeteth dizee? Nu wodey gakkonta dishin nuna xuugana yadii?” giidi waassida.
23445	MAT 8:31	Daydanthati Yesusa “Ne nuna kessana gidikko haytan daro guddunthatan nu gelana mala nuus piqaade imma” giidi woossida.
23446	MAT 8:32	Yesusikka ista “Biite!” gides. Daydanthatikka istafe kezidi guddunthatan gelida. Guddunthati wurikka ba dizaso aafora bicharshe abban gelidi haaththan mitettidi hayqqida.
23450	MAT 9:2	Heen issi gunda addeza, asay halara tookkidi Yesusakko ehides. Yesusikka ista ammano beyidi gunda addeza “Aykkoy ba; haysso naazo! Ne nagaray atto geetettides” gides.
23451	MAT 9:3	He wode Muse woga tamarsizayti “Hayssi Xoossa cashsha” giidi ba woznan qoppida.
23452	MAT 9:4	Yesusi ista qofa eridi “Inte woznan iita yo7o aazas qoppetii?
23453	MAT 9:5	‘Ne nagaray atto geetettides’ guussafenne ‘Dendada ba!’ guussafe awayssi kawushshee?
23454	MAT 9:6	Gido attin Asa Naas biitta bolla ase nagarappe maaranas sheney dizayssa erana malassa” giidi gunda addeza “Denda! Ne hala ekkada gede neso ba” gides.
23457	MAT 9:9	Yesusi heeppe dendidi bishe issi Matoosa geetettizadey qaraxa qanxisizason uttidayssa beyidi “Tana kaalla!” giin, dendidi iza kaallides.
23459	MAT 9:11	Farsaaweeti hessa biyidi Yesusa kaallizayta “Intena tamarsizayssi qaraxa qanxisizaytaranne nagaranchatara wosti istara issife kath mizee?” gi oychida.
23460	MAT 9:12	Yesusikka isti gizayssa siydi ista “Aakkimey koshshizay saketidaytas attin saketonta paxatas gidenna.
23461	MAT 9:13	Hessa gish ‘Inte biidi yarsho gidonta maaroteth dosays’ giza qaala birsheth tamarite. Nagaranchata xeeygana yadis attin xillota xeeyganas yabekke” gides.
23462	MAT 9:14	Xammaqiza Yohannisa kaallizayti Yesusakko yiidi “Nuninne Farsaaweeti xoomishin nena kaallizayti aazas xoometenee?” gi oychida.
23463	MAT 9:15	Yesusi istas “Mishiraa laggeti mishirazi istara dishin muuzotana bessizee? Mishiray istafe ekettana wodey yaana; isti he wode xoomana.
23464	MAT 9:16	“Gal7a may7o bolla ooratha woso woththi sikkiza asi deenna. Gal7a bolla oorath woththi sikkikko oorathazi gala7aza peedherethidi ha daassi darissanna.
23465	MAT 9:17	Oonikka ooratha woyne cajje gal7a lukkamon gujenna. Gujiza gidikko lukkamozi dhuuqana; woyne cajjezikka gukkana; lukkamozikka go7ay bayndazi gidana. Gido attin ooratha woyne cajjey ooratha lukkamozan gujjetees. Hessa malara woyne cajjezinne lukkamozi lo7o naagettidi gam7ana” gides.
23466	MAT 9:18	Yesusi asaa haasaysson dishin issi shuumey iza sinthan kundidi “Taas naa daara hayqqana gawus. Iza paxa daana mala yaada ne kushe izi bolla wotharkii?” giin,
23469	MAT 9:21	Iza hessa ooththiday “Ta izas afaala macara bochidakko paxana” giza ammanoy izi woznan diza gish bochadus.
23470	MAT 9:22	Yesusikka guye simmi xeelidi macasayo “Aykkoy ba, ta naye; nena ne ammanoy pathides” giin macasaya heerakka paxaagadus.
23472	MAT 9:24	“Kichchite! Naya dhiskadus attin hayqqabeekku” giin isti iza bolla miicida.
23475	MAT 9:27	Yesusikka heeppe bishin nam7u qooqeti “Dawute Nawu! Nuna maarariki!” giidi waassishe iza geedo kaallida.
23476	MAT 9:28	Qooqetikka Yesusi gelida keeththa iza kaallidi gelida. Yesusikka ista “Ta inte ayfe pathana danda7izayssa ammanetii?” giidi oychides. Istika “Ee, Godo!” gida.
23477	MAT 9:29	Hessafe guye Yesusi ista ayfe bochidi “Inte ammano mala intes hano!” gides.
23478	MAT 9:30	Ista ayfeykka xeellides. Yesusikka “Hayssa oonikka eronta mala” giidi minthi yootides.
23481	MAT 9:33	Daydanthazi kezidappe guye he duuna duude addezi haasaya oykkides; derezikka malaletidi “Hayssa mala hanoy Isra7eele biittan hanin nu beyi erokko” gida.
23482	MAT 9:34	Gido attin Farsaaweeti zaaridi iza “Daydanthi kessizay daydanthata halaqanna” gida.
23485	MAT 9:37	Bana kaallizaytaska “Maxa gakkida kaththay daro shin maxi shiishshizayti guuthata.
23486	MAT 9:38	Hessa gish kaththa Goday kaththako oosanchata yeddana mala woossite!” gides.
23491	MAT 10:5	Hayta tammanne nam7ata ubba “Gede Ayzaabeta gaath booppite; Samaariya asaa katama geloppite.
23493	MAT 10:7	Biidinne ‘Salo kawoteth matides!’ giidi sabakite.
23497	MAT 10:11	“Issi katama woykko issi guta inte geliza wode intena mokkanade koyi demmidi iza keeththan shempite; heeppe kezana gakkanaas heen diishshite.
23498	MAT 10:12	Inte oona keeththika gelishe ‘Saro’ giite.
23502	MAT 10:16	“Ta intena dorsa mala kana suyteta giddora kiittays. Hessa gish shoosha mala cincatanne haraphe mala ashketa gidite.
23505	MAT 10:19	Intena isti oykkiza wode ‘Nu ay gi haasayinoo? Wozgi zaaro imminoo?’ gi hirgofte. He wode inte gaanazi intes imettana.
23507	MAT 10:21	“Ishay ba isha hayqos aaththi immana; aaway ba naa bolla, nayti bana yelidayta bolla makalatethan dendidi hara asan wodhisana.
23510	MAT 10:24	“Ashkaray godappe woykko kaallizadey kaalethizadefe aadhdhenna.
23511	MAT 10:25	Tamarey bana tamarsizayssa mala woykko ashkaray goda mala gidikko hessi izas gidana. Keeththa aawa ‘Bi7elizeebula’ giikko so asaa ayssi hessafe iita geetenne!
23512	MAT 10:26	“Hessa gish istas babbofte; geemetiday qonconta qotetiday geesh kezonta attenna.
23518	MAT 10:32	“Asa sinthan taas markattizades takka salon diza ta Aawa sinthan izades markatana.
23520	MAT 10:34	“Ta biitta bolla saroteth ehanas yida intes misatoppo; mashsha ehanas attin saroteth ehanas yabeekke.
23523	MAT 10:37	“Taappe aaththidi ba aawa woykko ba aayo siiqizadey taas gidanas bessenna. Taappe aaththidi ba attuma naa woykko, maca naa siiqizadey taas gidanas bessenna.
23526	MAT 10:40	“Intena mokki ekizadey tanakka mokki ekkees. Tana mokki ekkizadey tana kiittidadekka mokki ekkees.
23528	MAT 10:42	Hessa gish ta intes tumu gays; oonikka hayta guuthatappe tana kaallizade gidida gish issi xu7a irxa haath ushshikko hinniska waagay dhayenna” gides.
23530	MAT 11:2	Yohannisi qasho keeththan dishe Kirstoosas ooththiza hanota siydi bana kaallizayta izakko yeddidi “Asi ashshizaddey yaana geetettiday neneyee? Hara naaginoo?” giidi oychides.
23532	MAT 11:4	Yesusikka zaaridi “Biidi inte sidayssanne inte beyidayssa Yohannisas yootite.
23534	MAT 11:6	Tanan dhuphetontadey anjettidade” gides.
23535	MAT 11:7	Yohannisa kaallizayti bidappe guye Yesusikka asas Yohannisa gish “Ay beyanas duge bazzo bidetii? Carkoy qaathiza shomboqo beyanas yidetii?
23538	MAT 11:10	“ ‘Ne bana oge nees giigissanadde neeppe kaseta ta nees kiittana geetettidi iza gish kase xaafettidadey izakko!’ gides.
23540	MAT 11:12	“Xammaqiza Yohannisa wodeppe ha simmin ha7i gakkanaas Salo Kawoteththaya daro baaxeta bolla dawus. Mino asati xalla izo demmana.
23544	MAT 11:16	“Hayssa ha wode asaa aazan leemisoo? Giyan uttidi ba laggeta ‘Nu intes diiththi diixxin inte durbeekketa! Yeeho zilalth zilalin yeekkibeekketa!’ giza nayta misatetes.
23546	MAT 11:18	Yohannisi muussafenne ushshafe naagetidi yida gish ‘Izi daydanthara dees’ gida.
23547	MAT 11:19	Ta Asa Nay mashenne uyashe yiin ‘Hayssi miidi kallonta asa, ushshancha, qaraxa shiishshizaytassinne nagaranchatas laggekko!’ gida. Gido attin Xoossa eratethi ba ooson xilladus” gides.
23548	MAT 11:20	Hessafe guye Yesusi izi malatata ooththida katama asay maarotethan gelonta aggida gish “Kuraziinenne Betesayda! Intena aayye ana! Inte bolla oosettida malatay Xiroose bollanne Sidoona bolla oosettidakko isti maaqa may7idinne bidinthan uttidi beni beni maarotethan gelanakoshin.
23551	MAT 11:23	“Hanne Qifirnahoome pude salo dhoqu dhoqu gaanas koyadii? Gido attin neni duge Si7oole wodhandassa; ne bolla oosettida malatay Soddomen oosettidakko Soddomey hachchi gakkanaas daanakkoshin.
23552	MAT 11:24	Hessa gish ta nena gizay pirda gallas qixaatey neeppe Soddomes kawuyana” gides.
23553	MAT 11:25	He wode Yesusi “Salonne sa7a Godo! Ta Aawawu! Hayssa daro eranchataappene cincatappe qotada qeeri naytas ne qoncisida gish ta nena galatays.
23555	MAT 11:27	“Wurikka ta Aawappe taas imettides; Aawappe attin Naaza gish eriza as baawa; qasse Naazappenne Naazi ba shenen qoncisida asappe haray aawa eriza as baawa.
23556	MAT 11:28	“Toohoy deexxidayto, daaburidayto inte wurikka taakko ha yiite; takka intes shempo immana.
23558	MAT 11:30	Ta qambaray shaykonne ta toohoy kawushsha” gides.
23560	MAT 12:2	Farsaaweeti hessa beyidi Yesusa “Hekko nena kaallizayti Sambata gallas ooththetanas bessontayssa ooththetes” gida.
23561	MAT 12:3	Izikka istas zaaridi “Dawuteynne izara diza asati gafida wode izi ay ooththidakkone nababibeekketii?
23565	MAT 12:7	‘Tani yarsho gidonta maaroteth dosays’ giza qaalay ay guussikkone inte erizakko xillota bolla pirdeketakkoshin.
23566	MAT 12:8	Asa Nay Sambatas Goda” gides.
23568	MAT 12:10	Henka issi kushe silidadey dees. Yesusa mootanas gaaso koydi “Sambata gallas pathanas bessizee?” giidi iza oychides.
23569	MAT 12:11	Izikka ista “Intefe issade dorsi Sambata gallas ollan gelikko ba dorsa izi gelidi ollafe goochchi kessi erenee?
23570	MAT 12:12	Histikko asi dorsafe keehi aadhdhenee? Hessa gish Sambata gallas lo7o oosoy digettenna” gides.
23571	MAT 12:13	Qasseka addeza “Ne kushe piddisa!” gides; addezikka ba kushe piddisin hinko kusheza mala paxa gidides.
23575	MAT 12:17	Hessika haniday nabe Isayaasan “Ta dooridaynne ta izan ufayettiza ta nay hayssakko! Ta Ayanappe ta iza bolla wothana; izikka ammanonta deretas tumu pirda awajjana; marshettenna; woykko waassenna. Izas qaalaykka karen siyettenna; tuma pirda xoonos gaththana gakkanaas dincetti uttida shomboqokka menthenanne cuwattiza muqadakka toyssenna; Ayzaabeti iza ufayssan naagana” geetetti yootettida tinbite qaalay polettana.
23581	MAT 12:23	Asay wurikka malaletidi “Hayssi addezi Dawute naashaa?” gides.
23582	MAT 12:24	Gido attin Farsaaweeti hessa siyida wode “Hayssi addezi daydanth kessizay daydantha halaqa Bi7elizeebula wolqan xalla gidanas bessees” gida.
23583	MAT 12:25	Yesusikka ista qofa eridi “Ba giddon issoy issafe shaakettiza kawotethi wurikka kundana; ba giddon shaakettiza katamay woykko keeththa asi minnenna.
23587	MAT 12:29	“Woykko issi as wolqara dizadde keeththe gelidi miishe bonqana koyko kasetidi he wolqara diza addeza oykki qachonta wosti bonqanee? Qachidappe guye bonqana dandayees.
23588	MAT 12:30	“Tanara gidontadey tanara eqettees; tanara issife shiishonta asi wurikka laalles.
23591	MAT 12:33	“Mithi wuri ayfen eretizayssa mala inte lo7o ayfe demmanas intes lo7o mithi do; intes iita mithi diza gidikko inte iita ayfe ekkana.
23593	MAT 12:35	“Lo7o asi ba woznan kunthi woththida lo7o qofappe lo7o haasayees; iita asikka ba woznan kunthi woththida iitatethafe iita yo7o kessees.
23595	MAT 12:37	Gaasoyka ne qaalappe dendidayssan ne xillada attananne ne qaalappe dendidayssan ne bolla pirdettana” gides.
23596	MAT 12:38	Hessafe guye issi issi Muse woga tamarsizaytinne Farsaaweeti Yesusa “Astamaare! Nu neeppe malalisiza malata beyanas koyoos” gida.
23597	MAT 12:39	Izi istas zaaridi “Ha iitanne layma yelettay malata oychees; gido attin nabe Yoonaasa malatappe attin hara malatay immetenna.
23601	MAT 12:43	“Tuna ayanay asappe kezidi shempo demmanas haaththi baynda mela biittan daaburees. Gido attin ba koyiza shempo demmenna.
23603	MAT 12:45	Hessafe biidi hara baappe iitiza laapun iita ayanata banara ekkidi yees. Istika he addezan gelidi de7ana. He addezas kase duussafe guye duussay iita gidana. Hayssa iita yeletethaska hessa mala hanana” gides.
23605	MAT 12:47	Issi asi “Hekko ne aayanne ne ishati nena haasayissanas karen eqqidi nena koyeettes” gides.
23606	MAT 12:48	Yesusikka “Ta aaya oonee? Ta ishatich, isti oonantee?” gides.
23607	MAT 12:49	Ba kushera bana kaallizaytakko malatidi “Ta aayanne ta ishati haytanta.
23608	MAT 12:50	Salon diza ta Aawa shene ooththizayti wurikka taas isha, michonne aayo” gides.
23611	MAT 13:3	daro yo7o leemisora “Issi goshshanchay zereth zeranas kezides.
23617	MAT 13:9	Siyiza haythi dizadey siyo!” gi yootides.
23618	MAT 13:10	Hessafe iza kaallizayti izakko shiiqidi “Aazas leemisora yootay?” gida.
23619	MAT 13:11	Izikka istas “Salo Kawoteththa xuura eroy intes imettides; istas gidikko imettibenna.
23622	MAT 13:14	“Isayaasi ‘Inte sisa siyanashin yuushi qoppeketa; xeelo xeellana shin woznan wotheketa; dereza woznay muumides; ista haythayka siyenna; xeellonta mala ba ayfe qilm7ida; hessi bayndakko isti ba ayfera beyidinne ba haythara siydi ba woznan yuushi qoppidi taakko ha simmin ta ista pathana shin’ gida tinbite qaalay istan polettides.
23624	MAT 13:16	“Inte ayfey xeelliza gishshinne inte haythati siyiza gish inte anjettidayta.
23626	MAT 13:18	“Histikko ha7i zeretha leemisoza birsheth siyite:
23631	MAT 13:23	Lo7o biittan zeretida zerethay qasse qaala siydi yuushi qoppizade misatees; tummu ayfe ayfees; issoy xeetu, issoy usuppun tammu, issoy heedzdzu tammu ayfe immides” gides.
23632	MAT 13:24	Yesusi qasseka hara leemiso istas “Salo Kawotethi ba goshsha gaden lo7o zereth zeridade misatees.
23635	MAT 13:27	“Katha goda ashkarati godazakko shiiqidi ‘Godo! Neni ne goshshan lo7o zereth zerabeekii? Hayssi leeshshoy awappe yidee?’ gida.
23636	MAT 13:28	“Izikka istas ‘Hessa morkey ooththides’ gides. Ashkaratikka ‘Nu biidi leeshshoza shoddana mala koyay?’ gi oychida.
23637	MAT 13:29	“Izikka istas, ‘Akay hanenna; gaasoyka inte leeshshoza shoddishe gistezara gaththi shoddana;
23638	MAT 13:30	aggite! Maxa wodey gakkanaas issife dicco; he wode maxizayti leeshshoza kasetidi qori maxidi taman xuuganas mirqen mirqen qachite; gisteza qasse shiishshidi gootaran gelthite’ gaada ta intes yootana” gi yootides.
23639	MAT 13:31	Hara leemiso istas “Salo Kawotethi issi asi ba gade giddon zerida barzaafe mitha ayfe mala.
23640	MAT 13:32	Barzaafe mitha ayfey hara mitha ayfe ubbaafe daro laafa gidikkoka diccada mitha ubbaafe gita gidawus. Salo kafotikka izi hagga bolla keexxidi daana gakkanaas gita mithi gidawus” gides.
23641	MAT 13:33	Ha7ikka hara leemiso istas “Salo Kawotethi macassi liixey dendana mala liixe giddon gujida guutha irsho misatawus” gides.
23643	MAT 13:35	Hessanka kase nabe duunan “Ta duuna ta leemison doyana; alamey medhetosappe ha simmin qotetidayssa ta haasayana” geetetti yootettidays polettides.
23644	MAT 13:36	Hessafe Yesusi asaa aggidi so gelides. Iza kaallizayti izakko shiiqidi “Katha giddon diza leeshshoza gish ne yootida leemisoza birsheth nuus yoota” gida.
23645	MAT 13:37	Izikka istas zaaridi “Lo7o zereth zeriday Asa Naa.
23648	MAT 13:40	“Leeshshoy qoretidi taman xuugetizayssa mala alame wursethan hessatho hanana.
23652	MAT 13:44	“Salo Kawotethi gade giddon qotetida miishe misatees. Issi as he miishayo demmidi zaari qottides. Ufayssafe dendidayssan biidi baas dizazi ubba bayzidi he miishiya diza biitta shamides.
23653	MAT 13:45	“Hessathoka Salo Kawotethi al7o worqa koyiza zal7ancha misatees.
23655	MAT 13:47	“Qasseka Salo Kawotethi abba giddon yegettidi dumma dumma mole oykkida mole gite misatees.
23659	MAT 13:51	“Yesusi ista hayssi wuri intes gelidee?” gides. Istika “Ee” gida.
23660	MAT 13:52	Izikka zaaridi “Hessa gish Salo Kawoteththa xuuray gelida Muse woga tamarsizadey oonikka izas minji woththida al7o miishafe oorathanne kase gal7a miish kessizade misatees” gides.
23662	MAT 13:54	Gede ba dere biidi Ayhudata Woosa Keeththan asa tamarso oykkides. Istika malalettidi “Hayssi addezi hayssa eratethanne hayta malatata ooththana wolqa awappe demmidee?
23664	MAT 13:56	Micheti nunara dizayta gidettennee? Histin hayssi addezi hayssa ubba awappe ekidee?” gida.
23665	MAT 13:57	Hessa gish isti izi gizayssa ekkibeetenna. Yesusikka istas “Nabey ba dereninne ba keeththan bonchettenna attin harason bonchettes” gides.
23668	MAT 14:2	Herdoosi ba ashkaratas “Hessa gidikko, Xammaqiza Yohannisi hayqoppe dendidi yides guussakka! Hayssi wuri gita malatay iza kushen oosettizay hessassa” gides.
23670	MAT 14:4	Gaasoyka Yohannisi Herdoosa “Ne izo ekkana mala woga gidenna gida gishassa” gides.
23674	MAT 14:8	Nayakka aayey zoren “Xammaqiza Yohannisa hu7e keren wothada ha7i hannin taas imma” gadus.
23681	MAT 14:15	Gadey qammi qammi bizayssa beyidi iza kaallizayti izakko shiiqidi “Hayssi nu dizasoy bazzo; gadeyka qammi qammi biza gish gede gutatan gutatan biidi baasi maanaz shammana mala asaa yedda” gida.