23260	MAT 2:22	Gido attin Arkalawosi ba aawa Herdoosa soon Yuhudan kawotidayssa siydinne he baanas babbides; Goday agumora izi he boonta mala yootida gish Galila awurajja bides.
23306	MAT 5:3	“Ayanan bana kawushshizayti anjettidayta; ayssi giikko Salo Kawoteth istassa.
23307	MAT 5:4	Qadhetizayti anjettidayta, ayssi giikko isti minettana.
23308	MAT 5:5	Ashketi anjettidayta; ayssi giikko isti biitta laattana.
23309	MAT 5:6	Xilloteth gafetizaytinne saamotizayti anjettidayta; ayssi giikko isti kallana.
23310	MAT 5:7	Asas lo7o ooththizayti anjettidayta; ayssi giikko istaska lo7oy oosettana.
23311	MAT 5:8	Wozina xilloti anjettidayta; ayssi giikko isti Xoossa beyana.
23312	MAT 5:9	Saroteth ooththizayti anjettidayta; ayssi giikko isti Xoossa nayta geetetti xeeygettana.
23313	MAT 5:10	Xillotetha gish goodettizayti anjettidayta; ayssi giikko salo kawotethi istassa.
23314	MAT 5:11	“Ta geedon asay intena cayikko, goodikkonne iita yo7o wordora inte bolla haasayikko inte anjettidayta.
23334	MAT 5:31	“ ‘Macho anji yeddizadey pirma waraqata izis immana bessees’ geetettides.
23335	MAT 5:32	Tani qasse intena hizgays, hara asara laymatishin beyonta dishe ba macho anjizadey wuri iza laymatana mala ooththes. Hessathoka anjettidaro ekizadeyka laymatida mala qoodetes.
23343	MAT 5:40	Issi asi ne giddora may7idayssa neeppe ekkanas nena mootikko bollara may7idayssakka gujada izas imma.
23360	MAT 6:9	Inte woossishe ‘Salon diza nu Aawawu! Ne sunthi anjeto.
23378	MAT 6:27	Ane intefe daro waayettidi baas imettida laytha bolla hara issi gallas gujana dandayiza asi dizee?
23384	MAT 6:33	Harappe sinthatidi Xoossa Kawoteththa xilloteth koyite; hayti wuri intes gujettana.
23391	MAT 7:6	Ba tohon yedhonta malanne simmidi intena saxi daakerethonta mala anjettidayssa kanata sinthan yeggofte; qasse inte worqakka guddunthata sinthan yeggofte.
23465	MAT 9:17	Oonikka ooratha woyne cajje gal7a lukkamon gujenna. Gujiza gidikko lukkamozi dhuuqana; woyne cajjezikka gukkana; lukkamozikka go7ay bayndazi gidana. Gido attin ooratha woyne cajjey ooratha lukkamozan gujjetees. Hessa malara woyne cajjezinne lukkamozi lo7o naagettidi gam7ana” gides.
23534	MAT 11:6	Tanan dhuphetontadey anjettidade” gides.
23575	MAT 12:17	Hessika haniday nabe Isayaasan “Ta dooridaynne ta izan ufayettiza ta nay hayssakko! Ta Ayanappe ta iza bolla wothana; izikka ammanonta deretas tumu pirda awajjana; marshettenna; woykko waassenna. Izas qaalaykka karen siyettenna; tuma pirda xoonos gaththana gakkanaas dincetti uttida shomboqokka menthenanne cuwattiza muqadakka toyssenna; Ayzaabeti iza ufayssan naagana” geetetti yootettida tinbite qaalay polettana.
23620	MAT 13:12	Dizaddes dizayssa bolla gujettananne darana shin bayndadefe hinna dizaarakka eketaychana.
23624	MAT 13:16	“Inte ayfey xeelliza gishshinne inte haythati siyiza gish inte anjettidayta.
23641	MAT 13:33	Ha7ikka hara leemiso istas “Salo Kawotethi macassi liixey dendana mala liixe giddon gujida guutha irsho misatawus” gides.
23656	MAT 13:48	Mole oykkizayti gitey kumin goochchidi abba lanqe kessida. Heen uttidi lo7o lo7o mole qoridi keeshen gujida. Iita moleta wora yeggida.
23660	MAT 13:52	Izikka zaaridi “Hessa gish Salo Kawoteththa xuuray gelida Muse woga tamarsizadey oonikka izas minji woththida al7o miishafe oorathanne kase gal7a miish kessizade misatees” gides.
23687	MAT 14:21	Mida asay macasattinne guutha nayti gujettonta attumasay xalala ichashu shi gidana.
23753	MAT 16:12	Ha7i izi ista qofisizay bukeeso denthanas gujiza irsho gish gidonta Farsaaweetanne Saduqaaweta timirtefe naagettana mala gididayssi istas gelides.
23758	MAT 16:17	Yesusi “Yoona naa Simoona neni anjettidade! Nees hayssa qoncisiday salon diza ta Aawappe attin ashonne suuthi gidenna.
23832	MAT 19:1	Yesusi yooti wursidappe guye Galila aggidi Yordanoose pinthan diza Yuhuda awurajja bides.
23834	MAT 19:3	Farsaaweeti iza paccanaas izakko shiiqidi ay gaasonka “Asi ba macho anji yeddana bessizee?” giidi oychida.
23838	MAT 19:7	Istika izas “Histin Musey ‘Asi ba macho anji yeddida anjo waraqata izis immi yeddo’ giidi aazas azazidee?” gida.
23839	MAT 19:8	Yesusikka istas “Musey inte wozna muumeteth beyidi macheta inte anjana mala piqaade intes immides attin koyroppe hessa mala gidenna.
23840	MAT 19:9	“Ta intes tumu gays; ba azinappe harara laymatonta dishin ba macho anjidi hara macho ekizadey wuri laymatees. Anjettidarokka ekkizadey izira laymatees” gides.
23846	MAT 19:15	Ba kushe nayta bolla woththidi anjidappe guye heeppe dendi bides.
23874	MAT 20:13	“Izikka istafe issades ‘Ta jalawu! Nena qohabeekke; issi gallassas gidiza damozan ooththanas tanara giigabeykii? Ha7i hehi ne gisha ekkada ba; nees immidayssa mala wursethan yidayssaska ta immana koyays.
23904	MAT 21:9	Izappe sinthara biza dereynne guyera kaalliza dereyka ba qaala dhoqu histidi “Hoosana! Dawute nay galattetto! Goda sunthan yiday anjettidade! Xoossi galattetto!” gida.
24026	MAT 23:39	Ta intes tumu gays; inte Goda sunthan yizadey anjettidade gaana wodey gakkanaas nam7antho tana beyekketa” gides.
24041	MAT 24:15	“Hessa gish nabe Daanelan yootettidayssa mala ‘Harassiza tunatethi’ anjettidason eqqidayssa inte beyiza wode nababizadey woznan wotho.
24072	MAT 24:46	Keeththa aaway simmidi yiza wode izas immida hadara ooththi polishe beettida oosanchay anjettidayssa.
24080	MAT 25:3	Eeyati kuraze xompe oykkida shin wurikko gujana hara naage lamba oykkibetenna.
24081	MAT 25:4	Cincati gidikko ba kurazezara wurikko gujana lamba hara xarmusen oykkida.
24106	MAT 25:29	Dizaddes gujettananne dari dari baana; bayndadefe he diza guuththayakka izappe eketaychana.
24111	MAT 25:34	He wode kawoy ushacha baggara dizayta ‘Inteno! Ta Aaway intena anjidayti haa yiite! Alamey medhetosappe intes giigetida kawoteththa laattite! gaana.
24139	MAT 26:16	He gallassafe simmidi Yuhuday Yesusa istas aaththi immanas inje wode naagishe gam7ides.
24149	MAT 26:26	Isti muussan dishin Yesusi miza qumappe ekkidi anjides. Menthidinne bana kaallizaytas immidi “Heyite miite; hayssi ta ashokko” gides.
24204	MAT 27:6	Qeeseta halaqati bira denthidi “Suutha waaga gidida gish Xoossa Keeththa miishan gujanas bessenna” gida.
24231	MAT 27:33	Birshechay “Hu7e guuge” geetettiza Golgota gakkishin ciyera walakettida woyne cajje “Uya” giidi immida; gido attin izi gaanxi ekkidi uyana koybenna.
24246	MAT 27:48	Istafe issadey woxxi biidi zandza misatiza sefinege geetettiza miish ekkidi caalida woyne cajjen yeggi caphisidinne shomboqo geetettiza mitha xeeran qaaphidi uyana mala Yesusa duunakko shiishshides.
24288	MRK 1:4	Hessathoka Xammaqiza Yohannisi asa xamaqishenne “Inte nagarappe simmidi xammaqettite, Xoossi inte nagara atto gaana” gi awajjishe bazzora kezi wodhdhides.
24351	MRK 2:22	Hessathoka ooratha woyne cajje gal7a lukkamon woththizadey deenna. Wothiza gidikko woyne cajjezi gal7a lukkamoza dhuussees; woyne cajjezinne lukkamozi nam7ay morettetes. Hessa gish ooratha woyne cajjey daanas bessizay ooratha lukkamonna” gides.
24416	MRK 4:24	Gujidikka “Inte siyizayssa woznan woththite; inte makkiza miishara intes makettana; hessafekka daroy gujettana.
24417	MRK 4:25	Dizaddes gujettana shin bayndadefe izas dizaarakka ekketichana” gides.
24484	MRK 6:8	Izi “Oges gidiza guufe attin oge shinqe woykko korojo woykko miishe oykkofte.
24517	MRK 6:41	Izikka ichashu ukethanne nam7u moleta ba kushen oykidi pude salo xeelidi anjidinne uketha menthi menthi asas gishana mala bana kaallizaytas immides; nam7u moletaka ubba asas shaakerethides.
24568	MRK 7:36	Yesusi hayssa beyidayti oonaska yootonta mala azazides; gido attin asay izi azazizadayssafe bollara keehi gujidi yootida.
24659	MRK 10:2	Issi issi Farsaaweeti izakko yiidi “Asi ba macho anji yeddanas bessizee?” giidi iza paace oysho oychida.
24661	MRK 10:4	Istika izas “Musey ta izo anja yeddadis giza waraqata xaafi immidi anjo gides” gida.
24668	MRK 10:11	Izi istas “Oonikka ba macho anji yeddidi hara macas ekkiko he macasay bolla layma ooththes.
24673	MRK 10:16	Nayta idimmidi ista bolla ba kushe woththidi anjides.
24718	MRK 11:9	Yesusappe sintharanne guyera diza asay qaala dhoqu histidi “Hoosana; Goda sunthan yizadey anjettidade.
24719	MRK 11:10	Hanna yizara nu aawa Dawute kawoteththaya anjettidaro; hoosana! Bolla salon Xoossi bonchetto” gishe waassides.
24834	MRK 14:11	Istika hessa siydi ufayettida; izas miishe immanas izara giigida. Hessa gish Yesusa aaththi immanas inje wode naagishe gam7ides.
24845	MRK 14:22	Isti mishin uketha ekki anjidinne menthidi bana kaallizaytas “Hayssa ta asho heyte” gi immides.
24884	MRK 14:61	Gido attin Yesusi istas aykkokka zaaronta co7u gides. Qeeseta halaqay qasseka “Anjettida Xoossa Nay Kirstoosi nenee?” gi oychides.
24918	MRK 15:23	Karbe geetettiza camora walaketida woyne cajje uyana mala izas immin izi ekkonta ixxides.
24931	MRK 15:36	Hessafe issi asi eleli biidi caalida woyne cajje isponje mala miishan gelthi kessidi mitha xeeran oythidi uyana mala Yesusas shiishshides. Hessafe qasse “Ane aggagite; Elaassi yiidi iza kaqqoppe woththishin nu beyana” gides.
24977	LUK 1:15	Goda sinthan izi gita gidana. Woyneppe oosettida cajje gidinka hara mathosiza ushsha gidinka izi uyenna; izi buro ba aayey qanthan dishe Xillo Ayanan kumana.
24990	LUK 1:28	Yiidinne iza dizaaso gelidi “Hanne Xoossi nena anjidare saro Xoossi Goday nenara dees nenka anjettidaaro” gides.
25004	LUK 1:42	Izakka ba qaala dhoqu ooththada “Macasa ubbafe ne anjettidaaro; Ne qanthan diza naazikka anjettidayssa.
25007	LUK 1:45	Polettana giidi Goday izis yootidayssa ammanidara iza anjettidaro” gadus
25008	LUK 1:46	Maaramakka “Izi ba aylle kawushshatetha xeellida gish ta shempiya Goda dhoqu ooththada bonchawus. Ta Ayanaykka tana ashshiza ta Xoossan ufayetawus. Wolqama Goday taas gita miishe ooththida gish hachchife sinthan asi wuri tana anjettidaro gaana. Iza sunthaykka geeshsha.
25043	LUK 2:1	He wode biitta bollan diza asi wurikka tayibettidi xaafettana mala Oroome kawo Awuggisxossappe awajjay kezides.
25046	LUK 2:4	Yoosefeykka asho dabboteththan Dawute baggafe gidida gish Galila awurajja giddon diza Naazirete katamappe Yuhuda awurajja Beeteleme geetettiza Dawute katamappe yides.
25076	LUK 2:34	Simoonikka ista anjides; Maaramokka “Daro asa wozna qofay qoncana mala hayssi Isra7eelen diza darotas dhayossinne atotethassa; Iza ixizaytas qasse malata gidana mala doorettides.
25081	LUK 2:39	Yooseferanne Maaramira Goda wogan azazettidayssa polidi Galila awurajjan diza baso Naazirete katama simmida.
25114	LUK 3:20	kase mooro bolla hara gujjidi Herdoossi Yohannisa qasho keeththan yeggides.
25145	LUK 4:13	Xala7eykka ba paacanayssa wursidappe guyen hara baas inje wodey bettanashshe Yesusappe shaakettides.
25150	LUK 4:18	“Goda Ayanay ta bolla dees; manqotas Mishiraachcho qaala yootana mala tana tiyides; qashetidaytas birsheteth, qooqeti xeellana oge ta awajjana mala, metotettidayta aashshana mala, dossettida Goda laytha awajja ta yootana mala tana kiittides” giza so demmi nababidinne.
25163	LUK 4:31	Heeppeka Galila awurajjan diza Qifirnahoome geetettiza katama wodhdhides. Heenka Sambata gallas daro asa tamarso oykkides.
25176	LUK 4:44	Izikka Yuhudan Ayhuda Woosa Keeththan qaala gujji yootides.
25213	LUK 5:37	Woyneppe oosettida ooratha cajje gal7a lukkamon kunthidi woththiza asi oonikka baawa; woththiza gidikko woyneppe oosettida ooratha cajjey gal7aza daakkana. Woyne cajjezikka biittan gukkana; gal7a lukkamoy sinthafe go7ontaz gidana.