23217	MAT 1:4	Jare Aram iñemoñaa Aminadab, jare Aminadab iñemoñaa Naasón, jare Naasón iñemoñaa Salmón.
23233	MAT 1:20	Ẽrei cua re ipɨa pe uyemɨngueta oĩ rambueve, penti ángel yandeYa pe uyeyocui vae uyecuaa chupe ipau pe jare jei chupe: —José. Nde co jae David iñemoñaa reta pegua. Ndepuere nemenda María ndive ndequɨye mbae reve. Echa'ã ipurúa oĩ Espíritu Santo imbaepuere pe —jei—.
23261	MAT 2:23	Jare José oo uvãe penti tenta guasu Nazaret jee vae pe jare joco pe ico, uyeyapo vaerã Tumpa iñee aracae umɨmbeu vae reta jei vae. Echa'ã jei reta cuarãi: “Ĩru vae reta umbɨjeeta penti Nazaret pegua.”
23281	MAT 4:3	Jayave aña guasu umɨngueta uyavɨca vaerã tẽi chupe. —Nde co jae Tumpa Taɨ yave, ere cua ita reta pe uyeyapo vaerã mbɨyaperã —jei.
23284	MAT 4:6	Jayave jei chupe: —Nde co jae Tumpa Taɨ yave, ea cua güi. Echa'ã Tumpa iñee pe uyecuatía oĩ cuarãi: ‘Tumpa oyocuita ángel reta uyandareco vaerã nderé. Ipo pe ndepɨsɨ ndeocota reta, agüɨye vaerã ndepɨ uyererocua ita re.’ Jucuarãi uyecuatía oĩ —jei.
23291	MAT 4:13	Oo Nazaret güi uvãe tenta guasu Capernaum pe jare joco pe ico, (Capernaum oĩ ɨ guasu jembeɨ pe Zabulón jare Neftalí iɨvɨ pe)
23293	MAT 4:15	“Zabulón iɨvɨ jare Neftalí iɨvɨ, ɨ guasu jembeɨ pe, Jordán jovaicho pe, Galilea judío mbae vae reta pegua.
23325	MAT 5:22	Ẽrei che jae peve, ime yave quía pochɨ tɨvɨ pe vae, uñeãacata co. Jare ime yave quía tɨvɨ güɨrɨ̃ro vae, judío reta itenondegua reta uãata. Jare ime yave quía tɨvɨ pe: ‘Nembɨquere’, jei vae, tata guasu pe uiporarata —jei—.
23340	MAT 5:37	Ẽrei ndipota yave ndere: ‘Ayapota’, ere: ‘Ayapota.’ Jae ramiño vi ndipota yave ndere: ‘Ndarau ayapo’, ere: ‘Ndarau ayapo.’ Echa'ã jeta cua güi ndere yave, ndiyapota icavi mbae vae —jei—.
23364	MAT 6:13	Jare agüɨye emaeño aña guasu re uyapoca vaerã oreve mbaeyoa. Orerepɨ aña guasu güi. Echa'ã nembae co mboroyocuia. Nde nenoi opaete mbaepuere. Opaete vae nembɨadorata jaeño mai pegua. Amén.’ Jucuarãi piyerure —jei—.
23369	MAT 6:18	agüɨye vaerã ĩru vae reta uicuaa ndiyecuacu co neĩ tembíu güi. Jaeño ndeRu uicuaata ndiyecuacu co neĩ tembíu güi vae. NdeRu uicuaata nde ndiyapo vɨari vae jare umeeta ndeve mbae opaete vae jovaque —jei—.
23374	MAT 6:23	Ẽrei icavi'ã yave nderesa, nderete tɨneeta pɨ̃tumimbi pe. Nderete tɨneeta tẽi tembipe pe. Ẽrei tɨnee yave pɨ̃tumimbi pe, pɨ̃tumimbi ete co —jei—.
23376	MAT 6:25	Jáeramo che jae peve, agüɨye piyemɨpɨa'ã mbae re. Agüɨye piyemɨpɨa'ã perembiurã vae re. Jae ramiño vi agüɨye piyemɨpɨa'ã peremimonderã vae re. Ndarau pepuere pico cavi jecuaeño piyemɨpɨa'ã yave perembiurã vae re jare peremimonderã vae re —jei—.
23389	MAT 7:4	Ndarau ndepuere ndere neĩru pe: ‘Cherɨvɨ, taequi nderesa güi jocua ɨtɨ michi vae.’ Echa'ã nde nenoi ɨtɨ tuicha vae nderesa pe —jei—.
23390	MAT 7:5	Nde co jae upurumbɨtavɨ vae. Eequi rani ɨtɨ tuicha vae nderesa güi. Jayave nemae cavita ndepuere vaerã ndeequi ɨtɨ michi vae neĩru jesa güi —jei—.
23394	MAT 7:9	Nde nenoi yave penti nderaɨ, nderaɨ uyerure yave ndeve mbɨyape re, ndarau nemee chupe penti ita mbɨyape ipepɨca pe —jei—.
23422	MAT 8:8	Ẽrei sundaro reta juvicha jei chupe: —CheYa, agüɨye ecua cherenta pe. Echa'ã mbae'ã co che. Ndepuere ndere cua güiño cherembiocui ucuera vaerã jare ucuerata co —jei—.
23427	MAT 8:13	Jayave Jesús jei sundaro reta juvicha pe: —Ndepuere ndeo. Ayapo ma ndipota ayapo vaerã vae nderovia cheré ramo —jei. Jare jocua ora pe etei sundaro reta juvicha jembiocui ucuera.
23443	MAT 8:29	Jare jae reta iñeeãta reve jei: —¿Maera pa ndeyu oremambeco, Jesús? Nde co jae Tumpa Taɨ. ¿Ndeyu pa ndiporaraca oreve añave? Taɨcue rupi ramo co ndiporaracata tẽi oreve —jei reta.
23450	MAT 9:2	Jayave amocue vae güeru penti cuimbae imbaerasɨ vae. Cua cuimbae ipuere mbae omɨ vae. Jupa pe oĩ. Jesús cua uecha yave, uicuaa jae reta güɨrovia co jese, jare jei cuimbae ipuere mbae omɨ vae pe: —Iyerovia, cherɨvɨ. Nembaeyoa reta uyembai ma —jei.
23453	MAT 9:5	Chepuere jae cua cuimbae pe: ‘Nembaeyoa reta uyembai ma.’ Jae ramiño vi chepuere jae chupe: ‘Epũa eguata.’ ¿Mbae nunga pa yavai jae vaerã? —jei—.
23470	MAT 9:22	Ẽrei Jesús uyerova, jare uecha yave, jei chupe: —Cherindɨ, ndepɨacatu. Ndecuera ma nderovia cheré ramo. Jare jupivoiño cuña ucuera.
23475	MAT 9:27	Jare Jesús joco güi oo yave, mocui cuimbae jesa mbae vae reta yugüɨraa jaɨcue, jare iñeeãta reve jei chupe: —Nde co jae David iñemoñaa reta pegua. Oreparareco.
23476	MAT 9:28	Jare Jesús uique ma yave o pe, cuimbae jesa mbae vae reta vi uique jaɨcue. Jayave Jesús upɨrandu chupe reta: —¿Perovia pa chepuere co ayapo cua peve? —Ndugüɨrovia, oreYa —jei reta.
23531	MAT 11:3	jei vaerã chupe: —¿Nde pa co jae Cristo outa vae? ani ¿nuãrota pa ĩru vae ou vaerã?
23545	MAT 11:17	‘Nduyemimbɨ ma peve, ẽrei pe reta pepɨrae'ã. Orepɨatɨtɨ perovaque, ẽrei pe reta piyao'ã.’ Jucuarãi jei —jei—.
23577	MAT 12:19	Ndarau uyeaca quía ndive. Ndarau vi quía uyandu iñee calle rupi.
23578	MAT 12:20	Ndarau uaquɨo tacuarãsɨ uyeca vae. Ndarau vi ombove mechero michi ete jendɨ oĩ vae, ndei upurumɨamɨri upuruãa vaerã mbove.
23599	MAT 12:41	Tumpa upuruãa yave, Nínive pegua reta upũata umbɨjeco vaerã añave yugüɨreco vae reta. Echa'ã jae reta ueya iyemɨngueta icavi mbae vae ipɨa pe oĩ vae, Jonás umɨmbeu chupe reta yave Tumpa iñee. Ẽrei chembaepuere tuicha ete co Jonás imbaepuere güi —jei—.
23605	MAT 12:47	Jayave penti joco pe oĩ vae jei Jesús pe: —¡Aipo! Ndesɨ jare nderɨvɨ reta oca pe ñugüɨnoi. Uipota uyemɨngueta nde ndive —jei.
23636	MAT 13:28	Jayave ipatrón jei chupe reta: ‘Penti cherovaicho oñotɨ.’ Jayave jembiocui reta jei chupe: ‘¿Ndipota pa ndoo vaerã nduequi trigo-raanga?’
23644	MAT 13:36	Jayave Jesús omondo ye yatɨ vae reta, jare uique o pe. Jare Jesús jemimboe reta yugüeru jei chupe: —Nemɨmbeu ma oreve nemɨjaanga reve jocua co trigo-raanga ucuacuaa pɨpe vae. Emɨmbeu oreve mbae uipota jei vae.
23659	MAT 13:51	Jayave Jesús upɨrandu chupe reta: —¿Picuaa cavi ma pa opaete cua? —Nduicuaa cavi ma, oreYa —jei reta chupe.
23714	MAT 15:12	Jayave Jesús jemimboe reta yugüeru jei chupe: —¿Ndicuaa pa fariseo reta pochɨ co ndeve jocua ndere chupe reta vae re?
23724	MAT 15:22	Jare penti cuña ɨvɨ Canaán pegua joco pe ico. Jae ou Jesús oĩ vae pe jare iñeeãta reve jei chupe: —CheYa, cheparareco. Nde co jae David iñemoñaa reta pegua. Chemembɨ cuña uiporara oĩ. Echa'ã penti aña oya ma jese —jei.
23734	MAT 15:32	Jayave Jesús ueni jemimboe reta jare jei chupe reta: —Aiparareco cua yatɨ vae reta. Echa'ã mbapɨ ara ma ñugüɨnoi che ndive, jare mbaetɨ mbae güɨnoi jou vaerã. Ndarau amondo ye reta ucaru mbae reve, agüɨye vaerã ipɨtu tape rupi —jei.
23750	MAT 16:9	¿Ndeiño pa picuaa cavi? ¿Pemandua'ã pa? Cue yave apɨsãa pandepo mbɨyape ucaru vaerã cinco mil vae reta. Tembíu jembɨrecue pembatɨ yave, ¿mbovɨ canasta pa pemɨtɨnee? —jei—.
23757	MAT 16:16	Jayave Simón Pedro jei chupe: —Nde co jae Cristo, Tumpa ombou vae. Nde co jae Tumpa jecuaeño ico vae Taɨ —jei.
23764	MAT 16:23	Ẽrei Jesús uyerova jare jei Pedro pe: —Esɨrɨ chegüi, Satanás. Ndipota chembɨavai. Echa'ã nde ndiyemɨngueta neĩ ɨvɨ pegua reta uyemɨngueta rami, ndiyemɨngueta'ã Tumpa uyemɨngueta rami —jei.
23773	MAT 17:4	Jayave Pedro jei Jesús pe: —OreYa, icavi co ñaĩ vaerã cua pe. Nde ndipota yave, turuyapo cua pe mbapɨ guarasɨ̃a ñanaroquɨ pegua, penti nembaerã, penti Moisés peguarã jare penti Elías peguarã —jei.
23789	MAT 17:20	—Pepurugüɨrovia'ã ramo —jei Jesús chupe reta—. Añete che jae peve, aramoi pepurugüɨrovia michi ete penti mostaza jãɨcue michi-raɨ vae rami. Ẽrei jocua nunga mburugüɨrovia penoi yave, pepuereta pere cua ɨvɨtu guasu pe: ‘Ecua cua güi epɨta joco pe’, jare oota co. Ndarau mbae yavai peve —jei—.
23822	MAT 18:26	Jayave jembiocui uyeatɨca mburuvicha guasu jovai, jare jei chupe: ‘Agüɨye ndepochɨ cheve. Ndepɨaguasu cheve yave, ambɨepɨta ndeve opaete’ —jei, jei—.
23825	MAT 18:29	Jayave jocua ĩru uyeyocui vae uyeatɨca jae jovai, jare uyerure chupe: ‘Agüɨye ndepochɨ cheve. Ndepɨaguasu cheve yave, ambɨepɨta ndeve opaete’ —jei, jei—.
23828	MAT 18:32	Jayave mburuvicha guasu ueni jocua jembiocui, jare jei chupe: ‘Nde co jae cherembiocui icavi mbae vae. Che ambai ndeve opaete ndepía, nde ndiyerure cheve jese ramo’ —jei, jei—.
23852	MAT 19:21	Jayave Jesús jei chupe: —Ndipota yave ndiyapo opaete icavi ndiyapo vaerã vae, ecua emee opaete mbaembae nenoi vae corepoti re, jare emee ndecorepoti iparavete vae reta pe, jare ndicocatuta ara pe. Jayave eyu cherupíe —jei.
23891	MAT 20:30	Jare mocui cuimbae jesa mbae vae uguapɨ ñugüɨnoi joco pe tape jembeɨ pe. Jare uicuaa reta Jesús uasa oo oĩ yave, iñeeãta reve jei reta: —OreYa, oreparareco. Nde co jae David iñemoñaa reta pegua.
23892	MAT 20:31	Jeta joco pe ñugüɨnoi vae reta uñeengata chupe reta. Uipota tẽi umɨquĩi. Ẽrei jae reta jeiete iñeeãta reve jei: —OreYa, oreparareco. Nde co jae David iñemoñaa reta pegua.
23894	MAT 20:33	—Nduipota numae, oreYa —jei reta chupe.
23906	MAT 21:11	Jare jeta vae reta jei: —Cua co jae Jesús. Jae co penti Tumpa iñee umɨmbeu vae Nazaret pegua. Nazaret Galilea pegua co —jei reta.
23911	MAT 21:16	Jayave jei reta Jesús pe: —¿Ndiyandu pa cua reta jei vae? Jayave Jesús jei chupe reta: —Ayandu. ¿Pemɨngueta'ã pa cua Tumpa iñee pe uyecuatía oĩ vae? ‘Nde nemee sambiaɨ reta jare imeño ucambu vae reta pe nembɨadora vaerã.’ Jucuarãi uyecuatía oĩ —jei.
23914	MAT 21:19	Jare uecha penti ɨva coiño tape güi. Jayave oo umae jese, ẽrei uvãe'ã ía, jaeño joquɨ. Jayave jei ɨva pe: —Ndarau etei ma ndeía. Jare ɨmambae ɨva yɨpi.
23916	MAT 21:21	Jayave Jesús jei chupe reta: —Añete che jae peve, pepurugüɨrovia yave, pe reta vi pepuereta piyapo che ayapo ɨva pe vae rami. Ẽrei pepurugüɨrovia yave, pepuereta vi pere cua ɨvɨtu guasu pe: ‘Pecua cua güi piyemombo ɨ guasu pe’, jare jucuarãita uyeyapo. Pere'ã yave pepɨa pe: ‘Ndarau ndipo uyeyapo’, uyeyapota co peve —jei—.
23922	MAT 21:27	Jayave jei reta Jesús pe: —Nduicuaa'ã. —Che vi ndarau amɨmbeu peve mbae nunga mbaepuere anoi cua mbaembae ayapo vaerã —jei Jesús chupe reta—.
23957	MAT 22:16	Jayave jae reta omondo jemimboe reta Jesús oĩ vae pe herodiano reta ndive. Jae reta jei Jesús pe: —Oporomboe vae, nduicuaa nde ndere vae añete co. Nde ndeporomboe cavi quirãi Tumpa uipota yaico vaerã vae re. Nde nemae oyovaque opaete pãve re. Nembutuicha'ã penti ave ĩru vae güi —jei reta—.
24020	MAT 23:33	Pe reta mboi reta rami co. Añete co, pe reta mboi reta iñemoñaa reta rami co. Ndarau etei piyerepɨ Tumpa perãa yave peo vaerã tata guasu pe —jei—.
24063	MAT 24:37	Noé ico rambueve, ɨvɨ pegua reta uyapo icavi mbae vae. Jae ramiño vi che cuimbaerã ayeyapo vae ayu ye yave, ɨvɨ pegua reta uyapota icavi mbae vae —jei—.
24064	MAT 24:38	Ndei ɨporu guasu ou mbove, ɨvɨ pegua reta ucaruñoi jare ucauñoi yugüɨreco, jare jecuaeño cuimbae reta umenda cuñatai reta ndive jare tu reta umee tayɨ reta cuimbae reta pe umenda jae ndive vaerã. Ẽrei penti ara Noé uique jocua chalana guasu pe —jei—.
24086	MAT 25:9	Ẽrei cuñatai iyaracuaa vae reta jei: ‘Numee yave peve, ndarau ndipo uepitɨ oreve. Icavi ndipo pe reta peo vaerã aceite umee vae reta pe pegua vaerã piyupe’ —jei reta, jei—.
24091	MAT 25:14	Tamɨjaanga penti cuimbae iɨvɨ güi ambɨe ɨvɨ mbɨrɨ oĩ vae pe oota vae. Ndei oo mbove, ueni jembiocui reta jare jei chupe reta uyandareco vaerã imbaembae re —jei—.
24098	MAT 25:21	Jayave ipatrón jei chupe: ‘Icavi ndiyapo. Nde co jae cherembiocui icavi vae. Ndiyeyocui cavi cheve cua mbovɨ vae re. Jáeramo tamee ndeve jeta mbaembae ndiyandareco jese vaerã. Iyerovia che ndive’ —jei, jei—.
24100	MAT 25:23	Jayave ipatrón jei chupe: ‘Icavi ndiyapo. Nde co jae cherembiocui icavi vae. Ndiyeyocui cavi cheve cua mbovɨ vae re. Jáeramo tamee ndeve jeta mbaembae ndiyandareco jese vaerã. Iyerovia che ndive’ —jei, jei—.
24101	MAT 25:24	Jayave tenonde yave penti talento güɨnoi vae ou jei ipatrón pe: ‘Patrón, che nducuaa co. Aicuaa nde co jae penti cuimbae jecopochɨ vae. Nde nepɨ̃ro mbaembae ĩru vae reta güi, jare ndeavɨro ĩru vae reta oñotɨ vae’ —jei, jei—.
24103	MAT 25:26	Jayave ipatrón jei chupe: ‘Nde co jae cherembiocui icavi mbae vae. Ndeaquɨ co. Nde ndicuaa quirãi apɨ̃ro mbaembae ĩru vae reta güi jare quirãi aavɨro ĩru vae reta oñotɨ vae’ —jei, jei—.
24148	MAT 26:25	Jayave Judas (Jesús umee vae) jei chupe: —Oporomboe vae, ¿che pa co jae? —Ndere ma co —jei Jesús chupe.
24176	MAT 26:53	Aipota yave, chepuere ayerure cheRu pe ombou voi vaerã jeta ángel reta cherepɨ vaerã. ¿Ndicuaa'ã pa cua? —jei—.
24186	MAT 26:63	Ẽrei Jesús quĩiño. Jayave sacerdote tenondegua upɨrandu ye chupe: —¿Nde pa co jae Cristo, Tumpa ombou vae? ¿Nde pa co jae Tumpa Taɨ? Che ndoyocui Tumpa jecuaeño ico vae jee re nemɨmbeu vaerã oreve —jei.
24187	MAT 26:64	Jayave Jesús jei chupe: —Nde ndere rami jae co che. Ẽrei che jae peve, che cuimbaerã ayeyapo vae cherechata co aguapɨ aĩ Tumpa mbaepuere güɨnoi vae iyɨpɨ pe iyacata cotɨ. Cherechata vi ayu amapɨ̃tu reve ara güi —jei.
24191	MAT 26:68	jare jei chupe: —Nde co jae Cristo, Tumpa ombou vae yave, emɨmbeu oreve quía ra ocua oĩ nderé.
24192	MAT 26:69	Jare Pedro uguapɨ oĩ oca pe. Jare penti cuñatai ou jei chupe: —Nde vi co jae Jesús Galilea pegua iĩru.
24194	MAT 26:71	Jayave Pedro oo onque tuicha vae cotɨ. Jare ĩru cuñatai uecha jare jei joco pe ñugüɨnoi vae reta pe: —Cua cuimbae co jae penti Jesús Nazaret pegua iĩru.
24198	MAT 26:75	Jare Pedro imandúa Jesús jei chupe vae re: “Ndei uru cuimbae uñee mbove, mbapɨ vese ma checuacuta.” Jayave Pedro oẽ joco güi, jare tanta ipɨatɨtɨ reve uyao.
24202	MAT 27:4	Jare jei chupe reta: —Ayapo mbaeyoa. Echa'ã amee peve jocua cuimbae teco güɨnoi mbae vae piyucaca vaerã —jei. Jayave jae reta jei Judas pe: —Jocua mbae'ã co oreve. Nde co nenoi teco.
24209	MAT 27:11	Jare Jesús uyemboɨ mburuvicha guasu jovai. Jayave mburuvicha guasu upɨrandu chupe: —¿Nde pa co jae judío reta juvicha guasu? —jei. —Nde ndere rami jae co che —jei Jesús chupe.
24211	MAT 27:13	Jayave Pilato jei chupe: —¿Ndiyandu'ã pa quirãi jeta mbaembae re uñeapo reta nderé?
24238	MAT 27:40	—Nde ndere nembusururuta co Tumpa jo jare ndiyapo yeta mbapɨ ara pe —jei reta chupe—. Iyerepɨ. Nde co jae Tumpa Taɨ yave, egüeyɨ curusu güi —jei reta.
24293	MRK 1:9	Jare mbovɨ ara rupi ou Jesús tenta guasu Nazaret ɨvɨ Galilea pegua güi. Jare Juan umbɨbautiza Jesús ɨãca Jordán pe.
24295	MRK 1:11	Jayave uyendu ñee ara güi jei: —Nde co jae cheRaɨ nduau ete vae. Chembɨyerovia ete —jei.
24303	MRK 1:19	Ndei mbɨrɨ oo mbove, Jesús uecha Zebedeo taɨ reta. Penti jee Jacobo, jare tɨvɨ jee Juan. Uyapɨcatu ñugüɨnoi pɨsa reta chalana pe.
24308	MRK 1:24	—¿Maera pa ndeyu oremambeco, Jesús Nazaret pegua? ¿Ndeyu pa oremɨcañɨtei vaerã? Che nducuaa. Nde co jae Tumpa Taɨ —jei.
24309	MRK 1:25	Jayave Jesús uñeengata aña pe. —¡Nequĩi! Esɨrɨ chugüi —jei.
24321	MRK 1:37	Jare uvãe chupe yave, jei reta Jesús pe: —Ndereca ñugüɨnoi reta —jei reta.
24324	MRK 1:40	Jayave ou Jesús oĩ vae pe penti cuimbae ipire ocui vae. Uyeatɨca Jesús jovai jare uyerure chupe: —Ndipota yave, ndepuere chembɨgüera —jei chupe.
24334	MRK 2:5	Jesús cua uecha yave, uicuaa jae reta güɨrovia co jese, jare jei cuimbae ipuere mbae omɨ vae pe: —Nembaeyoa reta uyembai ma, cherɨvɨ.
24338	MRK 2:9	Chepuere jae cua cuimbae ipuere mbae omɨ vae pe: ‘Nembaeyoa reta uyembai ma.’ Jae ramiño vi chepuere jae chupe: ‘Epũa evoɨ nderupa, jare eguata.’ ¿Mbae nunga pa yavai jae vaerã? —jei Jesús chupe reta—.
24368	MRK 3:11	Jare aña reta uecha Jesús yave, uyeatɨca jae jovai jare iñeeãta reve jei: —Nde co jae Tumpa Taɨ.
24380	MRK 3:23	Jayave Jesús ueni reta, jare jei chupe reta umɨjaanga reve: —Ndarau Satanás jaei uyembɨsɨrɨ cuimbae güi.
24389	MRK 3:32	Jare uguapɨ ñugüɨnoi iyɨpɨ rupi vae reta jei chupe: —¡Aipo! Ndesɨ jare nderɨvɨ reta oca pe ñugüɨnoi, jare ndereca.
24430	MRK 4:38	Jare Jesús uñemɨãcanɨta chalana iyapɨ pe, jare oque oĩ. Jayave jae reta omomba jare jei chupe: —¡Oporomboe vae! ¿Ndepɨa'ã pa opata ma ñamano?
24431	MRK 4:39	Jayave Jesús upũa, jare uñeengata ɨvɨtu pe. —¡Epɨta! ¡Nequĩi! —jei ɨ guasu pe. Jare ɨvɨtu javoi upɨta, jare opaete quĩi ngatu.