23240	MAT 2:2	Jare jei reta: —¿Quiape pa ime oĩ sambiaɨ judío reta juvicha guasurã icota vae? Echa'ã nduecha yasɨtata uicuaaca oreve vae guarasɨ oẽ vae cotɨ. Jáeramo ndoyu ma nuvãe numbɨadora vaerã —jei reta.
23243	MAT 2:5	Jare jae reta jei chupe: —Oata Belén Judea pegua pe. Echa'ã Tumpa iñee aracae umɨmbeu vae jei cuarãi:
23244	MAT 2:6	‘Belén Judea pegua penti tenta guasu Judea pegua icavi vae. Echa'ã joco pe oata penti mburuvicharã. Jae oyocuita Israel pegua reta. Israel pegua reta chembae co.’ Jucuarãi jei —jei reta chupe.
23246	MAT 2:8	Jayave Herodes jei chupe reta: —Pecua Belén pe peeca cavi jocua sambiaɨ. Jare pevãe ma chupe yave, peyu ye cua pe pemɨmbeu cheve, che vi aa vaerã ambɨadora —jei.
23263	MAT 3:2	Jae jei: —Peeya piyemɨngueta icavi mbae vae pepɨa pe oĩ vae. Echa'ã outa ma uvãe mboroyocuia ara pegua —jei.
23268	MAT 3:7	Jare jeta fariseo reta jare saduceo reta yugüeru Juan oĩ vae pe, jae umbɨbautiza vaerã. Jare Juan uecha reta yave, jei chupe reta: —Pe reta co jae mboi reta rami. ¿Quía pa umɨmbeu peve piyerova vaerã Tumpa cotɨ agüɨye vaerã Tumpa uiporaraca peve?
23270	MAT 3:9	Agüɨye pere piyupe pepɨa pe: ‘Yandetenondegua co jae Abraham.’ Echa'ã che jae peve cua: Tumpa ipuere uyapo cua ita reta güi Abraham iñemoñaa retarã —jei Juan chupe reta—.
23276	MAT 3:15	Jayave Jesús jei chupe: —Icavi co nde chembɨbautiza vaerã añave. Echa'ã jucuarãi icavi co yayapo vaerã opaete jupi vae —jei. Jayave Juan umbɨbautiza Jesús.
23278	MAT 3:17	Jare jupivoi uyendu ñee ara güi jei: —Cua co jae cheRaɨ aau ete vae. Chembɨyerovia ete —jei.
23281	MAT 4:3	Jayave aña guasu umɨngueta uyavɨca vaerã tẽi chupe. —Nde co jae Tumpa Taɨ yave, ere cua ita reta pe uyeyapo vaerã mbɨyaperã —jei.
23282	MAT 4:4	Ẽrei Jesús jei chupe: —Tumpa iñee pe uyecuatía oĩ cuarãi: ‘Icavi co ɨvɨ pegua reta jou vaerã mbɨyape güɨnoi vaerã tecove. Ẽrei icavi ete co uyapɨsaca vaerã Tumpa iñee re jare uyapo vaerã jei vae güɨnoi vaerã tecove opa mbae vae.’ Jucuarãi uyecuatía oĩ —jei.
23284	MAT 4:6	Jayave jei chupe: —Nde co jae Tumpa Taɨ yave, ea cua güi. Echa'ã Tumpa iñee pe uyecuatía oĩ cuarãi: ‘Tumpa oyocuita ángel reta uyandareco vaerã nderé. Ipo pe ndepɨsɨ ndeocota reta, agüɨye vaerã ndepɨ uyererocua ita re.’ Jucuarãi uyecuatía oĩ —jei.
23285	MAT 4:7	Jayave Jesús jei chupe: —Tumpa iñee pe uyecuatía oĩ cuarãi: ‘Che co jae ndeYa Tumpa. Agüɨye mbae iyapo ndicuaa vaerã tuicha ra chepɨaguasu.’ Jucuarãi uyecuatía oĩ —jei.
23287	MAT 4:9	Jayave aña guasu jei chupe: —Tamee ndeve opaete cua, ndiyeatɨca yave chembɨadora vaerã.
23288	MAT 4:10	Jayave Jesús jei chupe: —Esɨrɨ chegüi, Satanás. Echa'ã Tumpa iñee pe uyecuatía oĩ cuarãi: ‘Che co jae ndeYa Tumpa. Chembɨadora. Jaeño cheve iyeyocui.’ Jucuarãi uyecuatía oĩ —jei.
23295	MAT 4:17	Jayave Jesús umbɨpɨ umɨmbeu Tumpa iñee. Jae jei: —Peeya piyemɨngueta icavi mbae vae pepɨa pe oĩ vae. Echa'ã outa ma uvãe mboroyocuia ara pegua —jei.
23297	MAT 4:19	Jare Jesús jei chupe reta: —Peyu cherupíe, jare che chembaepuere pe pemboeta ĩru vae reta güɨrovia vaerã cheré.
23306	MAT 5:3	Jei chupe reta: —Tuyerovia icoi Tumpa ueca vae reta. Echa'ã Tumpa umeeta chupe reta yugüɨreco vaerã mboroyocuia ara pegua pe —jei—.
23416	MAT 8:2	Jayave ou Jesús oĩ vae pe penti cuimbae ipire ocui vae. Uyeatɨca Jesús jovai. —CheYa, ndipota yave, ndepuere chembɨgüera —jei chupe.
23417	MAT 8:3	Jayave Jesús oñono ipo jese. —Aipota. Ecuera —jei chupe. Jare jupivoiño cuimbae ucuera imbaerasɨ güi. Ocui'ã ma ipire.
23418	MAT 8:4	Jayave Jesús jei chupe: —Agüɨye emɨmbeu quía pe. Ecua iyeechaca sacerdote pe, jare emee ofrenda Moisés peocui rami, tenta guasu pegua reta uicuaa vaerã ndecuera ma co —jei.
23421	MAT 8:7	Jayave Jesús jei chupe: —Taa tambɨgüera.
23424	MAT 8:10	Jare Jesús cua uyandu yave, ipɨacañɨ sundaro reta juvicha re, jare jei yugüɨraa jaɨcue vae reta pe: —Añete che jae peve, avãe'ã cua nunga mburugüɨrovia tuicha vae Israel pegua reta ipɨte pe.
23427	MAT 8:13	Jayave Jesús jei sundaro reta juvicha pe: —Ndepuere ndeo. Ayapo ma ndipota ayapo vaerã vae nderovia cheré ramo —jei. Jare jocua ora pe etei sundaro reta juvicha jembiocui ucuera.
23433	MAT 8:19	Jare penti mboroyocui re oporomboe vae ou Jesús oĩ vae pe jare jei chupe: —Oporomboe vae, taa nderupíe opaete que rupi ndeo vae rupi.
23434	MAT 8:20	Jayave Jesús jei chupe: —Aguara reta güɨnoi icua reta, jare güɨra reta güɨnoi jaitɨ reta. Ẽrei che cuimbaerã ayeyapo vae mbaetɨ cherenta —jei.
23436	MAT 8:22	Ẽrei Jesús jei chupe: —Eyu cherupíe. Tecove opa mbae vae güɨnoi mbae vae reta toñotɨ umano vae reta —jei.
23443	MAT 8:29	Jare jae reta iñeeãta reve jei: —¿Maera pa ndeyu oremambeco, Jesús? Nde co jae Tumpa Taɨ. ¿Ndeyu pa ndiporaraca oreve añave? Taɨcue rupi ramo co ndiporaracata tẽi oreve —jei reta.
23445	MAT 8:31	Jare aña reta uyerure Jesús pe: —Cua cuimbae reta güi orembɨsɨrɨ yave, emaeño oreré ndoo vaerã ndoya cuchi reta re.
23454	MAT 9:6	Ẽrei aipota picuaa vaerã cua: Che cuimbaerã ayeyapo vae chepuere ambɨasa quía pe imbaeyoa reta cua ɨvɨ pe aĩ rambueve —jei. Jayave jei cuimbae ipuere mbae omɨ vae pe: —Epũa evoɨ nderupa, jare ecua nerenta pe.
23457	MAT 9:9	Jare Jesús joco güi oo yave, uecha penti cuimbae Mateo jee vae uguapɨ oĩ mburuvicha peguarã ocovara ñugüɨnoi vae pe, jare jei chupe: —Eyu cherupíe. Jayave Mateo upũa, jare oo jae jupíe.
23460	MAT 9:12	Ẽrei Jesús cua uyandu yave, jei chupe reta: —Icove catu vae reta ueca'ã upurupɨano vae. Imbaerasɨ vae retaño ueca —jei—.
23463	MAT 9:15	Jayave Jesús jei chupe reta: —Umendata vae pe ñugüɨnoi vae reta ndarau etei uyecuacu tembíu güi, umendata vae jae reta ndive oĩ rambueve. Ẽrei outa uvãe ara umendata vae uyereraaca vaerã chugüi reta. Jayave ramo uyecuacuta tembíu güi —jei—.
23466	MAT 9:18	Jare Jesús cua jei chupe reta rambueve, ou Jesús oĩ vae pe uvãe penti mburuvicha. Jae uyeatɨca Jesús jovai jare jei: —Cherayɨ umanota ma oĩ. Ẽrei yaa iñono ndepo jese embɨgüera, agüɨye vaerã umano —jei.
23472	MAT 9:24	Jayave jei chupe reta: —Pecua oca pe. Cua cuñatai umano'ã co. Oqueño co oĩ —jei. Ẽrei joco pe ñugüɨnoi vae reta oyoyai Jesús.
23475	MAT 9:27	Jare Jesús joco güi oo yave, mocui cuimbae jesa mbae vae reta yugüɨraa jaɨcue, jare iñeeãta reve jei chupe: —Nde co jae David iñemoñaa reta pegua. Oreparareco.
23476	MAT 9:28	Jare Jesús uique ma yave o pe, cuimbae jesa mbae vae reta vi uique jaɨcue. Jayave Jesús upɨrandu chupe reta: —¿Perovia pa chepuere co ayapo cua peve? —Ndugüɨrovia, oreYa —jei reta.
23477	MAT 9:29	Jayave Jesús uyavɨquɨ jae reta jesa, jare jei chupe reta: —Perovia ramo, pemae.
23478	MAT 9:30	Jare mocui reve ipuere umae. Jayave Jesús jei chupe reta: —Agüɨye pemɨmbeu quía pe ave.
23482	MAT 9:34	Ẽrei fariseo reta jei: —Aña guasu imbaepuere pe umbɨsɨrɨ aña reta oya jese vae reta güi.
23485	MAT 9:37	Jayave Jesús jei jemimboe reta pe: —Jeta ete co yaavɨro vaerã. Ẽrei mbovɨ ete co umbaevɨro vae reta.
23491	MAT 10:5	Jare ndei omondo reta mbove, Jesús oyocui cua doce reve. —Agüɨye pecua judío mbae vae reta ñugüɨnoi vae pe. Agüɨye pecua Samaritano jenta guasu reta pe —jei—.
23532	MAT 11:4	Jayave Jesús jei chupe reta: —Pecua ye pemɨmbeu Juan pe piyandu jare peecha vae regua.
23538	MAT 11:10	Tumpa iñee uyecuatía oĩ jese cuarãi: ‘Mase’ —jei Tumpa—, ‘che amondota chiñee güɨraata vae nderenonde, uyapɨcatu vaerã nderaperã.’ Jucuarãi uyecuatía oĩ —jei—.
23549	MAT 11:21	—Corazín pegua reta uiporarata co. Betsaida pegua reta uiporarata co. Echa'ã jeta mɨacañɨ reta ayapo ipɨte pe chembaepuere pe. Jucuarãi ayapo yave mona Tiro jare Sidón pe, joco pegua reta ueyata tẽi aracae ma iyemɨngueta icavi mbae vae ipɨa pe oĩ vae. Omondeta tẽi temimonde jaimbe vae jare oñonota tẽi tanimbu iñãca re uicuaaca vaerã ipɨatɨtɨ co —jei—.
23555	MAT 11:27	Jayave jei vi: —CheRu umee ma cheve opaete. Mbaetɨ quía uicuaa cavi cheregua, jaeño cheRu. Jae ramiño vi mbaetɨ quía uicuaa cavi cheRu regua, jaeño che jare che aicuaaca chupe vae reta —jei—.
23565	MAT 12:7	Ẽrei picuaa'ã mbae uipota jei cua Tumpa iñee pe uyecuatía oĩ vae: ‘Aipota pepuruparareco vaerã’ —jei Tumpa—, ‘aipota'ã maemɨmba uyeyucacue reta pemee cheve vaerãño.’ Jucuarãi uyecuatía oĩ. Echa'ã picuaa yave mona, ndarau tẽi pembɨjeco mbaetɨ teco güɨnoi vae reta —jei—.
23568	MAT 12:10	Jare joco pe oĩ penti cuimbae ipo jovaicho tɨpa vae. Jare joco pe ñugüɨnoi vae reta upɨrandu Jesús pe: —¿Icavi pa yambɨgüera vaerã quía mbutuu ara pe? ¿Mbae pa jei mboroyocui cua re? —jei reta. Echa'ã jae reta uipota tẽi umbɨjeco Jesús.
23569	MAT 12:11	Jayave Jesús jei chupe reta: —Penti cuimbae güɨnoi yave penti ovecha, jare ovecha oa yave ɨvɨcua pe mbutuu ara pe, cuimbae uipɨsɨ voita güɨnoẽ ɨvɨcua güi.
23571	MAT 12:13	Jayave jei cuimbae pe: —Eupi ndepo. Jayave cuimbae ipo uupi, jare ucuera voi. Oyovaque ma ipo jovaicho ipo icavi vae ndive.
23576	MAT 12:18	“Mase, jae co cherembiocui aiparavo vae” —jei Tumpa—. “Aau ete. Ayerovia tuicha jese. Ameeta chupe cheEspíritu, jare jae uãata judío mbae vae reta.
23582	MAT 12:24	Ẽrei fariseo reta cua uyandu yave, jei reta: —Aña guasu Beelzebú imbaepuere pe umbɨsɨrɨ aña reta oya jese vae reta güi.
23583	MAT 12:25	Jesús uicuaa fariseo reta ipɨayemɨngueta jare jei chupe reta: —Penti tenta guasu pegua reta oyovaicho uyupii yave, opata co jocua tenta guasu. Jae ramiño vi penti tenta pegua reta oyovaicho uyupii yave, opata co jocua tenta —jei—.
23596	MAT 12:38	Jayave amocue mboroyocui re oporomboe vae reta jare fariseo reta jei Jesús pe: —Oporomboe vae, nduipota ndiyapo vaerã mbae ndicuaaca vaerã oreve quía co nde.
23597	MAT 12:39	Jayave Jesús jei chupe reta: —Añave yugüɨreco vae reta icavi mbae vae uyapo vae reta co. Upurugüɨrovia'ã. Jáeramo uipota ayapo vaerã mɨacañɨ chupe reta. Ẽrei jaeño uyeyapota mbae Tumpa iñee aracae umɨmbeu vae Jonás pe uyeyapo vae rami, jae reta uicuaa vaerã quía co che —jei—.
23607	MAT 12:49	Jayave uupi ipo jemimboe reta cotɨ, jare jei: —Cua nunga reta co jae chesɨ jare cherɨvɨ reta.
23611	MAT 13:3	Jare Jesús omboe reta jeta mbaembae re umɨjaanga reve. Jei chupe reta: —Penti cuimbae oo umaetɨ vaerã.
23619	MAT 13:11	Jayave Jesús jei chupe reta: —Amɨmbeu ma peve mboroyocuia ara pegua regua. Cua uyecuaa'ã ĩru vae reta pe —jei—.
23623	MAT 13:15	Echa'ã cua reta ipɨatanta, jare iyapɨsa pe uyandu tẽi, jare usapɨmiño, agüɨye vaerã uecha jesa pe, jare agüɨye vaerã uyandu iyapɨsa pe, jare agüɨye vaerã uicuaa ipɨa pe, jare agüɨye vaerã uyerova checotɨ. Echa'ã uyerova checotɨ yave, ambaita tẽi imbaeyoa reta’ —jei Tumpa. Jucuarãi jei Isaías —jei—.
23632	MAT 13:24	Jesús imiari ye yatɨ vae reta pe umɨjaanga reve. Jei chupe reta: —Mboroyocuia ara pegua penti cuimbae temitɨ icavi vae ico pe oñotɨ vae rami co.
23635	MAT 13:27	Jáeramo co iya jembiocui reta yugüeru ipatrón pe jei chupe: ‘Patrón, ¿niñotɨ'ã pa trigo icavi vae ndeco pe? ¿Maera pa ucuacuaa trigo-raanga?’ —jei reta, jei—.
23639	MAT 13:31	Jesús imiari ye yatɨ vae reta pe umɨjaanga reve. Jei chupe reta: —Mboroyocuia ara pegua penti mostaza jãɨcue cuimbae güɨraa oñotɨ ico pe vae rami co.
23641	MAT 13:33	Jesús imiari ye yatɨ vae reta pe umɨjaanga reve. Jei chupe reta: —Mboroyocuia ara pegua levadura rami co. Cuña umbɨyea levadura jeta catu harina ndive, levadura uñemɨai vaerã opaete masa rupi —jei.
23644	MAT 13:36	Jayave Jesús omondo ye yatɨ vae reta, jare uique o pe. Jare Jesús jemimboe reta yugüeru jei chupe: —Nemɨmbeu ma oreve nemɨjaanga reve jocua co trigo-raanga ucuacuaa pɨpe vae. Emɨmbeu oreve mbae uipota jei vae.
23645	MAT 13:37	Jayave Jesús jei chupe reta: —Temitɨ icavi vae oñotɨ vae uyemɨjaanga che cuimbaerã ayeyapo vae re.
23659	MAT 13:51	Jayave Jesús upɨrandu chupe reta: —¿Picuaa cavi ma pa opaete cua? —Nduicuaa cavi ma, oreYa —jei reta chupe.
23660	MAT 13:52	Jayave Jesús jei chupe reta: —Penti mboroyocui re oporomboe vae mboroyocuia ara pegua re uyemboe vae, penti tenta iya rami co. Echa'ã tenta iya umee jenta pegua reta pe mbaembae ipɨau vae jare mbaembae indechi vae jo pe uñuvatu vae güi —jei.
23663	MAT 13:55	Jae co carpintero taɨ. Jae co María imembɨ. Jae co Jacobo, José, Simón jare Judas tɨqueɨ —jei reta—.
23664	MAT 13:56	Jare opaete jindɨ reta yugüɨreco yandepɨte pe. Jáeramo ¿quirãi ra ipuere uyapo opaete cua? —jei reta.
23665	MAT 13:57	Jáeramo jae reta pochɨ Jesús pe. Jayave Jesús jei chupe reta: —Opaete vae uipɨu penti Tumpa iñee umɨmbeu vae. Jaeño jentaɨgua reta jare jenta pegua reta uipɨu'ã reta —jei.
23668	MAT 14:2	Jare jei jembiocui reta pe: —Jae co Juan upurumbɨbautizase vae. Icove ye ma ou umanocue vae reta ipɨte güi. Jáeramo uyapo cua mɨacañɨ reta —jei.
23674	MAT 14:8	Jayave cuñatai jei Herodes pe: —Emee cheve cua pe Juan upurumbɨbautizase vae iñãca penti plato pe. Echa'ã cuñatai ichɨ umɨmbeu ma chupe jucuarãi jei vaerã.
23681	MAT 14:15	Caaru ma yave, Jesús jemimboe reta yugüeru jei chupe: —Mbaetɨ quiave ico cua rupi, jare caaru ma oĩ. Emondo cua jeta vae, ogua vaerã jembiurã tenta tenta rupi —jei reta.
23682	MAT 14:16	Ẽrei Jesús jei chupe reta: —Agüɨye tuyugüɨraa. Pe reta pemee tucaru —jei.
23683	MAT 14:17	—Jaeño ime cua pe nonoi pandepo mbɨyape jare mocui pira —jei reta chupe.
23684	MAT 14:18	—Peru cheve cua pe —jei.
23692	MAT 14:26	Jare Jesús jemimboe reta uecha yave uguata ou ɨ iárambo rupi, uquɨye. Jei reta: —Penti mbae iãcue co. Usapɨcai reta uquɨye güi.
23695	MAT 14:29	—Eyu —jei Jesús chupe. Jayave Pedro ugüeyɨ chalana güi, jare umbɨpɨ uguata ɨ iárambo oo vaerã Jesús cotɨ.
23697	MAT 14:31	Jupivoiño Jesús uupi ipo jare uipɨsɨ Pedro. Jayave jei chupe: —Michi ete ndepurugüɨrovia. ¿Maera pa nderovia'ã cheré? —jei.
23699	MAT 14:33	Jare chalana pe ñugüɨnoi vae reta umbɨadora Jesús. Jei reta: —Añete co, nde co jae Tumpa Taɨ.
23704	MAT 15:2	—¿Maera pa nderemimboe reta uyapo'ã yandetenondegua reta iporomboe? ¿Maera pa ucaru reta uyepoe mbae reve? —jei reta.
23710	MAT 15:8	‘Cua reta chepɨu iyuru peño’ —jei Tumpa—. ‘Ẽrei ipɨa pe chepɨu'ã etei.
23711	MAT 15:9	Chembɨadora-raangaiño. Oporomboe cuimbae iporoyocui re. Che jucuarãi'ã aporoyocui’ —jei Tumpa. Jucuarãi jei Isaías —jei.
23712	MAT 15:10	Jare Jesús ueni opaete joco pe ñugüɨnoi vae reta. —Piyapɨsaca cua re, picuaa cavi vaerã —jei—.
23715	MAT 15:13	Jayave Jesús jei chupe reta: —Opaete temitɨ reta cheRu ara pe oĩ vae oñotɨ'ã vae uyeequita co.
23717	MAT 15:15	Jayave Pedro jei Jesús pe: —Emɨmbeu oreve mbae uipota jei cua nemɨjaanga reve ndere vae.
23725	MAT 15:23	Ẽrei Jesús jei'ã mbae chupe. Jayave Jesús jemimboe reta yugüeru jei chupe: —Emondo ye jocua cuña. Echa'ã iñeeãta ou yanderaɨcue.
23726	MAT 15:24	Jayave Jesús jei: —Tumpa chembou Israel pegua reta peño. Jae reta ovecha ucañɨ vae reta rami co —jei.
23729	MAT 15:27	—Añete tẽi co, carai —jei cuña Jesús pe—. Ẽrei yɨmba-raɨ reta jou tembíu usururucue iya imesa güi oa vae —jei.
23734	MAT 15:32	Jayave Jesús ueni jemimboe reta jare jei chupe reta: —Aiparareco cua yatɨ vae reta. Echa'ã mbapɨ ara ma ñugüɨnoi che ndive, jare mbaetɨ mbae güɨnoi jou vaerã. Ndarau amondo ye reta ucaru mbae reve, agüɨye vaerã ipɨtu tape rupi —jei.
23736	MAT 15:34	Jayave Jesús upɨrandu chupe reta: —¿Mbovɨ pa mbɨyape penoi? —Ime nonoi siete, jare mbovɨ pira —jei reta.
23743	MAT 16:2	Ẽrei Jesús jei chupe reta: —Amo pe pɨ̃tuta ma yave pe reta pere: ‘Ara cavita co curiye. Echa'ã pɨ̃ta co amapɨ̃tu reta.’
23747	MAT 16:6	Jare Jesús jei chupe reta: —Piñemoa ngatu fariseo reta jare saduceo reta ilevadura güi.
23748	MAT 16:7	Jayave jemimboe reta jei uyupe: —Cua jei, yaru'ã mbɨyape ramo.
23749	MAT 16:8	Jesús uicuaa chugüi mbae jei reta vae, jare jei chupe reta: —Michi ete co pepurugüɨrovia. ¿Maera pa piyemɨngueta mbɨyape peru mbae vae re? —jei—.
23755	MAT 16:14	Jayave jae reta jei chupe: —Amocue vae jei nde co jae Juan upurumbɨbautizase vae, jare ĩru vae reta jei nde co jae Elías, jare ĩru vae reta jei nde co jae Jeremías ani ĩru Tumpa iñee aracae umɨmbeu vae —jei reta.
23756	MAT 16:15	Jayave Jesús upɨrandu chupe reta: —Ẽrei ¿quía pa co che peve?
23757	MAT 16:16	Jayave Simón Pedro jei chupe: —Nde co jae Cristo, Tumpa ombou vae. Nde co jae Tumpa jecuaeño ico vae Taɨ —jei.
23763	MAT 16:22	Jayave Pedro güɨraa Jesús ĩru reta ipɨte güi, jare umbɨpɨ umbɨeta chupe. Jei: —Tumpa tanemborɨ, cheYa. Agüɨye etei tuyeyapo ndeve cua —jei.
23764	MAT 16:23	Ẽrei Jesús uyerova jare jei Pedro pe: —Esɨrɨ chegüi, Satanás. Ndipota chembɨavai. Echa'ã nde ndiyemɨngueta neĩ ɨvɨ pegua reta uyemɨngueta rami, ndiyemɨngueta'ã Tumpa uyemɨngueta rami —jei.