23233	MAT 1:20	Ẽrei cua re ipɨa pe uyemɨngueta oĩ rambueve, penti ángel yandeYa pe uyeyocui vae uyecuaa chupe ipau pe jare jei chupe: —José. Nde co jae David iñemoñaa reta pegua. Ndepuere nemenda María ndive ndequɨye mbae reve. Echa'ã ipurúa oĩ Espíritu Santo imbaepuere pe —jei—.
23234	MAT 1:21	Jare imembɨta penti cuimbae jare nembɨjeeta Jesús. Echa'ã jae umbɨasata ɨvɨ pegua reta. Echa'ã umbaita imbaeyoa reta —jei.
23246	MAT 2:8	Jayave Herodes jei chupe reta: —Pecua Belén pe peeca cavi jocua sambiaɨ. Jare pevãe ma chupe yave, peyu ye cua pe pemɨmbeu cheve, che vi aa vaerã ambɨadora —jei.
23251	MAT 2:13	Jare cuimbae reta yugüɨraa ma yave, penti ángel yandeYa pe uyeyocui vae uyecuaa José pe ipau pe jare jei chupe: —Epũa. Eraa sambiaɨ jare ichɨ pecua Egipto pe. Pepɨta joco pe amɨmbeu ye ndeve regua. Echa'ã Herodes uecacata sambiaɨ uyucaca vaerã —jei.
23258	MAT 2:20	Jare jei chupe: —Epũa. Eraa ye sambiaɨ jare ichɨ Israel pegua reta iɨvɨ pe. Echa'ã uipota tẽi uyucaca sambiaɨ vae reta umano ma —jei.
23263	MAT 3:2	Jae jei: —Peeya piyemɨngueta icavi mbae vae pepɨa pe oĩ vae. Echa'ã outa ma uvãe mboroyocuia ara pegua —jei.
23273	MAT 3:12	Jae co trigo uipoo vae rami. Echa'ã trigo uipoo vae umbɨveve trigo uequi vaerã ɨtɨ. Jayave uñuvatu trigo jɨru pe. Ẽrei uapɨ ɨtɨ tata pe. Tata Cristo uiporuta vae opa mbae vae co —jei.
23275	MAT 3:14	Ẽrei Juan ñatẽɨ umbɨbautiza Jesús. Jáeramo jei chupe: —¿Maera pa ndipota che numbɨbautiza vaerã? Echa'ã icavi co nde chembɨbautiza vaerã —jei.
23276	MAT 3:15	Jayave Jesús jei chupe: —Icavi co nde chembɨbautiza vaerã añave. Echa'ã jucuarãi icavi co yayapo vaerã opaete jupi vae —jei. Jayave Juan umbɨbautiza Jesús.
23278	MAT 3:17	Jare jupivoi uyendu ñee ara güi jei: —Cua co jae cheRaɨ aau ete vae. Chembɨyerovia ete —jei.
23281	MAT 4:3	Jayave aña guasu umɨngueta uyavɨca vaerã tẽi chupe. —Nde co jae Tumpa Taɨ yave, ere cua ita reta pe uyeyapo vaerã mbɨyaperã —jei.
23282	MAT 4:4	Ẽrei Jesús jei chupe: —Tumpa iñee pe uyecuatía oĩ cuarãi: ‘Icavi co ɨvɨ pegua reta jou vaerã mbɨyape güɨnoi vaerã tecove. Ẽrei icavi ete co uyapɨsaca vaerã Tumpa iñee re jare uyapo vaerã jei vae güɨnoi vaerã tecove opa mbae vae.’ Jucuarãi uyecuatía oĩ —jei.
23284	MAT 4:6	Jayave jei chupe: —Nde co jae Tumpa Taɨ yave, ea cua güi. Echa'ã Tumpa iñee pe uyecuatía oĩ cuarãi: ‘Tumpa oyocuita ángel reta uyandareco vaerã nderé. Ipo pe ndepɨsɨ ndeocota reta, agüɨye vaerã ndepɨ uyererocua ita re.’ Jucuarãi uyecuatía oĩ —jei.
23285	MAT 4:7	Jayave Jesús jei chupe: —Tumpa iñee pe uyecuatía oĩ cuarãi: ‘Che co jae ndeYa Tumpa. Agüɨye mbae iyapo ndicuaa vaerã tuicha ra chepɨaguasu.’ Jucuarãi uyecuatía oĩ —jei.
23288	MAT 4:10	Jayave Jesús jei chupe: —Esɨrɨ chegüi, Satanás. Echa'ã Tumpa iñee pe uyecuatía oĩ cuarãi: ‘Che co jae ndeYa Tumpa. Chembɨadora. Jaeño cheve iyeyocui.’ Jucuarãi uyecuatía oĩ —jei.
23295	MAT 4:17	Jayave Jesús umbɨpɨ umɨmbeu Tumpa iñee. Jae jei: —Peeya piyemɨngueta icavi mbae vae pepɨa pe oĩ vae. Echa'ã outa ma uvãe mboroyocuia ara pegua —jei.
23412	MAT 7:27	Jayave tuicha oquɨ jare jeta ɨ usɨrɨ tenta cotɨ. Tanta vi ɨvɨtu tenta re. Ɨ jare ɨvɨtu umbɨyapara. Opa uyembai jocua tenta —jei.
23417	MAT 8:3	Jayave Jesús oñono ipo jese. —Aipota. Ecuera —jei chupe. Jare jupivoiño cuimbae ucuera imbaerasɨ güi. Ocui'ã ma ipire.
23418	MAT 8:4	Jayave Jesús jei chupe: —Agüɨye emɨmbeu quía pe. Ecua iyeechaca sacerdote pe, jare emee ofrenda Moisés peocui rami, tenta guasu pegua reta uicuaa vaerã ndecuera ma co —jei.
23420	MAT 8:6	Jae jei Jesús pe: —CheYa, cherembiocui imbaerasɨ oĩ cherenta pe. Ipuere'ã omɨ. Jasɨ ete oĩ chupe —jei.
23423	MAT 8:9	Echa'ã ime mburuvicha mbaepuere güɨnoi cheré vae reta. Jae ramiño vi che anoi mbaepuere sundaro reta re. Che jae penti sundaro pe: ‘Ecua’, jare jae oo. Jae ramiño vi che jae ĩru sundaro pe: ‘Eyu’, jare jae ou. Jae ramiño vi che jae cherembiocui pe: ‘Iyapo cua’, jare jae uyapo —jei.
23426	MAT 8:12	Ẽrei mboroyocuia pe yugüɨrecota tẽi vae reta uyemombocata oca pe pɨ̃tumimbi oĩ vae pe. Joco pe uyaota reta jare jãi umbɨquɨrɨrɨuta —jei.
23427	MAT 8:13	Jayave Jesús jei sundaro reta juvicha pe: —Ndepuere ndeo. Ayapo ma ndipota ayapo vaerã vae nderovia cheré ramo —jei. Jare jocua ora pe etei sundaro reta juvicha jembiocui ucuera.
23434	MAT 8:20	Jayave Jesús jei chupe: —Aguara reta güɨnoi icua reta, jare güɨra reta güɨnoi jaitɨ reta. Ẽrei che cuimbaerã ayeyapo vae mbaetɨ cherenta —jei.
23436	MAT 8:22	Ẽrei Jesús jei chupe: —Eyu cherupíe. Tecove opa mbae vae güɨnoi mbae vae reta toñotɨ umano vae reta —jei.
23440	MAT 8:26	Jayave Jesús jei chupe reta: —¿Maera pa pequɨye? Michi ete co pepurugüɨrovia —jei. Jayave upũa jare uñeengata ɨvɨtu jare ɨ guasu pe. Jare opaete voi quĩi ngatu upɨta.
23446	MAT 8:32	Jayave Jesús jei chupe reta: —Pecua. Jare yugüɨraa ma yave cuimbae reta güi, aña reta yugüɨraa oya cuchi reta re. Jayave opaete cuchi reta tanta osi ɨvɨa rupi oa ɨ guasu pe, jare joco pe opa ipɨtupa reta.
23450	MAT 9:2	Jayave amocue vae güeru penti cuimbae imbaerasɨ vae. Cua cuimbae ipuere mbae omɨ vae. Jupa pe oĩ. Jesús cua uecha yave, uicuaa jae reta güɨrovia co jese, jare jei cuimbae ipuere mbae omɨ vae pe: —Iyerovia, cherɨvɨ. Nembaeyoa reta uyembai ma —jei.
23454	MAT 9:6	Ẽrei aipota picuaa vaerã cua: Che cuimbaerã ayeyapo vae chepuere ambɨasa quía pe imbaeyoa reta cua ɨvɨ pe aĩ rambueve —jei. Jayave jei cuimbae ipuere mbae omɨ vae pe: —Epũa evoɨ nderupa, jare ecua nerenta pe.
23461	MAT 9:13	Pecua piyemboe mbae uipota jei cua: ‘Aipota pepuruparareco vaerã, aipota'ã maemɨmba uyeyucacue reta pemee cheve vaerãño.’ Echa'ã che ayu aeca vaerã iyoa vae reta. Ayu'ã aeca vaerã jupi vae reta —jei.
23465	MAT 9:17	Jae ramiño vi icavi'ã yambɨru vaerã vino ipɨau vae vino jɨru guacapi indechi vae pe. Echa'ã jucuarãi yayapo yave, vino omondoro jɨru, jare vino uyepɨyere, jare jɨru icavi'ã ma. Jáeramo yambɨru vino ipɨau vae jɨru ipɨau vae pe. Echa'ã jucuarãi yayapo yave, jɨru osoro'ã jare vino uyepɨyere'ã —jei.
23466	MAT 9:18	Jare Jesús cua jei chupe reta rambueve, ou Jesús oĩ vae pe uvãe penti mburuvicha. Jae uyeatɨca Jesús jovai jare jei: —Cherayɨ umanota ma oĩ. Ẽrei yaa iñono ndepo jese embɨgüera, agüɨye vaerã umano —jei.
23472	MAT 9:24	Jayave jei chupe reta: —Pecua oca pe. Cua cuñatai umano'ã co. Oqueño co oĩ —jei. Ẽrei joco pe ñugüɨnoi vae reta oyoyai Jesús.
23486	MAT 9:38	Jáeramo pe reta piyerure yandeYa pe omondo vaerã uparavɨquɨ vae reta umbaevɨro reta vaerã —jei.
23528	MAT 10:42	Añete che jae peve, ime yave quía umee penti vaso ɨ roɨ̃sa vae yepe penti sambiaɨ jou vaerã vae, uyapo yave jucuarãi jae co cheremimboe ramo, ambɨjecoviata co chupe —jei.
23534	MAT 11:6	Jare Tumpa umɨvendiseta jecuae güɨrovia cheré vae reta —jei.
23547	MAT 11:19	Che cuimbaerã ayeyapo vae ayu, jare che ayecuacu'ã tembíu jare vino güi. Jáeramo checuaa vae reta jei cuarãi: ‘Mase, jae jou jeta tembíu jare vino. Jae co mburuvicha peguarã ocovara vae reta jare teco icavi mbae vae uyapo vae reta iamigo.’ Jucuarãi jei —jei—. Ẽrei opaete iyaracuaa vae reta uicuaaca aracuaa icavi co —jei.
23552	MAT 11:24	Ẽrei che jae peve, Tumpa uãa yave ɨvɨ pegua reta, Capernaum pegua reta tanta uiporarata Sodoma pegua reta güi —jei.
23554	MAT 11:26	Icavi co, cheRu. Echa'ã icavi co ndeve ndiyapo vaerã jucuarãi —jei.
23558	MAT 11:30	Echa'ã piñemɨĩru yave che ndive, ndarau piyemɨpɨa'ã jare ndarau pepɨatɨtɨ —jei.
23566	MAT 12:8	Echa'ã che cuimbaerã ayeyapo vae chepuere jae mbae icavi uyeyapo vaerã mbutuu ara pe —jei.
23570	MAT 12:12	Ẽrei penti cuimbae jepɨ ete penti ovecha güi. Jáeramo jupi co yayapo vaerã icavi vae mbutuu ara pe —jei.
23595	MAT 12:37	Echa'ã Tumpa jeita icavi vae co piyapo, icavi vae pere yave. Jae ramiño vi Tumpa jeita icavi mbae vae co piyapo, icavi mbae vae pere yave —jei.
23603	MAT 12:45	Jayave oo ye aña güeru siete aña icavi mbae ete chugüi vae reta jocua o pe. Jayave ocho reve uique o pe, joco pe yugüɨreco vaerã. Tenonde yave, penti aña oya jese yave, jocua cuimbae uiporara. Ẽrei taɨcue rupi ocho aña reta oya jese. Jáeramo tanta uiporara. Jae ramiño vi uyeyapota añave yugüɨreco vae icavi mbae vae uyapo vae reta pe —jei.
23605	MAT 12:47	Jayave penti joco pe oĩ vae jei Jesús pe: —¡Aipo! Ndesɨ jare nderɨvɨ reta oca pe ñugüɨnoi. Uipota uyemɨngueta nde ndive —jei.
23608	MAT 12:50	Echa'ã opaete cheRu ara pe oĩ vae jei vae uyapo vae reta co jae cherɨvɨ jare cherindɨ jare chesɨ —jei.
23617	MAT 13:9	Uipota uyandu vae tuyapɨsaca cua re —jei.
23631	MAT 13:23	Ẽrei jocua temitɨ uñeñotɨ ɨvɨcavi pe vae uyemɨjaanga ĩru vae reta Tumpa iñee uyandu vae re. Cua reta uicuaa cavi Tumpa iñee. Amocue vae jocua temitɨ jeta ete jãɨ vae rami co. Ĩru vae reta jocua temitɨ jeta catu jãɨ vae rami co. Jare ĩru vae reta jocua temitɨ mbovɨño jãɨ vae rami co —jei.
23640	MAT 13:32	Cua jãɨcue michi-raɨ ete opaete ĩru temitɨ reta jãɨcue güi. Ẽrei ucuacuaa ma yave, tuicha ete opaete ĩru temitɨ penti año peguaño ucuacuaa vae reta güi. Uyeyapo penti ɨvɨra. Jáeramo güɨra reta ipuere uyapo jaitɨrã jãca reta re —jei.
23641	MAT 13:33	Jesús imiari ye yatɨ vae reta pe umɨjaanga reve. Jei chupe reta: —Mboroyocuia ara pegua levadura rami co. Cuña umbɨyea levadura jeta catu harina ndive, levadura uñemɨai vaerã opaete masa rupi —jei.
23658	MAT 13:50	Jare omombota reta tata guasu pe. Joco pe uyaota reta jare jãi umbɨquɨrɨrɨuta —jei.
23660	MAT 13:52	Jayave Jesús jei chupe reta: —Penti mboroyocui re oporomboe vae mboroyocuia ara pegua re uyemboe vae, penti tenta iya rami co. Echa'ã tenta iya umee jenta pegua reta pe mbaembae ipɨau vae jare mbaembae indechi vae jo pe uñuvatu vae güi —jei.
23665	MAT 13:57	Jáeramo jae reta pochɨ Jesús pe. Jayave Jesús jei chupe reta: —Opaete vae uipɨu penti Tumpa iñee umɨmbeu vae. Jaeño jentaɨgua reta jare jenta pegua reta uipɨu'ã reta —jei.
23668	MAT 14:2	Jare jei jembiocui reta pe: —Jae co Juan upurumbɨbautizase vae. Icove ye ma ou umanocue vae reta ipɨte güi. Jáeramo uyapo cua mɨacañɨ reta —jei.
23682	MAT 14:16	Ẽrei Jesús jei chupe reta: —Agüɨye tuyugüɨraa. Pe reta pemee tucaru —jei.
23684	MAT 14:18	—Peru cheve cua pe —jei.
23693	MAT 14:27	Ẽrei jupivoiño Jesús ombou iñee chupe reta. —Piñemɨatangãtu. Che co. Agüɨye pequɨye —jei.
23697	MAT 14:31	Jupivoiño Jesús uupi ipo jare uipɨsɨ Pedro. Jayave jei chupe: —Michi ete ndepurugüɨrovia. ¿Maera pa nderovia'ã cheré? —jei.
23711	MAT 15:9	Chembɨadora-raangaiño. Oporomboe cuimbae iporoyocui re. Che jucuarãi'ã aporoyocui’ —jei Tumpa. Jucuarãi jei Isaías —jei.
23713	MAT 15:11	Ipotave mbae peu vae ipuere'ã umɨnguɨa pepɨa. Jupi mbae vae pere vae, jocua umɨnguɨa pepɨa —jei.
23716	MAT 15:14	Pemaeño jese reta. Echa'ã jae reta jesa mbae vae reta uechaca ñugüɨnoi tape ĩru jesa mbae vae reta pe vae rami co. Jare jesa mbae vae uechaca yave tape ĩru jesa mbae vae pe, mocui reve uasavita ɨvɨcua pe —jei.
23722	MAT 15:20	Cua reta umɨnguɨa pepɨa. Ẽrei pecaru yave piyepoe mbae reve, jocua umɨnguɨa'ã pepɨa —jei.
23724	MAT 15:22	Jare penti cuña ɨvɨ Canaán pegua joco pe ico. Jae ou Jesús oĩ vae pe jare iñeeãta reve jei chupe: —CheYa, cheparareco. Nde co jae David iñemoñaa reta pegua. Chemembɨ cuña uiporara oĩ. Echa'ã penti aña oya ma jese —jei.
23726	MAT 15:24	Jayave Jesús jei: —Tumpa chembou Israel pegua reta peño. Jae reta ovecha ucañɨ vae reta rami co —jei.
23728	MAT 15:26	Ẽrei Jesús jei chupe: —Icavi'ã yaequi vaerã tembíu sambiaɨ reta güi, ñamee vaerã yɨmba-raɨ reta pe —jei.
23729	MAT 15:27	—Añete tẽi co, carai —jei cuña Jesús pe—. Ẽrei yɨmba-raɨ reta jou tembíu usururucue iya imesa güi oa vae —jei.
23730	MAT 15:28	Jayave Jesús jei chupe: —Cuña, tuicha co ndepurugüɨrovia. Tuyeyapo ndeve nde ndipota rupi —jei. Jare jupivoiño cuña imembɨ ucuera.
23734	MAT 15:32	Jayave Jesús ueni jemimboe reta jare jei chupe reta: —Aiparareco cua yatɨ vae reta. Echa'ã mbapɨ ara ma ñugüɨnoi che ndive, jare mbaetɨ mbae güɨnoi jou vaerã. Ndarau amondo ye reta ucaru mbae reve, agüɨye vaerã ipɨtu tape rupi —jei.
23745	MAT 16:4	Añave yugüɨreco vae reta icavi mbae vae uyapo vae reta co. Upurugüɨrovia'ã. Jáeramo uipota ayapo vaerã mɨacañɨ chupe reta. Ẽrei jaeño uyeyapota mbae Tumpa iñee aracae umɨmbeu vae Jonás pe uyeyapo vae rami, jae reta uicuaa vaerã quía co che —jei. Jayave Jesús oo ye chugüi reta.
23752	MAT 16:11	¿Maera pa picuaa'ã che jae peve vae? Che jae peve piñemoa ngatu vaerã fariseo reta jare saduceo reta ilevadura güi. Jae'ã peve mbɨyape re —jei.
23757	MAT 16:16	Jayave Simón Pedro jei chupe: —Nde co jae Cristo, Tumpa ombou vae. Nde co jae Tumpa jecuaeño ico vae Taɨ —jei.
23760	MAT 16:19	Jare ameeta ndeve mboroyocuia ara pegua illave reta. Jare ime yave mbae ɨvɨ pe niñapɨ̃tita vae, Tumpa vi uñapɨ̃tita ara pe. Jae ramiño vi ime yave mbae ɨvɨ pe ndiyorata vae, Tumpa vi oyorata ara pe —jei.
23763	MAT 16:22	Jayave Pedro güɨraa Jesús ĩru reta ipɨte güi, jare umbɨpɨ umbɨeta chupe. Jei: —Tumpa tanemborɨ, cheYa. Agüɨye etei tuyeyapo ndeve cua —jei.
23764	MAT 16:23	Ẽrei Jesús uyerova jare jei Pedro pe: —Esɨrɨ chegüi, Satanás. Ndipota chembɨavai. Echa'ã nde ndiyemɨngueta neĩ ɨvɨ pegua reta uyemɨngueta rami, ndiyemɨngueta'ã Tumpa uyemɨngueta rami —jei.
23769	MAT 16:28	Añete che jae peve, ndei amocue cua pe ñugüɨnoi vae reta umano mbove, cherechata che cuimbaerã ayeyapo vae cheporoyocuia pe —jei.
23773	MAT 17:4	Jayave Pedro jei Jesús pe: —OreYa, icavi co ñaĩ vaerã cua pe. Nde ndipota yave, turuyapo cua pe mbapɨ guarasɨ̃a ñanaroquɨ pegua, penti nembaerã, penti Moisés peguarã jare penti Elías peguarã —jei.
23774	MAT 17:5	Pedro uyemɨngueta oĩ rambueve, amapɨ̃tu jembipe vae umɨguarasɨ̃a reta, jare amapɨ̃tu güi uyendu ñee. —Cua co jae cheRaɨ aau ete vae. Chembɨyerovia ete. Piyapɨsaca jese —jei.
23776	MAT 17:7	Jayave Jesús ou oñono ipo jese reta jare jei: —Pepũa. Agüɨye pequɨye.
23781	MAT 17:12	Ẽrei che jae peve, Elías ou ma co, jare Israel pegua reta uicuaa'ã. Jáeramo uyapo reta chupe jae reta uipota vae. Jae ramiño vi jae reta uiporaracata cheve —jei.
23785	MAT 17:16	Aru nderemimboe reta pe umbɨgüera vaerã tẽi, ẽrei jae reta ipuere'ã —jei.
23786	MAT 17:17	Jayave Jesús jei joco pe ñugüɨnoi vae reta pe: —Yavai pe reta cua ɨvɨ pe pico vae pepurugüɨrovia vaerã. ¿Quirãi regua ra apɨtata pe reta ndive? ¿Quirãi regua ra arupɨata peve? Peru cheve cua pe jocua cunumi —jei.
23790	MAT 17:21	Ẽrei ndarau pepuere pembɨsɨrɨ cua nunga aña, jaeño piyerure yave Tumpa pe piyecuacu reve tembíu güi —jei.
23792	MAT 17:23	Jae reta cheyucata. Ẽrei amano ma yave, mbapɨ ara rupi aicove yeta ayu umanocue vae reta ipɨte güi —jei. Jayave jemimboe reta ipɨatɨtɨ tuicha.
23794	MAT 17:25	—Umbɨepɨ —jei Pedro chupe reta. Jare uique yave tenta pe, Jesús jei Simón Pedro pe: —Simón, mburuvicha ɨvɨ pegua reta ocovara ĩru vae reta pe. ¿Ocovara reta vi pa taɨ reta pe ani ĩru vae reta peño? ¿Mbae pa ndepɨa pe ndiyemɨngueta cua re? —jei.
23796	MAT 17:27	Ẽrei agüɨye vaerã yayapo icavi mbae vae echa chupe reta, ecua epindapo ɨ guasu pe. Ipea jocua pira tenonde ndipɨsɨ vae iyuru. Joco pe nevãeta penti corepoti. Eraa emee mburuvicha peguarã ocovara vae reta pe cheve peguarã jare ndeve peguarã —jei.
23816	MAT 18:20	Echa'ã mocui ani mbapɨ vae uyembatɨ yave cheree re, jae reta ipɨte pe che aĩta —jei.
23817	MAT 18:21	Jayave Pedro ou jei Jesús pe: —CheYa, cherɨvɨ iyoa yave checotɨ jeta vese, ¿mbovɨ vese pa ambɨasata chupe? ¿Siete vese pa? —jei.
23831	MAT 18:35	Jae ramiño vi cheRu ara pe oĩ vae uyapota jucuarãi peve, pembɨasa'ã yave opaete pepɨa reve perɨvɨ iyoa pecotɨ vae pe —jei.
23837	MAT 19:6	Jáeramo mbaetɨ ma mocui rami. Yugüɨreco penti ramiño. Jáeramo agüɨye quía tumbɨsɨrɨ Tumpa umɨĩru vae reta —jei.
23840	MAT 19:9	Jare che jae peve, penti cuimbae ipuere omombo jembireco, cuña aguasa uyapo yave. Ẽrei cuña uyapo'ã yave aguasa, jare cuimbae omombo yave jembireco, jocua cuimbae uyuvanga co menda re umenda yave ĩru cuña ndive. Jae ramiño vi ĩru cuimbae umenda yave jocua cuña uyemomboca vae ndive, jae vi uyuvanga menda re —jei.
23843	MAT 19:12	Echa'ã amocue vae ichɨ güi oa güive yugüɨreco eunucorã reta. Jare amocue vae yugüɨreco eunucorã reta ĩru vae reta uapiavo reta ramo. Jare amocue vae yugüɨreco eunucorã reta rami mboroyocuia ara pegua jeco pegua. Ime yave quía ipuere uicuaa cua, tuicuaa —jei.
23845	MAT 19:14	Ẽrei Jesús jei: —Pemaeño sambiaɨ reta re yugüeru vaerã checotɨ. Echa'ã cua nunga uyeyocui Tumpa pe mboroyocuia ara pegua pe —jei.
23847	MAT 19:16	Jare penti cuimbae ou jei Jesús pe: —Oporomboe vae, nde ndepɨacavi co. ¿Mbae nunga mbae icavi vae pa ayapota anoi vaerã tecove opa mbae vae? —jei.
23848	MAT 19:17	Jayave Jesús jei chupe: —¿Maera pa ndere cheve chepɨacavi vae co? Mbaetɨ quía ipɨacavi, jaeño co Tumpa. Ẽrei ndipota yave nenoi tecove opa mbae vae, iyapo mboroyocui reta —jei.
23850	MAT 19:19	Ipɨu nderu jare ndesɨ. Jare eau nderapicha nde ndiyerau rami’ —jei.
23851	MAT 19:20	Jayave cuimbae jei Jesús pe: —Ayavɨ'ã penti ave cua mboroyocui reta chemichi güive. ¿Mbae ye pa uata cheve ayapo vaerã? —jei.
23852	MAT 19:21	Jayave Jesús jei chupe: —Ndipota yave ndiyapo opaete icavi ndiyapo vaerã vae, ecua emee opaete mbaembae nenoi vae corepoti re, jare emee ndecorepoti iparavete vae reta pe, jare ndicocatuta ara pe. Jayave eyu cherupíe —jei.
23855	MAT 19:24	Che jae ye peve, yavai ete icocatu vae uique vaerã Tumpa iporoyocuia pe, maemɨmba camello jee vae yuu jesacua rupi uasa vaerã güi —jei.
23857	MAT 19:26	Jayave Jesús umae jese reta jare jei: —Ɨvɨ pegua reta ipuere'ã uyembɨasa. Ẽrei Tumpa ipuere umbɨasa reta. Echa'ã Tumpa ipuere uyapo opaete mbaembae —jei.
23877	MAT 20:16	Jae ramiño vi Tumpa umbɨtaɨcueta uyembutuicha vae reta, jare umɨtenondeta uñemɨmichi vae reta —jei.