| 23249 | MAT 2:11 | Soo gelidi na7aa ba aaye Mayraamira de7eyssa be7idosona. Iyaw gulbbatidi goynnidosona. Bantta saaxiniya dooyidi worqqa, ixaanenne karbbe iyaw immidosona. |
| 23253 | MAT 2:15 | Nabiya doonan Xoossay, “Taani, ta na7aa, Gibxxe biittafe xeegas” geetettida qaalay polettana mela Heroodisi hayqqana gakkanaw I yan de7is. |
| 23255 | MAT 2:17 | Nabiya Ermmiyasa doonan, “Yeehoynne zeleelssi, Raama kataman si7ettis. Raahela ba naytas yeekkawusu; entti hayqqida gisho minettanaw dandda7abuukku” gidi odidayssi polettis. |
| 23261 | MAT 2:23 | Nabeta doonan, “Naazirete asi geetettana” gidi odettidayssi polettana mela Naazirete katamaa bidi yan de7is. |
| 23265 | MAT 3:4 | Yohaannisi gimale ikiseppe oosettida afila ma77ees. Ba xeessan dafo danccees. I miya kathayka boolenne degera eesi. |
| 23270 | MAT 3:9 | Hinttee, hintte wozanan, ‘Abrahamey, nu aaway de7ees’ gidi qoppofite. Loythi si7ite! Xoossay ha shuchchatappe Abrahames na7a kessanaw dandda7ees. |
| 23273 | MAT 3:12 | Kathaa geeshshiya pithey iya kushen de7ees. Kathaa loythi geeshshees; gisttiya ba shaaliyan qolana, shin punuwa to7onna taman xuuggana” yaagis. |
| 23277 | MAT 3:16 | Yesuusi xammaqettida mela haathaafe keyis. Iirakka saloy dooyettin Xoossaa Ayyaanay holleda yishin qassi ba bolla wol77ammidi wodhdhishin be7is. |
| 23291 | MAT 4:13 | Naazirete katamaa aggidi Zaabiloonaninne Niftaaleme heeran, abbaa matan de7iya Qifirnahoome katamaa bidi yan de7is. |
| 23294 | MAT 4:16 | dhuman de7iya derey, wolqqaama poo7o be7is. Hayqo kuya biittan, de7eyssatas poo7oy keyis” yaagidi odettida qaalay polettana melassa. |
| 23296 | MAT 4:18 | Yesuusi Galiila Abbaa matara aadhdhishe nam77u ishata, Phexiroosa geetettiya Simoonanne iya ishaa Inddiriyasa be7is. Entti molo oykkeyssata gidida gisho bantta gitiya abban yeggoosona. |
| 23299 | MAT 4:21 | Yesuusi yaappe buroo gede sinthe aadhdhishe hara nam77u ishata, Zabdiyoosa nayta, Yayqoobanne Yohaannisa be7is. Bantta aawa Zabdiyoosara issife wogoluwa giddon bantta gitiya giigiseyssata xeegis. |
| 23311 | MAT 5:8 | Wozana geeshshati anjjettidayssata, entti Xoossaa be7ana. |
| 23317 | MAT 5:14 | “Hintte biittaas poo7o; dere bolla de7iya katamiya qosettanaw dandda7ukku. |
| 23319 | MAT 5:16 | Hessa mela asay hintte lo77o oosuwa be7idi, salon de7iya hintte aawa bonchchana mela hintte poo7oy asa sinthan poo7o. |
| 23324 | MAT 5:21 | “Hintte mayzatas, ‘Wodhoppite; shemppo wodhida oonikka pirddettana’ geetettoyssa si7ideta. |
| 23330 | MAT 5:27 | “Hayssafe kase, ‘Laymatoppite’ geetettoyssa si7ideta. |
| 23332 | MAT 5:29 | Ne ushachcha ayfey new nagaras gaaso gidikko, kessa hola. Ne asatethay kumethi gaanname taman wodhdhanaappe ne asatethaafe issoy dhayikko new lo77o. |
| 23333 | MAT 5:30 | Ne ushachcha kushey new nagaras gaaso gidikko, iya qanxa hola. Ne asatethay kumethi gaanname taman wodhdhanaappe ne asatethaafe issoy dhayikko, new lo77o. |
| 23336 | MAT 5:33 | “Hintte mayzatakko, ‘Worddon caaqqofite; hintte Xoossaa sinthan caaqqidayssa polite’ geetettidayssa si7ideta. |
| 23341 | MAT 5:38 | “ ‘Ayfe gisho ayfe; achcha gisho achche’ geetettidayssa si7ideta. |
| 23346 | MAT 5:43 | “ ‘Nena doseyssa dosa; nena ixxeyssa ixxa’ geetettoyssa si7ideta. |
| 23372 | MAT 6:21 | Ne shaloy de7iyasuwan ne wozanay de7ana. |
| 23375 | MAT 6:24 | “Issi asi nam77u godas haarettanaw dandda7enna. Issuwa dosikko hankkuwa ixxees; woykko issuwa bonchchiko hankkuwa kadhees. Xoossasinne miishes haarettanaw dandda7ekketa. |
| 23380 | MAT 6:29 | Si7ite! Hari attoshin, kawuwa Solomoney ba bonchcho ubban ha ciishshatappe issuwa melakka ma77ibeenna. |
| 23382 | MAT 6:31 | Hessa gisho, ‘Ay maanee? Ay uyanee? Ay ma77anee?’ gidi un77ettofite. |
| 23383 | MAT 6:32 | He ubbaa Xoossaa ammanonna asay darssidi demmanaw un77ettoosona. Hintte salo aaway he ubbay hinttew koshsheyssa erees. |
| 23385 | MAT 6:34 | Hessa gisho, wonttos qoppishe un77ettofite. Wonttoyssi wonttos aqo; issi issi gallasay baw gidiya metora de7ees. |
| 23403 | MAT 7:18 | Lo77o mithi iita ayfe ayfenna, qassi iita mithi lo77o ayfe ayfanaw dandda7enna. |
| 23423 | MAT 8:9 | Ays giikko, taappe bollara ta kiitettiya asati de7oosona, qassi taappe garssara taw kiitetteyssati de7oosona. Enttafe issuwa, ‘Ba’ giyade bees; hankkuwa qassi ‘Haaya!’ giyade yees. Ta aylliya, ‘Hayssa ootha’ giyade oothees” yaagis. |
| 23424 | MAT 8:10 | Yesuusi hessa si7ida wode malaalettidi, bana kaalliya asaakko, “Ta hinttew tuma odays; taani hayssa mela ammano Isra7eele asankka be7abiikke. |
| 23428 | MAT 8:14 | Yesuusi Phexiroosa soo geliya wode Phexiroosa machche aayyaa qoxo misha harggen sakettada zin77idaaro be7is. |
| 23434 | MAT 8:20 | Yesuusi iyaakko “Workkanatas olli de7ees, salo kafotas keethi de7ees. Shin Asa Na7aas ba huu7iya shemppisiya bessi baawa” yaagis. |
| 23442 | MAT 8:28 | Yesuusi abbaafe hefinthan de7iya Gerggesoone giya biittaa gakkida wode tuna ayyaanay oykkida nam77u asati duufoppe keyidi iyara gahettidosona. Entti daro iitanne yashshiya asata gidiya gisho asi he bessaara aadhdhanaw dandda7enna. |
| 23497 | MAT 10:11 | “Hintte issi katamaa woykko gutaa geliya wode hinttena mokkidi ekkanaw ufayttiya uraa koyidi iya son shemppite; hintte baana gakkanaw yan gam77ite. |
| 23516 | MAT 10:30 | Hari attoshin, hintte huu7e binaanaykka paydettidi de7ees. |
| 23536 | MAT 11:8 | Yaatin, ay be7anaw keyidetii? Kitte ma7o ma77ida ase be7anaaseyye? Kitte ma7o ma77idayssati kawota keethan de7oosona. |
| 23537 | MAT 11:9 | Yaatin, ay be7anaw keyidetii? Nabe be7anaaseyye? Hekko, hintte nabeppekka aadhdheyssa be7eeta. |
| 23543 | MAT 11:15 | Hiza, si7iya haythi de7ey si7o. |
| 23551 | MAT 11:23 | Qassi, Qifirnahoome, neeni pude salo keyanaw koyay? Hanenna! Neeni Si7oolen yegettana. Ays giikko, ne giddon oosettida malaatati Soodomen oosettidabaa gidiyakko, Soodomey hachchi gakkanaw de7anashin. |
| 23564 | MAT 12:6 | Shin si7ite! Xoossa Keethaafe aadhdhey hayssan de7ees. |
| 23568 | MAT 12:10 | Yan kushey gunddida issi uray de7ees. Yesuusa mootanaw gaaso koyaa asati, “Sambbaata gallas pathanaw bessi bessennee?” yaagidi oychchidosona. |
| 23587 | MAT 12:29 | “Woykko issi asi wolqqaama asa soo gelidi iya shaluwa bonqanaw koykko koyrottidi he uraa qachchonna ixxiko waattidi dandda7ii? Yaatikko iya shaluwa bonqanaw dandda7ees. |
| 23598 | MAT 12:40 | Yoonasi gita molo ulon heedzu gallasinne heedzu qamma gam77idayssa mela Asa Na7ay heedzu gallasinne heedzu qamma biitta garssan gam77ana. |
| 23599 | MAT 12:41 | Nanawe asay pirdda gallas denddidi ha yeletethaa bolla pirddana; ays giikko, entti Yoonasa sibkkatiya si7idi bantta nagaraappe simmidosona. Hekko, Yoonasappe aadhdheyssi hayssan de7ees. |
| 23600 | MAT 12:42 | Pirdda gallas dugeha kawiya denddada ha yeletethaa bolla pirddana; ays giikko, iya Solomone cinccatethaa si7anaw biittaa gaxappe yasu. Hekko, Solomoneppe aadhdhey hayssan de7ees. |
| 23603 | MAT 12:45 | Hiza, simmi bidi, baappe iitiya hara laappun iita ayyaanata ekkidi yees; enttika uraa giddo gelidi de7oosona. He uraas kaseyssafe guyeyssi daro iitees. Ha iita yeletethaa bolla hessa mela hanana” yaagis. |
| 23622 | MAT 13:14 | “Isayaasi ba maxaafan odidayssi entta bolla polettis. I odishe, ‘Hintte sissaa si7eeta, shin akeekekketa; hintte xeelleta, shin be7ekketa. |
| 23626 | MAT 13:18 | “Hiza, ha zerethaa zeriya uraa leemisuwa si7ite. |
| 23629 | MAT 13:21 | Shin xapho yeddanaw dandda7onna gisho daro gam77okona. Qaala gaason metoy woykko goodetethi yaa wode ellesi dhubettoosona. |
| 23645 | MAT 13:37 | I zaaridi, “Lo77o zerethaa zeriday Asa Na7a. |
| 23651 | MAT 13:43 | He wode xilloti bantta Aawa kawotethan awada poo7ana. Si7iya haythi de7ey si7o! |
| 23667 | MAT 14:1 | He wode Galiila aysiya Heroodisi Yesuusabaa si7is. |
| 23689 | MAT 14:23 | Deriya moyzi simmidi barkka woossanaw issi deriya bolla keyis. Sa7ay qamminkka I barkka yan gam77is. |
| 23690 | MAT 14:24 | He wode wogoloy abbaa bolla bishin sintha baggara carkkoy denddin hobbey wogoluwa un77ethis. |
| 23710 | MAT 15:8 | “ ‘Ha asay tana bantta doonan bonchchees, shin entta wozanay taappe haahon de7ees. |
| 23744 | MAT 16:3 | Wonttiya wode, ‘Saloy zo77idi shaaratida gisho iray bukkana’ yaageta. Yaatin hintte salo mallaa be7idi ereeta, shin wodiya malla eranaw dandda7ibeekketa. |
| 23772 | MAT 17:3 | Hekko, Museynne Eliyaasi iyara odettishin be7idosona. |
| 23777 | MAT 17:8 | Entti dhoqqu gidi be7iya wode Yesuusappe hara oonakka be7ibookkona. |
| 23799 | MAT 18:3 | “Taani hinttew tuma odays; hintte laamettonanne guutha naytada hanonna ixxiko salo kawotethaa ubbarakka gelanaw dandda7ekketa. |
| 23802 | MAT 18:6 | “Shin tanan ammaniyaa ha guuthatappe issuwa naagara oothana mela dhube gidiya oonikka gita gaachcha woxa ba qodhen qachchidi ciimmo abban mitettiko iyaw lo77o. |
| 23804 | MAT 18:8 | “Ne kushey woykko ne tohoy nena balethikko neeppe qanxa yegga. Neeni nam77u kushera woykko nam77u tohora merinaa taman yeggettanayssafe kushe woykko toho duuxa gidada merinaa de7o demmeyssi new lo77o. |
| 23805 | MAT 18:9 | Qassi ne ayfey nena balethikko iyo wooca kessada wora hola. Neeni nam77u ayfera gaanname taman yeggetteyssafe issi ayfera merinaa de7uwa geleyssi new lo77o. |
| 23843 | MAT 19:12 | Hiza, yelettishe shuufa gididi yelettidayssati de7oosona, qassi asi qaaratidayssati de7oosona, qassi salo kawotethaa gisho gidi banttana shuufaydayssati de7oosona. Hessa gisho, hayssa ekkanaw dandda7iya oonikka ekko” yaagis. |
| 23879 | MAT 20:18 | “Hekko, nuuni ha77i Yerusalaame buussa bolla de7oos. Yan Asa Na7ay kahine halaqatasinne higge asttamaaretas aadhdhi imettana. Enttika iya bolla hayqo pirdda pirddana. |
| 23923 | MAT 21:28 | “Yesuusi kaallidikka hayssada yaagis: Nam77u adde nayti de7iya issi uray de7ees. He uray bayra na7aakko bidi, ‘Ta na7aw, hachchi woyniya giddo bada ootha’ yaagis. |
| 23928 | MAT 21:33 | Qassika Yesuusi hayssada yaagis; “Hara leemiso si7ite, woyne tokkida issi uray de7ees. He woyniya yuushuwa diris. Woyniya gum77iya olaaka bookkis. Woyniya naaganaw shakkoka shaakkis. Hessafe guye, gadiya kothe immidi hara biitta bis. |
| 23966 | MAT 22:25 | Nu eriya laappun ishati de7oosona. Bayray machcho ekkidi na7a yelonna hayqqis. Iya machchiw iya kaalo ishay ekkis. |
| 23987 | MAT 22:46 | Yesuusas issi qaala zaaranaw dandda7ida asi oonikka baawa. Qassi he gallasappe doomidi hara oysha oychchanaw oonikka dandda7ibeenna. |
| 23989 | MAT 23:2 | “Higge asttamaaretinne Farisaaweti Muse higgiya billanaw maatara de7oosona. |
| 24032 | MAT 24:6 | Matan de7iya ola girssaa, haahon de7iya ola wore si7anaw de7eeta. Hessa melabay hananaw bessiya gisho hirggofite. Shin wurssethay buroona. |
| 24041 | MAT 24:15 | “Hessa gisho, nabiya Daaneli odida bashshaa tunatethay geeshsha bessan eqqidayssa hintte be7ana. (Akeekiso: Hessi woy guusseeko nabbabeyssi akeeko!) |
| 24056 | MAT 24:30 | He wode Asa Na7aa yuussaa mallay saluwa bolla benttana. Sa7an de7iya asi ubbay yeekkana. Qassi Asa Na7ay, wolqqaranne gita bonchchuwara saluwa shaara giddora yishin entti be7ana. |
| 24064 | MAT 24:38 | He wode dhayo haathay yaanappe sinthe Nohey markkabiyan gelida gallasa gakkanaw, asay mishenne uyishe, ekkishenne gelishe gam77is. |
| 24070 | MAT 24:44 | Hessadakka, Asa Na7ay hintte qopponna saaten yaana gisho hintteka giigidi de7ite. |
| 24083 | MAT 25:6 | “Giddi bilahe gidiya wode ‘Hekko, machchiw eheyssi gakkis, iya mokkanaw keyite’ yaagiya gita cabboy si7ettis. |
| 24096 | MAT 25:19 | “Daro wodeppe guye he aylleta goday yidi, ba miishiya enttara salla77is. |
| 24129 | MAT 26:6 | Yesuusi Bitaaniya kataman baro harggida Simoona son de7ees. |
| 24134 | MAT 26:11 | Manqoti ubba wode hinttera daana. Shin taani hinttera ubba wode de7ikke. |
| 24161 | MAT 26:38 | Qassika enttako, “Taani hayqos gathiya un77a un77ettas. Hayssan taara gam77itenne minnidi naagite” yaagis. |
| 24180 | MAT 26:57 | Yesuusa oykkidayssati kahine halaqaa Qayyaafakko iya efidosona. Yan higge asttamaaretinne biitta cimati shiiqidi de7oosona. |
| 24188 | MAT 26:65 | He wode kahine halaqay daro yilotidi ba ma7uwa peedhidi, “Hayssa be7ite Xoossaa cayis! Nuna hara markka ay koshshii? I ha77i cayidayssa hintte si7ideta. |
| 24213 | MAT 27:15 | Deriya haareyssi laythan laythan Paasika Baale bonchchiya gallasan, asay koyaa issi asi qashoppe birshshiya wogi de7ees. |
| 24214 | MAT 27:16 | He wode issi Barbbaana Yesuusa giya daro erettida iita asi qasho keethan de7ees. |
| 24222 | MAT 27:24 | Ooshshi denthethofe hara aybibaakka oothanaw dandda7ettonayssa Philaaxoosi be7idi, haathe ekkidi, “Ha uraa hayquwan taani de7ikke. Hessa oothey hinttena” yaagidi asaa sinthan ba kushiya meecettis. |
| 24240 | MAT 27:42 | “Harata ashshis, shin bana ashshanaw dandda7ibeenna. I Isra7eele kawo gidikko, ane masqaliya bollafe ha77i wodho, nukka iya ammanana. |
| 24254 | MAT 27:56 | Entta giddon Magdela Mayraama, Yayqoobanne Yoosefa aayyaa Mayraamanne Zabdiyoosa machchiya de7oosona. |
| 24270 | MAT 28:6 | I kase odidayssa mela hayqoppe denddis; hayssan deenna. Haa yidi iya zin77isida bessaa be7ite. |
| 24279 | MAT 28:15 | Wotaaddareti miishiya ekkidi, kiitettidayssada oothidosona. Ha oday Ayhude matan hachchi gakkanaw odettishe de7ees. |
| 24290 | MRK 1:6 | Yohaannisi gimale ikiseppe dadettida afila ma77ees. Ba xeessan dafo danccees; qassi boolenne degera eessi mees. |
| 24294 | MRK 1:10 | Yesuusi haathaafe keyaa wode saloy dooyettin, Geeshsha Ayyaanay ba bolla holeda wodhdhishin be7is. |
| 24297 | MRK 1:13 | Yesuusi bazzo biittan Xalahen paacettishe oytamu gallas gam77is. Do7atara de7is, shin kiitanchchoti yidi iya maaddidosona. |
| 24300 | MRK 1:16 | Yesuusi Galiila Abbaa matara aadhdhishe, molo oykkiya, Simoonanne iya ishaa Inddiriyasa, bantta gitiya abban yeggeyssata be7is. |
| 24303 | MRK 1:19 | Yesuusi guuthi sinthe bidi, nam77u ishata Zabdiyoosa nayta, Yayqoobanne Yohaannisa wogoluwa giddon bantta gitiya giigiseyssata be7is. |
| 24329 | MRK 1:45 | Shin uray bidi, guta ubban asa ubbaas odis. Hessa gisho, Yesuusi qoncce keyidi, katama gelanaw dandda7ibeenna. Shin asi baynnason gaxan de7is; qassi asay ubba bessafe iyaakko yoosona. |
| 24330 | MRK 2:1 | Guutha gallasappe guye Yesuusi Qifirnahoome simmidi, son de7ees giya oday si7ettis. |
| 24348 | MRK 2:19 | Yesuusi enttako, “Yaaganuwa yida asati machchiw ekkeyssi enttara de7ishin, xoomanaw dandda7onnaa? Machchiw ekkeyssi enttara de7ishin, xoomanaw dandda7okkona. |
| 24358 | MRK 3:1 | Yesuusi Ayhude Woosa Keethi simmi gelis. Yan kushey gunddida issi uray de7ees. |
| 24377 | MRK 3:20 | Hessafe guye, Yesuusi soo bis. Qassi daro asay shiiqin, inne iya tamaareti hari attoshin kathi maanawukka dandda7ibookkona. |
| 24381 | MRK 3:24 | Issi kawotethay ba giddon shaakettiko he kawotethay eqqanaw dandda7enna. |