61	GEN 3:5	Tiusbe asha køn cha, ñim tru tusryuigwan mab kwalømbe, ¡katø! chinetø nebua asamigwan ñimui isubig kuren, ñimbe Tius lataitøwein kønrrabguen cha, kaigwanba, tabigwanba nebua ashibelø.—
63	GEN 3:7	Inchen møimbe tru pailanba, ¡katø! chinetø nebua asamigwan nømui isubiibe kurøptinchen, nømbe køsaateelø købrain kui wetøgørra, nømbe higuera ishiimeran tsusha, søtøgasrailø marøbelø køn.
73	GEN 3:17	Incha møwane trenchibig køn: —Ñi ñui srawei wamwan manchitanmaptø mørøb pasrøwa, na mamønrrig tain tusryu mamigwan ñibe main køn cha. Ñigurrindø pirøbe larrø trømbøig nebuig pasrønrrun cha. Ñi chugatig øsig tsumnegatiibe ñibe ¡katø! isua møra marøb megawabe, truyugurri manrrabguen cha.
87	GEN 4:7	Ñi sølwan isua marig kuimbe, ñibe utsøbasrmø kurraasha pasrabsruinrrun cha. Inchendø ñi sølwan isua marmuikkurrimbeh, kaigwan matrai inchabiibe ñun megambunrrab ¡katø! muniitø pasran cha. Inchen køben ñibe tru kaig marmumigwane ñi kananrrabguen— cha.
318	GEN 12:19	Chindimba trenchigu cha: “Nai nuchag køn” chabe. Nai srain kønrrai na treeg marig kuimasr cha. Møimbe ñui sraimbe yu pasran cha. ¡Pereptsu!— chibig køn.
319	GEN 12:20	Incha Faraónbe nui karuig pønrrab møguelan ørøbig køn ¡katø! webambi ashib pønrrønrraingue, Abramwanba nui srawanba nui chigurrimbunø købigwanbañau sruaamrrai.
359	GEN 14:22	Inchene Abrambe tru Sodomasrø reywane trencha løtabig køn: —Tius Mayeelain Pala Pasrabig Srømbalameranba Pirøwanba Marøbig Jehováwan ¡katø! nabe treebe marmumønrrun cha, nabe trendaig kuig køn cha.
366	GEN 15:5	Incha wambiisrø pera yabe, trenchibig køn: —¡Au! srømbalaneb nesh cha, kønchabiimeran mundamdø køtamørtrig— cha. Incha katø trenchibig køn: —Ñuinukkurri katøburø ureemerabe øyeetøwein kønrrun— cha.
373	GEN 15:12	Inchen yandø chab pilliraben, Abrambe truba mur kib tsubenba ¡møimbe ke yalø løstøgølig nun itøgasrøptinchen! nøbe truba kørig kui inchibig køn.
432	GEN 18:7	Incha Abrahambe tru waara purrabsrømay luløb ya, kan truba tab waara-unøzhigwanh merrarrawa, nui karuig mendig megabigwan tranen, truibe mamigweyasig ¡katø! petøzhiitø tamarøbig køn.
435	GEN 18:10	kan møig køsrønbe trenchibig køn: Nabe katø pila katø øyan kwalømmerawandøwei arrumønrrun cha. ¡Au! Tru urasbe Sara ñui sraimbe kan nusrkai tøgagønrrun— chibig køn. Inchen Sarabe, nømui wendau, tru carpa yau kebambi yaskabu tru wamindigwan mørøb pasrabig køn.
437	GEN 18:12	Inchen Sarabe intsaptinchibig køn, nui umbutø treeg isub: “¡Paare! kan na yan kølliibe, ke trengatikkucha kønrrai indamdiig kønrraitarru cha katø nai kekkucha yan kølligwein køben.”
450	GEN 18:25	Treekkatig maramibe chigaaguinrrun cha, tabigwanba, kaigwanba kanbalatø kwanrrai indamig, kan pailøba treetø kalø marig kui lataig. ¡Ñibe mana treeg martrab kø! cha. Pirau muba kuimburab kerriguba maig kønrrabigwan ñi asha marøbig køppe, ¿ñibe maig maramigwan sølgandø tab asha marmønrraitirru?— cha
463	GEN 19:5	Incha Lotwane trenchib trashibelø køn: —Tru ñui yau kinrrab amrrub møgueløbe chu purra? chib. ¡Wambig webetay! chib. Nambe nømba ishumburmeraba lataitøwei marøg kuin pønrrer— chib.
467	GEN 19:9	Inchene nømbe trenchib løtabelø køn: —¡Yugurrimbe mendatsu!— cha. Inchabe treekkucha chibelø køn: —Ya peesriig namui utu ka tsunrrab arruatiig købendø, ¡paare! ¿namune maig maramigwan ke ñi asha karunrrab indirru? cha. Møimbe truilan lataguen kømø, ñune purø trømbøikken martrumøn— chibelø køn. Inchabe Lotwan melambua, yaskabsrø kemalla, yaskabwan wesra kutchab inchibelø køn.
472	GEN 19:14	Inchen Lotbe tru nui yerno kønrrabeløba waminchab webibig køn, tru nui nimbasrmeran kasharanrrab misrarmera købeløba. Incha trenchibig køn: —¡Mallatø webambay! cha, kaguen Jehovábe i ciudawan pinishinrrab køn— cha. Trune nui yerno kønrrabeløbe ka intsab trendaitamaptøh isubelø køn.
473	GEN 19:15	Inchen yandø tør— rrab arruben, ángelesmerabe Lotwan mallatø indingarub, trenchibelø køn: —¡Mallatø inchi chiben! cha. Ñui srawanba, ñui pagatø nimbasrmeranba yu purrabelan pera inrrø chibig køn, ciudayu trømbøig nebunrrai marigu ñim pinømønrrappe.—
475	GEN 19:17	Incha yandø ciudayugurri wambiisrø wesrawa pasrabe, kane trenchibig køn: —¡Ñui øsig kuigwan ñi tøgønrrappe, welula inrrø! cha, wendømay keshmøwei, i chagu chu pasramisrmøweingue. Ñui øsig kuigwan tøgagønrrab tunsrømay lul cha, pinømønrrappe.—
537	GEN 21:23	Incha møi yutøwei ñibe Tiusken ashen ¡katø! nabe treeg marmø kømø, maramønrrun taitøga kalø marmørrumøn chirra chibelø køn, tru nan lata, nai nusrkawan lata, nainukkurri amrrub misaameran lata. Incha ¡katø! treeg maramønrrun chirra chibig køn nanba, møi ñi yu tsuim pirau misaameranba tru purainrrab arruatiigwan utabelan tab inchib tøgagørrunrrig cha, tru ñun mandø tab indig køben tru tab indiitøga treetøwei tab inchib.—
538	GEN 21:24	Inchen Abrahambe trenchibig køn: —¡Katø! nabe treeg marmø kømø, maramønrrun— cha.
559	GEN 22:11	møimbe Jehováwei kan ángel srømbalasrøngurri wamaptinchibig køn: —¡Abraham! ¡Abraham!— chib. Inchen nøbe: —Yu pasrar— chiben,
595	GEN 24:3	Incha tru srømbalameranba, pirøwanba nø ashib pasrab Tiuswei merrab ¡katø! treegwan marmø kømø, nabe maramønrrun chirra chibig køn. Yu Canaán pirau na tsuinug ishuwan nai nusrkaweyasig srain kønrrai lab pasramig kømønrrain cha.
599	GEN 24:7	Jehová srømbalamerai nø Tius, nai møskawei yaugurrimba, nai yau misaamerai piraugurrimba nan wesrabiibe, ¡katø! treegwan marmø kømø, nabe maramønrrun taitøga nan øyah chib wamindig køn cha: “Ñuinukkurri amrrub misaameran i pirøwan tranrrumøn” cha. Inchawei nøbe nui ángelwan ñui merrab ørtrun cha, nai nusrkaweyasig srain kønrrabigwan trusrøngurri ñi pera attrai.
600	GEN 24:8	Inchene ishug-unø yandø arrumubene, trube, tru ¡katø! nabe treegwan maramønrrun cha, ñi kørrømisriibe ñuimburappe yandø ñibe chi isumikkaig kørrømisrabguen chibig køn. Inchendø nai nusrkawanesi trusrømayguimbe pera imørrunrrig— cha.
601	GEN 24:9	Inchen tru nui karub pera kuibe tru nui karubig Abrahamwei srøptsim umbu nui tasigwan estsarøbig køn, tru chi martrab taigwan ¡katø! nabe treeg maramønrrun chib.
629	GEN 24:37	Nane nan karub peragøbiibe, ¡katø! nane øyeegwan marmø kømø, maramønrrun tingaru tan cha, øyah chib: “Nai nusrkaweimbe yu Canaán pirau tru na tsuinug ishumburmerai utu ishuwan srai lanrrain kømøn” cha.
633	GEN 24:41	Inchen nai yauelø ishug unan tranøg kømuincheneguende ñi nan ¡katø! nabe treeg marmø kømø, maramønrrun taigwane trube, yandø ñibe chi isumikkaig kørrømisrabguen chibig køn.” cha.
692	GEN 25:33	Jacobpe trenchiptinchibig køn: —Møin kwaløm ¡katø! treegwan marmø kømø, maramønrrun chirra— cha. Inchen nøbe: —¡Katø! treegwan maramønrrun— cha kørrømisra, nø mayur nusrkain kuimburø uta tøgaguigwan Jacobpa yunømariyabelø køn.
696	GEN 26:3	I pirautø ka tsu cha, ka petø purainrrab arruatiig lataitøweingue. Nabe ñiba pasramønrrun cha. Incha nabe ñun mayanguen tabig nebuig kønrrai maramønrrun cha; kaguen ñuinukkurri amrrub misaamerane i pirømeran kerriguh tranamønrrun cha. Øyamay ñui møskai Abrahamwan ¡katø! nabe tru treegwan marmø kømø, martrab taigwane maramønrrun cha.
703	GEN 26:10	Inchene Abimelecbe trenchibig køn: —Ñibe namune ¿chindimbarre øyeeg margu? cha. Katøguchimbe namui misagu møig køben, ñui sraimba kaig marøb waramisrig kuimasrtø cha. Incha treeg kaig mariitøga kangurrindø ñibe namune mayeelan kegørrøsrka pønsrøbsrutan— cha!.
721	GEN 26:28	Inchene nømbe trenchibelø køn: —Nambe asha ker cha, Jehovábe ñiba pasrain kui. Pøs nambe treeg isuer cha: “Ñiba namba øyamay martrab kandø isua kørrømisram kønrrab kui. Inchen treeg isuigwane ¡katø! marmø kømø nabe øyamay maramønrrun taitøga maramig kønrrain cha. Inchen tru øyamay kønrrai martrab cha kørrømariibe møimbe øyeeg kønrrun cha”
722	GEN 26:29	Pøs ñibe namun chigucha kaig marmumig kønrrain cha. Pøs namma ñune chigucha chi kaig incha ashmøtø, nambe ñune tab tøgagua, ñune chigucha kømø tab webya inrrai marig kuig køn cha. Pøs møimbe ¡Jehová mayanguen tabig nebuig kønrrai indiibe ñi køn!— cha
725	GEN 26:32	Inchen tru kwalømdøwei Isaacwei mendig melabeløbe tru nøm pi wesranrrab lallib kuigwan: —¡Nambe pi wetørrer!— chib eshkab amrruptinchibelø køn.
726	GEN 26:33	Inchen Isaacbe i pisuwane “Seba” cha munchi pasrig køn trenchippe: ¡Katø! marmøgømø maramønrrun tain pisu cha. Inchawei tru ciudawane møin kwalømgatig “Beerseba” cha wamig køn.
734	GEN 27:6	Inchen Rebecabe nui nusrkai Jacobwane trenchiptinchibig køn: —¡Au! nabe ñui møskai Isaacbe ñui nuneg Esaúba: “Kan usha kemøra larrø may mamiizhig tamara, srua attrig” chib øyeeg waminchen trunun mørar cha.
746	GEN 27:18	Inchen Jacobpe møskaweimbulu puabe, trenchibig køn: —¡Nai Papá!— cha. Inchene Isaacbe trenchibig køn: —Nabe yu war cha, nai nusrkai. ¿Ñibe mø nusrkain kugu?— cha.
761	GEN 27:33	Isaacbe itønab menda, purø kørrø kwaarig, trenchibig køn: —¡Paare! ¿Trube muguig køh? cha, tru usha kemøra srua arrubiibe. Pøs, ñi arrumøwatø, srua arruben, nabe kerrigu chab maig køn cha. Incha nabe mayanguen tabig nebuig kømigwan nun chab tranig køn cha. Pøs, tru mayanguen tabig nebuig kømigwan tranigwane nøbe tøga kørrømisrtrun— cha.
762	GEN 27:34	Inchen Esaúbe møskai trendaig wamwan mørabe, truba mur wamab trashib, purø kørrø isui inchib ¡karren kønrrab! chib kishibig køn, trenchib: —Nai møskai, tiusmanda nangucha tru mayanguen tabig nebuig kømigwan trannrra— cha.
765	GEN 27:37	Inchen Isaacbe trencha løtabig køn: —Nabe ñune Jacob karub tøgagønrrai Tiuswan miar cha. Incha katø nui misaamerabe Jacob manchiben marøb melabelø kønrrai miar cha. Trurrigu nøbe tirigumera nørrø tøgagøb, vinomera tøgagøb inchai miar cha. Nai nusrkai, ¡Møimbe yandø ñuyasiibe chi maramig kaatan!— cha.
800	GEN 29:4	Inchen Jacobpe tru ubisha ashibelan: —¡Nai nunelø! ¿Ñimbe chuelø køgue?— cha payene: —Nambe Haransreelø ker— chiben,
844	GEN 30:13	Incha katø Leabe trenchibig køn: “Nane larrø kasrag køtan cha. Ishumburmerabe: ¡kan yangucha tabgui unamigwan tøgaguita!” chinrrautan cha. Treekkurri tru unane Aser munchi pasrig køn.
927	GEN 31:53	Inchen ñui awelu Abrahamwei Tiusba, katø ñui awelu Nacorwei Tiusba maig maramigwan namun nø asha martrain— chibig køn. Inchen Jacobpe tru nui møskai Isaac kørig tøga pasraig Tiuswei merrab: “¡Katø! marmø kømø, nabe treeg maramønrrun” chibig køn.
955	GEN 32:27	Inchen tru møøbe trenchibig køn: —Yandø chab tør-rrab køn cha. ¡Elatcha!— cha. Inchene Jacobpe trenchibig køn: —Ñi nan maya nuguen tabig nebunrrabigwan tranmubene, nabe lelachimumønrrun— cha.
1149	GEN 38:29	Inchen unøbe tasiizhigwan katø kesruben, kanzhiimerrig kal-laptinchibig køn. Inchen tru patsø kørrøørøbiibe trenchibig køn: ‘¡Mandø incharre puraarruh!’ cha. Inchagurri unane Fares cha wamig køn.
1215	GEN 41:19	møimbe katø tru wendaube trattrø y par treetøwei waaramera larrø trømbøgøleelø, ke tsutsiiba, kalusbateelø, ¡katø! itapteelø piugurri werrubelø køn cha. Kan managuen Egipto pirau nabe øyeeg kalargølig trømbøgøleeløbe ashmuig køn cha.
1228	GEN 41:32	Pøs, ñi Faraónbe pamay treetø, treetø piaig mørig køn cha, kaguen Tiusbe iigwan ñi asha kønrrai ¡katø! martrab pasran cha, trurrigu chi srarrømøtø.
1239	GEN 41:43	Incha trugurrimbe tru Faraónwei wendau katøgan tru ashib karub wabig unin karruyu Joséwane nebingarua misagwan øyah chib trashinrrai karubig køn: “¡Tømbønsray! ¡Tømbønsray!” chib. Øyamay Josébe Egipto pirau kerriguwan nø karub wanrrab nebyaig køn.
1268	GEN 42:15	Incha isa kømø, ñimui wamindig cierto kuitashchab Faraónwei merrab, ¡katø! nabe øyeeg maramønrrun cha, trendamønrrun chibig køn, ñimui wendø nuneg-unan yumay pera amrrumuingatiibe ñimbe yugurrimbe webamrraamøn cha.
1294	GEN 43:3	Inchene Judábe trenchibig køn: —Tru møøbe namune ¡katø! ke kandø cha pasrig kuig køn cha: “Tru ñimui wendø nunewan ñim pera amrrumuingatiibe trube, nan kuimbe kenamisrmørrunrrigay” cha.
1305	GEN 43:14	Maramburab Marøb Tiusbe tru møg ñimun lastima tøgagønrrai martrain cha. Inchen ñimui katøgan nunewan lelachen, Benjamíngucha katø ñimba attrain cha. Inchen nan nai nusrkalan trubisamig nebubene, chinchibig kui ¡ka treeg nebunrraita!— cha.
1324	GEN 43:33	Inchen Joséwei nuneløbe nui merrab purrabelø køn, José maig purramisringaruben, treekke. Kerrigu mayurmerrig, trugurrimbe tru wendauig treetø, treetø nøm maya yanailø køben, trumay treeg purrønnøbig køn. Inchen nømbe truba kwaariilø purrabelø køn, nømbe ¡katø! kangurri, kangurri asiyab.
1332	GEN 44:7	Inchene nømbe trencha løtabelø køn: —¿Tru namun ashib karubiibe namune chindimbarre øyeeg chinetø tah? cha. ¡Kan! nambe managuen treekkøliibe mara kømer cha.
1360	GEN 45:1	Inchen Josébe nuim pøtøgatan pønrrabelai merrab yandø mas awentanrrab kaima, mur wamabig køn: —¡Mayeelanba yu nai merrabgurri webambingaruy!— chib. José nui nunelan nøbe ñimui nuneg kur cha eshkabene, nuim pulube ni mugucha mugaaguig køn.
1372	GEN 45:13	Nai papáwan eshkanrrigay cha Egipto pirau kerriguwan ashib na karub waigube chigurrimbunø køn cha katø ñim kerrigu chi asiilanba. ¡Ñimbe mallatø amba!, yusrømay nai papáwan pera amrrunrrigay— chibig køn.
1452	GEN 47:31	Inchen Israelbe trenchibig køn: —‘¡Katø! Marmø kømø, maramønrrun’ chirra— cha. Inchen Josébe: —¡Katø! Marmø kømø, maramønrrun— chibig køn. Inchen Israelbe nui pøtønaig tsig pala utsøbasrøptinchibig køn.
1492	GEN 49:18	“¡Jehová, ñi kaiyugurri wesraig kømigwan muniirar!”
1499	GEN 49:25	¡Mayanguen ungua ungua ñui møskawei Tius ñun purugubigwan! ¡Mayanguen ungua ungua Maramburab Marøb Tius ñun mayanguen tabig nebuig kønrrai marøbigwan! ¡Mayanguen tabig nebuig kønrrai Srømbalasrøngurri arrubiitøga! ¡Mayanguen tabig nebuig kønrrai maryu purø umbusrøngurri arrubiitøga! Pitsø mutsøsrøb tøgagøb katø usrai patsau tøgagøb indingurri mayanguen tabig nebuig kønrrai arrubiitøgaba.
1512	GEN 50:5	“Nai møskaimbe nø kwamøwatø, øyeegwan marmø kømø, ¡katø! nane maramønrrun tingaruig køn cha: ‘Canaan pirausrø søramig nø ashib tamarig pasrabigu, nun trusrø søramig kønrrai.’ Inchawei nai møskawan trusrø sørønrrab ibashcha” tan chinrrigay cha, nabe katø arrumønrrun— cha.
1513	GEN 50:6	Inchene Faraónbe trenchibig køn: —Ñui møskai øyeegwan marmø kømø, ¡Katø! Martrurrunrrig cha trendaigwan ñi treeg martrab misrig købene, trube, sørønrrab inrrø— cha.
1531	GEN 50:24	Incha Josébe wendøsrø nui nunelan trenchibig køn: —Nane yandø kwamig lutau køtan cha. Inchendø Tiusbe ñimune ashchab arrua, purugunrrun cha, Abrahamwanba, Isaacwanba Jacobwanba, ¡Katø! nabe tranmø kømø, tranamønrrun cha kørrømisrin pirausrømay ñimune i piraugurri pera inrrab køn cha.—
1532	GEN 50:25	Incha Josébe Israelwei nusrkalan, ‘¡Katø! nambe treeg maramønrrun’ tingarubig køn. Incha Josébe nømun trenchibig køn: —Isa kømø, Tiusbe ñimun ashchab arrua, purugunrrun cha. Treeg pubene, ñimbe nai tsutsiimerane yugurri srua ambamig køn— cha.
23268	MAT 3:7	Inchen Juanbe fariseosmera køben, saduceosmera køben, truba nørrø nø piu umbu ulsrailø kønrrab amrrui ashabe, trenchibig køn: —¡Ñimbe ul lataig inchib misaamera! ¿Ñimune mu eshkata cha, Tiuswei purø kørig kømdiig ñimuim pala attrabig pub pasrabigugurri wegørrønrraimbe?
23288	MAT 4:10	Inchene Jesúsbe trencha løtabig køn: —¡Satanás, møi møi iptsu! cha. Kaguende Tiuswei wamwan pørigube trenchibig køn cha: “Señor ñui Tiuswandø køriibala tabig waminchib, nuyasiitø marøb megamig køn”— cha.
23336	MAT 5:33	’Katø ñimbe møriinrrun ñimui merrabsreelan øyah tailan ‘Señorwei merrab, ¡katø! marmø kømø, nabe maramønrrun’ cha kørrømisrigwane wamindiitø kømø, maramig køn taigwan.
23337	MAT 5:34	Inchendø nabe ñimun trendamønrrun: ‘¡katø! marmø kømø, nabe maramønrrun’ chib mumaygucha ke treeg chimøtay cha. Srømbalawei merrab pasramisra ‘¡katø! marmø kømø, nabe maramønrrun’ chimøtay cha. Kaguende srømbalabe Tius nø wamisra waig køn cha.
23338	MAT 5:35	Katø ñimbe pirøwei merrab pasramisra, ‘¡katø! marmø kømø, nabe maramønrrun’ chimøtay cha. Kaguende pirøbe Tius itøbuna waig køn cha. Ni katø Jerusalénwei merrab chigucha treeg maramig kømøn. Kaguende truibe Tius, tru purø nu Reywei ciuda køn.
23339	MAT 5:36	Ni katø ñimui turwan ‘¡katø! marmø kømø, nabe maramønrrun’ chimøtay chibig køn. Kaguende ñimbe pusrugwan ni kandøguen puliig martrab kaimabwei, ni kandøguen yaliig martrab kaimabwei inchun cha.
23340	MAT 5:37	Inchen ñimbe martrappe: “Øø” tamig køn. Inchen marmønrrappe: “Ka” tamig køn. Pøs yandø i trendaigugurri mas nemarøb, ‘¡katø! marmø kømø, nabe maramønrrun’ taibe nugwaimandzigweinukkurri arrubig køn.
23439	MAT 8:25	Inchen nui kusrenanøb pera uniiløbe kasrønanrrab amba, trenchibelø køn: —¡Señor, namun wesrurra chib, chab asentab meler!— cha.
23440	MAT 8:26	Inchen nøbe trenchibig køn: —¿Chindimbarre kørig køta? cha. Ñim kui ñimui isubigwan nainug ke kagømønrraindøzhig pasra tøgar— cha. Incha kurrabe, isigwanba, marwanba kønømønrrai kandø wamuben, ¡katø! yandø kerrigu wasrønzhig kørrømisrøbig køn.
23441	MAT 8:27	Inchen nømbe kwaara asha kørrømisra, trenchibelø køn: —¿Øyeebe chi møg kerah? cha. ¡Isig ichibig lata, mar lata, iiløguen nun mørtrappe!—
23443	MAT 8:29	Inchabe trenchib trashibelø køn: —Tiuswei Nusrkai, ¿namune chi martrab inchigu? cha. ¿Namun ¡katø! purø trømbøig møra melønrrai martrab attirru cha, tru treeg maramig pumøwatøbe?—
23454	MAT 9:6	Pøs, na, Møg Misra Arrubiibe yu pirau kaig mariilan ulø payamig kømíig pesannaig kønrrai mu mandamgaig marøbig kui møimbe ñim ashchai kenamaramønrrun— chibig køn. Inchabe tru kønønrrab kaimabigwane trenchiptinchibig køn: —¡Kurrø! cha. ¡Ñui tsigalwan mutab, ñui yamay inrrø!— cha.
23475	MAT 9:27	Jesús truyugurri webya ibene, pailø kabgailø trenchib trashib wendautø amrrubelø køn: —¡Namun lastima ashcha chib, merrabsrø Davidwei Nusrkai!—
23481	MAT 9:33	Inchen Jesús tru kwaimandzigwan weguchen latatø, tru wamgaibe waminchiptinchen, misaabe kwaara asha kørrømisra, trenchibelø køn: —¡Managuen nam Israel misaamerai utube øyeekkatiibe ashmer!— cha.
23543	MAT 11:15	¡Møramig kalu pønsraibe mør!
23549	MAT 11:21	—¡Ay, ñi Corazín pueblo waacha! ¡Ay, ñi Betsaida pueblo waacha! Kaguende Tirosrø Sidónsrø tru maramburab mariilan na ñimui utu lataitøwei marig kuimbe, manawei truiløbe nømui kaig mariilan isua møra, Tiusweimay llirabsruig kuinrrun cha. Incha kaig marmønrrab yandø isua mører chib kenamartrab, trøsrkøleelø keb, nagusrøwan itøbusrøb inchibsruinrrun cha.
23592	MAT 12:34	¡Ul lataig inchib misaamera! ¿Ñim chincha tabig waminchague, trendø kailøbe? Kaguende nui manrrau chine isua tøgagúilø pinøguchen, nui triibe treeg wamindan.
23617	MAT 13:9	¡Kalu pønsraibe, mør!— chibig køn.
23651	MAT 13:43	Inchen tru sølgandø tabig marøbeløbe nømui Møskai ashib karub waisrømbe kan nøsig pilab latailø pilønrrun cha. ¡Kalu pønsraibe, mør! chibig køn.
23673	MAT 14:7	—¡Katø, tranmø kømø! chi miabendø tranrrumøn— chibig køn.
23693	MAT 14:27	Inchen Jesúsbe møi møi nømune waminchib trenchibig køn: —¡Kørmø, mur isua purray! cha. Na kur cha. Kørig kui inchimøtay— cha.
23696	MAT 14:30	Incha tru mur isig ichibigwan tab ashippe, køriimataptinchibig køn. Inchen nune asentab mendaptinchen trashibig køn: —¡Señor, wesrurra!— chib.
23709	MAT 15:7	¡Palatø tabelø! Tius maig karuigwan eshkabig Isaías ñimuimburab sølwein tain køn øyah chippe:
23727	MAT 15:25	Inchene tru ishuube nui merrab arrua, tømbønsrøb trenchibig køn: —¡Señor, purugurra!— cha.
23730	MAT 15:28	Inchene Jesúsbe trenchibig køn: —¡Ishug, ñui isubigwan nainug pasra tøgagúibe purø nuig køn! cha. Ñi maig palain pasraig, treeg kønrrun— cha. Inchen tru uraskurri nui nimbasrbe tabig kørrømisrig køn.
23744	MAT 16:3	Inchene løtsøbe ñimbe trenchibelø køn cha: “Møimbe kaig kwaløm kønrrab asønan cha. Kaguende srømbalabe ke wañindø kasraim pasran” cha. Pøs pala wañi maig pasrai asha, ñim ‘øyeeg kønrrun’ chib, ‘øyeeg kønrrun’ chib waminchibeløbe, ¡Møin kwaløm chi pureb arrubigwane, trube, ‘øyeeg kønrrun’ chinrrab wetøgørrønrrab kaimabeløbe mailø køgue! cha.
23786	MAT 17:17	Inchene Jesúsbe trencha løtabig køn: —¡Kan ñim møi misaamera kørenrrab inchimeelø larrø kailø! cha, ¿nabe managatig ñimba unamig kønrrerah? cha. ¿Kan øyeeg ashiptø managatig ñimba unamerah? cha. Unan yusrø naimay srua amrruy— chibig køn.
23828	MAT 18:32	Inchen reybe tru kagøbashmø ulø payiptiigwan wamønrrab øra trenchibig køn: “¡Karuindiig megabig, larrø kaig! cha. Ñi nan ulø kuigwan nagurrima ñun ulø paymø, pesannar cha, ñi kaabashcha chib truba truba rugaben.
23891	MAT 20:30	Inchen pailø kabgailø may menda purrøwabe, Jesús purayai mørøppe, trenchib trashibelø køn: —¡Namun lastima ashcha chib, merrabsrø Davidwei Nusrkai!—
23892	MAT 20:31	Inchen misaamerabe niløtø purrønrrai namingucha, nømbe mas mur trashib trenchibelø køn: —¡Señor, namun lastima ashcha chib, Davidwei Nusrkai!—
23904	MAT 21:9	Inchen merrab amrrubelø lata, wendau amrrubelø lata, øyah chib trashib amrrubelø køn: “¡Rey Davidwei Nusrkai Hosanna! chib. ¡Señor Tiuswei munchiyu nø ørig arrubiibe mayanguen tab kuig køn! chib. ¡Srømbalasrømbe Hosanna!” chib.
23910	MAT 21:15	Inchen sacerdotesmeran karubeløba, Moisés pørigwan kusrenanøbeløba Jesúswei tru purø nørreelø mariilan ashib katø Tiuswei yau shush ureemera: “¡Rey Davidwei Nusrkai Hosanna!” chib trasai mørabe, truba namabelø køn.
23914	MAT 21:19	Incha kan higuera tusr may pulu pasrai asha, kemallabe, tru higuera tusrbe ka ishiitø tøgaig kui ashabe, Jesúsbe tru higuerane trenchibig køn: —¡Møingurrimbe yandø managucha mas mamig niimubash!— cha. Inchen tru urastø higuerabe mul-laptinchibig køn.
23951	MAT 22:10	Inchen tru karuindiig melabeløbe callesmerawan webamba, mun wetørrabashtø tulundzunabelø køn, tabelan køben, kailan købengue. Inchen kasharabelø purrai salayube ¡katø! misaatø netsaptinchibig køn.
24000	MAT 23:13	’¡Ay, ñim waachamera Moisés pørigwan kusrenanøbeløba, fariseosmeraba, palatø tabelø! Srømbalasrø Tius nø ashib karub wainug kebambam yaskabwan katøganelø kebammønrrai kasrøb, ni ñimdøweinguen kebammøwei, ni katøganelø kebambug kui inchen kebambashmøwei inchibelø køn cha ñimbe.
24001	MAT 23:14	’¡Ay, ñim waachamera Moisés pørigwan kusrenanøbeløba, fariseosmeraba, palatø tabelø! Pøs ñimbe piudasmeran nømui yameran kerrawabe, tabelø misrøb ke ka yandø truba yana Tiuswan waminchibelø køn cha. Øyeekkurri ñimbe møra melamig mas nuigwan utanrrun chibig køn.
24002	MAT 23:15	’¡Ay, ñim waachamera Moisés pørigwan kusrenanøbeløba, fariseosmeraba, palatø tabelø! Pirau lata, maryu lata munabatsø ambubelø køn cha, kandøguen ñimuingatø purøsrunrrab. Incha yandø ñimuingatø purøsruabe, ñim lataitøguen kømø, purab tabelø chibelø kønrrai mara, truigwane tru managuen kwamø nagu kegutsam unø kønrrai marøbelø køn cha.
24003	MAT 23:16	’¡Ay, ñim waachamera chigúinguen ashmeelø købendø, katøganelan pera ambubelø! “Møikkøben Tiuswei yawei merrab pasramisra, ‘¡katø! marmø kømø, nabe maramønrrun’ taigwan treeg marmuingucha, ñimbe chigucha kømøn chibelø køn. Inchendø tru Tiuswei yau oro pasrabigwei merrab pasramisra, ‘¡katø! marmø kømø, nabe maramønrrun’ taigwan trenchibig, trube, martrab taigwane nune maramig nebunrrun” cha, trenchibelø køn, ñimbe.
24004	MAT 23:17	¡Tontos, chigúinguen ashmeelø! ¿Møimerrig mas nuig kerah? cha. ¿Oroteh? Kabe ¿tru oron Tiusweyasig tabig kønrrai nøørø tarømarøbig, Tiuswei yateh?