36	GEN 2:5	piraube ka nøtø kal-lab tusrmera chigucha kawei, chigucha kaumera kal-laig kawein købig køn, kaguende Jehová Tiusbe piraumay srewan pungarumø srø køben. Inchagucha kwallchabig mu møg mugawein køben.
40	GEN 2:9	Incha Jehová Tiusbe chi tusrkurrimbunø chull asamdø tab tusrmera pirau kal-langarubig køn, chull mamdø mamiimera nigabelø. Inchen tru tul tøbøtabe tru kwamø øsig køm tusrwanba, katø tru tabigwanba, kaigwanba nebua asam tusrwanba kal-langarubig køn.
81	GEN 4:1	Adanbe nui srai Evaba unø tøgagønrrab pailø waramisrøbelø køn. Incha Evabe kwanrriig kørrømisra, Cain kal labene, trenchibig køn: “Na unø tøgagømig Jehová treeg kønrrain køben, kan møg-unø tøgaguinatan” cha.
102	GEN 4:22	Inchen Zilagucha Tubal-Cainwan tøgaguig køn. Truibe chigurrimbunø bronce tsandzøntøgaba, hierro tsandzøntøgaba larrø tabelø marøbig kuig køn. Katø Tubal-Cainwei nuchaabe Naama købig køn.
295	GEN 11:28	Inchen nui møskai Téraj kwamøwatø, tru Haránbe Caldeosmeraim pirausrø, tru nø kal-laim pirau kwaig købig køn.
351	GEN 14:14	Incha Abrambe tru nui yautøwei kal-lawarmeran trescientos dieciocho tru kwayamigweyasig kusrenani møgueløba tulaamba, truiløba webya, tru pibgatø reymeran wetøgønrrab Dansrøngatig pasra ibig køn.
360	GEN 14:23	Ni kan train pititøguen—, kabe nai alpargatis tsi-unøtøguen nabe ñuiwane chiwangucha nai marmumønrrun chibig køn, ñi managuen øyeeg chimønrrai: “Abrambe nagurrinrre pua misrig køn” cha.
364	GEN 15:3	Incha katø Abrambe trenchibig køn: —Ñi nan kan nusrkai tranmuig købene, kan nai yautøwei kal-lawei nai kan karuindiig mendig megabig, truig nai chi tøgaguilan ketig utønrrabig køn— cha.
370	GEN 15:9	Inchene Jehovábe trenchibig køn: —Kan ishug waara-unøzhig pøn pilaiba, kan cabra pøn pilaiba, kan carnero pøn pilaiba, katø kan palomaba, kan paloma-unøzhiiba srua amø— cha.
394	GEN 16:12	Nøbe muguen kemalamgaig kønrrabig køn cha, kan kaambu mula-unø lataig. Incha nøbe mayeelan kwayam lanrrabig køben, katø nungurringucha mayeelø kwayam lanrrun chibig køn. Inchen nøbe nunelan, ka kwayam laptø, kwayam laptø tsunrrun— cha.
397	GEN 16:15	Indig Agarbe Abramwei kan møg-unø tammisren, Abrambe Ismael munchi pasrøbig køn, tru unan.
410	GEN 17:12	Trune kwalømyube mu møguelandøgucha circuncidanrrigay cha, katøle katøle ureemera kurrab amrruimørig, ñui yau kal-laweig kui lata, kabe amrrub misaameran peniilø kui lata.
411	GEN 17:13	Inchawei ñui yau kal-laweig kui lata, kabe kan anwei penig kui lata nømbe circuncidaig kønrrabelø køn cha. Inchen, tru asru siñalbe tru treeg martrab cha kørrømarigwan managatigwein køn cha eshkabig køn.
421	GEN 17:23	Inchen Abrahambe nui nusrkai Ismaelwan køben, tru nui karuig mendig melabelø nui yau kal-lawarmeran køben, anwei pena tøgaguilan køben, Abrahamwei yau mu møguelø purrabelane kerriguba wama, tru kwalømdøwei circuncidabig køn, Tius maig karuig køben, treekke.
425	GEN 17:27	mayeelø tru nui yau purrab møguelø køben, katø nui yau kal-lawar kui lata, katø amrrub misaameran peniilø kui lata, mayeeløbah circuncidaig kuig køn.
432	GEN 18:7	Incha Abrahambe tru waara purrabsrømay luløb ya, kan truba tab waara-unøzhigwanh merrarrawa, nui karuig mendig megabigwan tranen, truibe mamigweyasig ¡katø! petøzhiitø tamarøbig køn.
483	GEN 19:25	Incha tru ciudameranba, katø truyu warab misaameranba, tru chaameranba, katø tru pirau chi kal-lawa pønrrabelanbañau chishtøh pinisaig købig køn.
496	GEN 19:38	Inchen wendiikkucha kan nusrkai tøgamisra, truigwane Ben-ammi munchi pasrøbig køn. Inchen truibe tru møi ya amonitasmerai møskain køn.
517	GEN 21:3	Inchen tru Sara tøgaguig unø tru møg-unø kal-labigwane Abrahambe Isaac munchi pasrig køn.
519	GEN 21:5	Nui nusrkai Isaac kal-laben, Abrahambe pilamera cien tøgaig købig køn.
542	GEN 21:28	Inchen Abrahambe nui ubisha søtømerayugurri ishug ubisha-ureezheelø trattrø y par, nuingui tarømarøbig køn.
543	GEN 21:29	Inchene Abimelecbe trencha payibig køn: —Iig tru ishug ubisha-ureezheelø trattrø y par tru ñi nuingui tarømariiløbe ¿maig punrrabigwan eshkabig køh?— cha.
544	GEN 21:30	Inchen Abrahambe trenchibig køn: —Tru iig ishug ubisha-ureezheelø trattrø y par iilan na ñun tranen, ñi utiibe tru pirø umbugurri pizhigwane na lalla wesraig købigwan trunun eshkab pasrønrrabig køn— cha.
570	GEN 22:22	Tru wendau kal-labeløbe Hazo køben, Pildas køben, Jidlaf køben, Betuel købengue.
586	GEN 23:14	Inchene Efrónbe Abrahamwane trenchibig køn: —Nai kølli--misag tiusmanda mørtra cha.
600	GEN 24:8	Inchene ishug-unø yandø arrumubene, trube, tru ¡katø! nabe treegwan maramønrrun cha, ñi kørrømisriibe ñuimburappe yandø ñibe chi isumikkaig kørrømisrabguen chibig køn. Inchendø nai nusrkawanesi trusrømayguimbe pera imørrunrrig— cha.
631	GEN 24:39	Inchene nabe nun trenchibig kur cha: “¿Inchippa ishug-unø nai mendig arrumønrrab incheneh?” cha.
632	GEN 24:40	Inchen nøbe nane trenchibig køn cha: “Jehova maig chiben nabe trumay uninabig køben, truig ñune nui ángelwan ñiba inrrai ørtrun cha, ñi webya yaibe mayanguen tab punrrai, tru nai yau misaamerai yau ishug-unan nai nusrkawei srain kønrai lanrrai, tru nai møskawei yauelainug.
672	GEN 25:13	Iilø køn tru Ismaelwei nusrkalai munchimera, tru kerrigu mayur kal-labigwei wendautø trumørig kal-lawa amrrubelai. Ismaelwei kerrigu mayur nusrkaimbe Nebayot køben, trugurrimbe Cedar køben, trugurrimbe Adbel køben, Mibsan køben,
679	GEN 25:20	Isaacbe Rebecaba kasharab uras pilamera cuarenta tøgaig kuig køn, tru Rebecabe Betuelwei nimbasr Labanwei nuchag købig køn. Inchen Betuelba Labanbabe arameosmera Padan-aramsrø warabelø kuig køn.
682	GEN 25:23	Jehovábe trenchibig køn: —Ñui patsaube misaamera purø nørrøbatø pa søtø køn cha. Misagwan ashib karub pønrrønrrabelø pailø nørreelø ñui patsau purraisrøngurri nøørømisrøbguen purran cha. Kane katøgan lataguen kømø, mu chindamgaig kønrrabig køn cha. Inchen mayur kal-labiibe wendiig nø karuig meganrrabig køn— cha.
683	GEN 25:24	Indig yandø kal-lamig ura pubene, nui patsaube møg ureezheelø par kuin køptinchibig køn.
684	GEN 25:25	Inchen tru srøsrø kal-labzhiibe ke pigø isig nabzhig købig køn, trurrigu asr ørøba isikuzhikke. Treekkurri Esau munchi pasrig køn.
685	GEN 25:26	Inchen tru wendau nuneebe Esauwei talunwan merrarraweig kal-laben, treekkurri Jacob munchi pasrig køn. Inchen Isaacbe tru parcheelø kal-labene, pilamera sesenta tøgaig kuig køn.Nø Mayur Kal-laig Nusrkain Kuimburø Nø Uta Tøgagømigwan Yanøb
776	GEN 28:2	Kurra, Padan-Aram pirausrømay inrrø cha, tru Betuel ñui usrai møskai waisrømay. Incha ñui kuchimøskai Labanwei kan nimbasrwan ñui srain kønrrai lanrrig cha.
779	GEN 28:5	Øyamay Isaacbe Jacobwan Padan-Aramsrømay inrrai ørig købig køn, tru Betuel arameowei nusrkai tru Labanwei yausrømay. Truibe Rebecaimbe nuchag købig køn, Jacobweimba Esaúweimbabe usrin køben.
780	GEN 28:6	Inchen Esaúbe wammørøbig køn, møskai Isaacbe tru mayanguen tabig nebuig kønrrai tranøb, sraingucha lappe, Padan-aramsrø lanrrai chiben. Incha tru mayanguen tabig nebuig kømigwan møskai tranabe, øyeeg karua pasri ashibig køn: “Yu Canaán ishumburmeran ñui srain kønrrai marøb pasrønrrab kømø” cha.
781	GEN 28:7	Inchen Jacobpe møskawanba usranba møra, Padan-Aramsrømay yai ashibig køn Esaúbe.
797	GEN 29:1	Jacobpe nø chu yamsrømay ib ya, pørr kal-labgatømaywan misaamerain pirausrø pubig køn.
834	GEN 30:3	Inchene nøbe trenchibig køn: —Bilha, nai karuig mendig megabigwan na ñun tranar cha. Truiba ki, chibig køn. Inchen truig ureg tøgamisren kal-laben, nai srøbchagu mutikkurrimbe na tøga misri lataitøweih køben, nabe nøgurri ureg tøgaig kømønrrun— cha.
864	GEN 30:33	Pøs Srøna trumarsrø tru na kanab megaigwan ñi ashchab arruben, tab marigwan kenamartrabibe truig kønrrun cha. Kabe kan ubisha kui, kabe kan cabra-unø kui rayas tøgar kømøwei, tsureelø kømøwei, kabe kan ubisha-unø yalig kømøwei, tru utu ñi treelø wetørrappe, trube, nabe ñuyelan nilab megaig kønrrun— cha.
866	GEN 30:35	Inchen Labanbe tru kwalømdøwei møg cabramera sinda tøgarmeranba, tsureelanba, ishug cabramera sinda tøgarmeranba, tsureelanba, katø puliig tøgarmeranba chishtø, katø yalø ubisha-ureemeran kerriguba tarømara, nusrkalai tasku ashchai pønsrøbig køn.
871	GEN 30:40	Incha Jacobpe tru ubisha-ureemerane nørømara, Labanwei ubishamerayu rayas tøgarmeranba yaleelanba Jacobpe nui ubisha søtømerayu keerøb ibig køn. Incha yandø nuyasig ubisha søtømera kønrrai marøb ibig køn. Labanweimba kanbalatø kømøtø.
887	GEN 31:13	Nabe ñi tru srugwan aceite itølusha katø ñi ñuinetø øyeeg martrab cha kørrømisrinug tru Betelsrø kenamisrøb Tius kur cha. Møimbe kurra, i piraugurrimbe webya, ñi kal-lain pirausrømay katø inrrø” cha, nane trenchitan— cha.
944	GEN 32:16	Camellasmera ureg perarcheelø treinta, waaramera cuarenta, toro-ureemera pa trattrø, asnasmera pib trattrø, pa trattrø burrusmera.
953	GEN 32:25	Incha Jacobpe tru misaameraba, nui ushameraba kørrømisra tsuinug nøtø kørrømisra, kan møøba tør-rramnegatig kwayab tranrriyabelø køn.
955	GEN 32:27	Inchen tru møøbe trenchibig køn: —Yandø chab tør-rrab køn cha. ¡Elatcha!— cha. Inchene Jacobpe trenchibig køn: —Ñi nan maya nuguen tabig nebunrrabigwan tranmubene, nabe lelachimumønrrun— cha.
978	GEN 33:17	Inchen Jacobpe Sucotsrømay ya, trusrømbe nuyasig kan ya marøb, nui ushamerai ranchu-ureemera marøb inchibig køn. Incha treekkurri trusrømbe Sucot cha wamig kuig køn.
979	GEN 33:18	Jacobpe Padan-Aramsrøngurri chigucha kømø, katø tab ka pubig køn, Canaán pirau Siquén ciudasrø. Incha tru ciuda pinrrøguesrø kørrømisra warøwa,
989	GEN 34:8	Inchen Hamorbe tru møskawanba nusrkalanba trenchib waminchib køn: —Nai nusrkai Siquémbe ñui nimbasrwan purø chull asan cha, ishug-unø nøba kasharanrrai treegwan isubsrumøgue chinrrab inchar cha.
1010	GEN 34:29	Incha yaambumerayu chi købelane chishtø wesrawa, katø chigurrimbunø chi tøgaguilan køben, møg-uregwan køben, ishumburmeran køben merrarrawa, srua ambubelø køn.
1023	GEN 35:11	Incha katø Tiusbe trenchibig køn: —Nabe tru Maramburab Marøb Tius kur cha. Misag purø nørrø karrab, larrø nørrø larrøbichig cha. Ñuinug kan larrø nu misag søtømera kal-lawa, ñuinukkurri misag larrø nørrø søtømerabatø kurrab amrrunrrun cha. Incha ñuinukkurri amrrub misaamerayugurrimbe reymera kurrønrrun cha.
1029	GEN 35:17	Inchen ke purø lastimazhig pusrkwai inchib megaben, tru patsø kørrøørøbiibe trenchibig køn: —Chi kørig isumøta cha, ñibe katø møg-unøzhig tøgagønrrab køn— cha.
1030	GEN 35:18	Inchen nøbe yandø ke kwanrrab inchib ke srabe israb megawa, unøzhigwane Ben-Oni cha wamabig køn. Inchendø møskai Jacobpe Benjamin munchi pasrig køn.
1038	GEN 35:26	Inchen Leai tru karuig mendig megabig Zilpai nusrkaløbe: Gadba, Azerba. Iilø køn tru Jacobwei nusrkalø Padan Aramsrø kal-lawar.
1079	GEN 36:38	Inchen Saúl kwabene, tru nuimburøbe Acoborwei nusrkai Baal-Janán karunrrab nebyaig køn.
1080	GEN 36:39	Inchen Acborwei nusrkai Baal-Janán kwabene, tru nuimburøbe nusrkai Hadad karunrrab nebyaig køn, tru nø tsuig ciudabe Pau taig køben. Inchen tru Hadadwei sraimbe Mehitabel taig købig køn, Matredwei nimbasr, Mezabweimbe awela.
1129	GEN 38:9	Inchen Onánbe tru ureg kal-labeløbe nuin kuentailø kømønrrab kui asha kua, nui nuneg kwabigwei sraimba kib waramisri mørig, kwanrriig kørrømisrmønrrai pirautø, pirautø lushibig køn, nuneg kwabigweyasig chi ureg kaanrrai.
1137	GEN 38:17	—Nai ubisha søtømerayugurri kan cabro-unøzhig trana øramønrrun— cha. Inchene nøbe trenchibig køn: —Kan chigøsrøn ñuiwan kørrømartra cha, ñi tru trannrrab misrigwan na utamnegatig.—
1148	GEN 38:28	Inchen tru yandø kal-lanrrab inchen tru parcheeløyu kane tasiizhiimerrig kal-laptinchen, patsø kørrøørøbiibe unai tasiizhigu pigø tsizhig lichiptinchibig køn trenchib: ‘Iimerrig webarrig køn’ chib.
1149	GEN 38:29	Inchen unøbe tasiizhigwan katø kesruben, kanzhiimerrig kal-laptinchibig køn. Inchen tru patsø kørrøørøbiibe trenchibig køn: ‘¡Mandø incharre puraarruh!’ cha. Inchagurri unane Fares cha wamig køn.
1150	GEN 38:30	Inchen trugurrimbe tru nui nuneg tru tasiizhigu pigø tsi litsig kal-labig køn. Incha truigwane Zera cha wamig køn.
1189	GEN 40:16	Inchen tru pirri marøbelan asha karub pasrabiibe tru piaigwan ke chi isumgaig tabig øya kønrrun chib eshkain kui ashabe, trenchibig køn: —Naimburappe nane treeg piatan cha: Nai turbalabe pøngatø tasin-ureemera chi pirrimera køben tøgar pønrrøbashib.
1193	GEN 40:20	Indiibe pøn kwalømyu Faraónbe nui tru kal-lain kwalømgurri mam pila nemisrigwan trunun isunrrab marøbig køn. Incha nø lutø tranigwan marøb pønrrabelayasig truba truba kasrag waramig mara, truilai merrab tru copasyu vino srørrøb pønrrabelan nø karub pasrabigwanba, tru pirri marøbelan nø karub pasrabigwanba tru keera purrønninukkurri wesrangarubig køn.
1268	GEN 42:15	Incha isa kømø, ñimui wamindig cierto kuitashchab Faraónwei merrab, ¡katø! nabe øyeeg maramønrrun cha, trendamønrrun chibig køn, ñimui wendø nuneg-unan yumay pera amrrumuingatiibe ñimbe yugurrimbe webamrraamøn cha.
1273	GEN 42:20	Incha ñimui wendø nuneg-unan pera amrrurrunrrigay cha. Trumaybe isa kømø ñimbe sølwan waminchibelø kui asha, ñimbe kwamig kømønrrun— cha. Inchen nømbe treegwan martrab kørrømisrøbelø køn.
1288	GEN 42:35	Inchen tru Joséwei nunelø tru kustalmeran kwarøb mendøbene, nømui kustalmørig kan talegu-unøzhigu nømui tru tiriguburø pagarai anbe ka purraptinchen, nøm lata, nui møskai lata tru an pusri talegu-unøzhigwan kura ashabe, purø kørig isubelø køn.
1328	GEN 44:3	Inchen yandø ke chab tør-rrabendø tru møguelane Josebe ambasingarubig køn, nømui burrumeranba.
1345	GEN 44:20	Inchen nambe ñi namui karubigwane øyeeg cha løtab pønrraig kuig køn cha: “Nambe namui møskai kølli misazhiiba, kan matsinø nuneg-unøba tøgar ker cha, truibe namui møskai kølli misag køben kal-lawaig. Inchagurri tru i srabeigwane møskaimbe purø undaguig køn” cha; kaguendø kan usraindø nusrkain kuikkurri kan nuneebe yandø kwain kaaben, nøtø kørrømisra pasran cha.
1355	GEN 44:30	Nai møskaimbe matsinø-unøbabe purø trag pønrrabelø kuig køppe, nambe katøle amben, matsinø-unø namba arrumubene,
1358	GEN 44:33	Inchawei tiusmanda, nabe ñun treeg marøbsrumu chinrrab cha, matsinaimburø na purøbasramisrtrur cha, na ñui karuindiig meganrrab, matsinø-unøbe nui nuneløba katø inrrai.
1359	GEN 44:34	¿Nabe mandø yamø cha, matsinø-unø naba arrumubene? Trube, nane nai møskawane larrø lastimazhig isui indi ashig kømøtan— chibig køn.
1402	GEN 46:15	Truilø kuig køn tru Padan-aramsrø warab uras Lea Jacobwei tøgagui nusrkalø, katø tru Dina nui nimbasrba. Inchawei truyugurri amrrub misaamera møguelan køben, ishumburmeran køben munchene kerrigube treinta y tres kuig køn.
1407	GEN 46:20	Inchen Joséwei nusrkalø Azenatba tøgagui ureemerabe iilø køn: Manasésba, Efrainba Egipto pirau kal-lawar. Tru Azenatbe Onsrø sacerdote Potiferai nimbasr kuig køn.
1414	GEN 46:27	Inchen Joséwei ureemerabe pagatø kuig køn, Egipto pirau kal-lawar. Inchawei Jacobwei yau misaamerabe Egiptosrømbe setenta puig købig køn.
1457	GEN 48:5	Na ñiba tsunrrab arrumøwatø, ñui pagatø nusrkalø yu Egipto pirau kal-lawa ureemera tru Efraínba, Manasesbabe nai ureemera misran cha, Rubénba, Simeónba naielø køb lataitøwei.
1467	GEN 48:15	Incha Joséwane i wammeratøga maya nuguen tabiitø, tabiitø nebuig kønrrai øyeeg chib tranøbig køn: —Nai møskalø Abrahamba, Isaacba nui merrab amønai Tius, tru nan kal-lainukkurri møingatig nan chi kømønrrai ashib tøga pasrab, katø na muba yamigwan eshkab pasrab Tius,
1468	GEN 48:16	tru nan chine kaig pubigugurri wesrub Ángel i pagatø matsøreg-ureemeran maya nuguen tabiitø nebuig kønrrai martrunrrig chib. Incha iiløgurri nai munchiba, nai møskalø Abrahamweimba Isaacweimba munchimerabe pønrrabig pønrrønrrun cha. Nømbe pirau nørrø karrab purø nørrø larrøbitchai.
1489	GEN 49:15	Tru muba webya yamga tul-unøbe larrø tabig, pirøbe larrø chull asamdø pirø køb, katø pishindø tab tsumdiig køb køben, nøbe karga niga inrrab lligwan kegucha, ka karuindø megabig misrig køn.
1495	GEN 49:21	Neftalíbe kan ishug panzhig chi iløsrkaimíig uñibig lataig køn, larrø tab pan-ureezheelø peraig.
23229	MAT 1:16	Jacobpe Joséwei møskain købig køn. Inchen tru Josébe Maríai keg køben, tru Maríagurri Jesús kal-laig købig køn, tru Cristo taig.
23230	MAT 1:17	Inchawei Abraham køb uraskurri merrabsrø kølli misaamerai ureemera katøle srøig, srøig kurrab arrubig David køb uraskatiibe catorce købig køn. Inchen David køb uraskurri tru israelitasmeran Babiloniamay merrarrawa srua ambub uraskatig katøgan catorce treetøwei katøle srøig, srøig misaamera kurrab arrig købig køn. Incha tru israelitasmeran Babiloniamay srua ambub uraskurri tru Cristo kal-lamnegatiibe misaamera katøgan catorce treetøwei kurrab arrig køn.
23231	MAT 1:18	Jesucristo kal-laibe øyeeg kuig køn: María nui usrimbe Joséba kasharanrrab misra uñen, Josébe kasharanrrab permøwatø Maríabe Espíritu Santogurri kwanrriig kenamisrøptinchibig køn.
23234	MAT 1:21	Nøbe kan møg-unø tøgagøben, truigwane Jesús munchi pasrtrig chibig køn. Nøbe øyeeg wamig kønrrun chibig køn, kaguende nui misagwan kaig mariiløyugurri wesranrrabig kuimba.—
23239	MAT 2:1	Jesúsbe Judea pirau Belén puebloyu kal-labig køn, Herodes tru pirau rey køb uras. Inchen tru uras pørr kal-labgatøsrø kusreb møguelø tru estrellameran ashib kusrebelø Jerusalén puabe,
23240	MAT 2:2	trenchib payibelø køn: —¿Judíosmerai tru rey kal-labiibe chu tsuh? cha. Kaguende nambe nui estrellan webarri asha, køriibala nune tabig waminchab amrruer— cha.
23242	MAT 2:4	Inchen reybe sacerdotesmeran karubelanba, tru Moisés pørigwan kusrenanøbelanba wama, payibig køn: —¿Cristobe chu kal-lanrrabig kø?— cha.
23244	MAT 2:6	Judea pirau, ñi Belén pueblo-unøbe, tru pirau purø wamindig ciudamerai utu ñibe chigucha kømøzhig lataig kønrrab kømø, purø nuig køn cha. Kaguende ñuinukkurrimbe misagwan ashib karunrrabig kan webattrun cha, nai Israel misagwan nø pera marøb ashib pasrønrrabig.—
23247	MAT 2:9	Tru kusrebeløbe rey øyeeg eshkailø ambubelø køn. Inchen estrella tru pørr kal-labgatøsrø asiibe nømui merraptø ya, yandø tru unø tsuim pala pasramisren,
23254	MAT 2:16	Inchen Herodes nun tru kusreb møguelø isin kui mørabe, truba truba nama, tru kusreb møguelø tru ureg chu uras kal-laigwan eshkaigwan, trunun cuenta mara kal-laingurrimbunø pa pilagatiguelø Belén pøtøgatan warabelan kerriguba kwetchain karubig køn.
23303	MAT 4:25	Inchen misaamera galileasreelø køben, decápolissreelø køben, jerusalénsreelø køben, judeasreelø køben, Jordán pi tru pørr kal-labgatøsreelø køben Jesúswei mendig truba nu ambubelø køn.
23425	MAT 8:11	Incha nabe ñimune trendamønrrun chibig køn: Pørr kal-labgatøsrøngurrin køben, pørr kebibgatøsrøngurrin køben truba nu amrrua, Abrahamba, Isaacba, Jacobpa manrrab purramisrtrun cha, srømbalasrø Tius nø ashib karub waisrø.
23472	MAT 9:24	Inchabe trenchibig køn: —Yugurri webambay cha. Ishug-unøbe kwaig kømøtø, ka kiptø tsun— cha. Inchen misaamerabe Jesúswane ka indzatø mørøbelø køn.
23473	MAT 9:25	Incha nømun webambingaruben, Jesúsbe kebya, ishug-unan tasigu kemørene, unøbe kurraptinchibig køn.
23539	MAT 11:11	’Nabe ñimun cierton trendamønrrun: Maya møguelø kal-laelai utu Juan Bautista lata nuibe muguen kurrømuig køn cha. Inchendø treeg kuindøgucha, srømbalasrø Tius nø ashib karub wainuube chigucha kømíikken mas nuig køn cha, Juan lataguen kømø.
23568	MAT 12:10	truyube kan møg tasig mul-laig wabig køn. Inchen kaguen møiløgøsrøn Jesúswan chigøben chi køptø, Jesúswane trencha payibelø køn: —¿Isrin kwaløm kan kwanrriigwan ka tamartrain kø chindah?— cha.
23613	MAT 13:5	Katøganbaløbe sruurrøldø pirau pirø tre chiganug kørra, pirø palatiikkurri tru yellbe kal-lappe, petø kal-labendø,
23614	MAT 13:6	pørr webarruabe, mergurangaruben, srøl tre chigaig kua, mul-laptindan cha.
23635	MAT 13:27	Inchen tru tra puaigwei marøb melabeløbe nune trenchinrrab ambubelø køn: “Señor, ñi trau tru tsurig yellbe tabig købendøbe, ¿tru kaig kaube chugurrin kal-lah?” cha.
23672	MAT 14:6	Inchen tru Herodeswei kal-lain kwalømwan isub kasrag waram kwaløm, tru Herodíaswei nimbasrbe tru linchai eshkailø mayeelø purrabelai merrab pailaben, Herodeswane truba tabig asønaptø, tru srusrane: