57	GEN 3:1	Inchen tru ulbe maya ushamera lataguen kømø, chigøben maramigwane purø may isua marøbig købig køn, Jehová Tius nø mariiløyu. Incha tru ulbe ishuwane trenchibig køn: —¿Kabe Tiusbe ñimungan tru ellmarin tulyuigwan ni mø tusryuigwanguen kerriguwan mamønrrain taig kuitarru?— cha.
65	GEN 3:9	Treendingucha Jehová Tiusbe møwan wamabe, payibig køn: —¿Ñibe chu pasrøgu?— cha
67	GEN 3:11	Inchene Tiusbe trencha payibig køn: —¿Ñune køsaatiig køn chabe, mu eshkata? cha. ¿Na mamønrrain taig tusryu mamigwan ñibe mappeendi?— cha.
69	GEN 3:13	Inchene Jehová Tiusbe ishuwane trenchibig køn: —¿Øyeebe chi margu?— cha —Tru ul nan purø may wamincha isøben, nabe mar cha— trenchibig køn.
86	GEN 4:6	Treenchene, Cainwane Jehovábe trenchibig køn: —¿Chindimbarre namøgu? cha. ¿Chindimbarre ñui maløbe ke peg misrøptinnda? cha.
89	GEN 4:9	Inchene Jehovábe Cainwane trencha payibig køn: —¿Ñui nuneg Abelbe chu unah?— cha. Inchen nøbe trencha løtabig køn: —Chindindøbeh cha. ¿Nagan nai nunewan ke tru ashib wendautø pasrabig kuitarru?— cha.
90	GEN 4:10	Inchene Jehovábe trenchibig køn: —¿Chi margu? cha. Ñui nunewei animbe piraugurri trashib nan wamøtan cha.
317	GEN 12:18	Inchen Faraónbe Abramwan wama, trenchibig køn: —¿Nan øyeebe chi margu? cha. ¿Chindimbarre ñui srain køn cha eshkamugu? cha.
328	GEN 13:9	¿Pirøbe asimburab kerriguba ñui merrab pasrømuitarru? cha. Tiusmanda nainukkurri tarømisrtra cha, ñi atsimay ibene, nabe kursmay yamønrrun cha, ñi kusrmay ibene, nabe atsimay inrrur— cha.
363	GEN 15:2	Inchendø Abrambe trenchibig køn: —Jehová Tius ¿Ñi nan keta traniibe chi puruguimøriasamørra cha, na chi urekkaigwane? Inchen tru na chine tøgamisriilan merrarranrrabiibe tru Damascosrø Eliezer kømuitarru?— cha.
369	GEN 15:8	Inchendø Abrambe trenchibig køn: —Jehová Tius, ¿tru na truigwan nain kønrraitamappe nabe mandø incha asamerah?— cha.
390	GEN 16:8	Inchabe payibig køn: —Agar, Saraiwei ka karuindiig megabig, ¿Chugurri arrugu? cha. ¿Chumay inrrab inchigu?— cha. Inchene nøbe trenchibig køn: —Nan karub pera købig Saraiwan nabe trubab welula arrur— cha.
415	GEN 17:17	Inchen Abrahambe nui maløwan pirau kebatamne utsøbasrabe, nui manrrø umbutø intsab trenchibig køn: “¿Kan møg pilamera cien tøgaig kua, unø tøga kønrrautah? cha. ¿Katø Saragucha pilamera noventa tøgaig kua, unø tøgagømdø kønrrautah?” cha.
434	GEN 18:9	truiløbe payibelø køn: —¿Ñui srai Sarabe chu wah?— cha. Inchen Abrahambe: —Yu carpa yau wainrrun— chiben,
438	GEN 18:13	Inchene Jehovábe Abrahamwane trenchibig køn: —Sarabe trenchib intsan cha, ¿Kan isa kømø, treeg kønrrab kø chinder? chib. ‘Na yan køllig købendø, kan unø tøgagømig.’
439	GEN 18:14	¿Kabe Jehováweingan kaimamdiig chi købig kuitarru? cha. Inchawei katø pila arrubigu tru chu ura treeg kønrrun taiguh, na katø ashchab arrubene, tru urasbe Sarabe kan nusrkai tøgaguen wanrrun— chibig køn.
442	GEN 18:17	Inchen Jehovábe nuinøtø treeg isubig køn: “¿Na chi martrab indigwan nagan Abrahamwan eshkamø maramuitarru? cha.
448	GEN 18:23	Inchen Abrahambe Jehováwan kemallabe, trencha payibig køn: —¿Sølgandø tabig marøbigwanba, kaig marøbigwanba tøgatø pinishinrrapteh?— cha.
449	GEN 18:24	Inchippa tru ciudayu sølgandø tabigwan marøbelø cincuenta købene, ¿tru ciudawan ka pinishinrrapteh? cha, tru ciudayu sølgandø tabigwan marøbelø tru cincuenteeløgurri ciudawan pinishimø, ¿ka købasamdiig kømuitarru? cha.
450	GEN 18:25	Treekkatig maramibe chigaaguinrrun cha, tabigwanba, kaigwanba kanbalatø kwanrrai indamig, kan pailøba treetø kalø marig kui lataig. ¡Ñibe mana treeg martrab kø! cha. Pirau muba kuimburab kerriguba maig kønrrabigwan ñi asha marøbig køppe, ¿ñibe maig maramigwan sølgandø tab asha marmønrraitirru?— cha
454	GEN 18:29	Inchen Abrahambe katøgucha: —¿Inchippa cuarenta wetørrappe?— chiben, Jehovábe trenchibig køn: —Tru cuarenteelan isua, chinchimumønrrun— cha.
455	GEN 18:30	Inchen Abrahambe katøgucha payibig køn: —Nai Señor, na øyeeg chiben namømørrunrrig cha. ¿Inchippa truyu treinta wetørrabeneh?— cha. —Tru treinteelan isua, kagøbasamønrrun— chibig køn Jehovábe.
456	GEN 18:31	Inchen Abrahambe katøgucha: —Nabe nai Señorwan ke menrra indinatan cha, ¿truyu veinte wetørraimbe maig købsruerah?— chiben, —Veinteelan isua, nabe pinishimumønrrun— chibig køn.
457	GEN 18:32	Incha katøle Abrahambe trenchibig køn: —¡Nai Señor, nan namømørrunrrig cha, i piejindøh na ñun katølø trenchibashibsrumuguh cha: ¿Inchippa truyu pa trattrø wetørraimbeh?— cha. Inchene Jehovábe trenchibig køn: —Tru pa trattrøn isuptø, pinishimumønrrun— cha.
467	GEN 19:9	Inchene nømbe trenchib løtabelø køn: —¡Yugurrimbe mendatsu!— cha. Inchabe treekkucha chibelø køn: —Ya peesriig namui utu ka tsunrrab arruatiig købendø, ¡paare! ¿namune maig maramigwan ke ñi asha karunrrab indirru? cha. Møimbe truilan lataguen kømø, ñune purø trømbøikken martrumøn— chibelø køn. Inchabe Lotwan melambua, yaskabsrø kemalla, yaskabwan wesra kutchab inchibelø køn.
470	GEN 19:12	Incha tru møguelø kørrømisrøbeløbe Lotwan trenchibelø køn: —¿Ñigan ñui yauelø mas tøgagøtirru? cha. Ñui yernomeran køben, ñui nusrkalan køben, ñui nimbasrmeran køben, yugurri wesru chibig køn.
500	GEN 20:4	Inchendø tru Abimélecbe tru ishuwane pera kib chi marmuig kua, nøbe trenchibig køn: —Señor, ¿chi kalø marmíigwangucha ñigan kwetchab indirru? cha.
501	GEN 20:5	Yamba Abraham nøtøwei ¿øyah chimuig kuitarru? cha: “Naimbe nøbe nuchag køn” cha. Inchen katø ishug misakkucha: “Naimbe nuchagwein køn” cha trendaig køn cha. Nabe nai manrrø umbugurri chi kaig isua kømøtø, nai tasiimeran chishig tøga pasrab, iigwan øyeeg marig køn— cha.
505	GEN 20:9	Inchen Abimélecbe Abrahamwan wama, trenchibig køn: —¿Ñibe namune chi mara pasrøgu? cha. ¿Pøs, nabe ñune chiyu kalø marta? cha. Ñibe naimbalaba, na misagwan karub tøga waimbalaba purø trømbøig kalø maringarubsrutan cha. Ñibe nane chi maraamíig mara pasrtan cha.—
506	GEN 20:10	Incha katø Abimélecbe Abrahamwane trenchibig køn: —¿Chi isuarre ñibe øyeeg marig kø?— cha.
521	GEN 21:7	¿Abrahamwane mugui trenchinrrautah cha, Sara ureg mutsøsrønrrun? chabe. Inchen køben, Abraham ya køllig køben nabe kan nusrkai tranar” chibig køn.
531	GEN 21:17	Inchen Tiusbe unø trashib kisigwan møren, Tiuswei ángelbe Agarwan srømbalasrøngurri wama trenchibig køn: —¿Agar, chinnda? cha. Chi kørig isumøta cha. Kaguende unø nø wainukkurri kisigwan Tiusbe mørin køn cha.
543	GEN 21:29	Inchene Abimelecbe trencha payibig køn: —Iig tru ishug ubisha-ureezheelø trattrø y par tru ñi nuingui tarømariiløbe ¿maig punrrabigwan eshkabig køh?— cha.
555	GEN 22:7	Inchabe Isaacbe nui møskai Abrahamwane: —Papá— chiben, møskaimbe: —Nai nusrkai ¿chi chinrrab inchigu?— chiben, Isaacbe trenchibig køn: —Nambe nagwanba, trarwanbabe tøgaguer cha. Inchendø tru kweecha keta tranam ubisha unøbe ¿chu pasrah?— cha.
597	GEN 24:5	Inchen tru karub peraguibe trenchibig køn: —¿Inchippa ishug unø i pirausrømay naba arrumønrrab misrene, trube, maig punrrerrah? cha. ¿Trube, ñui nusrkawan tru ñi webarrua arri pirausrømay nabe pera yam punrrautah?— cha.
615	GEN 24:23	—¿Ñibe mui nimbasr kugu? cha. Tiusmanda eshkarra cha. Katø ¿ñui møskawei yaube naba, nan lincha amrrub møgueløba chu kørrømisramdiig kø chinderah?— cha.
623	GEN 24:31	Incha Labanbe trusrø pua: —Jehová maya nuguen tabig nebuig kønrrai indi møg, amø chibig køn. ¿Ñibe wambiitøbe chinchib pasrønrragu? cha. Nabe yawane ñuyasig chab tamarar cha, katø ñui camellosmerain chigucha.—
631	GEN 24:39	Inchene nabe nun trenchibig kur cha: “¿Inchippa ishug-unø nai mendig arrumønrrab incheneh?” cha.
639	GEN 24:47	Inchen nabe “¿Ñibe mui nimbasr kugu?” cha payene, nøbe nane trenchibig køn: “Nabe Betuelwei nimbasr kur cha, tru Nacorweimba Milcaimba nusrkawei.” Inchen nabe nune kan surtigas kimyu mesrøb, kualmerayu pønsraigwan pønsrøb inchibig kur.
650	GEN 24:58	Incha nømbe Rebecan wama, payibelø køn: —¿I møøba inrraguh?— cha. Inchene nøbe: —Øø, na lincha inrrur— chibig køn.
657	GEN 24:65	tru Abrahamwei mendig megabigwan payibig køn: —¿Mugøh? cha, ø møg namun katønrrab øsrø arrubiibe.— Inchene nøbe: —Øibe nan karub pera købig truig køn— chiben, Rebecabe tru malø kasraitøga pinab kasrøptinchibig køn.
681	GEN 25:22	Inchen tru pa ureemerabe nui patsautø kwayab purrøben, Rebecabe treeg isubig køn: “Øyeeg købene, ¿chiwein kui øsig uñibig unamøtah?” cha. Incha Jehováwan payrrab ibene,
691	GEN 25:32	Inchen Esaube: —Pøs, nane parøgwabiitø ke kwamdø køtan cha. ¿Na mayur nusrkain kuimburø uta tøgaguatøbe chigui indamøtah?— chiben,
702	GEN 26:9	Abimelecbe Isaacwan wamabe, trenchibig køn: —Chima øibe ñui srain kuirreh cha. Inchendø nane ¿chindimbarre, “naimbe nuchag køn” chigu?— cha. Inchene Isaacbe trenchibig køn: —Kaguende nun nømui marøg køptø nabe pinisaig kømuitamab isua trendaig køn— cha.
703	GEN 26:10	Inchene Abimelecbe trenchibig køn: —Ñibe namune ¿chindimbarre øyeeg margu? cha. Katøguchimbe namui misagu møig køben, ñui sraimba kaig marøb waramisrig kuimasrtø cha. Incha treeg kaig mariitøga kangurrindø ñibe namune mayeelan kegørrøsrka pønsrøbsrutan— cha!.
720	GEN 26:27	Inchen Isaacbe trenchibig køn: —¿Ñimbe naimaybe chinchab amrrugue? cha. Ñimbe nane tsalø køptø, ñimui piraugurringuen nan wegucha pønrrøbendøbe?—
746	GEN 27:18	Inchen Jacobpe møskaweimbulu puabe, trenchibig køn: —¡Nai Papá!— cha. Inchene Isaacbe trenchibig køn: —Nabe yu war cha, nai nusrkai. ¿Ñibe mø nusrkain kugu?— cha.
748	GEN 27:20	Inchen Isaacbe nui nusrkawan trenchibig køn: —Nai nusrkai, ¿Mandø incharre malla wetørragu?— cha. Inchene Jacobpe trenchibig køn: —Jehová ñui Tiusbe nan petø wetørramig purugutan— cha.
752	GEN 27:24	Isaacbe katøle payibig køn: —¿Ñigan isa kømø, nai nusrkai Esaú køtirru?— cha. Inchen Jacobpe: —Nabe truwein kur— chiben,
760	GEN 27:32	Inchene Isaac møskaimbe trenchiptinchibig køn: —¿Trube, ñibe mugugu?— cha. Inchen nøbe: —Nabe tru Esaú ñui mayur nusrkain kur— chiben,
761	GEN 27:33	Isaacbe itønab menda, purø kørrø kwaarig, trenchibig køn: —¡Paare! ¿Trube muguig køh? cha, tru usha kemøra srua arrubiibe. Pøs, ñi arrumøwatø, srua arruben, nabe kerrigu chab maig køn cha. Incha nabe mayanguen tabig nebuig kømigwan nun chab tranig køn cha. Pøs, tru mayanguen tabig nebuig kømigwan tranigwane nøbe tøga kørrømisrtrun— cha.
764	GEN 27:36	Inchene Esaube trenchiptinchibig køn: —Nune Jacob cha wamappe, trendambuawei trendaig kuin køn cha. Pamayguen køn cha, nan øyeeg isa kebenøsrkøb arrig, srøtøbe na mayur nusrkain kuimburø na uta tøgagømigwan nø kerraig køn cha. Møimbe tru mayanguen tabig nebuig kømig naiwan katø nøtøwei uta tøga yain køn— cha. Inchabe katø trenchibig køn: —¿Nayasikkan tru mayanguen tabig nebuig kømigwan tranamig maitøguen tøgagømøtirru?— cha.
800	GEN 29:4	Inchen Jacobpe tru ubisha ashibelan: —¡Nai nunelø! ¿Ñimbe chuelø køgue?— cha payene: —Nambe Haransreelø ker— chiben,
801	GEN 29:5	Jacobpe katøle trencha payibig køn: —¿Nacorwei awelu Labanwan ñimbe ashibelø kømøgueh?— cha. Inchen nømbe: —Truigwane nambe ashibeløwein ker— chibelø køn.
802	GEN 29:6	Inchen Jacobpe: —¿Kwanrrø kømø, tab ka tsubig kuitarru?— cha katøyug payibig køn. Inchen tru ubisha ashibeløbe trenchibelø køn: —Nøbe tab ka tsubig køn cha. Au, ñiguen ash cha, møskawei ubishameran merrana nimbasr Raquelbe uyu arrun— cha.
811	GEN 29:15	Labanbe nune trenchibig køn: —Ñi nai yauig kuimburøtø chi pagaraimíig ka mara tranøptø megamig kømøn cha. ¿Mayanzhig pagaramø?— cha.
821	GEN 29:25	Indiibe løtsøbe, Jacoppe Leaba kib tsuptinchibrain kui ashibig køn. Incha Jacobpe Labanwane trenchibig køn: —¿Øyeebe nane ñibe chi margu? cha. ¿Yamba Raquelwan tranamwei nabe ñuyasig marøb megaig kømuitarru? cha. ¿Nane chindimbarre øyeeg isa kebenøsrkugu?— cha.
833	GEN 30:2	Inchen Jacobpe truba nama, trenchibig køn: —¿Nagan Tius kuitarru cha, ñun chi ureg chigaig kønrrai marøbiibe?—
846	GEN 30:15	Inchene Leabe trencha løtabig køn: —¿Ñibe nai kewan yeeg kerrawa pasraptøga ñungan chigucha kømui lataig mørøraitarru? cha. ¿Møimbe nai nusrkai mandrágoras srua arriilangucha nan kerranrrab indirru?— cha. Inchene Raquelbe trenchiptinchibig køn: —Tru ñui nusrkai mandrágoras srua arriilan na merrarranrrur cha, truburø møi yem Jacobpa ñi ki pøs— cha.
861	GEN 30:30	Kaguendø na yu marøb meganrrab arrumøwatøbe ñibe trengatig nørrø tøga kømuig købig, møimbe yeeg nørrø nemisran cha, na yu puikkurri Jehovábe ñune mayanguen tabiitø nebuig kønrrai maran cha. ¿Inchendø nai ureemeraimbe nabe mana marøb pølbasramø?— cha.
862	GEN 30:31	Inchene Labanbe trencha payibig køn: —¿Ñun chi tranamø?— cha. Inchen Jacobpe trenchibig køn: —Chigucha tranmørrunrrig cha. Na ñun øyeeg martra taigwan ñi tregwan martrab misrene si, nabe ñui ubishameran ashibig asamønrrun cha.
889	GEN 31:15	¿Pøs, namune ka mendailø kui lataig indig kømuitarru? cha. ¿Namune nøbe yana, truburø mara tranøb megaigwane nø chishtø maig kømuitarru? cha.
900	GEN 31:26	Jacobwane trenchibig køn: —¿Chi mara pasrøgu? cha. ¿Nane chindimbarre øyeeg may kebenøsrkøgu? cha. Kan ñigui nai nimbasrmerane kwayabyu kemøri ishumburmeran kui lataig srua yaitan cha.
901	GEN 31:27	¿Chindimbarre nane øyeeg kebenøsrkøb, trubatø nilø welula igu? cha. Nane chigucha eshkamøtøbe. Nan eshkaig kuimbeh, tab amrrigay cha, kantab, palø ichib, arpa kønab kasraatø ñimun treeg ungua cha ørøbsrubraig kuinrrun cha.
904	GEN 31:30	Ñui møskawei yauwan truba isub pesrøgøben inrrab yabe, trube, ¿nai tiusmerane chinchab nila sruaigu?— chibig køn.
910	GEN 31:36	Jacobpe truba nama, øyeeg chib namab mendabig køn: —¿Nabe ñune chi kalø marta? cha. ¿Naimbe chi kalø mari pasra? cha, ñi nan ke chinchimmørø inchib nan wendautø pasra attraimbe.
911	GEN 31:37	Ñibe nai chi købeløyu chishtø lawa, ¿ñui yau pønrrabelan chi wetørragu? cha. Inchawei ñi chi wetørrawabe, yu nai yauelai merrappa, ñui yauelai merrappa pønsrø chibig køn, nam pailainug møig søl pasrai kui nøm ashchai.
913	GEN 31:39	Nabe managuen kan kaambu namig usha kwabasiilanguen ñune srua arrumíig kur cha. Treeg kømøtø, truburøbe naguen ñun pagaramig købig køn cha. Kan trutø kønrrab kuindø ¿kwaløm niligwan lata, yem niligwan lata ñibe nan, nan ulø payibig kømøtirru? cha.
946	GEN 32:18	Incha Jacobpe tru ke srøsrø merrana ibigwane trencha karua ørøbig køn: —Nai nuneg Esaú ñun kata: “¿Ñibe muinukkurriig kugu chib, chumay inrrab arrugu? chib. ¿Ñi merrana yaig ushamerabe muielø kø?” chib payene,
956	GEN 32:28	Inchene tru møøbe: —¿Ñibe chi munchi kugu?— cha payen, Nøbe: —Jacob munchi kur— chibig køn.
958	GEN 32:30	Inchene Jacobpe trencha payibig køn: —¿Ñibe chi munchi kugu?— cha. Inchene tru møøbe trenchibig køn: —¿Nai munchiwane nane chinchab paygu?— cha. Inchen tru møøbe truyutøwei tru mayanguen tabig nebuig kønrrabigwan nune tranøbig køn.
966	GEN 33:5	Incha møimbe Esaú kurraashabe ishumburmeranba, ureezheelanba ashabe, trenchibig køn: —Iilø ñiba pønrrabeløbe ¿mumeragøh?— cha. Inchene Jacobpe trenchibig køn: —Na, ñi maig chiben marøb megabigwan, iiløbe Tius nan trani ureezheelø køn— cha.
969	GEN 33:8	Inchen Esaúbe trencha payibig køn: —¿Tru na katab arrigu øyeeg nørrø søtø, merrana amrruiløtøgabe nan chi chinrrab treenchigu?— cha. Inchen Jacobpe trenchibig køn: —Ñi nane kan chigucha inchimø, ñuin kabyu tab kui asig kønrrab øyeeg marar— cha.
1012	GEN 34:31	Inchene nømbe trencha løtabelø køn: —¿Nø isuppe, kabe namui nuchawane trømbøig martrab nui asrwan anwei yanøb ishug kui lataig mara kutchain kuitarru?— cha.
1092	GEN 37:8	Inchene nuneløbe trencha kusrua løtabelø køn: —¿Treekkan namui rey misra, namune ke ñi karub tøga pasrønrrab inchib pasrøtirru?— cha. Incha masken ashig kømui inchibelø køn, tru piailan, nø waminchen.
1094	GEN 37:10	Incha møskawanba, nunelanba treeg eshkabene, møskaimbe øyeebe chisun waminchab arrugu trenchiptinchibig køn: —¿Tru ñi øyeeg piaig tøgaguitøgabe namune manchibrre inchigu? cha. ¿Ñui usrimba, ñui nuneløba, naba, kabe ñun piraugatig utsøbasrtrain kønrrab kø chindah?— cha.
1099	GEN 37:15	Indiibe Josébe trusrø pua, truba lab llirab uña, pella pasrøbene, kan møg katabe, payibig køn: —¿Chi lagu?— cha.
1114	GEN 37:30	Incha nunelan trenchinrrab ibig køn: —Yandø matsinube mugaagøn cha. ¿Nabe møimbe chindamer?— cha.
1136	GEN 38:16	Inchen nøbe tru nui yerna kuitamab isumøtø, may menda waben kemallabe, trenchibig køn: —Ñiba kigun— cha. Inchen nøbe: —Ñiba, naba treeg maramig, na, øn tamibe ¿chi tranrrunrragu?— chibig køn. Inchene nøbe trenchibig køn:
1138	GEN 38:18	Inchene Judábe trencha payibig køn: —¿Chi kørrømaramø?— cha. Inchene nøbe trenchibig køn: —Ñui sellon tru ilin tsiwanbañau, tru pøtønain tsig ñui tasku srua pasraigwanba kørrømartra— cha. Inchen Judábe truilan tranabe, tru Tamarba kib waramisra treeg maren, nøbe kwanrriig kørrømisrig køn.
1141	GEN 38:21	Inchen nøbe truyu warab misaameran trencha payibig køn: —¿Peg møgueløba kaig marøb ishug tru Enaim may menda wabiibe chu wah?— cha Inchen nømbe trenchibelø køn: —Peg møgueløba kaig marøb ishuuma yube mumaganug køn— cha.
1159	GEN 39:9	I yaube natøwei mas nuig kur cha, chiwanguen ashmønrrai nane meriibe chigaagøn cha, ñundøh na chi asamig kømønrrai nøørø køn taig køn cha, kaguende ñibe nui srain kuimba. ¿Nabe nune øyeeg kaig marøb mandø pasramø cha, Tiuswan purø trømbøig marøb?—
1180	GEN 40:7	nøbe trencha payibig køn: —¿Ñimbe møimbe chindimbarre ke peg misriilø purrøgue?— cha.
1181	GEN 40:8	Inchene nømbe trenchibelø køn: —Nambe pailøba piailø tøgagøbendø, muguen kan øyeeg køn cha eshkanrrabiibe mugaagøn— cha. Inchene Josébe trenchibig køn: —¿Piailan ‘øyeeg køn’ chinrrabiibe Tius nø kømuitarru? cha. Er eshkarra pøs— chibig køn.
1234	GEN 41:38	Faraónbe tru nui karuilane trenchibig køn: —¿Tiuswei espíritu nuinug arrua pasrainabig, katøgan øyeeg møg wetørranrrautah?— cha.
1260	GEN 42:7	Inchen Josébe tru urastø nømune nui nunelø kui møi møi nebua ashibig køn. Inchendøgucha ashmíig misrøppa, nømune purø tsag waminchib trencha payibig køn: —¿Ñimbe chugurri amrrugue?— cha. Inchen nømbe: —Canaán pirausrøngurri tirigu penønrrab amrruer— chibelø køn.
1281	GEN 42:28	Inchen nøbe nui nunelan trenchibig køn: —Nai anwane nane katøle pusrin kømøh cha. Yu nai kustalyu ka purran— cha. Inchene nømbe larrø kørrø kwariilø, nømui manrrøbe ke webørsrab lata inchen, kangurri, kangurri trendiyabelø køn: —¿Namun øyeeg nebuinab pønrramig kønrrai kabe Tius treeg mara chinderah?— cha.
1297	GEN 43:6	Inchene Israelbe trenchibig køn: —Ñimgui nane purø trømbøig kalø mariitan cha. ¿Tru møwane katøgan nuneg tøgaguer chabe, chinchabrre eshkainguaasamørra?— cha.
1298	GEN 43:7	Inchene nømbe trenchibelø køn: —Kaguende tru møøbe namuimburappa, namui yauelaimburappa ke chine tab, tab payibig køn cha. Inchabe trenchibig køn cha: “¿Ñimui møskaimbe ka øsig wabig køh? cha ¿Ñimbe katøgan nuneg tøgagøgueh?” cha. Pøs nambe, nø mancha payiilan ka løtamiitøwein kuig køn cha. “Ñimui nunewan pera amrrunrrigay” chinrraitamappe, ¿kan nambe mu isua pønrraig køtah?— cha.
1318	GEN 43:27	Inchen Josébe payibig køn: —¿Maig meløgue? cha, ¿Tru ñim wamindig ñimui møskai kølli misaazhikkan katøgucha ka øsig wabig kuitarru?— cha.
1320	GEN 43:29	Inchen Josébe nuin pøtøgatan ashabe, tru kan møskaindø, kan usrindø kuikkurri nuimbe trag nuneg Benjamín pasrai ashabe, trenchibig køn: —¿I tru ñimui wendø nuneg kuitarru cha, tru ñim nan wamindig?— Inchabe trenchibig køn: —Tius maya nuguen ñun tab indig kønrrain cha, nai nusrkai.—
1329	GEN 44:4	Inchen tru møgueløbe tru ciudayugurrimbe ke tre yab ammø, srø køben, Josébe nui yau ashib wab møwane trenchiptinchibig køn: —Tru møguelan wetøgønrrab møi møi malla inrrø cha. Incha wetøgabe, trenchinrrig cha: “Namgurrimbe yeeg tab inchen, ñimbe chindimbarre kaig mara amgue? cha. ¿Andøga marin copan chindimbarre nila srua amgue? cha.
1332	GEN 44:7	Inchene nømbe trencha løtabelø køn: —¿Tru namun ashib karubiibe namune chindimbarre øyeeg chinetø tah? cha. ¡Kan! nambe managuen treekkøliibe mara kømer cha.
1340	GEN 44:15	Inchene Josébe trenchibig køn: —¿Ñimbe øyeebe mumay marøb pønrrøngue? cha. Kan møg chi chippe treegwan kønrrai inchibig na lataibe ñim chi kalø martrab indigwan kabe wetøbeñmønrraitamagueh— cha.
1344	GEN 44:19	Ñi namui karubiibe namune øyeeg chib payig købig køn cha: “¿Ñimbe katøgucha møskawan ka wannar køgueh, kabe katøgan nuneg kui tøgar køgueh?” chib.
1359	GEN 44:34	¿Nabe mandø yamø cha, matsinø-unø naba arrumubene? Trube, nane nai møskawane larrø lastimazhig isui indi ashig kømøtan— chibig køn.
1362	GEN 45:3	Incha Josébe nui nunelane trenchiptinchibig køn: —Nabe José kur cha. ¿Nai møskaingan tab ka wabig kuitarru?— cha. Inchen nuneløbe larrø kørrø kwaara, ni chigucha løtønrrab kaimaptinchibelø køn, nømbe nui merrab ni mumayguen kømuilø pønrrøwa.
1420	GEN 46:33	Inchawei Faraón ñimun wama: “¿Ñimbe chi marøbelø køgue?” cha payene,
1424	GEN 47:3	Inchen Faraónbe trencha payibig køn: —¿Ñimbe chi marøbelø køgue?— cha. Inchen nømbe Faraónwan trenchibelø køn: —Nam ñui karuig melabeløbe ubishamera køben cabrasmera køben karrøgøbelø treelø ker cha, namui merrabsrø møskalø lataitøwei.—
1429	GEN 47:8	Inchen Faraónbe Jacobwan trencha payibig køn: —¿Mam pila tøgaig kugu?— cha.