1	GEN 1:1	Ke srøtø chigucha chigaaben, Tiusbe srømbalameranba, pirøwanba marig køn.
6	GEN 1:6	Katø Tiusbe trenchibig køn: “Larrø lendiig chiguchagaig kønrrain cha, tru pimeran nuingui, nuingui tarømartrabig tøbøtag pasrønrrai.”
9	GEN 1:9	Katø Tiusbe trenchibig køn: “Srømbalamerai umbu pimera købeløbe kanbalatø misrtrain cha, pur kenamisrtrai.” Inchen treeg kuig køn.
18	GEN 1:18	Kwalømwan lata, yemwan lata pilamburab pilabeløbe nøm pønrrønrrai marig køn, tørwanba, løstiigwanba tarømartrabelø. Incha Tiusbe tabig kui asig køn.
29	GEN 1:29	Incha Tiusbe trenchibig køn: “Asay cha, nabe ñimune pirau mamig nigab kauzheelø yellmera tøgartø kønrrai tranar cha. Katø maya tusrmera mamig nigabelø, yell tøgarmera tranar cha, iibe kerriguba ñim mab kømig kønrrai.”
44	GEN 2:13	Inchen tru wendau pibe Kihón taig, truibe tru Cus pirø muba kuimburab pureb ibig køn.
57	GEN 3:1	Inchen tru ulbe maya ushamera lataguen kømø, chigøben maramigwane purø may isua marøbig købig køn, Jehová Tius nø mariiløyu. Incha tru ulbe ishuwane trenchibig køn: —¿Kabe Tiusbe ñimungan tru ellmarin tulyuigwan ni mø tusryuigwanguen kerriguwan mamønrrain taig kuitarru?— cha.
99	GEN 4:19	Incha Lamecbe nuyasig pagatø ishumburmera tøgaguig køn. Kan ishuwei munchibe Ada købene, katøgan ishuwei munchibe Zila købig køn.
102	GEN 4:22	Inchen Zilagucha Tubal-Cainwan tøgaguig køn. Truibe chigurrimbunø bronce tsandzøntøgaba, hierro tsandzøntøgaba larrø tabelø marøbig kuig køn. Katø Tubal-Cainwei nuchaabe Naama købig køn.
103	GEN 4:23	Kan piji Lamecbe nui sralan trenchibig køn: —Adaba, Zilaba, nai wamwan mørtray cha. Lamecwei sralø, nai wamwan tab mørtray cha. Nan kørriinchen, nabe kan møwan kweechib, nan mur kebachen, nabe kan matsinan kweechar cha.
145	GEN 6:7	Incha Jehovábe trenchibig køn: “Misagwan mara pønsrailan chigucha kaanrrai patsøgønrrab cha, misagwan lata, ushameran lata, srala amøñibelan lata, pala amøñib illimeran lata. Karrenguitamab isur cha, øsig kønrrai na mariilan.”
151	GEN 6:13	Inchen Tiusbe Noéwane trenchibig køn: —Maya misagwan øyandø kønrrai nabe treeg isur cha. Kaguende nømgurrindø pirøbe larrø trømbøitø netsaim pasran cha. Incha nømune pirøwanbañau pinishinrrab cha.
155	GEN 6:17	Kaguende nabe pirau pi pulab arrubig ørtrab kur cha, tru srømbala umbuwan chigurrimbunø øsig warabelan pinishinrrai. Inchawei pirau chigurrimbunø købiibe chishtø pinønrrun cha.
163	GEN 7:3	Katø treetøwei pala illimerangucha, trattrø y pagatøbatø kertrig cha, møøba, ishuuba, pirau tru illimeran piniimíig tøgagønrrab.
164	GEN 7:4	Kaguendø trattrø y pa kwalømyube yu pirau kwalømmera cuarenta, yemmera cuarenta purayamne sre pungarumønrrun cha. Na mariilø chigurrimbunø øsig købigwane kerrigu chish paluuncha pinisamønrrun cha.
205	GEN 8:21	Inchen larrø mayzhig irrabig nuinug puben, Jehovábe trenchibig køn: “Misakkurrindø pirøwane managuen katølebe larrø trømbøig nebuim pasrønrrai marmumønrrun cha, kaguende møwei manrrøbe shushkurrimbunø kaigwandø, kaigwandø martrab isubelø køn cha. Katø chigurrimbunø øsig købigwane katølebe kerriguba pinishimumønrrun cha, møi lataibe.
239	GEN 10:4	Inchen Javanwei nusrkaløbe: Elisa køben, Tarsis køben, Kitim køben, Rodanim købengue.
271	GEN 11:4	Incha trugurrimbe trenchibelø køn: “Kan ciuda margun cha, kan purø palaig marig tøgaig, truibe pala patsabsrømbe srømbalasrøngatig kachibikke. Treekkurrimbe mugui nebua asiilø nørreelø misra, pirø muba kuimburab ke tru ørøtø amba waramig kaanrrun” cha.
336	GEN 13:17	Kurra, tru pirø yammay maya yab kuigwanba, lendømay mayan kuigwanba llirab inrrø chibig køn, kaguende nabe ñun tranamig køn— cha.
342	GEN 14:5	Incha tru pa tratrø y pib pilayube Quedorlaomerbe tru reymera nuingatø pønrrabeløba Astarot Karnaim pirausrømay amba, truyube refaitasmeran kanawa kørrømarøppe, Ham taisrømbe zuzitasmeran, Save Quiriataimsrømbe emitasmeran,
370	GEN 15:9	Inchene Jehovábe trenchibig køn: —Kan ishug waara-unøzhig pøn pilaiba, kan cabra pøn pilaiba, kan carnero pøn pilaiba, katø kan palomaba, kan paloma-unøzhiiba srua amø— cha.
395	GEN 16:13	Incha Agarbe Jehovába wamindig køppe, nøbe nune trencha wamabig køn: —Ñibe tru nan ashib wab Tius køn— cha. Kaguen Agarbe trenchibig køn: “Øsig Wab, katø Nan Ashibigwan nabe ashar” cha.
403	GEN 17:5	Ñibe mas Abram munchi kømøtø, ñibe Abraham cha wamig kønrrun cha. Kaguende nabe ñune tru purø nørrø chi misag søtømeraindøgucha ñibe nømui møskain kønrrai pasrar cha.
405	GEN 17:7	Katø nabe, ñiba ñuinukkurri amrrub misaameraba øyeeg martrab cha kørrømaramønrrun cha, katøle srøig, srøig misag kurrab amrruimørig katø øyeeg martrab cha mara pasramønrrun chibig køn, managatig pasrønrrabig, nabe ñuimba, ñuinukkurri amrrub misaameraimba nabe pasrabig pasrøwa, managatig nømuyasig Tius kømønrrun cha.
415	GEN 17:17	Inchen Abrahambe nui maløwan pirau kebatamne utsøbasrabe, nui manrrø umbutø intsab trenchibig køn: “¿Kan møg pilamera cien tøgaig kua, unø tøga kønrrautah? cha. ¿Katø Saragucha pilamera noventa tøgaig kua, unø tøgagømdø kønrrautah?” cha.
438	GEN 18:13	Inchene Jehovábe Abrahamwane trenchibig køn: —Sarabe trenchib intsan cha, ¿Kan isa kømø, treeg kønrrab kø chinder? chib. ‘Na yan køllig købendø, kan unø tøgagømig.’
439	GEN 18:14	¿Kabe Jehováweingan kaimamdiig chi købig kuitarru? cha. Inchawei katø pila arrubigu tru chu ura treeg kønrrun taiguh, na katø ashchab arrubene, tru urasbe Sarabe kan nusrkai tøgaguen wanrrun— chibig køn.
460	GEN 19:2	Inchabe trenchibig køn: —Nai kasukumera, na ñui karui megabigwei yausrø kørrømisrtrab amrrurray cha. Incha ñimui katsiimeran kwallchigay cha. Incha srønabe løtsø kurra ñimui ambamigwan amrrigay— cha. Inchen nømbe trenchibelø køn: —Kah cha, møi yembe nambe yu umbu puinuutø, ka kørrømisrtrab ker— cha.
466	GEN 19:8	Nabe pagatø nimbasrmera tøgaig kur cha, managuen kan mu møøba kimeelø. Nabe truilane wertrur chibig køn, ñim truilan maig marøg køben martrigay cha. I møguelane chigucha treebe marmørrunrrigay chibig køn. Kaguende truiløbe nai yaambu mugøben kaig martrab inchib kønrrain kømøtø, na ashib tøgaguilø purran— cha.
471	GEN 19:13	Kaguende nambe i ciudawan kerrigu pinisamig køn cha. Tru katøgan misaamera yeeg kaig martan chib trashib eshkab melaibe Jehová nø waisrø puin køn cha. Inchagurri Jehovábe namune ciudawan pinishinrrai ørig køn— cha.
476	GEN 19:18	Inchene Lotbe trenchibig køn: —Kah, cha nai kasuku na ñim maig taigwan megabig tiusmanda, treebe kaimamønrrun cha.
480	GEN 19:22	Trube, øsig kug købene, mallatø trusrømay lul chibig køn. Kaguende ñi trusrø pumuatøbe, nabe chigucha martrab kaimamønrrun— cha. (Inchagurri tru ciudawane Zoar cha wamig kuig køn.)
485	GEN 19:27	Katø kwaløm Abrahambe løtsø kurra Jehovába tru nø waminchib pasraisrømay ya,
503	GEN 20:7	Inchawei ñi katøle nui keeba inrrai ibashmuisruandøbe ñibe isa kømø, kwanrrabguen cha, ñui yau mutø purrabelø køben truiløbañau. Kaguendø nøbe Tius maig karuigwan eshkabig køn cha. Incha ñi øsig kønrrai ñuimburø purøwaminchun cha—
514	GEN 20:18	Kaguende Jehovábe Abrahamwei srai tru Saran øyeeg puraiben Abimelecwei yauelane ureg chigaanrrai mayeelai matrizwan kasraig kua.
530	GEN 21:16	usrimbe truyugurri kan maya yabgøsrøn ashib wanrrab tarømisrøbig køn. Kaguende nøbe treeg isubig køn: “Nai unan kwai ashig kømøtan” cha. Inchen usri wamisren, unøbe trashib kishibig køn.
531	GEN 21:17	Inchen Tiusbe unø trashib kisigwan møren, Tiuswei ángelbe Agarwan srømbalasrøngurri wama trenchibig køn: —¿Agar, chinnda? cha. Chi kørig isumøta cha. Kaguende unø nø wainukkurri kisigwan Tiusbe mørin køn cha.
532	GEN 21:18	Kurra ya, unan tasku kemøra, srua pasramisr cha, kaguende nabe nuinukkurri misaamera purø nørrø søtø kønrrai maramønrrun— cha.
538	GEN 21:24	Inchen Abrahambe trenchibig køn: —¡Katø! nabe treeg marmø kømø, maramønrrun— cha.
540	GEN 21:26	Inchen Abimelecbe trenchibig køn: —Nabe øyeegwane murreendi mørmur cha. Katø ñigucha nan wammørøsrømøwei inchene, nabe møinguen wammørøb pasrar— cha.
550	GEN 22:2	Tiusbe trenchibig køn: —Møimbe ñui kandø nusrkai ñi truba undaaraigwan pera, Moriah pirausrømay ya, truyu kweecha, nan keta trannrra chibig køn. Kan tunyu maramigwan na eshkarrumøn— cha.
562	GEN 22:14	Incha Abrahambe truyube “Jehová Chi Palabigwane Nø Ashibig Køn” cha munchi pasra wamig køn. Incha møin kwalømgatig trenchibelø køn: “Tru tunyube chi palabigwane Tius nø ashchun” cha.
564	GEN 22:16	trenchibig køn: —Na Jehovábe mui katøganwei merrab kømø, nabe naasiitø marig kørrømisrtrai maramønrrun chib pasrar cha. Kaguende ñibe øyeeg maran cha, ñui kandø nusrkawan øyeebe marøkkømøtan chib, nan trenchib pasrømøtø.
569	GEN 22:21	Ke srøsrø tøgagui nusrkaimbe Uz køben, tru wendaube Buz køben, trugurrimbe Kemuel køben købig køn.
572	GEN 22:24	Katø Nacorbe nui linchaig Reumába nusrkalø tøgaguig købig køn. Truiløbe Teba taig køben, Gaham taig køben, Tahas taig køben, Maaca taig køben kuig køn.
606	GEN 24:14	Incha na tru srusran øyah taig truig kønrrain cha: “Na lamø pi mutsamig kønrrai tiusmanda ñui køtsøn pinøsru” chiben, nøbe løtappe: “Muchi cha. Katø ñui camellosmeran chigucha na pi mutsøsramønrrun” cha trenchibig, truig kønrrain cha, tru ñi lawa wesruig, ñui karuig megabig Isaacweyasig. Øyamay nabe wetøbenamønrrun cha, ñi nan karub peragøbigwan purø tab indigwan.—
615	GEN 24:23	—¿Ñibe mui nimbasr kugu? cha. Tiusmanda eshkarra cha. Katø ¿ñui møskawei yaube naba, nan lincha amrrub møgueløba chu kørrømisramdiig kø chinderah?— cha.
682	GEN 25:23	Jehovábe trenchibig køn: —Ñui patsaube misaamera purø nørrøbatø pa søtø køn cha. Misagwan ashib karub pønrrønrrabelø pailø nørreelø ñui patsau purraisrøngurri nøørømisrøbguen purran cha. Kane katøgan lataguen kømø, mu chindamgaig kønrrabig køn cha. Inchen mayur kal-labiibe wendiig nø karuig meganrrabig køn— cha.
685	GEN 25:26	Inchen tru wendau nuneebe Esauwei talunwan merrarraweig kal-laben, treekkurri Jacob munchi pasrig køn. Inchen Isaacbe tru parcheelø kal-labene, pilamera sesenta tøgaig kuig køn.Nø Mayur Kal-laig Nusrkain Kuimburø Nø Uta Tøgagømigwan Yanøb
692	GEN 25:33	Jacobpe trenchiptinchibig køn: —Møin kwaløm ¡katø! treegwan marmø kømø, maramønrrun chirra— cha. Inchen nøbe: —¡Katø! treegwan maramønrrun— cha kørrømisra, nø mayur nusrkain kuimburø uta tøgaguigwan Jacobpa yunømariyabelø køn.
698	GEN 26:5	Kaguende Abrahambe tru na maig taig wamwan nan møra, treeg kørrømisrtrai marig køn cha, tru øyeeg kømig køn cha na wamindigwanba, martrai na karua pønsrailanba, mandø kømigwan eshkawa pønsrailanba, katø mu chindamgaig martrai karua pønsrailanba.—
702	GEN 26:9	Abimelecbe Isaacwan wamabe, trenchibig køn: —Chima øibe ñui srain kuirreh cha. Inchendø nane ¿chindimbarre, “naimbe nuchag køn” chigu?— cha. Inchene Isaacbe trenchibig køn: —Kaguende nun nømui marøg køptø nabe pinisaig kømuitamab isua trendaig køn— cha.
703	GEN 26:10	Inchene Abimelecbe trenchibig køn: —Ñibe namune ¿chindimbarre øyeeg margu? cha. Katøguchimbe namui misagu møig køben, ñui sraimba kaig marøb waramisrig kuimasrtø cha. Incha treeg kaig mariitøga kangurrindø ñibe namune mayeelan kegørrøsrka pønsrøbsrutan— cha!.
714	GEN 26:21	Inchen katøgan pisu lalla wesruben, katø truikkurri treetøwei mur aleguiyabelø køn. Incha truigwane “Sitna” (‘Ashig Kømui Indiyab Kørrømisrin Pi’) cha munchi pasrig køn.
715	GEN 26:22	Inchen Isaacbe truyugurri nøørømisra ya, katøgan pisu lalla wesraben, yandø tru pisuwane “Rehobot” cha munchi pasrig køn (‘Pishindø Tab Waramdiig Køn’ chib). “Møimbe chigømø llirab waramig kønrrai Jehovábe trandan cha nam i pirau merraptø webambamig kønrrai”
726	GEN 26:33	Inchen Isaacbe i pisuwane “Seba” cha munchi pasrig køn trenchippe: ¡Katø! marmøgømø maramønrrun tain pisu cha. Inchawei tru ciudawane møin kwalømgatig “Beerseba” cha wamig køn.
727	GEN 26:34	Inchen Esaube pilamera cuarenta tøgagua, Judit taigwan nui srai marig køn, tru hitita Beeri taigwei nimbasrwan. Katø trugurri tru Basematwan srai marig køn, tru hitita Elónwei nimbasrwan.
729	GEN 27:1	Indig Isaac yandø larrø kølliizhig misren, nui kammerabe yandø pilømuben, yandø ashchab kaimabig købig køn. Kan kwaløm nui mayur nusrkai Esauwan wamabe, trenchibig køn: —Nai nusrkain— cha. Inchen nøbe: —Nabe yu war— chiben,
734	GEN 27:6	Inchen Rebecabe nui nusrkai Jacobwane trenchiptinchibig køn: —¡Au! nabe ñui møskai Isaacbe ñui nuneg Esaúba: “Kan usha kemøra larrø may mamiizhig tamara, srua attrig” chib øyeeg waminchen trunun mørar cha.
747	GEN 27:19	Inchene Jacobpe trenchiptinchibig køn: —Nabe Esaú, ñui mayur nusrkain kur cha. Nabe ñi maig taigwan marar cha. Kurra, wamisra na kemøra srua arrigwan ma chibig køn. Tru mayanguen tabig nebuig kømigwan nayasig Tiuswan miaben na utønrrab— cha.
776	GEN 28:2	Kurra, Padan-Aram pirausrømay inrrø cha, tru Betuel ñui usrai møskai waisrømay. Incha ñui kuchimøskai Labanwei kan nimbasrwan ñui srain kønrrai lanrrig cha.
778	GEN 28:4	Katø Abrahamwan tru mayanguen tabig nebuig kønrrai trannrrab misrig købigwan ñunba, ñuinukkurri amrrub misaameranba ñun trannrrain cha. Tru møiya ñi peesrøngurri ka arruatø lataig tsuin pirøwan ñimui mara waramig kønrrai, tru pirøwan Abrahamwein kønrai Tius nun keta trannrrabmisra kørrømisrig købigwan.—
786	GEN 28:12	Inchen truyu nun piappe treeg piabig køn: Kan escalera, srømbalasrøngurri pirausrø punøsrkain pasrappe, tru kappe srømbalasrø kebacha pasrøben, møimbe truwane angelesmera nebambamba, kørrørrumba inchib køben,
802	GEN 29:6	Inchen Jacobpe: —¿Kwanrrø kømø, tab ka tsubig kuitarru?— cha katøyug payibig køn. Inchen tru ubisha ashibeløbe trenchibelø køn: —Nøbe tab ka tsubig køn cha. Au, ñiguen ash cha, møskawei ubishameran merrana nimbasr Raquelbe uyu arrun— cha.
803	GEN 29:7	Inchene Jacobpe trenchibig køn: —Kwalømdø srø køn cha. Ubishameran kanbalatø mara keramibe menrra tørbatø køn cha. Pi mutsøsra, pu manrrai katø merranamdiig kømuita— cha.
861	GEN 30:30	Kaguendø na yu marøb meganrrab arrumøwatøbe ñibe trengatig nørrø tøga kømuig købig, møimbe yeeg nørrø nemisran cha, na yu puikkurri Jehovábe ñune mayanguen tabiitø nebuig kønrrai maran cha. ¿Inchendø nai ureemeraimbe nabe mana marøb pølbasramø?— cha.
864	GEN 30:33	Pøs Srøna trumarsrø tru na kanab megaigwan ñi ashchab arruben, tab marigwan kenamartrabibe truig kønrrun cha. Kabe kan ubisha kui, kabe kan cabra-unø kui rayas tøgar kømøwei, tsureelø kømøwei, kabe kan ubisha-unø yalig kømøwei, tru utu ñi treelø wetørrappe, trube, nabe ñuyelan nilab megaig kønrrun— cha.
900	GEN 31:26	Jacobwane trenchibig køn: —¿Chi mara pasrøgu? cha. ¿Nane chindimbarre øyeeg may kebenøsrkøgu? cha. Kan ñigui nai nimbasrmerane kwayabyu kemøri ishumburmeran kui lataig srua yaitan cha.
905	GEN 31:31	Inchene Jacobpe Labanwane trenchibig køn: —Kaguen nane kørig kuig køn cha, inchippa ñi ñui nimbasrmeran nan namiimay kebya kerraptinchaitamab.
912	GEN 31:38	Na møi ya pib trattrø pilamera na ñuyasig marøb megaben, mana ñui ubishamera, ñui cabramera lutø llumuig køn cha. Katø nabe ni managuen ñui ubisha søtømerayugurri carnero kandøguen ma kømøwein kur cha.
913	GEN 31:39	Nabe managuen kan kaambu namig usha kwabasiilanguen ñune srua arrumíig kur cha. Treeg kømøtø, truburøbe naguen ñun pagaramig købig køn cha. Kan trutø kønrrab kuindø ¿kwaløm niligwan lata, yem niligwan lata ñibe nan, nan ulø payibig kømøtirru? cha.
914	GEN 31:40	Kwalømbe nabe pachig købiitø kwamdiig kui megab, yemmerawane kørrag købiitø kwamdø kui megainaben, kiguen pumíig køn cha.
927	GEN 31:53	Inchen ñui awelu Abrahamwei Tiusba, katø ñui awelu Nacorwei Tiusba maig maramigwan namun nø asha martrain— chibig køn. Inchen Jacobpe tru nui møskai Isaac kørig tøga pasraig Tiuswei merrab: “¡Katø! marmø kømø, nabe treeg maramønrrun” chibig køn.
949	GEN 32:21	Incha katø trenchinrrigay cha: “Ñui karuig megabig Jacobpe namui wendau arrun” cha. Kaguen Jacobpe treeg isubig køn: ‘Tru na keta trana øriilanmerrig nun pungaruabe, tru nø namig kørrømisrig købig yandø kuchi tammisren, trugurrimbe nui maløwan asamønrrun’ cha.
957	GEN 32:29	Inchene tru møøbe trenchibig køn: —Ñibe yandø Jacob cha wamig kønrrabig kømøtø, Israel cha wamig kønrrabig køn cha. Kaguende ñibe Tiusba, møgueløba truba melambuyab tranrriyaigu, ñibe kullaaramøn— cha.
974	GEN 33:13	Inchene Jacobpe trenchibig køn: —Nai nuneg, ñibe asiinrrabguen cha, nai ureemerabe kullaguelø srø køn cha. Katø ubishamera køben, waaramera køben, ureezheelø perartø køn cha. Na menrra trømbøig malla merranene, nai ubishamerabe kan kwalømyutø kerriguba chab kwanrrun cha.
975	GEN 33:14	Ñi, nai ashib karubiibe, ñi karuigwan marøb megabigwei merrabmisra ka ashirrunrraguh cha. Nabe nai ubishameran køben, cabrameran køben, waarameran køben, merraniilø maig amben, nabe tsøndatø treeg arrumønrrun cha. Katø ureezheeløgucha nøm maig ambub meløben, tsøndatø treetø arrumønrrun cha, Seirsrø ñun wetøgamsrøngatig.—
995	GEN 34:14	Incha nømbe trenchibelø køn: —Nambe namui nuchawane kan møg circuncidamíigwane trannrrab kaimamønrrun cha. Kaguen namuiwan purø trømbøig mindishib kørig marinab pønrramig køn cha.
1013	GEN 35:1	Tiusbe Jacobwane trenchibig køn: —Kurrab, Betelsrø tsunrrab inrrø cha. Trusrømbe, tru ñui nuneg Esaúwan ñi trubab arruben kenamisrøb Tiuswan kan altar kusrunrrig— cha.
1039	GEN 35:27	Incha Jacobpe Isaac nui møskawei yausrømay ibig køn, Mamre taisrømay Kiriat Arba pulusrø, tru Hebrón cha wamiisrømay, Abrahamba, Isaacba tsuig købiisrømay.
1044	GEN 36:3	Katø Basematwangucha nui srain kønrrai marig køn, truibe Ismaelwei nimbasr Nebaiotwei nuchawan
1052	GEN 36:11	Inchen Elifazwei nusrkaløbe Temán køben, Omar køben, Zefo køben, Gatan køben, Kenaz køben købig køn.
1056	GEN 36:15	Iilø kuig køn tru Esaúweinukkurri amrrub misaamera, nørreelø nøm asha karubelø, tru Esaúwei mayur nusrkai Elifazwei nusrkalø: Temán køben, Omar køben, Zefo køben, Kenaz køben,
1067	GEN 36:26	Inchen Disónwei nusrkaløbe iilø kuig køn: Hemdán køben, Esbán køben, Itrán køben, Kerán købengue.
1083	GEN 36:42	Kenaz køben, Temán køben, Mibzar køben,
1105	GEN 37:21	Inchen Ruben iigwan mørabe, nømui taskabe chi marmønrrai isua: —Kweechimugun chibig køn.
1117	GEN 37:33	Inchen Jacobpe trunun nebua ashippe: —Nuiwein køn chibig køn. Kan namig usha webarrua kemøra, pitis mara, mainrrun— cha.
1119	GEN 37:35	Inchen nusrkaløba, nimbasrmeraba isumønrrai maya, maya inchib melaingucha, nøbe trunune mørøg kømui inchibig køn. Incha nusrkawan isub, kishib trenchibig køn: —Kwabelø israb waraisrø na nøba tsunrrab yamnegatig nai nusrkawane isub tøga kømønrrun— cha.
1125	GEN 38:5	Incha katø maya yanayu køsrøn katøgan nusrkai tøgamisra, truigwane Sela cha wamig køn. Truibe tru unan tøgagøb urasbe Kezibsrø tsuig kuig køn.
1137	GEN 38:17	—Nai ubisha søtømerayugurri kan cabro-unøzhig trana øramønrrun— cha. Inchene nøbe trenchibig køn: —Kan chigøsrøn ñuiwan kørrømartra cha, ñi tru trannrrab misrigwan na utamnegatig.—
1143	GEN 38:23	Inchen Judábe trenchibig køn: —Kerriguba ka tøga kørrømisrbashshu cha, namun ke chinetø chib indza asiinab pønrramig kømønrraimbe. Inchendø tør kønrrain cha, nabe cabro unane tru ishuwan trana øren, tru ishuwane ñibe wetørramuigwan— cha.
1173	GEN 39:23	Inchen tru keerin pønrrabelan nø karubiibe chi isua asamikken palømíig køn, José nø asha marøb pasraigwane. Kaguende Jehovábe Joséba pasrøwa, nø chi mariilane merraptø, merraptø webinrrai marøbig køn.
1188	GEN 40:15	Kaguende nane hebreosmerai pirausrøngurri nane namiimay merrarrawa, srua amrruig køn cha. Nabe yu Egipto pirau chigøben kalø mara kømur cha, na yu merrarrawa keerig wamig.—
1215	GEN 41:19	møimbe katø tru wendaube trattrø y par treetøwei waaramera larrø trømbøgøleelø, ke tsutsiiba, kalusbateelø, ¡katø! itapteelø piugurri werrubelø køn cha. Kan managuen Egipto pirau nabe øyeeg kalargølig trømbøgøleeløbe ashmuig køn cha.
1217	GEN 41:21	Inchendø truilan mappe, mabendø, kan chigucha mamøwa lataitøweih pønrrabelø køn cha. Kaguende maig købeløbe treeg trømbøig kalargøleetøweih pønrrabelø køn. Inchen nabe kasraptindinabig køn cha.
1235	GEN 41:39	Incha Faraónbe Joséwane trenchibig køn: —Ñi lataig kusrebig chigui asha tab martrabiibe mugucha katøgane kaagøn cha. Kaguende Tiusbe ñune kerrigu iigwan nebua asingaruin køn cha.