26	GEN 1:26	Incha Tiusbe trenchibig køn: “Møg misag margun cha, nam mailø køben ke tre lataitøwein køb, katø nam lataitøwei isub, marøbelø kønrrai. Incha maryu piyaumeran, srømbala amøñib illimeran, kusreeg ushameran, namig ushameran, pirau sralig ambub ushameran, truilø nun chinchaingaig, nø ashib tøga pasrønrrain” cha.
27	GEN 1:27	Incha Tiusbe møwan marøppe nø maig køben ke tre lataitøwein kønrrai marig køn. Pøs nøbe tre lataitøwein kønrrai marig køn. Møg misag, ishug misag treeg marig køn.
49	GEN 2:18	Incha trugurrimbe Jehová Tiusbe trenchibig køn: —Møg nøtø unamiibe chi tab kømøn cha, nun purugunrrabig nø maig palain køben, treegwan martrab— cha.
56	GEN 2:25	Møøba, ishuubabe pailøba køsaateelø købig køn. Inchendø chi kørig kui inchimeeløgue.
59	GEN 3:3	Inchendø tru ellmarin tul tøbøtag pasrab tusryu mamigwane Tiusbe øyeeg taig køn cha: “Mamønrrigay cha, ni katøramøwei inchigay taig køn cha, kwamig kømønrrai”.—
78	GEN 3:22	Incha Jehová Tiusbe trenchibig køn: “Møøbe møimbe kan møig køben nam lataitøwei misra pasramisrin køn cha, tabigwanba, kaigwanba nebua ashibig. Pøs, nui tasigwan larrøbitchain kømøn, chibig køn, tru øsig køm tusryu mamigwangucha nemøra, truigwan ma, managatig øsig kønrrab.”
94	GEN 4:14	Møi na tsuinukkurri yandø nan weguchen; ñui merrabgurrimbe møimbe trubatø unamønrrun cha, pirø muba kuimburab lliraitø, lliraitø chuguen tsub tsumig chigaikke. Inchen mugøben nan ashibiibe nane kwetchautan— cha.
95	GEN 4:15	Inchene Jehovábe trenchibig køn: —Møikkøben Cainwan kweechibiibe siete pijisken purab trømbøig nebuin pasrønrrun— cha. Incha Jehovábe Cainwane kan siñal asamdiig tøgaig kønrrai marøbig køn, mugøben ashagucha, nune kweechimønrrai.
98	GEN 4:18	Incha Enocbe kan nusrkai Irad taig tøgaguig køn. Inchen tru Iradbe Mehujaelwei møskain køben, Mehujaelbe Metusaelwei møskain køben, Metusaelbe Lamecwei møskain kuig køn.
118	GEN 5:12	Cainánbe pilamera setenta tøgaig kua, nusrkai Mahalaleelwan tøgaguig køn.
119	GEN 5:13	Cainánbe Mahalaleelwan tøgaguikkurrimbunø pilamera ochocientos cuarenta tøgaig tsua, nusrkalø køben, nimbasrmera køben tøgaguig køn.
121	GEN 5:15	Mahalaleelbe pilamera setenta y cinco tøgaig kua, nusrkai Jaredwan tøgaguig køn.
122	GEN 5:16	Incha Mahalaleelbe Jaredwan tøgaguikkurrimbunø pilamera ochocientos treinta tøgaig kua, nusrkalø køben, nimbasrmera køben tøgaguig køn.
123	GEN 5:17	Inchawei Mahalaleelbe kerrigu øsig tsuin kwalømmerabe pilamera ochocientos noventa y cinco køben, yandø kwaig køn.
127	GEN 5:21	Enocbe pilamera sesenta y cinco tøgaig kua, nusrkai Matusalénwan tøgaguig køn.
128	GEN 5:22	Matusalénwan tøgaguinukkurrimbunø Enocbe Tiusba maig unamig køben, treeg uñibig kuig køn, pilamera trescientos tøgaig. Incha nusrkalø køben, nimbasrmera køben tøgaguig køn.
131	GEN 5:25	Matusalénbe pilamera ciento ochenta y siete øsig tsua, nusrkai Lamecwan tøgaguig køn.
132	GEN 5:26	Incha Matusalénbe nusrkai Lamecwan tøgaguinukkurrimbunø pilamera setecientos ochenta y dos tøgaig tsua, nusrkalø køben, nimbasrmera køben tøgaguig køn.
133	GEN 5:27	Inchawei Matusalén kerrigu øsig tsuin kwalømmerabe pilamera novecientos sesenta y nueve køben, yandø kwaig køn.
145	GEN 6:7	Incha Jehovábe trenchibig køn: “Misagwan mara pønsrailan chigucha kaanrrai patsøgønrrab cha, misagwan lata, ushameran lata, srala amøñibelan lata, pala amøñib illimeran lata. Karrenguitamab isur cha, øsig kønrrai na mariilan.”
151	GEN 6:13	Inchen Tiusbe Noéwane trenchibig køn: —Maya misagwan øyandø kønrrai nabe treeg isur cha. Kaguende nømgurrindø pirøbe larrø trømbøitø netsaim pasran cha. Incha nømune pirøwanbañau pinishinrrab cha.
183	GEN 7:23	Øyamay chimeratøgucha pirau øsiguig warabeløbe chab pinisailø kuig køn. Misag lata, ushamera lata, patsøtøga srala ambubelø lata, katø pala amøñib illimera lata pinisaig kørrømisrig køn. Øsig kørrømisrøppe, Noébah tru arcayu tru nøba kebambubeløtøwei øsig kørrømisrig køn.
205	GEN 8:21	Inchen larrø mayzhig irrabig nuinug puben, Jehovábe trenchibig køn: “Misakkurrindø pirøwane managuen katølebe larrø trømbøig nebuim pasrønrrai marmumønrrun cha, kaguende møwei manrrøbe shushkurrimbunø kaigwandø, kaigwandø martrab isubelø køn cha. Katø chigurrimbunø øsig købigwane katølebe kerriguba pinishimumønrrun cha, møi lataibe.
223	GEN 9:17	Incha Noéwan trendaig køn: —Maya misaameraba, pirau chigøben øsig købeløba tru na øyamay kønrrai martrab cha pasrigwan treeg kuitamab asamiibe, iig køn— cha.
237	GEN 10:2	Jafetwei nusrkaløbe iilø køn: Gomer køben, Magog køben, Maday køben, Javan køben, Tubal køben, Mesec køben, Tiras købengue.
241	GEN 10:6	Inchen Camwei nusrkaløbe iilø køn: Cus køben, Mizraim køben, Fut køben, Canaán købengue.
248	GEN 10:13	Inchen Mizraimweinukkurrimbe ludeos misaamera køben, anameos køben, lehabitasmera køben, naftuhitasmera køben,
258	GEN 10:23	Inchen Aramwei nusrkaløbe: Uz køben, Hul køben, Geter køben, Mash køben kuig køn.
265	GEN 10:30	Inchen tru nøm waraig pirømerabe Mesagurri ibiibe, Sefarburabsrø puraya, trugurrimbe tru nørrø tunmera tøga pirømera tru pørr neeshibgatøwansrøngatig ibig køn,
296	GEN 11:29	Inchen Abramba, Nacorbabe nømuyasig sralø laig køn. Tru Abramwei sraimbe Sarai købene, Nacorwei sraimbe Milca taig købig køn, tru Haránwei nimbasr. Tru Haránbe Milcaimba, Iscaimba møskain kuig køn.
305	GEN 12:6	Incha Abrambe Canaánsrø puabe, tru pirau kerrigu pureb ya, tru Siquénsrø pubig køn, tru Moré Tusr taig pasramnug. Inchen tru urassrø tru cananeo misaamerabe Canaan pirau warabelø købig køn.
318	GEN 12:19	Chindimba trenchigu cha: “Nai nuchag køn” chabe. Nai srain kønrrai na treeg marig kuimasr cha. Møimbe ñui sraimbe yu pasran cha. ¡Pereptsu!— chibig køn.
337	GEN 13:18	Incha Abrambe tru nui carpa yameran picha kusrua, Manre tainug nørrø parøndzig encinas tusrmera pønrrabnug tsunrrab ibig køn, tru Hebrónsrø. Incha truyube Jehováweyasig kan altar kusrubig køn.
340	GEN 14:3	Incha tru i trattrøgatø reymerabe nømui suldaumeraba tru Sidim chagu kanbalatø misrig køn kwayanrrab, tru Mar Trebi taisrø.
350	GEN 14:13	Inchen møikkøsrøn truyugurri welula arrubiibe, tru hebreo Abramwan ígwan kerriguh eshkabig køn. Inchen Abrambe amorreo tru Mamre taigwei tru nørrø parøndzig encinas tusrmera pønrrab puluwan tsubig kuig køn. Tru Mamrebe Escolweimba, Anerweimba nuneg køben, truiløbe Abramwanweingatø pønrrabelø treelø købig køn.
355	GEN 14:18	Inchen tru Salemsrø rey Melquisedecbe, Tius Mayeelain Pala Pasrabigwei sacerdotebe pirrimba, vinoba wesrua,
356	GEN 14:19	Abramwan mayanguen tabig nebuig kønrrai marøbig køn, øyeeg wammeratøga: “Tius Mayeelain Pala Pasrabig Srømbalameranba, Pirøwanba Marøbig
357	GEN 14:20	Tius Mayeelain Pala Pasrabig Purø Nuigwan maya nuguen tabig wamindig kønrrain cha, tru ñun ashig kømui inchibelan ñui tasku tranøbigwan. Inchen Abrambe chigurrimbunø katøle wetørrawa srua arrigwan cienyugurri diezwane wesrawa, Melquisedecwan tranøbig køn.
358	GEN 14:21	Inchene tru Sodomasrø reybe Abramwane trenchibig køn: —Misaamerane nan trannrra cha, chigurrimbunø købigwane ñi tøga kørrømisrtrig— cha.
359	GEN 14:22	Inchene Abrambe tru Sodomasrø reywane trencha løtabig køn: —Tius Mayeelain Pala Pasrabig Srømbalameranba Pirøwanba Marøbig Jehováwan ¡katø! nabe treebe marmumønrrun cha, nabe trendaig kuig køn cha.
361	GEN 14:24	Tru na pera pasraig møguelø mab mutsigwandø srørri maig kørrømistrain cha. Inchen tru naba amrrub møguelø Anerba, Escolba, Mamreba truiløbe si, nømuimburappe ka utønrrun— chibig kø n.
399	GEN 17:1	Abram pilamera noventa y nueve tøgagøben Jehovábe kenamisra trenchibig køn: —Nabe Maramburab Marøbig Purø Nuig tru Tius kur cha. Ñibe nai merrab sølgandø, mu mandamgaig uñ cha.
426	GEN 18:1	Incha Jehovábe Abrahamwan kenamisrøbig køn tru Mamre tainug nørrø parøndzig encinas tusrmera pønrrab pulu, tru nui carpa yau yaskabu waben kwaløm tru mas purø mur pørr asentab pasrøben.
446	GEN 18:21	Møimbe na kørraarrumønrrun cha, tru nøm øyeeg, øyeeg køtan chib trashib melaig nainug pubig isa kømøtø, treeg købwei indiitashchab. Treeg kuin kuisruandøbe, trube, na asamønrrun— cha.
467	GEN 19:9	Inchene nømbe trenchib løtabelø køn: —¡Yugurrimbe mendatsu!— cha. Inchabe treekkucha chibelø køn: —Ya peesriig namui utu ka tsunrrab arruatiig købendø, ¡paare! ¿namune maig maramigwan ke ñi asha karunrrab indirru? cha. Møimbe truilan lataguen kømø, ñune purø trømbøikken martrumøn— chibelø køn. Inchabe Lotwan melambua, yaskabsrø kemalla, yaskabwan wesra kutchab inchibelø køn.
472	GEN 19:14	Inchen Lotbe tru nui yerno kønrrabeløba waminchab webibig køn, tru nui nimbasrmeran kasharanrrab misrarmera købeløba. Incha trenchibig køn: —¡Mallatø webambay! cha, kaguen Jehovábe i ciudawan pinishinrrab køn— cha. Trune nui yerno kønrrabeløbe ka intsab trendaitamaptøh isubelø køn.
473	GEN 19:15	Inchen yandø tør— rrab arruben, ángelesmerabe Lotwan mallatø indingarub, trenchibelø køn: —¡Mallatø inchi chiben! cha. Ñui srawanba, ñui pagatø nimbasrmeranba yu purrabelan pera inrrø chibig køn, ciudayu trømbøig nebunrrai marigu ñim pinømønrrappe.—
495	GEN 19:37	køli nimbasrbe kan nusrkai tøgamisra, truigwane Moab munchi pasrig køn. Treekkurri truibe møi ya moabitasmerai møskain køn.
520	GEN 21:6	Incha Sarabe trenchibig køn: “Tiusbe nane ka intsøg kønrrai marig køn cha. Møikkøben na unø tøgaguin kui wammørøbeløbe naba ketøtø intsønrrun cha.
547	GEN 21:33	Incha Abrahambe tru Beersebasrø kan tamarisco tusr ellguawa pasrabe, Jehová, tru Managurri Managatig Wabigwei munchiwan isub wamabig køn.
550	GEN 22:2	Tiusbe trenchibig køn: —Møimbe ñui kandø nusrkai ñi truba undaaraigwan pera, Moriah pirausrømay ya, truyu kweecha, nan keta trannrra chibig køn. Kan tunyu maramigwan na eshkarrumøn— cha.
568	GEN 22:20	Indig wendøsrø Abrahamwane treeg wam pubig køn: “Tru nui nuneg Nacorwei srai Milcabe nusrkalø tøgagøn cha.
571	GEN 22:23	Inchen tru Betuelbe Rebecai møskain købig køn. Iilø køn Abrahamwei nuneg tru Nacorwei srai Milca tøgaguig nusrkalø trattrø y pøngatøba.
572	GEN 22:24	Katø Nacorbe nui linchaig Reumába nusrkalø tøgaguig købig køn. Truiløbe Teba taig køben, Gaham taig køben, Tahas taig køben, Maaca taig køben kuig køn.
581	GEN 23:9	tru Macpela tain pirau linderomerayu søramig srug trab lalig pasrabigwan nan yanrrai. Mayaweyig kønrraptiig køben treezhigwan ñim mayeelø ashen anwan na wartrab tan chirrunrrigay cha, trumay nai yau misaameran søramig tøgagønrrab— cha.
589	GEN 23:17	Inchawei tru Efrónweim pirø tru Mamre taisrø pørr neeshibgatømay Macpela taisrø pasrab pirøbe, tru søramig tru srug trab lalig lata, tru pirau pønrrab tusrmera lata,
591	GEN 23:19	Incha trugurri Abrahambe nui srai Saran tru Mamre pørr neeshibgatømay Macpela tain pirau søramig tru srug trab lalig pasrabigu sørabig køn, tru Hebron Canaán pirausrø.
602	GEN 24:10	Incha nøbe tru nun karub pera købig Abrahamwei pa trattrø camellosmeran nemøra, tru nui karub pera købigwei purø tabelan chine ketamig srua, Nacorwei ciudasrømay ibig køn, tru Mesopotamiasrømay.
606	GEN 24:14	Incha na tru srusran øyah taig truig kønrrain cha: “Na lamø pi mutsamig kønrrai tiusmanda ñui køtsøn pinøsru” chiben, nøbe løtappe: “Muchi cha. Katø ñui camellosmeran chigucha na pi mutsøsramønrrun” cha trenchibig, truig kønrrain cha, tru ñi lawa wesruig, ñui karuig megabig Isaacweyasig. Øyamay nabe wetøbenamønrrun cha, ñi nan karub peragøbigwan purø tab indigwan.—
607	GEN 24:15	Inchen nø Tiusba chab waminchimøwatø, møimbe kan srusrø nui køtsøn kildunyu mutaig arruptinchibig køn, truibe Rebeca, Betuelwei nimbasr. Tru Betuelbe Milcaimba, Nacorweimba nusrkain købig køn, Abrahamwei nunewei.
616	GEN 24:24	Inchene nøbe trenchibig køn: —Nabe Betelwei nimbasr kur cha, tru Milcaimba, Nacorweimba nusrkawei.—
639	GEN 24:47	Inchen nabe “¿Ñibe mui nimbasr kugu?” cha payene, nøbe nane trenchibig køn: “Nabe Betuelwei nimbasr kur cha, tru Nacorweimba Milcaimba nusrkawei.” Inchen nabe nune kan surtigas kimyu mesrøb, kualmerayu pønsraigwan pønsrøb inchibig kur.
657	GEN 24:65	tru Abrahamwei mendig megabigwan payibig køn: —¿Mugøh? cha, ø møg namun katønrrab øsrø arrubiibe.— Inchene nøbe: —Øibe nan karub pera købig truig køn— chiben, Rebecabe tru malø kasraitøga pinab kasrøptinchibig køn.
661	GEN 25:2	Truibe Zimramwan køben, Jocsánwan køben, Medánwan køben, Madiánwan køben, Isbacwan køben, Súajwan køben tøgaguig køn.
663	GEN 25:4	Inchen tru Madiánwei nusrkaløbe: Efa køben, Efer køben, Janoc køben, Abida køben, Elda køben kuig køn, truiløbe mayamba Ceturainukkurri amrrub misaamera.
668	GEN 25:9	Inchen nui nusrkalø Isaacba, Ismaelba misra kusra sørabelø køn, tru Macpela tainug, søramig peñayu trab lalig pasrabigu tru Mamre taig pinrrøguewansrø, tru Zohar hititai nusrkai Efrónweim pirau.
672	GEN 25:13	Iilø køn tru Ismaelwei nusrkalai munchimera, tru kerrigu mayur kal-labigwei wendautø trumørig kal-lawa amrrubelai. Ismaelwei kerrigu mayur nusrkaimbe Nebayot køben, trugurrimbe Cedar køben, trugurrimbe Adbel køben, Mibsan køben,
673	GEN 25:14	trugurrimbe Misma køben, Duma køben, Masa køben,
682	GEN 25:23	Jehovábe trenchibig køn: —Ñui patsaube misaamera purø nørrøbatø pa søtø køn cha. Misagwan ashib karub pønrrønrrabelø pailø nørreelø ñui patsau purraisrøngurri nøørømisrøbguen purran cha. Kane katøgan lataguen kømø, mu chindamgaig kønrrabig køn cha. Inchen mayur kal-labiibe wendiig nø karuig meganrrabig køn— cha.
685	GEN 25:26	Inchen tru wendau nuneebe Esauwei talunwan merrarraweig kal-laben, treekkurri Jacob munchi pasrig køn. Inchen Isaacbe tru parcheelø kal-labene, pilamera sesenta tøgaig kuig køn.Nø Mayur Kal-laig Nusrkain Kuimburø Nø Uta Tøgagømigwan Yanøb
692	GEN 25:33	Jacobpe trenchiptinchibig køn: —Møin kwaløm ¡katø! treegwan marmø kømø, maramønrrun chirra— cha. Inchen nøbe: —¡Katø! treegwan maramønrrun— cha kørrømisra, nø mayur nusrkain kuimburø uta tøgaguigwan Jacobpa yunømariyabelø køn.
704	GEN 26:11	Incha Abimelecbe maya misagwan trencha karua pasrøbig køn: —Møikkøben i møwan kui, kabe nui srawan kui chigøben inchib kalø marøbiibe kwamig kønrrain— cha.
711	GEN 26:18	Møskai øsig wab urassrø pisumera lalla, wesruilø købigwan, katøle kura wesrubig køn; møskai kwaimbala tru filisteosmera kasra pønsraig købelan. Incha tru pisumerane møskai chi munchi pønsraig købelan tru munchimeratøgatøwein pønsra wamabig køn.
715	GEN 26:22	Inchen Isaacbe truyugurri nøørømisra ya, katøgan pisu lalla wesraben, yandø tru pisuwane “Rehobot” cha munchi pasrig køn (‘Pishindø Tab Waramdiig Køn’ chib). “Møimbe chigømø llirab waramig kønrrai Jehovábe trandan cha nam i pirau merraptø webambamig kønrrai”
737	GEN 27:9	Møimbe ubishameraba cabrameraba purrabsrømay ya, pagatø purø tab cabro ureemeran sruattra cha. Pøs, nabe ñui møskai maig mabig kui asha truilan larrø may mamiizhig tamaramønrrun cha.
748	GEN 27:20	Inchen Isaacbe nui nusrkawan trenchibig køn: —Nai nusrkai, ¿Mandø incharre malla wetørragu?— cha. Inchene Jacobpe trenchibig køn: —Jehová ñui Tiusbe nan petø wetørramig purugutan— cha.
764	GEN 27:36	Inchene Esaube trenchiptinchibig køn: —Nune Jacob cha wamappe, trendambuawei trendaig kuin køn cha. Pamayguen køn cha, nan øyeeg isa kebenøsrkøb arrig, srøtøbe na mayur nusrkain kuimburø na uta tøgagømigwan nø kerraig køn cha. Møimbe tru mayanguen tabig nebuig kømig naiwan katø nøtøwei uta tøga yain køn— cha. Inchabe katø trenchibig køn: —¿Nayasikkan tru mayanguen tabig nebuig kømigwan tranamig maitøguen tøgagømøtirru?— cha.
765	GEN 27:37	Inchen Isaacbe trencha løtabig køn: —Nabe ñune Jacob karub tøgagønrrai Tiuswan miar cha. Incha katø nui misaamerabe Jacob manchiben marøb melabelø kønrrai miar cha. Trurrigu nøbe tirigumera nørrø tøgagøb, vinomera tøgagøb inchai miar cha. Nai nusrkai, ¡Møimbe yandø ñuyasiibe chi maramig kaatan!— cha.
769	GEN 27:41	Indig truyugurrimbunø Esaúbe Jacobwan purø trømbøig ashig kømui inchibig køn, nui møskai tru mayanguen tabig nebuig kømigwan nun tranikkurri. Incha nøasiitøwei trenchibig køn: “Maya yanayutø namui møskai pinøben, larrø isuin pønrram kwalømmeragucha attrun cha. Yandø trugurrimbe si, pinisamønrrun cha, nai nuneg Jacobwan.”
777	GEN 28:3	Inchen Maramburab Marøb Tiusbe ñune mayanguen tabig nebuig kønrrai mara, ñune ureg larrø nørrø tøgagønrrai tranøb, ñuinukkurri purø nørrø misag søtømera nemisramnegatig martrun cha.