67	GEN 3:11	Inchene Tiusbe trencha payibig køn: —¿Ñune køsaatiig køn chabe, mu eshkata? cha. ¿Na mamønrrain taig tusryu mamigwan ñibe mappeendi?— cha.
81	GEN 4:1	Adanbe nui srai Evaba unø tøgagønrrab pailø waramisrøbelø køn. Incha Evabe kwanrriig kørrømisra, Cain kal labene, trenchibig køn: “Na unø tøgagømig Jehová treeg kønrrain køben, kan møg-unø tøgaguinatan” cha.
89	GEN 4:9	Inchene Jehovábe Cainwane trencha payibig køn: —¿Ñui nuneg Abelbe chu unah?— cha. Inchen nøbe trencha løtabig køn: —Chindindøbeh cha. ¿Nagan nai nunewan ke tru ashib wendautø pasrabig kuitarru?— cha.
93	GEN 4:13	Inchene Cainbe Jehováwan trenchibig køn: —Nan øyeeg møra pasrønrrai mariibe purø nuig køtan cha, pasramguengaikke.
96	GEN 4:16	Incha Cainbe Jehováwei merrabgurri yandø tarømisra ya, Nod tain pirau Edén pørr kalabgatømaysrø tsubig køn.
102	GEN 4:22	Inchen Zilagucha Tubal-Cainwan tøgaguig køn. Truibe chigurrimbunø bronce tsandzøntøgaba, hierro tsandzøntøgaba larrø tabelø marøbig kuig køn. Katø Tubal-Cainwei nuchaabe Naama købig køn.
103	GEN 4:23	Kan piji Lamecbe nui sralan trenchibig køn: —Adaba, Zilaba, nai wamwan mørtray cha. Lamecwei sralø, nai wamwan tab mørtray cha. Nan kørriinchen, nabe kan møwan kweechib, nan mur kebachen, nabe kan matsinan kweechar cha.
135	GEN 5:29	Incha truigwane Noé cha wamig køn, kaguende nøbe trenchibig køn: “Jehová pirøwan larrø trømbøig nebunrrai mara pasrim pirau, nam chi mariiløyu purø trømbøig murig pui melaigugurri namun i unøbe chairannrrun” chib.
136	GEN 5:30	Incha Lamecbe nusrkai Noéwan tøgaguinukkurrimbunø pilamera quinientos noventa y cinco tøgaig tsua, nusrkalø køben, nimbasrmera køben tøgaguig køn.
138	GEN 5:32	Noébe pilamera quinientos tøgaig kua, pøngatø nusrkalø tøgaguig køn: Semwanba, Camwanba, Jafetwanba.
141	GEN 6:3	Inchene Jehovábe trenchibig køn: “Nai Espiritube misag øsig kønrrai nuinuube managatikkucha pasrønrraamøn cha, kaguende møøbe patsønrrabig ka treetø køn cha. Inchawei nøbe øsig tsumibe pilamera ciento veintebe tøgagønrrun” cha.
144	GEN 6:6	Inchen Jehovábe yeekkucha kuitamab isubig køn, pirau misagwan tsunrrai marigwan. Nui manrraube purø kørrø isub pusrkwabig køn.
146	GEN 6:8	Inchen køben Noébe Jehováwein kabyu nøbe tabig kui asig kuig køn.
147	GEN 6:9	Iig køn, Noéwan maig pureb arrigwan waminchibig: Noébe sølgandø maig maramigwan marøb, nøbaguetøtø nørrørawarmerai utu nøbe sølgandø maig maramigwan marøb, katø Noébe Tiusba maig unamig køben treeg uñibig købig køn.
148	GEN 6:10	Noébe pøngatø nusrkalø tøgaguig køn: Semwanba, Camwanba, Jafetwanba.
151	GEN 6:13	Inchen Tiusbe Noéwane trenchibig køn: —Maya misagwan øyandø kønrrai nabe treeg isur cha. Kaguende nømgurrindø pirøbe larrø trømbøitø netsaim pasran cha. Incha nømune pirøwanbañau pinishinrrab cha.
160	GEN 6:22	Inchen Noébe Tius maig karuigwan kerriguh treeg marøbig køn.
161	GEN 7:1	Incha Jehovábe Noéwan trenchibig køn: —Ñiba ñui yaueløba arcayu kebinrrø cha, kaguendø nai merrab ñundøwei sølgandø tabigwan marøbig kui ashar cha, møi misaamerai utu.
164	GEN 7:4	Kaguendø trattrø y pa kwalømyube yu pirau kwalømmera cuarenta, yemmera cuarenta purayamne sre pungarumønrrun cha. Na mariilø chigurrimbunø øsig købigwane kerrigu chish paluuncha pinisamønrrun cha.
165	GEN 7:5	Inchen Noébe Jehová maig karuigwan kerriguh treeg marøbig køn.
166	GEN 7:6	Tru uras Noébe pilamera seiscientos tøgaig købig køn, tru pi pulab arrubig pirøwan chishtø kasrøb arrub uras.
167	GEN 7:7	Inchen Noébe nui srain køben, nusrkalø køben, yernamera køben arcayu kebibig køn, tru pi pulab arrubigugurri kwamø, øsig webinrrab.
169	GEN 7:9	Noéba arcayu kebambubelø køn, parbatø, parbatø, møøba ishuuba, møøba ishuuba, Noéwan Tius mandø karuig, treekke.
171	GEN 7:11	Inchen Noéwei øsig tsuin pilamera seiscientos køben, tru pila kebyaig pa pølyu diecisiete kwalømh, tru marmera mas purø nørreelø umbusrøngurri chab wesrurrøben, tru srømbalasrø pimeran katab pønrrabelan truilangucha kuren,
173	GEN 7:13	Inchen tru kwalømh arcayu kebambig køn Noé køben, nui nusrkalø Sem køben, Cam køben, Jafet køben, Noéwei srain køben, nusrkalai pøngatø sralø købengue.
175	GEN 7:15	Øyeeg kebambig køn arcayu Noéba, chigurrimbunø øsig købeløbe parbatø, parbatøgue.
183	GEN 7:23	Øyamay chimeratøgucha pirau øsiguig warabeløbe chab pinisailø kuig køn. Misag lata, ushamera lata, patsøtøga srala ambubelø lata, katø pala amøñib illimera lata pinisaig kørrømisrig køn. Øsig kørrømisrøppe, Noébah tru arcayu tru nøba kebambubeløtøwei øsig kørrømisrig køn.
185	GEN 8:1	Tiusbe Noéwanba, truyu kusreeg ushameranba, namig ushameranba kerriguba tru arcayu Noéba purrabelan isubig køn. Incha Tiusbe pirau kan isig ichibig arringaruben, pimerabe kørreb mendabig køn.
190	GEN 8:6	Indig truyugurrimbunø kwalømmera cuarenta nemisren, Noébe tru nø mari arcayu pendanawan kura,
193	GEN 8:9	Inchen palomabe arcayumay katø arrubig køn, kaguende ni chugucha punamig chi kaaben. Pimerabe katøgucha pirø palawan kasraig srø køben. Inchen Noébe nui kwalwan yuula, paloman kemøra, katø umbu kesrubig køn.
195	GEN 8:11	Indig tru palomabe maaben misrøb køben arruppe, kan olivo ishiizhig kimtsigu mutaig arruptinchen, Noébe pimera pirau yandø chab kølin kui wetøbeñibig køn.
197	GEN 8:13	Noé øsig tsuin pilamerabe seiscientosba kan pilaba køben, tru srøsrø pølyu ke pølbasrøb kwalømyuh pimerabe pirau chishtø chab kølabig køn. Inchen Noébe tru arcayu pala kasraigwan kusrua ashene, møimbe pirøbe yandø pur køptinchibig køn.
199	GEN 8:15	Inchen Tiusbe Noéwane trenchibig køn:
202	GEN 8:18	Inchen Noébe nui nusrkaløba, nui sraimba, nusrkalai sraløba webarrubig køn.
204	GEN 8:20	Incha trugurrimbe Noébe Jehováweyasig kan altar mara, tabig chish ushameran møigwanguen palab kømø, kerriguba, katø chish illimeran møigwanguen palab kømø, kerriguba, altarbala chishtø parrøb Jehováwan keta tranøbig køn.
207	GEN 9:1	Tiusbe Noéwanba nui nusrkalanba mayanguen tabig nebuilø kønrrai trana, nømune trenchibig køn: —Ureemera nørrø tøgagøb pirøwan netsøganrrigay cha.
211	GEN 9:5	Inchawei nabe tru ñimui øsig kui aniwane nabe ulø payamønrrun chibig køn. Ushamera pinisaig kui lata, kabe møguelai tasku pinisaig kui lata truigwane ulø payamønrrun cha. Nui mendaigwei øsig kuigwan pinishibigwane mu møwandøgucha ulø payamønrrun chibig køn.
214	GEN 9:8	Incha Tiusbe Noéwanba nui nusrkalanba katø treekkucha taig køn:
215	GEN 9:9	—Nabe ñimba, katø ñuikkurri amrrub misaameraba øyamay kønrrai martrab cha kørrømaramønrrun cha,
217	GEN 9:11	Nabe ñimba øyamay kønrrai martrab cha pasramønrrun cha, nabe kerrigu øsig warabelan pi pulab arrubiitøgabe katølebe chishtø pinishinrrab kømur cha. Ni katø pirøwan pinishinrrab pi pulab attrabig katølebe chigaanrrabig køn— cha.
219	GEN 9:13	Nai køshømbøtøn nabe wañiyu pasrar cha, iibe pirøba na øyamay kønrrai martrab cha pasrigwan treeg kuitamab ashib kømig kønrrai pasrønrrabig.
223	GEN 9:17	Incha Noéwan trendaig køn: —Maya misaameraba, pirau chigøben øsig købeløba tru na øyamay kønrrai martrab cha pasrigwan treeg kuitamab asamiibe, iig køn— cha.
224	GEN 9:18	Noéwei nusrkalø arcayugurri webambubeløbe Semba, Camba, Jafetba køn. Inchen Cambe Canaánwei møskain kuig køn.
225	GEN 9:19	I tru pøngatøbe Noéwei nusrkalø kuig køn. I tru pønelainukkurri amrrub misaamerayugurri pirau muba kuimburab misag netsaig køn.
226	GEN 9:20	Incha Noébe pirau kwallib menda kan uvas ellguain tra marøbig køn.
227	GEN 9:21	Indiibe kan piji Noébe vino mucha mutsiirawa, tru nui carpa yau kebya, peña tsumisrøppe, køsaatiig tsuben,
230	GEN 9:24	Incha Noébe tru mutsiguig kib tsua kiagasra, tru mas unø nusrkai treeg indigwan wammørabe,
231	GEN 9:25	trenchibig køn: Canaánbe larrø trømbøig nebuinanrrabig kønrrun cha. “Nunelø ka karuindiig megabig mas chigucha kømíig købash” cha.
234	GEN 9:28	Indig Noébe tru pirau pi pulab arrubig arrinukkurrimbunø pilamera trescientos cincuentagatig tsuig købig køn.
235	GEN 9:29	Inchen Noé kerrigu øsig tsuim pilamerabe novecientos cincuenta kuig køn. Inchen yandø kwaig køn.
236	GEN 10:1	Iiløbe tru Noéwei nusrkalø Semweimba, Camweimba, Jafetweimba truilø nøm tøgagui nusrkalø køn, tru pirau pimera pulabig arrua puraiben tøgaguilø.
243	GEN 10:8	Inchen Cusbe Nimrodwei møskain kuig køn. Tru Nimrodbe pirau mugucha chinchaingaig ke nø karub pølbasrig køn, yu pirau ke srøsrøzhiitø.
244	GEN 10:9	Truibe Jehováwei merrab kaambu ushameran pasraarøb kemøramibe ke piaig lataig købig køn. Inchawei misaabe treeg taig tøgar købig køn: “Jehováwei merrab kaambu ushameran pasraarøb kemøramigwan larrø may kemørammaybe, Nimrod lataig køn” cha.
246	GEN 10:11	Incha Sinargurrimbe Nimrodbe Asursrømay webya, truyube Ninive ciudameran mara pønsrøbig køn, tru Rehobot ciudawanba, Cala ciudawanba.
247	GEN 10:12	Trugurrimbe tru Niniveba tru Calaba tru i pa ciudamerai tøbøtag pasrabig tru Resen purø nu ciudawan mara pasrig køn.
267	GEN 10:32	Iilø køn tru Noéwei nusrkalainukkurri mu møskalø køben, yau misaamera mumeratø købig kuig, katø møigweinukkurri amrrub misaamera købig kuig, misag nørrø søtømera møyuelø købig kuig, treekke. Inchawei tru pi pulabig chab pinisha puraiben, truiløbe ambuurab, iburab larrøbichib amba, yu pirø muba kuimburab misaamera nørrø søtø misrig købig køn.
270	GEN 11:3	Incha kan kwaløm nømbe kangurri, kangurri trenchibelø køn: “Naarillusmera margun cha. Incha nagu partrab” cha. Incha øyamay sruumeratøga marøbgunrriibe naarillutøga marig køben, chilliitøga marøbgunrriibe asfaltotøga maramig købig køn.
289	GEN 11:22	Serugbe pilamera treinta tøgaig tsua, Nacorwan tøgaguig køn.
290	GEN 11:23	Incha Serugbe Nacorwan tøgaguinukkurrimbunø pilamera doscientos tøgaig tsua, nusrkalø køben, nimbasrmera køben tøgaguig køn.
291	GEN 11:24	Nacorbe pilamera veintinueve tøgagua Térajwan tøgaguig køn.
292	GEN 11:25	Nacorbe Térajwan tøgaguinukkurrimbunø pilamera ciento diecinueve tøgagua nusrkalø køben, nimbasrmera køben, tøgaguig køn.
293	GEN 11:26	Térajbe pilamera setenta tøgagua, Abramwan køben, Nacorwan køben, Haranwan køben tøgaguig køn.
294	GEN 11:27	Iilø køn tru Térajweinukkurri amrrub misaamera: Térajbe Abramwan køben, Nacorwan køben, Haránwan køben tøgaguig køn. Inchen Haránbe tru Lotwan tøgaguig køn.
296	GEN 11:29	Inchen Abramba, Nacorbabe nømuyasig sralø laig køn. Tru Abramwei sraimbe Sarai købene, Nacorwei sraimbe Milca taig købig køn, tru Haránwei nimbasr. Tru Haránbe Milcaimba, Iscaimba møskain kuig køn.
301	GEN 12:2	Nabe ñigurri purø nørrø misag søtømera kønrrai marøb, katø mayanguen tabig nebuig kønrrai mara, ñui munchiwane mayeelø nebua asig kønrrai maramønrrun cha, ñibe katøganelayasig maya nuguen tabig kønrrai, ñibe treeg kønrrabguen cha.
302	GEN 12:3	Nabe ñun mayanguen tabig nebuig kønrrai marøbelane, nømungucha mayanguen tabig nebuilø kønrrai maramønrrun cha. Ñun trømbøig nebunrrai marøbelane, nømungucha trømbøig nebuilø kønrrai maramønrrun cha. Incha pirau chi misaamera køben pirø muba kuimburab warabeløbe ñuinug mayanguen tabig nebuilø kønrrai mariilø kønrrun— chibig køn.
304	GEN 12:5	Incha Abrambe nui srai Saraiwan køben, nui nunewei nusrkai Lotwan køben pera ibig køn, katø chigurrimbunø nø chi tøgaguilan køben, katø tru Harán pirau nui karuig mendig melab misaameran købengue. Nøbe Canaán pirausrø truiløba pubig køn.
308	GEN 12:9	Incha Abrambe truyugurri webya, ibig køn, kørrømisrøb, kørrømisrøb tru Neguev pirausrøngatig.
309	GEN 12:10	Tru Neguev pirausrømbe parø arrum mendøben, Abrambe Egipto pirausrømay kørraarrubig køn truyu tsunrrab, kaguendø tru Neguev piraube purø trømbøig parø pasrøben.
310	GEN 12:11	Incha Abrambe ke Egiptosrø chab pub ib pasrøwabe, nui srai Saraiwane trenchibig køn: —Na ashen ñibe purø tab ishug køn cha.
317	GEN 12:18	Inchen Faraónbe Abramwan wama, trenchibig køn: —¿Nan øyeebe chi margu? cha. ¿Chindimbarre ñui srain køn cha eshkamugu? cha.
318	GEN 12:19	Chindimba trenchigu cha: “Nai nuchag køn” chabe. Nai srain kønrrai na treeg marig kuimasr cha. Møimbe ñui sraimbe yu pasran cha. ¡Pereptsu!— chibig køn.
320	GEN 13:1	Incha Abrambe Egiptogurri nui sraimba katø nui chine tøgaguiløbañau Neguev pirausrømay katø arruben, nui kuchiunø Lotgucha nøba arrubig køn.
322	GEN 13:3	Incha Abrambe Neguevsrøngurri katøle arruppe kørrømisrøb, kørrømisrøb arrub tsubig køn tru Betel misag søtømera waraisrøngatig, tru merrabwansrø nø tru carpa yawan lasrua tsuig købiisrø, tru Betelba, Haiba misaamera warabnug tru tøbøtag.
327	GEN 13:8	Inchen Abrambe Lotwane trenchibig køn: —Nam pailainug lata, katø nai ubisha ashibeløba, ñui ubishameran ashibeløba truiløgucha chi kwayab kømig chi kaanrrain cha, kaguende nambe nunelø ker cha.
357	GEN 14:20	Tius Mayeelain Pala Pasrabig Purø Nuigwan maya nuguen tabig wamindig kønrrain cha, tru ñun ashig kømui inchibelan ñui tasku tranøbigwan. Inchen Abrambe chigurrimbunø katøle wetørrawa srua arrigwan cienyugurri diezwane wesrawa, Melquisedecwan tranøbig køn.
360	GEN 14:23	Ni kan train pititøguen—, kabe nai alpargatis tsi-unøtøguen nabe ñuiwane chiwangucha nai marmumønrrun chibig køn, ñi managuen øyeeg chimønrrai: “Abrambe nagurrinrre pua misrig køn” cha.
362	GEN 15:1	Inchen øyeelø chab puraiben, kan piab lataigu Jehováweinukkurri wam Abramwan trenchibig køn: —Abram, chi kørig kui inchimøta cha. Nabe ñun chi kømønrrai ashib tøga pasrabig truig kur cha. Ñun tranamibe purø nuig kønrrabig køn— cha.
368	GEN 15:7	Inchene nøbe trenchibig køn: —Nabe Jehová kur cha, caldeosmeraim pirau tru Ur taisrøngurri wesrabig i Canáan pirøwan na ñun keta trannrab.—
384	GEN 16:2	Saraibe Abramwane trenchibig køn: —Nane Jehovábe ureg chigaig kønrrai treeg martan cha. Inchendø tiusmanda tru namui karuindiig megabig tru Agarwan pera, ki chibig køn. Inchippa truikkurri na ureg tøgaguinabgun— cha. Inchen Abrambe Sarai taigwan mørøbig køn.
390	GEN 16:8	Inchabe payibig køn: —Agar, Saraiwei ka karuindiig megabig, ¿Chugurri arrugu? cha. ¿Chumay inrrab inchigu?— cha. Inchene nøbe trenchibig køn: —Nan karub pera købig Saraiwan nabe trubab welula arrur— cha.
394	GEN 16:12	Nøbe muguen kemalamgaig kønrrabig køn cha, kan kaambu mula-unø lataig. Incha nøbe mayeelan kwayam lanrrabig køben, katø nungurringucha mayeelø kwayam lanrrun chibig køn. Inchen nøbe nunelan, ka kwayam laptø, kwayam laptø tsunrrun— cha.
395	GEN 16:13	Incha Agarbe Jehovába wamindig køppe, nøbe nune trencha wamabig køn: —Ñibe tru nan ashib wab Tius køn— cha. Kaguen Agarbe trenchibig køn: “Øsig Wab, katø Nan Ashibigwan nabe ashar” cha.
396	GEN 16:14	Incha tru pisuwane treeg wamig købig køn: “Øsig Wab, Nan Ashib Inchibigwein Pisu” cha. Inchen tru i pisube Gadesba, Beredba tøbøtagu kørrømisrøbig køn.
399	GEN 17:1	Abram pilamera noventa y nueve tøgagøben Jehovábe kenamisra trenchibig køn: —Nabe Maramburab Marøbig Purø Nuig tru Tius kur cha. Ñibe nai merrab sølgandø, mu mandamgaig uñ cha.
400	GEN 17:2	Nabe ñiba øyamay kønrrai martrab cha kørrømarøb, katø ñui misaamera larrø nørrø larrøbitchai marøb indamønrrun— cha.
414	GEN 17:16	Nabe nune mayanguen tabig nebuig kønrrai maren, nøbe ñui kan nusrkai tøgagønrrun cha. Nabe mayanguen tabig nebuig kønrrai maren, nøbe nørrø søtø misaamerai usrin kønrrabig køben, katø nuinukkurrimbe misag søtømerai reymera werrunrrun— chibig køn.
417	GEN 17:19	Inchene Tiusbe trenchibig køn: —Isa kømø, Sara ñui sraimbe kan nusrkai tøgagønrrab køn cha, truigwane Isaac munchi pasrtrig cha. Nabe tru øyeeg martrab cha kørrømarigwan Isaacweinukkucha katøle treetøwei marig kørrømisrtrai indamønrrun cha. Inchawei na treeg marigwane wendø nuinukkurri amrrub misaameraba managatig tøga pasramønrrun chibig køn.
418	GEN 17:20	Inchen Ismaelweimburabgucha nabe ñun mørar cha, nungucha mayanguen tabig nebuig kønrrai maramønrrun chibig køn. Nøgucha ureemera larrø nørrø tøgagønrrai marøb, purø nørrø misag søtø larrøbitchai marøb indamønrrun chibig køn. Ismaelbe karub ashib pønrrønrrabelø doce nørreelai møskain kønrrun cha.
428	GEN 18:3	—Nai kasuku, na ñui karui megabigwan ñi nan tab indamdiig kui asønaig købene, trube, ib imøtø, lincha kørrømisrtra cha.