207	GEN 9:1	Tiusbe Noéwanba nui nusrkalanba mayanguen tabig nebuilø kønrrai trana, nømune trenchibig køn: —Ureemera nørrø tøgagøb pirøwan netsøganrrigay cha.
211	GEN 9:5	Inchawei nabe tru ñimui øsig kui aniwane nabe ulø payamønrrun chibig køn. Ushamera pinisaig kui lata, kabe møguelai tasku pinisaig kui lata truigwane ulø payamønrrun cha. Nui mendaigwei øsig kuigwan pinishibigwane mu møwandøgucha ulø payamønrrun chibig køn.
258	GEN 10:23	Inchen Aramwei nusrkaløbe: Uz køben, Hul køben, Geter køben, Mash køben kuig køn.
262	GEN 10:27	Hadoramwan køben, Uzalwan køben, Diklan køben,
298	GEN 11:31	Inchen tru Tarébe tru nui nusrkai Abramwanba, katø Haránwei nusrkai nui awelu Lotwanba, nui yerna tru Abramwei srai Saraiwanba, pera webibig køn, caldeosmerai pirau Ur tainukkurri tru Canaán pirausrømay inrrab. Inchendø tru Harán taig pirausrø puabe, truyu kørrømisrøbelø køn.
335	GEN 13:16	Ñuinukkurri amrrub misaamerabe nørrø køptø kan pirau usrøtui lataig kønrrai maramønrrun cha. Usrøwanma muguen mundamgaig kuig køppe, ñuinukkurri amrrub misaameragucha mundamgaig kønrrun cha.
368	GEN 15:7	Inchene nøbe trenchibig køn: —Nabe Jehová kur cha, caldeosmeraim pirau tru Ur taisrøngurri wesrabig i Canáan pirøwan na ñun keta trannrab.—
569	GEN 22:21	Ke srøsrø tøgagui nusrkaimbe Uz køben, tru wendaube Buz køben, trugurrimbe Kemuel køben købig køn.
685	GEN 25:26	Inchen tru wendau nuneebe Esauwei talunwan merrarraweig kal-laben, treekkurri Jacob munchi pasrig køn. Inchen Isaacbe tru parcheelø kal-labene, pilamera sesenta tøgaig kuig køn.Nø Mayur Kal-laig Nusrkain Kuimburø Nø Uta Tøgagømigwan Yanøb
803	GEN 29:7	Inchene Jacobpe trenchibig køn: —Kwalømdø srø køn cha. Ubishameran kanbalatø mara keramibe menrra tørbatø køn cha. Pi mutsøsra, pu manrrai katø merranamdiig kømuita— cha.
832	GEN 30:1	Raquelbe Jacobwei ureg tøgagønrrab kaimappe, numøsrawane truba pusrkwai asha, Jacobwane trenchibig køn: —Ureg tøgagønrrab trannrra cha, tren kømuisruandø nabe kwamønrrun— cha.
1069	GEN 36:28	Inchen Disánwei nusrkaløbe iilø kuig køn: Uzba, Aránba.
1275	GEN 42:22	Inchene Rubénbe trenchibig køn: —Unane chi kaig marmøtay chiben, ñimwei nan mørmuig køn cha. Møimbeguende namune nui animbe ulø payinab pønrramig kønrrab køn— cha.
1498	GEN 49:24	nø srua pasrai arcone chigucha kullaaramø srua pasraig køn, tru Jacobwei maramburab marøb kwalmeragurri. ¡Mayanguen ungua ungua tru Jacobwei Mugucha Chindamga Tiuswan. Truikkurrin køn, tru Ubisha Ashibig, tru Israelwei kan peña lataig.
23219	MAT 1:6	Isaíbe Davidwei møskain købig køn. Inchen rey Davidba, Uríaswei srain købiibabe Salomónwei møskalø købig køn.
23221	MAT 1:8	Inchen Asabe Josafatwei møskain køben; Josafatbe Joramwei møskain køben; Jorambe Uzíaswei møskain købig køn.
23222	MAT 1:9	Uzíasbe Jotamwei møskain køben; Jotambe Acazwei møskain køben; Acazbe Ezequíaswei møskain købig køn.
23592	MAT 12:34	¡Ul lataig inchib misaamera! ¿Ñim chincha tabig waminchague, trendø kailøbe? Kaguende nui manrrau chine isua tøgagúilø pinøguchen, nui triibe treeg wamindan.
23786	MAT 17:17	Inchene Jesúsbe trencha løtabig køn: —¡Kan ñim møi misaamera kørenrrab inchimeelø larrø kailø! cha, ¿nabe managatig ñimba unamig kønrrerah? cha. ¿Kan øyeeg ashiptø managatig ñimba unamerah? cha. Unan yusrø naimay srua amrruy— chibig køn.
23825	MAT 18:29	Inchene tru nøba lincha karuindiig megabiibe nui merrab tømbasra trenchibig køn: “Tiusmanda, nan lastima ashcha chib. Uløwan tranrrumøn” cha.
23845	MAT 19:14	Inchene Jesúsbe trenchibig køn: —Uregwane merømø, naimay ka amrrubasay cha. Kaguende srømbalasrø Tius nø ashib karub waibe nøm latailaiwein køn— cha.
24020	MAT 23:33	’¡Ulmera latailø, ñim namig ulmera latailainukkurri karrab misaamera! Inchawei ñimbe tru møra melamnug kebusriilø kømønrrab ¿chincha wegørrønrrague? cha.
24152	MAT 26:29	Incha nabe ñimun trendamønrrun chibig køn: Uvas piwane mas muchimumønrrun cha, nai Møskai nø ashib karub waisrø katøyug ñimba mutsam kwalømgatig.—
24154	MAT 26:31	Jesúsbe trenchibig køn: —Ñimbe mayeeløba nagurrindø møi yembe nainug isua pønrraigwan trubishinrrun cha. Kaguende Tiuswei wamwan pørigu øyeeg chibig pørig pasran cha: Ubisha ashibigwan na kweechen, ubishamerabe nøørøtø chab lulrrun, chibig.
24235	MAT 27:37	Inchen nui tur palabe kan pørig mesrøbelø køn, chigurrin kwanrrai mesraig køn cha eshkabig. Truibe trenchibig pørig købig køn: IIBE JUDIOSMERAI TRU REY JESUS KØN chibig.
24472	MRK 5:39	Jesúsbe kebya, trenchibig køn: —¿Chindimbarre øyeeg inchib, kishib køh? cha. Unøbe kwaig kømøtø, ka kiptø tsun— cha.
24626	MRK 9:19	Inchene Jesúsbe trencha løtabig køn: —¡Kan møi misaamera øyeebe mailø kwaasamø cha, chigucha køremeeløbe! ¿Nabe managatig ñimba unamig kønrrerah? cha. ¿Kan øyeeg ashiptø managatig ñimba unamerah? cha. Unan naimay srua amrruy— chibig køn.
24628	MRK 9:21	Inchen Jesúsbe møskawan trencha payibig køn: —¿Øyeeg indiibe maya yana køh?— cha. Inchen møskaimbe trenchibig køn: —Unøgurri treeg kuig køn cha.
24671	MRK 10:14	Jesúsbe trunun ashabe, nama, trenchibig køn: —Ureemerane merømø, naimay ka amrrubasay cha. Kaguende Tius nø ashib karub waibe nøm latailaiwein køn cha.
24848	MRK 14:25	Nabe ñimun cierton trendamønrrun cha: Uvas piwane mas muchimumønrrun cha, nai Møskai nø ashib karub waisrø katøyug ñimba mutsam kwalømgatig.—
24850	MRK 14:27	Jesúsbe trenchibig køn: —Ñimbe mayeeløba nainug isua pønrraigwan trubishinrrun cha. Kaguende Tiuswei wamwan pørigu øyah chibig pørig pasran cha: “Ubisha ashibigwan na kweechen, ubishamerabe nøørøtø chab lulrrun” chibig.
24864	MRK 14:41	Inchen Jesúsbe pønmay kønrrabyu arruabe, trenchibig køn: —¿Katøgucha ñimgan israb, kib srø warøtirru? cha. Yandø tsabø køn cha. Ura pun cha. Yandø tranan, chibig køn, tru Møg Misra Arrubigwan kaig marøbelai tasku.
24921	MRK 15:26	Incha kan pørig mesrøbelø køn, chigurrin kwanrrai mesraig køn cha eshkabig: JUDIOSMERAI TRU REY KØN chibig.
25555	LUK 12:27	’Umeranma asay chibig køn, kwallmøwei, kumøwei inchibelø købendø, tabig nørrøran cha. Inchendø nabe ñimune trendamønrrun: Rey Salomónguen nui chine purø tabzhig tøgagua, umera lata tabzhiibe kemuig køn cha.
25741	LUK 17:21	Kabe: “Yu pasran” chimøwei: “Uyu pasran” chimøwei inchun cha. Kaguen Tius nø ashib karub wainuguiibe ñimui umbuguen pasran— cha.
25743	LUK 17:23	Ñimun: “Yu pasran” tantø: “Uyu pasran” tantø indingucha, ashchab ammøwei, mendig ammøwei inchigay cha.
25772	LUK 18:15	Ureezheelan chigucha Jesúsweimay srua amrrubelø køn, nø estsartrai. Inchen nui kusrenanøb pera uniilø trunun ashabe, srua amrrubelan namøben,
25773	LUK 18:16	trune Jesúsbe ureemerane nuimay wama, trenchibig køn: —Ureemerane merømø, naimay ka amrrubasay cha. Kaguende Tius nø ashib karub waibe nøm latailaiwein køn cha.
26033	LUK 23:29	Kaguende kwalømmera attrun cha, øyah tamig: “Ureg tøgagønrrab kaimabelø, mana patsø kwanrriig kømeelø købelø, mana urekkar kua mutsøsrøb nørrøranmeelaimbe mayanguen tab kuilø køn” tailø kømig.
26042	LUK 23:38	Inchen Jesús megaim palagucha kan pørig mesraig megabig køn, griegomay køben, latínmay køben, hebreomay købengue: IIBE JUDIOSMERAI TRU REY KØN chibig.
26142	JHN 1:29	Indiibe katø kwaløm Juanbe Jesús nuim pulumay pub arri ashabe, trenchibig køn: —Asay cha, iibe Tiuswei tru Ubisha-unø pirauelø kaig mariilan kerranrrabig køn cha.
26149	JHN 1:36	Jesús pureb pasrai ashabe, Juanbe trenchibig køn: —Au, asay cha, øibe Tiuswei tru Ubisha-unø køn— cha.
26281	JHN 5:2	Inchen Jerusalén ciudayu tru Ubishamerai Yaskab cha, wamim pulube, kan pisu wabig køn, pøtøgatan ya-ureezheelø trattrøgatø wambiiteelø tøgaig, hebreomaybe Betesda taig.
26551	JHN 10:1	’Nabe ñimun isa kømø, cierton trendamønrrun cha: Ubishameran tulisha kanbalatø keerinug tru yaskabwan kebimøtø, nøørø pegwan kebibiibe, truibe niliig, katø maig købash marøb wesrabig, treeg køn cha.
26557	JHN 10:7	Incha Jesúsbe katø nømun trenchibig køn: —Nabe ñimun isa kømø, cierton trendamønrrun cha: Ubishamera kebambig yaskappe na kur cha.
26913	JHN 19:19	Incha Pilatobe kurusyu kan pørig mesrønrrai karubig køn: JESUS NAZARETSRIIG, JUDIOSMERAI TRU REY KØN chibig.
27615	ACT 17:23	Kaguende na truørø llirab ashib uñene, tru tiuswan køriibala tabig waminchib mariiløsrø, kanbaløsrømbe altargucha wetørrar cha. Truyube trenchibig pørig tøgaig, TIUS ASIIMIIGWAN chibig. Tru ñim ashmubendø køriibala tabig waminchib marøb tøgagúig, tru Tiuswan nabe ñimun eshkab waminchar, chibig køn.
28248	ROM 9:25	Katø Oseaswei pørigu Tiusbe trenchibig køn: “Nai misag søtø kømeelan: ‘Nai misaamera køn’ tamønrrun cha. Undaaraimíig købigwan: ‘Undaaraig’ cha, wamamønrrun cha.
28413	ROM 16:9	Katø Cristoi maramigu namun lincha marøb megabig Urbanonba, katø nai undaaraig Estaquiswanba ‘ka amøñigueh’ tan chirrunrrigay.
28529	1CO 5:7	Tru kølli levadura lataig tøgagúigwan wegutsay, harina sømarig chi levadura larriimíig latawei ñim chishelø kønrrab, ñimbe yandø chabguen treelø kuig køppe. Kaguende Criston, tru namui Pascua Fiestayu Ubisha-unø kweetsamig købigwane namuimburø kweetsig købig køn.
28737	1CO 13:4	Undag købiibe chi puindøgucha tammay ka megabig kømig, larrø tab inchibig kømig, treeg køn. Undag købiibe katøgan chigøben tøgagøben pusrkwai ashib pasrømíig kømig, katø purø møg inchib chib waminchimíig kømig, katø undag købiibe purab nuig misrøb pasrømíig kømig, treeg køn.
28738	1CO 13:5	Undag købiibe larrø tsag inchib maig købash inchimíig kømig, nuimburaptø tab kønrrai inchimíig kømig, ke kuchingurrindø namømíig kømig, kalø marig chab purayeelan katøle isub namig kørrømisrmíig kømig, treeg køn.
28739	1CO 13:6	Undag købiibe chigøben sølgandø tabig mariimeeløyu tab kui mørøb kasrag pasramig kømøtø, isa kømíig, søligube tab kui mørøb kasrag pasramig, treeg køn.
28740	1CO 13:7	Undag købiibe ‘øyangatiitø køtan’ chimø, awentabig kømig, kerrigu kørewa pasrabig kømig, katø chiwandøgucha ka muniirabig kømig, chine nebub arruben, treegu ka pureb megabig kømig, treeg køn.
28741	1CO 13:8	Undag købiibe managuen patsønrraamøn. Trune Tius tru maig karuigwan eshkameløbe patsab, katø peg, peg wammera wamindiiløbe yandø patsab, trugurri tru kusremburab kusrewa nebua asiiløgucha patsab inchun.
29225	GAL 4:27	Kaguende øyeeg chibig pørig pasran: “Ureg tøgagønrrab kaimab ishug, managuen ureg tøgagømíibe, truba tab kui mørøb kasraarab trashi cha, unø tammisrtrab pusrkwabigwan ñi mana maig kui mørmíibe. Kaguende kan ishug nundø elatsigwei ureebe mas nu køn, keg tøga ishuwei lataguen kømø.”
29563	COL 2:2	Undag købigu kanbalatø pønrramisra, nømui manrrømerayu tab kui mørøb kørrømistrai inchib megabig kur, tru chigurrimbunø palømíig pasrabig tabigwan chigúi nebua mørøb ambamnegatig, tru mungucha kenamariimíig Tiuswei pasrabigwan ashmø kømø nebua ashchai, truibe tru Criston.
29604	COL 3:20	Ureemerabe, chiyutøgucha nømui møskalane maig chiben møramig køn. Kaguende øyeeg mariibe Señorwane truba tabig asønan.
29844	1TI 5:14	Inchawei treekkurri piudamera ureeteelø nømdø kørrømisrarbe nabe ka kasharanrrai inchar. Ureemera tøgagøb, katø nømui yaambu mandø purramigwan asam kusreb inchai, Satanás, tru ashig kømui inchibig, chinetø tainab pønrramig chigagønrrab.
30024	PHM 1:19	Na Pablo naashib nai tasiitøga iigwan pørar: ‘Ulø chigúin købene, trube, na purø waramønrrun’ chib, ñuimburab ñitøweinguen Tiusweimburabeløyu nan truba nørrø ulø kuigwan truigwanguen chi kebachimøtø.
30328	HEB 13:20	Tru chi isumgaig tab købigwan tøga Tius, tru managatigwei acuerdo mari anindøga tru Ubishameran Ashibig purø nuig, namui Señor Jesúswan kwailai utugurri kusrubiibe
30362	JAS 2:2	Ñim tulundzuna purrøbenma, kan truba pua møg oro surtigastiig, truba tabig keweig pubene, truba tabzhig wamab, ñimbe trenchinrrun: “Yu katøguchi tab wamdønug warra” cha. Inchen trunetø katøgan, kwa waacha, truba shautøzhig chilliguig keweig pubene, ñimbe trunune trenchinrrun: “Ñibe øsrøndø, ka pasrau” cha; kabe: “Uyu pirau wamisr” cha.
30491	1PE 2:25	Kaguende ñimbe merrabsrømbe kan ubishamera pella, nøørøtø amøñib latailø kuig, møimbe katøle Ubisha Ashibigweimay amrruin køn, tru ñimui møsiimeran chu uragucha chinchimønrrai Ashibigweimay.
30536	1PE 5:4	Treeg marabe, tru Maya Ubisha Ashibelaim Pala Pasrabig kenamisrene, ñimbe corona tørguegwalmabzhig managuen minchabgaigwan utønrrun.
30635	1JN 2:18	Ureezheelø, yandø srabe kwalømmera puin køn. Tru Criston ashig kømui inchibig attrab kui ñimbe wammørøbelø køn. Inchawei møi yangucha tru ‘Cristo ker’ chibelø truba truba amrruin køn. Treekkurri nambe yandø srabe kwalømmera kui aser.
30653	1JN 3:7	Ureezheelø, mugøben ñimun peløsrkainab pønrrønrrab kømø. Sølgandø marøb uñibiibe, sølgandø tabig køn, Cristo nø newan sølgandø tabig køb lataitøwei.
30667	1JN 3:21	Undaarailø, namui manrrø chiyu køben ‘kalø køn’ chib namun kebachimubene, nambe Tiuswei merrab chi isumø pønrramig tøgaguer.
30678	1JN 4:8	Undag købigwan chigaibe Tiuswan nebua ashmíig køn, kaguende Tiusbe tru undag købig køben.
30853	REV 5:6	Inchen tru karub wainuube kan ubisha-unø kweetsig købig lataig asønabendø, katøle kurra pasrai ashibig kur, tru pibgatø øsiguelaimba, kølli misaameraimba tøbøtaabe. Tru Ubisha-unøbe siete kigulmeraba, siete kabmeraba tøgaig købig køn. Inchen tru kabmerabe tru Tiuswei siete espíritumera købig køn, tru pirau ørøba truørø øriilø.
30855	REV 5:8	Inchen nø libron utøbene, tru pibgatø øsigueløba, tru veinticuatro kølli misaamerababe tru Ubisha-unai merrab tømbønsrøb sraløptinchibelø køn. Møitøgucha arpa sruartø, katø oro copamera may irrabzhiitø netsig sruar købig køn. Tru may irrabzhiibe Tiuswei misaamera Tiusba wamindiilø truig købig køn.
30859	REV 5:12	Incha truba truba mur trenchibelø køn: “Tru Ubisha-unø kweetsig købiibe tru maramburab maramigwan køben, chiwandøgucha palømø, tøgagúigwan køben, muguen nebua kusremgaigwan køben, maramburab maramigwan køben, tabig kui asha tab indigwan køben, tørguegwalmabigwan køben, purø tabig wamindigwan køben, utambuawei utønrrabiibe ñitøwein køn” cha.
30860	REV 5:13	Incha katø tru srømbalasrø lata, pirau lata, pirø umbu lata, maryu lata tru chigurrimbunø Tius marig øsiguig pønrrabeløbe øyah taig mørøbig kur: “Tru wamisra karub wainug wabigwanba, katø tru Ubisha-unanbabe, tru purø tabig wamindiiba, tabig kui asha tab indiiba, tørbilabiiba, maramburab maramibabe, managatig patsømíig nuin kønrrain” chib.
30862	REV 6:1	Inchen tru srøsrø sellon Ubisha-unø kølsra, kuren, na ashene, tru pibgatø øsiguelai utuig, møikkøsrøn kan wam palaig trashib lataig truba mur trendaig mørøbig kur: —¡Amø!— chib.
30864	REV 6:3	Inchen Ubisha-unø tru pamay kønrrabyu sellon kølsra, kurene, tru øsiguig srøsriigwei wendauibe nane: —¡Amø!— chibig køn.
30866	REV 6:5	Inchen Ubisha-unø tru pøn kønrrabyu sellon kølsra, kurene, tru pøn kønrrabyu øsiguiibe trendaig mørøbig kur: —¡Amø!— cha. Inchen na ashene, kan yalø kaulli pasraptinchibig køn. Inchen truyu itøgwana wabiibe tasigube palansa sruaig købig køn.
30868	REV 6:7	Inchen Ubisha-unø tru pib kønrrabyu sellon kølsra, kurene, tru pib kønrrabyu øsiguiibe trendaig mørøbig kur: —¡Amø!— cha.
30870	REV 6:9	Inchen Ubisha-unø tru trattrøgatø kønrrabyu sellon kølsra kuren, na ashene, tru Tiuswei wamgurrimba, Tiusweimburab eshkaikkurrimba kweetsiilai møsiimerane altar umbu ashibig kur.
30873	REV 6:12	Inchen Ubisha-unø tru seis kønrrabyu sellon kølsra kuren, na ashene, purø trømbøig mur pirø kønøben, pørrbe ¡katø! yaliig misrøbig køn, kan yalø llensu lataikke. Inchen pølbe kerriguba ani lataig misrøbig køn.
30877	REV 6:16	Incha tunmeranba, peñameranba trenchib trashibelø køn: —¡Namuim pala itøgørrørray! cha. Tru karub wainug wamisra wabigwei maløwanba, tru Ubisha-unai purø trømbøig namig købigwanba ashmønrrab sørørray chib.
30887	REV 7:9	Øyeeg chab puraiben, na ashene, møimbe tru wamisra karub waigwei merrappa, tru Ubisha-unai merrappabe misag purø nu, muguen mundzamgaig pønrrabelø køn, misaamera nørrø pønrrabig chu pirausreelø køben, nørrø kanbalatø warabelø chi misaamera køben, peg peg misag søtømera køben, peg peg wam waminchib misaamera købengue. Truiløbe puløzheelø kewar, tasigube palma ishiimera sruar,
30888	REV 7:10	mayeeløba trenchib mur trashibelø køn: “Kaigyugurri wesraibe namui Tius, tru wamisra karub wainug wabigweinukkurrimba, tru Ubisha-unainukkurrimba arrubig køn” chib.
30892	REV 7:14	Inchene nabe: —Nai Señor, ñibe asha pasrainrrabguen— chibene, nøbe nan trenchibig køn: —Iiløbe tru purø trømbøig isumdiigugurri purørruwar køn cha. Nømbe nømui keilan tsarar, Ubisha-unai anindøga puløzhig marar køn cha.
30895	REV 7:17	Kaguende tru wamisra karub wain tøbøtag Ubisha-unø pasrabiibe nømune kan ubishameran lataig ashib pera pasrøwa, tru øsig kømigwan tranøb pigabmerasrømay pera inrrun cha. Inchen Tiusbe nømui kabmerayu kappiwan pinømørtrun— cha, trenchibig køn.
30896	REV 8:1	Ubisha-unø tru siete kønrrabyu sellon kølsra kurene, srømbalasrømbe kan media ura wasrønzhig kørrømisrøbig køn.
30970	REV 12:11	Namui nuneløbe tru Ubisha-unai aningurrimba, nøm Tiuswei wamwan wamindikkurrimba kanawa pønrramisran cha. Kwamig nebubene, kwanrraptø pønrraig køn cha, nømbe øsig kømigwangøba isumøtø.
30985	REV 13:8	Tru animal trømbøgøligwane tru maya misag pirau warabeløbe køriibala tabig waminchibelø køn, tru chiwangurrimbunø marøb urassrøwei Ubisha-unø kweetsig kønrrabigwei libroyu tru managatig øsig purrønrrabelan pørigu nømui munchimeran truyu chigarbe.
30996	REV 14:1	Inchen na ashene, Ubisha-unøbe Sion taig Tun pala pasrai ashibig kur. Inchen 144.000 tru nøba pønrrabeløbe Ubisha-unai munchiwanba, Møskawei munchiwanba nømui kappaløyu pørig tøgar pønrrabelø køn.
30999	REV 14:4	Iiløbe ishumburmeraba trømbøig marmøwar, nømui asrwan trømbøig marøb mun katørameelø, chishelø køn. Iiløbe Ubisha-unø chu iben, chu uragucha elachimø, mendig amøñibelø køn. Iiløbe maya misagwei utugurri nømune nuin kønrrai wesruilø køn, Tiusweyasiiba, Ubisha-unayasiiba nømunmerrig pølbasra traniilø.
31005	REV 14:10	nøgucha tru mumaygucha kømui møra melønrrai mari vinon Tiusweinukkurri arrubigwan mutchun cha, Tiuswei namig købigwan truigwandø tamara copayu usrigwan. Katø Tiusweindø tarømari ángelesmerai merrappa, Ubisha-unai merrappa naaba, azufrebaigu mumaygucha kømui purø trømbøig kui meganrrun.
31018	REV 15:3	Nømbe tru Moisés Tiuswei marøb megabig cantaigwanba, katø Ubisha-unø cantaigwanba trenchib cantabelø køn: “Señor, purø nørreelø ñi chigøben mariiløbe, kwaara asamdeelø mariilø køn chib, Señor Tius Newan Maramburab Marøbig. Ñui maymerabe tabig sølgandeelø, newan ciertonelø køn chib. ¡Chusrøn køben misag purø nørrø pønrrabelai ñi Rey køn! chib.
31058	REV 17:14	Inchen nømbe Ubisha-unøba kwayaben, Ubisha-unøbe nømune kananrrun. Kaguende nøbe Maya Misagwan Karub Ashib Pønrrabelaim Pala Nø Karub Ashib Pasrabig, katø Maya Reymerai Nø Rey kua. Inchen nøba pønrrabeløbe Tius wamiilø, lawa wesruilø, nun elachimø melabelø købig køn— cha.
31093	REV 19:7	Kasraarab, katø truba tab kui mørøb, katø nune maya nuguen tabig waminchigun chib. Kaguende møimbe Ubisha-unø kasharab kasraaramig pun cha. Nui srain kønrrabiibe tamara pasran cha.
31095	REV 19:9	Inchen ángelbe nan trenchibig køn: —Iigwan pør cha: “Tru Ubisha-unai kasharab yaumay manrrab linchab amrrunrrai eshkailøbe mayanguen tab kuilø køn”— cha. Inchabe nane treekkucha chibig køn: —Iiløbe Tius nø newan cierton wamindiilø køn— chib.