95	GEN 4:15	Inchene Jehovábe trenchibig køn: —Møikkøben Cainwan kweechibiibe siete pijisken purab trømbøig nebuin pasrønrrun— cha. Incha Jehovábe Cainwane kan siñal asamdiig tøgaig kønrrai marøbig køn, mugøben ashagucha, nune kweechimønrrai.
98	GEN 4:18	Incha Enocbe kan nusrkai Irad taig tøgaguig køn. Inchen tru Iradbe Mehujaelwei møskain køben, Mehujaelbe Metusaelwei møskain køben, Metusaelbe Lamecwei møskain kuig køn.
103	GEN 4:23	Kan piji Lamecbe nui sralan trenchibig køn: —Adaba, Zilaba, nai wamwan mørtray cha. Lamecwei sralø, nai wamwan tab mørtray cha. Nan kørriinchen, nabe kan møwan kweechib, nan mur kebachen, nabe kan matsinan kweechar cha.
104	GEN 4:24	Cainwanma siete pijisken purab trømbøig nebunrrai pasrig kuibe, Lamecbe sietebatø setenta pijisken treetø treetø purab trømbøig nebuin pasrønrrun” cha.
227	GEN 9:21	Indiibe kan piji Noébe vino mucha mutsiirawa, tru nui carpa yau kebya, peña tsumisrøppe, køsaatiig tsuben,
251	GEN 10:16	Inchen tru i Canaánweinukkurri amrrub misaamerabe jebuseosmera køben, amorreosmera køben, gergeseosmera køben,
259	GEN 10:24	Inchen Arfaxadbe Selajwei møskain køben, Selajbe Eberwei møskain kuig køn.
291	GEN 11:24	Nacorbe pilamera veintinueve tøgagua Térajwan tøgaguig køn.
292	GEN 11:25	Nacorbe Térajwan tøgaguinukkurrimbunø pilamera ciento diecinueve tøgagua nusrkalø køben, nimbasrmera køben, tøgaguig køn.
293	GEN 11:26	Térajbe pilamera setenta tøgagua, Abramwan køben, Nacorwan køben, Haranwan køben tøgaguig køn.
294	GEN 11:27	Iilø køn tru Térajweinukkurri amrrub misaamera: Térajbe Abramwan køben, Nacorwan køben, Haránwan køben tøgaguig køn. Inchen Haránbe tru Lotwan tøgaguig køn.
295	GEN 11:28	Inchen nui møskai Téraj kwamøwatø, tru Haránbe Caldeosmeraim pirausrø, tru nø kal-laim pirau kwaig købig køn.
299	GEN 11:32	Inchen tru Téraj øsig tsuin kwalømmerabe pilamera doscientos cinco kuig køn. Incha Térajbe Harán pirausrø kwaig købig køn.
382	GEN 15:21	amorreosmeraim pirømeran køben, cananeosmeraim pirømeran køben, gergeseosmeraim pirømeran køben, jebuseosmeraim pirømeran købengue.
457	GEN 18:32	Incha katøle Abrahambe trenchibig køn: —¡Nai Señor, nan namømørrunrrig cha, i piejindøh na ñun katølø trenchibashibsrumuguh cha: ¿Inchippa truyu pa trattrø wetørraimbeh?— cha. Inchene Jehovábe trenchibig køn: —Tru pa trattrøn isuptø, pinishimumønrrun— cha.
594	GEN 24:2	Incha kan piji Abrahambe tru nui karuig mendig megabig ke managurri peraguig nui chi købigwan nø asha marøb pasrabigwan wamabe, trenchibig køn: —Ñui tasigwan nai srøptsim umbu estsartra cha.
612	GEN 24:20	Incha mallazhiitø tru køtsøyu piwan tru pi kwarainug kwara treetø, treetø yambiji pi wesrawa, mam camellos kuimba mutsamne kwarøbig køn.
661	GEN 25:2	Truibe Zimramwan køben, Jocsánwan køben, Medánwan køben, Madiánwan køben, Isbacwan køben, Súajwan køben tøgaguig køn.
693	GEN 25:34	Inchen Jacobpe nuimburappe, pirrin køben, tru lentejas tamari mamiizhigwan køben tranen; truigwan uta mab muchib inchabe, truyugurri kurrab ibig køn. Øyeeg mara, Esaube nø mayur nusrkain kuimburø uta tøgagømigwan chiguen tabig kømui lataig indig købig køn.
708	GEN 26:15	Incha nui møskai Abraham øsig wab urassrø, Abrahamwei karuig mendig melabeløbe aljibesmera lalla, pi wesruilan, truilan filisteosmerabe pirøtøga netsø kasra pønsrøbelø køn.
719	GEN 26:26	Inchen Abimelecbe Gerarsrøngurri Isaac tsuisrømay arrubig køn. Inchen tru Ajuzat tru nun trag linchib wam purugubiiba, tru nui suldaumeran nø karub pera pasrabig Ficolba lincha amrrubelø køn.
881	GEN 31:7	Inchen køben ñui møskaimbe, treeg martrab chib treeg martrab chib marmuig køn cha nai pagarwan ke pa tratrø piejes yunømarøb. Inchen køben Tiusbe na chi tøgaguigwan Laban kaig marmønrrai nan søtø pasraig køn cha.
884	GEN 31:10	Indiibe kan pijibe ubishamera lata cabramera lata wambiimisra pønrrøben, nan piappe, treeg piatan cha: tru møg cabrazheelø cabrameran nesraløbeløbe sindabar køben, tsureelø køben kagømønrraindø tsurøzheelø køben treelø købashib.
915	GEN 31:41	Pilamera pib trattrøh nabe ñui yau megaig køn cha. Ñui pa nimbasrmeran nan tranamweimbe pilamera pa trattrø y pib pilaba mara tranøb megaig køn cha. Inchen trattrø y kanbabe ñui ushameraimburø megaig købig køn cha. Inchen nan pagaramigwane katø, katø peemayh, peemayh ñibe yunømarøbig køn cha, pa trattrø piejes yunømarig køn cha.
1030	GEN 35:18	Inchen nøbe yandø ke kwanrrab inchib ke srabe israb megawa, unøzhigwane Ben-Oni cha wamabig køn. Inchendø møskai Jacobpe Benjamin munchi pasrig køn.
1036	GEN 35:24	Raquelwei nusrkaløbe: Joséba, Benjaminba.
1054	GEN 36:13	Inchen Reuelwei nusrkaløbe iilø kuig køn: Najat køben, Zera køben, Sama køben, Mizá købengue, truiløbe tru Esaúwei srai Basematwei awelumera købig køn.
1058	GEN 36:17	Inchen Esaúwei nusrkai tru Reuelwei nusrkaløyu nørreelø nøm asha karubeløbe iilø kuig køn: Najat køben, Zera køben, Sama køben, Mizá købengue. Iilø kuig køn tru Edom pirau Reuelweinukkurri amrrub misaamera nørreelø nøm asha karubelø truiløbe kerriguba, Esaúwei srawei Basematwei awelumera.
1064	GEN 36:23	Inchen Sobalwei nusrkaløbe Alván køben, Manajat køben, Ebal køben, Sefó køben, Onam køben kuig køn.
1078	GEN 36:37	Inchen Samla kwabene, tru nuimburøbe Rejobotsrø Saúl karunrrab nebyaig køn, tru Eufrates pi menda.
1089	GEN 37:5	Indiibe Josébe kan piji kan piaig tøgagua, nunelan waminchen, trugurrimbe nuneløbe masken tsalø ashibelø køn;
1104	GEN 37:20	Møimbe amrrui chibelø køn, kweecha, kan aljibe laligu kegutchab cha. Incha: “kan namig usha kweecha, main køn chinrrab” cha. Er nui piailøbe maig indashchab— chibelø køn.
1106	GEN 37:22	Ñimbe ani lushmøtø, mu misag warab waraimønug aljibe lalig pasrabnug kegutsay chibig køn. Inchendø ñimui taskabe chi marmøtay— cha. Rubénbe øyeeg chippe, Joséwane katøle wesrawa, møskaweisrø pegutchab isuig køn.
1112	GEN 37:28	Inchen tru madianitasmera chine penab, yanøb inchibelø amrruben, Joséwei nuneløbe tru aljibe trab lalig pasrabigugurri wesrawa, pib tratrø an pitiswei yanøbelø køn. Øyamay Joséwane Egiptosrømay srua ambig købig køn.
1113	GEN 37:29	Indig yanayu Rubénbe tru aljibe trabsrømay arrubene, møimbe Josébe yandø mugaagøptinchen, nøbe isuptø nui kewa pasraigwan kølsrøptinchibig køn.
1198	GEN 41:2	Møimbe tru piugurrimbe trattrø y parba larrø tabelø, tsal waaramera werruptincha, junco utuwan pu mab mendabelø køn.
1214	GEN 41:18	tru piugurrimbe waaramera trattrø y par larrø tabelø, tsalelø werruptincha, tru juncos utu pu mab køben,
1257	GEN 42:4	Inchendø Jacobpe tru Joséwei nuneg Benjaminwane ørmíig køn, tru nui nuneløba: “Inchippa mayu chigøbendø nebubgun” cha.
1289	GEN 42:36	Inchene møskai Jacobpe nømune trenchibig køn: —Ñimbe nane yandø chi nusrkaløgaig kørrømarøb amrrutan cha. Josébe yandø pinig mugaaben, Simeóngucha mugaaben, møimbe Benjaminwan pera amrrab indan cha. Iibe kerriguba naimbalatø pureb attan— cha.
1290	GEN 42:37	Inchen Rubénbe møskawan trenchibig køn: —Benjaminwane na ashchur cha. Na Benjaminwan ñuimay katøle pera pumubene, nai pagatø nusrkalan kwetchig— cha.
1305	GEN 43:14	Maramburab Marøb Tiusbe tru møg ñimun lastima tøgagønrrai martrain cha. Inchen ñimui katøgan nunewan lelachen, Benjamíngucha katø ñimba attrain cha. Inchen nan nai nusrkalan trubisamig nebubene, chinchibig kui ¡ka treeg nebunrraita!— cha.
1306	GEN 43:15	Inchen nømbe tru ketamelanba, katø angucha maya srua ambig kømnetø katø treetøweih srua, Benjamínwan pera, Egiptosrømay kørraamba, Joséwei merrab pubelø køn.
1307	GEN 43:16	Inchen Josébe Benjamín nømba arrin kui ashabe, tru nui yau ashibigwane trenchibig køn: —I møguelan nai yamay pera ya, kan waara kweecha tamaray cha, kaguen i møgueløbe kwaløm tøbøtaabe naba manrrab køn— cha.
1320	GEN 43:29	Inchen Josébe nuin pøtøgatan ashabe, tru kan møskaindø, kan usrindø kuikkurri nuimbe trag nuneg Benjamín pasrai ashabe, trenchibig køn: —¿I tru ñimui wendø nuneg kuitarru cha, tru ñim nan wamindig?— Inchabe trenchibig køn: —Tius maya nuguen ñun tab indig kønrrain cha, nai nusrkai.—
1325	GEN 43:34	Incha Josébe tru nui mishatsigu chi mamiimera pønsraigwan tru mamiimeran nømun pirishibig køn. Inchen Benjamínweyasiibe trattreelaimburabigwan nuyasiitø pasrøbig køn, kanelan lataitøguen kømø. Incha nømbe Joséba kanbalatø mab, muchib truba truba kasraarabelø køn.
1337	GEN 44:12	Inchen tru ya ashibiibe tru mayur nunewei kustalyugurri lab pølbasra, tru srabe nuneg Benjamínweisrøngatig lam mendøbene, møimbe tru copane truigwein kustalyuh wetørraptinchibig køn.
1371	GEN 45:12	Inchagucha ñim lata, nai nuneg Benjamin lata, ñimashib asha pønrran’ cha, waminchippe na waminchib pasrai.
1373	GEN 45:14	Incha Josébe nui nuneg Benjamínwan ira pasramisra, kishen, katø Benjamíngucha treetøwei nuneg Joséwan ira pasramisra, kishibig køn.
1381	GEN 45:22	Incha nømun kanun, kanun kemelø srøizhig kan, kan keta trana, Benjamínwane tsantsøn anmera trescientosba, katø yunømarøb kemelø trattrøgatøba keta tranøbig køn.
1406	GEN 46:19	Inchen Jacobwei srai Raquelwei nusrkaløbe iilø køn: Joséba, Benjamínba.
1408	GEN 46:21	Inchen Benjamínwei nusrkaløbe iilø køn: Bela køben, Bequer køben, Asbel køben, Gera køben, Naamán køben, Ehi køben, Ros køben, Mupim køben, Hupim køben, Ard købengue.
1501	GEN 49:27	Inchen Benjamínbe kan larrø namig lobo lataig køn, løtsøbe nui kemøra mamigwan ma, maabene unchibelan pirishibig.”
23293	MAT 4:15	Zabulónwei misag warainuuba, Neftalíwei misag warainuuba tru pirau, Jordán pi ambøgatø tru nu pisugatømaysrø, Galilea tru judío kømeelø warainug,
23301	MAT 4:23	Jesúsbe Galilea pirau ørøba llirab ibig køn, judíosmera tulundzuni yamørig Tius nø ashib karub pasrainuguig tabig srø wamwan eshkab kusrenanøb. Incha misaameran chi kwanrreelan køben, chi pusrkwailan køben tamarøbig køn.
23303	MAT 4:25	Inchen misaamera galileasreelø køben, decápolissreelø køben, jerusalénsreelø køben, judeasreelø køben, Jordán pi tru pørr kal-labgatøsreelø køben Jesúswei mendig truba nu ambubelø køn.
23328	MAT 5:25	’Møikkøben ñun kejawa, juezweimay merranene, tru kejabiiba mayu ib pasrappatø, tammay kørrømisrkun cha, petø wamindam lau, tru juezwei tasku tranmønrraimbe. Inchippa juezbe policíameran tranen, truiløbe ñun kailan keeri yau kegutsinamønrrappe.
23343	MAT 5:40	Møikkøben kejawa kewagúigwan kerranrrab inchene, turiwangucha srua ibasingaru cha.
23350	MAT 5:47	Inchen ñimui nunelandø tab wamabiibe, ¿chigúi srøig peg marig kønrrautah? Kaguende ¿Tiuswan ashmeelø tru judíos kømø misaameraguen treetøweimbe marøbelø kømuitarru?
23353	MAT 6:2	Inchawei palai inchibelan ñi puruguppe, mayeelø wammørtrai waminchib kenamarmøta. Tru palatø tab inchibelø latawei judíosmera tulundzuni yamerayu, callesmerayu misaamera nømun tabig waminchai marøbelø lataig marmøta. Kaguende nabe ñimun cierton trendamønrrun: Yandø treeg marøbeløbe nømui truburø ketig utamigwane utabguen indan cha.
23356	MAT 6:5	’Ñim Tiusba waminchib pønrrappe, tru palatø tab inchibelø lataig kømøtay. Truiløma judíosmera tulundzuni yamerayu køben, plazayu ya tsøbmerasrøn køben pønrramisra, Tiusba wamindamig chullelø køn, misaamera ashchai. Nabe ñimun cierton trendamønrrun: Nømun misaamera tabig wamindiibe, truibe truburø ketig chabguen utabguen indan cha.
23358	MAT 6:7	’Tiusba waminchib pasrappe, trunundø katøle, katøle ka yandø wama mørmøta, judíos kømeelø latawei. Kaguende truiløbe truba truba waminchene, Tiusbe katøguchinguen mørtraitamab isubelø køn.
23383	MAT 6:32	Kaguende tru Tiuswan ashmeelø judíos kømø misaamerabe iigwandø isub labelø køn. Inchen ñimui Møskai srømbalasrø wabiibe ñimui chi palabelan ashaguen wabig køn.
23466	MAT 9:18	Jesús waminchib pasramne, judíosmeran chi maramigwan kan karubig puabe, nui merrab tømbønsra, trenchibig køn: —Nai nimbasr ke møindø kwan cha. Øyeeg kuindøgucha, ñi arrua, tasigwan nuim pala estsarene, katø øsiiranrrun— cha.
23471	MAT 9:23	Incha Jesús tru judíosmeran karubigwei yau pubene, lus urrabelø køben, katø misaamera truba trashib kishib kui ashibig køn.
23483	MAT 9:35	Jesús maya pueblomerasrø, yamera tsitsø pønrrabsrø, judíosmera tulundzuni yamørig kusrenanøb, tabig srø wam Tius nø ashib karub wainuguigwan eshkab waminchib, chi kwanrrømeragurrimbunø tøgarwan pusrkwabelan tamarøb llirab ibig køn.
23503	MAT 10:17	Ashiptø kønrrigay misaameran. Kaguende nømbe ñimune karubelai tasku tranøb, katø judíosmera tulundzuni yamerayu ñimune ichabetab inchun.
23504	MAT 10:18	Katø karubelø nørreelai merrab, reymerai merrab nagurrindø srua amrrun, trumay ñimbe nømunba, judío kømeelanba naimburabigwan wamindamig kønrrai.
23533	MAT 11:5	Kabgailøbe ashen, cojosmerabe amben, asr trerab kwanrrø tøgarmerane nømui kwanrrøwan tamara chishmariilø køben, kalu mørmeeløbe mørøbelø misren, kwailøbe øsiiraben, waachamerane Tiuswei tabig srø wamwan eshkab kusrenaniilø køn cha.
23567	MAT 12:9	Incha Jesúsbe truyugurri ya, judíosmera tulundzuni yau kebibene,
23579	MAT 12:21	Inchen judíos kømø misaamerabe nui munchiyutø isua muniirab kønrrun, taig.
23662	MAT 13:54	Incha nuim pirausrøndøwei puabe, tru judíosmera tulundzuni yau kusrenanøb mendøbene, misaamerabe truba kwaara ashib trenchibelø køn: —¿I møøbe øyeeløbe churre øyeeg kusreh? cha. ¿Katø tru maramburab mariilan chincharre marerah? cha.
23732	MAT 15:30	Misag truba truba nørrø nø wainug tulundzuna, cojosmera køben, kabgailø køben, asru chiyu køben kesruilø køben, waminchab kaimabelø køben, katøgan chi kwanrrø køben tøgarmera truba nu treelan køben Jesúswei merrab srua amrrua, pønsrøben, nøbe tamarøbig køn.
23733	MAT 15:31	Treekkurri tru nu misaabe ashippe, ke kwaara asha kørrømisrøbelø køn, waminchab kaimabeløbe wamindamba, asru chiyu køben kesruiløbe tabig kørrømisramba, cojosmerabe ambamba, kabgailøbe asamba indi ashabe, nømbe Israel misaamerai Tiuswan truba tabig waminchibelø køn.
23804	MAT 18:8	’Inchawei ñui tasig kui, ñui srøb kui kaig maringarua kaigu ñun kebenøsrkøbene, para, kuchi. Managatig øsig wamsrø tasig palabig kui, cojo kui kebyamikken søl kønrrun, pa tasig tøgaig, pa srøb tøgaig tru managuen kwamø nagu kegutsig købgunrriibe.
23813	MAT 18:17	Inchen truilangucha mørøg kømui inchene, trube, iglesiayuelan eshkau chibig køn. Inchen katø iglesiayuelan mørøg kømui inchene, trubeguende, yandø Tiuswan ashmíig judío kømíig lataig, kabe kan romasreelayasig an utaptø wabig lataig mara kørrømaray cha.
23817	MAT 18:21	Inchen Pedrobe Jesúswan kemalla, trencha payibig køn: —Señor, nai nuneg nan chigøben kaig marøbig marene, nabe ¿mam piejegatig pesannab ulø paymumig kønrrab kø? cha. ¿Kabe sietegatiitøteh?— cha.
23818	MAT 18:22	Inchene Jesúsbe trenchibig køn: —Nabe siete nebumnegatiitø chimur cha. Treeg kømøtø, sietebatø setenta piejeskatig char— chibig køn.
23860	MAT 19:29	Inchen mayeeløba yameran, nunelan, nuchalan, usri møskawan, uregwan, pirømeran nai munchigurrindø elachibeløbe cien piejes menrraguen utab, katø managatig øsig kømigwangucha Tius tranig utønrrun cha.
23880	MAT 20:19	Incha nømbe nun indzatø ashib, kurraguchib, kurusyu mesrøb inchai judíos kømeelan tranrrun cha. Inchen pøn kwalømyube katø øsiirawa kurrønrrun— chibig køn.
23886	MAT 20:25	Inchen Jesúsbe nømun wamabe trenchibig køn: —Ñimguen ashen, judíos kømø misaameran karub purrabeløbe nøm karub tøgagúilane maig købash inchib ke nøm karub purran cha. Inchen truyu møguelø nørreelø nøm karub purrabeløbe mungucha manchinrraingaig karub purrabelø kui ashchai nømbe kenamaran cha.
23909	MAT 21:14	Inchen tru Tiuswei yau kabgailø køben, cojosmera køben Jesúswan kemallen, nøbe tamarøbig køn.
23993	MAT 23:6	Lincha tabig mabyugucha nørreelø purrainug purø tabigu purrag kui indamba, judíosmera tulundzuni yamerayube purø tab purramdønug purrag kui indamba inchibelø køn cha.
24021	MAT 23:34	Inchawei asay chibig køn. Nabe Tius maig karuigwan eshkabelø køben, nørrø kusrebelø køben, Moisés pørigwan kusrennøbelø køben ñimuimay øren, møilan køben ñimbe truilane kweechib, kurusyu melsrøb inchun cha. Katø judíosmera tulundzuni yamerayu maig købash marøb ichabetab, pueblosmørig chu amben, chu amben, ñimbe pasraørøb wendautø amrrun cha.
24024	MAT 23:37	’¡Jerusalén! ¡Jerusalén! ¡Tius maig karuigwan eshkabelan kweechibig, katø ñimuyasig Tius karua øriilan sruutøga petabig! ¡Nabe yamba, kan piejetø kømø, kan atøwall nui pullichu-uregwan kwaldzarig umbu kanbalatø mara, maatanab lataitøwei ñui uregwan tulundzunønrrab inchen, ñibe nane kaasig køn! cha.
24209	MAT 27:11	Incha Jesúsbe yandø kubenadurwei merrab pasrøben, nøbe trencha payibig køn: —¿Ñigan judíosmerai rey køtirru?— cha. Inchen Jesúsbe trenchibig køn: —Ñitøweinguen chab trendan— cha.
24246	MAT 27:48	Inchen møi møi nømui utu møikkøsrøn kan ñab esponja lataigwan tranrrab lula, trunun køchiibiyu kebisha, kan caña tsigu pucha, trunun mutchai trig pulusrøngatig nun yuuløbig køn.
24279	MAT 28:15	Inchen suldaumerabe anwan uta, maig karuben treeg marøbelø køn. Incha øyeeg purayaig køn chib wamindiibe judíosmerai utube møin kwalømgatig wambe larrøbitsig pasrabig køn.
24305	MRK 1:21	Incha Capernaum puebloyu pua, tru isrin kwalømbe Jesúsbe judíosmera tulundzuni yau kebya, kusrenanøb mendøben,
24307	MRK 1:23	Inchen tru puebloyu judíosmera tulundzuni yaube kan møg trømbøig maringarub kwaimandzigwan tøgaig wawa, trenchib trashibig køn: