80	GEN 3:24	Incha møwan wambig wegucha, Edén tru tulyu pørr kal labgatømay querubinmera pønsra, katø kan espada naarabig amburab, iburab llirabig pasrøbig køn, managatig tru øsig køm tusryumay ambam maywan pumønrrai martrab.
116	GEN 5:10	Enósbe Cainánwan tøgaguikkurrimbunø pilamera ochocientos quince tøgaig kua, nusrkalø køben, nimbasrmera køben tøgaguig køn.
136	GEN 5:30	Incha Lamecbe nusrkai Noéwan tøgaguinukkurrimbunø pilamera quinientos noventa y cinco tøgaig tsua, nusrkalø køben, nimbasrmera køben tøgaguig køn.
138	GEN 5:32	Noébe pilamera quinientos tøgaig kua, pøngatø nusrkalø tøgaguig køn: Semwanba, Camwanba, Jafetwanba.
278	GEN 11:11	Incha Sembe tru Arfaxadwan tøgaguikkurrimbunø pilamera quinientos øsig tsua, nusrkalø køben, nimbasrmera køben tøgaguig køn.
305	GEN 12:6	Incha Abrambe Canaánsrø puabe, tru pirau kerrigu pureb ya, tru Siquénsrø pubig køn, tru Moré Tusr taig pasramnug. Inchen tru urassrø tru cananeo misaamerabe Canaan pirau warabelø købig køn.
355	GEN 14:18	Inchen tru Salemsrø rey Melquisedecbe, Tius Mayeelain Pala Pasrabigwei sacerdotebe pirrimba, vinoba wesrua,
357	GEN 14:20	Tius Mayeelain Pala Pasrabig Purø Nuigwan maya nuguen tabig wamindig kønrrain cha, tru ñun ashig kømui inchibelan ñui tasku tranøbigwan. Inchen Abrambe chigurrimbunø katøle wetørrawa srua arrigwan cienyugurri diezwane wesrawa, Melquisedecwan tranøbig køn.
433	GEN 18:8	Incha queso køben, pitsø køben, tru waara kweecha tamarigwan køben, nømun manrrai pønsrøbig køn. Incha Abrahambe nøm mab kømne tru tusr umbu ashib pasrøben,
802	GEN 29:6	Inchen Jacobpe: —¿Kwanrrø kømø, tab ka tsubig kuitarru?— cha katøyug payibig køn. Inchen tru ubisha ashibeløbe trenchibelø køn: —Nøbe tab ka tsubig køn cha. Au, ñiguen ash cha, møskawei ubishameran merrana nimbasr Raquelbe uyu arrun— cha.
805	GEN 29:9	Inchen Jacob truiløba waminchib pasramne, Raquelbe møskawei ubishameran merrana, arruptinchibig køn, kaguende ubishameran nø ashibig kua.
806	GEN 29:10	Inchen Jacobpe tru nui usraimbe nuchag Labanwei nimbasr Raquelwanba, katø tru Labanwei ubishameraba arri ashabe, kemalla, tru pisuyu srug kasraig tsubigwan malsra, nui kuchimøskai Labanwei ubishameran pi mutsøsrøbig køn.
807	GEN 29:11	Incha trugurrimbe Raquelwan muchawabe, truba truba kishibig køn.
808	GEN 29:12	Incha nøbe: —Rebecai nusrkain kur’ cha. Labanweimbe kuchiunø kur— chib waminchen, Raquelbe nui møskawan eshkanrrab luløbig køn.
812	GEN 29:16	Inchen tru Labanbe nimbasrmera pagatø tøgaig købig køn, mayurbe Lea købene, wendiibe Raquel.
813	GEN 29:17	Leabe kammera larrø tabzhig ashibig købene, trune Raquelbe larrø tab malø pasraig, larrø tab ishuuzhig købig køn.
814	GEN 29:18	Incha Jacobpe Raquelwan purø chull asha, nui kuchimøskawane trenchibig køn: —Ñui wendø nimbasr Raquelwan nai srain kønrrai ñi tranamwei trattrø y pa pila ñuyasig mara tranøb megarrumøn— cha.
816	GEN 29:20	Øyamay Jacobpe trattrø y pabila Raquelwan tranamwei mara tranøb megabig køn. Nøbe Raquelwane purø chull asha, megaig køppe, nune ni kan maya yanaguen kømub lata inchibig køn.
821	GEN 29:25	Indiibe løtsøbe, Jacoppe Leaba kib tsuptinchibrain kui ashibig køn. Incha Jacobpe Labanwane trenchibig køn: —¿Øyeebe nane ñibe chi margu? cha. ¿Yamba Raquelwan tranamwei nabe ñuyasig marøb megaig kømuitarru? cha. ¿Nane chindimbarre øyeeg isa kebenøsrkugu?— cha.
823	GEN 29:27	Leaba tru kasharabyu tabig mab kasrag waramigwan trune neigwan patsøgø chibig køn Labanbe. Trugurrimbe Raquelwangucha tranrrumøn cha, trattrø y pa pila ñi nayasig katøle srøig marøb meganrrab købene.—
824	GEN 29:28	Inchen Jacobpe treeg marøbig køn. Incha tru Leaba tru kasharabyu tabig mab kasrag waramigwan tru trune neig maramigwan chab nemarene, Labanbe Raquel nui nimbasrwan srain kønrrai tranøbig køn.
825	GEN 29:29	Inchen Labanbe kan karuig mendig megabig Bilha taigwangucha Raquelwan purugub meganrrai tranøbig køn.
826	GEN 29:30	Inchen Jacobpe Raquelbagucha kibig køn. Incha truigwane Lean lataguen kømø, masken undaarabig køn. Incha Labanweyasig katøgucha srøig trattrø y pa pila mara tranøb megaig købig køn.
827	GEN 29:31	Jehovábe Leane Jacobpe ke palabinø indi ashabe, truigwane ureg tøgagønrrai tranøbig køn. Trune Raquelbe urekkaig kønrrabig købig køn.
832	GEN 30:1	Raquelbe Jacobwei ureg tøgagønrrab kaimappe, numøsrawane truba pusrkwai asha, Jacobwane trenchibig køn: —Ureg tøgagønrrab trannrra cha, tren kømuisruandø nabe kwamønrrun— cha.
835	GEN 30:4	Øyamay Raquelbe tru nui karui megabig Bilhan Jacobwan srai lataig kønrrai tranøbig køn. Inchen Jacobpe tru Bilhaba kibig køn.
837	GEN 30:6	Incha Raquelbe trenchibig køn: “Tiusbe naimburab maig maramigwan sølgandø martan cha. Incha nai miaigwan møra, kan nusrkai trandan cha. Treekkurri Incha Raquelbe tru unane Dan munchi pasrig køn.
838	GEN 30:7	Tru Bilha Raquel karui mørøb megabiibe, katø kwanrriig kørrømisra, Jacobwei katøgan nusrkai tøgamisrig køn.
839	GEN 30:8	Incha Raquelbe trenchibig køn: “Tius namun øyeeg kønrrain kuikkurri nabe nai numøsraimba purø murtø melambuyab megawa, na kanar” cha. Treekkurri Raquelbe tru unane Neftalí munchi pasrig køn.
845	GEN 30:14	Tirigu parøb kwalømmerawan Rubenbe wambigwansrø llirab yabe, mamig trulmera mandrágoras tailø wetørrawa usri Leayasig lurra, srua arrubig køn. Inchen Raquelbe Leane trenchibig køn: —Tiusmanda, ñui nusrkai tru mandrágoras tailø srua arriilan srøttra— cha.
846	GEN 30:15	Inchene Leabe trencha løtabig køn: —¿Ñibe nai kewan yeeg kerrawa pasraptøga ñungan chigucha kømui lataig mørøraitarru? cha. ¿Møimbe nai nusrkai mandrágoras srua arriilangucha nan kerranrrab indirru?— cha. Inchene Raquelbe trenchiptinchibig køn: —Tru ñui nusrkai mandrágoras srua arriilan na merrarranrrur cha, truburø møi yem Jacobpa ñi ki pøs— cha.
847	GEN 30:16	Inchen yandø maaben køben, Jacob wambigwansrø uña katø arruben, Leabe katønrrab webyabe, trenchibig køn: —Møi yembe ñibe naba kiamig kønrrab køn cha, kaguen nai nusrkai mandrágoras srua arriitøga nabe Raquelwan pagarawa, truburø møi yembe nabe ñiba kiamig køn— cha. Inchen tru yembe Jacobpe Leaba kibig køn.
853	GEN 30:22	Inchendø Tiusbe Raquelwan isub tøga wawa, nø miab megaigwan møra, ureg kønrrai tranig køn.
856	GEN 30:25	Yandø Raquel Joséwan tøgamisren, Jacobpe Labanwan trenchibig køn: —Na tsuig købig tru pirausrømay inrrab, ibashcha cha.
878	GEN 31:4	Inchen Jacobpe Raquelwanba, Leanba wamabig køn, tru nø ubishameran ashib tsuisrømay amrrunrrai.
888	GEN 31:14	Inchene Raquelba, Leababe trencha løtabelø køn: —Nambe yandø namui møskaweinuube chi ketig utamibe chiga ker cha.
893	GEN 31:19	Inchen tru Labanbe nøørøsrø ubisha isig partrab yaig mugaabenbatø Raquelbe tru yau yau tøgagui tiusmeran søra wesrain købig køn.
906	GEN 31:32	Pøs tru ñui tiusmeran møig køben yu tøga wabiibe kwanrrain chibig køn. Nai yauelø testigos kønrrai cha nai chi tøgaguigu, chitø ñuyelø køtashchab ñiashib lau,— chibig køn. Inchendø Jacobpe Raquel nemøra srua arritamappe chiguen isumuig køn.
907	GEN 31:33	Inchen Labanbe Jacobwei carpa yasrø kebya, trugurrimbe Leain carpa yasrø, katø tru pailø karui mørøb melab ishumburmeraisrø lab kebya, kalawa, tru Leai carpayugurri webarruabe, yandø Raquel waisrø lab kebig køn.
908	GEN 31:34	Inchen Raquelbe tru tiusmeran nemøra kan camelloi tsølig umbu warøppa, trubala wamisrøppa wabig køn. Inchen Labanbe tru carpa yau kerriguh lawa, kalaben,
909	GEN 31:35	Raquelbe møskawane trenchibig køn: —Nai møskai, na ñui merrab kurrømubene, ñi nan namømørrunrrig cha, kaguen nabe chillig misraig war cha. Inchen Labanbe tru taska marig tiusmeran wetørranrrab kaima lab uñen,
962	GEN 33:1	Møimbe Jacob kurraashene, Esaúbe arruptinchibig køn, tru cuatrocientos møguelan pera. Inchen Jacobpe nui ureezheelan kanelane Leai merrab, kanelane Raquelwei merrab, kanelane pagatø nui tru karuig mendig melab ishumburmerai merrab øyamay pirisha merranøbig køn.
963	GEN 33:2	Incha tru nui pagatø karub tøgagui ishumburmeran tru nømui ureemeran ke merrabsrø pønsra, tru wendaube Lean tru nui ureemeranba, tru wendaube Raquelwan tru nui Joséwanba pønsrøbig køn.
968	GEN 33:7	Trugurrimbe Lea nui ureezheeløba utsøbasren, tru wendaube Raquel nui Joséba arrua, utsøbasrøbig køn.
979	GEN 33:18	Jacobpe Padan-Aramsrøngurri chigucha kømø, katø tab ka pubig køn, Canaán pirau Siquén ciudasrø. Incha tru ciuda pinrrøguesrø kørrømisra warøwa,
980	GEN 33:19	kan tul penabig køn, tru Hamorwei nusrkalan. Incha truibe Siquénwei møskawan, tsantsøn andøga mari monedasmera sulu cien pagaraig køn. Incha truyu nui carpa yawan lasrua tsumisra,
983	GEN 34:2	Inchen tru heveo truyu ashib karubig Hamorwei nusrkai Siquém ashabe, Dinane kemøra, kaig mara mindisha kørrømarøbig køn.
985	GEN 34:4	Incha Siquémbe nui møskai Hamorwan trenchibig køn: —I srusran nai srain kønrrai møskaløba waminchay— cha.
986	GEN 34:5	Inchen Jacobpe tru nui nimbasr Dinan Siquémbe kemøra, kaig mara mindisha kørrømarin kui wammørøbig køn. Inchen nui nusrkaløbe tru purugubeløba trausrø ushamera ashib warøben, tru nusrkalø katøle pumne chigucha waminchimíig køn.
987	GEN 34:6	Incha pumøwatø, tru Siquémwei møskai Hamorbe nui nusrkai pa misrtrab isuigwan Jacobpa waminchab arrubig køn.
988	GEN 34:7	Inchen tru Jacobwei nusrkaløbe traugurri chab pua, tru treeg purayaigwan wammørabe, karre øyeeg maritamab isub, larrø namig kuig mørøbelø køn, kaguende Siquénbe Israelwei yau misagwan purø trømbøig mara pasren tru Jacobwei nimbsrwan kemøra, øyeeg mindishib. Pøs øyeebe ni managuen maramig kømíigwan.
989	GEN 34:8	Inchen Hamorbe tru møskawanba nusrkalanba trenchib waminchib køn: —Nai nusrkai Siquémbe ñui nimbasrwan purø chull asan cha, ishug-unø nøba kasharanrrai treegwan isubsrumøgue chinrrab inchar cha.
992	GEN 34:11	Inchen Siquémbe nuimburappe tru Dinai møskawanba, nuchalanba trenchibig køn: —Na ñimuin kabyu tab asønainabene, ñim maig miabendø, nabe tranamønrrun cha.
994	GEN 34:13	Inchen Jacobwei nusrkaløbe tru møskai Hamorwanba Siquémwanba purø may kegørrøsrkønrrab isua løtabelø køn, kaguen nømui nuchag Dinan kaig kui lataig purø trømbøig marøb mindisha kørrømarikkurri.
999	GEN 34:18	Inchene Hamorwanba Siquémwanba tru øyeeg margun taigwane truba tabig mørørai inchibelø køn.
1000	GEN 34:19	Inchen tru matsinube mallatø circuncidabig køn, kaguen nøbe Jacobwei nimbasrwane purø chull asha kuig kua. Inchagucha Siquembe nui yaube mas nuig kuig asig møg købig køn.
1001	GEN 34:20	Incha Hamorba Siquémba nømui ciudayu kebambi yaskabumay amba, truyu warab misaameran trenchibelø køn:
1005	GEN 34:24	Inchen tru chi maramigwan nøm ashibelø maya møguelø tru ciudayu kebambi yaskabu tuluntsunabeløbe tru Hamorba, tru nusrkai Siquémba treegwan martrab pønrramisrøbelø køn. Incha tru maya møgueløbe circuncidailø kørrømisrig køn.
1007	GEN 34:26	Incha Hamorwanba nui nusrkai Siquémwanba espadatøga kweecha peta, Dinane Siquémwei yaugurri wesrawa, pera ambubelø køn.
1016	GEN 35:4	Inchen nømbe tru taska marig peg tiusmera nøm tøgaguilan kerriguba Jacobwan tranøbelø køn, katø kaluyu kandunga melsraguilan chigucha. Inchen Jacobpe kan encina tusr keta truilan sørabig køn, tru Siquém pulu.
1028	GEN 35:16	Incha Betelgurri amba, katøgucha Efratasrø pumibe yab paløben, møimbe Raquelbe unøzhigwan ke tammisrtrab kaimabsrua tammisrig køn.
1031	GEN 35:19	Incha Raquelbe øyeeg kwamig nebuig kwaben, Efratamay amrrab ambi maysrø sørig køn, tru Belén.
1032	GEN 35:20	Tru kwabigwan sørimbalabe kan srug nemøra ølneb pasrig køn. Incha tru treeg tamara kusrua pasrig købiibe tru Raquelwan sørig købig kui ashchai pasran møingatig.
1036	GEN 35:24	Raquelwei nusrkaløbe: Joséba, Benjaminba.
1037	GEN 35:25	Inchen Raquelwei tru karuig mendig megabig Bilhai nusrkaløbe iilø køn: Danba, Neftaliba.
1096	GEN 37:12	Indiibe yandø treeg purayai wendø Siquémsrø nui nuneløbe møskawei ubishameranba, cabrameranba pu lawa mannrrab amben,
1097	GEN 37:13	Israelbe Joséwane trenchibig køn: —Ñui nuneløbe Siquémsrø ubisha ashib waran cha. Amø cha, trusrømay inrrig— cha. Inchen Josébe: —Øø, inrrur— chibig køn.
1098	GEN 37:14	Inchen Israelbe trenchibig køn: —Ashchab ya, tru ubishameraba cabrameraba, ñui nuneløba maig warai ashabe, wam srua attrunrrig— cha. Incha Hebrón chaasrøngurri inrrai ørøbig køn. Inchen Josébe ya, Siquémsrø pubig køn.
1397	GEN 46:10	Inchen Simeónwei nusrkaløbe Jemuel køben, Jamin køben, Ohad køben, Jaquin køben, Zohar køben, katø kan Canaánsrø ishuwei nusrkai Saúl købengue.
1404	GEN 46:17	Inchen Aserwei nusrkaløbe iilø køn: Imna køben, Isva køben, Isvi køben, Beria køben, katø nømui nuchag Sera taikkuchague. Inchen tru Beriai nusrkaløbe iilø køn: Heber køben, Malquiel købengue.
1406	GEN 46:19	Inchen Jacobwei srai Raquelwei nusrkaløbe iilø køn: Joséba, Benjamínba.
1408	GEN 46:21	Inchen Benjamínwei nusrkaløbe iilø køn: Bela køben, Bequer køben, Asbel køben, Gera køben, Naamán køben, Ehi køben, Ros køben, Mupim køben, Hupim køben, Ard købengue.
1409	GEN 46:22	Iilø køn tru Jacobweimba Raquelweinukkurrimba amrrub ureemera kerrigube catorcegue.
1412	GEN 46:25	Iilø køn tru Bilha Jacobpa tøgagui ureemera. Tru Bilhabe karuindiig mendig megabig kuig køn, tru Laban nui nimbasr Raquelwan keta trani ishug. Inchen tru Bilhainukkurri amrrub ureemerabe kerrigu trattrø y par kuig køn.
1459	GEN 48:7	Nabe Padan Aramgurri katøle arrub megaben, ñui usri Raquelbe kwaig købig køn cha, Efrata ciudayu pumig ke lamøtø paløben. Inchen nabe Efrata may menda sørig køn cha. Truibe tru Belén kuinrre.—
1474	GEN 48:22	Incha nabe ñui nunelan lataguen kømø, ñibe purab nuig kuikkurri Siquén pirøwan, amorreosmeraba na truba truba nai espadatøgaba, nai arcotøgaba kwayawa tøgaguim pirøwan tranar— cha.
1530	GEN 50:23	Incha Josébe Efrainwei katøburø awelu ureemeranguen nebua ashib, katø Manaséswei nusrkai tru Maquirwei ureemeranguen nai ureemeratøwein misran chib, srøbchagu mutab indig kuig køn.
23222	MAT 1:9	Uzíasbe Jotamwei møskain køben; Jotambe Acazwei møskain køben; Acazbe Ezequíaswei møskain købig køn.
23223	MAT 1:10	Ezequíasbe Manaséswei møskain køben; Manasésbe Amonwei møskain køben; Amonbe Josíaswei møskain købig køn.
23226	MAT 1:13	Zorobabelbe Abiudwei møskain køben; Abiudbe Eliaquimwei møskain køben; Eliaquimbe Azorwei møskain købig køn.
23227	MAT 1:14	Azorbe Sadocwei møskain køben; Sadocbe Aquimwei møskain købig køn. Inchen Aquimbe Eliudwei møskaingue.
23256	MAT 2:18	Ramá pueblosrø kan wam mørig køn cha. Truibe kan truba truba isuig wamab kishib, tru Raquel nui uregweimburab isua, kishibig køn. Incha ‘kishmø, ka awentau’ taingucha, awentanrrab kaimabig køn cha, kaguende yandø ureemera chab kwaikken køben.
23260	MAT 2:22	Inchen Herodeswein cuentabe nui nusrkai Arquelau Judea pirau truig karub wan taig mørøppe, Josébe trusrømay yamig køriimatøben, Tius piabyu Judeasrømay imønrrai eshkaben, Galileasrømay ambig køn.
24022	MAT 23:35	Øyeekkurri tru sølgandø tabig amøñibelan kweetsiilai ani mayamba pirau lusiibe ñimuim pala kønrrun cha, tru Abel sølgandø tabigwei ani lusikkurrimbunø, Berequíaswei nusrkai Zacarías tru altarba, santuarioba pønrrabnug, tru tøbøtag pasrøben, ñim kweecha, truigwei ani lusigwangatig.
25095	LUK 3:1	Roma maya misagwan ashib karub wabig Tiberio chabguen quince años karub waben, Pilatobe Judea pirau kubenadur køben, Herodesbe Galilea pirau ashib karub wabig køn. Inchen Herodeswei nuneg Felipebe Iturea pirøwanba, Traconite pirøwanba karub waben, Lisaníasbe Abilinia pirau ashib karub wabig køn.
25118	LUK 3:24	Joséwei møskaimbe Elí køben, Elíwei møskaimbe Matat købig køn. Matatwei møskaimbe Leví køben, Levíwei møskaimbe Melqui køben, Melquiwei møskaimbe Jana køben, Janai møskaimbe José købig køn.
25122	LUK 3:28	Nerii møskaimbe Melqui køben, Melquiwei møskaimbe Adi køben, Adii møskaimbe Cosam køben, Cosamwei møskaimbe Elmodam køben, Elmodamwei møskaimbe Er købig køn.
25124	LUK 3:30	Matatwei møskaimbe Leví køben, Levíwei møskaimbe Simeón køben, Simeónwei møskaimbe Judá køben, Judáwei møskaimbe José køben, Joséwei møskaimbe Jonám køben, Jonámwei møskaimbe Eliaquim køben, Eliaquimwei møskaimbe Melea købig køn.
25305	LUK 7:41	Jesúsbe trenchibig køn: —Kan an pebigwan pailø møguelø nun ulømisrar købig køn cha, kane quinientos denarios ulø købene, kane cincuenta ulø købig køn cha.
25802	LUK 19:2	kan truba pua møg romasreelayasig an utabelan nø asha karubig, kan Zaqueo taig,
25803	LUK 19:3	Jesúswan truba ashig kui inchibig wabig køn. Inchendø menrra misag køben ashchab kaimabig køn, Zaqueobe lamøtø møg kua.
25805	LUK 19:5	Jesúsbe tru puluwan puraya, palabunø neeshabe, trenchibig køn: —Zaqueo, mallatø pinaamø cha. Kaguen møi ñui yau kørrømisram kønrrab køn— cha.
25806	LUK 19:6	Inchen Zaqueobe mallatø pinaarrua, Jesúswan truba tab kui inchib wamab utabig køn.