11	GEN 1:11	Incha Tiusbe trenchibig køn: “Pirøbe misringarubash cha, pilli puzheelø chi kaumera køppe, treeg yellzheelø tøgar, mamig nigab tusrmera, chi tusr køppe, treeg yell truyu tøgar pirau treeg kønrrai. Inchen treeg kuig køn.
12	GEN 1:12	Inchen pirøbe pilli puzheelø chi kaumera køppe, treeg yellzhig nigar, mamig nigab tusrmera yellzheelø truyu nigar misrøbig køn, nø chi tusr køppe, treekke. Inchen Tiusbe tabig kui asig køn.
21	GEN 1:21	Incha Tiusbe piyu ushamera kwaaramdø nørreelø marig køn. Chigurrimbunø øsiguelø kønab purrønrrabelanba, chitøgucha nøm chimera køppe, treelø kønrrai pimerabe treeg misringaruig køn, katø chigurrimbunø kwaldzariimera tøgargucha nøm chi køppe, treeløtøwein kønrrai. Incha Tiusbe tabig kui asig køn.
29	GEN 1:29	Incha Tiusbe trenchibig køn: “Asay cha, nabe ñimune pirau mamig nigab kauzheelø yellmera tøgartø kønrrai tranar cha. Katø maya tusrmera mamig nigabelø, yell tøgarmera tranar cha, iibe kerriguba ñim mab kømig kønrrai.”
30	GEN 1:30	Inchen pirau namig ushameranba, pala amøñib illimeranba, katø maya ushamera pirau srala ambubelanba, truilane pilli puzhigwan mab kømig tranar cha. Inchen treeg kuig køn.
43	GEN 2:12	(Incha pirø muba kuimburab tru pirau orobe larrø tabig købig køn, katø truyube mayzhig irrabig bedelio køben, ónice køben tøgaikke.)
62	GEN 3:6	Inchen ishuube tru tusryuigwan larrø chull mamdiig kui ashib, trurrigu tru tusryu mamiibe larrø mayzhig kønraptiig kui ashib, katø chiwandøgucha larrø kusrebig kuinrrabna isumig purø chull kønrraptø tusr kui ashib inchibig køn. Incha tru tusryu mamigwan nemørøb, maptinchibig køn. Inchabe kewangucha srørren, truikkucha mabig køn.
102	GEN 4:22	Inchen Zilagucha Tubal-Cainwan tøgaguig køn. Truibe chigurrimbunø bronce tsandzøntøgaba, hierro tsandzøntøgaba larrø tabelø marøbig kuig køn. Katø Tubal-Cainwei nuchaabe Naama købig køn.
120	GEN 5:14	Inchawei Cainán kerrigu øsig tsuin kwalømmerabe pilamera novecientos diez køben, yandø kwaig køn.
140	GEN 6:2	Inchen Tiuswei nusrkaløbe, tru Tiuswan ashmø misaamerai nimbasrmerabe truba truba tabzheelø kua asha, tru utu mas tab ishumburmeran lawa, nømuyasig sralø marøbelø køn.
174	GEN 7:14	Incha nømba kebambubelø køn, tru kau umbu namig usahamera trumørig, kusreeg ushamera trumørig, pirau srala ambub ushamera trumørig, katø illimera trumørikke, katø kwaldzariibarmera købendø pala ammeelø købengue.
195	GEN 8:11	Indig tru palomabe maaben misrøb køben arruppe, kan olivo ishiizhig kimtsigu mutaig arruptinchen, Noébe pimera pirau yandø chab kølin kui wetøbeñibig køn.
205	GEN 8:21	Inchen larrø mayzhig irrabig nuinug puben, Jehovábe trenchibig køn: “Misakkurrindø pirøwane managuen katølebe larrø trømbøig nebuim pasrønrrai marmumønrrun cha, kaguende møwei manrrøbe shushkurrimbunø kaigwandø, kaigwandø martrab isubelø køn cha. Katø chigurrimbunø øsig købigwane katølebe kerriguba pinishimumønrrun cha, møi lataibe.
220	GEN 9:14	Inchawei wañiwan na pirau pibøndøzhiibaig arringarubene, tru køshømbøtøbe wañiyu kenamisrtrun cha.
238	GEN 10:3	Inchen tru Gomerwei nusrkaløbe iilø køn: Askenaz køben, Rifat køben, Togarma købengue.
241	GEN 10:6	Inchen Camwei nusrkaløbe iilø køn: Cus køben, Mizraim køben, Fut køben, Canaán købengue.
243	GEN 10:8	Inchen Cusbe Nimrodwei møskain kuig køn. Tru Nimrodbe pirau mugucha chinchaingaig ke nø karub pølbasrig køn, yu pirau ke srøsrøzhiitø.
248	GEN 10:13	Inchen Mizraimweinukkurrimbe ludeos misaamera køben, anameos køben, lehabitasmera køben, naftuhitasmera køben,
253	GEN 10:18	arvadeosmera køben, zemareosmera køben, hamateosmera køben købig køn.
254	GEN 10:19	Inchen tru Canaánweinukkurri amrrub misaamerabe chu pirausrøn køben tru ørø, tru ørø chab ambubelø køn. Inchawei tru Canaán pirø muba kuimburab luløbiibe Sidongurri Gazasrøngatig larrøbichib luløbig køn, tru Gerarguebsrø. Incha trugurrimbe Lesasrøngatig luløbig køn, tru Sodomaba, Gomorraba, Admaba, Zeboimba truguebsrø.
258	GEN 10:23	Inchen Aramwei nusrkaløbe: Uz køben, Hul køben, Geter køben, Mash køben kuig køn.
261	GEN 10:26	Inchen Joctánbe Almodadwan køben, Shelefwan køben, Hazarmavetwan køben, Jeran køben,
262	GEN 10:27	Hadoramwan køben, Uzalwan køben, Diklan køben,
313	GEN 12:14	Indiibe yandø Abram Egiptosrø kebibene, tru egipciomerabe tru ishuube larrø tabzhig kui ashibelø køn.
326	GEN 13:7	Indiibe kan kwaløm Abramwei ushameran ashibeløba, Lotwei ushameran ashibeløba aleguiab kurrabelø køn. Inchagucha tru urasbe cananeosmeraba ferezeosmeraba truiløgucha truyu warabelø købig køn.
329	GEN 13:10	Inchen Lotbe ashib pasrøwabe, tru Jordan chaabe kerriguba Zoarsrøngatig pizheelø purø tøga pirømera kui ashibig køn. Jehováwei ellmarin tul lata tabzhikke; kabe tru Egipto pirømera lataikke. Tru Jordanbe treeg kuig køn, Jehová Sodoma ciudawanba Gomorra ciudawanba pinishimøwatøbe.
337	GEN 13:18	Incha Abrambe tru nui carpa yameran picha kusrua, Manre tainug nørrø parøndzig encinas tusrmera pønrrabnug tsunrrab ibig køn, tru Hebrónsrø. Incha truyube Jehováweyasig kan altar kusrubig køn.
342	GEN 14:5	Incha tru pa tratrø y pib pilayube Quedorlaomerbe tru reymera nuingatø pønrrabeløba Astarot Karnaim pirausrømay amba, truyube refaitasmeran kanawa kørrømarøppe, Ham taisrømbe zuzitasmeran, Save Quiriataimsrømbe emitasmeran,
344	GEN 14:7	Incha truiløbe katøle amrruabe, tru Gadessrø Enmispat taisrø pua, amalecitasmerai pirømerasrømbe kerriguh chi købigwan chishtø pinisha, katø tru Hazezon Tamar pirau amorreosmera warabelan treetøweih mara kørrømarøbelø køn.
350	GEN 14:13	Inchen møikkøsrøn truyugurri welula arrubiibe, tru hebreo Abramwan ígwan kerriguh eshkabig køn. Inchen Abrambe amorreo tru Mamre taigwei tru nørrø parøndzig encinas tusrmera pønrrab puluwan tsubig kuig køn. Tru Mamrebe Escolweimba, Anerweimba nuneg køben, truiløbe Abramwanweingatø pønrrabelø treelø købig køn.
357	GEN 14:20	Tius Mayeelain Pala Pasrabig Purø Nuigwan maya nuguen tabig wamindig kønrrain cha, tru ñun ashig kømui inchibelan ñui tasku tranøbigwan. Inchen Abrambe chigurrimbunø katøle wetørrawa srua arrigwan cienyugurri diezwane wesrawa, Melquisedecwan tranøbig køn.
363	GEN 15:2	Inchendø Abrambe trenchibig køn: —Jehová Tius ¿Ñi nan keta traniibe chi puruguimøriasamørra cha, na chi urekkaigwane? Inchen tru na chine tøgamisriilan merrarranrrabiibe tru Damascosrø Eliezer kømuitarru?— cha.
370	GEN 15:9	Inchene Jehovábe trenchibig køn: —Kan ishug waara-unøzhig pøn pilaiba, kan cabra pøn pilaiba, kan carnero pøn pilaiba, katø kan palomaba, kan paloma-unøzhiiba srua amø— cha.
376	GEN 15:15	Trune ñibe ñui møskaløba pishindø tab israb tsumisrtrabguen cha, larrø køllizhig misra kwaben, sørøben.
380	GEN 15:19	ceneosmeraim pirømeran køben, cenezeosmeraim pirømeran køben, cadmoneosmeraim pirømeran køben,
381	GEN 15:20	heteosmeraim pirømeran køben, ferezeosmeraim pirømeran køben, refaítasmeraim pirømeran køben,
426	GEN 18:1	Incha Jehovábe Abrahamwan kenamisrøbig køn tru Mamre tainug nørrø parøndzig encinas tusrmera pønrrab pulu, tru nui carpa yau yaskabu waben kwaløm tru mas purø mur pørr asentab pasrøben.
431	GEN 18:6	Inchen Abrahambe tru Sara waig carpa yausrømay kørinatø lulabe, trenchibig køn: —Petøzhiitø purø tab harinawan arroba y media menrra, nemøra, harinawan masawa, trutøga pirrimera naarrøsryu kar— cha.
432	GEN 18:7	Incha Abrahambe tru waara purrabsrømay luløb ya, kan truba tab waara-unøzhigwanh merrarrawa, nui karuig mendig megabigwan tranen, truibe mamigweyasig ¡katø! petøzhiitø tamarøbig køn.
482	GEN 19:24	Inchen yandø Jehovábe srømbalasrøngurri azufreba, naaba sre pubig ørøbig køn Sodomaimbalaba, Gomorraimbalaba.
489	GEN 19:31	Indiibe kan kwaløm køli nimbasrbe tru wendø numøsrawane trenchibig køn: —Namui møskaimbe yandø kølliizhig køben, yu nam warainuube namba kasharanrrabelø muguen møgueløbe kaagøn cha, yu piraube mutøgucha trendø treeg kasharamig købig købene.
514	GEN 20:18	Kaguende Jehovábe Abrahamwei srai tru Saran øyeeg puraiben Abimelecwei yauelane ureg chigaanrrai mayeelai matrizwan kasraig kua.
528	GEN 21:14	Indig katø kwalømbe Abrahambe løtsøzhig kurra, Agarwane pirrin køben, pi niguin kalusyu pi køben trana, kildunyu mutøsra, Ismaelwane yandø ñi ashchig cha nun tranabe, ka amrrigay chibig køn. Inchen nøbe webya ya, Beerseba tru mu misag warab waraimøsrø chu pumikkaig llirab uñibig køn.
533	GEN 21:19	Inchen tru uras Tiusbe Agarwan kammeran kurøptinchen, nøbe kan pisu waig ashiptinchibig køn. Inchen Agarbe tru pi niguin kalusyu pi netsøgana, unan pizhig srørrøbig køn.
539	GEN 21:25	Inchendø Abrahambe Abimelecwane ‘ñibe nane øyeeg kalø marig køn’ cha trunun wesrabig køn, tru Abimelecwei karuig mendig melabelø Abraham tru pirø umbugurri pi wesraizhig købigwan nun kerraigwan.
542	GEN 21:28	Inchen Abrahambe nui ubisha søtømerayugurri ishug ubisha-ureezheelø trattrø y par, nuingui tarømarøbig køn.
543	GEN 21:29	Inchene Abimelecbe trencha payibig køn: —Iig tru ishug ubisha-ureezheelø trattrø y par tru ñi nuingui tarømariiløbe ¿maig punrrabigwan eshkabig køh?— cha.
544	GEN 21:30	Inchen Abrahambe trenchibig køn: —Tru iig ishug ubisha-ureezheelø trattrø y par iilan na ñun tranen, ñi utiibe tru pirø umbugurri pizhigwane na lalla wesraig købigwan trunun eshkab pasrønrrabig køn— cha.
551	GEN 22:3	Inchen Abrahambe katø kwalømbe løtsøzhig kurra, nui burrun tsølig pasra, trugurrimbe tru kweecha parramigweyasig trar para, nui karuig mendig melabelø pailanba nui nusrkai Isaacwanba pera, Tius chumay inrrain taisrømay ibig køn.
556	GEN 22:8	Inchene Abrahambe trenchibig køn: —Nai nusrkainzhig, tru keta tranam ubisha unane Tius nø ashchab kuinrrun— cha. Incha pailøba ambub købelø køn.
569	GEN 22:21	Ke srøsrø tøgagui nusrkaimbe Uz køben, tru wendaube Buz køben, trugurrimbe Kemuel køben købig køn.
570	GEN 22:22	Tru wendau kal-labeløbe Hazo køben, Pildas køben, Jidlaf køben, Betuel købengue.
581	GEN 23:9	tru Macpela tain pirau linderomerayu søramig srug trab lalig pasrabigwan nan yanrrai. Mayaweyig kønrraptiig køben treezhigwan ñim mayeelø ashen anwan na wartrab tan chirrunrrigay cha, trumay nai yau misaameran søramig tøgagønrrab— cha.
587	GEN 23:15	Pirøbe tsandzøn an cuatrocientosweyig køn cha. Inchendø anwan isumøtø tru kwabigwan ka sørø— chibig køn.
593	GEN 24:1	Yandø Abrahambe kølliizhig pilameragucha tsabøtø tøgaig, chiyutøgucha Jehová mayanguen tabig nebuig kønrrai tranigwan tøgaig købig køn.
612	GEN 24:20	Incha mallazhiitø tru køtsøyu piwan tru pi kwarainug kwara treetø, treetø yambiji pi wesrawa, mam camellos kuimba mutsamne kwarøbig køn.
645	GEN 24:53	Incha tabzheelø orotøga mariilø køben, andøga mariilø køben, kemelø køben, wesrawa Rebecan ketøbig køn, Incha nuchawanba usranba truilangucha, chigøben ketøbig køn.
667	GEN 25:8	Larrø kølliizhig misra, kwaig købig køn, larrø yam pilamera øsig tsua. Incha nui kølli misaameraba tsunrrab yaig købig køn.
683	GEN 25:24	Indig yandø kal-lamig ura pubene, nui patsaube møg ureezheelø par kuin køptinchibig køn.
684	GEN 25:25	Inchen tru srøsrø kal-labzhiibe ke pigø isig nabzhig købig køn, trurrigu asr ørøba isikuzhikke. Treekkurri Esau munchi pasrig køn.
688	GEN 25:29	Indiibe kan kwaløm Jacobpe pigø mamig may tamariizhig nenøb wabene, Esaube wabigwansrø llirab uña, larrø muraaraig puabe,
689	GEN 25:30	Jacobwane trenchibig køn: —Ø pigø mamig may tamara ñi neniizhigwan tiusmanda srøttra cha, kaguende nabe larrø muraaraig war— cha. (Inchagurri Edom cha wamig kuig køn.)
693	GEN 25:34	Inchen Jacobpe nuimburappe, pirrin køben, tru lentejas tamari mamiizhigwan køben tranen; truigwan uta mab muchib inchabe, truyugurri kurrab ibig køn. Øyeeg mara, Esaube nø mayur nusrkain kuimburø uta tøgagømigwan chiguen tabig kømui lataig indig købig køn.
701	GEN 26:8	Incha kan maya yana køsrøn Isaacbe trusrø tsuben, tru Abimelec filisteosmerai reybe kan pendanayu ashib pasrøbene, møimbe Isaacbe nui srai Rebecane truba tabzhig undaarab pasrai ashiptinchabe.
705	GEN 26:12	Indiibe Isaac tru pirau ellmara, tru pilawan kan yellzhikkurrindø cien menrrabatø purø nørrø tulishibig køn, kaguende Jehová nun mayanguen tabig nebuig kønrrai inchen.
712	GEN 26:19	Indig kan kwaløm Isaacwei karuig mendig melabeløbe tru chaasrø lallib kuabe, luløb pizheelø wetørrabelø køn.
719	GEN 26:26	Inchen Abimelecbe Gerarsrøngurri Isaac tsuisrømay arrubig køn. Inchen tru Ajuzat tru nun trag linchib wam purugubiiba, tru nui suldaumeran nø karub pera pasrabig Ficolba lincha amrrubelø køn.
724	GEN 26:31	Incha katø kwalømbe løtsøzhig kurra møingurrimbunøbe ambugurri igurri kwayab kømønrrab cha nømbe treeg kørrømisrøbelø køn, Inchen Isaacbe yandø ungua chiben, nømbe chi isumø, tab webamba ambubelø køn.
729	GEN 27:1	Indig Isaac yandø larrø kølliizhig misren, nui kammerabe yandø pilømuben, yandø ashchab kaimabig købig køn. Kan kwaløm nui mayur nusrkai Esauwan wamabe, trenchibig køn: —Nai nusrkain— cha. Inchen nøbe: —Nabe yu war— chiben,
732	GEN 27:4	Trugurrimbe, na maig chullig kuaasha, kan mamig larrø mayzhig tamara, srua attra chibig køn, na manrrur cha. Trugurrimbe na kwamøwatø mayanguen tabig nebuig kønrrai ñuyasig na Tiuswan mianrrab— cha.
734	GEN 27:6	Inchen Rebecabe nui nusrkai Jacobwane trenchiptinchibig køn: —¡Au! nabe ñui møskai Isaacbe ñui nuneg Esaúba: “Kan usha kemøra larrø may mamiizhig tamara, srua attrig” chib øyeeg waminchen trunun mørar cha.
737	GEN 27:9	Møimbe ubishameraba cabrameraba purrabsrømay ya, pagatø purø tab cabro ureemeran sruattra cha. Pøs, nabe ñui møskai maig mabig kui asha truilan larrø may mamiizhig tamaramønrrun cha.
744	GEN 27:16	Incha trugurrimbe tru usrimbe Jacobwane tasiguba, katø nukaburab chi isikkayube tru cabro ureezhelai kalusmeratøga pinøbula,
745	GEN 27:17	trugurrimbe tru may mamiizhig tamarigwanba, tru pirrin tamarigwanba Jacobwan tranøbig køn.
756	GEN 27:28	Tiusbe tru ellmariiløyu srømbalasrøngurri serenu peñibzhigwan tranrrun cha. Inchen pirøbe misramburab misren, tirigumera misrøb, vinomeragucha nørrø weguchib inchun cha.
759	GEN 27:31	Incha nøgucha kan mamig mayzhig tamara, nui møskaweimay srua arruabe, trenchibig køn: —Nai papá, wamisr cha. Na ñui nusrkai kemøra srua arrigwan manrrig cha, ñi nan mayanguen tabig nebuig kømigwan nayasig Tius nan trannrrai miarrunrrig— cha.
766	GEN 27:38	Inchen Esaúbe møskawan trenchibig køn: —Nai møskai, tru mayanguen tabig nebuig kømigwan tranamiibe kabe ke kanzhiitø kuig kuitarru cha. Nai møskai, nangucha tru tabig nebuig kømigwan trannrra— cha. Incha srawa, srawaa kishibig køn.
792	GEN 28:18	Inchen Jacobpe løtsøzhig kurrabe, tru nø kuña mari srugwan kusrua, kan pilar lataig ølneb pasra, truyu øyeeg puigwan aschai trubala aceite itølushibig køn.
793	GEN 28:19	Incha truyube Betel cha wamabig køn, merrabsrømbe tru ciudawane Luz cha wamig købig kuindøgucha.
796	GEN 28:22	Inchen i srugwan kan pilar lataig ølgandø na kusrua pasriibe, Tiuswei ya kønrrun cha. Inchen Tius nan chigurrimbunø tranigugurri nabe cienyu diezbatø, diezbatø nun tranamønrrun” chibig køn, Jacobpe.
811	GEN 29:15	Labanbe nune trenchibig køn: —Ñi nai yauig kuimburøtø chi pagaraimíig ka mara tranøptø megamig kømøn cha. ¿Mayanzhig pagaramø?— cha.
813	GEN 29:17	Leabe kammera larrø tabzhig ashibig købene, trune Raquelbe larrø tab malø pasraig, larrø tab ishuuzhig købig køn.
863	GEN 30:32	Nan møi ñui maya ubisha søtø utuwan pureb arruben, tsurø ubishameranba, rayas tøga ubishameranba, yalø ubisha— ureemeranba, katø maya cabra— ureezheelø tsureelanba rayas tøgarmeranba, ñi tarømarømarøb inrrig cha, Nai pagarbe truilø kønrrun cha.
868	GEN 30:37	Incha Jacobpe alamo srarmeranba, almendro srarmeranba, palanda tusrwanba para, trugurrimbe kaluswan karrøbig køn, pulø sindazhig kena kønrrai.
873	GEN 30:42	Inchen tru tre asrka ushamera wambiimisra amrrubene, tru tsiimeran pønsrømíig køn. Inchagurri tru Labanweimbe tre asrkazheelø køben, tru mas werus asr tøgarmera larrø chisheløbe Jacobwein købig køn.
882	GEN 31:8	Nøbe, “Ñui pagarbe tsurø ubishamera kønrrun” chibeneh, trube, ubishamera lata, cabramera lata mayamba tsurø ureezheelø llubelø køn cha. Inchen: “Ñui pagarbe sindaba ubishamera kønrrun” chibeneh, trube, ubishamera lata, cabramera lata truiløgucha mayamba sindaba ureezheelø llubelø køn cha.
884	GEN 31:10	Indiibe kan pijibe ubishamera lata cabramera lata wambiimisra pønrrøben, nan piappe, treeg piatan cha: tru møg cabrazheelø cabrameran nesraløbeløbe sindabar køben, tsureelø køben kagømønrraindø tsurøzheelø køben treelø købashib.
886	GEN 31:12	Inchen nøbe nane trenchitan cha: “Ñiguen tab ash cha, tru møg cabrazheelø cabrameran nesraløbeløbe, sindabar køben tsureelø køben, kagømønrraindø tsurøzheelø køben, treelø køn cha. Nabe ashibig kur cha, Labanbe ñune maitø marøb arrigwan.