28	GEN 1:28	Incha Tiusbe mayanguen tabig nebuilø kønrrigay chib, trenchibig køn: “Srøig larrøbitchabig yellmera tøgagøb, srøitø srøitø larrø nørrø nemisrtrigay cha. Ñimbe pirøwan netsøgana, pirøwane ñim ashib tøga pønrramisra, chinchaingaig ñim ashib karunrrigay cha, maryu piyaumeran, pala amøñib illimeran, katø maya ushamera pirau srala ambubelan købengue.”
60	GEN 3:4	Inchene ulbe ishuwane trenchibig køn: —Ñimbe kwamønrrabguen cha.
65	GEN 3:9	Treendingucha Jehová Tiusbe møwan wamabe, payibig køn: —¿Ñibe chu pasrøgu?— cha
67	GEN 3:11	Inchene Tiusbe trencha payibig køn: —¿Ñune køsaatiig køn chabe, mu eshkata? cha. ¿Na mamønrrain taig tusryu mamigwan ñibe mappeendi?— cha.
70	GEN 3:14	Inchen Jehová Tiusbe tru ulwane trenchibig køn: —Ñi øyeeg marikkurrindø maya ushamerai utu ñibe larrø trømbøig nebuig kønrrig cha, kusreeg ushamerai utu lata, namig ushamerai utu lata. Patsøtøgatø sraløb uña, ñi chugatig øsig tsuingatiibe pirøyu usrøwan manrrig cha.
72	GEN 3:16	Incha ishuwane trenchibig køn: —Ñune unø tøgamisrøbyu pusrkwabigwan masken trømbøig pusrkwanrrai nemaramønrrun cha. Purø trømbøig pusrkwai incha, ñui ureemeran tøgamisrtrabguen cha. Inchen ñi ureg tøgagukkøb chull isuibe ñui kewein køben, ñui keebe ñune nø karub nø ashchabig køn— cha.
73	GEN 3:17	Incha møwane trenchibig køn: —Ñi ñui srawei wamwan manchitanmaptø mørøb pasrøwa, na mamønrrig tain tusryu mamigwan ñibe main køn cha. Ñigurrindø pirøbe larrø trømbøig nebuig pasrønrrun cha. Ñi chugatig øsig tsumnegatiibe ñibe ¡katø! isua møra marøb megawabe, truyugurri manrrabguen cha.
75	GEN 3:19	Ñibe pøsra, pøsra mara mamig tøgagønrrig cha, ñi katøle pirøtøwei misramnegatikke, kaguendø ñibe pirøtøga mara pasrig køn cha. Ñibe pirø usrø kuig køppe, katø ñibe usrøtøwei misrtrabig køn— cha.
87	GEN 4:7	Ñi sølwan isua marig kuimbe, ñibe utsøbasrmø kurraasha pasrabsruinrrun cha. Inchendø ñi sølwan isua marmuikkurrimbeh, kaigwan matrai inchabiibe ñun megambunrrab ¡katø! muniitø pasran cha. Inchen køben ñibe tru kaig marmumigwane ñi kananrrabguen— cha.
89	GEN 4:9	Inchene Jehovábe Cainwane trencha payibig køn: —¿Ñui nuneg Abelbe chu unah?— cha. Inchen nøbe trencha løtabig køn: —Chindindøbeh cha. ¿Nagan nai nunewan ke tru ashib wendautø pasrabig kuitarru?— cha.
90	GEN 4:10	Inchene Jehovábe trenchibig køn: —¿Chi margu? cha. Ñui nunewei animbe piraugurri trashib nan wamøtan cha.
91	GEN 4:11	Ñibe larrø trømbøig nebuinanrrabig kørrømisrøb, tru ñui nuneg Abelwan ñi kweechen ani lusigwan muchib piraugurri ñune webya inrrai wegutsig kørrømisrøb inchabguen cha.
161	GEN 7:1	Incha Jehovábe Noéwan trenchibig køn: —Ñiba ñui yaueløba arcayu kebinrrø cha, kaguendø nai merrab ñundøwei sølgandø tabigwan marøbig kui ashar cha, møi misaamerai utu.
300	GEN 12:1	Jehovábe Abramwane trenchibig køn: —Ñuim piraugurrimba, ñui yau misaamerainukkurrimba, trugurri ñui møskawei yaugurrimba inrrø cha, na ñun eshkam pirausrømay.
302	GEN 12:3	Nabe ñun mayanguen tabig nebuig kønrrai marøbelane, nømungucha mayanguen tabig nebuilø kønrrai maramønrrun cha. Ñun trømbøig nebunrrai marøbelane, nømungucha trømbøig nebuilø kønrrai maramønrrun cha. Incha pirau chi misaamera køben pirø muba kuimburab warabeløbe ñuinug mayanguen tabig nebuilø kønrrai mariilø kønrrun— chibig køn.
306	GEN 12:7	Inchen Jehovábe Abramwan kenamisrabe trenchibig køn: —Ñuinukkurri amrrub misaameran nabe truilan i pirøwan trananmønrrun— cha. Inchen Abrambe kan altar kusrabig køn tru Jehová nun kenamisrøbigweyasig.
311	GEN 12:12	Egipto misaamera ñun ashippe, trenchinrrun cha: “Ñui srain køn” cha. Incha nane kweecha kuchippe, ñune øsig kønrrai ka uñbashchun cha.
335	GEN 13:16	Ñuinukkurri amrrub misaamerabe nørrø køptø kan pirau usrøtui lataig kønrrai maramønrrun cha. Usrøwanma muguen mundamgaig kuig køppe, ñuinukkurri amrrub misaameragucha mundamgaig kønrrun cha.
362	GEN 15:1	Inchen øyeelø chab puraiben, kan piab lataigu Jehováweinukkurri wam Abramwan trenchibig køn: —Abram, chi kørig kui inchimøta cha. Nabe ñun chi kømønrrai ashib tøga pasrabig truig kur cha. Ñun tranamibe purø nuig kønrrabig køn— cha.
363	GEN 15:2	Inchendø Abrambe trenchibig køn: —Jehová Tius ¿Ñi nan keta traniibe chi puruguimøriasamørra cha, na chi urekkaigwane? Inchen tru na chine tøgamisriilan merrarranrrabiibe tru Damascosrø Eliezer kømuitarru?— cha.
364	GEN 15:3	Incha katø Abrambe trenchibig køn: —Ñi nan kan nusrkai tranmuig købene, kan nai yautøwei kal-lawei nai kan karuindiig mendig megabig, truig nai chi tøgaguilan ketig utønrrabig køn— cha.
365	GEN 15:4	Inchen katø Jehovaweinukkurri wam trenchibig køn: —Ñui chi købigwane truig ashchabig kømøtø, truilane ñui nusrkai utønrrabig køn— cha.
366	GEN 15:5	Incha wambiisrø pera yabe, trenchibig køn: —¡Au! srømbalaneb nesh cha, kønchabiimeran mundamdø køtamørtrig— cha. Incha katø trenchibig køn: —Ñuinukkurri katøburø ureemerabe øyeetøwein kønrrun— cha.
379	GEN 15:18	Tru kwaløm Jehovábe Abramba øyamay kønrrai martrab cha kørrømarabe, trenchibig køn: —Ñuinukkurri amrrub misaamerane i pirøwan na tranamig køn cha, Egipto pirau piyugurrimbunø, Eufrates tru nu pisrøngatikke:
387	GEN 16:5	Incha Saraibe Abramwane trenchibig køn: —Ñigurrindø køn cha, nan mandøguen kømui isui uñchai marøbiibe. Ñune ñui srai lataig kønrrai nai karuindiig megabigwan na tranig køn cha. Incha møimbe nøbe unø tøga kønrrab køppe, nane namig ashib kebitan cha. Incha Jehová nø ashchun chibig køn, na kalø marig kuin kui, ñi kalø marig kuin kui.—
388	GEN 16:6	Inchen Abrambe Saraiwane trenchibig køn: —Ñui ka karuindiig megabiibe ñuin tasku køn cha. Ñun maig marøg køben, treeg mar— chibig køn. Inchen Saraibe kaig inchib mendøben, Agarbe welula yam nebuig køn.
391	GEN 16:9	Inchen ángelbe trenchibig køn: —Ñui karub pera købigweimay katøle llirawa ya, tammay mur kurrashmø, nø maig chiben nui tasku treeg mørøb megau— cha.
392	GEN 16:10	Incha katø ángelbe trenchibig køn: —Ñuinukkurri amrrub misaameran purø nørrø kønrrai maramønrrun cha, purø nørrø køptø mundamguengaikke.—
393	GEN 16:11	Incha ángelbe katø trenchibig køn: —Ñibe kwanrriig køn cha. Ñibe kan nusrkai tøgagønrrun cha. Incha Ismael munchi pasrtrig chibig køn, kaguendø ñi larrø isui miaben, Jehovábe mørig køn cha.
395	GEN 16:13	Incha Agarbe Jehovába wamindig køppe, nøbe nune trencha wamabig køn: —Ñibe tru nan ashib wab Tius køn— cha. Kaguen Agarbe trenchibig køn: “Øsig Wab, katø Nan Ashibigwan nabe ashar” cha.
399	GEN 17:1	Abram pilamera noventa y nueve tøgagøben Jehovábe kenamisra trenchibig køn: —Nabe Maramburab Marøbig Purø Nuig tru Tius kur cha. Ñibe nai merrab sølgandø, mu mandamgaig uñ cha.
403	GEN 17:5	Ñibe mas Abram munchi kømøtø, ñibe Abraham cha wamig kønrrun cha. Kaguende nabe ñune tru purø nørrø chi misag søtømeraindøgucha ñibe nømui møskain kønrrai pasrar cha.
404	GEN 17:6	Ñuinukkurrimbe purø nørrø misag nemisrtrai maramønrrun cha. Ñuinukkurrimbe misag søtømera nørrø køb, ñuinukkurri katø reymera køb inchun cha.
406	GEN 17:8	Ñunba, ñuinukkurri amrrub misaameranba tru ñi ka arruatiig tsuin pirøwan tranamønrrun cha, Canaán pirøwan muba kuimburab managatig tøgagønrrai. Inchen nabe pasrabig pasrøwa, managatig nømuyasig Tius kømønrrun— chibig køn.
409	GEN 17:11	Ñimbe circuncidanrrigay cha, naba, ñimba tru øyeeg martrab cha kørrømarigwan treeg marigu asamig pasrønrrai.
413	GEN 17:15	Incha katø Tiusbe Abrahamwane trenchibig køn: —Ñui sraimbe Sarai cha wamig kømøtø, yandø Sara cha wamig kønrrun cha.
416	GEN 17:18	Inchene Abrahambe Tiuswan trenchibig køn: —Ñi treeg martrab cha kørrømisrigu Ismael truigwane nø tøga pasrønrrai tranø— cha.
430	GEN 18:5	Na ñi maig chiben purugunrraptøwei wabigwei yaburab puramrrab amrruig købene, nabe lamø mamig manrrai sruaarrumønrrun chibig køn, ñimui ambamigwan chishtø ambamdø kønrrai.— Inchen nømbe trenchibelø køn: —Ñi maig taigwan mar— cha.
434	GEN 18:9	truiløbe payibelø køn: —¿Ñui srai Sarabe chu wah?— cha. Inchen Abrahambe: —Yu carpa yau wainrrun— chiben,
440	GEN 18:15	Inchen Sarabe kwaarøppa, trenchib isabig køn: —Nabe intsømuig køn— cha. Inchene Jehovábe trenchibig køn: —Ñibe intsabwei indig køn— cha.
450	GEN 18:25	Treekkatig maramibe chigaaguinrrun cha, tabigwanba, kaigwanba kanbalatø kwanrrai indamig, kan pailøba treetø kalø marig kui lataig. ¡Ñibe mana treeg martrab kø! cha. Pirau muba kuimburab kerriguba maig kønrrabigwan ñi asha marøbig køppe, ¿ñibe maig maramigwan sølgandø tab asha marmønrraitirru?— cha
470	GEN 19:12	Incha tru møguelø kørrømisrøbeløbe Lotwan trenchibelø køn: —¿Ñigan ñui yauelø mas tøgagøtirru? cha. Ñui yernomeran køben, ñui nusrkalan køben, ñui nimbasrmeran køben, yugurri wesru chibig køn.
473	GEN 19:15	Inchen yandø tør— rrab arruben, ángelesmerabe Lotwan mallatø indingarub, trenchibelø køn: —¡Mallatø inchi chiben! cha. Ñui srawanba, ñui pagatø nimbasrmeranba yu purrabelan pera inrrø chibig køn, ciudayu trømbøig nebunrrai marigu ñim pinømønrrappe.—
475	GEN 19:17	Incha yandø ciudayugurri wambiisrø wesrawa pasrabe, kane trenchibig køn: —¡Ñui øsig kuigwan ñi tøgønrrappe, welula inrrø! cha, wendømay keshmøwei, i chagu chu pasramisrmøweingue. Ñui øsig kuigwan tøgagønrrab tunsrømay lul cha, pinømønrrappe.—
479	GEN 19:21	Inchen trenchibig køn: —Ñi øyeeg miaigwangucha nabe mørar cha. Tru ñi wamindi ciudawane nabe pinishimumønrrun chibig køn.
499	GEN 20:3	Inchen tru yem Abimélecbe kan piaig tøgaguiyu Tiusbe arrua, nune trenchibig køn: —Ñibe kwanrrabguen cha, kaguende ñi ñui srain kønrrai ñi kørrømari ishuube kasharaweig køn— cha.
505	GEN 20:9	Inchen Abimélecbe Abrahamwan wama, trenchibig køn: —¿Ñibe namune chi mara pasrøgu? cha. ¿Pøs, nabe ñune chiyu kalø marta? cha. Ñibe naimbalaba, na misagwan karub tøga waimbalaba purø trømbøig kalø maringarubsrutan cha. Ñibe nane chi maraamíig mara pasrtan cha.—
524	GEN 21:10	Sarabe Abrahamwane trenchibig køn: —Ñui tru karuindiig megab ishuwane nui nusrkawanba yugurri weguchi cha, kaguende tru ka karuindiig megab ishuwei nusrkaimbe nai nusrkai Isaacbabe chi tøgaguigwan keta tranamigube tøgatø ashchabig kømøn— cha.
526	GEN 21:12	Treeg kuindøgucha Tiusbe Abrahamwane trenchibig køn: —Ñui karuindiig megab ishuweimburab lata unaimburab lata chi isumøta cha. Sara nø maig taigwan kerriguba ka møra, trunun treeg ka mar cha, kaguende ñuinukkurri amrrunrrab misaamerabe Isaackurri kønrrun cha.
536	GEN 21:22	Tru kwalømmerawandøwei Abimelecba katø tru nui suldaumeran nø asha karubig Ficolba Abrahamwan trenchibelø køn: —Ñi chi marøb arrigutøgucha Tiusbe ñiba pasran cha.
553	GEN 22:5	Inchabe tru nui karub pera kuilane trenchibig køn: —Ñimbe yutø burrun srua muniiranrrigay cha. Nabe unøbatø trusrøngatig amba, Tiuswan tabig waminchib kua, katøle ñimuimay amrrumønrrun— cha.
560	GEN 22:12	ángelbe trenchibig køn: —Ñui tasigwan ñui nusrkaweimbala kusramøta cha. Chigucha marmøta cha. Ñibe Tiuswane kørig tøgaig maig købash inchimíig kui ashar cha, kaguende ñui nusrkai kandiigwan treebe marøg kømøtan chimøn— cha.
565	GEN 22:17	Inchawei nabe ñune mayanguen tabig nebuig kønrrai tranamønrrun cha. Ñuinukkurri amrrub misaamerane purø nørrø kønrrai maramønrrun cha, srømbalasrø kønchabiimera pønrrabig lataig, mar menda pisrum lataig kønrrai nørrø køptø. Ñuinukkurri amrrub misaamerabe nømun ashig kømui inchibelai ciudameran nøm merrarrawa tøga pønrramisrtrun cha.
566	GEN 22:18	Ñui yellyu misaameragurri chu pirausrøn køben misaamera nørrø søtø warabeløbe mayanguen tabig nebuig kønrrun chibig køn, nai wamwan ñi mørikkurri.—
578	GEN 23:6	—Tiusmanda namui kølli misag namun mørtra cha: Ñibe namui utube chi maramigwan ñi asha karubig kønrrai Tius wesra pasrig møg køn cha. Ñui srawane namuyasig purø tabig tamarig pønrrabigu sørø chibelø køn. Namui utube møikkucha ñui srawan tru søra tramigwane ka chimønrrun— cha
585	GEN 23:13	truyu warab misaamerai merrab tru Efronwan Abrahambe trenchibig køn: —Ñi pirøwan nan yanrrab isuppe, tiusmanda mørtra cha. Tru pirø mayaweyig køn, chiben, nabe treegwan anwan wartrumøn cha. Trumay kørrømisrtra cha, treebe si, nai srawan na truyu søramønrrun— cha.
594	GEN 24:2	Incha kan piji Abrahambe tru nui karuig mendig megabig ke managurri peraguig nui chi købigwan nø asha marøb pasrabigwan wamabe, trenchibig køn: —Ñui tasigwan nai srøptsim umbu estsartra cha.
599	GEN 24:7	Jehová srømbalamerai nø Tius, nai møskawei yaugurrimba, nai yau misaamerai piraugurrimba nan wesrabiibe, ¡katø! treegwan marmø kømø, nabe maramønrrun taitøga nan øyah chib wamindig køn cha: “Ñuinukkurri amrrub misaameran i pirøwan tranrrumøn” cha. Inchawei nøbe nui ángelwan ñui merrab ørtrun cha, nai nusrkaweyasig srain kønrrabigwan trusrøngurri ñi pera attrai.
609	GEN 24:17	tru Abrahamwei karuig mendig megabiibe truigweimay lulabe, trenchibig køn: —Ñui køtsøyu piwan kuchi srørrøbsrumuguh— cha.
611	GEN 24:19	Incha: —Ñui camellosmeraingucha pi wesranrrab chibig køn, mutsamburab mutchai.—
615	GEN 24:23	—¿Ñibe mui nimbasr kugu? cha. Tiusmanda eshkarra cha. Katø ¿ñui møskawei yaube naba, nan lincha amrrub møgueløba chu kørrømisramdiig kø chinderah?— cha.
623	GEN 24:31	Incha Labanbe trusrø pua: —Jehová maya nuguen tabig nebuig kønrrai indi møg, amø chibig køn. ¿Ñibe wambiitøbe chinchib pasrønrragu? cha. Nabe yawane ñuyasig chab tamarar cha, katø ñui camellosmerain chigucha.—
639	GEN 24:47	Inchen nabe “¿Ñibe mui nimbasr kugu?” cha payene, nøbe nane trenchibig køn: “Nabe Betuelwei nimbasr kur cha, tru Nacorweimba Milcaimba nusrkawei.” Inchen nabe nune kan surtigas kimyu mesrøb, kualmerayu pønsraigwan pønsrøb inchibig kur.
643	GEN 24:51	Rebecabe yu wan cha. Ñun karub peragøbigwei nusrkawei srain kønrrai trube pera inrrø chibig køn, Jehová nø maig kønrrai isuig, trumay.—
652	GEN 24:60	Incha Rebecane mayanguen tabig nebuig kønrrai nømbe øyeeg chibelø køn: —Ñi, namui nuchag, misaamera purø nørrø katøyug katøyug amrrubelai usrin kønrrai isuer cha. Tru ñuinukkurri amrrub misaamerabe nømun ashig kømuinchibelai ciudameran nøm merrarrawa tøga pønrramisrtrun— cha.
682	GEN 25:23	Jehovábe trenchibig køn: —Ñui patsaube misaamera purø nørrøbatø pa søtø køn cha. Misagwan ashib karub pønrrønrrabelø pailø nørreelø ñui patsau purraisrøngurri nøørømisrøbguen purran cha. Kane katøgan lataguen kømø, mu chindamgaig kønrrabig køn cha. Inchen mayur kal-labiibe wendiig nø karuig meganrrabig køn— cha.
690	GEN 25:31	Inchene Jacobpe trencha løtaptinchibig køn: —Ñi mayur nusrkain kuimburø uta tøgagømigwan møin kwaløm, trube, yunømariyagun— cha.
697	GEN 26:4	Ñuinukkurri amrrub misaamerane kan srømbalasrø kønchabiimera lataig nørrø kønrrai mara, i pirømeran kerriguh tranamønrrun. Incha chu pirausrøn køben misaamera nørrø søtø warabeløbe mayanguen tabig nebuig kønrrai marig kønrrun cha tru ñui misaamera amrrubeløyugurri.
703	GEN 26:10	Inchene Abimelecbe trenchibig køn: —Ñibe namune ¿chindimbarre øyeeg margu? cha. Katøguchimbe namui misagu møig køben, ñui sraimba kaig marøb waramisrig kuimasrtø cha. Incha treeg kaig mariitøga kangurrindø ñibe namune mayeelan kegørrøsrka pønsrøbsrutan— cha!.
709	GEN 26:16	Inchen Abimelecbe Isaacwane trenchibig køn: —Ñibe namuinukkurrimbe tarømisra, inrrø cha, kaguende ñibe nam lataguen kømø mu chindamga nuig misrin køn— cha.
720	GEN 26:27	Inchen Isaacbe trenchibig køn: —¿Ñimbe naimaybe chinchab amrrugue? cha. Ñimbe nane tsalø køptø, ñimui piraugurringuen nan wegucha pønrrøbendøbe?—
721	GEN 26:28	Inchene nømbe trenchibelø køn: —Nambe asha ker cha, Jehovábe ñiba pasrain kui. Pøs nambe treeg isuer cha: “Ñiba namba øyamay martrab kandø isua kørrømisram kønrrab kui. Inchen treeg isuigwane ¡katø! marmø kømø nabe øyamay maramønrrun taitøga maramig kønrrain cha. Inchen tru øyamay kønrrai martrab cha kørrømariibe møimbe øyeeg kønrrun cha”
746	GEN 27:18	Inchen Jacobpe møskaweimbulu puabe, trenchibig køn: —¡Nai Papá!— cha. Inchene Isaacbe trenchibig køn: —Nabe yu war cha, nai nusrkai. ¿Ñibe mø nusrkain kugu?— cha.
752	GEN 27:24	Isaacbe katøle payibig køn: —¿Ñigan isa kømø, nai nusrkai Esaú køtirru?— cha. Inchen Jacobpe: —Nabe truwein kur— chiben,
753	GEN 27:25	Isaacbe trenchibig køn: —Ñi kemøra srua arrigwan na manrrab srua attra cha, na ñun mayanguen tabig nebuig kømigwan tranrrumøn— cha. Inchen Jacobpe mamigwan srua kemallen, Isaacbe mabig køn. Incha katø vinogucha srua arruben, trunungucha muchibig køn.
757	GEN 27:29	Tru misag søtømera nørrø pønrrabeløbe ñun utsøbasrtrun cha. Inchen ñibe ñui nunelane ñi karubig kønrrig cha. Inchen truiløbe ñui merrab utsøbasrtrun cha. Ñun ‘trømbøig nebunrrain’ chib pønrrabeløbe, nøm trømbøig nebuilø kønrrun cha. Inchen ñun ‘tabig nebunrrain’ chib pønrrabeløbe, nøm tabig nebuilø kønrrun— chib.
763	GEN 27:35	Inchen Isaacbe trenchibig køn: —Ñui nuneebe arrua, nane purø may isa, tru mayanguen tabig nebuig kømig ñuin kønrrabigwan nø uta, tøga, yan— cha.
767	GEN 27:39	Inchene Isaacbe trenchibig køn: —Ñibe misrøb pirømerasrøngurri purø yabsrø tsunrrabguen cha, katø srømbalasrøngurri serenu peñibig nebumøsrø.
768	GEN 27:40	Ñibe ñui espadatøga kwayawatøwei øsig tsunrrabguen cha. Incha ñibe ñui nuneg karuindiig megamig nebunrrun cha. Inchendø ñun megamgaig misrøb arruben, ñibe truyugurri welulrrabguen— cha.
770	GEN 27:42	Inchen Rebecabe tru Esaú øyeeg martrab isub unigwan wammørabe, Jacobwan wamønrrab øra, trenchibig køn: —Ñui nuneg Esaúbe ñun nøgucha lata martrab ñune kwetchab tan cha.
773	GEN 27:45	Ñui nunewei namig købig yandø patsab, tru ñi nun chi mariilan nø pesannabene, ñibe katøle attrai, trube, eshkawa øramønrrun chibig køn. Nai pagatø nusrkalan ke kan kwalømyutø parba pini asha wag kømøtan— cha.
788	GEN 28:14	Ñuinukkurri amrrub misaamerabe purø nørrø køptø, pirau kan usrø tui lataig kønrrun cha, pørr pinebgatømaywansrø, pørr neeshibgatømaywansrø, walliguebwansrø, waguebwansrø, misag larrøbicha warønrrun cha. Ñui yellyugurri pirau muba kuimburab maya misaabe, ñigurri mayanguen tabig nebuilø kønrrun cha.
789	GEN 28:15	Nabe ñiba pasrar cha. Ñi chu yaindøgucha nabe ñun chi kømønrrai ashib tøga pasrøwa, katøle i piraumay nabe ñune pera arrumønrrun cha. Na ñun maig martrab taigwan na trunun maramnegatig nabe ñune elachimumønrrun— taig køn tru piabyube.
800	GEN 29:4	Inchen Jacobpe tru ubisha ashibelan: —¡Nai nunelø! ¿Ñimbe chuelø køgue?— cha payene: —Nambe Haransreelø ker— chiben,
810	GEN 29:14	Inchen Labanbe trenchibig køn: —Ñibeguende nai anindøwein køn— cha. Inchen Jacobpe yandø Labanba pølguen tsuben,
811	GEN 29:15	Labanbe nune trenchibig køn: —Ñi nai yauig kuimburøtø chi pagaraimíig ka mara tranøptø megamig kømøn cha. ¿Mayanzhig pagaramø?— cha.
814	GEN 29:18	Incha Jacobpe Raquelwan purø chull asha, nui kuchimøskawane trenchibig køn: —Ñui wendø nimbasr Raquelwan nai srain kønrrai ñi tranamwei trattrø y pa pila ñuyasig mara tranøb megarrumøn— cha.
846	GEN 30:15	Inchene Leabe trencha løtabig køn: —¿Ñibe nai kewan yeeg kerrawa pasraptøga ñungan chigucha kømui lataig mørøraitarru? cha. ¿Møimbe nai nusrkai mandrágoras srua arriilangucha nan kerranrrab indirru?— cha. Inchene Raquelbe trenchiptinchibig køn: —Tru ñui nusrkai mandrágoras srua arriilan na merrarranrrur cha, truburø møi yem Jacobpa ñi ki pøs— cha.
858	GEN 30:27	Inchen Labanbe trenchibig køn: —Ñuin kabyu na tabig asønainabene tiusmanda naba ka kørrømisr cha. Pøs Jehová nan øyeeg tabig nebub attrai mariibe ñigurri øyeeg kuin kui nabe tørgandø wetøbeña pasrar cha.
860	GEN 30:29	Inchene Jacobpe trenchibig køn: —Ñibe ashibig køn cha, nabe ñuyasig yeeg marøb megaigwan. Incha ñui ushameran nabe yeeg tab ashib tøgaguigwan.
862	GEN 30:31	Inchene Labanbe trencha payibig køn: —¿Ñun chi tranamø?— cha. Inchen Jacobpe trenchibig køn: —Chigucha tranmørrunrrig cha. Na ñun øyeeg martra taigwan ñi tregwan martrab misrene si, nabe ñui ubishameran ashibig asamønrrun cha.
865	GEN 30:34	Inchene Labanbe trenchibig køn: —Ñi trendaig tab køn— cha. Labanbe treeg kørrømisrøbig køn.
877	GEN 31:3	Inchene Jehovábe Jacobwane trenchiptinchibig køn: —Merrabsrø ñui kølli misamerai pirausrømay katø inrrø cha. Ñui nammisaamera waraisrømay, nabe ñiba pasramønrrun— cha.