42	GEN 2:11	Tru srøsrø pibe Pisón munchi købig køn, truibe tru Havila pirø muba kuimburab pøtøgatanwan pureb ibig køben, trusrømbe oro tøgaikke.
43	GEN 2:12	(Incha pirø muba kuimburab tru pirau orobe larrø tabig købig køn, katø truyube mayzhig irrabig bedelio køben, ónice køben tøgaikke.)
44	GEN 2:13	Inchen tru wendau pibe Kihón taig, truibe tru Cus pirø muba kuimburab pureb ibig køn.
106	GEN 4:26	Incha Setgucha kan nusrkai tøgagua, truigwane Enós munchi pasrig køn. Indig truyugurrimbunø yandø møgueløbe Jehováwei munchiwan wamab miabelø køn.
112	GEN 5:6	Setbe pilamera ciento cinco tøgagua, nusrkai Enóswan tøgaguig køn.
113	GEN 5:7	Setbe Enóswan tøgaguinukkurrimbunø pilamera ochocientos siete tøgaig kua, nusrkalø køben, nimbasrmera køben tøgaguig køn.
115	GEN 5:9	Enósbe pilamera noventa tøgaig kua, kan nusrkai tøgaguig køn, Cainán taig.
116	GEN 5:10	Enósbe Cainánwan tøgaguikkurrimbunø pilamera ochocientos quince tøgaig kua, nusrkalø køben, nimbasrmera køben tøgaguig køn.
117	GEN 5:11	Inchawei kerrigu Enós øsig tsuin kwalømmerabe pilamera novecientos cinco køben, yandø kwaig køn.
124	GEN 5:18	Jaredbe pilamera ciento sesenta y dos tøgaig kua, nusrkai Enócwan tøgaguig køn.
314	GEN 12:15	Inchen tru Faraonwei merrab nørreelø pønrrabelø ashabe, truiløgucha Faraónwei merrab purø tab waminchib køben, tru ishuwane Faraón nø waig yaumay pera ambubelø køn.
315	GEN 12:16	Incha tru Saraigurri tru Faraónbe Abramwan larrø tab inchib, ubishamera køben, waaramera køben, burrumera køben, karuindiig mendig melabelø møguelø køben ishumburmera køben, camellomera køben keta, tranøbig køn.
316	GEN 12:17	Inchendø tru Abramwei srai Saraigurri Jehovábe tru Faraónwanba nui yau misaameranba murba kebatig køn, purø trømbø kwanrrømeratøga.
317	GEN 12:18	Inchen Faraónbe Abramwan wama, trenchibig køn: —¿Nan øyeebe chi margu? cha. ¿Chindimbarre ñui srain køn cha eshkamugu? cha.
319	GEN 12:20	Incha Faraónbe nui karuig pønrrab møguelan ørøbig køn ¡katø! webambi ashib pønrrønrraingue, Abramwanba nui srawanba nui chigurrimbunø købigwanbañau sruaamrrai.
337	GEN 13:18	Incha Abrambe tru nui carpa yameran picha kusrua, Manre tainug nørrø parøndzig encinas tusrmera pønrrabnug tsunrrab ibig køn, tru Hebrónsrø. Incha truyube Jehováweyasig kan altar kusrubig køn.
574	GEN 23:2	Canaan pirau Hebrón ciudayu Quiriat Arbasrø kwaig købig køn. Incha nøbe Sara kwaben kisha, truba isuin kørrømisrøbig køn.
580	GEN 23:8	—Nai kwabigwan na yu sørønrrai ñimun tabig asønabene, Zoharwei nusrkai Efrónwan tiusmanda naimburø wamincha kettray cha,
582	GEN 23:10	Inchen tru Efrón hititabe nui misag utu wawabe, truilø mørøb, katø tru nui ciudayu yaskabwan mayeelø kebambubelø mørøb inchai Abrahamwane trenchibig køn:
586	GEN 23:14	Inchene Efrónbe Abrahamwane trenchibig køn: —Nai kølli--misag tiusmanda mørtra cha.
588	GEN 23:16	Inchen Abrahambe tru Efrón trendaigwan trumay kørrømisra, Efrón mayaweyig køn cha eshkaigwan tru hititasmerai merrab Abrahambe cuatrocientos tsantsøn anwan møi, møi unaashibig køn, tru penab, yanøb inchibelø maig marøbelø køben treetøweingue.
589	GEN 23:17	Inchawei tru Efrónweim pirø tru Mamre taisrø pørr neeshibgatømay Macpela taisrø pasrab pirøbe, tru søramig tru srug trab lalig lata, tru pirau pønrrab tusrmera lata,
668	GEN 25:9	Inchen nui nusrkalø Isaacba, Ismaelba misra kusra sørabelø køn, tru Macpela tainug, søramig peñayu trab lalig pasrabigu tru Mamre taig pinrrøguewansrø, tru Zohar hititai nusrkai Efrónweim pirau.
727	GEN 26:34	Inchen Esaube pilamera cuarenta tøgagua, Judit taigwan nui srai marig køn, tru hitita Beeri taigwei nimbasrwan. Katø trugurri tru Basematwan srai marig køn, tru hitita Elónwei nimbasrwan.
829	GEN 29:33	Incha katøle kwanrriig kørrømisra, katø kan møg unø tøgaguig køn. Inchabe trenchibig køn: “Jehovábe mørin køn cha, nan øyeeg undaaramuinab megaigwan. Inchagurri i nusrkawangucha nan trandan” cha. Treekkurri truigwane Simeón munchi pasrig køn.
851	GEN 30:20	Incha Leabe trenchibig køn: “Tiusbe nane purø tabigwan keta trandan cha. Møimbe nai keebe naba kørrømisra uñchun cha, kaguende nabe trattrø y kanba Jacobwan nusrkalø tranar” cha. Incha tru nusrkawane Zabulón munchi pasrig køn.
1006	GEN 34:25	Indiibe pøn kwalømyu tru circuncidailøbe pusrkwailø purrøbenh, Jacobwei pagatø nusrkalø tru Dinai nuchaløbe Simeónba, Levíba nømbe espadan srua ambubelø køn, tru ciudayumay, truiløbe ni chigucha chi isumø køben, maya møguelan chishtø kweecha petabelø køn.
1011	GEN 34:30	Inchen Jacobpe Simeónwanba, Levíwanba trenchibig køn: —Ñimbe nane purø nuigu mumayguen kømíig meganrrai martan cha, cananeomeraba, ferezeomeraba i pirau misaamera namun larrø tsalø asiilø pønrramig kønrrai ñimbe treeg marøb. Nabe ya mamdø møguelø tøgagøben, nømbe kanbalatø lincha, namune kwayanrrab melambua, nanba nai yau misaameranba pinisha petønrrautan— cha.
1035	GEN 35:23	Leai nusrkaløbe iilø køn: Jacobwei mayur nusrkai Ruben, Simeón, Leví, Judá, Isacar, Zabulón.
1039	GEN 35:27	Incha Jacobpe Isaac nui møskawei yausrømay ibig køn, Mamre taisrømay Kiriat Arba pulusrø, tru Hebrón cha wamiisrømay, Abrahamba, Isaacba tsuig købiisrømay.
1043	GEN 36:2	Esaúbe Canaán ishumburmeraba kasharaig køn. Tru Elon hititai nimbasr tru Adaba katø Aholibamababe Anai nimbasr køben, truibe Zibeón heveowei awela kuig køn.
1055	GEN 36:14	Inchen tru Esaúwei katøgan srai Anai nimbasr tru Sibeónweimbe awela tru Aholibamai nusrkaløbe iilø kuig køn: Jeús køben, Jalán køben, Coré købengue tru Esaúwei nusrkalø.
1061	GEN 36:20	Inchen tru horeo Seirweinukkurri amrrub misaamera tru pirausrø warabeløbe iilø kuig køn: Lotán køben, Sobal køben, Zibeón køben, Aná køben,
1062	GEN 36:21	Disón køben, Ezer køben, Disán købengue. Iig tru Seirweinukkurri amrrub misaamera, Edom pirau horeosmeran nøm asha karubelø nørreelø købig køn.
1064	GEN 36:23	Inchen Sobalwei nusrkaløbe Alván køben, Manajat køben, Ebal køben, Sefó køben, Onam køben kuig køn.
1065	GEN 36:24	Inchen Zibeónwei nusrkaløbe iilø køn: Ayába, Anába. Tru Aná kuig køn, tru misag warab waraimø pirømerasrø kuaalab pigammeran wetørrabig nui møskai Zibeónwei burrumeran ashib uña.
1066	GEN 36:25	Inchen Anábe kan nusrkai Disón taig tøgaig købig køn, katø kan nimbasr Aholibama taikkucha.
1067	GEN 36:26	Inchen Disónwei nusrkaløbe iilø kuig køn: Hemdán køben, Esbán køben, Itrán køben, Kerán købengue.
1070	GEN 36:29	Inchen horeosmeran nøm asha karubeløbe iilø køn: Lotán køben, Sobal køben, Zibeón køben, Aná køben,
1071	GEN 36:30	Disón køben, Ezer køben, Disán købengue. Truiløbe nøm møitøgucha nømui nørrø søtø misaameran nøm ashib karubelø treelø købig køn.
1082	GEN 36:41	Aholibama køben, Elá køben, Pinón køben,
1098	GEN 37:14	Inchen Israelbe trenchibig køn: —Ashchab ya, tru ubishameraba cabrameraba, ñui nuneløba maig warai ashabe, wam srua attrunrrig— cha. Incha Hebrón chaasrøngurri inrrai ørøbig køn. Inchen Josébe ya, Siquémsrø pubig køn.
1175	GEN 40:2	Inchen Faraónbe tru i pagatø nørreelan nø lutø tranigwan marøb pønrrabelan namabig køn, tru vino srørrøb pønrrabelan nø asha karubigwanba, tru pirri marøbelan nø asha karubigwanba.
1177	GEN 40:4	Inchen Faraónwan chigøben kømønrrrai ashib suldaumerai nø karubiibe tru pagatø nørreelan keerilane José nø asha purugub pasrøbig køn. Inchen truiløbe kan maya yanagøsrøn truyu keeriilø purrøwabe,
1184	GEN 40:11	Incha truibe ishiizheelø wegucha, uzheelø niga tru lusrømerayube uvasmera srønan cha. Inchen nabe Faráonwei copan nai tasku muta, tru uvasmerane tru copayu sunna, trugurrimbe natøwei Faraónwei tasku tranøb piatan— cha.
1186	GEN 40:13	pøn kwalømyube Faráonbe ñi chi kalø marigwan ulø paymøtø, katøle ñune ñui lutøyutøwei pasren, ñibe Faraónwan katøle vinon srøttrabguen cha, maramigwan maig marøbig købig kuig treetøwei.
1187	GEN 40:14	Inchen ñun treeg tab kørrømarene, trube, nan isurrunrrig chibig køn. Tiusmanda nan lastima tøgagua, Faraónwan waminchunrrig cha, nan yugurri wesranrrai.
1190	GEN 40:17	Inchen ke pala srabesrø pasrab tasinyube, Faraónweyasig chine larrø may pirrimera sulu tøgaig pasrøbendø, illimera tru nai turbala tasin pasrabiguigwan mabashib.—
1192	GEN 40:19	Inchen pøn kwalømyube Faraónbe ñui turwan paringarua, kan tusryu mesringaruben, ñui asrwane illimera amrrua, ñune manrrun— cha.
1193	GEN 40:20	Indiibe pøn kwalømyu Faraónbe nui tru kal-lain kwalømgurri mam pila nemisrigwan trunun isunrrab marøbig køn. Incha nø lutø tranigwan marøb pønrrabelayasig truba truba kasrag waramig mara, truilai merrab tru copasyu vino srørrøb pønrrabelan nø karub pasrabigwanba, tru pirri marøbelan nø karub pasrabigwanba tru keera purrønninukkurri wesrangarubig køn.
1194	GEN 40:21	Inchen tru copayu srørrøb pønrrabelan asha karub pasrabigwane katøle nui lutøwan tøga pasrønrrai tranen, nøbe srøsrø maig marøbig kuig katø treetøwei copan Faraónwan mutchai yuuløb pasrabig køn.
1197	GEN 41:1	Indig yandø katøle srørrøb pønrrønrrai pønsrai pa ila puraiben, Faraónbe kan piaig tøgagøbig køn: Nune Nilo nu pi menda papsrøbashib.
1200	GEN 41:4	tru larrø trømbøilø, kalar waaramerabe katø tru trattrø y par larrø tab waaramera tsalelane mabashibgue. Inchen tru treeg piab tsuppa, Faraónbe kasraptindinabig køn.
1203	GEN 41:7	Inchen tru trattrø y par larrø pøndøzheeløbe tru trattrø y par larrø may nigazheelø, larrø tabelan piñiptinchibelø køn. Inchen Faraónbe kia kasraptindinaben, nøbe piabrre tsubrain kui wetøbeñibig køn.
1210	GEN 41:14	Inchen Faraónbe Josewan attrai wamønrrab øren, tru urastø Joséwane kalø marøbelan merrarrawa keeriinukkurri wesraben, Josébe milisigwan mullib, kewaguilan yunømarøb, Faraónweimay arrubig køn.
1211	GEN 41:15	Incha Faraónbe Joséwane trenchibig køn: —Nabe kan piaig tøgagøbendø, ‘øyeeg køn’ cha kelarrab eshkanrrabiibe muguen kaagøn cha. Inchendø nabe wammørar cha, ñibe piaigwan wamindi mørabe, ‘øyeeg kønrrab’ køn cha eshkabig kuin kui.—
1212	GEN 41:16	Inchene Josébe Faraónwane trenchibig køn: —Tru treeg maramibe nainug pasrømøn cha. Faraón chi isumø pishindø tab wanrrai wam tranøb løtønrrabiibe Tius nø køn cha.—
1213	GEN 41:17	Inchen Faraónbe Joséwane trenchibig køn: —Nan piappe, nabe Nilo nu pi menda pasrøbene,
1221	GEN 41:25	Inchen Josébe Faraónwane trenchibig køn: —Faraónwei tru pagatø piailøbe parba trunundøwei eshkabig køn cha. Tiusbe nø maig martrab pasraigwan tru piabyu kenamarin køn cha.
1224	GEN 41:28	Nabe ñi Faraónwan øyeeg eshkar cha, Tiusbe nø maig maramigwan ñune kenamarøb pasran cha.
1228	GEN 41:32	Pøs, ñi Faraónbe pamay treetø, treetø piaig mørig køn cha, kaguen Tiusbe iigwan ñi asha kønrrai ¡katø! martrab pasran cha, trurrigu chi srarrømøtø.
1229	GEN 41:33	Incha treekkurri ñi Faraónbe kan larrø kusreb møg, chigui asha tab marøb møg lanrrain cha, Egipto pirau kerrigu chi maramigwan nø karub ashib tøga pasramisrtrai.
1230	GEN 41:34	Incha nabe trendamønrrun cha, ñi faraónbe Egipto muba kuimburab tru ellmarig tulisailan ashib amrrabelø wesrawa pønsrø cha, Egipto pirau ellmarig tulisailan cien cargasyu veintene eseganrraingue tru trattrøba parba truba truba misrøb pilamerawan.
1231	GEN 41:35	Tru mamig misrøbig larrø tab pilamera amrruben, tru Faraón maig chiben trumay tru ellmarig misrigwan ashibeløbe mamigwan kanbalatø tulisha, ciudamørig esegamig kønrrun, misaamerayasig mamig kønrrai.
1233	GEN 41:37	Inchen tru øyeebe Faraónwanba tru nø karuigwan marøbelanbabe truba tabig mørøraben,
1234	GEN 41:38	Faraónbe tru nui karuilane trenchibig køn: —¿Tiuswei espíritu nuinug arrua pasrainabig, katøgan øyeeg møg wetørranrrautah?— cha.
1235	GEN 41:39	Incha Faraónbe Joséwane trenchibig køn: —Ñi lataig kusrebig chigui asha tab martrabiibe mugucha katøgane kaagøn cha. Kaguende Tiusbe ñune kerrigu iigwan nebua asingaruin køn cha.
1237	GEN 41:41	Incha Faraónbe Joséwane trenchibig køn: —Nabe ñune Egipto pirau kerriguba ñi asha karub wanrrai neera wannar cha, naimburø ashib wanrrai.—
1238	GEN 41:42	Incha Faraónbe surtigas sellobañauigwan nui taskugurri wesrawa, Joséwan pasrøbig køn. Incha trugurrimbe keilø linotøga marig purø tabig kenanøb, katø kan oro naashigu iløsrøb inchibig køn.
1239	GEN 41:43	Incha trugurrimbe tru Faraónwei wendau katøgan tru ashib karub wabig unin karruyu Joséwane nebingarua misagwan øyah chib trashinrrai karubig køn: “¡Tømbønsray! ¡Tømbønsray!” chib. Øyamay Josébe Egipto pirau kerriguwan nø karub wanrrab nebyaig køn.
1240	GEN 41:44	Incha Faraónbe Josewane trenchibig køn: —Nabe Faraón kur cha. Inchendø kerriguba Egipto piraube chi maramigwan ñi treeg martrig chimuingatiibe, mugucha kønønrraamøn— cha.
1241	GEN 41:45	Incha Faraónbe Joséwane munchin yunømara Zafenat Panea cha wamababig køn. Incha Asenatwan nui srain kønrrai tranøbig køn, truibe On ciudasrø sacerdote lataig Potifera taigwei nimbasrwan. Øyamay Josébe Egipto pirøwan ashchab pasramisrig køn.
1242	GEN 41:46	Josébe pilamera treinta tøgaig købig køn, Egipto rey Faraónwei merrab pera ambub uras. Incha Josebe rey Faraonwei merrabgurri webya, tru Egipto pirau pirø muba kuimburab ashib llirabig køn.
1251	GEN 41:55	Inchen Egipto pirau kerrigu misaabe parø arrub mendi mørabe, misaamerabe Faraónwan mamig kaatan cha, miab mendaptinchen, Faraónbe maya egipciosmeran trenchibig køn: —Joséweimay amba, nø maig taigwan maray— cha.
1268	GEN 42:15	Incha isa kømø, ñimui wamindig cierto kuitashchab Faraónwei merrab, ¡katø! nabe øyeeg maramønrrun cha, trendamønrrun chibig køn, ñimui wendø nuneg-unan yumay pera amrrumuingatiibe ñimbe yugurrimbe webamrraamøn cha.
1269	GEN 42:16	Ñim møigwan køben øray chibig køn, tru ñimui wendø nunewan pera attrai. Inchen katøganelane keera purrønniilø purrønrrain cha, trumaybe asamdiig kønrrun cha ñim sølwan waminchibelø kuin kui. Inchen ka isatø indin kuisruandøbe, ñimbe maisrøngøtashchab ka larønrraptørre amrruar køn cha, nabe Faraónwei munchiyu trendamønrrun— cha.
1277	GEN 42:24	Inchen Jøsebe nømuim pulugurri tarømisra ya, truba kishababe, trugurri katøle nømuimay arrua, nømba wamincha, Simeónwane nøørø mara, nøm ashib pønrramne lusringarubig køn.
1289	GEN 42:36	Inchene møskai Jacobpe nømune trenchibig køn: —Ñimbe nane yandø chi nusrkaløgaig kørrømarøb amrrutan cha. Josébe yandø pinig mugaaben, Simeóngucha mugaaben, møimbe Benjaminwan pera amrrab indan cha. Iibe kerriguba naimbalatø pureb attan— cha.
1314	GEN 43:23	Inchen tru Josewei yau chi købigwan nø ashibiibe trenchiptinchibig køn: —Chi isumøtay cha. Chi kørig isumøtay cha. Ñimui Tius, katø ñimui møskawei Tius nøbe ñimui kustalmerayu tru anwan pusriinrrun cha. Nabe ñim pagarai anwane utig kuig køn— cha. Incha tru Joséwei yau chitø tøgaguilan ashibiibe Simeónwan wesrawa, nøm purraisrømay pera arrua,
1343	GEN 44:18	Inchen Judábe Joséweimay kemallabe, trenchibig køn: —Nai karubig, nan namumørrunrrig cha. Ñundø na kan chigøsrøn chinrrab, nan tiusmanda utø ketøbsrumuguh cha, kaguende ñibe Faraón køb lataitøwei chi maramigwane martrain karubig køn cha.
1361	GEN 45:2	Incha nøbe trasha, trasha kishen, egipciosmerabe wammøren, katø Faraónwei yau misaameragucha wammøren inchibelø køn.
1367	GEN 45:8	Inchawei nane yusrømay ørøppe, Tius nø ørig køn cha, ñim kømøtø.Tru Faraónwan chi maramigu na isum purugubig kønrraimba, nui yau kerriguwan na ashib tøga wanrraimba, katø kerrigu Egipto pirau na karub wamig kønrraimba nø pasrig køn cha.
1375	GEN 45:16	Inchen Faraón nø waig yausrømbe wam pubig køn: “Josewei nunelø chab puin køn” tan chib. Inchen Faraónba tru nui maramigwan marøb purrabelø nørreeløbabe kasraarabelø køn.
1376	GEN 45:17	Incha Faraónbe Joséwane trenchibig køn: —Ñui nunelan Canaán pirausrømay nømui ushamerayu niisra amrrai karu cha.
1380	GEN 45:21	Inchen Israelwei nusrkaløbe treeg marøbelø køn. Pøs Faraón maig karuben Josébe carretillas nørreelø weytøga sruilan pønsrøb, mayuwei ishiimera tranøb inchibig køn.
1392	GEN 46:5	Incha yandø Jacob Beersebagurri webibene, Israelwei nusrkaløbe nømui møskai Jacobwan køben, nømui ureemeran køben, nømui sralan køben, tru Faraón amrrunrrai carretillas nørreelø weytøga sruilø trana øriiløyu amrrab nebambingarubelø køn.
1396	GEN 46:9	Katø trugurri Rubenwei nusrkaløbe iilø køn: Hanoc køben, Falu køben, Hezrón køben, Carmí købengue.
1397	GEN 46:10	Inchen Simeónwei nusrkaløbe Jemuel køben, Jamin køben, Ohad køben, Jaquin køben, Zohar køben, katø kan Canaánsrø ishuwei nusrkai Saúl købengue.
1398	GEN 46:11	Inchen Leviwei nusrkaløbe iilø køn: Gersón køben, Coat køben, Merari købengue.
1399	GEN 46:12	Inchen Judáwei nusrkaløbe iilø køn: Er køben, Onán køben, Sela køben, Fares køben, Zera købengue. (Inchendø Erbaba Onánbabe Canaán pirausrøndø kwaig købig køn). Inchen Fareswei nusrkaløbe Ezrónba Hamulba kuig køn.
1400	GEN 46:13	Inchen Isacarwei nusrkaløbe iilø kuig køn: Tola køben Fúva køben Job køben, Simrón købengue.
1401	GEN 46:14	Inchen Zabulónwei nusrkaløbe iilø køn: Sered køben, Elón køben, Jahleel købengue.