103	GEN 4:23	Kan piji Lamecbe nui sralan trenchibig køn: —Adaba, Zilaba, nai wamwan mørtray cha. Lamecwei sralø, nai wamwan tab mørtray cha. Nan kørriinchen, nabe kan møwan kweechib, nan mur kebachen, nabe kan matsinan kweechar cha.
333	GEN 13:14	Inchen yandø Lotbe Abramwan tarømisringuen køben, Jehovábe Abramwane trenchibig køn: —Abram, kurrasha cha, ñi pasrainukkurri tab ash cha, waguebwansrø, walliguebwansrø, pørr neeshibgatøwansrø, pørr pinebgatøwansrø,
362	GEN 15:1	Inchen øyeelø chab puraiben, kan piab lataigu Jehováweinukkurri wam Abramwan trenchibig køn: —Abram, chi kørig kui inchimøta cha. Nabe ñun chi kømønrrai ashib tøga pasrabig truig kur cha. Ñun tranamibe purø nuig kønrrabig køn— cha.
390	GEN 16:8	Inchabe payibig køn: —Agar, Saraiwei ka karuindiig megabig, ¿Chugurri arrugu? cha. ¿Chumay inrrab inchigu?— cha. Inchene nøbe trenchibig køn: —Nan karub pera købig Saraiwan nabe trubab welula arrur— cha.
445	GEN 18:20	Incha Jehovábe Abrahamwan trenchibig køn: —Sodomaimburappa, Gomorraimburappa, truyu misaamera yeeg kaig martan chib trashib eshkab melaibe masken, masken køben, nømui kaig mariiløgucha masken, masken nuraben, purø trømbøig mindin køn cha.
476	GEN 19:18	Inchene Lotbe trenchibig køn: —Kah, cha nai kasuku na ñim maig taigwan megabig tiusmanda, treebe kaimamønrrun cha.
500	GEN 20:4	Inchendø tru Abimélecbe tru ishuwane pera kib chi marmuig kua, nøbe trenchibig køn: —Señor, ¿chi kalø marmíigwangucha ñigan kwetchab indirru? cha.
625	GEN 24:33	Incha manrrai mamiimera pønsrøben, Abrahamwei mendig megabiibe trenchibig køn: —Nabe na chi wamindamigwan wammørøsrømøwatøbe uta manrrab kaimamønrrun— cha. Inchen Labanbe: —Trube, wammørøsrørra— chibene,
642	GEN 24:50	Inchene Labánba, Betuelbabe trenchibelø køn: —Pøs, øyeebe chiguen kømøtø, Jehováweinukkurri arriinrrun cha. Nambe søl køn cha løtamig kømøwei, kabe kalø køn cha løtamig kømøwein køtan cha.
649	GEN 24:57	Inchen nømbe trenchibelø køn: —Trube, ishug unan wamønrrab cha, nø manchitashchab— cha.
650	GEN 24:58	Incha nømbe Rebecan wama, payibelø køn: —¿I møøba inrraguh?— cha. Inchene nøbe: —Øø, na lincha inrrur— chibig køn.
652	GEN 24:60	Incha Rebecane mayanguen tabig nebuig kønrrai nømbe øyeeg chibelø køn: —Ñi, namui nuchag, misaamera purø nørrø katøyug katøyug amrrubelai usrin kønrrai isuer cha. Tru ñuinukkurri amrrub misaamerabe nømun ashig kømuinchibelai ciudameran nøm merrarrawa tøga pønrramisrtrun— cha.
691	GEN 25:32	Inchen Esaube: —Pøs, nane parøgwabiitø ke kwamdø køtan cha. ¿Na mayur nusrkain kuimburø uta tøgaguatøbe chigui indamøtah?— chiben,
834	GEN 30:3	Inchene nøbe trenchibig køn: —Bilha, nai karuig mendig megabigwan na ñun tranar cha. Truiba ki, chibig køn. Inchen truig ureg tøgamisren kal-laben, nai srøbchagu mutikkurrimbe na tøga misri lataitøweih køben, nabe nøgurri ureg tøgaig kømønrrun— cha.
845	GEN 30:14	Tirigu parøb kwalømmerawan Rubenbe wambigwansrø llirab yabe, mamig trulmera mandrágoras tailø wetørrawa usri Leayasig lurra, srua arrubig køn. Inchen Raquelbe Leane trenchibig køn: —Tiusmanda, ñui nusrkai tru mandrágoras tailø srua arriilan srøttra— cha.
966	GEN 33:5	Incha møimbe Esaú kurraashabe ishumburmeranba, ureezheelanba ashabe, trenchibig køn: —Iilø ñiba pønrrabeløbe ¿mumeragøh?— cha. Inchene Jacobpe trenchibig køn: —Na, ñi maig chiben marøb megabigwan, iiløbe Tius nan trani ureezheelø køn— cha.
976	GEN 33:15	Inchen Esaúbe trenchibig køn: —Trube, treeg ka amrrab cha. Inchendø tru naba lincha amrrub møguelan møilan køsrøn ñiba lincha amrrunrrai kørrømartrab— chibig køn. Inchene Jacobpe trenchibig køn: —Truburappe chi isumøta cha. Ñuin kabyu na tab kui asig kuinaig købene, truig mas purø nuig køtan— cha.
1013	GEN 35:1	Tiusbe Jacobwane trenchibig køn: —Kurrab, Betelsrø tsunrrab inrrø cha. Trusrømbe, tru ñui nuneg Esaúwan ñi trubab arruben kenamisrøb Tiuswan kan altar kusrunrrig— cha.
1097	GEN 37:13	Israelbe Joséwane trenchibig køn: —Ñui nuneløbe Siquémsrø ubisha ashib waran cha. Amø cha, trusrømay inrrig— cha. Inchen Josébe: —Øø, inrrur— chibig køn.
1136	GEN 38:16	Inchen nøbe tru nui yerna kuitamab isumøtø, may menda waben kemallabe, trenchibig køn: —Ñiba kigun— cha. Inchen nøbe: —Ñiba, naba treeg maramig, na, øn tamibe ¿chi tranrrunrragu?— chibig køn. Inchene nøbe trenchibig køn:
1158	GEN 39:8	Inchen nøbe treegwane marmøtø, tru nun karub tøgagøbigwei srawane trenchibig køn: —Pøs, nai karubiibe yu yau chi købigwane nababe chi isumikkaig pasrøwa, treekkurri chi købigwan kerriguba nai tasku ashchai pønsraig køn cha.
1164	GEN 39:14	yau tru karuig mendig melabelan wamabe, trenchibig køn: —Au, ñimguen asay cha, tru nai keg kan hebreo pera arriibe namune ke kan chigucha kømeelø kui lataig mara kørrømartrab ka treetø arrin køn cha. Nainug kebarrua, nan kemørtrab inndan cha. Inchen nabe truba truba mur trashiben,
1263	GEN 42:10	Inchen nømbe trenchibelø køn: —Ñi, namui karubig, chi treeg kømøn cha, nam ñui karuig melabeløbe tirigu penønrrab amrruig køn cha.
1311	GEN 43:20	trenchibelø køn: —Tiusmanda, namui karubig, nambe tru srøtø kørrørruppe tirigu penønrraptø kørrørruig køn cha.
1389	GEN 46:2	Inchen Tiusbe yem kan piab lataigu Israelwane trenchib waminchibig køn: —Jacob, Jacob— cha —Inchene nøbe: —Yu pasrar— chiben,
23233	MAT 1:20	Nøbe treeg martrab chab isubguen inchen, Señorwei kan ángel piabyu kenamisrabe trenchibig køn: —José, ñi Davidwei misagugurri arrubig, Marían ñui srain kønrrai utamigwan kørig kui inchimøta cha. Kaguende tru unø tøgagømibe Espíritu Santoin køn cha.
23251	MAT 2:13	Yandø tru kusreb møguelø chab amben, Señorwei kan ángel Joséwan piabyu kenamisrabe, trenchibig køn: —Kurra, unan usranba perøb Egiptosrømay trubab inrrø cha. Incha trusrø na eshkamnegatig kørrømisrtrig cha. Kaguende Herodesbe unan kwetchab lanrrab køn— cha.
23258	MAT 2:20	—Kurra, unanba usranba pera, Israel pirausrømay katø inrrø cha. Kaguende unan kwetchab inchibeløbe yandø chab kwan— cha.
23416	MAT 8:2	Inchene kan møg asr trerab kwanrrø, lepra taig, tøgaig kemallippa, Jesúswei merrab tømbønsrabe trenchibig køn: —Señor, nan ñi tamaramdiig købene, tamartra— cha.
23418	MAT 8:4	Jesúsbe trenchibig køn: —Au, mungøben eshkawabesin cha. Inchendø ya, ñui asrwan sacerdotendø kenamara, katø Tiusweyasig tru Moisés tranrrig taigwane srua ya, tranrrig cha, mayeeløba ñui kwanrrøwan chishig kørrømisrin kui ashchain— cha.
23420	MAT 8:6	trenchibig køn: —Señor, nai mendig megabiibe yau kwanrrø tsun cha, truba truba pusrkwai inchib, kerrigu kønønrrab kaimaig.—
23422	MAT 8:8	Inchen tru centuriónbe trenchibig køn: —Señor, ñi nai yau kebattraimbe, nabe trengatig kømuinatan cha. Tammisr cha, treetø chirra cha. Nai karuindiig megabiibe tammisrtrun cha.
23433	MAT 8:19	Inchen tru maig maramigwan martrai Moisés pørigwan kan kusrenanøbig kemallabe trenchibig køn: —Kusrennøbig, ñi chu ibendø, nabe mendig arrumønrrun— cha.
23435	MAT 8:21	Inchen katøgan møikkøsrøn, Jesúswan mendig uñibiibe, trenchibig køn: —Señor, nai møskawan sørønrrabmerrig ibashcha— cha.
23462	MAT 9:14	Juan Bautistai mendig amøñibelø Jesúswan kemallabe, trencha payibelø køn: —Namba, fariseosmerababe ayunamigwan katø katø marer cha. ¿Inchen ñui kusrenanøb pera uniiløbe chindimbarre trunun marmeelø køh?— cha.
23476	MAT 9:28	Inchen Jesúsbe yau kebiben, tru kabgailø kemallene, nøbe trencha payibig køn: —¿Ñimbe na øyeegwan martraitamab køregueh?— cha. Inchen nømbe: —Señor, øø— cha, løtabelø køn.
23532	MAT 11:4	Inchene Jesúsbe nømun løtappe trenchibig køn: —Amba, ñim chi mørigwan, ñim chi asigwan Juanwan eshkanrrigay cha.
23560	MAT 12:2	Inchen fariseosmerabe asha, Jesúswan trenchibelø køn: —Au, ñui kusrenanøb pera uniiløbe isrin kwaløm chigøben marmønrrai merigwan marøb køn— cha.
23582	MAT 12:24	Inchen fariseosmera iigwan mørabe, trenchibelø køn: —Nugwaimandzig, Beelzebú, tru kwaimandziimeran ke nøasha karubig treeg martrai tranig kua, truikkurri kwaimandziimeran weeran— cha.
23596	MAT 12:38	Inchen møiløgøsrøn Moisés pørigwan kusrenanøbeløba, fariseosmeraba Jesúswan trenchibelø køn: —Kusrennøbig, Tius ñiba pasrain kui nam asha kønrrab mar— cha.
23659	MAT 13:51	Incha Jesúsbe trencha payibig køn: —¿Ñimbe iilan kerriguba chigúi mørgueh?— cha. Inchene nømbe: —Señor, øø— cha, løtabelø køn.
23694	MAT 14:28	Inchene Pedrobe trenchiptinchibig køn: —Señor, trube, ñi kuabe, nan ñuimay pi palawan: “Amø” chirra— cha.
23705	MAT 15:3	Inchene Jesúsbe trencha payibig køn: —Trube, ¿ñimgucha Tius maig maramigwan martrai pønsrailane chindimbarre marmeelø køgue cha, ñim ñimuimburab trendø treeg marigwan marøg købiitø?
23724	MAT 15:22	Inchen kan ishug canaansriig tru pirau tsubiibe arrua, Jesúswan trenchib wamab kemallibig køn: —Señor, merrabsrø Davidwei Nusrkai, nan lastima ashcha chib. Nai nimbasrbe kan kwaimandzig ni mumayguen tab uñchaingaig indinab megan— cha.
23725	MAT 15:23	Inchen Jesúsbe chigucha løtømuben, nui kusrenanøb pera uniiløbe kemallabe, trenchibelø køn: —Tiusmanda, ishuwane ‘inrrø’ chi cha, namui wendautø trashib arrun— cha.
23729	MAT 15:27	Inchene ishuube trenchibig køn: —Øø, Señor, treebe treegwein købendø, wera-ureezheeløguen nømui puarwei mishatsigugurri kørrabzhigwan man— cha.
23747	MAT 16:6	Inchen Jesúsbe trenchibig køn: —Au, ñimbe levadura fariseosmeraiwanba, saduceosmeraiwanba ashiptø kuy— cha.
23764	MAT 16:23	Inchen Jesúsbe keeshabe Pedrone trenchibig køn: —Satanás, nainukkurri tarømisr cha. Ñibe nane peñchai ke ka srurrengwangarub attan cha. Kaguende ñibe isuppe, Tius lataig isumøtø, møguelø isuimay isun— cha.
23773	MAT 17:4	Inchen Pedrobe Jesúswane trenchibig køn: —Señor, nam yu pønrramibe purø tab køtan cha. Ñi martrain købene, pøngatø ya-ureg na maramøh cha, kan ñui, kan Moiséswei, kan Elíasweingue.—
23779	MAT 17:10	Inchen nui kusrenanøb pera uniiløbe Jesúswan payibelø køn: —Trube, treeg købene, Moisés pørigwan kusrenanøbeløbe ¿chindimba Elíasmerrig arrumig køn tah?— cha.
23784	MAT 17:15	—Au, nai nusrkawan lastima ashcha cha. Kaguende pesannabig tøgaig kua, truba trømbøig nebuinab megabig køn cha. Katø katø nagu kebeñib, piyu kebeñib inchibig køn cha.
23794	MAT 17:25	Inchen Pedrobe: —Øø, pagarabwei inchibig køn— cha løtabig køn. Incha Pedro yau kebibene, Jesúsbe øyeemerrig trenchib waminchibig køn: —¿Simón, ñibe maig isuguh? cha. ¿Yu pirau reymerabe trendø pagaramigwan pagaraig utappe, mumeran utah? cha: ¿Nømui misaamerandøweindeh? Kabe: ¿Peesrøngurri amrrub misaamerandeh?— cha.
23795	MAT 17:26	Inchene Pedrobe trenchibig køn: —Peesrøngurri amrrub misaameran utabelø køn— cha. Inchene Jesúsbe trenchibig køn: —Trube, treeg købene, tru pirau misaameratøweimbe chi pagaramikken palømuinrrun cha.
23817	MAT 18:21	Inchen Pedrobe Jesúswan kemalla, trencha payibig køn: —Señor, nai nuneg nan chigøben kaig marøbig marene, nabe ¿mam piejegatig pesannab ulø paymumig kønrrab kø? cha. ¿Kabe sietegatiitøteh?— cha.
23841	MAT 19:10	Inchen nui kusrenanøb pera uniiløbe trenchibelø køn: —Srawanba, kewanba øyeeg pubig købene, trembe kasharamuinguen— cha.
23847	MAT 19:16	Kan møg Jesúswan ashchab yabe, trencha payibig køn: —Kusrennøbig, managatig øsig kømigwan na tøgagønrrappe, ¿chigøben tabiibe chi maramø?— cha.
23849	MAT 19:18	Inchen matsinøbe: —¿Møilø køh?— chibene, Jesúsbe trenchibig køn: —Kweechimøwei, itølulmøwei, nilømøwei, katøganuimburab isa waminchimøwei,
23858	MAT 19:27	Inchen Pedrobe trenchibig køn: —Au, nambe chi tøgagúigwan kerrigu elacha, ñui mendig amrruig køn cha. ¿Nambe, trube, chi utamig kønrrerah?— cha.
23879	MAT 20:18	—Au, nambe Jerusalénmay nebambub amber cha. Trusrømbe Møg Misra Arrubigwane sacerdotesmeran karubelanba, tru Moisés pørigwan kusrenanøbelanba tranen, truiløbe nune kwanrrai pasrtrun cha.
23883	MAT 20:22	Inchene Jesúsbe trencha løtabig køn: —Ñimbe chi miab pønrrermabguen mørmøn cha. ¿Na tru copayu mutsam piwan, kabe ñim muchibsrugueh?— cha. Inchene nømbe trenchibelø køn: —Øø, mutsamønrrun— cha.
23894	MAT 20:33	Inchene nømbe trenchibelø køn: —Señor, namune namui kabmera ashibig misrimbe køtan— cha.
23911	MAT 21:16	Incha Jesúswan trenchibelø køn: —¿Iilø øyeeg chib køben mørtirru?— cha. Inchene Jesúsbe trenchibig køn: —Øø, mørar cha. ¿Ñimgan Tiuswei wamwan pørigu iig øyeeg chibigwan managuen lemeelø køtirru? cha: Pitsø muchib shush ureemeran køben, katø nørrø ureemeran køben ñun newan tabzhig waminchai, ñi Tius treeg marin køn taigwan.—
23922	MAT 21:27	Treekkurri Jesúswane trencha løtabelø køn: —Maig kuindøbeh— cha. Inchene Jesúsbe trenchibig køn: —Trube, nagucha eshkamumønrrun cha, iilan na mu karuitøga marigwan.—
23957	MAT 22:16	Inchabe møilan køsrøn nømui mendig amøñibelanba, Herodesweingateelanba øyah chinrrai ørøbelø køn: —Kusrennøbig, ñibe ciertonigwan waminchib møg, Tius maig amøñinrrai karuigwan, isa kømø, trunun treeg kusrenanøb, katø misag maig chitanmaptø mørøb pasrømíig kui ashibelø ker cha. Kaguende ñibe mundøgucha nømun mailø køtasha kandarøtø imøwei inchibig køn cha.
23965	MAT 22:24	—Kusrennøbig, Moisésbe trendaig køn cha: “Møikkøben kan møg urekkaig kwabene, nuneebe tru piudan kasharam nebunrrun cha, tru nuneg kwabigweimburab ureg kørrømartrab.”
23977	MAT 22:36	—Kusrennøbig, ¿maig maramigwan martrai Moisés pørigu karua pønsrailø, mas nuibe møig køh?— cha.
24149	MAT 26:26	Incha mab purrappatø, Jesúsbe pirriwan muta, Tiuswan ‘mayanguen pay’ cha, pirisha, nui kusrenanøb pera uniilan trenchib srørrøbig køn: —Cha, may cha. Iibe nai asr køn— cha.
24244	MAT 27:46	Tre uras Jesúsbe truba mur trashib trenchibig køn: —Elí, Elí ¿lama sabactani?— cha. (Trenchippe, “Nai Tius, nai Tius ¿chindimba nandø elachigu?” chib.)
24261	MAT 27:63	trenchibelø køn: —Au, namui kubenadur, nambe isua ker cha; tru isa waminchiptiibe øsig uñippatø trendaig køn cha: “Kwawa, pøn kwalømyube katø øsiiramønrrun” cha.
24328	MRK 1:44	—Au, mungøben eshkawabesin cha. Inchendø ya, ñui asrwan sacerdotendø kenamara, tru ñi yandø chishig kørrømisrimburø tru Moisés trannrrig taigwane srua ya, trannrrig cha, mayeeløba ñui kwanrrøwan chishig kørrømisrin kui ashchain— cha.
24346	MRK 2:17	Inchene Jesúsbe trunun mørabe, nømun trenchibig køn: —Tabelø, kwanrrøgarbe mø marøbig palain kømøn cha. Kwanrreeløbeguende palain køn cha. Nabe tru sølgandø amøñibelan wamønrrab arrumøtø, kaig marøbelan wamønrrab arrig køn— cha.
24353	MRK 2:24	fariseosmerabe Jesúswan trenchibelø køn: —Au, ¿ñui kusrenanøb pera uniiløbe isrin kwalømbe chigøben marmønrrai merigwan chindimba øyeeg marøb køh?— cha.
24360	MRK 3:3	Inchen Jesúsbe tru tasig mul-laig tøga møwane trenchibig køn: —Kurra, yu tøbøtag pasramisr— cha.
24379	MRK 3:22	Inchen tru Moisés pørigwan kusrenanøbelø Jerusalénsrøngurri amrrubeløgucha trenchibelø køn: —Nugwaimandzig, tru Beelzebúwan tøgaig køn cha. Treekkurri, tru kwaimandziimeran nøasha karubigwan tøgaig kua, i møøbe kwaimandziimeran weeran— cha.
24389	MRK 3:32	Jesúsweim pøtøgatan truba nu purrabeløbe trenchibelø køn: —Au, ñui usrimba, ñui nuneløba wambig pønrran cha, ñun payib.—
24467	MRK 5:34	Jesúsbe trenchibig køn: —Nimbasr, ñui isubigwan nainuutø pasra tøgagúikkurri tamarig kørrømisran cha. Chi isumø, inrrø cha. Ñui kwanrrøbe yandø purayaig køn— cha.
24474	MRK 5:41	tasigu kemørabe, trenchibig køn: —Talita, cumi— cha. (Trenchippe: “Ishug-unø, ñun kurrø char” chib.)
24560	MRK 7:28	—Øø, Señor, pøs treebe treegwein køn cha. Inchendø tru mishatsig umbu wera-ureezheeløguen pitischigwan man cha, nusrkalø kørrøgaigwan.—
24584	MRK 8:15	Inchen Jesúsbe nømune trenchib eshkabig køn: —Au, ñimbe levadura fariseosmeraiwanba, saduceosmeraiwanba ashiptø kuy— cha.
24602	MRK 8:33	Inchen Jesúsbe keesha asha, nui kusrenanøb pera uniilan ashabe, Pedrone trenchib namabig køn: —Satanás, ¡nainukkurri tarømisr! cha. Kaguende ñibe isuppe, Tius lataig isumøtø, møguelø isuimay isun— cha.
24624	MRK 9:17	Inchen møikkøsrøn tru nu misag utu pasrabiibe trenchibig køn: —Kusrennøbig, yu nai nusrkawan kan kwaimandzig waminchimíig marig srua arrur cha.
24645	MRK 9:38	Inchene Juanbe trenchibig køn: —Kusrennøbig, kan møikkøsrøn ñui munchiyu kwaimandziimeran webusri aser cha. Inchendø namba uñibig kømubene, nambe truigwane merer— cha.
24677	MRK 10:20	Inchen tru møøbe trencha løtabig køn: —Kusrennøbig, nabe iilane kerriguh matsinø-unøgurri marøbig kur— cha.
24685	MRK 10:28	Inchen Pedrobe trenchib mendabig køn: —Au, nambe chi tøgagúigwan kerrigu elacha, ñui mendig amrruig køn— cha.
24690	MRK 10:33	—Au, nambe Jerusalénmay nebambub amber cha. Trusrømbe tru Møg Misra Arrubigwane sacerdotesmeran karubelanba, tru Moisés pørigwan kusrenanøbelanba tranen, truiløbe nune kwanrrai pasra, judíos kømeelan tranrrun cha.
24692	MRK 10:35	Inchen Zebedeowei nusrkalø Santiagoba, Juanba, Jesúswan kemallabe, trenchibelø køn: —Kusrennøbig, namuyasig nam kan chigøsrøn mianrreender cha. Kan treeg marøbsrumuguh— cha.
24696	MRK 10:39	Inchen nømbe løtappe: —Øø, maramønrrundø— chibelø køn. Inchene Jesúsbe trenchibig køn: —Na mutsim piwane ñimbe muchibwei inchun cha. Katø tru nan purø trømbøig nebub pinøbuløb arrubig na utamigwangucha ñimbe utabwei inchun cha.
24708	MRK 10:51	Inchen Jesúsbe trencha payibig køn: —¿Ñuyasig na chi maramig paløta?— cha. Inchen tru kabgaibe trencha løtabig køn: —Kusrennøbig, nai kabmera ashibig misrimbe køtan— cha.
24730	MRK 11:21	Pedrobe Jesús trendaigwan isua, nune trenchibig køn: —Au, Kusrennøbig, tru ñi kaig nebubash cha trendaig higuerabe chab mul-labguen indin køn— cha.
24740	MRK 11:31	Inchene nømdø trenchib payiyab mendabelø køn: —Trube, nam: “Srømbalasrøngurrin kuig køn” chibene, nøbe namune trenchinrrun cha: “¿Chindimba nune køremøgue?” cha.
24742	MRK 11:33	Treekkurri Jesúswane trenchibelø køn: —Maig kuindøbeh— cha. Inchen Jesúsbe trenchibig køn —Trube, nagucha eshkamumønrrun cha, iilan na mu karuitøga marigwan.—
24756	MRK 12:14	Inchen truiløbe amrrua, trenchibelø køn: —Kusrennøbig, ñibe ciertonigwan waminchib møg kui aser cha. Katø misag maig chitanmaptø mørøb pasrømíig køn cha. Kaguende ñibe mundøgucha nømun mailø køtasha kandarøtø imøtø, Tiuswei maywan ñibe maig kusrenanamigwan cierton sølwan kusrenanøbig køn cha. Trube, ¿tru Roma maya misagwan karub wabigwan nam an pagaramig merømuig køh? Kabe, ¿merig køh, chinderah? cha. ¿Tranrrautah? Kabe ¿tranmønrrautah?— chibelø køn.
24761	MRK 12:19	—Kusrennøbig, Moisésbe namun treeg pøra kørrømarig køn cha: “Møigwei nuneg køben kwawa, srawan urekkaig kørrømarene, trube, tru nuneebe piudaba kasharawa, nuneg kwabigweimburab ureg tøgagømig køn” chibig.
24774	MRK 12:32	Inchen tru Moisés pørigwan kusrenanøbiibe trenchibig køn: —Kusrennøbig, ñibe sølwein tan cha. Tiusbe kandø køn chib, katøgane mu kaagøn chib,
24845	MRK 14:22	Incha mab purrappatø, Jesúsbe pirriwan muta, Tiuswan ‘mayanguen pay’ cha, pirishabe, nømun trenchib srørrøbig køn: —Cha, may cha. Iibe nai asr køn— cha.
24847	MRK 14:24	—Iig, nai animbe, Tius tru misagweyasig srø acuerdon mari anin køn cha. Tru animbe truba nu misagweyasig lusig køn cha
24859	MRK 14:36	Katø Tiuswan trenchib miabig køn: —Abba, nai Møskain chib, ñuimbe chitøgucha kaimamø, maramdiitø køn cha. I copan nan tarømartra cha. Inchendø na maig isuig køben, treeg kønrrain kømøtø, ñun maig maramdiig køben, treeg kønrrain— chib.
24860	MRK 14:37	Incha nui kusrenanøb pera uniilaimay arrua, kib purrai wetørrawabe, Pedrone trenchibig køn: —Simón, ¿kib watirru? cha. ¿Kan uratøguen kimø, kasriibe wanrrab kaimatirru? cha.
24907	MRK 15:12	Inchen Pilatobe katøyug payippe, trenchibig køn: —Trube, ¿ñim tru judíosmerai rey køn taigwane nabe mandø indamø?— cha.
24975	LUK 1:13	Inchen ángelbe trenchibig køn: —Zacarías, kørig kui inchimøta cha. Kaguende Tiusbe ñi nun miaigwan mørig kua, ñui srai Elisabetbe kan nusrkai tøgagønrrun cha, truigwane ñibe Juan munchi pasrtrig chibig køn.