467	GEN 19:9	Inchene nømbe trenchib løtabelø køn: —¡Yugurrimbe mendatsu!— cha. Inchabe treekkucha chibelø køn: —Ya peesriig namui utu ka tsunrrab arruatiig købendø, ¡paare! ¿namune maig maramigwan ke ñi asha karunrrab indirru? cha. Møimbe truilan lataguen kømø, ñune purø trømbøikken martrumøn— chibelø køn. Inchabe Lotwan melambua, yaskabsrø kemalla, yaskabwan wesra kutchab inchibelø køn.
722	GEN 26:29	Pøs ñibe namun chigucha kaig marmumig kønrrain cha. Pøs namma ñune chigucha chi kaig incha ashmøtø, nambe ñune tab tøgagua, ñune chigucha kømø tab webya inrrai marig kuig køn cha. Pøs møimbe ¡Jehová mayanguen tabig nebuig kønrrai indiibe ñi køn!— cha
725	GEN 26:32	Inchen tru kwalømdøwei Isaacwei mendig melabeløbe tru nøm pi wesranrrab lallib kuigwan: —¡Nambe pi wetørrer!— chib eshkab amrruptinchibelø køn.
746	GEN 27:18	Inchen Jacobpe møskaweimbulu puabe, trenchibig køn: —¡Nai Papá!— cha. Inchene Isaacbe trenchibig køn: —Nabe yu war cha, nai nusrkai. ¿Ñibe mø nusrkain kugu?— cha.
765	GEN 27:37	Inchen Isaacbe trencha løtabig køn: —Nabe ñune Jacob karub tøgagønrrai Tiuswan miar cha. Incha katø nui misaamerabe Jacob manchiben marøb melabelø kønrrai miar cha. Trurrigu nøbe tirigumera nørrø tøgagøb, vinomera tøgagøb inchai miar cha. Nai nusrkai, ¡Møimbe yandø ñuyasiibe chi maramig kaatan!— cha.
1305	GEN 43:14	Maramburab Marøb Tiusbe tru møg ñimun lastima tøgagønrrai martrain cha. Inchen ñimui katøgan nunewan lelachen, Benjamíngucha katø ñimba attrain cha. Inchen nan nai nusrkalan trubisamig nebubene, chinchibig kui ¡ka treeg nebunrraita!— cha.
1360	GEN 45:1	Inchen Josébe nuim pøtøgatan pønrrabelai merrab yandø mas awentanrrab kaima, mur wamabig køn: —¡Mayeelanba yu nai merrabgurri webambingaruy!— chib. José nui nunelan nøbe ñimui nuneg kur cha eshkabene, nuim pulube ni mugucha mugaaguig køn.
23439	MAT 8:25	Inchen nui kusrenanøb pera uniiløbe kasrønanrrab amba, trenchibelø køn: —¡Señor, namun wesrurra chib, chab asentab meler!— cha.
23441	MAT 8:27	Inchen nømbe kwaara asha kørrømisra, trenchibelø køn: —¿Øyeebe chi møg kerah? cha. ¡Isig ichibig lata, mar lata, iiløguen nun mørtrappe!—
23454	MAT 9:6	Pøs, na, Møg Misra Arrubiibe yu pirau kaig mariilan ulø payamig kømíig pesannaig kønrrai mu mandamgaig marøbig kui møimbe ñim ashchai kenamaramønrrun— chibig køn. Inchabe tru kønønrrab kaimabigwane trenchiptinchibig køn: —¡Kurrø! cha. ¡Ñui tsigalwan mutab, ñui yamay inrrø!— cha.
23475	MAT 9:27	Jesús truyugurri webya ibene, pailø kabgailø trenchib trashib wendautø amrrubelø køn: —¡Namun lastima ashcha chib, merrabsrø Davidwei Nusrkai!—
23481	MAT 9:33	Inchen Jesús tru kwaimandzigwan weguchen latatø, tru wamgaibe waminchiptinchen, misaabe kwaara asha kørrømisra, trenchibelø køn: —¡Managuen nam Israel misaamerai utube øyeekkatiibe ashmer!— cha.
23617	MAT 13:9	¡Kalu pønsraibe, mør!— chibig køn.
23696	MAT 14:30	Incha tru mur isig ichibigwan tab ashippe, køriimataptinchibig køn. Inchen nune asentab mendaptinchen trashibig køn: —¡Señor, wesrurra!— chib.
23727	MAT 15:25	Inchene tru ishuube nui merrab arrua, tømbønsrøb trenchibig køn: —¡Señor, purugurra!— cha.
23891	MAT 20:30	Inchen pailø kabgailø may menda purrøwabe, Jesús purayai mørøppe, trenchib trashibelø køn: —¡Namun lastima ashcha chib, merrabsrø Davidwei Nusrkai!—
23892	MAT 20:31	Inchen misaamerabe niløtø purrønrrai namingucha, nømbe mas mur trashib trenchibelø køn: —¡Señor, namun lastima ashcha chib, Davidwei Nusrkai!—
23914	MAT 21:19	Incha kan higuera tusr may pulu pasrai asha, kemallabe, tru higuera tusrbe ka ishiitø tøgaig kui ashabe, Jesúsbe tru higuerane trenchibig køn: —¡Møingurrimbe yandø managucha mas mamig niimubash!— cha. Inchen tru urastø higuerabe mul-laptinchibig køn.
24172	MAT 26:49	Incha Judasbe møi møi Jesúsweim pulu kemallib trenchibig køn: —¡Kusrennøbig, yandø yem køn!— cha. Incha muchabene,
24191	MAT 26:68	trenchibelø køn: —¡Cristo, mu kurragutsin kui, namun kelarrab eshkau pøs!— chib.
24220	MAT 27:22	Inchen Pilatobe trencha payibig køn: —¿Jesús, tru Cristo køn taigwane, nabe mandø indamø?— cha. Inchene mayeeløba: —¡Kurusyu mesraig kønrrain!— chiben,
24221	MAT 27:23	Pilatobe trenchibig køn: —¿Chindimba øyeeg martreenchigue? cha. ¿Nøbe chi kalø marig kø?— cha. Inchen nømbe masken mur trashibelø køn: —¡Kurusyu mesraig kønrrain!— chib.
24227	MAT 27:29	Incha kan kaldiig corona mara, petsøsra, kusrmay taskube kan caña tsig trana, nui merrab tømbønsrabe, ka indzatø ashib trenchibelø køn: —¡Judíosmerai Rey, viva!— chib.
24238	MAT 27:40	trenchibelø køn: —¡Ñi tru Tiuswei yawan pøtiicha, katø pøn kwalømyutø kusranrrabiibe ñi kwamønrrab ñitøwei chigøben mar! cha. ¡Tiuswei Nusrkain kuabe, kurusyugurri pinaamø!— chib.
24252	MAT 27:54	Inchen tru Roma suldau cienelan nø karubiiba, truyu Jesúswan chindashchab ashib pønrrabelø katøganeløba pirø kønabigwan køben, chine purayaigwan køben ashabe, ¡katø kørig købiitø! ke chinchimmørø inchib trenchibelø køn: —¡Isa kømø, iibe Tiuswei Nusrkain købwei indin køn!— cha.
24309	MRK 1:25	Inchen Jesúsbe kwaimandzigwan namab trenchibig køn: —¡Ñibe trashimøtø, møweinukkurrimbe webinrrø!— cha.
24401	MRK 4:9	Incha trenchibig køn: —¡Møramig kalu pønsraibe, mør!— cha.
24431	MRK 4:39	Inchen Jesúsbe kurra, isigwan kønømønrrai kandø wama, piwane trenchibig køn: —¡Wanrrømø, møi møi wasrørau!— cha. Inchene isiibe pasramisren, yandø kerrigu wasrønzhig kørrømisrøbig køn.
24441	MRK 5:8	Pøs øyeeg chippe, kaguende Jesúsbe: —¡Ñi, trømbøig maringarub kwaimandzig, i møweinukkurri webinrrø!— chib pasrøben, trendaig køn.
24548	MRK 7:16	¡Møikkøben møramig kalu pønsraig kuabe, mør!— chibig køn.
24631	MRK 9:24	Inchen tru urastø unai møskaimbe øyah chib trashibig køn: —¡Treeg martraitamab kører cha. Kørenrrab inchimíig kømønrrab purugurra!— chib.
24680	MRK 10:23	Inchen Jesúsbe pøtøburab ashabe, nui kusrenanøb pera uniilan trenchibig køn: —¡Tius nø ashib karub wainug puarmera kebambamibe truba murig kønrrun!— cha.
24704	MRK 10:47	Jesús nazaretsriig kemallib arri mørøppe, trashib mendabig køn: —¡Jesús, merrabsrø Davidwei Nusrkai, nan lastima ashcha!— chib.
24705	MRK 10:48	Inchen ke møiløgøben niløtø wanrrai namingucha, nøbe trenchib mas mur trashibig køn: —¡Merrabsrø Davidwei Nusrkai, nan lastima ashcha!— chib.
24719	MRK 11:10	¡Namui merrabsrø møskai David nø ashib karub waig købig arrubiibe mayanguen tab indig køn! chib. ¡Srømbalasrømbe Hosanna!— chib, trashibelø køn.
24787	MRK 13:1	Jesús Tiuswei yaugurri webibene, møikkøsrøn nui kusrenanøb pera uniilai utuibe, trenchibig køn: —¡Kusrennøbig, ñiguen ash cha, kan yeeg nørrø sruumera, yeeg nørrø yamera kuita!— cha.
24823	MRK 13:37	Inchawei na ñimun maig taibe, mayeelan katø treetøwein tamønrrun: ¡Munig, kasriitø kuy!— cha.
24868	MRK 14:45	Inchen Judas puabe, møi møi Jesúsweim pulu kemallib trenchibig køn: —¡Nai Kusrennøbig!— cha. Inchabe muchabig køn.
24888	MRK 14:65	Inchen møiløgøben nun illimbi tuchib, maløwan kasra, nun kurraguchib mendabe trenchibelø køn: —¡Namun kelarrab eshkau pøs, chib, mu kurragutsin kui!— Inchen tru Tiuswei yau ashchay pønsraig pønrrabeløbe Jesúswan merrarrawa, pashaguchibelø køn.
24908	MRK 15:13	Inchen nømbe katø trenchib trashib løtabelø køn: —¡Kurusyu mesrø!— chib.
24909	MRK 15:14	Inchen Pilatobe trenchibig køn: —¿Nøbe chi kalø marindørre øyeeg martrainchigue?— cha. Inchen nømbe masken mur trashibelø køn: —¡Kurusyu mesrø! ¡Kurusyu mesrø!— chib.
24913	MRK 15:18	Incha trugurrimbe trenchib trashib mendabelø køn: —¡Judíosmerai Rey, viva!— chib.
24925	MRK 15:30	kwamønrrab ñitøwei chigøben mar! cha. ¡Kurusyugurri pinaamø!— cha.
25167	LUK 4:35	Inchen Jesúsbe kwaimandzigwan namab trenchibig køn: —¡Ñibe trashimøtø, møweinukkurrimbe webinrrø!— cha. Inchen kwaimandziibe nøm mayeelai merrab møwane pirau penøsrka, tru møweinukkurri webibig køn, chigucha chi kørriinchimøtø.
25168	LUK 4:36	Inchen mayeeløba kwaara, kangurrin kangurri: —¿Kan øyeeg wamindi wammerabe chi køh? chibelø køn. ¡I møøbe mu mandamgaig karuitøgaba, maramburab mariitøgaba trømbøig maringarub kwaimandziimeranguen webingaruben, truilø webamrrappe!—
25280	LUK 7:16	Inchen iigwan ashene, nømune mayeelanba kørig købiitø ke chindamdiig køben, Tiuswan truba tabig waminchib trenchibelø køn: —¡Tius maig karuigwan eshkabig purø nuig namui utu kurrin køn! chib. ¡Tiusbe nui misagwan purugunrrab arrin køn!— chib.
25322	LUK 8:8	Inchen kanbaløbe yell tab pirau kørra, nørrørawa, tabig misra, kan yellgurrindø trulzheelø ciengatig nigan— cha. Iigwan trenchabe, Jesúsbe truba mur waminchib trenchibig køn: —¡Møramig kalu pønsraibe, mør!— cha.
25338	LUK 8:24	Inchen Jesúswan kasrønanabe trenchibelø køn: —¡Kusrennøbig! ¡Kusrennøbig! ¡Nambe piu ke chab asentab meler!— cha. Inchen Jesúsbe kurra, isig ichibigwanba, pi welar trømbøig latøgushib kurrabelanba pasrambunrrai kandø wamabig køn. Inchen truiløbe pønrrambuben, yandø kerrigu wasrønzhig kørrømisrøbig køn.
25342	LUK 8:28	Incha Jesúswan ashippe, nui merrab mur trashib tømbasrøb peñabe, trenchibig køn: —¿Ñibe nane chi martrab inchigu cha, Jesús, Mayeelaim Pala Pasrabigwei Nusrkai? ¡Ñi nan purø trømbøig møra megamig kømønrrai marmørrunrrig!— chib.
25501	LUK 11:27	Jesús iilan waminchib pasramne, misag utu kan ishug øyeeg chib trashibig køn: —¡Ñun tøgagøb, mutsøsrøb ishuube mayanguen tab kuig køn!— cha.
25657	LUK 14:35	Pirø tamisrtrai pirøyu wiitamdiig kømøwei, animal pøywan abono marigu pusramdiig kømøwein køben, yandø petig kønrrun cha. ¡Møramig kalu pønsraibe mør!— chibig køn.
25733	LUK 17:13	trashibelø køn: —¡Jesús, ñi Kusrennøbig, namun lastima ashcha!— chib.
25795	LUK 18:38	Inchen kabgaibe trenchib trashibig køn: —¡Jesús, merrabsrø Davidwei Nusrkai, nan lastima ashcha!— chib.
25796	LUK 18:39	Inchen tru merrab ambubeløbe niløtø wanrrai namingucha, nøbe trenchib mas mur trashibig køn: —¡Merrabsrø Davidwei nusrkai, nan lastima ashcha!— chib.
25838	LUK 19:38	—¡Señor Tiuswei munchiyu Rey arrubiibe mayanguen tab kuig køn! cha. ¡Srømbalasrømbe mayanguen tab kuinrrun! chib. ¡Srømbalasrømbe tørguegwalmabig kuinrrun!— cha.
25864	LUK 20:16	Arrua, tru kwallibelane kweecha, tru uvas trawane katøganelan tranrrun— chibig køn Jesúsbe. Inchene misaamera iigwan mørabe: —¡Managuen kan trengatikkucha puraimuimbe!— chibelø køn.
25955	LUK 22:22	Tru Møg Misra Arrubiibe muwan inrrai pasrig, truwan iben, trune ¡tru nun ashig kømui inchibelan trannrrab møg waachaweimbe, kan maig kønrrer!— chibig køn.
25990	LUK 22:57	Inchen Pedrobe trenchib isabig køn: —¡Paare ishuube, nagan ashibig kuitarru!— cha.
26022	LUK 23:18	Inchen mayeeløba trenchib trashib mendabelø køn: —¡Øigwane patsøgay! cha. ¡Barrabáswan inrrai elachi!— chib.
26025	LUK 23:21	nømbe mas mur trashibelø køn: —¡Kurusyu mesrø! ¡Kurusyu mesrø!— chib.
26027	LUK 23:23	Inchen nømbe: —¡Kurusyu mesrø, mesrø!— chib, mur trashib miab køptø, nøm maig marøg kui indigwan treeg martrab uta pønrramisrøbelø køn.
26041	LUK 23:37	trenchibelø køn: —¡Ñi tru judíosmerai rey kuabe, kwamønrrab ñitøwei chigøben mar!— chib.
26043	LUK 23:39	Inchen truyu melsraig melabeløgucha kane trenchib tsalø wamabig køn: —¿Ñibe tru Cristo kømøtirru? cha. ¡Kwamønrrab ñitøwei chigøben mara, namungucha treetøwei martra!— cha.
26287	JHN 5:8	Inchene Jesúsbe trenchibig køn: —¡Kurrø! cha. ¡Ñui tsigalwan mutab, punab inrrø!— cha.
26346	JHN 6:20	—¡Na kur cha. Kørmøtay!— chibig køn.
26443	JHN 7:46	Inchen tru ashib pønrrabeløbe trencha løtabelø køn: —¡Kan managuen ø møg lataibe muguen wamindig kaagøn!— cha.
26547	JHN 9:38	Inchene tru møøbe trenchibig køn: —¡Señor, nabe ñun kører!— cha. Incha nun køriibala tabig waminchibig køn.
26635	JHN 11:43	Incha iigwan chab trenchabe, truba mur wamabig køn: —¡Lázaro, webamø!— cha.
26894	JHN 18:40	Inchene nømbe mayeeløba katø trenchib trashibelø køn: —¡Øigwan kømøtø, Barrabáswan elachi!— chib. Tru Barrabásbe niliig købig køn.
26897	JHN 19:3	Inchabe nuim pulu kemallabe, trenchibelø køn: —¡Judíosmerai rey, viva!— chib. Incha maløbøtø pashagutsamba inchibelø køn.
26900	JHN 19:6	Inchen tru sacerdotesmeran karubeløba, tru policíameraba Jesúswan ashippe, trashibelø køn: —¡Kurusyu mesrø! ¡Kurusyu mesrø!— chib. Inchen Pilatobe trenchibig køn: —Treeg købene, trube, ñimdøwei srua amba, kurusyu mesray cha. Pøs, nabe naimburappe, nuinuube chigucha chi kalø mariibe wetørramur— cha.
26908	JHN 19:14	Pascua Fiesta maramig kan kwalømdø paløben, kwaløm tøbøtag køsrøn købig køn. Inchen Pilatobe judíosmeran trenchibig køn: —¡Au, ñimui rey yu pasran!— cha.
26909	JHN 19:15	Inchene nømbe trashibelø køn: —¡Kwabash! ¡Kwabash! chib. ¡Kurusyu mesrø!— chib. Inchen Pilatobe trenchibig køn: —¿Nagan ñimui reywan kurusyu mesrønrrab waitarru?— cha. Inchen sacerdotesmeran karubeløbe trencha løtabelø køn: —Nambe katøgan rey tøgar kønrrab kømøtø, Roma maya misagwan karub wabig Césarwandø rey wannar ker— cha.
26954	JHN 20:18	Inchen María Magdalenabe yabe, tru kusrenanøb pera uniilan: —¡Nabe Señorwan ashar!— chibig køn. Incha Señor nun maig tailangucha nømun eshkabig køn.
26955	JHN 20:19	Tru truaalømdøwei yandø yem misren, Jesúswei kusrenanøb pera uniiløbe tulundzuna purrabelø køn, yaskabmerane mu kurtraingaig kasra pønsra, judíosmeran kørig køb. Inchene Jesúsbe truyu kebib, nømuin tøbøtag pasramisrøb, trenchibig køn: —¡Chi isumgaig tab købiibe ñimba kønrrain!— cha.
26962	JHN 20:26	Indig trune wendau tru kusrenanøb pera uniiløbe katøle umbu tulundzuna purrøben, Tomáskucha nømba wabig køn. Inchene yaskabmerabe mu kurtraingaig kasrailø pønrraingucha, Jesúsbe kebya, nømuin tøbøtag pasramisrøb, trenchibig køn: —¡Chi isumgaig tab købiibe ñimba kønrrain!— cha.
26964	JHN 20:28	Inchene Tomásbe trencha løtabig køn: —¡Nai Señor! ¡Nai Tius!— cha.
26974	JHN 21:7	Inchene tru kusrenanøb pera unig Jesúswei undaaraibe Pedrone trenchibig køn: —¡Au, Señor køn!— cha. Inchene Pedrobe: “Señor køn” taig mørøppe, nui pala itøgueigwan wesrawa tsuig køppe, truigwan kewa, pørønab, piyu pørsraptinchibig køn.
27241	ACT 7:56	Inchabe trenchibig køn: —¡Asay! cha. ¡Srømbalamerabe kurin pønrrøben, Møg Misra Arrubiibe Tiuswei kusrmay pasrai ashar!— cha.
27245	ACT 7:60	Incha yandø tømbønsra mur trashib wamab trenchibig køn: —¡Señor, nøm øyeeg kaig marigwan chi treeg marmuig kui lataig kørrømar!— cha. Yandø chab trenchabe, kwaptinchibig køn.
27341	ACT 10:13	Inchen kan wam trendai mørøbig køn: —¡Pedro kurrab, kweecha, ma!— cha.
27379	ACT 11:3	trenchibelø køn: —¡Kan ñibe judíos kømø misaamera tru circuncidameelai yau kebya, truiløba lincha main køn!— cha.
27413	ACT 12:7	Inchen møi møi kan Señorwei ángel kenamisren, tru kailan keeri yaube kan tørguegwalmabig kebiløben, ángelbe Pedron tømbulyu kønøga kasrønanabe, trenchibig køn: —¡Mallatø kurrø!— cha. Inchen cadenasmerabe Pedroi taskugurri kørraptinchibig køn.
27420	ACT 12:14	Pedroi wam kui mørøppe, kasrag købiitø yaskabwanguen kurmøtø, katøle umbusrø kelula: —¡Pedro yaskabu pasrøtan!— cha, eshkabig køn.
27421	ACT 12:15	Inchene nømbe trenchibelø køn: —¡Paare! ñibe loca asønan— cha. Inchen nøbe: —¡Truigwein køtan!— chiben, nømbe trenchibelø køn: —Pedro kømøtø, nui møsig kuinrrun— cha.
27428	ACT 12:22	Inchen misaamerabe trashib mendappe, trenchibelø køn: —¡Iigwan waminchibiibe møg kømøtø, kan tius køn!— chib.
27493	ACT 14:10	mur wamab trenchibig køn: —¡Ølgandø kurrab, pasramisr!— cha. Inchene tru møøbe pørsrappe, pasrambua, llirab mendabig køn.
27494	ACT 14:11	Inchen misaamerabe Pablo chi marigwan ashippe, nømui Licaonia triimay trenchib trashib mendabelø køn: —¡Møguelø lataig, tiusmera namuinug kørrørruin køn!— chib.
27569	ACT 16:17	Incha tru srusrøbe Pablonba, namunba wendautø trenchib trashib arrubig køn: —¡I møgueløbe Tius Mayeelaim Pala Pasrabigwei karuindiig melabelø, kaigyugurri wesrailø køm maywan ñimun eshkab kusrenanøbelø køn!— chib.
27580	ACT 16:28	Inchene Pablobe mur trashib trenchibig køn: —¡Ñiguen øyeeg kaig marmøtø kagøbash! cha. ¡Søtøba nambe yu ka purrer!— cha.
27667	ACT 19:13	Inchen mø judíosmera køsrøn kwaimandziimeran tru misaamerainukkurri webusrøb truørø, truørø amøñibeløgucha tru treeg maramig Señor Jesúswei munchitøga mara ashchab inchibelø køn, tru kwaimandziimeran trenchib: —¡Tru Pablo eshkab kusrenanig Jesúswei munchiyu, nabe webambay tamønrrun!— chib.
27682	ACT 19:28	Inchen øyeeg wamindiilan mørabe, purø trømbøig nama, trenchib trashibelø køn: —¡Efesosmerai Dianabe purø nuig køn!— chib.
27688	ACT 19:34	Inchendø judío kui wetøgørrappe, katøle søtøbah, søtøbah trashibelø køn, kan pa ura purab trenchib: —¡Efesosmerai Dianabe purø nuig køn!— chib.
27794	ACT 22:22	Inchen judíosmerabe tru iig srabe trendaigwan ke chab trendamnegatiitø mørabe, trenchib trashib mendabelø køn: —¡Øyeeg møwane yu pirau uñmønrrai kweetsay! chib. ¡Kaguende øyeegwane chinchibguen uñbasamgaig køn!— chib.
27915	ACT 26:24	Pablobe ‘kaig mara pasrømur’ chib, waminchib pasramnetø, Festobe øyah chib trashibig køn: —¡Pablo ñibe chugúi mørmíig misriasøna! chib. ¡Menrra kusreptø chugúinguen mørmíig misrin køn!— chib.
27919	ACT 26:28	Inchene Agripabe trenchibig køn: —¡Ke yandiitøgatø Tiuswei mayu puraarrua pasramisrtrai indiibe!— cha.
31091	REV 19:5	Inchen tru wamisra karub wainukkurrimbe kan wam mørø trenchibig køn: —¡Ñim Tiusweiwan marøb melabelø mayeeløba, katø Tiuswan køriibala pønrrabeløba, tru nørreelø kusrebelø køben, katø treeg kømeelø køben, namui Tiuswane purø tabig waminday!— chib.
31158	REV 22:9	nøbe nane trenchiptinchibig køn: —¡Øyeeg marmøta! cha. Nagucha Tiuswei marøb megabiitøwein kur cha, ñiba, ñui nunelø, tru Tius maig karuigwan eshkabeløba, katø mayeelø i libroyu wamindiilan møra marøbeløba, truilø lataitøweingue. ¡Tiuswane køriibala tabig waminchi!— chibig køn.