438	GEN 18:13	Inchene Jehovábe Abrahamwane trenchibig køn: —Sarabe trenchib intsan cha, ¿Kan isa kømø, treeg kønrrab kø chinder? chib. ‘Na yan køllig købendø, kan unø tøgagømig.’
509	GEN 20:13	Nai møskawei yaugurri nan Tius ka truørøtø, truørøtø uñchai nan webingarub uras nabe Sarane trendaig køn cha: Na ñui keg kuitamab isua ñi tøga pasrøwabe trube, øyeeg chirrunrrig cha. Nam chu pub ambiisrøndøgucha ñibe øyah chirrunrrig cha, ‘ñibe nai nuchag kur’”— cha.
539	GEN 21:25	Inchendø Abrahambe Abimelecwane ‘ñibe nane øyeeg kalø marig køn’ cha trunun wesrabig køn, tru Abimelecwei karuig mendig melabelø Abraham tru pirø umbugurri pi wesraizhig købigwan nun kerraigwan.
622	GEN 24:30	kaguende Labanbe nuchawei tru surtigaswan køben, katø tru kwalyu pønsraigwan køben ashib, katø ‘tru møg øyah, øyah chitan’ chib eshkaigwan mørøb indig kua. Incha Labanbe tru Abrahamwei karuig mendig megabigwein pulusrø kemallibig køn, truibe nui camellosmeraba pisu pulusrø srø pasramne.
636	GEN 24:44	nan øyah cha løtabig truig kønrrain cha: nan ‘muchi’ cha srørrøb, ‘katø ñui camellosmeraingucha pi wesrunrrur’ chibig, truig kønrrain cha, tru nan karub peragøbigwei nusrkawei srain kønrrai Jehová lawa wesruig ishug unø.”
670	GEN 25:11	Inchen yandø Abraham kwaben, Tiusbe Isaac nui nusrkawane mayanguen tabig nebuig kønrrai inchen, Isaacbe tru ‘Øsig Wab, katø Nan Ashibig’ taisrø pisu puluwan kørrømisra, tsubig køn.
700	GEN 26:7	Inchen trusrø warab møguelø nui sraweimburab payene, nøbe trenchibig køn: —Naimbe nuchag køn— cha, kaguende nøbe kørig kui inchibig køn ‘nai srain køn’ tamiibe. Nui srai Rebecan nømui marøg køptø trusrø møgueløbe nun kwetchaitamab isubig køn, kaguende nøbe purø tab ishug køben.
713	GEN 26:20	Inchen tru Gerar pirau ubisha ashib warabeløbe Isaacwei ubisha ashibeløba ‘i pibe namuin køn’ chib larrø mur aleguiyabelø køn. Incha treekkurri Isaabe tru pisuwane ‘Esek’, (‘Aleguiyaim Pi’) cha munchi pasrig køn, kaguendø nømbe tru pigurri aleguiyaig kua.
757	GEN 27:29	Tru misag søtømera nørrø pønrrabeløbe ñun utsøbasrtrun cha. Inchen ñibe ñui nunelane ñi karubig kønrrig cha. Inchen truiløbe ñui merrab utsøbasrtrun cha. Ñun ‘trømbøig nebunrrain’ chib pønrrabeløbe, nøm trømbøig nebuilø kønrrun cha. Inchen ñun ‘tabig nebunrrain’ chib pønrrabeløbe, nøm tabig nebuilø kønrrun— chib.
921	GEN 31:47	Inchen Labanbe truyu nuin triimaybe ‘Jegar Sahaduta’ cha wamøbene, Jacobpe nui triimaybe ‘Galaad’ cha wamig køn.
933	GEN 32:5	Incha øyeeg chinrrai karua ørøbig køn: —“Ñi nai mayur nuneg Esaúwan Jacob na ñi maig chiben megabiibe, trendan cha: ‘Nabe møi øyangatig Labanba kørrømisra tsua,
949	GEN 32:21	Incha katø trenchinrrigay cha: “Ñui karuig megabig Jacobpe namui wendau arrun” cha. Kaguen Jacobpe treeg isubig køn: ‘Tru na keta trana øriilanmerrig nun pungaruabe, tru nø namig kørrømisrig købig yandø kuchi tammisren, trugurrimbe nui maløwan asamønrrun’ cha.
1131	GEN 38:11	Inchen Judábe tru nui yerna Tamarwane trenchibig køn: —Ñui møskawei yau kasharamø, ka tsunrrig cha, nai nusrkai Sela kølig misramne.— Inchendø Judabe treeg isubig køn: ‘Inchippa Selagucha nuneg kwabelø lataitøwei kwanrraitamab.’ Incha treekkurri Tamarbe nui møskawei yausrø tsunrrab ibig køn.
1148	GEN 38:28	Inchen tru yandø kal-lanrrab inchen tru parcheeløyu kane tasiizhiimerrig kal-laptinchen, patsø kørrøørøbiibe unai tasiizhigu pigø tsizhig lichiptinchibig køn trenchib: ‘Iimerrig webarrig køn’ chib.
1160	GEN 39:10	Inchen ishuube kwalømmørig, kwalømmørig Joséwane ‘naba waramisrkun’ chib, nuimbulu lincha wanrrai inchib maya, maya treendingucha, Josébe treegwane kandø, kandø ka chib, webib, webig ibig køn.
1181	GEN 40:8	Inchene nømbe trenchibelø køn: —Nambe pailøba piailø tøgagøbendø, muguen kan øyeeg køn cha eshkanrrabiibe mugaagøn— cha. Inchene Josébe trenchibig køn: —¿Piailan ‘øyeeg køn’ chinrrabiibe Tius nø kømuitarru? cha. Er eshkarra pøs— chibig køn.
1204	GEN 41:8	Inchen nøbe løtsø kia kasrappe, larrø isuig kia kurra, tru Egiptosrø mayeelø magia kusrebelø mu mana mariimíigwan marøbelanba, larrø kusrebelanba amrrunrrai wamabe nui piagwan eshkabig køn. Inchendø truiløbe tru piaigwane ni møikken ‘øyeeg køn’ cha Faraonwane eshkanrrab kaimabelø køn.
1211	GEN 41:15	Incha Faraónbe Joséwane trenchibig køn: —Nabe kan piaig tøgagøbendø, ‘øyeeg køn’ cha kelarrab eshkanrrabiibe muguen kaagøn cha. Inchendø nabe wammørar cha, ñibe piaigwan wamindi mørabe, ‘øyeeg kønrrab’ køn cha eshkabig kuin kui.—
1368	GEN 45:9	Inchawei ñimbe mallatø incha, nai møskawei yamay amba, trenchinrrigay cha: “Ñui nusrkai Josébe øyah tan cha: ‘Tiusbe nane Egipto pirau kerriguba na karub wanrrai wandan’ cha. Incha ‘nan ashchab ‘pebatø’ amø’ tan chinrrigay cha.
1369	GEN 45:10	‘Ñibe nai puluwandø Gosén pirau tsunrrig tan cha, ñui nusrkaløba, ñui awelu ureemeraba, katø ñui ubishamera køben, cabrasmera køben, ñui waaramera køben, katø ñui chigurrimbunø tøgaguiløbañau.
1423	GEN 47:2	Incha Goséngurri attraptø trattrøgatø nui nunelan lawa wesrua, Faraónwei merrab pera arrubig køn, ‘nai nunelø køn’ cha eshkanrrab.
1428	GEN 47:7	Trugurri Josébe nui møskai Jacobwangucha pera ya, Faraónwan, ‘iibe nai møskain køn’ cha eshkabig køn. Inchen Jacobpe Faraónwan ‘mayanguen tabig nebuig kønrrig’ chibig køn.
1512	GEN 50:5	“Nai møskaimbe nø kwamøwatø, øyeegwan marmø kømø, ¡katø! nane maramønrrun tingaruig køn cha: ‘Canaan pirausrø søramig nø ashib tamarig pasrabigu, nun trusrø søramig kønrrai.’ Inchawei nai møskawan trusrø sørønrrab ibashcha” tan chinrrigay cha, nabe katø arrumønrrun— cha.
1524	GEN 50:17	‘Ñimbe Joséwan øyeeg chinrrigay cha: Ñui nunelø yeeg kaig marøb, ñun kalø marigwan Tiusmanda ulø paymø pesannarrunrrig cha’ Inchawei møimbe tiusmanda, nam ñui møskawei Tius karuigwan marøb melabeløtøwein kuinaig købene tru trømbøig kalø mariilane pesannarrunrrig” cha. Inchen øyeeg wamindigwan mørabe, Josébe kishibig køn.
23232	MAT 1:19	Inchen José tru nui keg kønrrabiibe sølgandø tabig kua, Maríane maya misagwei malau ‘øyeeg kuin køn’ chib kenamarmønrrab, nuinetø niløtø tarømisrøptinchab isubig køn.
23267	MAT 3:6	Incha nømui kaig mariilan ‘kaig marig køn’ chib eshkaben, Juanbe truilan Jordán piyu piu umbu ulsrøbig køn.
23312	MAT 5:9	Mayanguen tab kuilø køn cha, tru ambugurri igurri tab kømigwan lab marøbelaimbe. Kaguende truilane Tiusbe ‘nai ureg køn’ chinrrun cha.
23336	MAT 5:33	’Katø ñimbe møriinrrun ñimui merrabsreelan øyah tailan ‘Señorwei merrab, ¡katø! marmø kømø, nabe maramønrrun’ cha kørrømisrigwane wamindiitø kømø, maramig køn taigwan.
23386	MAT 7:1	’Ñimbe katøganelan ‘øyeeg, øyeeg marøbelø køn’ chib waminchimøtay, ñimungucha ‘øyeelø køn’ tainamønrrappe.
23400	MAT 7:15	’Tab asha kuy, chibig køn, ‘Tius maig karuigwan eshkabelø ker’ chibelø isa waminchibelan, ñimuimay kan ubisha lataig amrrubendø, nømui umbube kan namig lobosmera latailø køn cha.
23498	MAT 10:12	Yau kebambuppe, ‘ñimun chi isumgaig tab køn’ chib wamønrrigay.
23518	MAT 10:32	’Møikkøben misaamerai merrab ‘Jesúsweingatiig kur’ chibigwane nagucha nai Møskai srømbalasrø wabigwei merrab treetøwei truigwane ‘nuingatiig kur’ tamønrrun.
23519	MAT 10:33	Inchen misaamerai malau ‘Jesúsweingatiig kømur’ chibigwane nagucha nune nai Møskai srømbalasrø wabigwei merrab ‘nuingatiig kømur’ cha, trendamønrrun chibig køn, Jesúsbe.
23565	MAT 12:7	Ñimbe ni chi tainguen mørmuin køn: “Animal kweecha, Tiuswan tranøb kømøtø, ñimbe lastima ashibelø kønrrai inchar” taigwan. Tru trendaigwan ñim mandø kui mørig kuimbe, kaig mara kømeelane ‘øyeeg kaig marøbelø køn’ chimubsruinrrun cha.
23595	MAT 12:37	Pøs ñui wamindiitøgatøwei ‘tabig køn’ tain kui, kabe ‘kaig køn’ tain kui Tius treeg marig kørrømisrtrabguen.—
23611	MAT 13:3	Inchen nøbe waminchib pølbasrøbig køn ‘øyeeg lataitøwein køn’ chib wamindiiløtøga chineh kemesra kusrenanøb. Incha trenchibig køn: —Kan kwallibiima tsurøb kwallchab webyan cha.
23621	MAT 13:13	Inchawei nabe ‘øyeeg lataitøwein køn’ chib wamindiiløtøga chineh kemesra waminchar chibig køn. Kaguende: nømbe ashendø, ashmøn cha, mørendø mørmøwei, ni katø chigúinguen mørmøwei indan cha.
23626	MAT 13:18	’Au, ñim møray, tru kwallibigwan ‘øyeeg lataitøwein køn’ cha, kemesra wamincha pasrigwan na eshkanrrab.
23632	MAT 13:24	Incha Jesús katøgan ‘øyeeg lataitøwein køn’ cha eshkawa pasrøb trenchibig køn: —Srømbalasrø Tius nø ashib karub waibe kan møg nui trau tab yellwan tsuri lataig køn cha.
23639	MAT 13:31	Jesús katøgan ‘øyeeg lataitøwein køn’ cha, kemesra waminchibig køn: —Srømbalasrø Tius nø ashib karub waibe kan murtasa yell lataig køn cha, kan møg nui trau tsurig.
23641	MAT 13:33	Katø Jesúsbe katøgan ‘øyeeg lataitøwein køn’ cha, kemesra waminchibig køn: —Srømbalasrø Tius nø ashib karub waibe levadura lataig køn cha, kan ishuuma pa arruba harina sømara, levaduran pusren, maya sømarigwan trunun ørøba pulingarub lataig køn— cha.
23642	MAT 13:34	Jesúsbe misaamera nørrø pasrabigwan kerrigu iigwan kusrenanøppe, ‘øyeeg lataitøwein køn’ chib wamindiitøga eshkabsulu waminchibig køn. ‘Øyeeg lataitøwein køn’ cha, eshkawa pønsra kømuppe, waminchimíig køn.
23643	MAT 13:35	Øyeeg nebuppe, tru Tius maig karuigwan eshkabig maig taig nebunrrain kuig køn, tru øyah taig: Waminchib kusrenanøppe, ‘øyeeg lataitøwein køn’ chibgøba eshkab wamindamønrrun cha. Tius pirøwan marøb uraskurri sørig pønrrabelan tørgandø eshkab wamindamønrrun cha.
23644	MAT 13:36	Incha Jesús tru nu søtø misagwan ungwa cha, yau kebibene, nui kusrenanøb pera uniiløbe kemallabe trenchibelø køn: —Tru ellmarinug kaig kauwan ‘øyeeg lataitøwein køn’ cha, namun eshkab wamindigwan tab eshkarra— cha.
23661	MAT 13:53	Yandø Jesús tru ‘øyeeg lataitøwein køn’ chib iilan eshkab chab waminchabe, truyugurri webya ibig køn.
23685	MAT 14:19	Incha tru nu misagwan pubilayu purramisringarua, tru trattrøgatø pirrimeranba, pagatø peskaumeranba, tasku muta, srømbalaneb neesha, Tiuswan ‘mayanguen pay’ chibig køn. Incha pirrimeran pirisha, nui kusrenanøb pera uniilan tranen, nømbe misagwan pirishibelø køn.
23707	MAT 15:5	Trune ñimbe trenchibelø køn: “Kan møøbe møskawan kui, kabe usran kui trenchinrrun cha: ‘Na ñimun purugumig tøgagúigwan Tiuswan tranar cha. Ñimune purugunrrab kaimamønrrun’ chinrrun cha.
23717	MAT 15:15	Inchene Pedrobe Jesúswan trenchibig køn: —Tru ‘øyeeg lataitøwein køn’ cha, kemesra wamindigwan namun tab eshkarra— cha.
23738	MAT 15:36	nui tasigu tru pirri sietenba, peskaumeranba muta, Tiuswan ‘mayanguen pay’ chabe, pirisha, nui kusrenanøb pera uniilan tranen, nømbe misagwan pirishibelø køn.
23744	MAT 16:3	Inchene løtsøbe ñimbe trenchibelø køn cha: “Møimbe kaig kwaløm kønrrab asønan cha. Kaguende srømbalabe ke wañindø kasraim pasran” cha. Pøs pala wañi maig pasrai asha, ñim ‘øyeeg kønrrun’ chib, ‘øyeeg kønrrun’ chib waminchibeløbe, ¡Møin kwaløm chi pureb arrubigwane, trube, ‘øyeeg kønrrun’ chinrrab wetøgørrønrrab kaimabeløbe mailø køgue! cha.
23749	MAT 16:8	Inchene Jesúsbe nøm trenchib purrai ashabe trenchibig køn: —¿Chindimbarre kangurrin kangurri ‘pirringar ker’ chib purrøgue? cha. Ñim kui ñimui isubigwan nainug ke kagømønrraindøzhig pasra tøgar cha.
23753	MAT 16:12	Inchen nømune ‘tru pirriyu pusri levaduran ashiptø kønrrigay’ chimøtø, ‘tru fariseosmeraba, saduceosmeraba kusrenaniilan ashiptø kønrrigay’ tain kui yandø wetøgørrabelø køn nømbe.
23755	MAT 16:14	Inchene nømbe trencha løtabelø køn: —Møiløbe ‘Juan Bautista køn’ chiben; møiløbe ‘Elías køn’ chiben; møiløbe ‘Jeremías kuinrrun’ tan cha, kabe møikkøben ‘Tius maig karuigwan eshkabig kui’.—
23762	MAT 16:21	Incha tru uraskurrimbunø Jesúsbe nui kusrenanøb pera uniilan ‘øyeeg kønrrabig køn’ cha, eshkab mendabig køn. Nune Jerusalénsrømay yamig nebuben, misagwan karubelø kølli misaamera, sacerdotesmeran karubelø køben, Moisés pørigwan kusrenanøbelø køben, truba truba kaig indinab megawa, kweetsig kømig nebunrrun cha. Inchendø pøn kwalømyube katø øsiiranrrun chibig køn.
23800	MAT 18:4	Nøasiitø ‘nuig kurmab’ isumíig, i unø lataig misrøbiibe, srømbalasrø Tius nø ashib karub waigu mas nuig køn cha.
23920	MAT 21:25	¿Misagwan Juan piu umbu ulsraibe chugurri arrig køh? cha: ¿Srømbalasrøngurrin kønrrab køh? Kabe: ¿Møgueløgurrin kønrrab kø chindah?— cha. Inchen kangurrin kangurri payiyab mendabelø køn: “ ‘Srømbalasrøngurrin kuig køn’ chibene, nøbe namune trenchinrrun cha: Trube, ‘¿chindimba nune køremøgue?’ cha.
23921	MAT 21:26	Katø: ‘Møgueløgurrin kuig køn’, tamgawein køn cha. Kaguende misagwan namune kørig køtan cha. Kaguen ya mayeeløba Juanbe Tius maig karuigwan eshkabig købig kui asha tøgar køn” cha.
23928	MAT 21:33	’Incha møray, chibig køn, katøgan ‘øyeeg lataitøwein køn’ cha, kemesra wamindigwan. Kan møg pirø puaig uvas tra mara, trugurrimbe panig pasra, uvas piwan chu wesrumigwan truyu tamara pasra, incha tru ellmarigwan ashib laramig kan ya-unø palaig mara pasran chibig køn. Incha nui pirøwan katøganelan misrigwan pirishinrraptø kwallchai tranabe, yabsrømay yan cha.
23940	MAT 21:45	Inchen tru sacerdotesmeran karubeløba, fariseosmeraba tru ‘øyeeg lataitøwein køn’ chib Jesús eshkab wamindiilan mørabe, nømun kemesra wamindin kui wetøgørrabelø køn.
23942	MAT 22:1	Katø Jesúsbe nømun ‘øyeeg lataitøwein køn’ cha, kemesra kusrenaniilan waminchib mendappe trenchibig køn:
23999	MAT 23:12	Kaguende nøasiitø ‘nuig kurmab’ isubigwane, ka kørig martrun cha. Inchen chigucha kømíig ‘nuig kurmab’ isumíigwane ‘i møøbe si, nuig køn’ taig kønrrun, chibig køn.
24032	MAT 24:6	Incha ‘misaamera katøgan peesrø misaameraba purø trømbøig kørig kømdiig kwayab kweetsiyab køn’ chib, katø ‘purø trømbøig kørig kømdiig kwayanrrab køn’ chib ñim wamindi mørabe, mandøguen kømui inchib kwarmøtay cha. Kaguende øyeebe trendø treeg purainrrabigwein køn cha. Inchendø katøgucha patsamibe pumø srø kønrrun chibig køn.
24037	MAT 24:11	‘Tius maig karuigwan eshkabelø ker’ chib isatø eshkabelø truba truba kurra, isatø misagwan truba nu peløsrkønrrun cha.
24050	MAT 24:24	Kaguende møiløgøben ‘Cristo ker’ chib isatø inchibeløba, katø, ‘Tius maig karuigwan eshkabelø ker’ chib isatø inchibeløba amrrunrrun cha. Incha nømui maramburab mariilø truba nørreelø asha kømig kenamariiløba, kwaara asha kønrrai nørreelø mariiløba martrun cha, misagwan treeg incha peløsrkønrrab. Incha Tius nuyasiitø tarømariilanguen kegørrøsrkamdiig kuimbe, kegørrøskønrrab inchun.
24141	MAT 26:18	Inchene nøbe trenchibig køn: —Ciudayu kan møweimay ambabe trenchinrrigay cha: “Kusrennøbiibe trendan cha: ‘Nai urabe yandø puin køn’ cha. ‘Pascua maramigwan nai kusrenanøb pera uniiløba ñui yau martrab’ tan”— cha.
24149	MAT 26:26	Incha mab purrappatø, Jesúsbe pirriwan muta, Tiuswan ‘mayanguen pay’ cha, pirisha, nui kusrenanøb pera uniilan trenchib srørrøbig køn: —Cha, may cha. Iibe nai asr køn— cha.
24150	MAT 26:27	Incha katø copan muta, Tiuswan ‘mayanguen pay’ cha, nømun trenchib purøørøbig køn: —Søteeløba i copayuigwan mutsay cha.
24157	MAT 26:34	Inchen Jesúsbe nune trenchibig køn: —Pøs nabe cierton ñun trendamønrrun cha: Møi yemdøweinguen kallu wamømøwatø, ñibe pønmayguen nan ‘ashmíig kur’ chinrrautan— cha.
24158	MAT 26:35	Inchen Pedrobe trenchibig køn: —Ñiba nan kwamig nebuinguen, nabe managuen ñun ‘ashmíig kur’ chimumønrrun— cha. Inchen mayeeløba nui kusrenanøb pera uniiløgucha treetøwein chibelø køn.
24182	MAT 26:59	Inchen sacerdotesmeran karubeløba, tru Setenteelø maig maramigwan asha marøbelø mayeeløbabe Jesúswan kwanrrai pasrtrab møilan køben ‘Jesúsbe kaig maren, nambe ashibwei indig køn’ chib isa waminchabelø labendø,
24183	MAT 26:60	wetørranrrab kaimabelø køn, møiløgøben ‘øyeeg køn’ chib, ‘øyeeg marøbig køn’ chib isa waminchibelø, truba werruppe werrubendø. Yandø truinchib køptø, pailø werrua,
24186	MAT 26:63	Inchen trendaingucha, Jesúsbe chigucha løtømuben, tru maya sacerdotesmeran nø karub sacerdotebe trenchibig køn: —Øsig wab Tiuswei munchiyu nabe ñun, ñi Cristo Tiuswei Nusrkain kuabe, ‘truig kur’ cha, namun eshkau tamønrrun— cha.
24193	MAT 26:70	Inchen Pedrobe mayeelai merrab ‘ashmíig kur’ chib trenchibig køn: —Ñibe ni chi waminchib pasrainguen mørmur— cha.
24210	MAT 27:12	Inchen sacerdotesmeran karubeløba, misagwan karubelø kølli misaameraba ‘øyeeg køn’ chib, ‘øyeeg marøbig køn’ chib kømne, Jesúsbe chigucha løtømíig køn.
24212	MAT 27:14	Inchen Jesúsbe ni chi chib kuingucha manchagucha løtømuben, tru kubenadurbe ‘øyeebe maig kermab’ ke kwaara asha kørrømisrøbig køn.
24262	MAT 27:64	Inchawei treeg købene, ñibe pøn kwalømgatig sørigwan tab ashib tøgagønrrai karu, chibelø køn. Inchippa nui kusrenanøb pera uniilø yem amrrua, nui asrwan nilabgun cha. Incha misaameran ‘katø øsiirain køn’ chimønrrai. Treeg purayaisruandøbe si, trube, srøsrø isa wamindi lataikken kømø, katøbe purø trømbøig isa wamindig kønrrun— cha.
24289	MRK 1:5	Inchen maya misag Judea pirausreelø køben, Jerusalén ciudasreelø køben nuimay mørtrab amrruabe, nømui kaig mariilan ‘øyeeg marig køn’ chib eshkabene, truilan Juanbe Jordán piyu piu umbu ulsrøbig køn.
24380	MRK 3:23	Inchen Jesúsbe nømun wama, ‘øyeeg lataitøwein køn’ chib, kemesra wamindiiløtøga trenchib waminchibig køn: —¿Satanásbe Satanáswandøweimbe chincha wegutchaitamague? cha.
24394	MRK 4:2	Inchen nøbe nømun ‘øyeeg lataitøwein køn’ chib wamindiiløtøga chineh kemesra, kusrenanøbig køn.
24402	MRK 4:10	Jesús yandø nøtø kørrømisren, tru doce kusrenanøb pera uniiløba kanbalatø Jesúsweim pulu pønrrabeløbe trenchibelø køn: —¿Tru ‘øyeeg lataitøwein køn’ chib kemesra wamindiiløbe chi chibig køh?— cha.
24403	MRK 4:11	Inchen nøbe trenchibig køn: —Tiusbe nø ashib karub wainug mu asiimíig tøgagúilan ñimune ashchai tranan cha. Inchendø misaamera nøøreelø truyuilø kømeelane ‘øyeeg lataitøwein køn’ chib kemesragøba wamindiiløtøga wamindig køn cha,
24405	MRK 4:13	Incha katø trenchibig køn: —Ñimgan ‘øyeeg lataitøwein køn’ cha, tru kemesra wamincha pasrigwane ¿chigúi wetøgørrøtirru? cha. Katøgan ‘øyeeg lataitøwein køn’ cha, kemesra tru wamindiilangucha kerriguba ¿chincha wetøgørrønrrague? cha.
24422	MRK 4:30	Katø Jesúsbe trenchibig køn: —¿Tius nø ashib karub pasraibe chi lataig asøna cha, kabe chiwan kemesra, ‘øyeeg lataitøwein køn’ chinrrab køh? cha.
24425	MRK 4:33	Jesúsbe Tiuswei wamwan øyamay kusrennøbig køn, ‘øyeeg lataitøwein køn’ chib, truba yambalø kemesra eshkab. Møi eshkaig latailø, nøm mayangatig chigúi nebua mørtrapteelø køben, treetøh marøbig køn.
24426	MRK 4:34	‘Øyeeg lataitøwein køn’ chib kemesrømøbe, waminchimíig køn. Inchendø nui kusrenanøb pera uniilane nømundø nøørø kerrigu tør marøb eshkabig køn.
24502	MRK 6:26	Inchen reybe truba truba isui inchendø, tru mayeelø lincha purrabelai malau ‘treeg tranrrumøn’ cha, trannrrab misrig køppe, tru miaigwan ka chimø, ka tranøbig køn.
24517	MRK 6:41	Inchen Jesúsbe tru trattrøgatø pirriwanba, pagatø peskaumeranba nui tasku muta, srømbalaneb neesha, Tiuswan ‘mayanguen pay’ chabe, pirrimeran pirisha, nui kusrenanøb pera uniilan misagwan pirishinrrai trana, katø tru pagatø peskaumerangucha mayeelan pirishinrrai tranøbig køn.
24543	MRK 7:11	Trune ñimbe trenchibelø køn: “Kan møøbe møskawan kui, kabe usran kui trenchinrrun cha: ‘Na ñimun purugumig tøgagúibe Korban køn cha, (trenchippe, “Tiuswan keta, tranig køn” chib) ñimune purugunrrab kaymamønrrun’ chinrrun” cha.
24549	MRK 7:17	Incha Jesús misagwan tarømisra, kan yau kebiben, nui kusrenanøb pera uniiløbe: —¿Tru ‘øyeeg lataitøwein køn’ chib kemesra kusrenanigwan chi chibig køh?— cha payene,
24575	MRK 8:6	Jesúsbe misagwan pirau purramisringarua, nui tasku tru pirri sieten muta, Tiuswan ‘mayanguen pay’ chabe, pirisha, nui kusrenanøb pera uniilan tranen, nømbe misagwan pirishibelø køn.
24576	MRK 8:7	Katø peskau-urekkucha mamdø tøgagøben, Jesúsbe trunun Tiuswan ‘mayanguen pay’ chabe, katø trunungucha misagwan pirishinrrai karubig køn.
24586	MRK 8:17	Inchen Jesúsbe nøm trenchib purrai ashabe, trenchibig køn: —¿Chindimbarre ñimasiyaitø ‘pirringar ker’ chib purrøgue? cha. ¿Katøgucha ni chigúinguen mørmøwei, chiwan wamindinguen mørmøwei inchigueh? cha. ¿Katøgucha ñimui manrrømerane mur mara tøga pønrrøtirru? cha.
24622	MRK 9:15	Incha Jesúswan ashippe, maya misaaba truba kwaara ashib ‘manguen attirru’ chinrrab luløbelø køn.
24673	MRK 10:16	Incha nui kwalyu muta, tasigwan uregweim pala estsarabe, ‘mayanguen tabelø kønrrigay’ chibig køn.
24703	MRK 10:46	Incha Jericósrø pua, Jesúsbe tru ciudayugurri nui kusrenanøb pera uniiløba misag truba nu peraig webya iben, kan kabgaig Bartimeo taig Timeowei nusrkai, ‘anzhig kettra’ chib, miab may menda wawabe,
24743	MRK 12:1	Incha Jesúsbe ‘øyeeg lataitøwein køn’ chib kemesra wamindiiløtøga eshkab menda, trenchibig køn: —Kan møg nuim pirau uvas tra mara, trugurrimbe panig pasra, uvas piwan wesrumikkucha pirau tamara pasra, katø tru ellmarigwan ashib laramig kan ya-unø palaig mara pasran cha. Incha nui pirøwan katøganelan misrigwan pirishinrraptø kwallchai tranabe, yabsrømay yan cha.
24754	MRK 12:12	Inchen Jesúswan merrarrawa sruamrrab kemørtrab inchibelø køn, kaguende tru ‘øyeeg lataitøwein køn’ cha waminchippe, nømun kemesra wamindi møra. Inchendø nømbe misag truba nuwan køriimata, kagøbasha, pasramnetø ambuptinchibelø køn.
24770	MRK 12:28	Inchen tru Moisés pørigwan kan kusrenanøbig tru ‘maig køh’ cha, payiyab køben mørøb pasrabiibe, Jesúsbe søl løti møra, nun kemallabe, trencha payibig køn: —¿Tius martrai karua pønsrailai utuig mas nuibe møig køh?— cha.
24793	MRK 13:7	Incha, ‘misaamera katøgan peesrø misaameraba purø trømbøig kørig kømdiig kwayab kweetsiyab køn’ chib, katø, ‘purø trømbøig kørig kømdiig kwayanrrab køn’ chib ñim wamindi mørabe, mandøguen kømui inchib kwarmøtay cha. Kaguende øyeebe trendø treeg purainrrabigwein køn cha. Inchendø katøgucha patsamibe pumø srø kønrrun chibig køn.
24808	MRK 13:22	Kaguende møiløgøben ‘Cristo ker’ chib, isatø inchibeløba, katø ‘Tius maig karuigwan eshkabelø ker’ chib isatø inchibeløba amrrunrrun cha. Incha nømui maramburab marøb mariilø, nørreelø asha kømig kenamariiløba, nørreelø kwaara asha kønrrai mariiløba martrun cha, misagwan treeg incha peløsrkønrrab. Incha Tius nuyasiitø tarømariilanguen kegørrøsrkamdiig kuimbe, kegørrøskønrrab inchun, chibig køn.