72	GEN 3:16	Kunha va'e pe ju aipoe'i: — Xee ajapo 'rã nememby ryru'i vy rejexavai ete aguã rami. Ha'e ramo haxy 'rã rendu nememby reikuavã'i vy. Renhomoirũxe 'rã neme reve. Ha'e rã ha'e ma ipo'aka 'rã ndere — he'i.
89	GEN 4:9	Ha'e ramo Senhor aipoe'i Caim pe: — Mamo tu nderyvy Abel oĩ? Caim ombovai: — Xee ndaikuaai. Xee ri ty'y xeryvy re opena va'e aiko? — he'i.
103	GEN 4:23	Ha'e gui Lameque aipoe'i gua'yxy kuery pe: — Ada ha'e Zilá, pendu ke xeayvu rã. Peẽ Lameque ra'yxy kuery, pejapyxaka ke xeayvua re. Xee ma ajuka peteĩ ava xere ojeai rire, ha'e peteĩ kunumi va'e ajuka avi xere opyrõ ramo rive.
141	GEN 6:3	Ha'e ramo Senhor aipoe'i: — Xenhe'ẽ noĩ riaei 'rã avakue re, to'o rive ikuai rã. Ha'e rami vy ha'e kuery ma cento e vinte ma'etỹ peve'i 'rã ikuai — he'i.
151	GEN 6:13	Ha'e ramo Nhanderuete aipoe'i Noé pe: — Xee anhembopy'a yvy regua kuery ha'e javi amomba aguã, avakue heko vai va'e anho ikuai ramo yvy re. Amokanhymba 'rã, yvy reve.
310	GEN 12:11	Ha'e gui Egito yvy re ovaẽ rai'i maa py Abrão aipoe'i gua'yxy Sarai pe: — Xee aikuaa porã ndee kunha porã ereikoa.
318	GEN 12:19	ha'e “Xereindy” 're rive? Ha'e rami rã ajopy karamboae xera'yxyrã. Aỹ ma ndera'yxy ae ri rã eraa ju, ha'e tapeo — he'i.
328	GEN 13:9	Ma'ẽ, nerenonde itui yvy ha'e javi. Ajerure xea gui rejepe'a aguã. Xapy'a rei jaiporu kuaa e'ỹa katy ri reo ramo xee ma jaiporu kuaa katy 'rã aa. Ha'e rã jaiporu kuaa katy ri reo ramo xee ma jaiporu kuaa e'ỹa katy 'rã aa — he'i.
358	GEN 14:21	Ha'e gui Sodoma pygua huvixa ju aipoe'i Abrão pe: — Xevy pe eraa uka ju xeretã pygua kuery, ha'e rã nhomba'e rei-rei reru va'ekue ma ndevy guarã toĩ — he'i.
360	GEN 14:23	Ha'e rami vy aura mba'eve ajopy e'ỹ aguã nemba'e rei-rei gui, neĩ peteĩ nhimbo, neĩ xapatu xã, “Xee ame'ẽ ramo Abrão oguerekopa”, 're e'ỹ aguã.
362	GEN 15:1	Ha'e va'e rire Senhor Abrão pe ojexa uka vy aipoe'i ixupe: — Abrão, ekyje eme. Xee ma mba'emo vai jokoa aiko ndevy, ha'e ndevy guarã va'ekue heta 'rã ame'ẽ.
363	GEN 15:2	Abrão ombovai: — Senhor Xeruete, mba'e tu ha'vy reme'ẽ 'rã, xera'y e'ỹ re ae aiko rã? Ha'e xero py mba'emo areko va'e aeja rã ojopy va'erã ma Damasco guigua Eliézer anho.
364	GEN 15:3	Aipoe'ive ju: — Xera'yrã nereme'ẽi rire mba'emo areko va'e xero py tembiguai itui'i va'ekue pe guarã rive opytapa.
368	GEN 15:7	Ha'e gui Senhor aipoe'ive ju: — Xee ma Senhor Ur caldeu kuery retã gui roipe'a va'ekue, kova'e yvy nderekoarã ame'ẽ aguã — he'i.
369	GEN 15:8	Abrão oporandu ixupe: — Senhor Xeruete, mba'exa tu aikuaa 'rã anhetẽ kova'e yvy ajopy 'rãa?
372	GEN 15:11	Xapirẽ kuery mba'emo re'õgue áry oguejy ramo Abrão omondyi.
384	GEN 16:2	Ha'e gui Sarai aipoe'i Abrão pe: — Xee ma Nhanderuete xeapo kyrĩ va'e areko e'ỹ aguã rami. Emenda ke xerembiguai re, ha'e va'e rupi xepi'arã rami ndera'y aguã — he'i. Ha'e ramo Abrão onhe'ẽ rendu Sarai.
387	GEN 16:5	Ha'e ramo Sarai aipoe'i Abrão pe: — Ndere ae toopa xemoxĩmba reiague. Xee ma xerembiguai rereko aguã ame'ẽ rire kyrĩ va'e oguereko maa oexa vy nda'ija'evei xere. Tove Senhor toikuaa pota xere rejapo va'ekue re.
390	GEN 16:8	Ha'e vy aipoe'i ixupe: — Ndee Sarai rembiguai Agar, magui tu reju? Marã katy tu reo? Ombovai: — Xererekoa Sarai gui rima ajava — he'i.
392	GEN 16:10	Anjo aipoe'ive ju: — Xee amboeta ete 'rã neremiarirõ kuery, avave rei oipapa kuaa aguã rami e'ỹ.
395	GEN 16:13	Ha'e ramo Agar ma Senhor hexeve ijayvu rire ojapukai hery rupi. Ha'e vy aipoe'i: — Ndee ma Xeruete rexa va'e — he'i. Mba'eta aipoe'i: “Xee ri ty'y apy ha'eve xerexaa aexa aguã?” he'i vy.
399	GEN 17:1	Abrão noventa e nove ma'etỹ oguerekoa py Senhor ojexa uka ixupe. Ha'e vy aipoe'i: — Xee ma Nderuete xepo'akapa va'e. Eiko ke xerenonde opa mba'e py ndereko porãa rupi.
402	GEN 17:4	— Xerupive guarã ndereve ajapo rire ndee reiko 'rã mbovy e'ỹ regua ikuai va'e ru.
404	GEN 17:6	Xee romboeta ete 'rã neramymino kuery. Ndegui 'rã amoingo joegua e'ỹ-e'ỹ, huvixa kuery guive.
405	GEN 17:7	Xerupive guarã ndereve jypy'i ajapo va'ekue ma aikuaa uka 'rã neramymino kuery pe ha'e kuery ikuai jevy-jevy rã guarã, raka'eve rã. Ha'e rami vy Nderuete aiko aguã, ha'e gui neramymino kuery Ruete guive.
428	GEN 18:3	Ha'e vy aipoe'i: — Xe-Senhor, rejou porã ri ramo ajerure reaxa rive e'ỹ aguã xee nerembiguaia gui.
437	GEN 18:12	Ha'e gui Sara ha'e nunga oendu vy hory oiny opy'a py. Ha'e vy aipoe'i ojeupe ae: — Xeguaiguĩ'i ete ma, ha'e xeme voi tuja'i ma va'eri, ha'e rami teĩ nhi'ã avy'a nho 'rã ri? — he'i.
449	GEN 18:24	Xapy'a rei tetã py cinqüenta heko porã va'e ikuai teĩ nda'u remomba nho 'rã tetã? Cinqüenta heko porã va'e remboaxya nda'u nerendui 'rã tetã remomba e'ỹ aguã?
452	GEN 18:27	Ha'e gui Abraão aipoe'ive ju: — Taxepy'a guaxu xeayvuve aguã Xeruete reve, yvy ku'i, tanhimbu guigua aiko va'eri.
453	GEN 18:28	Xapy'a rei heko porã va'e cinqüenta aguã peteĩ nhirũi'i ri oata ramo remomba nho 'rã teve tetã? Ombovai: — Quarenta e cinco ri ha'e py ajou vy namombai 'rã tetã — he'i.
465	GEN 19:7	Ha'e vy aipoe'i: — Xeretarã kuery, ajerure pejapo vai e'ỹ aguã.
498	GEN 20:2	Gua'yxy Sara pe “Xereindy” he'i ramo Gerar pygua huvixa Abimeleque ogueru ruka.
501	GEN 20:5	Mba'eta ime ae “Xereindy” he'i, ha'e kunha va'e voi ixupe “Xekyvy” he'i. Ha'e nunga rupi rima xee potae vy e'ỹ ajapo, ajapo vaixe vy e'ỹ — he'i.
509	GEN 20:13	Ha'e nunga rupi aguata-guata aguã xeru ro gui Nhanderuete xemondouka jave aipoa'e va'ekue xera'yxy pe: “Po rami 'rã ndee xepytyvõ nhavaẽa nhavõ rupi, Xevy ‘Xekyvy’ 're 'rã”, ha'e va'ekue ixupe.
511	GEN 20:15	Ha'e vy Abimeleque aipoe'i: — Xeyvy ha'e javi ma nerenonde itui. Eĩ tema reĩxea py rei — he'i.
540	GEN 21:26	Ha'e ramo Abimeleque ombovai: — Xee ndaikuaai mava'e pa ha'e ramigua ojapo. Avave rei ndoikuaa ukaai teri xevy, neĩ ruxã'i ma voi naendui kova'e ára e'ỹ vy — he'i.
544	GEN 21:30	Abraão ombovai: — Xepo gui rejopy 'rã pee py sete vexa'i ikuai va'e, xee ae kova'e ygua ajo'o ukaague kuaa ukaarã — he'i.
555	GEN 22:7	Ooa rupi Isaque aipoe'i nguu Abraão pe: — Xeru. Ombovai: — Apy ma aĩ xera'y. Isaque oporandu: — Apy ma tata, yxakã guive oĩ. Mamo tu oĩ vexa'i jajuka ha'e japy va'erã?
556	GEN 22:8	Ombovai: — Xera'y, Nhanderuete ae 'rã ojou uka vexa'i japy va'erã — he'i. Ha'e gui oove tema joupive.
564	GEN 22:16	Ha'e vy Senhor aipoe'i: — Xerery rupi ae aura: Nami rejapo, ndera'y peteĩ va'e xevy nereme'ẽxe e'ỹi rire ma
576	GEN 23:4	— Xee ma yvy mboae guigua aiko pendeyvy re. Peme'ẽ xevy ha'vy omano va'ekue ruparã pendeyvy re, xera'yxy retekue anhono porã aguã — he'i.
578	GEN 23:6	— Xeruvixa, endu ke oreayvu. Ndee ma orembyte reiko Nhanderuete huvixarã omoĩ va'ekue rami. Yvyra rupa iporãve va'e py tema enhono porã ndera'yxy retekue. Ore kuery regua mava'eve norome'ẽ e'ỹi 'rã yvyra ruparã va'e, omano va'ekue renhono porã aguã — he'i.
580	GEN 23:8	Ha'e vy aipoe'i ha'e kuery pe: — Xapy'a rei omano va'ekue anhono porã aguã pejou porã ri vy pejapyxaka. Xerekovia pejerure Zoar ra'y Efrom pe,
583	GEN 23:11	— Any teve xeruvixa, endu ke. Xeyvy ame'ẽmba rive 'rã ndevy, itakua oĩ va'e guive. Xeretarã ra'y kuery pavẽ renonde ame'ẽ ndevy. Enhono porã tema omano va'ekue — he'i.
587	GEN 23:15	— Xeruvixa, endu ha'vy. Peteĩ yvy quatrocentos hatã'i va'e prata guigua ovare va'e, mba'e tu ha'e nunga xevy ha'e ndevy? Enhono porã katu ha'e py ndera'yxy retekue — he'i.
597	GEN 24:5	Ha'e ramo hembiguai aipoe'i: — Xapy'a rei ma kunha va'e ndouxei 'rã xerupive kova'e yvy re. Ha'e rami rã ndera'y teve 'rã araa yvy rejuague katy?
615	GEN 24:23	Ha'e vy oporandu kunha va'e pe: — Xee ajerure remombe'u aguã: Mava'e rajy tu ndee? Ha'eve 'rã nda'u nderu ropy ake aguã, ha'e xerupive ou va'ekue guive?
616	GEN 24:24	Ombovai: — Xee ma Betuel rajy. Xeru ma Naor ra'yxy Milca pi'a.
619	GEN 24:27	Ha'e vy aipoe'i: — Ta'ima'endu'a porãmby toiko Senhor, xepatõ Abraão “Xeruete” he'ia, mba'eta nomboaxy e'ỹi xepatõ, neĩ anhetẽ rupi ndoguereko e'ỹi. Xeraperã re Senhor xembo'e ra'e xepatõ retarã kuery ro py ae avaẽ aguã — he'i.
623	GEN 24:31	Ha'e vy aipoe'i ixupe: — Senhor nemoingo porã va'e, evaẽ ke. Mba'e re tu re'ã apy oka py? Xeropy rupi areko katupa ma, nerymba camelo ikuai aguã guive — he'i.
625	GEN 24:33	Tembi'u guive ogueru. Ha'e ramo ava va'e aipoe'i: — Xee ndakaru reguai amombe'upa e'ỹ re mba'erã pa ajua. Labão ombovai: — Emombe'u ma'vy — he'i.
626	GEN 24:34	Ha'e ramo aipoe'i: — Xee ma Abraão rembiguai aiko.
629	GEN 24:37	Ha'e gui xepatõ xeapo karamboae aura aguã rami. Ha'e vy aipoe'i: “Xera'y ra'yxyrã rejou vy nda'evei kunhague Canaã yvy xee aikoa va'e regua rejou aguã.
631	GEN 24:39	Ha'e ramo xepatõ pe “Xapy'a rei ma kunha va'e ndouxei 'rã xerupive”, ha'e.
634	GEN 24:42	Ha'e gui ange ygua py avaẽ vy aipoa'e xejeupe: “Xepatõ Abraão Senhor ‘Xeruete’ he'ia va'e, xapy'a rei aguataa rupi xepytyvõ ramo ma,
639	GEN 24:47	Ha'e gui ixupe aporandu: “Mava'e rajy tu ndee?” Ha'e ombovai: “Betuel rajy aiko. Xeru ma Naor ra'y, Milca pi'a va'e”, he'i. Ha'e ramo ixĩ re amoĩ ojere'i va'e, ha'e rã ipoapy re ma poapy regua amoĩ.
640	GEN 24:48	Ha'e vy xerenapy'ã re aĩ vy ambojerovia Senhor. Xema'endu'a porã Senhor xepatõ Abraão “Xeruete” he'ia va'e re, mba'eta tape ha'evea rupi xerereko rire, xepatõ retarã rajy ae ajou aguã rami ta'y ra'yxyrã.
646	GEN 24:54	Ha'e rire mae okaru ha'e oy'u okuapy, avakue hupive ou va'ekue reve. Pytũ oaxa okuapy. Ko'ẽ rai ramove tembiguai opu'ã vy aipoe'i: — Xemondouka ju xepatõa katy.
648	GEN 24:56	Ha'e ramo aipoe'i: — Nda'evei ha'e rami aguã, aguataa rupi Senhor xepytyvõ rire. Xemondouka ju xepatõa katy.
657	GEN 24:65	oporandu Abraão rembiguai pe: — Mava'e ava tu ou oiny yvy rupi nhandea katy? — Xepatõ rima ou — he'i ombovai vy. Ha'e ramo tova mo'ãa oguenoẽ vy omo'ã ngova.
691	GEN 25:32	Tyke'y ombovai: — Xee ma amano ta ma. Mba'erã tu ovare xevy jypygua peguarã va'e? — he'i.
700	GEN 26:7	Ha'e va'e tekoa pygua kuery ta'yxy re oporandu rã “Xereindy” he'i 'rã, “Xera'yxy” he'i aguã okyje vy. Ojeupe ae “Avakue tekoa pygua xejuka e'ỹ aguã Rebeca oayvu vy” he'i, ta'yxy iporã vaipa ramo.
702	GEN 26:9	Ha'e gui Abimeleque oenoĩ uka Isaque. Ha'e vy aipoe'i: — Anhetẽ ae kunha va'e ndera'yxy ra'e! Mba'e re tu ixupe “Xereindy” 're? Isaque ombovai: — Mba'eta “Ikáuxa xejukaa e'ỹ aguã”, ha'e vy — he'i.
717	GEN 26:24	Ha'e va'e pyávy Senhor ojexa uka ixupe. Ha'e vy aipoe'i: — Xee ma nderu Abraão Ruete. Ekyje eme, mba'eta ndereve voi xee aiko. Romoingo porã 'rã, ha'e neramymino kuery amboeta 'rã xerembiguai Abraão re vy — he'i.
720	GEN 26:27	Ovaẽmba ramo Isaque aipoe'i ha'e kuery pe: — Mba'erã tu peju xea py? Xere napendea'ei rei vy penembyte gui xepe'a va'ekue ri.
729	GEN 27:1	Isaque tuja'i vy ndoexa kuaavei, noma'ẽ atãvei ma vy. Gua'y tujave va'e Esaú oenoĩ vy aipoe'i: — Xera'y. Ombovai: — Apy ma aĩ — he'i.
730	GEN 27:2	Tuu aipoe'i ixupe: — Xetuja'i ma, amano aguã ára ovaẽ ouvy teĩ ndaikuaai araka'e paa.
740	GEN 27:12	Xapy'a rei xeru opokopa 'rã xere, oikuaa pota vy. Ha'e rami vy oikuaa 'rã ambotavyxea, ha'e ijayvu vai 'rã xere, xereroayvu porã 'rãgue py — he'i.
741	GEN 27:13	Ha'e rã ixy ombovai: — Xepi'a, tove xere ae toĩ ijayvu vaia. Ndee ma ejapo xeayvua. Tereo, ha'e eru — he'i.
746	GEN 27:18	Ha'e gui nguua py Jacó oo. Ha'e vy aipoe'i: — Xeru. Ombovai: — Apy ma aĩ. Mava'e tu ndee, xera'y?
747	GEN 27:19	Jacó ombovai: — Xee ma Esaú, ndera'y tujave va'e. Ajapo ma rejapo uka va'ekue. Evy ke, eguapy, he'u ajuka va'ekue, xereroayvu porã aguã — he'i.
748	GEN 27:20	Ha'e ramo Isaque aipoe'i gua'y pe: — Xera'y, mba'exa vy tu rejou voi'i ete ri rejuka va'erã? Ombovai: — Mba'eta Senhor nderuete ombou xerenonderã — he'i.
753	GEN 27:25	Ha'e ramo aipoe'i: — Xera'y, eru ha'vy xea py rejuka va'ekue ha'u aguã, rogueroayvu porã aguã — he'i. Ha'e gui xo'o ogueru ramo ho'u. Vinho avi ogueru ramo oy'u.
754	GEN 27:26	Tuu Isaque aipoe'i: — Xera'y, evaẽve'i ju ke, xerayvu — he'i.
755	GEN 27:27	Ha'e rã onhemboja vy oayvu. Ha'e ramo tuu oetũ ijao reakuã. Ha'e vy ogueroayvu porã vy aipoe'i: — Xera'y, reakuã ma mba'ety Senhor omoingo porã va'e reakuã.
760	GEN 27:32	Tuu Isaque oporandu: — Mava'e tu ndee? Ombovai: — Xee ma ndera'y tujave va'e Esaú — he'i.
762	GEN 27:34	Ha'e rami tuu ijayvu rã Esaú oendu vy nda'evei vaipa. Ha'e vy aipoe'i nguu pe: — Xeru, xee voi ta'vy xereroayvu porã 'rãgue.
764	GEN 27:36	Ha'e ramo Esaú aipoe'i: — Ha'evea rami e'ỹ ri ty'y ha'e hery Jacó? Mba'eta mokoĩgue ma xembotavy. Xegui jypygua peguarã ajopy 'rã va'ekue oipe'a rire aỹ ma xerekovia ju ojereroayvu porã uka. Ndererekovei teve neĩ peteĩ henda py ri jepe xereroayvu porã aguã?
765	GEN 27:37	Ha'e ramo tuu Isaque ombovai Esaú pe: — Xee amoĩ ae ma ndere ipo'aka va'erã. Tyvy kuery hembiguai ikuai aguã rami ajapo. Trigo ha'e uva pyau ojoupa aguã rami xeayvu. Ha'e gui ndee xera'y, mba'e tu aỹ ajapo ta ndevy? — he'i.
766	GEN 27:38	Esaú aipoe'i nguu pe: — Xeru, neĩ peteĩ henda py xereroayvu porã aguã voi teve ndererekoi? Xereroayvu porã avi nho ke — he'i. Ha'e gui Esaú ijayvu atã vy ojae'o.
769	GEN 27:41	Ha'e rire gua'y Jacó tuu ogueroayvu porã rire Esaú ivai guyvy pe. Ha'e vy aipoe'i ojeupe: “Xeru omano aguã ovaẽ rai'i ma. Ha'e va'e rire ma ajuka 'rã xeryvy Jacó”, he'i.
774	GEN 27:46	Ha'e gui ome Isaque pe ju Rebeca aipoe'i: — Xee ma ndavy'ai Hete rajy kuery kova'e yvy re ikuai va'e re. Xapy'a rei Jacó ju ha'e kuery va'e regua gua'yxyrã ojou ramo mba'erã tu aikove ta? — he'i.
787	GEN 28:13	Ha'e va'e gui mombyry e'ỹ hi'aĩ Senhor. Ha'e vy aipoe'i ixupe: — Xee ma Senhor neramoĩ Abraão ha'e Isaque Ruete. Yvy aỹ renheno rejupya ma ame'ẽ 'rã ndevy ha'e neramymino kuery pe.
789	GEN 28:15	Xee ma aiko ndereve, ndere apena 'rã mamo rã reikoa rupi. Rojapo 'rã kova'e yvy re rejevy ju aguã rami. Noroipytyvõ e'ỹi 'rã, xeayvuague ajapopa peve — he'i.
790	GEN 28:16	Ha'e gui Jacó okeague gui omyĩ vy aipoe'i: — Anhetẽ Senhor oĩ ra'e apy. Xee ma ndaikuaai.
794	GEN 28:20	Ha'e gui Jacó onhemboayvu vy aipoe'i: — Xapy'a rei xereve Nhanderuete oiko vy xere opena ramo, xapy'a rei mbojape ha'e ao anhemonde aguã xevy ome'ẽ ramo
795	GEN 28:21	xeru ro katy ju ajevy porã aguã rami, ha'e ramo Senhor ae 'rã Xeruete.
800	GEN 29:4	Jacó oporandu ha'e kuery pe: — Xeryvy kuery, mamogua tu peẽ kuery? Ombovai: — Ore ma Harã pygua — he'i okuapy.