6	GEN 1:6	Ha'e gui Nhanderuete aipoe'i ju: — Yy oĩ va'e mbyte rupi toĩ yva, yy omboja'o aguã mokoĩ henda rupi — he'i.
9	GEN 1:9	Ha'e gui Nhanderuete aipoe'i avi: — Yy yva guýry oĩ va'e tono'õ peteĩ henda py, ha'e tojekuaa ipiru reia — he'i. Ha'e rã ha'e rami ojeapo.
14	GEN 1:14	Ha'e gui Nhanderuete aipoe'i avi: — Toĩ hendy va'e yva re, oikuaa uka aguã ára ha'e pytũ, ha'e va'e re oikuaa aguã mba'emo oa'angaa, ára ha'e ma'etỹa.
20	GEN 1:20	Ha'e gui Nhanderuete aipoe'i avi: — Toiko ke opa marãgua temimoingo yy rupi omyĩ va'e, ha'e rã yvy áry rupi ma toveve guyra yva rupi — he'i.
24	GEN 1:24	Ha'e gui Nhanderuete aipoe'i avi: — Toiko ke yvy re opa marãgua temimoingo joo ramigua e'ỹ-e'ỹ. Toiko mymba oka re ikuai va'erã, otyryry va'e ha'e ka'aguy regua joo ramigua e'ỹ-e'ỹ — he'i. Ha'e ramo ha'e rami oiko.
26	GEN 1:26	Ha'e gui Nhanderuete aipoe'i avi: — Nhamoingo ava va'e nhande ete ramigua, nhande rami ete oiko va'erã. Topena pira ye'ẽ rupigua re, guyra oveve va'e re, mymba oka regua re, yvy ha'e javi re ha'e yvy rupi otyryry va'e ha'e javi re — he'i.
29	GEN 1:29	Aipoe'ive ju: — Ma'ẽ, pẽvy ame'ẽ jai rogue ha'yĩ va'e yvy re ikuai va'e ha'e yvyra'a ha'yĩ va'e ha'e javi. Ha'e nunga ma pe'u va'erã oiko.
49	GEN 2:18	Ha'e gui Senhor Nhanderuete aipoe'ive ju: — Nda'evei ava va'e ha'e ae'i oiko aguã. Amoingo 'rã ipytyvõarã, hexeve guarã ae — he'i.
57	GEN 3:1	Ha'e gui mboi avi oiko raka'e. Ha'e va'e ma vixo ka'aguy rupigua Senhor Nhanderuete omoingo va'ekue ha'e javi gui nhombotavy kuaave va'e. Ha'e rami vy aipoe'i kunha va'e pe: — Po rami teve Nhanderuete aipoe'i ra'e: “Pe'u eme ha'e javive yvyra ty py ikuai va'e'a” he'i va'ekue?
58	GEN 3:2	Kunha va'e ombovai: — Yvyra ty py ikuai va'e'a ma ha'eve ro'u aguã.
60	GEN 3:4	Ha'e gui mboi aipoe'i kunha va'e pe: — Anhetẽ napemanoi 'rã,
65	GEN 3:9	Ha'e gui Senhor oenoĩ ava va'e. Ha'e vy oporandu: — Mamo tu reĩ?
66	GEN 3:10	Ombovai: — Aendu ndeayvu yvyra ty py reiko rã. Ha'e rami vy ndevy akyje vy anhemi, mba'eta xepire rei — he'i.
67	GEN 3:11	Nhanderuete oporandu: — Mava'e tu oikuaa uka ndepire reia? Re'u teve yvyra'a “He'u eme ke” ha'eague?
68	GEN 3:12	Ava va'e ombovai: — Kunha xera'yxyrã reme'ẽ va'ekue rima yvyra'a ome'ẽ xevy. Ha'e ramo mae ma xee ha'u — he'i.
69	GEN 3:13	Ha'e gui kunha va'e pe ju Senhor aipoe'i: — Mba'e re tu ha'e rami rejapo? Kunha va'e ombovai: — Mboi xembotavy ramo rima xee ha'u — he'i.
70	GEN 3:14	Ha'e gui Senhor Nhanderuete aipoe'i mboi pe: — Guĩ rami rejapo rire mymba oka regua ikuai va'e ha'e vixo ka'aguy regua ha'e javive gui ayvu vai pyve 'rã reiko. Ha'e rami vy retyryry 'rã reikovy nderye re, ha'e reikovea pukukue re yvy ku'i rive 'rã rere.
88	GEN 4:8	Ha'e gui Caim aipoe'i guyvy Abel pe: — Jaa na mba'ety py — he'i. Ha'e gui mba'ety rupi ikuai jave guyvy Abel re Caim opu'ã vy ojuka.
89	GEN 4:9	Ha'e ramo Senhor aipoe'i Caim pe: — Mamo tu nderyvy Abel oĩ? Caim ombovai: — Xee ndaikuaai. Xee ri ty'y xeryvy re opena va'e aiko? — he'i.
93	GEN 4:13	Ha'e ramo Caim aipoe'i Senhor pe: — Ha'e rami ete xembopaga ramo ndaropo'aka reguai.
95	GEN 4:15	Senhor ombovai: — Ha'e rami avi Caim, ndejukaare ma sete-kue 'rã opaga — he'i. Ha'e rami vy Caim re Senhor omoĩ ikuaa ukaarã, ojou va'e kuery ojuka e'ỹ aguã.
103	GEN 4:23	Ha'e gui Lameque aipoe'i gua'yxy kuery pe: — Ada ha'e Zilá, pendu ke xeayvu rã. Peẽ Lameque ra'yxy kuery, pejapyxaka ke xeayvua re. Xee ma ajuka peteĩ ava xere ojeai rire, ha'e peteĩ kunumi va'e ajuka avi xere opyrõ ramo rive.
138	GEN 5:32	Noé ma quinhentos ma'etỹ re oiko rire mboapy oiko ta'y kuery: Sem, Cam ha'e Jafé.
147	GEN 6:9	Po rami ma Noé rekokue: Noé ma ava heko porã va'e, ha'e javegua kuery mbyte anhetẽ rupi anho oiko Nhanderuete reve.
151	GEN 6:13	Ha'e ramo Nhanderuete aipoe'i Noé pe: — Xee anhembopy'a yvy regua kuery ha'e javi amomba aguã, avakue heko vai va'e anho ikuai ramo yvy re. Amokanhymba 'rã, yvy reve.
153	GEN 6:15	Po rami 'rã rejapo: cento e cinqüenta metros remoĩ 'rã ipuku-a, ha'e rã ipya ma vinte e cinco metros, ha'e yvatea ma quinze.
154	GEN 6:16	Jovaive rupi rembokua 'rã meio metro yvatea rami. Kanoã rokẽrã ma ijyke re 'rã rejapo. Pyrõarã ma renhono 'rã mboapy: peteĩ iguy rupi, peteĩ hi'áry, ha'e rã amboae ma yvateve rupi.
161	GEN 7:1	Ha'e gui Senhor aipoe'i Noé pe: — Eike ke kanoã py, ndee ha'e ndero pygua kuery ha'e javive, mba'eta aikuaa xerenonde heko porã va'e reikoa aỹgua kuery mbyte.
181	GEN 7:21	Temimoingo yvy re ikuai va'e omanomba: guyra, mymba oka regua ha'e ka'aguy regua, yvy re omyĩ va'e ha'e avakue ha'e javi.
199	GEN 8:15	Ha'e ramo Nhanderuete aipoe'i Noé pe:
205	GEN 8:21	Ha'e rã ipixe porã Senhor oetũ vy aipoe'i ojeupe: — Aỹ gui ma avakue káuxa xee ndaxeayvu vaivei 'rã yvy re, kyrĩ guive heko vai aguã anho ipy'a va'eri. Neĩ namombavei ma 'rã temimoingo kuery amombaague rami.
214	GEN 9:8	Noé ha'e ta'y kuery pe Nhanderuete aipoe'i avi:
216	GEN 9:10	ha'e temimoingo kuery pendereve ikuai va'e ha'e javi reve: guyra'i, mymba oka regua ha'e ka'aguy regua kanoã gui oẽ va'ekue, opa marãgua mymba yvy re ikuai va'e reve guive.
217	GEN 9:11	Po rami pendereve ajapo xereve guarã: Temimoingo kuery namombavei ma 'rã yy gui, yy ndouvei 'rã yvy mombaarã.
218	GEN 9:12	Nhanderuete aipoe'ive ju: — Pova'e ma aeja xereve guarã ajapo va'e kuaa ukaarã, peẽ kuery ha'e temimoingo kuery pendereve ikuai va'e ha'e javi reve, ha'e araka'e rã peve ikuai va'erã va'e peguarã voi:
223	GEN 9:17	Nhanderuete aipoe'i Noé pe: — Ha'e va'e ma xereve guarã ajapo va'ekue kuaa ukaarã temimoingo kuery yvy re ikuai va'e reve — he'i.
232	GEN 9:26	Aipoe'ive ju: — Senhor Sem Ruete va'e ma ayvu porãmby toiko. Ha'e rã Canaã ma Sem rembiguai toiko.
271	GEN 11:4	Aipoe'i okuapy: — Peju ke, jajapo peteĩ tetã nhandevy, ha'e torre yva re peve yvate va'erã. Ha'e rami vy nhandere ima'endu'a porãa 'rã, ha'e yvy jave re nhaneaĩ e'ỹ aguã — he'i okuapy.
300	GEN 12:1	Ha'e gui Senhor aipoe'i Abrão pe: — Exẽ ke ndeyvy gui, nderu ro ha'e neretarã kuery ikuaia gui, ha'e tereo yvy aexa uka va'erã katy.
310	GEN 12:11	Ha'e gui Egito yvy re ovaẽ rai'i maa py Abrão aipoe'i gua'yxy Sarai pe: — Xee aikuaa porã ndee kunha porã ereikoa.
315	GEN 12:16	Faraó ma kunha va'e re vy opena porã Abrão re. Ha'e ramo ojou-jouve guymbarã: vexa'i, vaka, mburika'i, ha'e gui guembiguai avakue ha'e kunhague, kavaju ha'e camelo.
327	GEN 13:8	Ha'e ramo Abrão aipoe'i Ló pe: — Nda'evei nhande jajoguero'a rei aguã, neĩ xerembiguai kuery nerembiguai kuery reve joguero'a aguã nda'evei, joegua meme nhandekuai vy.
333	GEN 13:14	Ha'e gui Ló ojepe'a ma rire Senhor aipoe'i Abrão pe: — Ema'ẽ reĩa guive kuaray ijapu'a'ia katy, kuaray ipuku-a katy, oua katy ha'e oikea katy.
358	GEN 14:21	Ha'e gui Sodoma pygua huvixa ju aipoe'i Abrão pe: — Xevy pe eraa uka ju xeretã pygua kuery, ha'e rã nhomba'e rei-rei reru va'ekue ma ndevy guarã toĩ — he'i.
359	GEN 14:22	Ha'e rã Abrão ombovai: — Aupi xepo Senhor Nhanderuete yvate ete va'e, yva ha'e yvy rerekoa pe.
362	GEN 15:1	Ha'e va'e rire Senhor Abrão pe ojexa uka vy aipoe'i ixupe: — Abrão, ekyje eme. Xee ma mba'emo vai jokoa aiko ndevy, ha'e ndevy guarã va'ekue heta 'rã ame'ẽ.
363	GEN 15:2	Abrão ombovai: — Senhor Xeruete, mba'e tu ha'vy reme'ẽ 'rã, xera'y e'ỹ re ae aiko rã? Ha'e xero py mba'emo areko va'e aeja rã ojopy va'erã ma Damasco guigua Eliézer anho.
364	GEN 15:3	Aipoe'ive ju: — Xera'yrã nereme'ẽi rire mba'emo areko va'e xero py tembiguai itui'i va'ekue pe guarã rive opytapa.
366	GEN 15:5	Ha'e vy ogueraa oka py. Ha'e vy aipoe'i: — Ema'ẽ yva re, ha'e eipapa jaxy-tata ikuai va'e, reipapa aguã ha'eve ramo. Aipoe'i avi: — Guĩ rami 'rã heta neramymino kuery — he'i.
368	GEN 15:7	Ha'e gui Senhor aipoe'ive ju: — Xee ma Senhor Ur caldeu kuery retã gui roipe'a va'ekue, kova'e yvy nderekoarã ame'ẽ aguã — he'i.
369	GEN 15:8	Abrão oporandu ixupe: — Senhor Xeruete, mba'exa tu aikuaa 'rã anhetẽ kova'e yvy ajopy 'rãa?
370	GEN 15:9	Ombovai: — Eru xevy ha'vy peteĩ vaka kunha'i, peteĩ kavara ha'e peteĩ vexa'i ra'y, mboapy ma'etỹ oguereko va'e meme. Eru avi peteĩ pyku'i'i ha'e peteĩ apykaxu'i — he'i.
374	GEN 15:13	Ha'e ramo Senhor aipoe'i ixupe: — Reikuaa pota pova'e re, mba'eta neramymino kuery joyvy rupi oguata rei 'rã. Escravo ikuai aguã rami ojopya 'rã. Ha'e gui ombojexavaia 'rã quatrocentos ma'etỹ re.
384	GEN 16:2	Ha'e gui Sarai aipoe'i Abrão pe: — Xee ma Nhanderuete xeapo kyrĩ va'e areko e'ỹ aguã rami. Emenda ke xerembiguai re, ha'e va'e rupi xepi'arã rami ndera'y aguã — he'i. Ha'e ramo Abrão onhe'ẽ rendu Sarai.
387	GEN 16:5	Ha'e ramo Sarai aipoe'i Abrão pe: — Ndere ae toopa xemoxĩmba reiague. Xee ma xerembiguai rereko aguã ame'ẽ rire kyrĩ va'e oguereko maa oexa vy nda'ija'evei xere. Tove Senhor toikuaa pota xere rejapo va'ekue re.
388	GEN 16:6	Gua'yxy pe Abrão ombovai: — Nerembiguai ma ndepo py oiko. Ereko ndee ae rerekoxea rami — he'i. Ha'e ramo Sarai guembiguai oguereko axy ramo ojava ixugui.
390	GEN 16:8	Ha'e vy aipoe'i ixupe: — Ndee Sarai rembiguai Agar, magui tu reju? Marã katy tu reo? Ombovai: — Xererekoa Sarai gui rima ajava — he'i.
391	GEN 16:9	Ha'e ramo anjo Senhor-a guigua aipoe'i ixupe: — Ejevy ju ndererekoaa py, ha'e enhemo'yvyĩ'i ipo py.
392	GEN 16:10	Anjo aipoe'ive ju: — Xee amboeta ete 'rã neremiarirõ kuery, avave rei oipapa kuaa aguã rami e'ỹ.
393	GEN 16:11	Anjo aipoe'ive ju: — Rereko 'rã kyrĩ va'e, ava'i 'rã reikuavã. Remboery 'rã Ismael, rejexavaia gui Senhor ndereraa jepe rire.
401	GEN 17:3	Ha'e ramo Abrão guenapy'ã re oĩ, ngova yvy re omovaẽ. Nhanderuete aipoe'i ixupe:
407	GEN 17:9	Nhanderuete aipoe'ive ju Abraão pe: — Ndee ha'e neramymino kuery pendekuai 'rã xereve guarã ajapo va'e rupi, ha'e kuery ikuaia nhavõ ha'e rami ae ta'ikuai.
408	GEN 17:10	Po rami ma xereve guarã ajapo, ha'e va'e rupi peẽ ha'e neramymino kuery pendekuai aguã: Pemboi 'rã avakue'i penembyte oiko va'e ha'e javi pire.
410	GEN 17:12	Penembyte oiko va'e oito ára oguerekoa py pemboi 'rã ipire: avakue pende kuery regua ha'e penerembiguai ra'y kuery pendo py oiko va'ekue, yvy mboae guigua pejogua va'ekue guive, penderegua ae e'ỹ teĩ.
413	GEN 17:15	Nhanderuete aipoe'i Abraão pe: — Ndera'yxy Sarai pe ma “Sarai” 'ereve eme, ha'e rã “Sara” ju 'rã renoĩ.
415	GEN 17:17	Ha'e ramo Abraão guenapy'ã re oĩ vy yvy re ngova omovaẽ. Ha'e vy hory vy aipoe'i ojeupe: — Ava cem ma'etỹ ma oguereko va'e nda'u ta'y 'rã ri? Ha'vy Sara nda'u imemby nho 'rã, noventa ma'etỹ ma oguereko va'eri? — he'i ojeupe.
417	GEN 17:19	Nhanderuete ombovai: — Ndera'yxy Sara ae 'rã oguereko ndera'y. Ha'e va'e remboery 'rã Isaque. Ixupe ae 'rã amoĩ atã xereve guarã ajapo va'ekue, hamymino kuery raka'eve rã ikuai va'erã va'e peguarã.
434	GEN 18:9	Ha'e ramo ha'e kuery oporandu ixupe: — Ndera'yxy Sara mamo tu oĩ? Ombovai: — Opy ri hiny — he'i.
437	GEN 18:12	Ha'e gui Sara ha'e nunga oendu vy hory oiny opy'a py. Ha'e vy aipoe'i ojeupe ae: — Xeguaiguĩ'i ete ma, ha'e xeme voi tuja'i ma va'eri, ha'e rami teĩ nhi'ã avy'a nho 'rã ri? — he'i.
438	GEN 18:13	Senhor aipoe'i Abraão pe: — Mba'e re tu Sara hory rei reve ri aipoe'i: “Anhetẽ ete ri nda'u areko'i teri 'rã kyrĩ va'e, xeguaiguĩ'i ma rire?” he'i?
440	GEN 18:15	Ha'e rami rã Sara okyje vy onhenhomi. Ha'e vy aipoe'i: — Ndaxeroryi rima ainy. Ha'e rã ha'e va'e ma ombovai: — Any, anhetẽ nderory kuri — he'i.
442	GEN 18:17	Senhor aipoe'i ojeupe ae: — Ndaikuaa ukai 'rã ri nda'u Abraão pe mba'e pa ajapo taa?
445	GEN 18:20	Senhor aipoe'ive ju: — Sodoma ha'e Gomorra pygua kuery reko re opa marã ayvua rã aendu. Ha'e kuery ojejavypave tema oje'oivy.
451	GEN 18:26	Ha'e ramo Senhor ombovai: — Ha'e gui Sodoma py cinqüenta heko porã va'e ajou ri vy ha'e kuery re vy amboaxy 'rã tetã ha'e javi — he'i.
452	GEN 18:27	Ha'e gui Abraão aipoe'ive ju: — Taxepy'a guaxu xeayvuve aguã Xeruete reve, yvy ku'i, tanhimbu guigua aiko va'eri.
453	GEN 18:28	Xapy'a rei heko porã va'e cinqüenta aguã peteĩ nhirũi'i ri oata ramo remomba nho 'rã teve tetã? Ombovai: — Quarenta e cinco ri ha'e py ajou vy namombai 'rã tetã — he'i.
454	GEN 18:29	Abraão aipoe'ive ju: — Ha'e gui xapy'a rei quarenta ri ikuai ramo ha'vy? Ombovai: — Quarenta ikuai va'e re vy namombai 'rã — he'i.
455	GEN 18:30	Oporanduve ju: — Ejou vai eme ke Senhor, xeayvuve ju taa. Ha'vy trinta ikuai ramo ha'e py? Senhor ombovai: — Trinta heko porã va'e ha'e py ajou vy namombai 'rã — he'i.
456	GEN 18:31	Abraão ijayvuve tema: — Senhor reve xeayvuve ta. Ha'vy vinte ete'i ri ikuai ramo ha'e py? Senhor ombovai: — Namombai 'rã vinte ikuai va'e re vy — he'i.
457	GEN 18:32	Abraão aipoe'ive ju: — Ejou vai eme ke Senhor, teĩgue ju xeayvu taa. Ha'vy dez heko porã va'e ikuai ramo? Senhor ombovai: — Dez-'i ikuai va'e re vy namombai 'rã — he'i.
460	GEN 19:2	Ha'e vy aipoe'i: — Aỹ ma xeruvixa kuery, pevaẽ ke xee penerembiguai ro py pendepy pejoi ha'e peke aguã. Ko'ẽ rã aje'ive'i mae ma peguatave ju 'rã. Ha'e kuery ombovai: — Ha'e rami avi tetã mbyte py rive roke teĩ ha'eve — he'i.
463	GEN 19:5	Ha'e rami vy Ló pe ojapukai vy aipoe'i okuapy: — Mamo tu ikuai avakue pytũ'i jave ndero py ovaẽ va'ekue? Eru oka katy rojavyky rei aguã — he'i okuapy.
467	GEN 19:9	Ha'e rã ha'e kuery aipoe'i: — Ejepe'a ke upe gui! Ha'e gui joupe-upe ju ijayvu: — Amboae yvy guigua nhanderekoa py ou va'ekue ri oikuaa potaxe nhandere. Ha'e nunga rupi hexe tema ngoo py omovaẽ va'ekue gui jajapo vaive 'rã — he'i okuapy. Ha'e vy Ló omboty rei jogueruvy, ha'e omboixe okẽ.
470	GEN 19:12	Ha'e gui mokoĩ ava aipoe'i Ló pe: — Apy rerekove pa ndero pygua kuery? Nderajy me kuery, ndera'y kuery, nderajy kuery pa ikuai? Mba'eta rereko va'e ma guive rã eraapa ke tetã gui.
475	GEN 19:17	Mombyry'i ma ogueraa maa py anjo kuery va'e regua aipoe'i ixupe: — Penhave tema, tapeo jepe. Pema'ẽ eme penderakykue re, ha'e yvy joja porã reia rupi peaxapa e'ỹ teria ja pepyta eme. Yvy'ã re tapeo pekanhy e'ỹ aguã — he'i.
479	GEN 19:21	Ha'e rami rã ha'e kuery ombovai: — Ha'eve ri. Ore noromombai 'rã tekoa ndeayvuague.
489	GEN 19:31	Ha'e gui tajy guaiguĩve va'e aipoe'i kyrĩve va'e pe: — Nhanderu ma tuja'i ma, ha'e jipoi avakue kova'e yvy re nhanemerã ikuai va'e, nhanderekorã va'ekue rami vy nhamenda aguã.
492	GEN 19:34	Ha'e gui ko'ẽgue guaiguĩve va'e aipoe'i kyrĩve va'e pe: — Kuee pyávy xee anheno va'ekue xeru reve. Ha'e gui kova'e pyávy ha'ekue rami ju jajapo vinho oy'u aguã. Ha'e gui ndee ju evaẽ enheno hexeve, ixugui nhanememby aguã ta'yrã — he'i.
499	GEN 20:3	Pyávy Abimeleque oexa ra'u rã Nhanderuete ojexa uka. Ha'e vy aipoe'i ixupe: — Kunha va'e reipe'a ramo rombopaga 'rã remano peve, omenda va'e ramo — he'i.
502	GEN 20:6	Nhanderuete ombovai oexa ra'u rã: — Aikuaa porã potae vy e'ỹ rejapoague. Ha'e nunga rupi ae xee rojoko xerovai rejejavy e'ỹ aguã, ha'e kunha va'e reve rejoguereko e'ỹ aguã.
505	GEN 20:9	Ha'e gui Abimeleque oenoĩ uka Abraão. Ha'e vy aipoe'i ixupe: — Mba'e tu rejapo orere? Mba'e nunga py tu ajejavy ndevy? Mba'eta ha'e rami ete ndee xererojejavy ha'e xerembiguai kuery guive. Nda'evei va'e rejapo va'ekue xere.
507	GEN 20:11	Abraão ombovai: — Mba'eta xee ma xejeupe ae aipoa'e: “Kova'e tekoa pygua kuery ma Nhanderuete renonde ojererokyjea rupi e'ỹ ikuai vy xejuka 'rã xera'yxy káuxa”, ha'e va'ekue.
509	GEN 20:13	Ha'e nunga rupi aguata-guata aguã xeru ro gui Nhanderuete xemondouka jave aipoa'e va'ekue xera'yxy pe: “Po rami 'rã ndee xepytyvõ nhavaẽa nhavõ rupi, Xevy ‘Xekyvy’ 're 'rã”, ha'e va'ekue ixupe.
524	GEN 21:10	aipoe'i Abraão pe: — Emondouka na peva'e tembiguai ipi'a reve. Nda'evei ipi'a mba'emo reja va'e ojopy avi aguã xepi'a Isaque reve — he'i.
526	GEN 21:12	Ha'e rami teĩ Nhanderuete aipoe'i Abraão pe: — Ndeporiau eme ndera'y ha'e ixy nerembiguai re oiko va'e re. Endu ke ndera'yxy Sara ijayvua ha'e javi, mba'eta Isaque ramymino kuery pe ae 'rã “Abraão ramymino kuery” 'ea.
536	GEN 21:22	Ha'e jave ma Abimeleque ha'e ojeupegua xondaro ruvixa Ficol reve aipoe'i Abraão pe: — Opa mba'e rejapoa py Nhanderuete oiko ndereve.
540	GEN 21:26	Ha'e ramo Abimeleque ombovai: — Xee ndaikuaai mava'e pa ha'e ramigua ojapo. Avave rei ndoikuaa ukaai teri xevy, neĩ ruxã'i ma voi naendui kova'e ára e'ỹ vy — he'i.
543	GEN 21:29	Ha'e ramo Abimeleque oporandu Abraão pe: — Mba'erã tu sete vexa'i ri reipe'a?
544	GEN 21:30	Abraão ombovai: — Xepo gui rejopy 'rã pee py sete vexa'i ikuai va'e, xee ae kova'e ygua ajo'o ukaague kuaa ukaarã — he'i.
549	GEN 22:1	Ha'e va'e rire Nhanderuete oeko a'ã Abraão. Ha'e vy — Abraão — he'i ixupe. Ombovai: — Apy ma aĩ.