395	GEN 16:13	Ha'e ramo Agar ma Senhor hexeve ijayvu rire ojapukai hery rupi. Ha'e vy aipoe'i: — Ndee ma Xeruete rexa va'e — he'i. Mba'eta aipoe'i: “Xee ri ty'y apy ha'eve xerexaa aexa aguã?” he'i vy.
438	GEN 18:13	Senhor aipoe'i Abraão pe: — Mba'e re tu Sara hory rei reve ri aipoe'i: “Anhetẽ ete ri nda'u areko'i teri 'rã kyrĩ va'e, xeguaiguĩ'i ma rire?” he'i?
639	GEN 24:47	Ha'e gui ixupe aporandu: “Mava'e rajy tu ndee?” Ha'e ombovai: “Betuel rajy aiko. Xeru ma Naor ra'y, Milca pi'a va'e”, he'i. Ha'e ramo ixĩ re amoĩ ojere'i va'e, ha'e rã ipoapy re ma poapy regua amoĩ.
946	GEN 32:18	Jypy oo va'e pe aipoe'i: — Ke'y Esaú rerovaexĩ rã oporandu 'rã ndevy: “Mava'e tu nembou? Marã katy tu reo? Mava'e rymba tu nerenonde ikuai?” he'i ramo
1298	GEN 43:7	Ha'e kuery ombovai: — Ha'e va'e ava oporandu karamboae orere, ha'e oreretarã kuery re guive. Ha'e vy aipoe'i: “Oikove teri pa penderu? Perekove pa penderyvy?” he'i orevy. Ha'e rã oporandua ha'e javi'i rombovai. Ndoroikuaai mba'erã pa oikuaaxea vy “Peru ke penderyvy”, he'i orevy.
1344	GEN 44:19	Xeruvixa, ore nerembiguai kuery pe reporandu karamboae vy aipo're: “Pereko pa penderu, e'ỹ vy penderyvy?” 're va'ekue.
1593	EXO 3:13	Moisés aipoe'i Nhanderuete pe: — Ha'e gui Israel kuery ikuaia py avaẽ vy ha'e kuery pe “Penderu kuery Ruete xembou peẽ kuerya py” ha'e ramo ma ha'e kuery oporandu 'rã xevy: “Mba'exa tu hery?” he'i 'rã okuapy. Ha'e rami rã marã rami tu aipoa'e 'rã ha'e kuery pe?
1843	EXO 12:26	Ha'e pendera'y kuery pẽvy oporandu ramo: “Mba'exa tu nhandereko ha'e rami?” he'i ramo
1882	EXO 13:14	Ha'e gui ko'ẽ rã ndera'y kuery oporandu rã “Mba'e re tu ha'e rami nhandekuai?” he'i ramo ixupe aipo're 'rã: “ Senhor opo'akaa rupi orerenoẽ raka'e escravo orekuaia gui.
1991	EXO 17:7	Ha'e va'e tekoa ma omboery Massá ha'e Meribá,Senhor oeko a'ãa rupi Israel kuery ijayvu ete rire, “Nhanembyte Senhor oĩ teve tyrã pa any?” he'i okuapy vy.
3490	LEV 25:20	Xapy'a rei aipopeje 'rã: “Mba'e tu ja'u 'rã sete ma'etỹa re, nanhama'etỹi neĩ nhanemba'ety gui nhamono'õ e'ỹ re?” peje 'rã xevy.
5108	DEU 6:20	— Raka'eve rã ndera'y kuery oporandu 'rã ndevy. Ha'e vy aipoe'i 'rã: “Mba'erã tu ayvu 'arandua rupigua ha'e oipotaa Senhor Nhanderuete oeja raka'e nhandevy?” he'i ramo
5161	DEU 9:2	Ha'e kuery ma heta ha'e yvateve va'e, Enaque ra'y kuery ae. Ha'e va'e kuery reko ma pendua ae ma, “Mava'e 'rã tu ipo'aka Enaque ra'y kuery re?” 'ea ramo.
5705	DEU 29:23	Ha'e ramo ha'e javi regua aipoe'i 'rã okuapy: “Mba'e re nda'u Senhor guĩ ramigua ojapo peva'e yvy re? Mba'e nunga káuxa py tu nami ete oexa uka opoxya?”
5722	DEU 30:12	Mba'eta yva re e'ỹ oĩ, aipopeje aguã: “Mava'e nda'u oo 'rã yva re, nhandevy ogueru vy omombe'u aguã, jajapo kuaa aguã rami?” peje e'ỹ aguã.
5723	DEU 30:13	Neĩ ye'ẽ rovai re e'ỹ guive ayvu oĩ, aipopeje aguã: “Mava'e nda'u nhanderekovia oaxa 'rã yy rovai re ogueru vy nhandevy omombe'u aguã, jajapo kuaa aguã?” peje e'ỹ aguã.
5747	DEU 31:17	Ha'e va'e jave py xepoxya hendy 'rã ha'e kuery rovai. Ha'e vy naipytyvõvei 'rã, ha'e kuery pe ndajexa ukai 'rã omombaa aguã. Ha'e kuery áry mba'emo vai ha'e ikuai axy aguã ou reta ramo ijayvu 'rã: “Nhanderuete orembyte py noĩvei ramo e'ỹ teve ha'e rami ete oiko orere?” he'i 'rã okuapy.
5918	JOS 4:6	Ha'e va'e ma pende kuery mbyte oĩ 'rã penema'endu'a aguã. Ha'e gui pendera'y kuery raka'e rã ikuai va'e oporandu vy “Mba'erã tu kova'e ita?” he'i ramo
5933	JOS 4:21	Ha'e vy aipoe'i Israel kuery pe: — Raka'e rã pendera'y kuery pendevy pe oporandu vy aipoe'i 'rã: “Mba'erã tu kova'e ita?” he'i ramo
6621	JDG 4:20	Ha'e gui ava va'e aipoe'ive ju ixupe: — He'ã ke okẽ py. Xapy'a rei amongue ou rã oporandu vy “Oĩa pa?” 'ea ramo “Any” 're 'rã — he'i.
6653	JDG 5:28	Ha'e gui ma Sísera xykue'i ma janela jokoa pa'ũ rupi oma'ẽ ho'amy. Ha'e vy janela gui haxẽ reve aipoe'i: “Mba'e re tu ikaróxa ndou voi ri? Mba'e re tu hymba kavaju kuery ndoguata pojavai ri?” he'i.
6736	JDG 8:15	Ha'e ramo Gideão ou ju Sucote pygua avakue ikuaia py. Ha'e vy aipoe'i: — Ema'ẽ apy ma Zeba ha'e Zalmuna re, ha'e kuery reko re xejojai vy aipo pejeague: “Rereko ma pa Zeba ha'e Zalmuna pokue, ndevygua avakue ikane'õmba va'e ho'u va'erã rome'ẽ aguã?” pejeague — he'i.
6765	JDG 9:9	Ha'e rami teĩ azeitona'y ombovai: “Ha'e rami avi xee ajepe'a 'rã ri ty'y azeite ame'ẽa gui, Nhanderuete ha'e avakue oguerovy'a va'eri, yvyra pendekuai va'e áry rupi rive xerakã ovava aguã?” he'i.
6767	JDG 9:11	Ha'e rã figo'y ombovai: “Xee ajepe'a 'rã ri ty'y xe'a he'ẽ ha'e iporã va'e ame'ẽa gui, yvyra pendekuai va'e áry rupi rive xerakã ovava aguã?” he'i.
6769	JDG 9:13	Ha'e rã uva rembypy ombovai: “Xee ajepe'a 'rã ri ty'y vinho ame'ẽa gui, Nhanderuete ha'e avakue oguerovy'a va'eri, yvyra pendekuai va'e áry rupi rive xerakã ovava aguã?” he'i.
6794	JDG 9:38	Zebul ombovai: — Ha'e gui mamo tu aỹ'i oĩ ndejuru, ha'e va'e py aipo'reague: “Marã ramigua tu Abimeleque ixupe jaiko aguã?” 'reague? Peva'e e'ỹ ri ty'y nerembovarei va'ekue? Ha'e rami vy eẽ ha'vy, epu'ã hovai — he'i.
6876	JDG 12:5	Ha'e ramo Gileade pygua kuery ojokopa Jordão yakã oaxaaty Efraim katy oo va'e py. Ha'e rami vy Efraim regua ojava ovy vy “Aaxaxe” he'i ramo ha'e kuery pe Gileade pygua avakue ju oporandu 'rã: “Ndee pa Efraim pygua ae?” Ha'e rã ombovai vy “Any” he'i
7019	JDG 18:24	Ombovai: — Tuuete ra'angaarã ajapo va'ekue peipe'apa ra'e, xevygua sacerdote guive. Ha'e gui peo ju kuri. Mba'e tu oiko xevy guarã peja va'ekue? Ha'e gui mba'e re tu xevy peporandu vy “Mba'e tu oiko?” peje? — he'i.
7432	1SA 10:12	Ha'e rã peteĩ ava ombovai: — Ha'e rami avi mava'e ha'vy amboae kuery ru? — he'i. Ha'e nunga rupi aipo'ea va'ety: “Saul voi nda'u profeta kuery regua avi oiko?”
8033	2SA 1:8	Xevy pe oporandu “Mava'e tu ndee?” he'i ramo xee ambovai: “Xee ma Amaleque regua”, ha'e.
8283	2SA 11:21	Mba'exa tu ojukaa raka'e Jerubesete ra'y Abimeleque? Peteĩ kunha va'e e'ỹ teve kora áry gui hexe omombo ita, ha'e va'e gui ae omano raka'e Tebes py?” he'i ramo ndee ju “Omano avi nerembiguai heteu regua Urias” 're 'rã — he'i.
8394	2SA 15:2	Ha'e rami vy aje'ive'i reve Absalão ovy vy opyta 'rã ho'amy tetã kora rokẽ py. Ha'e ramo avakue huvixaa katy mba'emo re oikuaa pota uka vy oo va'e ha'e javi pe Absalão aipoe'i 'rã: “Mava'e tetã guigua tu ndee?” he'i rã ombovai vy “Israel regua ae ri xee nerembiguai aiko” he'i
8439	2SA 16:10	Huvixa ombovai: — Mba'e tu xee areko peẽ Zeruia pi'a kuery reve? Tove ri ta'ijayvu vai. Mba'eta xapy'a rei Senhor ae ixupe ijayvu vy “Ndeayvu vai Davi pe”, he'i raka'e. Ha'e rami ri ramo mava'e tu “Mba'e re tu ha'e rami ete rejapo?” he'i aguã ha'eve ta? — he'i.
8526	2SA 19:13	Peẽ kuery ma xeryvy kuery ae'i, xekãgue ha'e xero'o regua'i ae peiko. Mba'e re tu ha'vy peẽ kuery gui amboae regua kuery ranhe xereru jevy ta?” peje.
8726	1KI 1:6	Ha'e rami teĩ tuu ma neĩ peteĩgue ma voi nda'ijayvui ixupe. Neĩ aipo nde'i: “Mba'e re tu guĩ rami reiko?” nde'i. Ha'e ma jaexa rã iporãve va'e avi, Absalão oiko rire oiko va'ekue.
8733	1KI 1:13	Tereo, ejexa uka huvixa Davi pe. Ha'e vy aipo're ixupe: “Xeruvixa, reura ma e'ỹ teve xee nerembiguai pe? Mba'eta aipo're va'ekue: ‘Ndepi'a Salomão ae ma oĩ 'rã huvixave xerekovia, xerenda áry ae 'rã oĩ’, 're va'ekue. Mba'e re tu ha'vy Adonias ri huvixarã onhemoĩ?” 're 'rã ixupe.
9062	1KI 9:8	Kova'e oo ma aỹ omboeteave teĩ ha'e va'e jave py oĩague rupi oaxa va'e kuery oexa vy onhemondyipa 'rã. Ha'e vy otuvy nhe'ẽ ha'e aipoe'i 'rã: “Mba'e re tu Senhor guĩ rami ete ri ombovaipa uka kova'e yvy ha'e kova'e oo?” he'i 'rã okuapy.
9503	1KI 22:20	Senhor oporandu: “Mava'e 'rã tu Acabe mbotavyarã oo, Ramote-Gileade tetã py omano aguã?” he'i ramo peteĩ ma peteĩ rupi ijayvu, ha'e rã amboae ma amboae rami ijayvu.
9620	2KI 4:13	Eliseu aipoe'i uka kunumi va'e pe: — Aipo're kunha va'e pe: “Ma'ẽ, orere repena porã opa mba'e py. Mba'e 'rã tu ha'vy ajapo ndevy? Oiko pa nderekovia huvixa pe ajerure aguã? Tyrã pa xondaro kuery ruvixa pe?” 're 'rã ixupe. Kunha va'e ombovai: — Arekopa rei apy xeretarã kuery mbyte py aikoa py — he'i.
9633	2KI 4:26	Eẽ ke eovy reovaexĩ aguã, ha'e vy aipo're ixupe: “Ha'eve vai pa ndee, neme ha'e ndepi'a voi?” 're. Oporandu rã kunha va'e ombovai: — Ha'evepa rei — he'i.
9711	2KI 6:33	Ha'e kuery reve ijayvu teri jave ovaẽ nhendu tembiguai. Ha'e gui huvixa voi ovaẽ, mba'eta aipoe'i: “Kova'e mba'emo vai ma Senhor-a gui ae ou ramo mba'e re tu xee arõve ta orerepy aguã?” he'i.
9740	2KI 8:9	Ha'e gui Hazael ma mba'emo ome'ẽ va'erã reve oo ovaexĩ aguã katy. Ha'e vy quarenta camelo áry ogueraa Damasco tetã py iporãgueve oĩ va'ekue regua. Eliseu oĩa py ovaẽ vy ojexa uka henonde py. Ha'e vy aipoe'i: — Síria pygua huvixa ndera'y Ben-Hadade ae xembou aporandu aguã: “Akuera 'rã pa mba'eaxy areko va'e gui?” he'i uka.
9777	2KI 9:17	Ha'e gui Jezreel py torre oĩ va'e re oĩ peteĩ oexa pota va'ety. Ha'e va'e ma Jeú revegua kuery mbovy rei e'ỹ ou jekuaa va'e oexa vy aipoe'i: — Aexa mbovy rei e'ỹ ou va'e — he'i. Ha'e ramo Jorão aipoe'i: — Emondouka ha'vy peteĩ kavaju árygua ovaexĩ vy ha'e kuery pe oporandu aguã: “Peteĩ rami nhandekuai aguã pa peju?” he'i aguã.
9778	2KI 9:18	Ha'e ramo kavaju árygua ovaexĩ aguã oo vy aipoe'i: — Po rami huvixa aipoe'i uka: “Peteĩ rami nhandekuai aguã pa peju?” he'i uka. Ha'e rã Jeú ombovai: — Mba'e tu rereko peteĩ rami ikuai va'e reve? Eju ke xerakykue — he'i. Ha'e nunga ju oexa pota va'ety omombe'u vy aipoe'i: — Ha'e kuerya py tembiguai ovaẽ teĩ ndojevyvei ju — he'i.
9779	2KI 9:19	Ha'e gui Jorão ma amboae ju omondouka kavaju árygua. Ha'e rã ha'e kuerya py ha'e va'e ovaẽ vy aipoe'i: — Po rami huvixa aipoe'i uka: “Peteĩ rami nhandekuai aguã pa peju?” he'i uka. Jeú ombovai: — Mba'e tu rereko peteĩ rami ikuai va'e reve? Eju ke xerakykue — he'i.
10063	2KI 18:35	Mba'eta ha'e va'e yvy re ikuai va'e ruete ra'angaa regua mava'e rei ogueraa jepe oyvy xepo gui. Mba'exa 'rã tu ha'vy Senhor ogueraa jepe Jerusalém xepo gui?” he'i.
10078	2KI 19:13	Ha'e mamo tu oiko aỹ Hamate pygua huvixa, ha'e Arpade, Sefarvaim tetã, Hena ha'e Iva pygua huxixa kuery?” — he'i uka.
10874	1CH 17:6	Opa rupi Israel kuery aru herekovya rupi nda'u xeayvu ri raka'e amongue herekoa pe, e'ỹ vy xevygua kuery re apena uka va'ekue pe nda'u aipoa'e: “Mba'e re tu nderejapoi peteĩ xerorã yary guigua?” ha'e teve?’
11350	2CH 7:21	Mba'eta kova'e oo aỹ omboeteave va'eri ha'e jave py oĩague rupi oaxa va'e kuery oexa vy onhemondyipa 'rã. Ha'e vy aipoe'i 'rã: “Mba'e re tu Senhor guĩ rami ete ri oeja kova'e yvy ha'e kova'e oo?” he'i 'rã okuapy.
11566	2CH 18:19	Ha'e gui Senhor oporandu: “Mava'e 'rã tu Acabe mbotavyarã oo, Ramote-Gileade py ho'a aguã?” Ha'e ramo peteĩ ma peteĩ rupi ijayvu, ha'e rã amboae ma amboae rami ijayvu.
12137	EZR 4:22	Penekyre'ỹ ke ha'e pejapo ete xee aipotaa. Mba'e re tu huvixa roiko va'e ndorojopyive-ive ri rovy?” he'i.
12803	EST 6:6	Hamã oike ma ramo huvixa oporandu ixupe: — Ava xee amboete ukaxe va'e pe ma mba'exa nda'u ha'eve 'rã ojapo porãa aguã? — he'i. Ha'e rami rã Hamã ojeupe ae “Mava'e ha'vy oiko huvixa omboete uka vy oguerovy'ave 'rã, xee e'ỹ vy?” he'i.
13016	JOB 7:4	Anheno vy aipoa'e: “Mbovy hora nda'u ha'eve 'rã avy ju aguã?” Ha'e rami teĩ pytũ ipuku ramo xerupa rupi ajere-jere tema ajupy ko'ẽ peve.
13067	JOB 9:12	Mba'emo ha'e oipe'a ta ramo mava'e tu ojoko 'rã? Mava'e tu aipoe'i 'rã ixupe: “Mba'e tu rejapo?”
13074	JOB 9:19	Xapy'a rei ipo'akaa re aikuaa potaxe ramo ma ha'e aipoe'i 'rã: “Apy ma aĩ.” Ha'e gui anhemboeko porãxe ri ramo “Mava'e tu xerenoĩ?” he'i 'rã.
13230	JOB 15:23	Ho'u va'erã oeka oje'oivy vy “Mamo tu oĩ?” he'i 'rã okuapy. Oikuaa porã avi pytũ aguã ára hexe ou ta maa.
13337	JOB 20:7	hu'ũmba 'rã raka'e rã peve guarã, hepoxi rami rive. Ha'e rã oexa va'ety kuery “Mamo tu ikuai?” he'i 'rã okuapy.
13374	JOB 21:15	Mba'eta mava'e tu Ipo'akapa va'e, ixupe jaiko aguã? Mba'e tu jajopy 'rã ixupe nhanhembo'eague re?” he'i 'rã okuapy.
13387	JOB 21:28	Mba'eta aipopeje: “Mamo tu opyta yvateve va'e teko vai rupi oiko va'e rogue?” peje 'rã.
13410	JOB 22:17	Mba'eta Nhanderuete pe aipoe'i: “Ejepe'a ke orea gui! Mba'e tu Ipo'akapa va'e ojapo 'rã orere?” he'i rire.
13727	JOB 35:3	Mba'eta aipo're: “Mba'e nunga py tu xereko porãa ovare? Mba'e tu xereko porãa py ajouve 'rã ajejavya py ajou va'e gui?” 're va'ekue.
13977	PSA 4:7	Heta ikuai aipoe'i va'e: “Mava'e nda'u nhandevy ombou 'rã mba'emo porã?” Senhor, ore kuery pe exa uka nderova rexakãa.
14584	PSA 42:4	Ara py ha'e pyávy xerexay re anho aiko akaru e'ỹ re. Ha'e ramia ja xevy aipo'ea riae: “Mamo tu oĩ Nderuete?”
14590	PSA 42:10	Nhanderuete xe'itaova pe aipoa'e: “Mba'e re tu nderexarai xegui? Mba'e re tu ajexavai aikovy xerovaigua kuery xeavyky rei rã?” ha'e.
14591	PSA 42:11	Mba'eta aendu xekãgue ha'ypa va'e rami, xerovaigua kuery xere ijayvu rei ramo. Ha'e kuery ijayvu vy “Mamo tu Nderuete oĩ?” he'i okuapy.
14762	PSA 53:7	Sião tetã gui Israel kuery reraa jepearã ou vy ojekuaa ma 'rãgue! Nhanderuete ojeupegua kuery omoingo porã jevy ramo Jacó ramymino kuery, Israel kuery ovy'a ete 'rã okuapy. Jogueroporaei va'e pe nhombo'e aguã Davi ombopara va'ekue mbaraka py ombojoguy aguã, Zife pygua kuery Saul pe aipoe'i ramo: “Orerekoa py e'ỹ teve Davi onhemi?” (1 Samuel 23.19, 26.1).
14841	PSA 59:8	Opa marã onhendu okuapy. Ijuru py ayvu oĩ va'e ma kyxe, “Mava'e tu oiko nhanerenduarã?” he'i guive.
15086	PSA 73:11	Aipoe'i 'rã: “Mba'exa nda'u Nhanderuete oikuaa 'rã? Xapy'a rei nda'u Yvate ete va'e re oĩ ri oikuaa aguã?” he'i.
15160	PSA 77:10	Nhanderuete hexarai ma teve joayvua gui? Tyrã ipoxy vy teve ndoexa ukavei nhanemboaxya?”
15191	PSA 78:20	Ita re ombota uka vy ha'e va'e gui yy omboxyry va'ekue mbojape voi nda'u ome'ẽ kuaa 'rã ja'u va'erã? Xo'o voi nda'u ojou uka 'rã ojeupegua kuery pe?” he'i okuapy.
15253	PSA 79:10	Mba'erã tu yvy regua kuery “Mamo tu Penderuete oĩ?” he'i okuapy? Nerembiguai kuery ruguy onhoẽague re yvy regua rembopaga vy exa uka orevy.
15900	PSA 115:2	Mba'e re tu amboae regua kuery joupe-upe oporandu vy “Mamo tu oĩ ha'e kuery Ruete?” he'i 'rã okuapy?
16048	PSA 119:82	Xerexa ikane'õmba ma ndeayvuague arõ rã. “Raka'e 'rã tu xembopy'a guaxu?” ha'e.
17325	PRO 30:4	Mava'e tu yva re oo, ha'e gui oguejy ju? Mava'e tu opo py ojopy kuaa ta yvytu? Mava'e tu yy ojokua 'rã oao apy py? Mava'e tu onhono raka'e yvy ha'e javi, ijapy peve? Mba'exa tu hery, ha'e ta'y rery? Ndee nda'u ndereikuaai ri?” he'i 'rã.
17330	PRO 30:9	xapy'a rei arekopa ma rire ndegui xerexarai vy “Mava'e tu Senhor?” ha'e e'ỹ aguã. Ha'e rami e'ỹ vy xeporiaukue'i vy xemonda aikovya rupi Nhanderuete rery iky'a va'ea rami aikuaa uka e'ỹ aguã.
17388	ECC 1:3	Mba'e nda'u avakue ojou 'rã kuaray guýry rupi omba'eapoague ha'e javi rekovia?” he'i.
17459	ECC 4:8	Ha'e va'e ma peteĩ ava ha'e ae'i oiko va'e, ta'y va'e'ỹ neĩ heindy e'ỹ va'e. Ha'e rami teĩ omba'eapoa gui ndopytu'ui va'e, ha'e ndoexaxe ve'ỹi oguerekopaa. Ha'e rami teĩ aipo nde'i: “Mava'e pe tu xee amba'eapo aikovy? Mba'erã pa xenhe'ẽ py ajejoko mba'emo porã arovy'a aguã gui?” nde'i. Ha'e nunga voi opa rive va'erã, tembiapo nhomongueraiarã rive.
17532	ECC 8:4	Mba'eta huvixave ayvu ma ipo'akave va'e. Mava'e tu ixupe “Mba'e tu rejapo?” he'i 'rã?
17644	SNG 3:3	Ha'e gui tetã rarõa kuery xerovaexĩ tetã rupi onhangarekoa rupi. Ha'e rã ha'e kuery pe xee aporandu: “Pexa pa xerembiayvu?” ha'e.
17931	ISA 10:11	Ha'e gui Samaria ha'e mba'emo ra'angaa hexe ikuai va'e re ambovaipaague rami ae ju ndajapoi 'rã teve Jerusalém ha'e hexe ikuai va'e re?” he'i va'ekue.
18105	ISA 20:6	Ha'e va'e ára ha'e va'e yvy re hekoa va'e kuery aipoe'i 'rã okuapy: “Pexa, evoko rami ete va'e ty'y oiko nhande kuery nharõ jakuapy va'ekue re, mba'eta ha'e katy ae jajava Assíria pygua huvixa gui, ha'e kuery nhandereraa jepe aguã teĩ! Mba'exa 'rã'vy jaa jepe?” he'i 'rã okuapy.
18116	ISA 21:11	Kova'e ma Dumá pygua kuery rovai ayvu ou va'ekue. Seir yvy gui ojapukaia xevy: “Nhoarõa, mbovy hora ma tu nhaĩ pytũ py? Nhoarõa, mbovy hora ma tu?”
18243	ISA 28:9	Ha'e ramo xevy oporandu rive vy “Mava'e tu rembo'e ta 'arandu re?” he'i okuapy. “Mava'e pe tu reikuaa uka ta rendu va'ekue? Xapy'a rei nda'u nokambuvei va'e ixy kã gui omboia ramo'i pyre pe ri reikuaa uka?
18278	ISA 29:15	Nda'evei ete 'rã opy'a re oĩ va'e Senhor gui onhomi va'e pe, ha'e pytũ rupi mba'emo ojapo oikovy va'e pe. Ha'e kuery ma joupe-upe “Mava'e tu nhanderexa? Mava'e tu nhandekuaia oikuaa ta?” he'i teĩ.
18363	ISA 33:14	Ha'e gui Sião pygua kuery ojejavypa va'e ma okyjepa 'rã, heko vai va'e oryryipa 'rã okuapy. Ha'e rami vy ha'e kuery oporandu 'rã: “Nhande kuery regua mava'e nda'u ogueropo'aka 'rã tata nhomombaarã ha'e tataendy ogue e'ỹ va'e mbyte py?” he'i 'rã.
18367	ISA 33:18	Pendepy'a py mba'emo vai ete oiko va'ekue re penema'endu'a vy “Mamo tu opyta tery mboparaa, mamo tu opyta imposto-rã opejaa kuery? Ha'e mamo tu opyta torre ikuai va'e papaaty?” peje 'rã.
18435	ISA 37:13	Ha'e mamo tu oiko aỹ Hamate pygua huvixa, ha'e Arpade, Sefarvaim tetã, Hena ha'e Iva pygua huvixa kuery?” — he'i uka.
18496	ISA 40:6	Ha'e gui peteĩ ayvu onhendu vy “Ejapukai”, he'i. Ha'e gui amongue oporandu: “Mba'e tu arojapukai ta?” “Aipo'ere: ‘Avakue ha'e javi ma jai rogue, ha'e ha'e kuery oguerovy'ave va'e ha'e javi ma ipoty rami rive oĩ.
18515	ISA 40:25	Ha'e nunga rupi Iky'a e'ỹ va'e aipoe'i: “Mava'e re nda'u peẽ kuery xembojoja 'rã? Mava'e tu xee ramigua oiko?” he'i.
18588	ISA 43:13	Ára oiko e'ỹ mbove ma voi xee ae aiko raka'e. Ndoikoi guive xepo gui jope'aarã. Mba'eta xee mba'emo ajapo ta ramo mava'e tu xejoko ta?” he'i.
18622	ISA 44:19	Neĩ peteĩve ma ndoikuaa pota porãi 'rã, nai'arandui ha'e mba'eve ndoikuaai aipoe'i aguã: “Peteĩ ijaygue ma apy tata py, ha'e tapyĩ áry aexy mbojape. Hi'áry ma xo'o aexy ma vy ha'u. Ha'e ijaygue mboae gui nda'u ajapo 'rã ri ojeguaru pyrã? Xerenapy'ã re 'rã ri nda'u aĩ yvyra pẽgue renonde?” nde'i 'rã.
18623	ISA 44:20	Ha'e nunga avakue ma tanhimbu rive ho'u oiny va'e rami ikuai, okuraxõ py onhembotavy uka vy ojekore va'e. Ha'e va'e ma ndogueraa jepe kuaai guekove, neĩ aipo nde'i kuaai: “Apu re e'ỹ ri nda'u ajerovia?” nde'i.
18640	ISA 45:9	Nda'evei ete 'rã imoingoare re opu'ã rei va'e kuery pe, mba'eta nhae'ũ pẽgue ramigua rive ikuai. Tyrã nhae'ũ guigua aipoe'i 'rã teve ijapoa pe: “Mba'e tu rejapo?” ha'e rami e'ỹ vy “Nerembiapo tu oata rima ixãrã”, he'i 'rã teve?
18641	ISA 45:10	Nda'evei ete avi 'rã nguu pe “Mba'erã tu xemoingo?” he'i va'e, e'ỹ vy oxy pe “Mba'e re tu xerereko'i raka'e?” he'i va'e pe.
18947	ISA 63:11	Ha'e ramo ma ha'e kuery ima'endu'a ju yma Moisés oiko jave guare re. Ha'e vy aipoe'i: “Mamo tu aỹ oĩ Senhor ye'ẽ rupi ojeupegua kuery renoẽare, ha'e kuery re opena va'ety reve? Mamo tu oĩ hexe Onhe'ẽ iky'a e'ỹ va'e moĩare?” he'i okuapy.
19000	ISA 66:9	Mba'eta kyrĩ va'e ryru'i xee aipe'a teĩ namoingoi 'rã teve? Xee nda'u anhomoingo va'eri amboty 'rã teve kyrĩ va'e ryru oiko e'ỹ aguã?” he'i Senhor Nhanderuete.
19136	JER 5:9	Xee nda'u aeja rive 'rã ri ha'e rami ikuaia ambopaga e'ỹ re? Nambopagai 'rã teve ha'e rami ete ikuai va'e regua?” he'i Senhor.
19156	JER 5:29	Xee nda'u aeja rive 'rã ri ha'e rami ikuaia ambopaga e'ỹ re? Nambopagai 'rã teve ha'e rami ete ikuaia re?” he'i Senhor.
19158	JER 5:31	Mba'eta profeta kuery omombe'u merami rive 'rã xeayvu, ha'e ha'e kuery re sacerdote kuery onhemoirũ vy joguereko poyi 'rã okuapy. Ha'e nunga ae rima xevygua kuery ojou porã okuapy. Ha'e rami teĩ mba'e tu ha'e kuery ojapo 'rã ovaẽ ramo ha'e nunga opa aguã ára?”
19207	JER 7:19	Ha'e rami avi xee ae ri nda'u ha'e kuery ombopoxya? Tyrã pa ha'e kuery ae e'ỹ teve onheroangeko, oxĩmba rei aguã rami?” he'i Senhor.