23487	MAT 10:1	Ena Yesu gawlima kobe anan kole kole muru kawnan milin sutan, “Wo,” di gala dire u ku bilere, sia ibal den miriin suna milungwa maa si mena erama dire, te nibil te nimbona erungwa main main para, aa te wai ere tenama dire yobilaan bile gawlima kobe tongwa.
23659	MAT 13:51	Dire Yesu iru sirin bile tongwa, “Ka dibinga i main pire pol sino?” Dire ibal, “Pirebinwa,” dungure
23695	MAT 14:29	Dungure Yesu “Wo,” dungwa Pita sipe mena pirere, Yesu milungwa gul nil minimina nala dire ongwa.
23794	MAT 17:25	Dungure Pita, “Tomua,” dungwa. Dire ogu ala pire ka dirala dimba, Yesu kaya dire iru di Pita tongwa, “Gariba gul yal bil kobe kobile takis ingwa we. Enin taw kobe tom mo, gariba baan ta ibal tome? I inin nomanin si piranga mere di na to.”
23798	MAT 18:2	Dungure gamege ala dire, “Wo,” dungure ungure, gawlima kobe milungwa suna alungure
24212	MAT 27:14	Dimba pire unin si mile, Yesu ka ta maan kwi di tekungwa. Tekemia ena Pailete, “Aya,” dire buul wen kunungwa.
24256	MAT 27:58	Direre pi Pailete milungwa gul pirere Yesu yobilagi irala dire, sirin bile tongwa. Bile tongure Yesu yobilagi Yosepe inama dire Pailete “To,” di tongwa.
24470	MRK 5:37	Dire yalini, “Ibal milo,” dire koban si tere, Pita te Yemis te Yemis kebinbi Yon, iru tawle “Wo,” dire awli ongwa.
24868	MRK 14:45	Dire u bawa dire gin taran Yesu milungwa gul pire, “Singabo,” dire guman mu dungwa.
24940	MRK 15:45	Pirungure simil nen kenin erungwa yal “Gulemua,” dungure Pailete Yesu yobilagi Yosepe tongwa.
25002	LUK 1:40	Pirere Sekaraya ogin ala pire, “Abalkuno,” di Ilisabete tongwa.
25003	LUK 1:41	Maria, “Abalkuno,” di tongure Ilisabete pirungure, ena gaan den miriin suna milungwa sibe sungure, God Kegemama Iban pi Ilisabete den miriin suna u paingure, yobilaan bile tongwa.
25303	LUK 7:39	Abal iru ere milungure, Parasi Yesu, “Wo,” di tongwa yal i kanere iru nomanin si pirungwa, “Yal i God ka kebe yal ta milekemua. Milangwa ena abalini yalini gain aa tere milungwa mere kanere, te kal digan erungwa para kanamba, kal digan ere yal warungwa abal, yalini main ta kanekimua.”
26932	JHN 19:38	Ena kal iru erungure pare, Arimatia ai nen ta kaan Yosepe yalini Yesu gawliman milimba, Yuda ibal yal singaba kuril pire tere di maribe erekungwa. Yalini pi Pailete milungwa gul pirere, Yesu yobilagi irala dire, sirin bile pirungwa. Sirin bile pirungure Pailete, “Owa,” dungure pirere Yesu yobilagi i ongwa.
26952	JHN 20:16	Dungure Yesu mile, “Maria,” dire kaan galungure, abalini si kiruul sire ka iru di Yesu tongwa, “Ka nil si tongwa yalo,” dungwa.
26982	JHN 21:15	Ena komina nongure pare, Yesu ka iru di Saimon Pita tongwa, “Yon wan Saimone, yalin kobi den miriin na tongwa mere, i denin miriin na te kora kulin mo?” Di tongure Pita, “Owa,” dire ka iru di yalini tongwa, “Singabo, na nomanin wai pire i tega i kaninwa.” Dungure Yesu mile, “Na gaan kobe bolima siipe siipe milungwa mere i kenin ere milo,” di tongwa.
26983	JHN 21:16	Ka iru dire kwi sirin bile iru di tongwa, “Yon wan Saimone, i denin miriin na ten mo?” Di tongure yalini, “Owa,” dire ka iru di Yesu tongwa, “Singabo, na nomanin wai pire i tega i kaninwa.” Dungure Yesu mile, “Na ibalan kobe bolima siipe siipe milungwa mere, i kenin ere milo.”
27559	ACT 16:7	Misia gariba gumilin pi bawa dire Bitinia gariba gul nala di omba, Yesu Iban “Po,” di tekungwa.
27656	ACT 19:2	sirin bile tongwa, “Ka main pire gi dinga kaun God Kegemama Iban tongure, ino?” Dungure yalin kobe, “Ikibinwa,” dire maan iru dungwa, “God Kegemama Iban milungwa kiranan ta pirekebinwa.”
27738	ACT 21:6	“Ena ere po,” dungure, “Milo,” dire ere sipe ala obinga. Obingire ibalin kobe sinaa dire ere ain ongwa.
27926	ACT 27:3	Kamin taangure Saidon ai pi bawa dungure, Yulias miriin pire Pol tere Pol ye nongwa ibal milungwa gul nangure, aa ki di yalini tenama dire, Yulias “Po,” di Pol tongwa.
27936	ACT 27:13	Ena bomai kamin gwi mone mone di maangure, ibal kobe, “Nabinwa,” dire goma nomanin si pirungwa malia nala di pirere, kal obin dongwa sipe kule paalungwa gure yebe erere, Kiri gariba gul maala binan ongwa.
28045	ROM 2:15	Ibalin kobe kalkan ere warungwa i, kanere Mose kile kaman ka dungwa mere, nomanin si suna yoma di kanemue. Te ibalin kobe kalkan erungwa paim mo, paikim mo, nomanin suna si pire kaun ta “Paimua,” dire te kaun ta “Paikimua,” dimia, ena Mose kile kaman ka dungwa mere, nomanin si suna yoma di kanemue.
28398	ROM 15:27	Yuda ibal ka main konagi ere Yuda ta milekungwa ibal tomia, ena pirin paire Yuda ta milekungwa ibal kalkan ere Yuda ibal tenangwa paamue. Paamba ibalin kobe inin nomanin si pire, “Terabinwa,” dimue.
28407	ROM 16:3	Ena abal Pirisila te winbi Akwila bole na Yesu Kirisito konagi ere milebilga, “Yalkuno,” di tobinwe.
28572	1CO 7:17	Ena God i ibal kobe, “Wo,” di gala dungwa kaun i goma kalkan konagi ta erana dire, yalini kal wai obin si tenga mere, iru wen ere milo. Ka main ibal taminin ta ta para kile kaman ka iru di teiwe.
28573	1CO 7:18	Di tega mere iwe. Yuda gain bile erungwa yal ta milungure pare, God “Wo,” di gala dungure ure duulin bile pirere, ena yal iray goma gain bile erungwa kwi i aal ta kulekio. Te gain ta bile erekungwa yal ta milungure pare, God “Wo,” di gala dungure ure duulin bile pirere, ena yal iray gain bile erekio.
28575	1CO 7:20	Ta di tega mere iwe. God ibal, “Wo,” di gala dungwa kaun ibalin kobe kalkan konagi ere milungwa mere, para ere milo.
28577	1CO 7:22	I nil erari ibal milinba, ibal ta nil konagi ere milungwa God Singaba “Wo,” di gala dungure urere, ena nil erari ibal goma milungwa u inin baan ongwa mere, ibalini iru mile Kirisito bole pena galemue. Kal iru main paangwa mere, ibal ta nil erari ibal ta milekungwa, Yesu Singaba “Wo,” di gala dungure urere, ena ibalini Kirisito nil konagi ibal milemue.
29005	2CO 8:5	Ibalin kobi iru tenama di piriga mere, ta tekungwi. God Singaba nil konagi ere terala dire, goma bole yomue. Yere pare ibalin kobi kal ta erangwa God “Owa,” dungwa, aa ki di na tenama dire, eme na bole yobilwe.
29013	2CO 8:13	“To,” di i tega iwe. Ibal taw aa ki di tengire, dorimil milama dire, pirin bil pai i teralga, tamama. Dimba malia kalkan binanbile aa te nenga, ena aa te nekungwa ibal aa ki dire tenanga, kuunin painamue. Iru eranga, ena kamin kaun ta eme i kal tawle aa te nenanga kaun, ibalin kobi kalkan maan i tenamue. Iru painangwa i ibal kobe te ibalin kobi kuunin kuunin milanwe.
29108	2CO 12:18	Taitas i milinga gul “Po,” dire kiraan na tere di teiwe. Di tere ka main enan yal ta, “Taitas bole ereko po,” dire nusi erigire omue. Pi milere Taitas yalini bawle i tomo? Ta i tekimue. Yalini mile pai erungwa mere, na para iru erere, te yalini kol egilungwa mere, na duulin bile egiliwe.
29125	GAL 1:1	Pol na milere Yesu nusi erungwa ongwa yal, Aposel ta, na miliwe. Na nusi erungure obinga iwe. Ibal kobe na nusi erekire, te konagi main iru painangwa mere “Ero,” di na tekemue. Di na tekimba Yesu Kirisito gulere aa tongure alungwa yal, na Abe God, te Yesu Kirisito inin bole na ka main konagi erama dire, na nusi erungure, obinwe.
29136	GAL 1:12	Te yal ta main i, di na tekungure, te yal ta ka iray nil si na tekimba, Yesu Kirisito inin na denan miranan suna pai mile, “Do,” di na tongwa pire diwe.
29186	GAL 3:17	Na ka di i tega main iru paamia. God mile, “Kalkan iru iru ere i teralwa,” dire aan kere ye tomue. Tongwa main iwe. Di tongwa pare, me erin po kandret teti wei sungure, Mose kile kaman kawn kule ka u maribe omue. U maribe omba God aan kere ye tongwa yaa ime ta sikinamue. God aan kere ye tongwa kawen kirara dungwa paamia, ena mana taan dire, “Paikimua,” ta dikinamue.
29531	PHP 4:22	God ibalin kobe abila ki pai milungwa, “Yalkuno, abalkuno mile dinio,” di i tomue. Ibalin kobe taw Orom yal bil Sisa konagi ere tongwa, ena ibalin kobi ere yobilaan bile, “Yalkuno,” di i tomue.
29678	1TH 4:8	Imia ena ka nil si tobinga, i ibal ta mile, “Paikimua,” dire, ibal ka dungwa manaa di tekenamba, God ka dungwa manaa di tomue. Te God iwe, yalini inin Kegemama Iban i ibal kobe para i tomue.
29909	2TI 2:15	Ka main konagi eringa God kane, “Paimua,” dire ka iru di i tenama dire, konagi nega di ero. Ibal ta konagi erungwa, gay ta gulekire erungwa mere, i iru ere milo. Te God ka main nil si ibal tenga, milin u maribe nama dire, i ka main iru nil si to.
29958	2TI 4:21	Kamin gwi kiire nimin sinangwa kaun kaya ole u bawa dekenangwa, i kaun iray urala dire, i kalkan aa tekun ero. Yubulas te Pudens te Elainas te Kilodia te ka main enan kobe para na bole milebinga, ibalin kobe, “Yalkuno,” di i tomue.
30019	PHM 1:14	Iru di piriiba, i “Owa,” dire, “Para paimua,” ta di na tekinga, na kal iru ta ere i terala pirekiwe. Na i kiranin aa tere, “Kal wai ta iru ero,” di i teralga i iru erala ta di pirekire, i inin nomanin si pire kal wai ta iru erana di piriwe.
30028	PHM 1:23	Epapiras Kirisito Yesu pire gi di tongwa, na bole kanin pai milebilga, “Yalkuno,” di i tomue.
30029	PHM 1:24	Maka te Aristakas te Dimas te Luku, yalin kobe na bole ka main konagi erebinga, ena yalin kobi para, “Yalkuno,” di i tomue.
30064	HEB 3:2	God gawliman kobe muru milungwa suna, Mose ka main konagi wai wen erungwa mere, God konagi Yesu, “Ero,” di tongwa, Yesu para pire wiina eremue. Yesu konagi iray erama dire, God yalini paale suna ere imue.
30124	HEB 6:13	Ena God aan kere yere, “Kal iru ere i teralwa,” dire ka di Ebarakam tongwa kaun, yalini inin maabin mina aa taw sire, “Eralwa,” dimue. Ibal ta God yaa ime ta sekenangwa paamia, ena yalini yal ta kaan ta galekire yalini inin milungwa pire, maabin mina aa taw simue.
30237	HEB 10:37	Di tega mere, ka main minin ganin iru dire bilungwa paangwa. “Kaun tawle imo dungure pare, yal ta, “Uralwa,” dungwa yalini unamua. Yalini suul ta milekire, gin taran unangwa paamua.
30332	HEB 13:24	I ibal kobe ka main yal singaba kobe, te God ibalin gawliman para i bole milinga, “Yalkuno, mile dinio,” di to. Itali gariba gul ka main enan kobe na bole milebilga, “Yalkuno,” di i tomue.
30532	1PE 4:19	Main iru paimia, ena i ibal kobe giil piringa, God “Owa,” dungwa kal wai ere milo. God i ibal kobe para ere yongwa i yalini pi tegi yenanga, kuunin eramia, ena yalini pi tegi yeyo. Yalini kal ta erala dungwa mere kawen eremia, ena yalini pi tegi yeyo.
30722	2JN 1:10	Ibal ta i milinga gul ure ka main dungwa i ka di yuukinangwa, ena ibalini i ogu painama dire, i ibal kobe aa te wai ere tekire te, “Yalkuno,” di tekio.
30723	2JN 1:11	“Yalkuno,” di tenanga, kal ki ere milungwa mere, i aa ki di ere te milanwe.
30862	REV 6:1	Iru kanere pare, Bolima Siipe Siipe Gawlin kan paalin si yongwa, ta pu erungwa kaniwe. Kanigire, te kalkan sui sui kwi milungwa ta kamin guru dungwa mere, gala dire, “Wo,” dimue.
30864	REV 6:3	Kanigire Bolima Siipe Siipe Gawlin goma kan paalin ta pu erungwa, malia ta ama pu erungwa kaniwe. Kanere kalkan sui sui kwi milungwa ta goma ka dungure, ta ama mile gala dire, “Wo,” dungwa piriwe.
30866	REV 6:5	Kanigire Bolima Siipe Siipe Gawlin goma kan paalin sui pu erungwa, malia ta ama pu erungwa kaniwe. Kanigire kalkan sui sui kwi milungwa sui goma dungure, ta ama mile gala dire, “Wo,” dimue. Dungure kanere bolima ausi kama ta milungwa kaniwe. Bolima ausi iray aw si milungwa yal, kal obin dongwa main kanungwa kal, kaan sikel, aa tomue.
30868	REV 6:7	Iru kanigire Bolima Siipe Siipe Gawlin goma kan paalin sutakobe pu erungwa, malia ta ama pu erungwa kaniwe. Kanigire kalkan sui sui kwi milungwa, sutakobe goma ka dungure, malia ta ama mile gala dire, “Wo,” dimue.