| 3 | GEN 1:3 | Godungku yalaman, “Yalbayku dayirrmaka.” Yinyamun yalbayku dayirrmanda. Godungku ngulkurr bajaku dayirr nyajin balbajinya. Nyulu yalaman, “Dayirr ngulkurr.” Nyulu dayirranga burri dajin, wungar. Nyulu dayirr ngami-ngami-bungan nguwul-nguwulmun. Nyulu nguwul-nguwulumu burri dajin, wujurr. Yinya day first one. |
| 6 | GEN 1:6 | Warngku yindu Godungku kuku dajin baja, ngurrban dakanda banamun bada-badamun, wangkar jiringa bundanda. Godungku ngurrban ngami-ngami-bungan banamun. Godungku jiri jirida burri dalkin. Yinya day number two. |
| 268 | GEN 11:1 | Jakalbaku bama wubulku kuku nyubunku balkawan. Juma jana bulmbuyman, yalaman, “Ngana wawu kari ngami-ngamimanka. Ngana muruku bunday, ngana junkurrjimal. Ngana town yalbay balkanka, bayan wubul bajaku ngaranka. Ngana bayan nyubun dindarranga ngaral, jarra-jarra bajaku yala manjal.” Yinyamun jana bayan ngaral-ngaranda, God wangkar-wangkarmun kadan, bayan nyajinka. Godungku nyuluku yalaman, “Ngayu binal jananka bamanka. Jana nganya kari kuku-nyajil, jana wawu janankaku junjuy-junjuy yalbay balkanka. Ngayu wawu kari jana bulmbuymanka.” Yinyaynka Godungku kuku walu-yindu walu-yindu bamanda dajin. Yinyamun jana walu-ngangkan-ngangkarin kukuku, jana binal kari. Yinyaynka jana bayan yalbay kari kunbay-manin, kari ngaran baja. Godungku bama ngami-ngami-bungan, yiringkurrku yungan bubungu yindu-yinduymbu. Jananga kuku wubulmarin. Yinyaynka jana yinya town burri dajin, Babylon. |
| 300 | GEN 12:1 | Jana bubungu Haran bundandan, Godungku Abramanda yalaman, “Yundu yunu bubu and jawun-karra bawa, yinduymbu bubungu dungay ngayu yunundu milbil. Yunu jawun-karra wubulmal. Yundu maja jirraymal. Ngayu bama wubulku wawurr-wawurr-bungal yununku, bamanka yunundumun kaday. Kaki bama yununku ngulkurrmal, ngayu jananka ngulkurrmal. Kaki jana yununku buyunmal, ngayu jananka buyunmal.” |
| 563 | GEN 22:15 | Godungku Abrahamanda yalaman, “Yundu wawurr-wawurrduku Isaac dajin ngaykundu. Yundu nyungun kari kurinya ngaykundumun, ngayu yunun wawurr-wawurr-bungal manubajabuku. Yunu jawun-karra wubulmal, wubulmal yala dawar jiringa. Yunu jawun-karra wubulmanya, bama kanbal yiringkurrku wawurr-wawurrmal. Ngayuku balkalarrku.” Jana, Abraham, Isaac, workingman-bulal, jana bubunguku Beershebaku dungan baja. |
| 828 | GEN 29:32 | (29.32-30.36) Jacobamu kangkal-kangkal dingkar-dingkar burri Reuben, Simeon, Levi, Judah, Dan, Naphtali, Gad, Asher, Isaachar, Zebulon, Joseph. Wawu Josephandamun Jacobangka Labananda yalaman, “Nganjinin yungada, ngayu bayanbaku dunganka, nganjanandaku, bubunguku.” Labanangka yalaman, “Ngayu binal Godungku ngayku sheep, goats jirray-bungan, yundu ngaykundu workmanijinya. Ngayu wanjarrku yunun payim-bal, yundu ngaykundu workmanijinka baja?” Jacobangka yalaman, “Ngayu moneyka wawu kari. Ngayku wubulku sheep daya kaykay-kaykayku, ngumbu, wubulku goat kaykay-kaykayku, jinjurr-jinjurr. Kaki yundu ngaykundu yinyarrin dajil, ngayu yunundu workmal baja.” Labanangka yalaman, “Yala.” Yamba Labanangka same day goat jinjurr-jinjurr, sheep ngumbu manin, ngami-ngami-bungan yindu-yindumun kanbalmun, dajin nyunguwunbu dingkar-dingkaranda kangkal-kangkalanda, kujinka. Nyulu jananin kala-kalbay yungan. Jacobangka kanbal goat, sheep kujin Labanamu. |
| 1189 | GEN 40:16 | Yinyamun yinyangka bakerangka Josephanda yalaman, “Ngayu bijarr balkal yunundu. Ngayu balji kulur mayiji jarra-kulbal-kulban dukulbu. Baljinga wuyar cake walu-yindu walu-yindu. Dikalangka wubuliynjaku yinya cake nukal-nukan.” Josephangka yalaman, “Ngayu bijarr milkanga-bungal. Balji kulur yala warngku kulur. Warngku kulurmal kingangka yunun dukul kankuruku nyandal, yarkin walngkan-damal jukungu. Dikalangka wubuliynjaku yunun bangkarr nukal.” |
| 1534 | EXO 1:1 | Jacobamu jawun-karra 70-bala, jana bubungu Egypt dungarin. Joseph, nyulu bubungu Egypt jakalba dungan. Juma Joseph, nyungu yaba-yabuju-karra wubulku wularin, yamba bama janandamun Israel-warra, jana wubulmarin bubungu Egypt. |
| 1909 | EXO 14:19 | Godumu angel jananda Israel-warranda jakalba bundandan, nyulu kudamunduda dungan, dindarranga Egypt-warranda, Israel-warranda. Ngurrban Godunji yalarrku dungan dindarra jananda. Ngurrbanangka nguwul-nguwul-bungan Egypt-warranka, yamba bubu dayirrku kujin Israel-warranka. Jana Egypt-warra yinyamun jananda kari kadan baja wujurrdurr. |
| 1911 | EXO 14:21 | Mosesangka nyungu mara kujin wuyar jalundurr, Godungku muyarabu junkurrdu jalun ngami-ngami-bungan. Muyar kadan, kadan, jalun marralmanda. Jalun junkayku janan, yala ngamar, jambulku side, jananga baralda balkan. Jana Israel-warra dungaynda yinyayngkarr baraldarr. Jana Egypt-warrangka jananin wukurrin, buggynji yarramanangka kulbal-kulbanya. Mudu-wayjun, Godungku jananin Egypt-warra kunkun-bal-ban ngurrbanmun, jananin walu-ngangkal-ngangkal-bungan. Nyulu jananga buggy jaybi-manin kambal-kambalba. Jana murruji jurrkin. Egypt-warrangka yalaman, “God jananka Israel-warranka kunin-kuniway, ngananji. Ngana dungarinkakuda!” Godungku Mosesanda yalamanda, “Yunu mara wuyar jalundurr kuji baja, jalun murumal janandaku, Egypt-warranda, jananin bujil-janji-manil.” Mosesangka nyungu mara kujinda jalundurr. Wungar dakan, jalun muruman baja. Jana Egypt-warra jalunmun ngakijinyaku, yamba Godungku jananin jalunbuku yilban baja. Jalundu jananin wubulku nandan, yarraman, buggy, soldier-soldier. Jana wubulku bujil-janjin, nyubunku Godungku kari bawan. Yamba jana Israel-warra marralku dungan jalundurr, bububurr marraldarr. Godungku yalaku jananin Israel-warra kujin Egypt-warrandamun. Jana Israel-warrangka jananin Egypt-warra nyajinda yarkinku wunananya yikandarr. Jana Israel-warrangka Godumu junkurr nyajin, jana yinyilmarin nyungundumun. Jana God bulangan Moses kuku-nyajinda, bulanin wukurrinka baja. |
| 6932 | JDG 15:1 | Juma Samson dungan baja, nyungu manyarr nyajinka. Nyulu binal kari nyunguwundu manyarrangka yindu bama wunan. Nyulu nanny goat karrkay wundin, manyarranda dajinka. Nyulu manyarrandamunbu nganjananda yalaman, “Ngayu manyarr nyajinka.” Yamba nganjanangka nyungun kirin, yalaman, “Ngayu balu yunun nyajin, balu yundu nyungun bawan. Yinyaynka ngayu nyungun bamanda yinduymbu dajin. Nyungu jinkurr jarra walu-mini-mini nyungunku. Yundu nyungun mana, wunanka.” |
| 7168 | RUT 2:17 | Nyulu Ruthungku mayi mujan, mujan, yilay-yilayman. Nyulu mayi dudan, mayi ngami-ngami-banka jikanmun, diburrku kujinka. Nyulu mayi wundinda, biwulundu milbinka, nyulu mayi jirray bangkan. Nyulu mayi yanday yalarrku wundin, biwulundu dajin. Naomi nyungundu babajin, “Yundu walay, mayi wanjamun bangkan? Yundu wanyamba paddockmunbu workmalman? Ngayu wawu nyajinka Majangka Godungku nyungun ngulkurrduku kujinka, yala nyulu yunun kujin.” Ruthungku Naominda balkan, “Ngayu paddockmunbu workmalman, paddock wanyanga Boazanga.” Naomingka yalaman baja, “Ngayu wawu nyajinka Majangka Godungku Boaz ngulkurrduku kujinka. Godungku manubajaku junjuy-junjuy balkal, nyulu jurril kari balkal bamanda.” Nyulu yalaman baja, “Yinya dingkar ngaykuwunbu dunyungu mukay. Nyulu ngaliyan manubajabuku kujil.” |
| 7309 | 1SA 4:10 | Jana kuniwan, yamba Philistine-warra jarra junkurrji Israel-warranka, jananin kanbal kangan, kanbal yarkin-ban. Nyubun bama yinyamun bubumun warrin townbu Shiloh. Nyulu Eli baralba karangkalba bundandan, nyulu wawu-dudan-dudajin Godundumunku boxmunku. Nyulu bama yiringkurrku towndurr warrin, bamanda balkal-balkan Philistine-warranka. Nyulu Elingka nyurra nyajin, yamba nyulu wulman, miyil-burra. Nyulu babajin, “Wanyurrinku nyurra?” Nyulu bama Elinda kadan, yalaman, “Ngayu bubumun warmun yaluy warrin.” Elingka babajin, “Bama wanjarrman yinyaymba?” Bamangka yalaman, “Ngana Israel-warra wubulku warririn Philistine-warrandamun. Jana ngananin kunin, kangan, yunu kangkal-bulal jambul yarkin-ban, yalarrku jana Godumu box ngakin.” Elingka kuku nyajin Godundumunku boxmunku, nyulu chairmun muku-mukuku daran. Nyulu wulman bajaku, wandul bajaku. Nyulu daran, nyulu jakay bajibay dumbarrijin, wulankuda. Nyulu maja bubungu Israel 40 years. |
| 7450 | 1SA 11:3 | Yinyamun jana Israel-warrangka kuku yungan kanbalanda Israel-warranda helpmunku. Jana kukuji Saulundu kadan, Godundumundu wawubu Saulumu wawu junkurrji-bungan. Nyulu yinya kuku nyajin Ammon-warranka, nyulu kuli-kadan. Nyulu bulki jambul yarkinkaku kunin, yakan, kankur-kankur-bungan, minya buban-buban yungan Israel-warranda yiringkurrku. Nyulu Israel-warra milka-bakan, yalaman, “Kaki yurra ngalinin Samuel kari wukurril, jananji Ammon-warranji kuniwanka, ngayu yurranga bulki wubulku kankur-kankur-bungal yala yanyu minya.” Israel-warra wubulku yinyilmarin, balu Godungku jananin buyun-damal. Yinyaynka jana wubulku murumarin, Ammon-warranji kuniwanka. |
| 21973 | DAN 5:30 | Mudu-wayjul-wayjunjiku yinya king wulan. Jana nyungun yarkinkaku kunin. Yindu king bubumun Persiamun kingman bubuku Babyloniamunku. |
| 22644 | JON 4:7 | Yamba warngku yindu Godungku mujurr yungan, yinya kalal nukanka, kalal wulay-maninka. Wungar dakan, Godungku muyar wumbul bajaku kuwamun yungan. Jonah walu-dungan-dungan wumbulmun, dukul wungara, wabarr yamba-karimun. Nyulu wawu-wulanka, bubu wumbul bajaku, yalaman, “Ngulkurr ngayu wulanka. Buyun juranku bundanka, wumbul bajaku.” Godungku nyungundu yalaman, “Wanyurrinku kuli-kaday kalalka?” Jonahngka yalaman, “Yinya buyun kari, kuli-kadanka kalalka. Kalal kari wulanyaku.” Godungku nyungundu yalaman, “Yanyu kalal warngku nyubun jirrayman, warngku yindu yamba-kariman. Yunduku karibi jirray-bungan, wanyurrinku kuli-kaday? Yundu yaluynku kalalka jiba-badi, kalal wulanya, yamba yundu Nineveh-warranka kari jiba-badi. Bama wubul bajaku townbu, yarrkay-yarrka yalarrku. Jana buyunmun jurrkijinya, ngayu jananka jiba-badi, jananin kari buyun-damalda,” Godungku yalaman. |
| 23301 | MAT 4:23 | Nyulu Jesus dungan yiringkurrku bubungu Galileemunbu. Nyulu kuku dajil-dajin bamanda janawunbu churchmunbu, binal-bungal-bungan kukuku ngulkurrku, bama Godunduku jurrkijinkada, Godungku nyungu jawun-karra ngulkurrduku kujinka. Nyulu yalarrku bambay-bambay ngulkurr-bungan, bambay walu-yindu walu-yindu. |
| 23312 | MAT 5:9 | Kaki yurra bama walmbaji warri, jananin helpim-bunganka jawun-jawun-banka baja, Godungku yurranin kangkal-kangkalkuda bambal. Yurra wawurr-wawurrmanijida. |
| 23475 | MAT 9:27 | Jesusangka yinya bubu bawan. Nyulu dungan-dungan, dingkar-bulalangka miyil-burra-bulalangka nyungun wukurril-wukurrin. Bula yirrkan, “Yundu Davidandamun. Manun-manunmaka ngalinyanka.” |
| 23588 | MAT 12:30 | “Kaki bama ngaykunku wawu kari, nyulu nganya buyun-damal. Kaki bamangka bama yindu-yindu kari mujal ngaykundu wundinka, nyulu jananin ngami-ngami-bungalkuda ngaykundumun. |
| 23619 | MAT 13:11 | Nyulu jananda yalaman, “Ngayu yurranin binal-bungan-bungal Godundumunku kukuku, Godungku nyungu jawun-karra ngulkurrduku kujinka. Godungku kuku nyungu kari kanbin yurrandamun, yamba janandamun yinya kuku kanbinkuda. |
| 23648 | MAT 13:40 | Ngayu yaba bamanga wubulbuku. Bubu kunbay, ngayu ngayku angel-angel yungal. Jana bama buyun wubulku mujal, ngami-ngami-bungal bamandamun ngulkurrmun. Yinya yala story, jana workingmenangka buljun mujan, wayjun. |
| 23657 | MAT 13:49 | Yinyarrin dingkar-dingkar yala angel-angel. Jana angel-angelangka bama buyun ngami-ngami-bungal bamandamun ngulkurrmun. Wawu yinyamun bubu kunbay. |
| 23675 | MAT 14:9 | Nyulu King Herod milka-bujarmanda. Yamba nyulu murruji kuku jurrkinka, jawun-karrangka nyungun nyajinya maral wawurr-wawurr-bunganya anything dajinka. Yinyaynka nyulu dajinka. |
| 23802 | MAT 18:6 | “Bamangka nyubuninja ngayku bama buyun-buyunku juru-kulbal, ngaykundumun jurrkijinka, Godungku nyungun yaykarrdaku punishim-bungalkuda. Jarra ngulkurr nyungunku jana kulji yalbay nyunguwunbu manungu kajanyaku, nyungun bujil-janji-maninyaku jalunbu dajalimunbu. Yinya jarra ngulkurr Godundumunku punishmentmunku. |
| 23803 | MAT 18:7 | Bama buyunmanya, jana bubu buyun-damal, bama yindu-yindu warrngkay-manil. Bama kari wawurr-wawurrku bundanday, buyunmanya. Bamangka yindu-yindu buyunku juru-kulbal baja, juru-kulbal baja, buyunmanka. Ngayu jiba-badi jananka bamanka yindu-yindu buyunku juru-kulbal-kulbal buyunmanka. Godungku jananin yaykarrdaku punishim-bungalkuda. |
| 23837 | MAT 19:6 | Jesusangka yalaman baja, “Bula karida jambul, nyubunkuda, manyarrinyukuda. Kaki Godungku dingkar and jalbu kuna-bungal, bamangka kari ngami-ngami-bunga baja. Manyarrinyu kari bawawaka baja.” |
| 23882 | MAT 20:21 | Jesusangka yalaman, “Yundu wanyurrinku?” Nyulu yalaman, “Yundu nganya wawurr-wawurr-bunga. Yundu kingmal, ngayu wawu ngayku warru bulal yununji bundanka majamanka. Yundu wawurr-wawurr-bunga bula yununji bundanka, majamanka.” |
| 24003 | MAT 23:16 | “Kuli jirray yurranda kaday. Yurra yala miyil-burraku dungay, bama wayanka. Yurra bama wadu-waduku binal-bungal, yurra balkal bamangka nguba wawurr-wawurr-bungal, manubaja-bunganka Godundumunku bayanka. Kaki jana yalaku wawurr-wawurr-bungal, jana kuku kari kuji. Yurra yalaku wadu-waduku binal-bungal. Yamba jana nguba wawurr-wawurr-bungal baja, and manubaja-bunganka goldku wunanay Godundumunbu bayanba, yinya kuku jana must kujikuda. Yurra yalaku wadu-waduku binal-bungal. |
| 24008 | MAT 23:21 | Kaki bamangka wawurr-wawurr-bungal, manubaja-bunganka Godundumunku bayanka, nyulu yalarrku wawurr-wawurr-bungal manubaja-bunganka Godunku, nyulu God bayanba bundandanya. |
| 24086 | MAT 25:9 | Yamba jana maral-maralangka ngalu-ngalungku yalaman, ‘Kari. Nganjin buban kerosine wundin nganjinangaku. Kaki nganjin yurranda dajil, nganjinanga light jinbalku marralmal. Yurra storengu dungarika, buy-im-bunga yurrangaku.’ |
| 24093 | MAT 25:16 | Nyulu workingman 5000 dollarsmunji, nyulu jinbalku dungan, junjuy-junjuy, yamba-yamba buy-im-bunganka bamandamun. Nyulu sellim-bungan baja yinduymbu bamanda moneyka jirraynka. Nyulu juma money jirray-bungan, 10000 dollars. |
| 24109 | MAT 25:32 | Ngayu bama wubulku jajirril jakalba ngaykundu. Jana murumari bubumun yindu-yindumun jakalba ngaykundu. Yinyamun ngayu jananin wangkanil, ngami-ngami-bungal. Ngayu jananin ngami-ngami-bungal yala shepherdangka dingkarangka sheep-sheep ngami-ngami-bungal goatundumun. |
| 24110 | MAT 25:33 | Nyulu dingkarangka sheep-sheep right sidemunbu yijarril; goat-goat left sidemunbu yijarril. Yinya yala ngayu bama ngulkurr ngami-ngami-bungal bamandamun buyunyundumun. |
| 24242 | MAT 27:44 | Bula yinya-bulalangka wurrmay-baka-bulalangka nyungun yalarrku yajarrin. |
| 24275 | MAT 28:11 | Jalbu-bulal dungan-dunganda, kanbalda soldier-soldierangka miyil-kujin-kujin juljal, jana dungarin baja townbuku. Jana junjuy-junjuy wubulku balkan maja-majanda Godundumunbu bayanba. |
| 24403 | MRK 4:11 | Jesusangka jananda yalaman, “Ngayu yurrangan binal-bungal-bungal Godungku nyungu bama ngulkurrduku kujinka. Yamba jana kanbalda nganya kari wukurril. Yinyaynka ngayu janangan storybu binal-bungal. |
| 24524 | MRK 6:48 | Muyar jirray kadan. Jana birungubaynja yaykarrdaku manil-manin, baja-burranda. Jesusangka nyajin janangan muyarabu yimbal-yimbanya. Yubakuda mudu-wayjul-wayjun nyulu jananda kadan, bananga wuyar jinabu kadan, janandarrku dunganka. |
| 24580 | MRK 8:11 | Jana Pharisee-warra Jesusanda kadarin, nyungunji murru-kangawan. Jana yalaman, “Yundu junjuy miracle balka Godundumundu junkurrdu. Nganjinanda milbi yundu junkurr manin Godundumun.” Yamba jana nyungun walu ngangkal-ngangkal-bunganka kukubu. |
| 24666 | MRK 10:9 | Kaki Godungku dingkar, jalbu kuna-bungal, bula kari bawawaka baja. Bamangka bulanin kari ngami-ngami-bunga baja.” |
| 24816 | MRK 13:30 | Yanyu kuku milkanga kuji. Bama nyiku juranku bundanday, jana wubulku wulanjiku, jana junjuy-junjuy warrmba-bal-bal yala ngayu yurranda balkan. |
| 24821 | MRK 13:35 | Jesusangka yalaman baja, “Miyil-janaykuda. Ngayu yala yinya bama dunganyamunku. Ngayu wanja-wanja baja kaday baja? Nguba wungar daranyamunbu kaday, nguba wujurrbu kaday, nguba mudu-wayjul-wayjunyumunbu kaday. |
| 24923 | MRK 15:28 | Godundumundu kabanda balkan, “Jana nyungun nyajil dingkaranji buyunyunji. Wubulduku yalamal, ‘Nyulu yalarrku buyun.’” Jana wurrmay-baka-bulal Jesusanji walngkan-daman, yinya kuku manubajamankuda. |
| 24935 | MRK 15:40 | Jalbu-jalbungku kunkun-bungal-bungan buban kala-kalbaymundu. Jana kulur, Mary townmun Magdalamun, Salome, and Mary yindu, nyulu ngamu Josephamu, and Jamesamu. |
| 25035 | LUK 1:73 | Nyulu Abraham wawurr-wawurr-bungan ngananka. |
| 25062 | LUK 2:20 | Dingkar-dingkar dungarin baja, God buyay-manil-manin yinyaynka jana nyajinya. Angel-angelangka jananda balkan, jana yala nyajin. |
| 25193 | LUK 5:17 | Wawu yinyamun Jesusangka bama binal-bungal-bungan bayanba, kanbal Pharisee-warra and teacher-teacher lawmunku yalarrku yinyaymba bundandarin. Kanbal bubumun Galileemun, kanbal bubumun Judeamun, kanbal townmun Jerusalemmun. Godumu junkurr Jesusanjiku bundandan, bambay-bambay ngulkurr-bunganka. |
| 25276 | LUK 7:12 | Nyulu gateba townbu kadan, nyulu bama nyajin, yarkin jarra-kulbal-kulbanya yulalba. Bamangka wubuldu janangan wukurrin. Nyulu yarkin warruku. Nyulu jalbumu bunjilamu nyubunku kangkal. |
| 25317 | LUK 8:3 | Yindu burri Joanna, manyarr Chuzamu. Chuza, nyulu maja, majanka Herodanka workmanijin. Yindu jalbu burri Susanna. Jana jalbu-jalbungku Jesus, and nyungu jawun-karra ngulkurrduku kujin. Jana mayi buy-im-bungan janawundu moneybu. |
| 25319 | LUK 8:5 | “Ngadiku nyubun dingkar dungan, diburr mayi corn yayin-yayin-bungan bubungu. Nyulu diburr yayin-yayin-bungal-bungan paddockmunbu, kanbal diburr baraldarr daran. Yinyaymba bamangka diburr nyarrin, dikalangka kanbal nukan. |
| 25383 | LUK 9:13 | Yamba Jesusangka jawun-karranda yalaman, “Yurraku jananga mayi daya.” Jana yalaman, “Nganjinanga mayi bread 5-bala, minya kuyu jambul. Yundu wawu nganjin dungarinka, mayi buy-im-bunganka bamanka wubulkuku?” |
| 25497 | LUK 11:23 | “Kaki bama ngaykunku wawu kari, nyulu nganya buyun-damal. Kaki bamangka bama yindu-yindu kari mujal ngaykundu wundinka, nyulu jananin ngami-ngami-bungalkuda ngaykundumun.” |
| 25619 | LUK 13:32 | Jesusangka jananda yalaman, “Nyulu Herod yala kaya dingku. Yurra dungarika, yinyayanda kulijinda balka, ‘Nyulu Jesusangka dubu-dubu kangan-kangal, and nyulu bama ngulkurr-bungan-bungal bambaymun. Wunkun nyulu yalarrku yinya workmalmal. Wunkun-yindu nyulu nyungu work yalaymba kunbay-manil.’ |
| 25722 | LUK 17:2 | Bamangka nyubunyinja ngayku bama buyun-buyunku juru-kulbal, ngaykundumun jurrkijinka. Godungku nyungun punishim-bungalda. Nyulu bama juru-kulbanjiku, jana kulji yalbay nyunguwunbu manungu kajanyaku, nyungun bujil-janji-maninyaku jalunbu dajalimunbu. Yinya jarra ngulkurr Godundumunku punishmentmunku. |
| 25964 | LUK 22:31 | Jesusangka Simon Peteranda yalaman, “Simon, yundu nyakada. Dubungku Satanangka Godundu babajin yurranka jawun-karranka. Nyulu yurranin milka-bakanka buyunmanka. Nyulu yurrangan ngami-ngami-bunganka ngaykundumun, yala muyarabu diburr ngami-ngami-bungal rubbishmun. |
| 26425 | JHN 7:28 | Jesusangka binal-bungal-bungan Jew-warrandamunbu churchmunbu, nyulu yaykarrdaku yalaman, “Kuda yurra ngaykunku binalkuda? Kuda yurra binal ngayu wanjamun kadan? Ngayuku kari yalaymba kadan; kari, nyubunyinja nganya yungan. Nyulu nganya yungan, nyulu manubajakuda, junkaykuda. Yurra nyungunku binal kari. |
| 26482 | JHN 8:32 | Yurra kukuku manubajaka binalmalkuda. Yinyangka kukubu manubajabu yurranin free-bala-bungalkuda buyun-buyunmun. Yinyamun yurra kari kajaji baja.” |
| 26569 | JHN 10:19 | Yinyaynka kukuku jana bama Jew-warra jawarr-wunan, kuli-kadarin yindu-yinduynku. Jana jawarr-jawarr-wunan nyunguwunku kukuku. |
| 26817 | JHN 16:22 | Yurra yala nyulu jalbu. Yurra milka-bujarda ngayu dunganya. Yamba ngayu yurranin nyajil baja, yurra wawurr-wawurrmanijida. Bamangka yurranin murruji milka-bujar-bungal baja. |
| 26854 | JHN 17:26 | Ngayu ngayku bama yununku binal-bungan. Ngayu yununku binal-bungal-bungal jananin, yundu jananka wawumanka yala yundu ngaykunku wawu. Jana ngaykunji kunamalda.” Yinya kuku Jesusangka Nganjananda balkan. |
| 27003 | ACT 1:11 | Bula yalaman, “Ya, yurra Galilee-warra, yurra wanyurrinku janjanari, kunkun-bal-bal jiri? Godungku yurrandamun Jesus manin, wangkar-wangkar-bungan. Nyulu Jesus kaday baja bubungu. Nyulu kaday baja yalaku nyulu dungan.” |
| 27010 | ACT 1:18 | Judasangka money manin, Jesus milbinya. Nyulu bubu buy-im-bungan yinyamundu moneybu. Kari, nyulu daran, nyungu waral walngajin, julbi-julbi wandarinda. |
| 27112 | ACT 4:21 | Jana maja-majangka bulanin kuli-murubuku milka-bakan baja, bulanin yunganda. Maja-maja yinyilji bulanin punishim-bunganka, bama kuli-kadarinji jananka. Bamangka wubulduku God buyay-manil-manin yinyayinka dingkaranka ngarri ngulkurrmanijinya. |
| 27170 | ACT 5:42 | Jana warngku yindu-yindu bamanda balkal-balkan baja Jesus Christanka. Warngku yindu-yindu jana bama binal-bungal-bungan baja Jesus Christanka, Jew-warrandamunbu churchmunbu yalbaymba, bayanba yindu-yinduymbu. |
| 27201 | ACT 7:16 | Janawundu jawun-karrangka janangan yarkin-yarkin wundin baja Jacobandamunbuku bubunguku Shechemku. Jana janangan yarkin-yarkin bulkajimunbu kuljinga cavemunbu mumban. Ngadiku Abrahamangka moneybu yinya bubu bulkajimunji buy-im-bungan kangkal-kangkalandamun Hamorundumun. |
| 27246 | ACT 8:1 | Yala-yalaku bamangka Jesusamu jawun-karra buyun-damal-daman townbu Jerusalem, bamangka kuli dajin Jesusandamunbu jawun-karranda. Yinyaynka jana Jesusamu jawun-karra ngami-ngamimanda. Jana bubungu yindu-yinduymbu dungarin, bubungu Judea, bubungu Samaria. Yamba jana 12-bala jawun-jawun Jesusamu kari dungarin townmun Jerusalemmun. Jana bundarin. |
| 27310 | ACT 9:25 | Kari, Jesusandamundu jawun-karrangka wujurrbu nyungun wundin jambanga wallbu. Nyulu basketba yalbaymba walan, jana nyungun ngalkalba wallbu karrabu bada-bada-bungan bubungu. |
| 27386 | ACT 11:10 | Godungku 3 times yinya kuku balkan, nyulu sheet minyaji wangkar-wangkar-bungan baja heavenba. |
| 27443 | ACT 13:12 | Nyulu majangka Serguis Paulusangka kunkun-bungal-bungan kukuku Paulungku binal-bunganya Jesusanka. Nyulu wawurr-wawurrman kukuku. Nyulu nyajin miyil-karimanya, Majanda Jesusanda jurrkijin, Christianman. Nyulu jurrkijin Godundu, kukuku Jesusanka. |
| 27546 | ACT 15:35 | Bula Paul and Barnabas yalarrku townbu Antioch bundan. Bula bama wubulku binal-bungan-bungan Godunku, balkan-balkan kukuku Godundumun. Bamangka yindu-yinduynju yalarrku bama binal-bungan. |
| 27552 | ACT 15:41 | Bula dungan bububurr Syriamundurr, bububurr Ciliciamundurr, jawun-karra Jesusamu junkurrji-bungal-bungan Godundumundu kukubu. |
| 27681 | ACT 19:27 | Demetriusangka yalaman baja, “Yinya buyun. Bamangka nguba statue mulkaynji karida buyay-manil baja, ngana money karida manil baja. Juma bama nguba kari kaday baja, statue mulkaynji Diana buyay-maninka nyunguwunbu bayanba. Yinya ngulkurr kari, buyun bajaku. Bamangka wubulduku jalbu Diana buyay-manil-manilda bubungu Asia, bubungu yindu-yinduymbu. Kaki bama Paulundu milka-janay, jana Diananka karida wawumal baja.” Demetriusangka jananda yinya kuku yalaman. |
| 27753 | ACT 21:21 | Kanbalda bamangka jananda kuku jurril balkan yununku. Jana balkan yundu Jew-warra bubungu yinduymbu binal-bungal-bungal jananga law kari wukurrinka baja. Jana balkan yundu binal-bungal-bungal ngawa dingkar yulban kari yakanka yala lawku ngujakuramunku. Jana balkan yundu binal-bungal-bungal kari Moses kuku nyajinka. |
| 27850 | ACT 24:13 | Jana nganya nyuyal-nyuyan, yamba jana jurril-bungal-bungal ngaykunku. |
| 27952 | ACT 27:29 | Jana yinyilmarin, boat kadabanji kulji-kuljinga. Yinyayinka jana anchor 4-bala walay-manin kudamundumun boatmun. Yinyamun jana miyil-kujil-kujin wanja-wanja mudu-wayjunyumunku. |
| 28018 | ROM 1:20 | Jakalbamunnyurr nyikurrku bamangka nyajin wubulku Godungku balkan. Yinyarrinyangka jananin milka-dalkay-manin God junkurrji bajaku, manubajaku bunday. Bamangka God kari nyajin, yamba jana nyungunku binalman, nyulu wubulku balkanya. Yinyaynka jana kari balka, “Ngayu binal kari Godunku.” |
| 28219 | ROM 8:35 | Jesus Christ ngananka wawu jirray. Wanyangka nganangan ngami-ngami-bungal nyungundumun? Yamba-karikuda! Ngana nguba troubleji. Nguba bambaymal. Bamangka nguba kuku buyun balkal ngananka, nguba kuli dajil. Jana nguba kuniwanka ngananji. Ngana nguba dakwuynji, money kari. Bamangka nguba nganangan yarkinkaku kuninka. Yamba Jesus Christ ngananka wuljaljiku wawu jirray. Yinyaynka ngana kari ngami-ngamimal nyungundumun. |
| 28222 | ROM 8:38 | Ngayu binal ngana kari ngami-ngamimal Godundumun, Jesus Christ ngananka wawumanya. Ngana nguba wulay, nguba juranku bunday, yamba Jesus ngananka still wawu jirray. Jana angelangka, or dubu-dubungku nganangan kari ngami-ngami-bungal Godundumun. Kanbalda nganangan nguba buyun-damanka, yamba ngana kari milka-bujarmal nyiku or wunkun. Ngana binal Jesus Christ ngananka wawu jirraykuda. |
| 28461 | 1CO 1:30 | Godungku ngananin Jesus Christanji kuna-bungan. Nyulu Jesusangka ngananin binal-bungal, ngana dukul-ngulkurrku bundarinka. Jesus wulanya, Godungku buyun-buyun kidan nganandamun. Jesus wulanya, ngana Godumu jawun-karraman. Jesusangka ngananin ngami-ngami-bungan buyun-buyunmun, ngana buyun-buyunmun yungajin, ngana nyungun wukurrinka, junkayku bundarinka. |
| 28577 | 1CO 7:22 | Yala-yalaku Godungku yunun kunjan, yundu nguba slaveku bundandan. Yundu Jesusanda mambarrijin, Jesus maja yunuda. Buyun-buyun yunu maja karikuda. Jesusangka yunun ngami-ngami-bungan buyun-buyunmun. Yala-yalaku Godungku yunun kunjan, yundu nguba freeku bundandan, slave kari. Yundu Jesusanda mambarrijin, nyungu slavemaynda. Jesus maja yunuda. |
| 28578 | 1CO 7:23 | Jesus wulan, nyulu mula dajin. Yinya yala Godungku ngananin buy-im-bungan Jesusandamundu mulabu. Ngana nyungukuda. Wawu kari bama wukurrinka baja. Jesusku. |
| 28617 | 1CO 9:9 | Mosesangka ngadiku kabanba balkan, “Kaki dingkarangka bulki manil mayi wheat nyarrinka, mayi ngami-ngami-bunganka yulbanmun, nyulu bulki ngandal kari kaja. Balu kanbal mayi nuka.” Yala Godungku bulkinkaku balkan? Kari. Yalarrku bamanka balkan. |
| 28749 | 1CO 14:3 | Yamba bamangka Godumu kuku balkal, nyulu bamandaku balkal, jananin junkurrji-bunganka, wawu-ngulkurr-bunganka, wawurr-wawurr-bunganka jana Jesus junkurr-murubuku wukurrinka. |
| 28875 | 2CO 1:7 | Ngalin binalkuda, yurra Godundu munaku milka-janjanay. Kuli-bakangka yurranga kuli dajilkuda, yala jana ngalinyanda dajin. Yamba ngalin binal Godungku yurranin wawu-ngulkurr-bungalkuda yala nyulu ngalinyin wawu-ngulkurr-bungan. |
| 28876 | 2CO 1:8 | Ngayku jawun-karra, jana kuli jirray nganjinanda dajin bubungu Asia. Ngalin yurrangan milka-dalkay-maninka yinyaynka kulika. Jana kuli jirray bajaku dajin. Nganjin trouble jirray haveim-bungan, nganjin balu wulan. |
| 28894 | 2CO 2:2 | Kaki ngayu yurranin milka-bujar-bungal, wanjungku baja nganya wawurr-wawurr-bungal baja? Yamba-kari! Kaki ngayu yurranin milka-bujar-bungal, yurra nganya kari wawurr-wawurr-bungal baja. |
| 28944 | 2CO 4:17 | Jana nganjinanga kuli dajil-dajilkuda, yamba yinya kuli juma kunbay. Yinyaynka kulika Godungku juma nganjinin wuljaljiku wawurr-wawurr-bungalarrkuda nyunguwunbu bubungu. Ngana wawurr-wawurrmalkuda, yinya jarra yalbay kulika. |
| 28954 | 2CO 5:9 | Kari. Ngana wawu jirray Maja wawurr-wawurr-bunganka. Ngana nguba wangkar-wangkar heavenba, nguba yalaymba bubungu. Yalada. Ngana wawu jirray nyungun wawurr-wawurr-bunganka yiringkurrku. |
| 29045 | 2CO 10:6 | Yurra Godundu milka-janaykuda, nyungun kari bawal. Yamba kanbal nguba kari Godunduku jurrkiji baja. Kaki ngayu kaday, ngayu yinyarrin ngami-ngami-bungal yurrandamun, jana kari murumarinka baja yurranji. Kaki jana Godunduku jurrkiji baja, balu murumarika baja yurranji. |
| 29085 | 2CO 11:28 | Yamba yinyaku baja kari. Ngayu warngku-yindu-yindu wawu-buyunmal Godundumunku bamanka bubungu yindu-yinduymbu. Yinya yala ngayu junjuy kulngkul jarra-kulbal, wawu-buyunmanya. Ngayu wawu-buyunmal, jana God nguba manubajabuku wukurril, nguba kari. |
| 29111 | 2CO 12:21 | Ngayu yurranda kadanka baja, yinyaynka ngayu milka-bujarman. Kaki yurra kanbal buyunku bundanday, yurra nganya murru-kaday-manil Godundumunbu miyilba. Ngayu yurranka badida, yurra buyunku bundanya, buyun kari bawanya. Yurra ngadiku kalngarman, kaya-kayanguyman. Yurra nguba yinya buyun kariku bawan. |
| 29250 | GAL 5:21 | Jana dambunjimal, kamu-kamu-bakamal janawunbu partynga, jana drunkmal, kalngarmal, kuniway. Kaki bamangka janangaku way wukurril, jana yinya buyun-buyun wubulku wukurril. Ngayu yurranin milka-bakal baja, kaki bama yalaku bunday, nyulu Godumu bama kari. Godungku nyungun kari ngulkurrduku kujil baja. |
| 29309 | EPH 2:13 | Kari. Christ Jesus kadanda, wulanda ngananka. Jesusandamundu mulabu yurrangan yuba-yuba-bunganda kala-kalbaymun Godundumun. |
| 29538 | COL 1:6 | Godundumundu bamangka Godumu kuku ngulkurr yiringkurrku balkan-balkal. Bamangka wubuliynjaku yinya kuku ngulkurr nyajin-nyajil yiringkurrku. Yinyamundu kukubu bama yiringkurrku walu-yindu-bungal, jirakal-bungal, ngulkurr-bungal, yala yinyamundu kukubu yurranin walu-yindu-bungan timemun yurra yinya kuku first time nyajin nyikurrku. Yurra yinya kuku nyajin, ngulkurrku binalman, God wawurr-wawurrku manun-manunmanka ngananka. Yurra Godundu jurrkijinda, jirakalmanda. |
| 29594 | COL 3:10 | Yurra wawuji jirakaljiku bundandayda. Godungkuku yurranga wawu jirakal-bungan. Nyunguwundu Wawubu yurranin wuljaljiku binal-bungan-bungal junkayku bundanka, yala God junkayku bundanday, nyungunku binalmankarrkuda. |
| 29688 | 1TH 4:18 | Yala yurra wawu-ngulkurr-bungawakada yanyuyinka kukuku. |
| 29720 | 2TH 1:4 | Yinyaynka nganjin yurranin buyay-manin-manil Godundumunbu bamanda yiringkurrku. Nganjin balkal-balkal jana kuli-bakangka yurranda kuli jirray yarbarrka dajil, yamba yurra God kari bawal. Kari. Yurra munaku nyungundu milka-janay, nyungun munabuku wukurril. |
| 29765 | 1TI 1:2 | Ngayu yanyu kaban yungal yunundu, Timothy. Jakalbaku ngayu yununin binal-bungan Godunku. Yinyaynka yundu yala kangkalkuda ngayku. Nganjanangka Godungku bula Majangka Christ Jesusangka yunun ngulkurrduku kujil, manun-manunmal yununku, wawu-ngulkurr-bungal yunun. |
| 29766 | 1TI 1:3 | Ngayu ngadiku bubungu Macedonia dungan-dungan, ngayu yunundu balkan townbu Ephesus bundanka. Yundu wanyurrinku Ephesus bundanday? Yinyaymba kanbalda bamangka kanbal bama wadu-waduku binal-bungan-bungal Godunku. Yundu jananin kiri. |
| 29803 | 1TI 3:5 | Kaki pastorangka nyungu family, kangkal-kangkal murruji milka-janay-manil, nyulu yalarrku bama churchmunbu murruji milka-janay-manilda Godundu. |