4	GEN 1:4	Mavadayana igite dedevina, e iuyaone. Imadagi ikavava, mavada be kokonótuya ikiwotaidi, e mavada ituli, kokonótuya ituli.
10	GEN 1:10	Imadagi ikavava, dadavayana sayasayaina ivayoko poyapoya go, bwaeyana ivayoko négwasa. Igitedi dedevidi, e iuyaonedi.
17	GEN 1:17	Iwodugudi ikavava, yábana osasaina goi iyatoidi bei sininínima poyapoya siimavade
28	GEN 1:28	Iwodugudi ikavava, ikaipakuyedi idigo kana, ‘Kosusāila be poyapoya kovakayaodēi, e poyapoyayana koepaisēwe ami dedevina manuna. Nakae íyana, mánuwo be nakae kaga liliuna maa yawoidi poyapoya goi sidaladala kokaliibubūdi.’
38	GEN 2:7	E amo tutayana Yauwe Yaubada poyapoya kaukauna ikabi, koroto imolului. Imolului ikavava, kubuna goi yawoina isalauwe, e korotoyana maa yawoina.
39	GEN 2:8	E Yauwe Yaubada alova tanuina tayamo Ideni goi ikatubayasi, moe bomatu dadavina. Amoko goi korotoyana bogina iiwodugu iyato.
40	GEN 2:9	Iyato go, alova liliudi neta adi kaigigita dedevidi be nakae keuwoidi adi káika dedevidi ilovinaedi poyapoya goi sitabo. Ego tanuwoyana nauyayanaina goi alova aiyuwo sikaaiyaka, tayamo neta tomota sikani, e yawoidi vata sibabane. Ago tayamo neta tomota sikani, e dedevina be goyo adi nanamsa siyagoidi.
41	GEN 2:10	E sákala tayamo Ideni goi idaudau tanuwoyana ivakaanapoive. Sakalayana Ideni goi isowóduwo iwotai, e sákala aivasi sidau.
46	GEN 2:15	E korotoyana kina Yauwe Yaubada ikabi, tánuwo Ideni goi iyato bei ipaaisewa Yaubada umana be nakae tanuwoyana imataakavate.
47	GEN 2:16	Iyato ikavava, ina lovina ivini idigo kana, ‘Alova keuwoidi madabokidi tánuwo goi atagonem kukanidi
50	GEN 2:19	E tuwo poyapoya ikabi, yoguyogu be mánuwo liliudi iwodugudi. Iwodugudi ikavava, imedi korotoyana yaina. Latuwona iyagoi korotoyana manakaena bei tamo tamo ivayoudi. Neta ava you iivinidi, e moe yoidi.
52	GEN 2:21	Tauna korotoyana matamasimasisi gagaina kina Yauwe Yaubada ivini ikanamatáiya. Ikanaamatáiya go, korotoyana silalumina tayamo ikabi, íwaya iyato, silaluminayana kiyauna ivasumapu.
53	GEN 2:22	Ivasumapu ikavava, silaluminayana ikabi, vavina iwodugu. Iwodugu ikavava, ikabi ime korotoyana yaina.
57	GEN 3:1	E moteta tonuwosinapu gagaina. Nakae woiwoi madabokidi Yauwe Yaubada iwoodugudi ikalisavedi. Tauyana ima vavina ilatuwoko idigo kana, ‘Iyaa! Moitamo Yaubada idigodigo bego alova keuwoidi madabokiidi tánuwo sinaena taabu kookanīdi, ae?’
62	GEN 3:6	Tuwo vavinayana ikandolaga alova keuwoina igite bego ana kaigigita dedevina. Aiyuwoina nakona ana káika dedevina be ana kaikayana goi itoboine nanamsa ibabane, tauna iyale. Tuwo moitamo keuwoina tayamo iguwe, e ikani. Ikavava, monena nakae tayamo ivini ikani.
69	GEN 3:13	Tuwo Yauwe Yaubada vavinayana ilatuwoko idigo kana, ‘Iyaa! Kaga unana moe nakae kuguinuwe?’ ‘Moteta ikatubaugu, akani’, vavinayana kaena.
72	GEN 3:16	E vavinayana ilatuwoko idigo kana, ‘Im venátuna ana gedageda bei avaituwe gagaina, tauna mam gedageda natumowo kuvenatunidi. Im yala bego monem kulovinae go, tauyana bei ilovinaem.’
76	GEN 3:20	E korotoyana monena tomota liliudi unadi, tauna ivayou Ivi.
78	GEN 3:22	E Yauwe Yaubada idigo kana, ‘Iyaa! Tomotayadi bego kita nakae, dedevina be goyo siyagoidi! Tuwo tasanabodēdi bei geya itoboinedita yawana vata alovaina keuwoina sikabi, govila bei sikani sikaiyako vata!’
79	GEN 3:23	E tuwo moitamo tánuwo Ideni goi ivalilivedi sina go, Adama poyapoya goi bei ibágula. Ego amo poyapoyayana goi boi Yauwe koroto iwodugu!
80	GEN 3:24	Tuwo ivatapiyedi ikavava, e tanuwoyana Ideni ana kaba siu goi moe bomatu dadavina yábana ana tomatakavatayao iyatoidi. Tayamo sisi yeu sabeninimina iyato go, sisiyana ikaivivilo bego aba siu itubode. Moe dogoiyadi iyatoidi bego geya vatau tayaamo bei tanuwoyana goi isiu ina yawana vata alovaina keuwoina ikabi, ikani.
81	GEN 4:1	E kina go Adama monena Ivi taiyao simasisi, ikéuwama go, niga ivenátuna, natuna koroto. Tuwo idigo kana, ‘Yauwe ina vaita goi natugu bogina ababane.’ Tauna natunayana ivayou Keni.
84	GEN 4:4	E kina go Ebeliyana nakae ina vininabeso moe sipi bonatudiyao botomoya be saabalidi, e ikaumatedi. Ikavava, imedi Yauwe yaina ikasaledi. Yauwe igitedi, e Ebeli be ina vininabesoyadi iuyaonedi
93	GEN 4:13	Go kina Keniyana idigo kana, ‘Iyaa! Guna liuna moumou ivakaigaga yaigu! Geya itoboineguta atogaga.
96	GEN 4:16	E Keni itaoya Yauwe matana goi isowóduwo ina asa yoina Nodi; moe Ideni bomatu dadavina.
98	GEN 4:18	Ago Enokiyana natuna koroto Iradi. Iradi natuna koroto Mekuyaeli. Mekuyaeli natuna Metusaeli go, Metusaeli natuna Lemeki.
108	GEN 5:2	Tomotayadi koroto be vavina iwodugudi. Ikavava, ikaipakuyedi go, ivayokoidi tomota tutayana iwodugudi.
144	GEN 6:6	Igitedi, mana nuwomou ina madágina manuna nuwona ikatuvilavila, e pasina mana kategeda gagaina gamona igoyo.
193	GEN 8:9	E bunabunayana iyovayova go, bwae nava poyapoya ana madabokina iilatao, tauna geya itoboineyeta itowo. Tuwo ikaluvilamna ima dedeoga goi Nowa nimana iyosale bei bunabunayana itowo. Itowo go, Nowa ivaisiu dedeoga sinaena.
195	GEN 8:11	Ina go, lavilavi ikaluvilamna ima dedeoga goi go, oribe vagana iikatupe. E vaganayana Nowa igite, bogina iyagoi bwae bogina isou gagaina.
203	GEN 8:19	Kaga liliuna maa yawoidi, nakae kaga liliuna sidaladala, mánuwo liliudi nakae sisou. Idi souyana goi moe yoguyogu ituli ituli.
204	GEN 8:20	E Nowa dídiya ikaudakodako, aba kasala iwodugu Yauwe ana wowoina manuna. Iwodugu ikavava, yoguyogu taagonaidi ituli ituli be mánuwo taagonaidi ituli ituli maniyedi ikabidi, aba kasalayana yatana goi ikailagasidi igabudi ivakasavedi. Moe ina vininabeso ikasale Yauwe yaina.
210	GEN 9:4	Go íwaya ma ikaikaidi taabu kookanīdi! Ikaikayana moe yáwana ana kaba kaiyaka.
240	GEN 10:5	Ame tauyadi goi boda sisusáila go, négwasa kikina be nakae simla situgidagidalidi, e silokasa. Idi lokasayana goi niyadi ituli ituli, adi dala ituli ituli be nakae idi kaba lovina ituli ituli.
241	GEN 10:6	Em natunao koroto ame nakae: Kosa, Itipita, Libiya be Kenani.
246	GEN 10:11	Amo asayana goi ina Asiriya. Amoko goi asa yoidi Ninivei, Rekobota Ira be Kela ilokasa.
248	GEN 10:13	Kina Itipita tubunao ame nakae: Da Luda, da Anam, da Lavi, da Napatuki,
252	GEN 10:17	da Ivai, da Araki, da Sini,
256	GEN 10:21	Semi, tauyana ana gómana Diyepeta, nakae isusáila, natunao badabadaidi go, tauyana tubuna tayamo yoina Iberi. Tauyana tubunao badabadaidi.
259	GEN 10:24	Arepakasadiyana natuna koroto moe Selaka go, Selakayana natuna Iberi.
260	GEN 10:25	Iberiyana natunao koroto adi taiyuwo. Tayamo yoina Pelega unana amo tutayana tomota da poyapoya madabokidi sisapa, tauna yoina Pelega. Natuna aiyuwoina yoina Iyokitani.
261	GEN 10:26	Iyokitaniyana natunao koroto ame nakae: Alimodadi, Selepa, Kasaramaveta, Yeraka,
264	GEN 10:29	Opira, Kevila be Yovava. Ame tauyadi Iyokitani natunao.
270	GEN 11:3	Silokasa, sidigo kadi, ‘Tawou, vaega taodugudi paaevaidi be kalabadaabadaidi. Ikavava, tagabudi sikasa.’ Tuwo moitamo nakae siguinuwe. Kidi amo dadavayana goi gurewa paaevaidi geya, tauna adi vaboda moe vaega aiigabudi! Kidi simenti geya, tauna adi bwada moe taa!
273	GEN 11:6	Igitedi, idigo kana, ‘Iyaa! Kaga tuwaina bei siguinuwe? Tauyadi boda tayamo be nakae niyadi tayamo. Tauna neta ame vadayana silukavave, e kaga neta latuwodi, itoboinedi siguinuwe.
281	GEN 11:14	E Selakayana ana tala ana badabada teti (30) tutayana natuna koroto Iberi ibíbina.
282	GEN 11:15	Iberi ana bíbina mlina, Selakayana ikaaiyaka tala ana badabada poa andedi teri (403) tuwaina. Ego amo talayadi goi natunao koroto be vevina liliudi sibíbina.
283	GEN 11:16	E Iberiyana ana tala ana badabada tetipoa (34) tutayana natuna koroto Pelega ibíbina.
284	GEN 11:17	Pelega ana bíbina mlina, Iberiyana ikaaiyaka tala ana badabada poa andedi teti (430) tuwaina. Ego amo talayadi goi natunao koroto be vevina liliudi sibíbina.
296	GEN 11:29	E kina Eberam inai, monena yoina Serai. Nakori inai monena yoina Milika, tauyana Arani natuna. Ego Arani natuna aitonina yoina Isika.
309	GEN 12:10	Sikaiyaka aaa, e Kenani goi loga isowóduwo. Logayana gagaina, tauna Eberam kidi sitaoya sina Itipita goi bego sisuvadavada; loga ana kaba lukavava situyaosi.
310	GEN 12:11	Ego tutayana Itipita goi sivakakana, e monena ilatuwoko idigo kana, ‘Serai, kunōve. Kom vavina gumaboim.
311	GEN 12:12	Tutayana Itipita korotoidi sigitem, bei sinuwonúwana kadi, “Ame vavinayana Eberam monena.” Tuwo bei sikaumategu go, kom sem maa yawoim sikabim.
313	GEN 12:14	E tuwo moitamo tutayana Itipita goi sisiu, Itipita korotoidi sikandobala Serai sigite idi nuwonúwana kadi, ‘Amo vavinayana gumaboina toina.’
314	GEN 12:15	E Pero ina topaisewayao adi tovakumgoyao maniyedi sikandobala Serai sigite, tuwo sina Pero silatuwoko sidigo kadi, ‘Ima tomoya, vavina tayamo kagite, tauyana gumaboina toina.’ Tuwo Pero ina lovina goi sina Serai sikabi sime Pero ina vada goi. Idi nuwonúwana bego Serai moe Eberam niuna.
319	GEN 12:20	E Peroyana ina topaisewayao ilatuwokoidi idigo kana, ‘Eberam kidi konavēdi kovalilivēdi bei Itipita sikalave.’ Tuwo Eberam ma monena be nakae ma konana madabokidi asa sikalave.
320	GEN 13:1	E Eberam ma monena, ina bodao liliudi be Loti taiyao sitaoya, Itipita sikalave go, sikaluvilamna sina Negevi dadavina.
329	GEN 13:10	Tuwo Lotiyana imatavilavila Iyoridani butumina madabokina igite poyapoya dedevina, nuugusina. (Amo tutayana Yauwe Sodoma be Gamora nava geya imtulidita.) Poyapoyayana ana kaigigita Yauwe ina tánuwo o nakae Itipita ina Sowa poyapoyaidi nakae.
330	GEN 13:11	E Lotiyana imatavilavila go, idigo kana, ‘Latuwogu bomatu dadavina, moe Iyoridani butumina.’ Tuwo moitamo itaoya ina bomatu dadavina. Moeko goi Eberam be Loti situmasaba.
331	GEN 13:12	E kina go Eberamyana Kenani goi ilokasa go, kina Lotiyana ina asa Iyoridani butumina goi Sodoma kikina ilokasa.
335	GEN 13:16	Im boda bei akisailidi badabadaaidi! Nakae geya vatau tayaamo itoboine ikatuyaividi.
342	GEN 14:5	E tala yawou aivasina goi, kidi Kedolaomera tolovina adi taivasi taiyao silamgógana go, idi kasa sikalavedi sinonoina Sidim butumina. Sinonoina, e asa Asiterota Karanaim goi sisowóduwo, e todukeketayao sikaumatedi. Ikavava, sina asa Em goi Susim tubunao sikaumatedi. Ikavava, sina asa Sava Kirayataim goi Emim tubunao sikaumatedi.
343	GEN 14:6	Niga sina Seira koyaina goi Kori tubunao sikaumatedi. Ikavava, sina Eli Parani yoyowo goi sikaaiyaka.
344	GEN 14:7	Niga sina Eni Misipata goi moe youyuwoina Kadesi, e Amaleki tubunao sikaumatedi. Ikavava, sina Esasoni Temari goi Emori tubunao sikaumatedi.
350	GEN 14:13	Sinavedi go, koroto tayamo isiya ima Eberam, tauyana Iberiu, ilatuwoko idigo kana, ‘Eberam, Kedolaomera ma senao sina Sodoma tomota silauidi go, am gómana natuna Loti siyoisi, sinave.’ Ego amo tutayana Eberam ikaaiyaka koroto tayamo yoina Mamre ina kalova gagaidi goi. Mamreyana Emori tubuna go, senao Esikoli be Aneri. Ago adi taito Eberam taiyao silamgógana; latuwodi Kedolaomera ma senao idi tovayaviyayao sivatapiyedi.
354	GEN 14:17	E Eberam Kedolaomera ina tovayaviyayao be senao idi tovayaviyayao ilauidi ikavava, ikaluvila ina ina kasa. Inonoina, Sava Butumina goi Sodoma adi tolovina ima ivalobode. Savayana ana yagoina moe Tokalibúbuna Butumina.
357	GEN 14:20	Yaubadayana aba yapali! Im kaleyayao goi iyavem be nimam goi iyatoidi.’ E tuwo Eberam ina kaleyayao konadi liliudi bogina ikabidi iwotaidi aiguyau ana badabada yawou go, aiguyau tayamo ikabi Melikisedeki ivini.
358	GEN 14:21	Ivini ikavava, e da Sodoma adi tolovina idigo kana, ‘Eberam, kónana kom toinim kwabīdi go, tomota boi siyooisidi yau kuvinīgu.’
371	GEN 15:10	Tuwo moitamo ina yoguyoguyadi ikabidi imedi Yauwe yaina go, ikaumatedi. Ikaumatedi ikavava, iboboyuwedi, dadava dadava iyatoidi. Ago mánuwo geya iboboidita.
372	GEN 15:11	Iyatoidi ikavava, mánuwo gagaidi sisou sima bego yoguyoguyadi sakavaidi sikabidi sikanidi go, kina Eberam ivatapiyedi.
379	GEN 15:18	E amo maliyalinayana goi Yauwe ikanasíuna Eberam yaina idigo kana, ‘Eberam, akatótula bego im boda poyapoya ame bei avinidi. Poyapoyayana ana túwana ame nakae: Itipita ina sákala gagaina Yuparetisi.
383	GEN 16:1	E kina go Eberam monena Serai nava geya ivenatuneta go, tauyana mana pákwana tayamo Itipita vavinaina yoina Ega.
385	GEN 16:3	Eberam bogina tala ana badabada yawou Kenani goi ikaaiyaka, e Serai ina pákwana Ega guma Itipita ikabi, Eberam ivamonene.
389	GEN 16:7	Isiya ina doelu tayamo asa Sura kenaoina goi ikaaiyaka. Go Yauwe ina anerose tayamo ima amoko goi Egayana ibabane.
390	GEN 16:8	Ibabane, e idigo kana, ‘Ega, Serai ina pákwana, nako kuma? Bei nako kuna?’ ‘Guna towosi Serai matana goi asiya’, Egayana kaena.
393	GEN 16:11	Tuwaina idigo kana, ‘Ame tutayana kukéuwama gobe kuvenátuna, natum koroto. Yauwe im kaiyakomou bogina igite, tauna natumyana bei kuvayou Isimaeli.
395	GEN 16:13	Tuwo Egayana idigo kana, ‘Iyaa! Yauwe bogina agite go, geya akamaseta.’ Tuwo Yauwe ivayoko Yaubada Togita.
397	GEN 16:15	E tuwo Ega ivenátuna, natuna koroto. Moe Eberam natuna, e ivayou Isimaeli.
398	GEN 16:16	E kina go Eberamyana ana tala ana badabada eitisikisi (86) tutayana Ega natudi Isimaeli ivenatuni.
399	GEN 17:1	Tuwo Eberam ikaiyaka aaa, ana tala naintinain (99) ibabane, e Yauwe isowóduwo yaina, idigo kana, ‘Yau Yaubada Tokalika. Im ketoiya madabokina goi kwabikaonēgu go, tuta liliuna im guinuwa goi geya am pikwanāmo.
415	GEN 17:17	Tuwo Eberamo aena ivatugúyala ikanakabobo go, ivanama; ina nuwonúwana kana, ‘Yau guna tala tayamo andedi (100) go, Sera ana tala naintinain (99). Manakae? Itoboinema kavenátuna?’
416	GEN 17:18	Go tauyana Yaubada ilatuwoko idigo kana, ‘Neta im kaipaku isowóduwo natugu Isimaeli goi! Sera ikágala, tauna kaga liliuna kukaatotule yau yaigu, nakona natugu Isimaeli yaina kuguinuwe.’
418	GEN 17:20	E kina go Isimaeli manuna, im kawanoi bogina anove, tauna kunōve. Moitamo tauyana nakae bei akaipakuye. Bei akisaili gagaina, e natunao badabadaidi. Nakae natunao be tubunao akisailidi, e badabadaidi sisowóduwo. Tauyana natunao koroto adi badabada yawou aiyuwo go, tauyadi tokalibúbuna. Niga be tubunao moe boda tayamo gagaina.
421	GEN 17:23	E tuwo Eberamo itaoya ina natuna Isimaeli be koroto madabokidi neta ina vada goi sibíbina be nakae ina pakonayao boi ina mani goi igiimonedi ikabidi, e ame maliyalinayana goi madabokidi sakavaidi ikupoidi nakae Yaubada idige.
423	GEN 17:25	Natuna Isimaeli ana tala ana badabada tetin (13) tutayana sakavaina ana kúpwana ibabane.
424	GEN 17:26	Ame maliyalinayana goi Eberamo be natuna Isimaeli sakavaidi sikupoidi.
426	GEN 18:1	E tuwo Eberamo nava asa Mamre alovaina gagaidi goi ikaaiyaka. Go tuta tayamo dine goi ituwodo ina yoyou parai totomna goi itusobu ikaaiyaka. Ikaaiyaka, e Yauwe isowóduwo tauyana yaina.
427	GEN 18:2	E Eberamoyana ikandobala koroto adi taito igitedi sitataoya. Igitedi, ina yoyou parai totomna goi isowóduwo, woilina ibala ina ikauyagu yaidi goi, e aena ivatugúyala, ikanakabobo.
429	GEN 18:4	Kutagōna bego guna pákwana ina bwae itege ime aemi adi níkina manuna. Ikavava, ameko alova unana goi kowaiwasi
432	GEN 18:7	Ilatuwoko ikavava, Eberamo ilokoina ina tayamo bulumakau bonatuna dedevina ikabi, ikaumate. Ikaumate ikavava, ina pákwana ivini. Tauyana ikabi ina ivaipolu.
433	GEN 18:8	Ivaipolu ikavava, Eberamo itaoya, bonatunayana ikabi, koroto adi taito ivinidi. Nakae bulumakau nununa itege ivinidi sinim be nakae nununayana maniyena ikule ivinidi. Tauyadi sikakáika go, Eberamoyana kikidi alova unana goi itataoya.
437	GEN 18:12	E tuwo Yauwe ina livala inove, tauna ivanama; ina nuwonúwana kana, ‘Ii, yau bogina akainamoya go! Monegu nakae ikaitomoya go, manakae? Masisi ana uyáwana bei alotowomnei?’
450	GEN 18:25	Go moe geya nakae im sinapu geya. Iyaa! Neta toogoyoidi tokibóbwata taiyao kumtulidi, moe ana kaigigita tauyadi matam goi sivavasa. Ago kom kai da poyapoya ama totakínona; itoboinem kutakinona vavasa ae?’